ابحث عن نفسي بين خبايا الروح لأجدها مقيدة
ومعصوبة العينين
قد عذبوني مرارآ وحاولت الهروب من سجنهم لأجد نفسي مسجونه بسجن من نار محكومه بالتعذيب الابدي من ضالم وقاسي القلب
كيف الهروب وسجاني احترت بأمره هل هو انسان ظالم مخيف قاسي بارد ابرد من ليالي الشتاء الطويله ام هو حنون ومحب وهادئ كهدوئ الربيع وجماله احترت بأمرك ياسجاني
،،،،،،،،،،،،،،
قصة راهب ابو غضب
للكاتبه زهراء الحسناوي
،،،،،،،،،،،،،،
لارا،،ردت احجي قاطعني
دكتور عمار،،مااريد جوابج حاليا لان مااريدج تتسرعين فكري براحتج ورجعيلي خبر وياريت يكون خبر حلو مثل عيونج
لارا،،بقيت صافنه بوجها وبنفس الوقت مصدومه بعدني مارجعتله خبر وصار يتغزل بعيوني اترخصت منه وطلعت
بس كنت ماخذة قراري وردت انطي الجواب بس هو قاطعني
رجعت يم ساندرا رحنه للنادي طلبتلنه ريوگ اكلنه لفات وكولا وگعدنه نضحك ونسولف
اجه عصام طالب ويانه من نفس الكروب مرح الئ ابعد حد والكل يحبه ويحترمه مسوي للگروب نكها بسوالفه
عصام،،چا اني محد يعزمني علئ لفه منا منا
ساندرا،،هلو عصوم اكعد تدلل مولفه وحدة اشبعك لفات
عصام،،لا بويه مااريدج تشبعيني لان ادري تاليها انه الخوش ادمي ال ادفع الحساب
لارا،،هههههه وين اكو منك عصومي
عصام،،لايبوي وين اكو اصلا واحد بالصين وانقرض وبقيت اني
لارا،،ومثل ماگال كملنه اكل وهو الي دفع الحساب
،،،،،،،،،،،،
راهب،،دخلت للمركز وطلبت يجيبولي گلاص جاي احس راسي ماذيني من البارحه
بقيت اطلع ع الملفات وبعض الشكاوي والمخالفات
صارت الساعه ب 1اجه قاسم والوجه يضحك
حط ملفات اثنين گدامي
قاسم،،وروح جدي جبتلك قنننبله
راهب،،رفعت حاجبي مامفتهم كلامه اشرلي بعيونه ع الملفات
فتحت اول واحد بأسم
مهند جلال ياسر عرفته هذا ابن عمي العار
بديت اقرة المعلومات مسافر خارج العراق ومستقر بالمانيا متزوج
خلصت وتركته علئ صفحه جريت الملف الثاني فتحته بقيت متفاجأ علئ كتله الجمال الگدامي
لارا جلال ياسر
بس امي گالت عدها بس ثلاث ولد يعني معقوله هاي بنت عمي صارت بعد ماانهزم
بس انه شايف عمي بالصورة اجلح املح وادماغه اتگول تنور طين
هاي عليمن طالعه العيون خضر والوجه ابيض مثل الگيمر وفوگ الضيم عدها رصعتين وحدة بخدها مبينه لان مبتسمه والثانيه بحنچها بارزة اكثر زايدها جمال فوگ جمالها
قاسم،،شناوي تسوي??
راهب،،هاي الحلوة راح اتكون باب ادخل منه ل ابوها السگط
قاسم،،بصدمه تحجي صدگ راهب بس هاي عرضك وتبقئ بت عمك
راهب،،انفعلت من كلامه نترت بي اني ماعندي عممم هذا چتااال ابوي مستحيل يكون عمي
قاسم،،وشنو ذنبها تحاسبها هي??
