الارهابي وذات النقاب

البارت ١٦

الارهابي وذات النقاب
بقلمي ام غايب
البارت١٦

انجبرت بدنيه بيهه الجرح مفضوح
حسره بكلبي ياهوه ايجرهه موال
ويفسرهه عدل ويبديهه بجروح
انه طين وجرح مخبوط ياناس
اذا طاب الجرح يبقى النقص روح
بكل ال احوال انه مديون للضيم
وهي سفره عمر مجبور اذا اروح
✍🏻#سيف_عادل

شفت بنيه شابه وبحضنهه طفله من شافته كامت بسرعه وتبتسم

هلو بابا تدري ليونه من طلعت كامت تبجي عليك
باوعت بصدمه .....بابا ....احس الدنيا افترت بيه لعد شلون يكول ماعندي اطفال ....اخذ الطفله من البنيه شالهه وكام يبوس بيهه

-حبيبة جدو تبجين عليه ودار عليه  لان البنيه بقت تباوع عليه
سألهه ......وين عمتج

-فوك نايمه ....منو هاي بابا
فلك-اني مثل المضروب براسه كلشي مكاعد افتهم والخوف تملك گلبي

حسين-فلك زوجت وهاي زينه بنتي
فلك تعالي ورايه

فلك-عاف البنيه بصدمتهه اني هم  مصدومه دخلت ورا ....الغرفة مكتب مبينه غرفته وهو مبين شخصيه  واكيد بيت مثل هذا بي هيج غرفه جنت اريد اصرخ واحجي اختنكت شديصير ماافهم
-انت مو كلت ماعندي اطفال ....وهاي بنتك ماشاء الله بكدي 

كعد على مكتبه وجاوبني  جان من يحجي بهدوء كلش

حسين-اخويه اجو للدنيا تؤم بنات زينه وقمر  متشابهات بكلشي  حباً بيه انطاني   وره ٤سنوات توفت قمر
حتى بوقتهه توقعنا زينه هم راح تموت بس الحمدلله والشكر  الله محرمنا منهه ...بس اضطريت ارجعهه الهم
لان تأذوا بفراك قمر مع العلم رفض بس اصريت

يعني خلي ببالج هنا بهذا البيت زينه بنتي هم  ..
انت هنا راح تبقين معززه مكرمه  بس لازم انبهج  لان مااحب اعيد الكلام

الاذن الطرشه وممنوع تتدخلين بأي شي نهائي
وابد  لتنسين زواجنه مؤقت وعلى اتفاقيه   مو زواج عادي  مجرد تجيبين الطفل وراهه تنسين كلشي المده الي راح تبقيهه هنا والاتفاق  وحتى اسمي تنسي وتطوين المده هاي من حياتج وتعتبري مصاير وهسه تعالي وقعي

فلك-باوعت على شنو
حسين-على الاتفاق اني انطيت فلوس وبعد راح انطي
فلك-باوعت علي  .....احس رجلي ثبتت بمكانهه مااكدر احركهه شلون اوقع مااكدر مااعرف اختنكت حيل
جان السؤال بطرف لساني ...اكدر اتراجع

بلعت ريجي  تخايلت بابا كبال عيني مااكدر اضحي بي بهذا عمره ....اتخايله مشمور بالشارع ماعدنه بيت يلمنه
اني مو مشكله عادي عندي بس مااتحمل اشوف ابويه بهذا عمره نايم بالشارع ويموت كبالي

صح هو شبه ميت بس انفاسه وياي تحسسني بالامان
احس بعدني عندي سند ...وبالي يمه رغم ماااعرف عمو ميكدر يسويله هسه شي ....لان  اذا يصير بي شي اتراجع اني .وتروح عليه اول دفعه من بيعتي

شلت نقابي عن وجهي ولزمت القلم
تخليت باصعب اختبار وهو بين راحة ابويه وبين طفل راح ينبت باحشائي تقدمت بخطواتي .......ردت اوقع سحب الورقه

حسين-قبل لتوقعين مصار ساعات من سلمت عمج قسم من الفلوس ....مااريد اخوفج بس اللعب وياي صعب....خاف الج نيه تلعبين

