ام أليا :يلا أليا اكعدي حتى ترحين ويياي او ترحين يم بنات خالتج لان اليوم جمعه شنو نسيتي يلا كومي راح نتأخر من وراج الساعه ٩ يلا
أليا :اي مامه بس اشويه انام والله نعسانه البارحه ضليت سهرانه ويه بنات خالني
ام أليا :هوة شراح يطيح حضج غير السهر كومي علمود بعد متسهرين
أليا :كايمه كايمه ماتخلون الواحد يرتاح حته بالعطله
بهاي الاثناء صعد ابو أليا
ابو أليا : شنو هذا ام أليا اذا أليا تعبانه عوفيها ترتاح هيه يوم عطلتها لا تجبريها تروح وياج الدوامج هيه هم عدها دوام وتريد ترتاح وهم هيه سادس لازم تريح عقلها شويه من الضغوطات
أليا حبيبتي رجع نامي
أليا :اني ما صدكت رحت على بابه ركض حضنته شكرن بابه حبيبي
ام أليا :هاي شنو ابو أليا خوما البنيه تضل وحدها بلبيت اني اخاف عليها وبعدين انتي ما صدكتي كبل رجعتي نمتي كومي
أليا :ابواع على بابه بنضرة بريئة😔يعني حاجي مامه هههه
ابو أليا :لا عوفيه بابيت وحدهه اني ادز عليها واحد من ولد عمامها يمها
أليا:لا بابه لاتدز اني راح انام ما اريد احد ومن اكعد اني اخابرك تدز احد يجي يمي وكمت بست 😘 بابه حته يقتنع لان ما اريد احد يجي واتقيد بي لان ولد عمامي ميقبلون بلبسي كدامهم
لازم البس تراك ولازم لتراك عريض مو ضيك
واني بلبيت البس شورت وكيمونه ما البس اتراك يخنكني
راحو بابه ومامه واني رجعت نمت وخليت الفون صامت
في مكان اخر
ابو أليا ؛ هسه الساعه بل١١ اكيد كعدت أليا خل اتصل عليها
📞📞📞
هاي ليش ما دا ترد هيه حتلو نايمه بس تسمع صوت الفون راسن تكعد
خل ادك النوب لا يارب بس لا صارلها شي والله ما اسامح نفسي
📞📞📞
هم ما دا ترد
خل اخابر على شهم لان اليوم ما اجه للمركز اكله يروح للبيت يطمن على أليا والله عقل ما ضل براسي بس لا صارلها شي نوب ما دا يخلوني اخذ زمنيه لان عدنه تحقيق هواي
خل ادك على شهم والله كريم
📞📞📞
شهم :هلا عمي امر
ابو أليا :هلا ببن اخوي ما يأمر عليك ضالم بس اريدك تروح للبيت وتشوفلي أليا خوما بيها شي لان دا ادك عليها وما دا ترد وعفناها احنه نايمه بس هيه نومها خفيف بسرعه تكعد يعني مو من عوايدها ما ترد على مكالماتنه
شهم :زين عمي خاف نايمه وتعبانه لذالك ما دا تسمع
ابو أليا "لا يبن اخوي اني بنتي اعرفها نومها خفيف واني لو ما عندي تحقيق جان اني رحت شفتها لان عقل ما ضل براسي وخايف على وحيدتي
شهم :صدك جذب عمي كول يا الله ما بيها شي انشالله وهاي اني كايم رايح على بيتكم
ابو أليا:عفيه يبن اخوي ما تقصر وتلكه المفتاح بنص السندانه الي يم باب المطبخ
شهم :عمي غالي والطلب رخيص هاي مسافت الطريق واكون يم بيتكم
ابو أليا:تسلم يبن اخوي تعبتك وياي بس والله خايف على بنتي وحيدتي لا صاير بيها شي
شهم :صدك جذب عمي تعبك راحه وانشالله ما بيها شي هاي اني صعدت بلسياره في امان الله
ابو أليا:الله وياك طمني من تصل
شهم :حاضر عمي
شهم
جنت كاعد بالبيت اليوم ما عندي شغل وكلت اريد اليوم ارتاح سبحت ونمت وكعدت نزلت سلمت على امي
شهم :شلونج يلغاليه
ام شهم :بخير ما دام ان بخير
شهم :دوم يا رب بخير
شمسوين اكل لان ميت جوع
ام شهم:يمه جوعان يخسه الجوع روح للستقبال واني راح اجيبلك الاكل
شهم :تسلمين يلغاليه اني رايح انتضرج بلستقبال مو تتأخرين لان ميت جوع
ام شهم: هههه لا ما اتأخر روح ارتاح شويه واني يمك
شهم : رحت كعدت بلستقبال انتضر امي تجيب الاكل دك فوني عمي ابو أليا على الخط كلت لعد اكيد يردوني بلمركز خل ارد علي بسرعه رديت
وجان يكلي اروح اشوف بنته أليا وحدها بلبيت ويدك عليها ماتجاوب كالي روح اطمن عليها وشفته حيل مقلوق عليها لان وحيدته ويخاف عليها فأشرت الامي اني واجي ويه عمي انو طالع
طلعت ورحت البيت عمي وهوه دلاني على المفتاح مال البيت ورحت واخذت المفتاح وطبيت للبيت صعدت فوك لغرفه أليا وما احس غير .....