راهب،،ذنبها انو هي بنته ويكفي اكسره بيها انته سامع المثل الي يگول مايكسر الرجال غير عرضه
قاسم،،اتركها راهب ترة بعدين تتندم عندك ثار روح اخذه من ابوها مو منها والله خليتني اندم لان جبتلك معلومات عنها
راهب،،هذا هو يبعد اخوك عبالي تحط ايدك ب ايدي وتساعدني
قاسم،،اساعدك اقربك من عمك اي انه وياك ومستحيل اتركك بس مال ادمر بنته وهي مالها ذنب لا بهاي اعذرني
راهب،،هذا هو براحتك ممكن تطلع برة
قاسم،،وعلي تاليتك تندم وتعض اصابعك العشرة ندم
راهب،،طلع قاسم وشكله ضايج كلش مامقتنع بكلامي
رجعت فتحت ملفها ابتسمت براحه واخيرا اجه الوقت الي اخذ بي ثار ابوي
گتلها اهلا وسهلا بيج بجحيم راهب ابو غضب
لارا،،كملنه دوام وطلعنه اتصلت ب ماما گتلها اني ويه ساندرا حنروح للكنيسه اهلي يعرفون علاقتي بيها واثقين مني لذالك منطيني مطلق الحريه واني بدوري مستحيل اتعده او اتخطئ حدودي بسبب حريتي
رحنه البيتها اتلگتنه جوليان اختها اكبر منها
جوليان، ،ياهلا بلارا مشتاقيلج وين هاي الغيبه
لارا،،اليسمعج يگول صار سنه متفارگين شو قبل يومين اني يمكم
جوليان، ،هههههه غير نحبج
ساندرا، ،جوجو ميتين جوع حضريلنه الغدة بين منغسل حتئ شويه ونروح للكنيسه اليوم قداس
لارا،،اجت خاله ام اسماعيل والدة ساندرا
ام سماعيل،،اووو اليوم اگول الشمس منين طالعه
لارا،،خاله ام اسماعيل انسانه طيبه بشكل موطبيعي گمت حضنتها وبوستها گتلها تسلمين خاله
گعدنه جابت جوليان الاكل سمعت الموبايل يتصل رفعته شفته رقم امي
ام رافد،،ماما لارا خالتج ام اسماعيل يمج
لارا،،اي ماما هياته يمي
انطيت الموبايل للمرة گالتلها امي باجر مسوين قرايه ثواب وانتي والبنات معزومات
طبعا ام ساندرا ماتو ابوها وامها واخوتها اثنين بوكت سقوط النظام وگع عليهم البيت بسبب القصف لان كانو عايشين بغداد
ف خطيه كل مانسوي اقرايه تلبس اسود هي وبناتها يحطن حجاب علئ راسهن تگعد اخر وحدة ورة النسوان المله تقرة وهي تشبع بجي بس بناتها يبقن واگفات يمي بالمطبخ نجهز الصواني للنسوان
مرات اتشاقه ويه ساندرا اگلها امج ولاجنها مسيحيه عبالك مسلمه مثلنه
جانت تضحك واتگول عادي كلنه العراق ماكو فرق بينه وبينكم
كملنه غدة وساندرا بدلت لبست فستان قصير للركبه ورتبت نفسها
وجوليان لبست بنطرون ابيض وتيشيرت قصير وردي ربع ردن وهنه شكلهن يخبل عبالك امريكيات
اجت ساندرا گرصت خدودي حيل
ااااخ وجع شلعتيهن
ساندرا، ،ههههههه غير يخبلن ولج انتي امج بيش متنسيه وطالعه اتخبلين
لارا،،هههههه انتي الاحلئ ذني عيونج يشوفني حلوة
جوليان،،عيون خضر والوجه ابيض وصافي والخدود اتگول تفاح بعد شتردين
لارا،،خجلتني ترة
ساندرا،،فديت الخجلانه يالله گومي نروح
لارا،،رحنه للكنيسه من زمان مارايحه وياهم
دخلنه گعدنه بالنص بدة الاب يحجي ويوصي لان رمضانهم بعدله شهر ونص ويبدي نصحهم وبدت مراسم القداس مالهم والشماسه بدو يقرون مااعرف شنو
كملو واجه الاب بيدة طاسه بيها قطع خبز صغار شاورت ساندرا گالت هذا قربان
اكلي واسكتي
الكل جانن حاطات شالات علئ راسهن ب اهمال
بس اني لا لافته لفه مرتبه بحيث مبينه مسلمه
وصل الاب گدامي ابتسم
الاب مايكل،،مسلمه ??
