بقلمي
الكاتبة غدير الحيدري
...
الاخيييييييييرررر💔
.....
وتلك النهاية كانت نهاية الشقاء
لكن حياتي استمرت بعدها
بحلوها ومرها
واصبحتُ لا اقنع بكل ما اتى
و لا احب ما فات
ولا اتحمس للتالي فالمشاعر قد ماتت
النهاية!!
لا تعني نهاية حبي لك
فسخطا بذلك التعلق المحرق
النهاية لا تحط في حياتي شيئا
فنهايتي معك اجمل نهاية
.....
شمم
كمت من بينهم
واني رافضة فكرة زواج العلن من نشوان
مروان فر ايدة
مروان:شتفضلتي ست شمم؟ وسامحي وسامحي ودكيتي اليتيمة براس خواتي شو انتي ماسامحتي
كالت خالة زهرة
زهرة:مروان اسكت
مروان:لا مااسكت ليش تطبق نصايحهه ع غيرهه وع نفسهه لا
شمم:اني مااريد انسجن هنا اساسا بعدين العقد اللي بالسويد كان مو موثق بالتمام صار بالواسطة اني مااريد
صرت احجي منا اجيب هنا
من احس الامور صارت جد
خفت!
وتذكرت شركتي واموال والدي
الكل صفن
ونشوان كان يباوعلي مستغرب
نصيت راسي
شمم:اني راح احجز واسافر
نشوان:اخذي كلشي وروحي بس طلاق مااطلق
زهرة:نشوان شنو هالحجي
نشوان:عوفيهه يوم اني اعرف شي هي ما تعرفه خلي تروح للشركة مالتهه هذا اذا بقة شي مسجل بأسمهه
فتحت عيوني مصدومة
كلت بخوف
شمم:انت شتقصد؟
نشوان:روحي شركتج تنتظرج
عمران:نشوان شسالفة شبيكم يمعودين
نشوان:خلوهه تروح رحمة لربكم هاي ما تناسبني وبالنسبة الي زواج مااتزوج لتضغطون علية
طلع برا
واني كمت للغرفة
خليت ايدي ع حلكي
هذا شيقصد بكلامة
سامع شي اكيد
دخلت راحيل للغرفة
بقت تباوعلي
كالت
راحيل:ليش سويتي هيج؟ بالموت يلا وافقت امي عليج
شمم:اني حياتي بالسويد وو
راحيل:عمران يريد مستمسكاتج حتى يحجزلج
نصيت راسي
طلعت المستمسكات ونطيتهه الهه
احس بداخلي ندم
اني ليش تسرعت واندفعت
بس هم لازم اعرف اخبار شركتي
يربي شسويت بروحي
بقيت كاعدة
ومر وقت طويل
خوالهم راحوا والبيت صار هادئ
كل شخص ملتهي بحياتة
وراسيل تباوعلي
وترجع تنصي راسهه
احس نظراتهم تكلي ليش
بس اني بنفسي مااعرف ليش
اجة عمران
بوقتهه كال
عمران:رحلتج بعد باجر يوم الاثنين ساعة 4 العصر
هزيت راسي بمعنى اي
نطاني المستمسكات وكال
عمران:تحتاجين فلوس او اي شي نشوان وصاني ان انطيج كلشي تحتاجي
شمم:شكرا عندي بس نشوان وين
باوع ع راسيل
ورجع باوعلي
كال وهو يطلع
عمران:راح وي خوالي للعمارة يغير جو
بلعت ريك
وكرهت وجودي
حسيتة مايريد يشوفني
ومرت هالايام
حضرت اغراضي واجة موعد سفري
ودعت البنات
بس خالة زهرة ما طلعت ولا شفتهه
اخذني عمران هو وزهراء للمطار
وصلوني لهناك
ودعتهم ورتبت مستمسكاتي
وصعدت للطيارة
احس نفسي مرتبكة
واول مرة اخطي خطوة واني مو واثقة بيهه
فركت وجهي بخوف
يارب ساعدني
معقولة اللي اسوي غلط؟
ماالحوا علية بالبقاء
ونشوان تصرفاتة غريبة
يارب ساعدني
ومر وقت
ووصلت للسويد
نزلت هناك واخذت تكسي للبيت
ماحبيت اروح للقصر
لان كان الوقت ليل
رحت لبيتي دخلت بي
خليت اغراضي بالصالة
ودخلت لغرفتي سبحت
وتمددت ع سريري
احس بفراغ
والهدوء اللي امر بي صعب
تعودت ع جو العائلة
لكن شمم
هنا شركة ابوج واملاكج
مااكدر اترك كلشي وارجع للعراق
مااكدر
اني انبنت احلامي هنا
ونشوان اخ يا نشوان
ماادري شلون بية وبيك
كعدت الصبح من نومي
بدلت وطلعت للقصر
دخلت جوة
شفت خالتي كاعدة
سلمت عليهه وكعدت
كلت
شمم:لعد كميل وين؟
عبير:بدوامة
شمم:اهاا شصار ما صار بالشركة
عبير:عوفينة من الشركة شعجب رجعتي؟
شمم:املاك ابوية منو يديرهه
صفنت بوجهي
كالت
عبير:يعني انتي ما تدرين او رجلج ماكلج اصلا يمكن هو شحتج
شمم:خالة شكو وليش هيج تحجين
كالت ببرود
عبير:روحي للشركة وانتي تفهمين شكو
راسيل:يعني شنو؟
عبير:روحي وتعرفين شنو
كمت
واحس بكل خطوة مني
يزيد عداد الخوف
صعدت بالسيارة
ووصلني الحارس للشركة
نزلت ودخلت جوة
الشركة مفتوحة يعني ماكو شي
والموضفين يباوعولي
صعدت لمكتبي
السكرتيرا تباوعلي
شكو شبيهم؟
فتحت باب مكتبي
وانصدمت!!
شفت كميل كاعد بمكاني
كاشخ وهو يدير الاعمال
والمحامي يمة
بلعت ريك
سويت نفسي طبيعية
ودخلت سلمت عليهم
شمم:شكرا كميل لانك درت الشغل بمكاني هالفترة
كميل باوع ع المحامي
والمحامي كال
:ست شمم منا وهيج الاستاذ كميل هو اللي راح يدير الشركة بما ان هو الوريث الشرعي لوالدج
فتحت عيني مصدومة
شمم:مداافهم؟
:الاوراق تكول ان كميل اخوج من ابوج وهو وريث شرعي والاملاك كلهه تروح الة وانتي تحصلين مثل ما يكول الشرع
احس الدنيا افترت بية
شمم:ومن شوكت صار هالكلام؟
:اني خليت علم عند زوجج كتلة اذا تريد تبقى بالعراق براحتهه نرسل الج حصتج من ورثة ابوج بالبريد لكن هو رفض يتدخل
لزمت الكرسي
ونصيت راسي والدموع صارت توكع
كال
:ست شمم الاملاك كلهه بأسم ابوج وسابقا كنتي الوريثة الوحيدة لكن حاليا لا اخوج الة حصة اكثر منج
شمم:بس هاي الشركة بيهه تعبي!!
ضحك كميل
كميل:واني اخوج تستكثرين تعبج بية؟
طلعت وتركتهم
احس الدنيا ضجيج من حولي
واسمع صوت نشوان
هو كان يدري
مع هذا ما كال الي
خلاني ارجع واشوف الحقيقة بعيني
وانصدم
يربي شسووييييت بروحي؟
رجعت للبيت ابجي
احس الدمار من كل مكان يحيطني
كافحت وجازفت وتعبت
دمرت روحي لخاطر ابقة محافضة ع املاك ابوية
تاليهه انشمر هيج!!؟
اني دمرت نفسي
واسطات وصخام وعقود
وتزوجت نشوان ووكعت روحي
حتى اكدر استمر
تاليهه يضيع تعبي؟؟
احس ماكو مكان صار يلمني
وصرت افتر بالبيت مثل المخبلة
بعد ما كنت الكل بالكل انشمر!!