فلك-اعرف كلش زين الي كاعد اسوي ....واني ماعندي غير هذا الاختيار .. اذا تراجعت تجيب ابويه يمي
اني مااوقع هاي الورقه ....ابويه عندي اهم من كلشي بهاي الدنيا ....حتى اهم من الطفل الي راح يصير ببطني اذا الله راد

حسين-واذا توفه ابوج  ...باوعيلي اني مااعرفج ولا تعرفيني ومااريد اخوفج ....اذا بيوم من الايام بعدين تسببيلي مشاكل امحيج من الدنيا

فلك-وفاة ابويه متغير شي الاتفاق اتفاق
جنت احجي بقوه بس داخلي متحطم وصعب عليه هذا الشي وماعندي غير هذا الاختيار  عمي يسويهه ويموت ابويه من غير اذا حميته من عمي الشارع يأذي صعب من كل الجهات .....لزمت القلم ووقعت وبكل حرگة كلب واني اوقع وبداخلي غل وحقد على ميمونه كلت
عساج متتهنين ولا يوم بحياتج يا ميمونه .....اكرهج

الاول مره بحياتي اكره احد  واول  شخص اكرهه جان يعنيلي الدنيا كلهه وقطعه مني وهيه ميمونه

بقه يباوع عليه مااعرفه الهذا الانسان بس كل انسان اول ميشوف انسان تنطبع فكره بعقله ....على الشخص المقابيله .....حسيته انسان بلا احساس ولا ضمير

حسين-جيد
كام من الكرسي وفتح الباب اني بقيت واكفه بالغرفه بمكاني .....ودمعتي مسيطرت عليهه وكل ما تنزل دمعه امسحهه  بنقابي

غمضت عيني واني اتخايل طفل بيدي انطيهميا ....يوجع الفقر حيل وميمونه كسرتنه ....لو مو سوايتهه جان كلشي مثل ما هو اخدم واكعد جوه رجلين بس لابيع قطعه من روحي ولا ابيع ابويه

طلعت من المكتب جانت الطفله بالكاع وزينه
البنيه المربيهه بالمطبخ ماادري شكاعد تسوي
واني ممفتهمه شو دخلني هنا خلاني اوقع واختفه
ماادري شسوي باوعت على الطفله ورحت باتجاهه دنكت عليهه ......لزمتهه من ايديهه ....يعني اني راح اعوف هيج طفل واروح صعبه والله

استصعبتهه ....واني مااعرف الشعور ومماره بي قبل
جابتلهه زينه ماعون مخليتلهه بي جبس خلته كبالهه
اني رأساً كمت

زينه-شسمج انتِ
فلك-فلك .....بقت تباوع عليه بطرف عينهه

مااحس اله انفتح باب طلعت منعدنه مره  بس ماشاء الله مو مره من الحسن الشايلته جبيره صاحبة جسم متروس وطولهه وسط  لابسه دشداشه مدلعه وبيضه بياض على حمار يعني اني بيضه بس بياضي على صفار   فاتحه شعرهه ولونه  بلون الرمان تقريباً وصاحبة خدود
عيونهه صغار وساحبتهن بكحل شويه  وشويه مبينه التجاعيد يم عينهه وشفتهه  ممتلئه وورديه وجانت مبينه باجيه عيونهه بيهه غرغره
ووراهه طلع حسين  تقربو عليه اثنينهم  اني معرفت شلون اسلم وبگلبي من اباوع عليهه اكول حقه يحبهه على هذا الجمال يمكن هيه جبيره مثله بس ممبين عليهه ماشاء الله

حسين-ورود هاي فلك البنيه الكتلج عليهه
فلك-بس اول مشفتهه باوعت عليه بعدهه دنكت ولا خلت عينهه بعيني

ورود-اهلاً  عيني اهلاً ......زينه ماما حبيبتي شوفي ...فلك غرفتهه ....فوك غرفتج وسكتت ...انتِ وابو علي

وطلعت من الهول راحت للمطبخ رأساً
  مااعرف احساسي بهاي اللحظه شنو ...

