شجون العاشقين

الحلقه الحادي عشر

شجوووون العاشقين
🌷بقلمي يارا الياسري
مساء العسل اسحلوني براختكم علىالتاخير خهههه
احجنه لبقلبجن لا يبقى شي .

كيكاتي تابعوا هالعسل
opklopkl77

وبوساتي  لكيكاتي ليتابعونب من امريكا ومن كله مكان ..بوساتي وغزلي لعيونكم  اين ماكنتم   الكم 👄👄👄 مني احبكم ..

ـــــــــــــــََََََََََـــــــــــــــــــــــــــــــــــــــــــــــــــــــــــــــ

شجوون .من سمعت امي وتكله لعهد جيبي مقص اكصلهه شعرها كرعه كولش ونفتك .وتقى تضحك خفت واني تموت بشعري بسكووت واني ناعمه خليت وطلعت شارده ورة بيت جدي اكوو شون صبابه عاليه ينكعد عليهه طبكته رجليه وكعدت مدنكه وابجي جمر مو دموع.  وحسيت اكو احد واني لزمني كلبي كلت هاي سميه راح شعرج شجون وادردم ..بس اشم ريحه كوولش حلوه وخيال مال واحد عمالق مو مال سميه .رفعت وجهي واني دموعي والخنينه بوجهي فد استحيت واباوع هذا الاسمرراني. اووي شكد نضيف لابس اسود .ومخنز عليه يباوعلي ..واني دنكت اباع لحالتي فانيلتي مدمره مركه وحالتي حاله عبالك وحده من الشارع. 

كرم..من سنه او اكثر،ماشفتها بعد اخر مرة اجيت ونويت مارجع اجي وحلفت وبالفعل كملت  حتى نسيت شكلها ونسيت اسمها ..بس واني داخل بعد
رحت لليورة دايما من ادخل اروح هناك وشفتها دنكت عليها ..شبيج شسوين هنا ...حالتها تلعب الروح احترك قلبج سميه حيوانه مو قلب عدها ويجي واحد يكلي خالتك ليش تكرها مو هي  متجرده من كله الانسانيه ..ام عرص ..

شجون ..اهتدت روحها وكان رمقت الحياه بشخص ديموت وابتسمت برغم دموعها الامان لتحس بوجود كرم كان المنقذ الرباني الهه  اسمراني  هنا ..

ضحك كرم على كلمته الاسمراني وكللهه انتي شدسوين هنا ..

شجون وهي تجر بالنفس لان حتى نفسها جانت خانكته خليفه من سميه ..هاي تقى واني يردنه يصلعني ويطيرنا لشعري اصبر صلعه اخوف جني ديج مهلوس يردنا يسوني ..

كرم. هههه امج عار الله ياخذ الزينات ويعوف العارات ..بعصبيه وكراهيه لسميه الي مايطيقها واسباب هو اي سبب كرهه الهه ..كللهه كومي اني اخذج ..اعدلج .بس دخلي لخواتج وكولي لامج كرم هنا يريدني خلال دقايق. .

شجون ..فرحت وتكمز اسمراني وتهز براسها بتغنج اسمرراني ..بس هي تكتلني اذ،لزمتني شيخلصني من ايدها ..

..كرم . طلع اكلنكس من جيبه ومسح خشمها وشمر الكلنكس. .ماعليج بيها كليله كرم رايدني وهي ماتحجي حرف ...يله ..كدامي ..عطفت عليها احسها طفله مضلومه من يوم ميلادها له اليوم وادري بحقاره خالتي .صح اكرها امها بس هي اعطف عليها
واعتبرها من طفله يتيمه اكسب اجر بيها ..

شجون ..دخلت واباوع سميه معصبه . عود اني شنو شخت كلت مادام كرم دزني شويه انفخ رويشاتي كلتلها بلسان ونبره شوفه روح . كرم يدليج بدليلي يريدني ( كرم يكلج بدليلي ..)..واجتني تقى منه دمغتني امداج ام خنينه شياخذ،وحده خايسه ..
انتي خايسه تقى الحيوانه ادله لكرم عليج يحمسج ...

سميه ..بعصبيه كافي نكره تعايه كرم ابن خالتج وين ..

شجون . بره دينتضرني بدليلي ..

سميه .عهد تعايه لبسيها ملابس تقى القديمات صغار عليها لبسيهه ومسحي وجههه ..

تقى ..لا احركهن ولااخلي هالخايسه تللبسهن. ..

سميه ..خزرت تقى خوفتها وسكتت ..