شنو وجهي من نشوان هسة؟
تركتة علمود املاك ابوية
تاليهه طلعت مالي شي
نمت بالكاع
وصرت ابجي بقهر
شلون دارت الدنيا هيج!؟
شلون؟
والصبح حسيت الباب تندك
فزيت ع روحي
جسمي مكسر
صارلي هواي نايمة!!
كمت ورفعت شعري
فتحت الباب
شفت العاملة كالت
:ست شمم محتاجيج بالقصر
هزيت راسي وراحت
صفنت
هذولي شيريدون بعد
غيرت ملابسي ورحت
شفت خالتي كاعدة وكميل
والمحامي موجود ويمة اوراق
كعدت وخليت رجل ع رجل
شمم:شكو بعد؟
عبير:كلت ما نظلمج وننطيج حصتج
شمم:لا خلف الله عليج مال ابوية هذا
عبير:شمم لتعبيني
ضحكت
شمم:مااتعبج لان انتي ماتعبتي روحج وفكرتي بوالدتي اللي هي اختج ماصدكتي ع الله تموت وتاخذين ابوية لا واستمريتي بالتمثيل مع كل الاسف
كال المحامي
:تردين هوية هالولد تبقى مضمومة حتى ترتاحين انتي
ضربت الميز
شمم:انت كوم اطلع برا الكلام مو يمك كووووم
عبير:شمم لا تاخذينة بصياحج
شمم:كميل اخوية واني احبة واطلعت للعالم وشفت شحلو من الاخ يكون سند لذلك اني راح اتنازل عن الشركة الة لكن حصتي بيهه اخذهه كل شهر يجيني مبلغ مالي للبيت لان هاي الشركة بيهه تعبي
صفنوا
كالت خالتي
عبير:يعني لازم تخلين ايدج بكولشي
شمم:واخذ من القصر حصتي واخذ من كل شاردة وواردة غير هالشي اوكف وياكم محاكم
:ست شمم بالبداية حلي مشكلة عقد الزواج اللي ما موثق وبأي لحظة تنحكمين سجن
ضحكت
شمم:اني اساسا هالشغلة مو ببالي اريد حقي من كل شي
كميل:شمم حقهه تاخذه لان هي اكثر وحدة تعبت بالشركة
سكتوا كلهم
وقعت ع حقوقي كاملة
واستلمت مبلغ مالي حيل جبير
كان سهم ورثتي من والدي
رجعت للبيت
وكعدت والدموع بعيني
احس نفسي مختنكة
شراح اسوي بروحي؟
....
العراق
الساعة ال11 صباحا
راسيل
بعد فترة نقاهة دامت اسبوعين
حالتي تحسنت
لكن ايدي لاتزال متجبرة
وبعد هواي يلا اكدر افتحهه
قررت اداوم وارجع لعملي
امي عارضت ورفضت
لكن قنعتهه
ساعدتني راحيل بالتبديل
واخذني عمران للمحكمة
الطريق كلة صافن
كلت
راسيل:شبيك عندك شي وي زهراء
عمران:بالعكس وردة
راسيل:لعد شكو؟
عمران:نشوان شاغل بالي
راسيل:قبل اسبوع رجع من العمارة ودايشتغل بشركة وما مهتم
ضحك
عمران:راسيل كلمة ما مهتم كلنة نكولهه بس ما نسويهه
راسيل:يعني بعدة متأثر؟
عمران:الف بالمية
جريت نفس بقهر
راسيل:شلون لعد
عمران:ماادري يلا انزلي وديري بالج ع روحج
نزلت
ودخلت للمحكمة
الكل يتحمدلي ع السلامة
باشرت بعملي
رغم شفت صعوبات
لكن كدرت اكمل كم شغلة
كنت طالعة اقدم الملف للكاتب
بين مايطبعة رفعت راسي
شفت شهم يتصل ومخبوص برا
درت وجهي حتى مايشوفني
اخذت الملف ورجعت لغرفة الموظفين
كعدت ادقق الشروط اللي بي
دخل ضابط تكلم وي احد المحاميين
الظاهر اكو مشكلة
لان كلام المحامي كان حاد
سمعت صوتة من كال
شهم:السلام عليكم
الكل رد السلام الا اني
بقيت منصية
بلكي ماينتبه علية
حجة وي الضابط
وطلعوا برا
قبل مايطلع كال
شهم:حمد الله ع سلامتج مدام راسيل اليوم مداومة
رفعت راسي
ابتسملي
كلت ببرود
راسيل:انسة
خليت الملف يم الموظف
وشلت جنطتي وطلعت
لحكني
شهم:وهم لابسة كعب
مارديت
صار يمشي بموازاتي
شهم:هالكعب شلون حاملج هاا؟
باوعتلة بغضب
راسيل:ارجع لموقفك الحاقد تغيرك هذا ما حبيتة ارجع وانت كارهني ومبعد روحك عني
شهم:لا يمعودة تنذكر وما تنعاد كنت ما عايش اصلا
مشيت
جرني من ايدي
نترت
راسيل:اييييدي
شهم:كافي راسيل مااحب اللي تعاند وتبقى مصرة ع قرارهه كااافي
راسيل:اني طليقتك افهم يا بشر
جرني بهدوء ومشة
اخذني لسيارتة
فتح الباب ودفعني
نترت
راسيل:شتكووول العالم وهمة يشوفوك كل يوم جارني ومصعدني للسيارة هااااا
كال ببرود
شهم:الضابط شهم الربيعي جاي ياخذ مدامتة المحامية راسيل العزاوي ترا شغلة جدا طبيعية موو؟
سد الباب
واجة صعد
صحت
راسيل:خيييييير هم لمطعم وتكلي هالمطعم مشهور بالشيش طاووق مالتة؟
شهم:لتصيحييين تشوفين واحد ساكت ويدور رضاج تسوين هيج
ضربت رجلي
راسيل:انيييي مااريد منك تدور رضاية اني كرهتك وكرهت حياتي وياك كاافي يابشر خليني بحالي اني تعبتتتتت تعبتتت
سكت مارد
وبقيت الطريق كلة اصيح
وهو ساكت
اخيرا وكف السيارة يم بيتهم
لزمت كلبي
وكلت بخوف
راسيل:صدكني مااتحمل وكلبي مأذيني هواي اني مداتحمل كلشي
نزل من السيارة
فتحلي الباب
كال
شهم:انزلي
وكعت دموعي
همست
راسيل:صدك ما عدت اتحمل اني اني
دخل نفسة للسيارة
خلة ايدة ع الكرسي من الجانبين
حصرني وبقة يباوع بعيوني
كال وريحة الجكاير ترست ريتي
شهم:انتي شنو؟ كملي..