لارا،،بادلته الابتسامه وهزيت راسي بمعنئ اي
الاب مايكل،،يحفظج يسوع المسيح وتنور دربج امنه العذراء
لارا،،انطاني الخبزة خليتها بحلگي حط ايدة علئ راسي وراح يكمل باقي القرابين
طلعنه من الكنيسه صار بوجهنه مذبح للسيدة العذراء عبالك معرض فني تمثال الها وداير مدايرها خرفان من فخار عبالك حقيقه
رحنه وساندرا انطتني شمعه گالت اطلبي امنيه انشاءالله تتحقق
غمضت عيوني واتمنيت اهواي امنيات من ضمنهن اتخرج
كملنه وطلعنه للبيت بيتنه بطريقهم نزلوني بالباب وراحو
دخلت للبيت لگيت خالي جاي يمنه
ام رافد،،وين صرتي ياامي ليش تاخرتي هلگد
لارا،،دگولي السلام عليكم خل اخذ نفس
ترة والله مختنگه وضايجه وين اروح
سعد خال لارا،،اشلونج خالو شخبارج
لارا،،تمام خالو انته اشلونك
سعد،،انه زين اسأل عن اخبارج
لارا،،تسال عنك العافيه تركتهم وگمت مااعرف ليش مااحب خالو سعد تحسه لوگي دوم يجي ياخذ افلوس من ماما ويدخل بالصغيرة والجبيرة
وغير هذا كله جان متزوج وعندة بيت واطفال
ترك زوجته طلگها واتزوج وحدة صغيرة سجل البيت باسمها بعد فترة طلبت الطلاگ منه وشمرته هو وملابسه بالشارع وصفه لابيت ولامرة ولااطفال
يستاهل هذا المايعرف تدابيرة حنطته تاكل شعيرة
هذا مثل. تعلمته من بابا
وعلئ طاري بابا سمعنه هورن السيارة طلعت اركض فتحتله الباب
جلال،،هله بجنه ابوها
لارا،،بابا حبيبي فدوة الگلبك
جلال،،منو يمنه
لارا،،خالو سعد
جلال،،اهووو والله مااطيقه
لارا،،ههههههه شعور متبادل
دخل بابا سلم وگعد وخالي سعد يتشكئ تالي انطا ابوي افلوس وگام گال رايح انام شويه تعبان
انتهئ اليوم عادي وثاني يوم هم رحت للجامعه ورجعت للبيت بعد ماذكرت ساندرا انو موتنسئ اليوم قرايه مال الملا حتئ اتذكر امها
رجعت للبيت وبدينه عمل شعبي عازمين النسوان ب 4العصر
البيت نضيف بس رجعت خذتلي فرة علي
رافد جاب عصاير وكيك وفواكه
وجاب سفري حتئ نحط الاغراض بيهن ونوزعهن
اندگ الباب راح فتحه طبعا رافد رافض فكرة الزواج رغم عمرة راح يتناوش الاربعين شگد حاولو اهلي وياه بس هو رافض مااعرف شنو السبب
دخلت ساندرا وامها واختها وزوجة اسماعيل لينا
سلمنه عليهم وكعدو
سحلت ساندرا والبنات لان امهن بقت گاعدة يم امي
ساندرا،،وين تردين بينه مسحولتنه وراج
لارا،،تعاي ساعديني بدل مافاكه حلگج ع السوالف
جوليان، ،ديالله جيبي بشنو نساعدج
لارا،،بقن كم سفري مامعلبتهن وانتن لابسات وجاهزات فديت الاسود عليجن طالع يخبل ههههه
ساندرا،،دروحي اسبحي انتي وكفشتج هاي مابقه شي ساعه اربعه اله ثلث