زينه-تعالي فلك خل اشوفج الغرفه
صعدت وياهه غرفة نوم بيهه جربايه ام النفرين وكنتور طلاقتين بس  .....وهيه شكبراتهه 

زينه-هاي غررفتج اكيد بابا كلج متتجرلين براحتج ...هاي غرفة نوم يمكن باحلامج كلهه مشايفتهه

فلك-باوعت عليهه ...تره اللساني هم طويل واكدر اجاوبج بس مراح اجاوبج

زينه-اكول عيني اللسانج ضمي احسلج  ....لتخلين راسج براسي

فلك-باوعت هاي شبيهه والله ياربي عفتهه ورحت للجربايه نزعت عباتي وبوشيتي ....بقت تباوع عليه وبعدين صاحتلهه ورود

ورود-زينه وينج زينه
زينه-هيااااتني ماما جيت
كعدت عل جربايه ....اباوع على الغرفه محبيتهه ابد احسهه تخوف مع العلم جدرانهه  مصبوخه والجربايه حلوه وحتى مخليلهه فرشه ....بس محبيتهه
بقيت بالغرفه بال٣ساعات  افكر شوكت يجي بابا شيخلص اليوم وباجر ...مااحس اله انفتحت الباب درت وجهي بسرعه على الباب وعدلت روحي وكمت

بقه بالباب واني ارتبكت حيل
سد الباب ودخل خفت حيل .....دنكت راسي
صارت رجفه بجسمي ....بس لا بس لا ارد بهالكلمات  بداخلي واحس نفسي اختنك

تقرب اكثر رجلي صارت بيهه رجفه باوعت بخوف
وهو يباوع عليه هم

حسين-فلك  تعرفين لازم اتقرب منج ....لتخافين مني ما أذيج ....واتمنى  ميتأخر الحمل وبسرعه يصير .....حتى منضطر ...عن نفسي

باوعت علي متحملت متنزل دمعتي
بقيت واكفه وهو هم واكف مااعرف المطلوب مني شنو تقرب اكثر مني جنت لابسه دشداشه جوه عباتي اول مره اللبسهه كل مره اللبس بنطرون بس مااعرف لبست دشداشه ومستوره

فلك-تقرب يمي اكثر وهو احسه هم حاير ومثل المضطر
حسين-ممكن  تنامين
فلك-شلون يعني
حتى النومه معرفت شلون الواحد ينام من الخوف والارتباك
حسين-نامي طبيعي  شلون متنامين

باوعت علي وخرت الغطه لان جان لحاف مفروش على الجربايه نمت وغطيت روحي ودرت وجهي عنه

مااحس اله  حسيته دخل للفراش  الخوف زاد اريد اكله اني تراجعت شحيسوي بيه مااكدر ابد ......وتغطه  واني مثل المخروعه قربت الغطه على وجهي مد ايده على جتفي فزيت  وهيه فزه وهيه بجيه
اخااااااااااااف. وبجيت
كعدت على حيلي بطلتتتتتتت ماريدددددد والله

حسين-فلك المسأله مو لعب خلصيني بسرعه وخله ايده على جتفي ...ويحبني بهدوء رجع نومني

غمضت عيني بقيت اتذكر نذالة عمو عامر من يكلي اكتل الطفل والوحوش الي تريد تفترسني بسبب يمعتنا الي دمرتهه ميمونه حتى اقوي نفسي واتقبل الي حيصير بيه

مباوعت علي رفع دشداشتي .....بدون اي مقدمات ......
صرخت من الوجع سد حلكي بيده  توجعت حيل كمت ابجي ....الى ان وصل للي يريده
شكد كرهته وكرهت نفسي بهاللحظه مفتحت عيني ابد  وكمت ابجي  حسيت بجسمه من عنق جسمي ....انسان مااعرفه ومااحبه وفوكاهه بكد ابويه تقريباً
جان فوكايه 
حسين-لتكومين رأساً

فلك-بقيت مغمضه عيني  الحد ماطلع مااعرف اخاف افتح عيني .....والخنكه مااعرف اوصفهه النفس حيل حيل ضاك

بعد ما فتحت عيني بجيت بصوت مسموع حبسته بالمخده ...... هاي جانت البدايه ....بداية رحلتي بالاوجاع والهموم

توني كمت مااكدر امشي باوعت الفرشه بيهه قطرات دم
كمت مااكدر امشي من الوجع كعدت رجع انفتح الباب

حسين-فلك  موجوعه مو
فلك-هزيت راسي بـ أي
حسين-هاي مسأله عاديه  اي بنيه هيج 
وكلي انت اكيد محد معلمج علمني شلون اسبح هم وشردد  اثناء ما اسبح   وراد يطلع