راسيل:تعبت ورب الكعبة تعبت اني عاجزة ان اوصف اتفه شعور امر بي شلون اوصفلك شعور دمرني
هز راسة
ودمعت عيونة
كال
شهم:وصل احساسج ماكو داعي توصفين
راسيل:رجعني
شهم:مو قبل مااكول لعندي
درت وجهي
باوعت ع الشارع
احس ضاق النفس بية
ومااشم غير عطرة والجكاير
راسيل:ابتعد
شهم:غثج عطري؟ رجعج لذيج الايام
باوعت بعيونة
اختنكت ورجعت دموعي توكع
ابتعد ووكف يم الباب
شهم:انزلي
باوعتلة بخوف
شهم:امي بالبيت وام عامر واني وانتي راح نكعد بالاستقبال لتخافين
راسيل:همة نفسهم كانوا موجودين بس ماخلصوني من ايدك بالعكس عاونوك ناسي لو متذكر
جر نفس بتعب
وفرك راسة من الخلف
كال
شهم:شلون يعني ما ناوية تنسين
نزلت
ووكفت كدامة
راسيل:اللي سويتة ما ينسي
شهم:كدامي للبيت يلا
باوعتلة بطرف عين
ودخلت امشي
وهو وراي يمشي وايدة بجيوبة
شافتنة ام عامر
باوعتلهه بحقد
حسيتهه ارتبكت كالت
ام عامر:اهلا وسهلا
شهم:ام عامر كلاصين عصير بسرعة للاستقبال وانتي راسيل تعالي
دخلنة للاستقبال
كعدت بقرب الباب
راسيل:خلي الباب مفتوحة
ابتسم بأستهزاء
دخلت ام عامر قدمت العصير
وطلعت
كال
شهم:مو كأن سولفتي هواي واني دخلتج بجو دراما وصرتي تحسين نفسج ان انتي الشخص الوحيد المظلوم بالدنيا مو كأن اعتبرتي غلطتج عذر؟
صفنت بوجهه
كال
شهم:ماحسيت بطعم الرجولة ابد بوجود والدي كنت كل مااكبر تكبر وياية الحنية والعاطفة والخوف والخجل والتأثر رغم والدي قوي وجريء وامي صارمة لكن كانوا يمي قمة بالعاطفة واكتسبت منهم العاطفة لدرجة عمري 14 سنة وجابوا والدي شهيد
دمعت عيونة
شهم:كنت واعي وافتهم بس رغم هذا نفسيتي تكسرت واني اشوف والدي ميت بهالطريقة البشعة كان شكلة متغير ومو هو ولا نفسهه ذيج لحيتة البيضة ولا ذاك الوقار كان شكلة تعبان وركبتة متحرقة وتماشيت وي الدنيا
فرك عيونة
واني احس كلبي انكسر ع شكلة
شهم:امي انشلت وكعة تتبع وكعة لحد ما صارت مقعدة ع التمام وطول هالفترة علاماتي نزلت وما كدرت اصير دكتور مثل ماراد والدي ولا كدرت افلح بحب غادرني كلشي وصفيت انسان متعب وين مايروح ينخذل
شرب عصير
كال
شهم:اروح للمدرسة متأخر اعدل بقميصي اكوي ملابسي من الليل و اغسلهه وهواي هواي جرت ع كلبي مشاكل وهموم من شفتج انمحت وحسيت اكو طيبة كنتي ع وجهج هواي هاملة نفسج وجمالج ومالاكية الينصحج من شفتج كلت اكو نقاء بالدنيا ودخلت بصراع مابين قلبي وعقلي مابين الملاك والشيطان
نصيت راسي
جر نفس بتعب
شهم:بعد ما جزمت ع فكرة الزواج رجعت فكرت بيج وفجأة بين ليلة وضحاها اكتشف ان اني رجل فاشل عسكريا وماكدرت اكتشف واميز بين العدو والصديق وحتى المهنة اللي اختاريتهه حتى اعذب اللي قتل والدي طلعت فاشل بيهه
ضحك
شهم:اني انسان فاشل وادرك هالشي لكن عايش مثل الافعى بسمي
راسيل:ليش تسولفلي عن الشي اللي مريت بي
شهم:مايهمني ان اكون شخصية امام العالم دام انتي اكتشفتي فشلي
غمض عينة
رجع كال
شهم:صرت بصارع مابينج وبين نفسي واكول غدرت بية بعدين كلبي يكول سامح وبقيت ليلي ماانامة لحد مااجت المعلومات اللي انتظرهه من سنين عن اللي قتلوا والدي واسم والدج مدرج من بينهم وبالصدفة من قارنت حسيت الدنيا انشمرت كلهه ع راسي
همست
راسيل:بكر عندة رياجيل ليش ما انتقمت منهم؟
شهم:مايكسر الرجال غير عرضة
ضحكت
راسيل:لهنا وصلت دنائتك؟
شهم:ماكنت اشوف بعيني احس انكسر ظهري وبليلة زفتنا عانيت من صراع قوي بعيونج اشوف اللي قتل ابوية وكأن دااقترب من موتي
راسيل:ليش ماتركتني لرب العالمين
صفن
شهم:رغبة كانت او حب دفعني الج بس ابد ما كان انتقام من شفت روحي وصراعهه فكرت انتقم حتى ارضي ذاتي
راسيل:شفت الكامرات وشفتني شلون صحيت الصبح وصرت ابجي وام عامر تطردني
هز راسة
شهم:شفت كلشي
راسيل:مع هذا اذيتني
شهم:ماكنتي تنكسرين ابد
راسيل:كنت تنتظر انكساري؟
شهم:لا كنت انتظر وقعة منج تخليني اصحى بس انتي سويتي العكس
اختنكت
راسيل:الماضي صار كابوس واني تعبت
شهم:تعرفين انتي حلوة ومرة بالوقت نفسة
راسيل:شلون
شهم:لو ما صار اللي صار واتفاقج وي العصابة ما كان طلعت من السجن وعسى ان تكرهوا شيء
نصيت راسي
راسيل:انت شنو اللي تريدة
شهم:اريد ارجع شهم القديم القسوة اللي متنكر بيهه ماتمثلني هاي مو اني
راسيل:ايي روح ع بنت حلال تفهمك وتفهمهه صدك راح تحس نفسك طفل
صفن بوجهي
شهم'وانتي؟
راسيل:اني مابية بعد روح لخيباتك ولا اكدر اتحمل خيانات ووجع
فرك وجهه
كلت
راسيل:شنو كان احساسك لما كنت تخوني؟
شهم:اتخايلهه انتي و..
قاطعتة
راسيل:ششش لا تلعب نفسي
شهم:سألتي وجاوبتج
راسيل:والفشار واخر كلمة كلتهه الي؟ اني فعلا مثل ما وصفتني؟
شهم:تفاجأت من نفسي الانتقام خلاني جسر لدرجة اكول كلام مااحس شكد يألم المقابل
ابتسمت
راسيل:شهم اني ماارجعلك
شهم:بس ..
قاطعتة
راسيل:هذا العندي
شلت جنطي وكمت
كال
شهم:كلبج ماحن
اقترب مني
دمعت عيني
راسيل:يحن للجكارة؟ لو للنطاق؟
شهم:يحن لشهم اللي ينسى الدنيا بحضنج وبعدة يتمناج
وكعت دمعة من عيني
كال واكو بصوتة بحة غريبة
شهم:لييش تكابريين؟
راسيل:لان تعبت
زفر بتعب
رفع راسة بس ما باوعلي
كال
شهم:وشهم تعب وهو يصارع مابين حيطان الندم حتى يصلح كلشي سواه
راسيل:اللي انكسر مايتصلح
كان بغضب
وبعيونة دموع قهر
شهم:وانتي مو رب العالمييين
بهالاثناء اجت ست وفاء
كالت
وفاء:هااا خيركم
شهم كان يباوعلي
ويتنفس بالكوة
حسيتة يرجف
مشة بسرعة
وام عامر طلعت كال
شهم:خلي ابنج عامر يوصلهه لبيتهم
دخل جوة
واني بقيت صافنة
ست وفاء شكلهه مقهورة
بس بقت ساكتة
مشيت وطلعت برا
شفت عامر
صعدت امة واني صعدت
ووصلوني للبيت
طول الطريق اني صافنة
الدموع محبوسة بعيني واتذكر كلامة
واول ما وصلت للبيت
دخلت جوة بطانيتي وصرت ابجي
ابجي ع خيبات هواي
وع جروح ماناوية تشفى
ع ماضي ما ناوي ينساني
شهم دمرني ودمرتة
وراجع يريد بداية جديدة
شهم تعبان مثلي
بس مالة الحق يطلع تعبة بية
دموعي توكع
وخنكة بروحي قوية
ليش من كنت يمك ما صحيت
ليش استمريت تعذبني؟
ليش كلت كل هالكلام بحقي؟
وهسة جاي تبرر!