في مكان اخر
أليا :نايمه وما احس غير صوت الباب مال البيت انفتح كمت ركض على البردة باوعت هاي مو سيارت بابه كلت اكيد واحد يريد يبوك لو يريد يخطفني بس منو هذا راسن اخذت اسلاحي وكفت وره الباب وشلت المسدس حته من يطب اضربه ع راسه وجان اسمعه صوته رجلينه صعد فوك اني كمت اخاف ونفتح باب الغرفه راسن ضربته ع راسه وندار عليه ومن شفته انصدمت هاي انت ....
شهم : وما احس غير راسي انضرب باخمس مال المسدس عبالهه حرامي او واحد يريد يخطفها راسن انداريت وشفتها هيه شايله المسدس وكال هاي انت
شهم :اي هاي اني ليش ضربتيني
أليا :واني شمدريني انت
وبعدين شعندك جاي البيتنه والغرفتي احجي يله
احجي واني موجهه المسدس علي
شهم :شو هاي انهدت علي وفوكاها ما ذبت المسدس من ايدها
كتلها اني ما جاي على سواد عيونج عمي دزني اطمئن عليج لان دك عليج مرتين وما رديتي وهوه خابرني كلي روح شوفها خاف بيهه شي شو هاي عافتني وراحت تركض يم جربايتها وجرت الفون مالتها
أليا :هوه كال هيج اتذكرت انو فوني صامت ورحت ركض علي وجريت فوني واشوف بابه داك عليه مرتين كتله
يا نسيته صامت خطيه بابه قلق عليه اووف خل ادك علي اطمنه
شهم :هيه كالتلي هيج جان اباوع على لبسها لابسه شورت فوك الركبه بهواي وكيمونه صلوخ وكل جسمها مبين والكيمونه بيضه وملابسها الداخليه مبينه من عدهن هيه مدنكه داتكلب بلفون تريد تطلع رقم ابوها حته طمنه جان اصيح بيها هاي شلابسه هيه جفلت وكع الفون من ايدها
أليا :دا اطلع رقم بابه حته ادك علي جان يصيح بيه شهم هاي شلابسه اني جفلت وكع الفون من ايدي باوعت ع ملابسي جنت لابسه
بس الكيمونه بيها بس لوفي ما بيها هلكد كتابات والشورت لا هم نفس هاذا ونفس اللون
أليا :جمعت قوتي وكتله غير جنت نايمه مثل شتريد البس من انام تراك لو دشداشه
شهم :انصدمت من ردها شكد جريئه وصلفه اتقدمت عليها ولزمتها من ايدها كلتله الضاهر عمي ما عرف يربيج بسيطه اني اربيج
أليا :كتله هيج لو هوه خنزر واجه لزمني من ايدي قوي وعصرها ويحجي وهوه كاز على اسنونه سحبت نفس وكتله اني مربايه احسن تربيه وبعدين اني بحدي بلبيت وبغرفتي اذا الواحد بغرفته ما ياخذ راحته لعد وين ياخذ راحته وانت من تنام بغرفتك شتلبس دشداشه لو الزي العسكري لو تراك اكيد لا تلبس بس شورت وفانيله
لو حلال عليك وحرام علينه ها يا حضرت النقيب وما احس غير راجدي 👋اجاني فر وجهي فر اله وكعت علجربايه
شهم :جاوبتي بكل صلافه وبعين وقحه ما تحملت اول مرة واحد يكف بوجهي ولا فوكاها بنيه راسن ضربتها راجدي 👋اله وكعت علجربايه
منا ورايح اني اعلمج الادب اذا اهلج ميعرفون يربوج اني اربيج
وكومي بدلي ولبسي غير ذني الخلاكين
أليا : وفوكاها يكلي ما مربايه ويكلي لبسي غير ذني الخلاكين باوعت علي وكته اول شي اني مربايه احسن منك لان مو رجال ليمد ايدا على مرة وبعدين اهلك معلموك الاصول يا شيخ ما
كالولك ميصير تطب غرفت غيرك من دون ماتك الباب ها
وما احس غير ......
يلا حبايب كافي والي يكول قصير ترة ١١٤٦ كلمه بعد شكد اسوي
ولا تنسون التصويت والتعليق احبكم 💋💋💋💋
هاي الكم حبايب احبكم
اتمنى عجبكم البارت
الكاتبه:قمر moon_kamar