حسين-تعودي بالجديد على الحياة ونزلي جوه طبيعي
وخاف ورود تحجي عليج او شي مشي الامور طبيعيه مااريد مشاكل

باوعت علي ....وهزيت راسي طلع بقيت اباوع على الباب
وراهه كمت سبحت ونزلت البيت هادئ ورود زوجته مطلعت من الغرفه وزينه بس تباوعلي باحتقار و....... مااعرف وجودهه شنو هنا وسببه واكو طلفله عدهه مااعرفهم ولا واحد اعرفه بعدني ومااعرف نظام حياتهم شنو ومكدرت اكل شفتهم محد طلع صعدت للغرفه طلعت موبايلي واتصلت على خاله

ام قاسم-الووو فلوكه ....شلونج حبيبتي بالي يمج ومكدرت اتصل لان مااعرف الوضع

فلك-بس سمعت صوتهه بجيت
ام قاسم-خوما صار شي مو زين اكيد مرته لعبت بيج لعب
فلك-لا اصلاً بس سلمت وبعد مشفتهه بس اشتاقيتلكم بابا شخباره عمو يمه
ام قاسم -لا راح عمج واني وقاسم راح نبات ببيتكم  كال مااكدر واتحملو بس هاليومين والله اني ماعندي مانع ابوج احبه وهو مثل اخويه لتخافين حبيبتي

فلك-خاله لازم تخليله مغذي بليل انطيت الراجيته ال عمو
ام قاسم-ياالل مجاب عمج ولا دوه ولا شفت راجيته
فلك-صدك يحجي استغفرررر الله هسه اتصل علي
حركت دمي حيل خابرت على عمو  مجاوبني رجعت اتصلت  راد يخلص الاتصال يالله جاوب

عامر-الووو
فلك- ليش متجاوب وليش مجايب علاج ابويه
عامر-منطيتيني فلوس
فلك-كتلك من الفلوس الي انطاهن الك صديقك البعتني اله الايجار وعلاج ابويه  واعرف منطاك بس ٣ملايين اعرف ٦ماشي واني بمزاجي محجيت اكدر اكبه هسه مينطيني من الفلوس ماشي اذا هسه متروح تاخذ علاج ال ابويه اكلب الدنيا

عامر-ولج صوتج لتعلي اجي افرك حلكج فرك ساقطه
انت واختج ال........ ممتربايات

فلك -ودددي الايجار وعلاج ابووويه
عامر-افتهمت افتهمت شخبصتينا ....وبعدين مناسي اني ماكو صيدليات شفتي ...شفتي شلون تضلميني
اكلج اني كاعد افكر أأجر بيتكم ليش متبقين ابوج اني اهتم بي

فلك-لاااااا اصلاً اني هنا علمود ابويه اريد اطلعه من ذيج الخيسه والقذاره

اعرف يريده حتى طستغلني بي ممكفياته ال ٦ملايين يريد يسحب اكثر اعرف نيته الي يبيع دمه ولحمه كلشي يطلع منه 

كمت طلعت من الغرفه
احنه شنفرق عنهم ليش ماعدنه بيت بيتنا صغير ومتروس رطوبه وهم ننطرد منه وناس عايشه بقصور شنفرق الفكر والعوز متنه منه
صرت جوه رجلين القذرات ويتأمرن عليه علمود لكمه لو حنت كوه اجمع ونصرفهه بيوم واحد على العلاج حتى من امي عايشه بالحالتين جان ماتت لان مكدرت أأمن الهه فلوس عمليه ....

مشفت احد بيومهه غير اسمع صوت بت زينه لو تبجي لو تلعب وابو علي مااعرف وين وهمزين مااعرف ولا اريد اعرف  جنت منايمه بليل البارحه وتعبت اليوم وتأذيت من تقرب مني ....غطيت نفسي ونمت

كعدت ثاني يوم من غبشه لان متعلمه نزلت  سمعت صوتهم

ورود-انيماانكر  مقهوره لتبقه كل شويه تسألني شبيج  اني اكلك مقهوره وخايفه

حسين-من شنو خايفه  ومقهوره ورود
تعرفين انت اهم شي عندي بحياتي واني لو تبقه عليه مااريد وكتلج  مااريد انت الحيتي عليه 
ورود - منو كال هاي البنيه تنطي الطفل وتروح بدون مشاكل
حسين-من هاي الناحيه اطمئني  ماخذ احتياطاتي كلهن
ورود والله العظيم حتى من تقربت منهه ابد متحركت مشاعري الهه ....انت وبس