لارا،،تركتهن يجهزن بمكاني وصعدت اركض سبحت بسرعه وطلعت مشطت ولبست قميص اسود وتنورة سودة طويله
لفيت حجابي عدل مااعرف احضر المجلس بدون حجاب احتراما للسيدة الزهراء عليها السلام يگولون تحضر عزا ابنها الامام الحسين فدوه ل اسمه
كملت ونزلت لكيتهن مخلصات وكاعدات يم امي بس ساندرا بالمطبخ تحضر كاسات ماي للنسوان لان بدن يجن
رحت ساعدتها اني محضرة الاستكانات صبيت جاي واخذت الصينيه وساندرا تاخذ مني وتقدم للنسوان
بعدها بدت المله تقرة ساندرا واني وجوليان گعدنه بالباب لان ماكو مكان اجن اهواي
قرت المله صارت تنعي وام اسماعيل ذبحت نفسها بالبجي انقهرت عليها وحتئ بناتها صارو يبجون علئ حال امهم
انتهئ المجلس وبدينه اني وسندورا انوزع كملنه والكل راح بقو بس ساندرا واهلها
جبتلهن علاگه من الثواب
ام اسماعيل، ،شتسوين بي هلگد خاله رجعي هذا اهواي
لارا،،فدوتج خالتي وبعدين هذا ثواب ميصير ترجعي
دمغت راسي بخفه لان اتذكرت شغله
رجعت للمطبخ جبت علبتين واجيت اركض
جوليان، ،ولج خبله شتسوين بي هذا اهواي
لارا،،عيني موحصتج هاي حصت عمو ابو اسماعيل وسيران اخوج
ساندرا،،زين سويتي لان مستحيل انطي حصتي اني بالاكل اكون او لاااكون هههههه
لارا،،اجه اسماعيل اخذهم بعد ماسلم علئ امي
راهب،،خليت مراقب عليها يجيبلي كل اخبارها وتحركاتها شتحب شتلبس شتاكل منو صديقاتها المقربات وين تگعد ماخليت معلومه ماسألت عنها
اريد انفذ الخطه بس محتار منين ابدي
اذا رحت الها للدوام واتعرفت عليها خايف تشك بيه لان اكيد عدها علم انو عدها عم اسمه ضياءالدين ومن راح تعرف اسمي واسم ابوي اكيد راح تعرف اني ابن عمها ف لازم الكه حل
بقيت افكر الئ ان اجتني فكرة اتصلت بقاسم الزعلان
الو ها ابو الشباب وين انته??
اهاا تمام جايك
اخذت السويج والباكيت وطلعت لگيته بالشقه يجهز جنطته حتئ ينزل للنجف واني بعد يومين الحگه تبدي اجازتي
ها بعد اخوك راح تنزل مجاز?
قاسم،،اي
راهب،،بطل زعل مثل الزعاطيط
قاسم،،انته تجفص بالبطن واتگول بطل زعل
راهب،،قاسم انته اكثر واحد عشت وشهدت علئ معاناتي اني واهلي الي شبعنه جوع ونمنه بدموعنه
ماراح اتراجع عن قراري بعد ماوگع جلال العار بيدي اذا ماادمرة وادمر عائلته ماراح يكون اسمي راهب ضياء الدين
جنت متاكد راح تحط ايدك ب ايدي لان ماعندي غيرك يساعدني
قاسم،،موبس اساعدك انته تشلع عيوني وتاخذهن بس بروح ابوك لااتأذي الابنيه مالها ذنب تحاسبها بذنب ابوها
راهب،،اريد بس اقنعه وهو قافل گتله ومنو گالك انه اريد اضحك عليها
قاسم،،جا شتريد اتسوي
راهب،،اتزوجها
يتتتتتتتبع