وعهد بدلت وعدلت لشجوون واخذتها سميه لكرم عود تتلوك اله ..بس كرم سلم عليها من ورة خشمه. 

كرم ..هلا ام نوراس شلونج يابه من ورة خشمه وداير ضهره الهه ..

سميه ..هلا خاله شلونك شخبارك اتفضل ادخل تلوكلت لان تدري بي عند فلوس ومتعين عود يشفق عليهه وينطيها شكم فلس انسانه ماديه مستعده ادوس على. كرامتها علمود الفلوس وتتباهى لكن كرم  ذكي لدرجه من نضره يفهم ويعرف البشر،ماانطى فرصه الهه واخذ شجوون وراح بسيارته ...

شجون ..وين تاحذني ..(وين تاخذني .

كرم..اخذج اخلصج من الكمل هههه واعدل شعرج مرتب اسوي ..

شجون . كرعه تسوويني .

كرم. خهههه لا انوب تجلطيني اذ،سويتج كرعه لا اسويلج فرنسي. .

شجون . هههه فرنسيه اصبر ادلع واغيض تقى الحماره ..

كرم. هههه لاتغلطين عيب لسانج العسل يتلوث بهالكلمات. .

شجون ماشي ..مااغلط انته هم عسل ..

كرم .هههه  بعد عيني بت سميه العار تتغزل بيه ..

شجون.  من كال هيج مافهمت بقيت ابتسم بوجهه ..
وصلنه المحل حلاقه بمنطقتهم اصلا ماطالعه بيها ولا مرة سلم كرم علي،والولد رحب بي واشرله عليه

الولد الحلاق كله كرم تدري بيه هالشغله مال كمل ومادري شنو مااسويها بس لخاطرك ولخاطر جيتك
بس ماكلتي منو هاي..

كرم ..مشكور ادري ماتقصر. بينه وبين نفسه استعار يكول بت خالتي كله بنيه يتيمه نكسب اجر بيها. ..

اللولد هز راسه واشتغل بشعري كصه اليه كص كروي فرنسي ..وغسل بشامبو كمل وشسوره الي طلع يخبل عليه ..

دفعله كرم واتشكر منه واخذني بالسياره يباوعلي .. .
كال ماعندج ملابس اكبر بعد ..

لان جنت لابسه ملابس تقى وبسهن كبر طالعه عبالك مخبله.  وبفهاوه كلتله ذني مالت تقى بالكوه خلتني البسهن تريد بعد منين اجيبلك ..

كرم ..ضحك ومسح لحيته بس يخبل غير صفنت علي ..ماشي اخذج لمحل مجد ونشتريلج ..

شجون.  ايي ولعابه همين ..بيت جدي عدهم مثل المجمع ومحلات بي للولد واحد منهن مجد يشتغل بيهن هو جدي مسويهن لولد  البيت ادري عدهم ومرات مجد يجيبلي وخالتي تنطيهم لامي ماتلبسني تنطيهم لتقى بس ولا مرة اجيت ..اخذني كرم لهناك.  .

مجد ..اووووو نور المحل ياعيني الملازم كرم اتكرم عليه واجانه ...هههه شونك الك بذات اشتاكينلك ..

كرم ..لوني بنفسجي هههههه الحمد الله انته شلونك وال ..شلونها ..

مجد الممم زينه. شنو هالحلوه منورة بت سميه ..
ماصدك كرم وبت سميه  ..اخاف اتحلم ..

كرم..خهههه  لوني مو بيدك ماعليه بسمبه العار هاي يتيمه مالهه احد ..شوفلي ملابس علة كدها مرتبات بدلات سوالف بنوتات ..

شجون .عمو ان اني جنت اكلة عمو  لمجد ..

مجد...ليش  تكليلي عمو  وكرم باسمه

شجون  كرم  احبة راح اتزوجة

ومجد  مات من الضحك يكله لكرم . حتى الجهال تريدك بس حضي ازرك مااحد تباوعلي

كرم..امدك تريدني اتزوج بنت سميه قحط النسوان

مجد . شبيها حلوة ..دباعلهه القلب يفرفح عليها ههههه ..

كرم ... اي حلوة عيونها غريبات  ومحولات وخدوها عجينه بخمره زياده .

.شجون صرت بنصهم . كلتله يعني اني حولة وهم  ماتوا من الضحك واحد يضرب جتف الثاني وميتين ضحك عليه ...

كملت واختارلي ملابس ووكفت وهم يسولفون .كلتله نوراس حامل ..