درت نفسي ع جهه ثانية
اني مااريدة ليش اهتم لتبريراتة؟
اني مااريدة ليش اذاني كلامة
ليش نطيتة التقارير وسويت كل هالشي؟
هو مهم بعدة
بس اني اكابر
لو ما مهم مااهتم الة واعتبرة ماكو
لو ما مهم ما يجرحني كلامة
ماادافع عنة واذب روحي بتهلكة
مااباوع بعيونة واستشعر احساسة
رفعت الغطة ودموعي توكع بقوة
احس نفسي تهشمت
من ادركت ان عقدة الحب ما تزال قائمة
وان اني ما نسيت بس اتناسى
ان اني غبية ورجعتة يركض وراي
واني ع اساس هالشي كلة مااريدة
راسيييل غبية غبية
شسويتي بروحج؟؟؟
ومرت ايام
احس كياني مخربط
وكلشي بية متعب ومتكسر
متدمرة هواي واحس بالخيبة
اداوم ع كد اعمالي وارجع
اما شهم؟
صار مخفي تماما وما اشوفة
يمكن سحب روحة
ايي سحب روحة لان اخر مرة كان مقهور
هاهية كدرت اخلص منة
وبيوم كنة كاعدين نتغدا
اندكت الباب
واخوتي يتعاركون ميقبلون يفتحوهه
اخيرا كام نشوان
وراح فتحهه
حسيتة طول وسمعت اصوات غريبة
كمت ووصلت لباب المطبخ
شفت نشوان واكف متصنم
ووحدة حاضنتة وتبجي
ركزت ع شكلهه
هذي شمم!!
شمم رجعت؟
كانت تبجي وتكول
شمم:اخذوا مني كلشييي نشوووان
وكانت تبجي بقوة
بقيت صافنة شسوي
اروح اخاف اعكر درامتهم
ابقة واكفة اخاف اهلي يجون
وهذا نشوان شبي مثل الصنم
شفتهه ابتعدت عنة
خشمهه احمر وعيونهه مورمة
لزمت وجهه وكالت
شمم:شفت شسوو بية؟ الشركة اللي خلصت عمري واني اهتم واشتغل بيهه طلعوني منهه شفت شصار بشمم
نشوان كان ساكت
صار لازم اتحرك واسوي شي
طلعت وسويت نفسي متفاجأة
راسيل:شمم هناا؟
مسحت دموعهه وبوستني
رحبت بيهه حتى تدخل جوة
كانت مترددة وتباوع ع نشوان
اما نشوان تركنة ودخل جوة
دون مايكول شي
اخ يربي وياهم
جريتهه ودخلنة جوة
اهلي انصدموا وامي ضاجت
شمم كعدت تسولف اللي صار وياهه
نشوان ساكت تماما
وعمران وزهراء مصدومين
اما امي كالت بأنزعاج
زهرة:وهسة بعد ما خسرتي كلشي اجيتي ع نشوان؟
باوعتلي
ورجعت باوعت ع نشوان
كلت
راسيل:يمة مو هيج
زهرة:انة ردت اسويلهم عرس كدام العالم ردت اخليهه محترمة وماتجيب كلام مو زين لنفسهه بس هي ما عجبتهه عيشتنة وراحت ع الشركات
شمم كالت
شمم:اني رحت حتى ارتب الوضع هناك بس انصدمت بالشي اللي شفتة
راسيل:يمة لا تلوميهه هي ما عدهه سند غير الله ونشوان
زهرة:نشوان تارك زرعة وصاير مسند لزرع العالم
نشوان طلع
وامي دخلت لغرفتهه
وشمم رادت تطلع
بس عمران كال
عمران:شمم متطلعين انتي صرتي بحمايتنة وامي حقهه تزعل لان فشلت كدام اهلهه
ساوينة الموقف
وصرنة نركض ورا نشوان
وهو ساكت ما يحجي
اخيرا كعدنة وكال
نشوان:اني شتشور علية امي اسوي
زهرة:حتى لو كتلك تعوفهه
مروان:باااطل اتقي الله يوم
شمم تباوع واحسهه مقهورة
كالت امي
زهرة:ششور عليك والبنية عافت بيتهم واجت عدنة؟
عمران:لتعقدون السالفة يمعودين
زهرة:هاهية حددو موعد زواج اذا الهانم موافقة
ضحكت
وباوعت ع شمم
راسيل:ها شمم شكلتي
باوعت ع نشوان
اللي انكلب شخص ثاني بالبرود
كالت
شمم:براحتكم
عمران:شوكت العرس
زهرة:اخابر خوالك
مروان:اممم هاهية خوالي بيهم الظهر ينشد ااممم منج زهرة تموتين ع اللي يأذيج اي طبعا اهلج عيني اهلللج تسحنيني دوة الهم
صاحت امي
زهرة:سكتوووا لهذا حيخبلني
عمران:اهوو شوكت العرس
زهرة:خلي اخابر
دخلت للغرفة تخابر
بعدهه طلعت
زهرة:الخميس اليجي لان خالكم حيسافر لأيران الاسبوع الوراه
مروان:مو كتلج تسحنيني دوة حتى يرضى خالي
هفتة بالنعال
وكام يركض ويضحك
كام نشوان طلع
وامي كالت
زهرة:زهراء وراحيل يلا كوموا ع البيت نظفوا وراسيل اخذي شمم للغرفة تفاهموا انتي وياهه حتى تاخذيهه للسوك
هزيت راسي
واخذتهه للغرفة صرت اسولف وياهه
كالت
شمم:احس نشوان ضايج او مامقتنع
راسيل:يمكن مقهور من اللي صار لا تلومي خطية
شمم:اريد اصلح كلشي بس مدااعرف
راسيل:كلشي يتصلح خاصة بينج وبين نشوان اضحكيلة وسوي حركات عفوية راح يضحك ويرجع
هزت راسهه
وبدت التحضيرات والتجهيزات
وزهرة بنت خالو اجت
خطية بشهرهه وتعبانة
بس هي وحمواتهه ساعدوا امي
بيت جدي اجو
وصالون وحفلة وهوسة
شمم طلعت تجنن
وراحيل جمال مو طبيعي
اني هم كشخت بس لبست لبس رسمي
لان ايدي مجبرة مو مال بدلات
فرحت هواي
وغيرنة الجو وحسيت بالسعادة
بهار بس تباوع ع راحيل
وراحيل ولا مهتمة
كلبت الدنيا هلاهل وركص
هي وزهراء ماقصروا
معبالي اختي هيج
النوب زهراء عمران مطلع عينهه
وامي خايفة عليهه
يمكن حامل بس ماتدري بروحهه
ولا مهتمة
لليل اجة نشوان
حناهه لشمم
هي تضحك وتتمركص
وهو كالب وجهه
قبل مايطلع لزمتة
كلت بغضب
راسيل:نشووان شبيك؟
نشوان:شبية؟