ورود-سمعت ضحكتهه ...شوف سوالفك ياربي  ولا عبالك ٤٥سنه ....وبعدين جرب وحاول تتحرك مشاعرك اموتك بيدي والله

حسين-بهذا عمرج وتغارين
ورود-وابقه اغار حتى اذا اللبس فوطه وعكازه
حسين-ورود كتلج خليني أأجرلهه شقه قريبه حتى متتأذين مااتحمل دموعج تنزل بسببي
ورود-لا عيني كبال عيوني اريدهه
فلك-كبل رجعت صعدت ....مسمعت شي مهم بس شلون حلو يحجي وياهه اني لو منه اذا احبهه هيج ابقه على زينه الي باعتبار   بنته .....يمعت السياره طلعت الغرفه جانت بيهه شباك باوعت طلعت ورا بعباة الصلاة
وخرت من الشباك
جنت جوعانه مماكله شي كلت راح انزل خوما ابقه حابسه روحي هنا بالغرفه

نزلت دخلت للمطبخ جانت بعدهي بره ....انفتح الباب ودخلت تفاجئت من شافتني ...كتلهه صباح الخير

ورود-صباح النور
فلك-كعدت بالكرسي مال ميز المقابيلي
ورود-باعي فلك اسمج مو
فلك-اي
ورود-اعتبري البيت بيتج اكلي شربي الثلاجه كدامج لتستحين ....بس شنو الماعون الي تاكلين بي بس مسؤله علي كلشي باقي بالبيت مالج علاقه بي
مااعرف شنو الاتفاق على الطفل الي صار بينكم
بس اريد اكلج اني مااعرفج ....بس خاف عقلج يشطح الشي بالمستقبل .....دير بالج مني
وحجزت على دكتوره يوم الخميس موعدج بعني بعد ٣أيام حتى تستعلج وتشوف مبايضج ....لان مااتحمل رجلي يتقرب منج حتى اذا بدون رغبه ....هذا حب حياتي بس مضطره  اسكت على هذا الوضع

فلك-هزيت راسي بـ اي
كامت عزلت المواعين وغسلتهن الي تريكو بيهن هيه وحسين .....كمت اني جان الجبن عل ميز صبيتلي جاي واخذت صمونه وكعدت اكل

وصعدت فوك افضل شي بما ان ميريدون مني اي شغل ثاني مكابله الحديقه من الشباك وكاعده 
شفته  بحدود ال٤العصر رجع جان من الصبح طالع لل٤
مااعرف شغله شنو   باوعت عليهه هم بعباية الصلاة طلعت اله باسته احسهم مو كبار مراهقين ضحكت لا ارادياً  ووخرت من الشباك وانوب صفنت بس لا هم راح يصعد بقيت بخوف .....للمغرب طلعت توضيت وكعدت اصلي وفرحانه باجر راح يجي بابا يمي حتى اذا نايم وجوده يفرق يمي

نزلت وره الصلاة لان جعت ....جنت مبدله دشداشتي لابسه ثانيه كلهن محتشمات طلعت ورود لابسه دشداشه قصيره وزنودهه وشعرهه مفتوح ولابسه طوك مرجعه المقدمه مال شعرهه بي  وممكيجه

همه مو كبار كلش بس بالنسبه الي استغرب لان حتى من وعيت للدنيا امي مو من النوع الي مهتمه بلبسهه
ومكياج يمكن لان جانت محتاره بالعيشه

ورود-زينه ماما كعدي ليان لان ميصلح وهسه مؤيد راح يجي ابوج دز علي
زينه-كلتيله ال بابا ماارجع
ورود-كتله وكال غير افهم الشغله من الطرفين
فلك-يسولفون يمي اني ولا يمي فتحت الجدر ريحته تخبل .....خوما ابقه استحي  صبيتلي تمن ومرك جانت مركة باميا واللحم شكد بيهه واحنه جانت حسره علينه اللحمه خليتلي لجمه شكبرهه عل تمن  وكعدت عل ميز الميز طويل كلش بنهايته كعدت ولا يمي ولا اسمعهم اكل استطعمت بيهه لان جانت كلش طيبه