مجد طكها ضحكه . يعني اروح اجيبها لو افحصها هههه..

شجون ..عمو شبيك داكلك ..

مجد انتحر بيج لانكولين عمو اذ تكليلي عمو لعد كولي لكرم عمو ...

كرم.. هههه لا والحظ لاحكني الازرك بت سميه فضيحه هههه..اشش لاتحجين ...كافي ..وانته
كلي وضعك ويه الاخت شنو .

مجد ..اريد اتزوجها  متعه ..هههه..

كرم .عوفها لهااي ..شلم بلم ماتفيدك وتقط فلوس
شتتزوجها حتة الكاك مشمور بحاويه الزبال بطرق الباس هههه.. ..

مجد.  لا والله حبابه ولحد الان ماطلبت شي ..

كرم..خاب اخذ الحجي ..الا اكلك ..ك..يله تفهم ..

مجد ..هههه ماشي ماضال وياهه والله بس تشوف شي مو زين عليه اعوفها ...

كرم..يله اسبقك لبيت جدي ..ونتشاوف هناك ..وباوعت هاي بت سميه صافنه وتحفظ الحجي. بزونتي ...دارت بخوف عليه ..

شجون ..شكو .وبرطمت ..

كرم . باعي شكو شي سمعتي هنا ماتنقلين اموتج اذ،نقلتتي حرف او سمعت بيج ناقله سوالف ... واسمعين وتنقلين  اموتج وخزرتها ...

..شجون . والله مااحجي ماانقل وجان هذا اول درس بالتربيه والاداب اتعلمه من كرم هو ماانقل حجي والي اسمعه انساه ابد ما علمتني سميه شي
ولابالتربيه لكن. كرم  ..بلش يعلمني التربيه واصول الاخلاق ...واخذني بالسياره بالطريق اشترالي لفه ..ووكف على صفحه كال اكلي ...وكله مااكل ويدمر حلكي ..بيده اكلنكس يمسح حلكي. ..
انته ماتضوج من تمسحني ..

كرم..هههه لا مااضوج احب اشوفج نضيفه وتلمعين ..

شجون .اكلت واشرتله يله امسح ادمرت هنا عنبه ويم خشمي ..اول مرة احس باهتمام شخص واستغلت. الفرصه ادلع علي بس هو مادري شبي ..

كرم..بت سميه العار مااشتغل عندج نهه داشوف اني امسحه الج ..

شجون ..بيك عصبت ..

كرم . ماعصبت بزونتي ..اللعابه عجبتج .محتاجه شي بعد ..

شجون .ايي عجبتني حنومها يمي وابوسهه وانضفها
ما محتاجه شي بس الوان ..

كرم..بس الوان ..يابه صار الف لون لعيونج فدوه ..
كملتي ..يله وكفت على محل واشتريتلها اقلام والوان .ووصلت نزلتها ...راحت تركض للملحق شويه ورجعتلي ...

شجون ..اسمراني. مو ماتجي بعد اضوج وازعل. .

كرم..هههه صرت بمستواها لا لخاطر بزونتي كله ماانزل اجي لهنا ..

شجون.  احبك ..وسويتله من خدوده كرصته بقى يضحك ورحت ركض للملحق وفرحانه بشعري،..
دخلت والفرحه بعيوني لكن انكتبت الدموع وبس عليه وهالفرحه سميه وتقى بخربنهه وبسجين حزن ودموع  يجرحنه وجهي ..بالم وحسره انام تعودت
الفرحه ماتدوم بيومي دخلت والعلاليك بيدي اجر بيهم ولعابتي شابكتهه ..تلكتني تقى بغرورها ومخصره ..اجت الوسخه للبيت .. هاي شنو تغراض االمن ..واجت تخمطهن ضربتها على ايدها وحري اسمراني جابهن الي مو الج ...وحري ..

وهي جرتني من شعري  ..وسميه ولاكانهه حتى ماكلفت تسال عني ولاخافت المفروض من دزتني ويه كرم تخاف عليه  او ترفض بس ولاهمهه صح هو خوش اسمراني بس غير،تخاف عليه توصي عليه ماكو ..واني وتقى نتكامش واني ماانطي ملابسي واقلامي وهي تضرب واصرخ ..

حسيت بصوت كرم لعاط وكال شديصير هناااا وطفرت تقى  مني ..