راسيل:ترا هاي شمم اللي حبيتهه ماكو داعي كالب وجهك عليهه
نشوان:ليش السوتة قليل
جريت نفس
نشوان:ورجعتلك لان تشوفك سند مابيهه شي ازعل بس لاتخلي الزعل ياخذ اجمل ايام عمرك
صفن
بعدهه كال
نشوان:الله كريم
راسيل:البنية تحبك احتويهه
هز راسة
باسني وطلع
رجعت وشفتهم ينظفون
وزهراء وشمم يطكون صور
اندكت الباب وصاح عمران
عمران:تستروا يمعودين
راسيل:تعال عمران شكو
دخل
باوع ع زهراء وغمز
عمران:زهراء امشي دوريلي المفتاح
زهراء عقدت حاجبهه
زهراء:يا مفتاح تقصد
عمران:احم هذا الكتلج ضمي امشي ندورة سوة
امي صاحت
زهرة:عمرااان اطلع مو وقتهه سوالفك الماصخة اجلهه
عمران:ترا مرتي مرتي مادام صار الشي واضح عادي اريدهه لان حلالي
زهراء صار وجهه احمر
وعمران بقة يلح
امي تتعارك ويا بس هو بقة لازك
اني ضحكت حتى اساوي الموقف
لان شفت زهراء ضاجت هواي
كلت
راسيل:زهراء روحي شوفي شيريد احنة حننظف بدالج يلا روحي لغرفتج
راحت للغرفة
وعمران فات وراهه
امي فرت ايدهه
زهرة:شلون وي هالولد المايستحي
راسيل:يمة عوفي خطية يحبهه
زهرة:يمة مو هيج فشلهه لمرتة خطية
راسيل:الله كريم
رجعنة نكمل شغل
بهار ذبت سجود ع راحيل
وصارت تشتغل بدالهه
وراحيل خلصتهه سنابات وصور
وسجود مكيف
مر وقت وسلكوا الدولمة
عمران طلع
كلبنة الدولمة بس زهراء ماكو
كمت حتى اصيحهه
دخلت لغرفتهم لكيتهه تبجي
رحت يمهه واني مستغربة
كعدت كدامهه ولزمت ايدهه
راسيل:شبييج زهراء شكو هالدموع عمران تعارك وياج؟
هزت راسهه بمعنى لا
همست
راسيل:لعد شكو؟
مسحت دموعهه
زهراء:فشلني كدام بيت جدكم احس مالي عين اقابلهم
راسيل:ليش عجب شصاير
زهراء:يعني ما يكدر ينتظر لباجر يعني الا هسة راسيل اني تعبت هذا اخوج مايرحم وفوك كلشي كدامهم يحجي ويسوي حلالي
جريت نفس
وابتسمت
راسيل:ترا عمران يحبج ومن محبتة الج مايكدر يصبر نفسة بعدين هو انتظرج هواي
زهراء:واني احبة بس مو هيج
مسحت دموعهه
راسيل:دكومي كافي بجي غير نسوان تكيف بس انتي خجولة هواي كومي وكافي زعل
زهراء:شكيف ع فشلتي تعاركت ويا قبل مايطلع
راسيل:ديلا لتضوجين عادي تصير بأرقى العوائل
ضحكت
واني هم ضحكت
وطلعنة ثنينة وكعدنة ناكل دولمة
بيبي تباوع ع زهراء وتضحك
خرب ذول العجايز ميبطلون سوالفهم
ومر الليل ضحك وسوالف
وثاني يوم الزفة
كعدت من وكت
وصرت اساعد امي
رغم ايدي مجبرة بس شسوي
وراحت شمم للصالون هي وزهراء وراحيل
واني بقيت بالبيت يم امي
خبصة وهوسة
زهرة تتصل وتحجي وي جلال
رحت كعدت يمهه
سدت الفون وكالت
زهرة:بعد عمري هالجلال بدوامة وشايل همي
راسيل:شلونة وياج اخلاقة شلونهه
زهرة:يمعودة وردة ماكو منة ومن عرف حامل بالولد طار من الفرح
ابتسمت
راسيل:الله يديم عليج السعادة
زهرة:الله يسلمج اكلج ماسمعتي شي عن هذا شهم
عقدت حاجبي
راسيل:مثل شنو اسمع؟
زهرة:ولج مريض عندة قرحة بمعدتة ودخلوا مستشفى وعلاجات وحيل تعبان
رفعت حاجبي مصدومة
زهرة:وخطية جلال انخبص بي بس حالتة حيل تعبانة حتى نفسيتة صايرة زفت وهاي امة متدمرة بسببة
صفنت
راسيل:يعني شنو السبب
جلال:بيني وبينج جلال يكول مقهور وحتى حجة عليج كال شدعوة هيج داتشوفة رايدهه
هزيت راسي بتعب
وكمت دخلت جوة
كعدت بالصالة
كانوا فاتحين اغنية
لو كلبي عندة جناح
يشوفك ويرتاح ويرد اليه
موتني صار سنين يسأل حبيبي وين؟
شمسوي بية؟
بالهم نهاري يمر علي واسهر ليالي
النوب كلبي ما سكت عذبني حالي
ضحكت والدمعة بانت بعيوني
كمت غيرتهه
وسمعت هلاهل
جابو شمم
دخلت راحيل تكمز وتهوس
صرت اضحك عليهه
والله راحيل مصيبة
شمم طالعة تجنن
واحتفلنة بيهم بعدين اجة نشوان
وعمران ومروان ماقصروا بالركص
علكوا الحفلة علك
وزفيناهم للفندق
الكل فرحان ويضحك
الا اني كنت صافنة
واحس نفسي بغير وادي
نشوان اخيرا ابتسم
وغير مزاجة
وصيتة بشمم
خطية مايبقى كالب الخلقة
وبعدهه تركناهم ورجعنة للبيت
راحيل تصور سنابات وي زيد وتتمركص
ومروان يصيح
مروان:ولج كافي تمركص
راحيل:منو شايفني هو اني بالسيارة
مروان:زيد دايشوفج وهذا كافي
راحيل:اهوووو
ووصلنة للبيت
عمران وي نشوان بالفندق
حجزوا هناك
اول ما دخلنة نزل زيد يصيح
زيد:هييييي فرجتي اهل بغداد ع هز الركبة مالتج شوي الخجل والثكل حلو
باوعتلة بطرف عين
و دخلت وعافتة
وهو تخبل
رجعت حياتنة طبيعية
وفكيت تجبيرة ايدي
رجعت اداوم وافتقدت لوجود شهم
يمكن وضعة متأزم هواي
لكن..
شنو البيدي اسوي؟
نشوان وشمم صاروا عصافر حب
وهم يتسحبون مثل عمران وزهراء
كنت اضحك من اشوفهم
زهراء طلعت حامل
وعمران داخل انذار
مروان مخلصهه ضحك عليهم
وبيوم كنت كاعدة
رن فوني رقم غريب
فتحت الخط وسمعت صوت ست وفاء!