واني اكل دخل حسين
كبل كامت زينه باسته  باوع عليه .... كمت وكفت ....كلت ....وعليكم السلام

رجع نظره ال زينه ....مؤيد راح يجي تعالي احجي وياج اريد افهم منج بالضبط وبعدين منه قبل ليجي
خل احجي وياج

زينه-اي بابا اني اصلاً اريد احجي وياك قبل لتحجي ويا لان مؤيد عنده اسلوب مقنع بحيث خله بابا جميل يصير ضدي

حسين-دتعالي خل افتهم منج اول
اني مندنكه اكل ولا يمي ......دخلو لغرفة المكتب يمكن
غسلت ماعوني وصعدت فوك
بقيت واكفه بالشباك باوعت سيارة وكفت بالباب
نزل منهه واحد جان لابس سبورت دخل بدون ميدك الباب لان جان مردود بس اظاهر

جان طويل بس عنده كرش بارز شويه .....فجأه صارت عينه على الشباك كبل وخرت بسرعه ماادري شافني لا بس استحيت مع الغلم مااعرفه

رجعت كعدت عل جربايه اتصلت بخاله اتأكد حاب الدوه عمي كالت جابه وانطاني الايجار
كال خاف يجي
لليل كلش بحدود ال١١سمعت الباب الخارجي انفتح
باوعت من بعيد من الشباك بس هو رايح باقيه زينه وجان طالع مبين عصبي لان ركع الباب حيل

وراهه سمعت صوت صياح فتحت الباب ردت اعرف شكو فضول صارعندي

حسين-ااانت ممؤدبه ابداً
زينه-بابا مد ايددده عليه تعبت اني
حسين-وهم لان انت ممؤدبه ماكو مره رجلهه يكللهه شغله لتسويهه وتكله مو بكيفك وهنا يمي وبوجودي تكليله كبالي هم اني حره ميتدخل ووين عايشين احنه
زينه انت غلط

زينه-بابا يشررب تعرف يعني شنو يشرب ويحاسبني على لبسي واني لبسي محتشم  يعني بس براسي يصير متدين

حسين-الشرب اني خصمتهه ويا وكتله اني لو جميل منقبل بتنا تبقه يم سكير ....وخلصت السالفه واخدت تعهد منه ......وكال اني مو يكير بس كم مره شربت  بسهره ويه جماعتي وماعندي مشكله اعوفه لان اني مو مدمن شرب   ومن اصيحج تكليلي ماارجع وتمدين اللسانج تعرفين كوه لزمت روحي ومضربتج

زينه-لا انت ولا بابا جميل تفهموني محد يحبني
حسين-باعي زينه هاي السًوالف عوفيهن  وقسماً بالله اذا تعيديهه بعد وتتجاوزين على زوجج مدامي افصمج فصم وتعرفيني اني من احجي مو عبط

سديته للباب كلت شعليه بيهم اني بقه اسمعه يصيح عليهه وهيه هم صوتهه جان عالي ومن النوع الي متسمع كلام بسهوله  واضح هالشي الرجال تعب اللسانه وهيه ترجع النفس النقطه شويه وهدء الجو ملت همزين مأجه ....طفيت الكلوب وتغطيت وكمت اكلب بالارقام الي بجهازي الحد ما نعست توني انام انفتح الباب

متحركت من مكاني ....بقيت نفس وضعيتي
وكمت اعصر بروحي عصر اخ ياربي دارني علي  جان مبين توه سابح وخال عطر وبعده العطرقوي مو هادئ خنكني

بده يتلمس بجسمي واني مثل الجماد
حسين-نايمه لو كاعده
فلك-سكتت كمت ابحي رفع دشداشتي ومثل ذيج المره
كام راد يروح كتله

فلك-كمت كعدت ...كتله مااعرف شصيحلك بس اريد احجي وياك
حسين-صيحيلي ابو علي ...بلكت الله يرزقني ب علي
فلك-ابو علي باجر تجيب ابويه غير مو انت كتلي

حسين-اي  ام علي جهزتله الغرفه باجر ان شاء الله
فلك-عندي اغراض وادوية بابا واحنياجاته خليني اروح المهن
حسين-ماشي باجر الصبح من اطلع للشغل
جهزي نفسج ب٨تقريباً اذبح هناك والعصر من اخلص امر اخذج انت وابوج

ابتسمت-شكراً
بدون ميجاوب طلع  كمت رحت سبحت جنت متحمسه الجية ابويه

..................