كرم.  من راحت  داقفل سيارتي وشفت علاكه حلوياتها نستهن بقيت واكف افكر ادخل املحق العار لو لا وكلت شكو من الباب انطيهن لبزونتي وارجع ما شوف خلقته سميه ولا بناتهه ..ورحت واني قريب الباب مفتوح واسمع يجي وصياح بزونتي و وحده تكفخها وسميه مالهه حس دخلت بسرعه وتشوف تقى.  هاي اكرها بكرها امها نفس الطينه  سميه المصغره بشكل اجمل .. وشفتها وخرت صحتلهه بزونه شبيج ..رفعت عيني ليورة بهدوء واشوفها تخزرها واتاشرلهه ..رجعت لبزونتي مو داحجي شببج بعصبيه احجي ولاتجذبين ..

.شجون ..هي واشر على تقى تريد تخمط اغراضي
وكلتلها اسمراني جابهن الي ما ترد برعه الشكره ..

كرم . حصرتني ضحكه على كلمتهه والله صدك برعه تقى علة سميه بعد ماحاجيتهه  بزونه اذ،احد ادنالج ودنت نفسه على اغراضج اني احاسبه ..واخذيهن ضميهن وهذني حلوياتج ....

شجون ..ماشي اسمراني اسمراني حبيبي عيني اسمراني واهز بشعري الكروي ..هو ابتسلمي وراح ..
ونمت وتقى تخزر وبخباثه برغم امي مامقصره وياهن مدلعتهن مثل الاميرات واني المنبوذه بس طبعها هيج  تحب كلشي اله وتكرهني هي وشهد بس عهد شويه احسن منهن ..وماتكدرلهن ..لان سميه صافه وياهن ...نمت فرحانه الصبح خطيه اجت خالتي ..امنه بدللتي وعدلتي ومشطت شعري،وحطتلي طوك ..واخذتني وتوسطت للمديره بس اهووو المديره تشتكي كومه مني كسوله وكسوله  ..وخالتي تحاجيهه وتكلهه خطيه يتيمه كسبي اجر بيها وعلىكيفكم وياهه ..ودوامت ..بس ورة هاليوم بلشت صحتي تتعب ويه تعب نفسيتي وقساوته  سميه ضربها الي تلزمني تموتني  الشي،خله يصير عندي تبول لااردي ..مرات بالليل واخجل احجي لنوراس وخالتي امنه ..وسميه هاملتني ومن تلكني منكعه تكتلني وتكلي شكبرج بعد تصيرين. .وسخه ام بوله . وهذا لقب لزمته عليه تقى .....

ومشت الايام ..وولدت نوراس تؤام اثنين ولد وهملتني كولشش، وخاله امنه دارت ابيتهم هي والدها وساري واسيل بيتهم ..اجيت ابجي  لحالتي امنه دكيت الباب بجنطتي ..فتح مجد الباب ..

كلتله عمو اريد خالتي ..

ضحك وج مو كلتلج خليلي مجد لاتكولين عمو يا بعد عمج وامج سميه ..

عصبت واني ابجي شون بله عمو صيحلي خاله ..

مجد ..هههه على كيفج ترى اكول لكرم عليج دخلي امي بالمطبخ ..وصحت بصوت  يووم الصفيره اجتج ..

شجون وصلت حد باب المطبخ وصحتله انته عمو  بطعم القروده ..

هو طكها ضحكه ..هههه ايه قرده بسيطه  احطج بحلك كرم اكله صارت مثل تقى تجسره ..

شجون ..لا حباب لاتكله عمو بعد ماحجي هيج واباوعله ميت ضحك ..طلعت خالتي عاطت ..

امنه ..مجد.لا تضوجها هلا بحبيبه خالتها دخلي شمسويه بروحج ..مجد يمه جيبلهه حلويات من المحل وياك قبل لا تروح ...

مجد .صار ..

شجون ..وياك مثاث مو تنساه ..

مجد..لا بويه لا شنو مصاص عيب شيكولون  عليه اجيبلج كيك وعصاير وجبس وانطمي بت سميه متعوده على المصاص. .

شجون دخلت بجيت بحضن خالتي كعدت بالمطبخ تربعت هي وضميت وجهي براسها. .رفعتني بهدوء

امنه ..شبيج ياماما ليش البجي ..

شجون .اليوم اخر امتحانات ..واشهك ..وبعد اسبوع يسلمون شهايد ..

امنه . ايي ان شاء الله خير ..

شجون . وج ياحيرر خاله كلهن مصخمات .محمرات بحمره لميعه ام كراعين ..

امنه ..خهههه  ضحكتيني ليش بس لميعه عدها حمره ..