طلعت برا وحجيت
راسيل:هلا خالة
وفاء:راسيل ليش هيج
عقدت حاجبي
راسيل:شنو شصاير؟
وفاء:شهم راح يروح من ايدي وانتي ولا يمج ليش انتو مو واحد جرح الثاني مو واحد انتقم من الثاني مو رب العالمين يسامح شبيج انتي؟ ما عرفت كلبج لهالدرجة قاسي
صفنت
ودمعت عيوني
راسيل:وشنو اللي اكدر اسوي
وفاء:ماادري اني احتاريت بي هالواحد وراح يضيع مني ما كحلت عيني بشوفة جهالة احس كلبي دايتكطع ومااكدر اسوي شي
هزيت راسي
همست
راسيل:الله كريم خالة
سديت الخط
ودخلت جوة
تغديت وي اهلي لكن كنت اتصفن
ومن صار العصر
بدلت وطلعت بوحدي
اخذت تكسي وتوجهت لبيت شهم
دكيت الباب
مااعرف ليش جاية؟
بس لازم اجي
استقبلتني ام عامر احلا استقبال
دخلت جوة
سلمت ع ست وفاء
كانت تعبانة هواي
ساعدتهه ام عامر وكعدتهه ع الكرسي المتحرك
واخذتني للغرفة
كل مااقترب اتذكر سجني
والايام اللي عشتهه هنا
فتحت الباب ودخلت قبلي
واني دخلت وراهه
شفت شهم نايم ويمة علاجات
اباوع ع الغرفة نفسهه غرفة عرسنة
والمكياجات مالتي والعطور مرجعهه ع الميز
نفس ماكنت اني مرتبتهه
ناقصهه بس وجودي
كالت ست وفاء
وفاء:شهم يمة اكعد شوف منو زارنة اليوم
فتحت عيونة بنعاس
بعدهه انصدم من شافني
وعدل كعدتة
كال
شهم:راسيل هنا؟
راسيل:الحمد الله ع سلامتك
شهم:الله يسلمج
ام عامر جابتلي كرسي
وكعدت
كلت
راسيل:سمعت بيك مريض واجيت اعرف سبب العلة
شهم:ههه ليش صرتي دكتورة؟
جريت نفس
راسيل:مرات العلة مو مرض
وفاء:اني راح اطلع واعوفكم براحتكم
لزمت ايدهه
راسيل:خليج هنا ماكو داعي تطلعين
ام عامر قدمت عصير
شهم يباوعلي وينصي راسة
بس حسيتة فرحان
كال
شهم:شمدريج بية مريض
وباوع ع امة
راسيل:قبل فترة عرس اخوية وزهرة زوجة جلال اجت واثناء ما نسولف كالتلي
شهم:وهسة يلا اجيتي؟
صفنت
راسيل:ليش انت منتظر جيتي؟
شهم:مااعرف يمكن اي ويمكن لا
راسيل:اجيت اشوفك واكلك لازم تصير احسن لخاطر ست وفاء ولازم تنسى الماضي وتعيش
ابتسم
شهم:الكلام حيل سهل بس الافعال تختلف
غمضت عيوني
ونصيت راسي
مدااعرف شسوي ويا
باوعت ع ست وفاء
كانت مقهورة والدموع بعيونهه
راسيل:شنو امنيتك هسة؟
جر نفس بتعب
شهم:كون ماشايفج بحياتي
ضحكت بألم
كال
شهم:وانتي؟
راسيل:نفس الامنية كون ميتة ولا شايفتك
شهم:من تموتين ما تشوفيني ولا تشوفين غيري
راسيل:احسن كل مدااصفن واتذكر كل شي مريت بي دااكره نفسي
كالت ست وفاء
وفاء:هاي شبيكم ترا مو هيج
باوعتلهه بقهر
راسيل:اني ما راح اعاتب لان عاتبت هواي مو؟
نصت راسهه
كال شهم
شهم:ووين راح نوصل؟
راسيل:اريدك تكون بخير وبعيد عني
شهم:من كل كلبج هالشي؟ اوك اني هسة بعيد عنج ليش اجيتي؟
ابتسمت
راسيل:لانك مو بخير
شهم:هاي انتي هيج تسامحين لو تدعين المسامحة
راسيل:اني كلبي ابيض هواي والدنيا طلعت من عيني
نصة راسة
شهم:بسببي؟
جريت نفس
راسيل:اكون اكبر غبية اذا خليت السبب كلة بيك اني من قبلك اعاني
كال
شهم:بس شهم زاد الالم
راسيل:مااعرف
شهم:اذا ارجع ادز عمامي تقبلين ترجعيلي؟
غمضت عيني
راسيل:انت شنو دواك؟
شهم:انتي
راسيل:ماراح اكون مثل ماتريد
شهم:اني اريد اصلح كلشي
كمت وكفت
وكلت
راسيل:يصير خير
وفاء:وين يمة ما كعدتي
راسيل:صار لازم اروح لان تأخرت
شهم:راح ادز عمامي
همست
راسيل:مع السلامة
طلعت وتركتهم
واني افكر ومحتارة
رجعت للبيت
وبعد ايام اجو عمام شهم
وهو اجة وياهم
اسمع يحجي ويتوعد
واني ابتسم ع حظي
زمان والله شهم صار يتوسل
امي واكفة يمي
تباوعلي
كالت
راسيل:هاا؟
زهرة:خو ما تبقين مطلقة طول العمر وشهم صح اذاج بس الظاهر تغير
اجة عمران
كال
عمران:شلون الجماعة داينتظرون
صفنت بوجهه
كلت
راسيل:كلهم موافقة بس بشروط
امي كيفت
وشمم وزهراء يضحكون
راحيل تكرز حب
قبل مايعرف شروطي وافق
ورحنة للمحكمة
جددنة العقد وشمم مكيف
فعلا كان غير شخص
رتبت ملابسي
ومن الصبح ودعت اهلي
واجة اخذني لبيتهم
ست وفاء مكيفة بية
سوو عزيمة وعزموا اقاربهم
وفجأة شهم يفتر ولا كأنما مريض
صح فرحت بداخلي
بس اثار الكسر بعدهه موجودة
وصار الليل وشهم دخل للغرفة
صار يبوس بأيدي وبراسي ويعتذر
اختنكت واني اشوفة يحاول يراضيني
ويحذف شي من ذاكرتي ماينحذف ابد
خلص الليل وهو حاضني ويسولف
ومرات يشكيلي عن همة
بعدين يرجع يعتذر
اخيرا كال
شهم:اكو كادر اردني بأربيل اخذج ونروح هناك تعالجين واعالجج يم دكتور تجميل حتى تروح الاثار اللي برقبتج
ضحكت بألم
راسيل:هاي مااروحهه ولا اتمنى تروح تدري ليش
شهم:ليش؟
راسيل:بس حتى ماانسى خيباتي ولا انسى غلطي
صفن بوجهي
كال
شهم:بعدج شايلة بكلبج علية مو؟
راسيل:ومااعرف شوكت هالجرح يطيب
خلة راسي ع صدرة
وحضني بقوة
ومرت فترة واحنة هيج
يحضني وبس
واليوم اجة وبيدة اكياس هواي
كال
شهم:كومي شوفي شجبت
كمت وصرت افتح بيهه
حلويات وعلبة مغلفة
وكيكة وعصاير وكرزات
وشموع وترتيبات
ومشتري فرشة حمرة
صفنت بوجهه
راسيل:دشوفهه شلون الورد خشن
شهم:هاي نتغطى بيهه اكو شرشف ناعم
هزيت راسي
كال
شهم:بقى هذا ماشفتي
راسيل:شنو؟
فتحت الكيس وشفت
فستان دلعة خفيف وناعم
لون ابيض حيل حلو ومرتب
لكن قصير هواي
وبي فتحات جريء
عقدت حاجبي
راسيل:هاي شكو اليوم ههه
شهم:ترا عيد ميلادج معقولة ناسية؟
صفنت
بعدهه ضحكت
راسيل:تصدك اول مرة اسوي عيد ميلاد
شهم:منا وهيج مننسى اي مناسبة ميلادج وميلادي وموعد زواجنة وكلهه الا كوليلي الثوب عجبج
حكيت شعري
راسيل:ايي حيل حلو هذا اختيارك