خضر-جنت متمدد داريد اكوم لانبعد ماكو داعي الوجودي بالمستشفى طبت
خالد ....راح تدخلني للسجن
خالد-طبعاً
خضر-كم سنه
خالد-حسب القاضي
خضر-شكد يعني
خالد-تقريباً تاكلك ٨سنين لان اني مراح اشتكي عليك
خضر-خالد ٨سنين لعد اذا تشتكي شكد
خالد-تاكلك ١٥الى٢٠سنه
خضر-اريد اشوف شاهين
خالد-ممنوع
خضر-خالد لتخبلني  ارريد احل سالفة مرتي واسجني بعدين
خالد-شنو الدوله تشتغل عد الخلفوك  بلكت من تدخل السجن تصير رجال
خضر-يعني خليني اشوف شاهين عل اقل
خالد-من تتحول للسجن التثبت بي هناك كل شهر يحقلك زياره

خضر-اخذذذت نفس عالي اخ لو ممكلبشيني حتى رجلي كلبشات تنرفزت كلش وميمونه ماكووو  وشاهين ماكو
خالد خانكني خنكه طاح حظك خضرررررر على هالعمله برجلك رحتله

صدك وداني للسجن احجي ويا ولا يعبرني دخلت للسجن  تفتيش وداني  لمكافحة الارهاب   واني امشي شفت صديق خالد اللح اعرفه

حاتم-ها ولك خضر صادوك خالد وصانه نضيفك شلون هسه وانت عزيز عليه
خضر-ضيف بعد اخوك ضيف
حاتم-يلله نصبر تطيب يالله نضيفك دخلو جوه ويه الشباب
خضر-كون ويه ماعتي
حاتم-هههه احد كلك احنه فندق خمس نجوم
خضر-حاتم وديني يم راشد وعزوز مااحس اله اجتني ضربه بعلابتي .. واحد من الجنود
-كول سيدددددي ولك
-درت علي خزرته حيل .....ردت اغلط كال ..حاتم .....
حاتم-خضر اني مااعرفك هنا  كلكم سواسيه المجرمين ولتخاف هنا يم عزوز وراشد لان هيه بس غرفه عدنه هنا

خضر-اخذت نفس عالي اف استغفر الله ومشيت  نزلوني يمهم دخلت عبالك ريحة جريذي ميت لان عركانين وريحتهم وحاره الدنيا وكم نفر بالغرفه مينعدون من مثر ما هواي

عزوز-لك الخايس انلزم كوم كوم ابو كرش شوف منو اجه بشر اخذت بثارك  الي ذبنه بهاي الخيسه

خضر-هزيت راسي بـ لا
راشد-ااااااه خضره هنا الساقط الطايح الحظ الي من ورا خسرت

عزوز-انجب من وره ثربك انصادينه  ودار عليه تعال لك بالحضن

خضر-شبكته وساد خشمي
لك عار شنو هاي ريحتك  وانت ليش مزين اكرع كلت ال راشد

راشد-تعال خل انطيك حضن واكلك ليش
شبكته وكلي
لان صار بيه كمل

خضر-ههههههه ابو كمل طيح الله صبغك شو شويه تبعد خل اشوفك بلكت خف كرشك

راشد-ضرب كرشه بيده .....لك بابا هنا كل اخلاقي اذا راح الكرش تسقط الاخلاق .....اذا سقطت الاخلاق انت اول واحد اصفيك على السجن الاكلته بسببك

عزوز-هههه لك خضر شفايتلك هو مقهور عل سجن لك زرب باخلاقي على نعاله  كل ما يصفن ويصفن يكول توني اشتريته متهنيت بي ابن القندرا ....راح نروح اربعه ارهاب  وهو حاير بنعاله ابن النعال .....