شجوون .ايي حمرتها حمره دم ميت ...

امنه ..لاتخافين باجر تروح احاجي معلماتج والمديره
وصدوك بقيتها يمي  وبالجذب سميه مادزت ولاكالت بتي وين. . و الصبح رحت للمعلمات  اخذتلهه قطعه قماش من هذا الاصلي جاب عزام االي هديه وشيشه ريحه ..من هاي الزينه ..ورحتلهن واتوسل بيهن ورشيتهن بالريحه والقطع ..والله كالنه من عيونه انجحها بس ها خمسات كلتلهن عسى ما دفرات بس نجحنها ..

شجون صدوك استلمت ناجحه فرحت بقيت اكمز واشتاقيت للسمراني ..والله العصر جنت العب بالعابه
واجه الاسمراني عفتها ورحت اركض على سياره. .

اول ما نزل شبكته ونزلني ..

كرم . هلا ابزونتي مشتاقلج ..

شجون ..اني كوووميااات واسويلهةبيدي مشتاقتلك
اسمراني. 

كرم ..شو في الاسمراني اجابج للسياره فتحتها الهه

شجوون يا شنووو هاي ملابس وحلويات فتحت رجليه على الكشن الورة وكعدت اشوفهن  اسمراني كلهن الي ...

كرم ..ايي كلهن الج بزونتي ..

شجون شكرا شكرا تدري نجحت .

كرم ..هههه ايي ادري مانسيت هديتج تلكبهه يمج ..

شجون . احبك اسمراني.  وبقى كرم كله ماينزل يزور بيت جدي ولازم يشتريلي ويه شغلات مايجي فارغ

ومن يروح اضوج واختنك هو الوحيد يهتم بيه ماريد اخسره احس بمكان بابا ..ومن انام اتخيل شكله  براسي .. بهاليوم تعشه وكمل كرم وراح واني بالملحق دالعب ومتونسه بحاجياتي اجت نوراس تيجي وبيدها ابنهه وعبايتهه ...

سميه ..خير شبيج جايتني ..

نوراس .يمه عززام كتلني وووكعدت على الكاع تيجي نزعت عبايتها ..

سميه ..طبج مرض فوك مرض،هذا لحبيتي وردتي هم ذوله الساده اعصاب وايدهم والضربه شعبالج ..
بيتي يتعذرج شسويلج وفوكاهه ابنج وياج ...

نوراس ..بالم وخيبه فوك خيباتها وخذلان لايتوقف من سميه. .ياريت بابا عايش ماجان رضى هالكد انذل الموت ياريت اخذني ومااخذه ..طلعت مكسورة خاطر وكسر عميق مازعلانه من عززام كد مازالت واتالمت من خذلان امها لان عزام حباب ويحبها بس هي الصوج بيها طولت لسان وتجاوزت لزمها موتها بالكوه امه مخلصتها  واجت لامها زعلانه تشكي همها بس،قابلتهه سميه بطرده واهانه ..وخلت تحس نفسهاة وحيده بدل ماتوكف وياهه تحضنها تهديها رجعت ضايجه وبقيت  بغرفتي اجت عمتي ام عزام ..

ام عزام ادخل لو ضايجه وماتحاجيني ..

نوراس عدلت كعدتي على الجربايه وتربعت عادي اتفضلي خاله ..

ام عزام .زاد فضلج يمه نيمتيهم التؤام شلاع كلب كعد هذا  يكعد الخ ..ودوختهم دوخه ...

نوراس .وهي معفس وجهه من الكتله ..ومبرطمه
صح كلامج خاله ..

ام عزام .زين سويتي رجعتي لو عزام راجع ولاكيج مو هنا صارتلنه مشكله ..

مارجعت بكيفي  امي طردتني خلي يشمت عزام براحته بيه ..

ام عزام .لا يمه غلطانه شو في اني مادراسه صح ولامي دارسه صح بس الدنيا اكبر مدرسه تعلم باهي بتي الرجال  ما يجي بالعناد ولسان يعني هو يحبج ومدلعج ويريد رضاج ليش اطول لسان بوجهه تسكت. اخذها حجه اسويلي زعله بدلع عاندتي وتجاوزتي وانكتلتي وفوكاهه الغلط عليج غصب ماعليج تراضي ..لاتخشنين كلب رجلج عليج ترى الرجال بكثره المشاكل يخشن كلبه ويمل وتلعب روحه ....وانتي بلسانج كلتي امج ماتريدج ليش تنطيهه فرصه تشمت بيج خوب ديري بالج على زوجج وزواجج وحركي كلوب العدوان ولاتنطين فرصه لبشر يشمت ويكول فاشله حياتهه واني يمج وخالج وياج غلط بحقج عزام تعايه كولي اذ،ماخلي خالج ياخذ حقج بس لاتتجاوزين الرجال كلشي ولاتجاوز وخاص الساده دمها حار ايدهم والصفكه
ماشي بنيتي ..وبعدكم اول زواجكم ..