شهم:ايي يلا كومي سوي شعرج وميك اب مرتب ولبسي هالثوب واني راح ارتب هالهوسة
ابتسمت
راسيل:شهم انت فعلا شهم لو اني اتخيل
شهم:اي شهم هههههه لج كومي عاد
كمت وهو ساعدني بتصفيف شعري
خليت ميك اب وهو يرتب بالميز
بعدهه دخلت للحمام لبست الثوب
رغم كان فاضح بس حيل حلو
طلعت وشافني شهم
فرك ايدة واني ضحكت
راسيل:هااا شكوو
شهم:نحتار وين نباوع تعالي يلا خلي نخلص من الكيكة ونتفرغ للكيكة الجبيرة
راسيل:هههه
واحتفلنة سوة
ومر الليل بسعادة وفرح
فعلا كان شهم ثاني
ومو هو نفسة اللي اذاني
ومرت اشهر
سافرنة لأربيل
املي ضعيف بالحمل
لهذا زرعت
واجهت الم مو طبيعي
وشهرين ووكع طفل
وبعد اسوع وكع الثاني
شهم انقهر واني تدمرت
مريت بتعب قوي خلاني اكره روحي
ورجعت زرعت من جديد
وهم وكع الطفل
بوقتهه تحطمت نفسيتي هواي
وشهم تدمر مثلي
خسرنة فلوس هواي
وانعزلت عن العالم
صرت اتذكر دماري وكل موقف صعب مريت بي
اخيرا اجة شهم
وشايل بيدة مبلغ كبير
كعد كدامي كال
شهم:شبيج يأستي؟
راسيل:كتلك ما بية امل
شهم:كومي نتفاهم كومي
كعدت والدموع بعيني
كال
شهم:ام عامر وكنتهه راح يبقون هنا وخالي كذلك راح يشرف ع البيت طول فترة غيابنة
عقدت حاجبي
راسيل:ليش وين راح نروح؟
شهم:حجزت يم دكتور بلبنان يكولون متطور وخوش مركز ورتبت وضعنة هناك راح نزرع طفل واحد بس لان رحمج ميتحمل ونبقى سنة هناك بين مايثبت وتولدين بخير وسلامة ونجي
فتحت عيوني مصدومة
راسيل:سنة! سنة من عمري اكضيهه بعيدة عن اهلي شهم والمصاريف؟
جر نفس بتعب
شهم:مستعد اذب حالي ومالي المهم اسعدج بطفل شنو نسيتي ان اني وعدتج اسوي كولشي لعيونج
وكعت دموعي
راسيل:بس تعبت من الاجهزة والالم الفضيع تعبت وتعبتك وياية
شهم:لا تكولين هالكلام اني اخذت قراري وخلاص وباجر تروحين لأهلج تودعيهم
دمعت عيوني
اخذني لحضنة
راسيل:وشغلك وراتبك والدنيا كلهه
شهم:رغم صعب وراتبي كلة طار اثر هالشي بس المهم انتي مااريدج تيأسين
هزيت راسي بمعنى اي
وثاني يوم رحت لأهلي
فرحانين وعايشين حياتهم
زهراء بطنهه كبرانة
وشمم حامل
استغربت من شفت راحيل تربي ابن زيد
اخذتهه ع جهه
نترت
راسيل:شنو هذا اللي اشوفة؟
راحيل:اني اتخذت قراري ان اربي هالطفل
راسيل:هو مو ابنج ولا يعود الج باجر عكبة يكبر مرجوعة لأهلة وانتي يجيج خطابة شداتسوين بروحج
ضحكت
راحيل:اني اخذت نصيبي من الدنيا وكافي
راسيل:لتخبليييييييني
راحيل:راسيل مال ارخص روحي واصير مرة لرجال هاي انسيهه انسيهه
راسيل:عمرج جمالح دراستج وين تروح
ابتسمت
راحيل:لنفسي اني لنفسي
راسيل:كافي دوختيني
جرتني من ايدي
كالت
راحيل:شوفي راسيل بعد كم سنة اسمي راح يلمع وراح اذل زيد وهذا وعد شوفي احساسي غريب واول مرة احس بروحي انسانة رب العالمين خلة حاجتهم يمي ولو تشوفين شلون اجة يتوسل
لزمت وجهه
راسيل:هاي مسؤلية
راحيل:واني اتحملهه
جريتهه لحضني
ضحكت
راحيل:اني قوية
راسيل:الله يعينج ع عقلج
وطلعت كعدت يمهم
وبعدهه ودعتهم
هالشي كان صعب علية وع اهلي
لكن غصب
وسافرنة اني وشهم
واستقرينة بشقة هناك
اجارهه نار
سويت العملية وضكت المر والالم
وشهم يصبر بية
وطول هالفترة بقة يهتم
بعناية رب العالمين كدرت اتحمل
ورغم الحمل متخلخل لكن عبرت الشهر ال5
وخف الخوف
وطوال هالاشهر اني نايمة
وشهم هو اللي يهتم بية
ماانكر اهتمامة وحبة وصبرة علية
مااقترب مني كل هالفترة
وصابر وساكت
وكان مقتنع بأبتسامة مني
ومرت الاشهر
طبعا التهجين كان ولد
وصرت افرح كل مااشوف بطني تكبر
جربت احساس الامومة
وشعور الطفل بداخل الام
لكن الغريب ضعفت
وتعبت هواي
مع هذا شهم وياية
اهلي يتصلون بينة
وماما وفاء كذلك
واجة وقت ولادتي
بس الله وشهم وياية
كان يحمس بية ويكول
شهم:نسمي علي شوفي هذا الطفل اللي حلمنا بي
دمعت عيوني
لزمت قميصة
كنت بملابس العمليات
وكعت دموعي
راسيل:اخاف مااطلع اريد اكلك شي
شهم:ششش اسم الله
راسيل:اني احبك
باسني براسي
ودخلت لغرفة العمليات
تسلسلات حياتي تمر كدامي
طفلة ومراهقة وشابة
كل المواقف تذكرتهه
وغمضت عيني ع اخر نظرة من شهم
وبعد فترة طويلة صحيت
شفت شهم مكيف ويضحك
والطفل بسرير صغير يمنة
احس نفسي بحلم
مدااصدك رحمة ربي
شهم يبوس بية وفرحان
شفت علي كان اية مال جمال
حيل حلو
وهالفترة كانت معانات
وشهم يساعدني بالسبح والتبديل
وبعلي يهتم وياية
وصار يمشي بأجراءات الجنسية والجواز
حتى نرجع للعراق
قبل ليلتين من رجوعنة
نومت علي من وقت
ورتبت الغرفة ورتبت روحي
وانتظرت شهم يرجع
طبعا لكة اصدقاء عراقيين هنا
وابتدت المشاوير
اخيرا اجة
فتح باب الغرفة وابتسم
ضحكت
راسيل:يا هلا بأبو علي
شهم:شنووو هاااي ام علي عالكة الجو
وكفت يمة
وخليت ايدي ع لحيتة
راسيل:صار هواي محروم وحك ليحتك اللي تنحلق اول منوصل للعراق مدااتحمل بعد وفعلا تدمرت يلا حصلت هالولد وعاجبني اتونس
ضحك
وحك لحيتة
شهم:زين نبوس علي وبعدين تدلل ام علي
راسيل:ديربالك تخلي يصحى
ومرت هالليلة بحب
وبعد فترة رجعنة للعراق
استقبلونة كلهم بكل حب
والايام تمر مثل رمشة العين
احب شهم وهو يحبني
لكن بعدة يعاني من برودي
مشكلتي مدااكدر اتناسى
بس احبة وهو يدري بهالشي
كلشي يسوي الي افرح بي
لكن مااحس بطعم الفرح الحقيقي
احس فد شي انكسر بداخلي💔
وكل يوم اصحى الصبح
اشوف اثار الجكاير مختفية
وحولهه بقع متلونة بلون الحب
لكن!
القلب انجرح
ماعادت تفيد العلاجات!