خضر-حكيت شعري  بس مو لان حكني باوعت عل وضع مينطاق والدنيا حاره

راشد-هاي طفرتلك من عزوز ....لان شعره حتى الزيان ميفيده بسرعه يطول وياك اول گمله براسك مبروك

عزوز-احجيلي شلون لكفوك
راشد-تعال بعد بيتي اكعد رش مي  باوعت علي ليش رشيت مي
راشد-كاعد ابردلك الكاع وذب على وجهي مي 
خضر-ابن ال.......
وكام يهفي بكارتونه

راشد-وهاي مبرده الك لان اول يوم كاعد نضيفك خوما نصدمك بالواقع المرير

كعدت بالكاع وكعدو يمي  اكثرهم ساكتسن وصافنين قليل اليحجون  وبيناتهم كل اثنين يسولفون سوه
كمت اباوع عليهم فريتهم فر

خضر-لازم اطلع منا ماكو احد يساعدنا
راشد-هههههههههههههههههااااااااااااا ضحكتني شو عيد الكلمه

خضر-احجي صدك اريد اطلع شلون
عزوز-باع هذا أيس بعد خضر احنه راح ننحكم ارهاب
لان خطف هسه عاد لوماخذ ثارك وخلصانين
خضر-سمعت خالد يحجي ويه شاهين كله مراح يشتكي راح تطلعون اني متأكد
راشد-لا بشرررفك ويطلعنه لا ماصدك خالد سافل
عزوز-اسكت خل نفتهم
خضر-عزوز اذا خالد طلعك منا اريدك تدور على ام تك وتك  انت وشاهين
راشد-هاي اكله فرده مال نعال شني هاي التك وتك

خضر-مرتي لتسألني شلون بس اني هنا بسبب تفكير سريع محسبت حسابه رحت ال خالد برجلي وتندمت
عزوز-مرتك شو عيد منين جتي هاي شوكت هاي
راشد-يعني احنه هنا طايح حضنه وانت تتزوج لعد شكد عار انت  زين مرتك وفتهمنا التك وتك شنو محددت

خضر-خليت ايدي على كصتي مسحت العرك
عيونهه لونين لذلك مجلب بلساني تك وتك

راشد-ها يعني انت كاعد تدلعهه عود
اسمك غريب طولك مخيف شكلك قبيح ودلعك سخيف

ضربته بكرشه ....يعني اخلص من حمصه الكاك كبالي

عزوز-عوفك من عزوز وانت شكال خالد على وضعك يطلعك ويانه لو لا
خضر-بربك يعني اذا يطلعني شكو يدخلني هنا ....خالد ميعوفني لا واليكتلك مسوي روحه حنين عليه

عزوز-خالد يخاف عليك
خضر-يمعووود

.........
فلك-كعدت الصبح جهزت نفسي لبست عباتي وبوشيتي باوعت على ورود ام علي ضايجه كلش وهو هم حسين محجه شي يس كلت صباح الخير جاوب صباح النور

طلعنه الطريق كله ساكت   وصلنه الباب بيتنا
ردت افتح الباب

حسين-رقمج منطيتينيا حتى اخابر قبل لا اجي اشوفج جاهزه او لا
فلك-انطيته رقمي ونزلت اول ما نزلت بجيت
صعب شعوري واحساسي ....صعب شعور احد مشتريك بفلوس شي مقزز  اختنكت واني اتذكر بيتي وحياتي البسيطه انحرمت منهه هسه  ووراهه انحرم من طفل
دكيت الباب شويه وفتحته خاله

شبكتهه وكمت ابجي وهيه تيجي وتمسح على ظهري
وتصبر بيه دخلت بست ايد بابا وشمرت روحي علي
يعني بابا نومتك شنو معناهه ليش متكعد اكعد فدوه اكعد وخليت راسي على صدره

فلك-شنو قاسم وين
ام قاسم-توه طلع قبل شويه عنده اليوم عماله واني اجيت لان اني بتت يم عمتي وهو يم ابوج
كامت خاله سوت ريوك النه تريكنه وكالت حتروح يم عمتهه مادام اجيت اني

سديت الباب دخلت كلت خل اغسل ذني الماعونين
توني اشطفهن اندكت الباب

رحت فتحت الباب  مبينه خاله حتى مكلت منو  لان بسرعه هااا شنسيتي فتحته واباوع وانصدم .......ميمووووونه 
دخلت بسرعه وسدت  الباب

......يتبع