واليوم كاعدة ببستان بالطارمية
يمي مي والخضار يجنن
ابني علي يلعب يم ابو
كدامي
وامي وست وفاء مخبوصين بالدولمة
الجهال يلعبون
ابن عمران وبنت نشوان وابن زيد
راحيل تلاعبهم وتضحك وياهم
مروان هو وملازمة كاعد يدرس
ويصيحولة يصور
اما نشوان وعمران يشوون السمك
والمفاجأة اجو بيت خالي
وزيد كابل راحيل وكعد
لكن راحيل صدمتني قوتهه
يربي ولا اهتزت
كنت صافنة شهم صاحلي
شهم:راسيييل اجاج علي
واجاني علي يركض
حضنتة وصرت ابوس بي
ومروان طكطك صور
اجة شهم وصار يبوس بية
راسيل:وك شهم عيب
شهم:راسيل اني فكرت
راسيل:اذا بذيج الفكرة انصحك توفر تفكيرك
شهم:الله رازقنة راسيل وعدنة فلوس شنو اليمنعنة ان مانسوي طفل
باوعت بوجهه
كلت بغضب
راسيل:اليمنعنة ان اني ما عدت اتحمل
شهم:راسيل اريد طفل
راسيل:الم فضيع ويأس ما عدا الفلوس اللي خسرناهه شهم مااريد
نتر
شهم:بس اني اريد
عقدت حاجبي
راسيل:راح تنزع علينة الطلعة؟
نصة راسة
كمت
راسيل:روح تزوج شهم اني ماافيدك
شهم:راسييل لتخلين جنوني تطلع ما تحلى بعيني غيرج بعدين اريد جهالي منج
راسيل:اني اكول غسل ايدك بالشط احسن
شلت ابني
ورحت يم امي
وشهم يحوم يمنة
اخير شي كالت ماما وفاء
وفاء:هااا حتكلبون الطلعة سم نتفاهم بالبيت اسكتوا عاد
رضعت علي
وشهم اجاني من الخلف
خلة راسة ع كتفي
شهم:ضجتي موو؟
راسيل:لا ليش اضوج هذي قسمتي من الدنيا
شهم:والله نظرة وحدة منج تملي الدنيا علية بس لتضوجين
باوعتلة
وهو ضحك
شهم:شوفي انملت الدنيا
سمعت صوت تصفك وتصفير
باوعت الكل متجمهر ع كامرة مروان
ضحكت
الظاهر مروان مصورنة
خليت علي يم شهم
ورحت كعدت يم البنات
راسيل:شمم شنو شعورج
شمم:رغم كل الم مريت بي وخسارتي بس الله عوضني شوفي زمرد بنتي اللي سميتهه ع اسم امي احسهه روحي وتفتر كدامي وداننتظر اللي بالطريق
خلت ايدهه ع بطنهه وضحكت
شمم:اللي يشوف خشم وعنفوان نشوان يكول هذا ما ينعاش ويا بس عرفت نقطة ضعفة وتفرعت بكولشي بي احس خسارتي تعوضت سو هسة ببين اهلي وحبايبي والفلوس بنيت بيهه شركة مرتبة ودرتهه اني ونشوان والاهم من هذا علاقتي طيبة بأخوية كميل
لزمت ايدهه
راسيل:الله يديم السعادة عليكم
نشوان يضحكلهه من بعيد
باوعت ع زهراء
بطنهه شكبرهه
راسيل:وانتي زهور
زهراء:اني معاناتي اخوج مايشبع شوفي دايدور ع ختلة هنا😂
راسيل:هذا هو عمران من يحب ينجن
زهراء:رغم عصبي ومتهور بس حيل حنون واتقن فن النجارة وصار الة محل خاص تخيلي احس ذيج الايام اللي عشتهه واني ابجي كانت مو من عمري ومتندمة لان بجيت عمران بمثابة حياة الي
ابتسمت
راسيل:ان شاء الله تبقون هيج
زهراء:ابوية مكيف ع ابني محمد لان ع اسمة اااه صار هواي ماشايفة اهلي والله هذا عمران مصيبة تخيلي يوديني نص يوم ماالحك اشبع منهم
صاحت
زهراء:عمرراان خلي نعقد هدنة شتكول
عمران:بأحلامج ماصدكت شوكت يصير صلح الحديبية تردين هدنة
ضحكت من كل كلبي
باوعت ع راحيل
تخلي بودرة جسم لسجود
وتعدل بملابسة
راسيل:وانتي راحيل
ضحكت
راحيل:بدينة حياتنة بالمرة تحت حذائي ونختم حياتنة بالرجل ع راسي لكن مالة مكان بحياتي ماراح اتجاوز لا مو من اخلاقي بس راح اكتفي برفضي شو حياة وعايشتهه ومكيفة وهالطفل مالي الدنيا علية وكلية ومتونسة بيهه شبقالي بعد
كال زيد
زيد:والكربلائي كل يوم شايفي شبقالهه بعد
ضحكت واني اشوفة محترك دمة
راحيل:انت لا تخلي نفسك
زيد:انة عزيزة (سحر) اذا مو الي ماتصيرين لغيري
ضحكت وكمت من يمهم
وكفت يم الشط
كلهم عاشوا بسعادة
زهرة صار عدهه ولد 2
سارة تطلقت
بهار الندم ماكلهه
وزيد اصبح تايه
معقولة لهنا انتهت قصة حياتي
وحياة اللي احبهم
حسيت شهم اجة وراي
حوط ايدة ع خصري
وراسة ع كتفي
شهم:شلون وي جسم ليلى علوي
راسيل:مخبلك جسمي
شهم:اي وربهه للكعبة بس اني احبج واحب اشكر الظروف اللي جمعتني بيج
راسيل:تنسي وما تنعاد
وضحكنا بقوة
وضحكت الايام النة
وعدى العمر سلامات
ولهنا تنتهي معانات راسيل
معانات الخير والشر
وعسى ان تكرهوا شيئا وهو خير لكم
رب ضارة نافعة
سامح حتى لو انجرحت
لان اخر المسامحة حسنات
البغض مو حلو ابدا
حاولوا ترتقون بالحب
وبالتفكير الواعي
اتركوا الانتقام
احنة نولدنة حتى نكون خير امة للناس
مو حتى نزرع الشر
الكل عاشوا بخير
بعد دمار ويأس طويل
وبعد العتمة نور
بعد الظلم نصر
والله خير الناصرين
عيشوا حياتكم بحلوها ومرها
تغلبوا ع واقعكم وصارعوا
لا تحجون بشرف بنية
لا تظلمون كائن ضعيف وسيلتة دموعة
رفقا بالارواح والمشاعر
والعبرة واضحة
حارب الدنيا واثبت وجودك
واضحك ع الزمن اللي ضحك عليك
اعتقد كانت عبر هواي
ووصلت الكم وفهمتوا معناهه
لكن اهم شي
كونوا راقين بتفكيركم
وكونوا بشر يخاف الله
ويؤمن بالعدالة السماوية
ترا الدنيا تدور
والكارما تفتر
وماكو بشر يجرح ماينجرح
شكرا لكم احبتي على سعة صدوركم
ها انا بينكم المع كالنجمة
اكتسب منكم بريقي واعلو
شكرا لكل اللي يحبوني
شكرا لكل اللي يدافعون عني
شكرا للي يكرهوني وينطوني حافز
حتى اكمل واقهرهم
اتمنى ماطولت عليكم
اتمنى كانت النهاية عادلة وحلوة
الدنيا مرة هيج ومرة هيج
ما تكضي بالزعل
عرضت الكم راحيل
وشلون تحولت من الضعف للقوة
بسبب قسوة البشر
وزهراء وعفتهه ومخافة الله عدهه
وشلون كدرت تحول عمران من الشر للخير
شمم الكبيرة الواعية
اللي تعرض نموذج المرأة الناجحة
عرضوا تداخلات المرأة والرجل والحياة الزوجية
بأجمل صور
وراسيل مثال الصبر
اللي بيهه ريحة امهاتنا ونكهة تسامحهم
غيرت شهم وطفت نار الانتقام
شكرا لقلوبكم النقية
وشكرا لحبكم وعطفكم
شكرا لتقديركم ولانكم بحياتي
بكل العبارات احبكم
والان انتهينا
اشعر وكأن امتعة السفر قد حملها القطار
وها انا الان اودع مشاعري معهم
اتمنى لهم حياة هادئة
سعيدة جميلة برفق من تحبون
تقبلوا تحياتي
ببالغ الحب والود
الكاتبة
غدير الحيدري❤❤
....
انتظروا نوووت مهم باجر
ورأيكم اكو جزء ثالث؟
لو حياة الابطال لهنا وتوقفت؟!
ترفقكم السلامة❤