نوراس ..كلامهه صحاني اووف هسه شصار لو امي تعلمني وتفهمني هيج لا حضرتها طردتني انطمرت بغرفتي حسيت بالليل اجه عزام بقيت متغطيه خله وحضني ويبوس بيه يحاول يكعدني بس قفلت ونمت ..اريد انطي درس حتى مايضربني بقى اسبوع سركض ورايه حتى يصالحني وكاخلي يلمسني واتعدل وابدل اشعله شعل . اشترالي هديه وراد كلتله اراضيك بشرط ماتمد ايدك عليه ..

كال ..وشرطي لسانج مايطول ووعد هاليد ماتنمد عليج ..

ماشي اتوبه بعد صوتي لايعلة ولساني مايتجاوز وتراضينه وصدوك احاول الزم . لساني اذ صارت مشاكل ...

ا شجوون فصادف شهر تاسع امي اخذت شهد وعهد وتقى لعصر  وراحت لسعيد بن جبير  احد اصحاب الامام علي عليها السلام .وعافتني يم انوراس ونوراس عدها توم وحامل بتوم خطية مابها تشيل روحها واني بس ابجي لئن امي مااخذتني..اشييله روحي واركعهه ونوراس متمدده وتتافف ..

نوراس ..كافي مناحه رحميني شون بله اليوم نعله على روحج سميه من خرب بروحج هسه شخسرت حضرتها لو اخذتج ..

شجون ..بنبرة الم وتبجي دموعهه عشره عشره ما اريد تروح نوسه اخذيني ..

وين اخذج هو مطلعه روحي حتى اطلعج كافي رحميني ...

وواجه كرم دك الباب ركضت افتحه عبالي امي رجعت تاخذني طلع كرم ..خله ودخل كامت نوراس سلمت رد ابرود عليهه ..

كرم . ليش تبجين لخاطر اللة شكد تنوحين النهار كلة فاكة حلكج ..يمته مااجي ناصبه مناحه ..

زدت بالبجي  واصيح ..

كرم بنبره صياحه اسكتي ..

برطمته وعفته طبيت بالغرفة  لجوه .اجه وراي باسني من خدي وكال لا تزعلين اني اخذج اونسج بس بشرط تسبحين وتمشطين وتصميم حلكج وتبطلين بجي ...

شجون . بفرح ايي اسبح وامشط ..ركضت لنوراس ..
خطيه بيها ما بيها كامت عدلتني  وتكول واخيرا احد رحم بحالج ومالي وفكني من المناحه ..طلعته جديده ومعطره. ..
ا

..
طلعنا من العصر لحد العشرة بالليل ماخليت لعبة ماصعدت بيها  اخذني لمدينه العاب  صعدت دولاب وخفت صعد ويايه ونمت بحضنه كد ما خفت وراها صعدني بالزحليكه والمرجوحه ويدفع بيه واصرخ ااسمرررراني اقووى ...واضحك ...وهنوب  وكعادة اشترالي وكلني بيده  ومن رجعنه ا لكيت امي راجعة تلوكت لكرم وكالعادة ماعبرها سلم من ورة خشمة ...
وباسني بخدي وراح ..واني اجيت ابوسه وخر مني ماخلاني ....من رجعت تقى انتقمت وتباوعلي وتخزر
بقيت اتغنج واطلع يمها اسمراني اسمراني حبيبي اسمراني ..واكركش بشعري ..

راحت تقى لامي ..يوم شفتيهه بتج من هسه تطول احب واريد انام ويه كرم شفتي هالزعطوطه شتحجي وهو كرم يشفق عليها ..

سميه وسمعت هيج وكومي بهاليل جري شجون وشبعيها ضرب وين ماتجيها الضربه تجيها وتصرخ
وانوب تقى جابت صونده واني منه ضعيفه وامي ورمتني وعود داشمر منها وصارت وكعتي على راسي وانفشخت واصرخ ...وعهد بالكووه جرتني وضمدتني ..وابجي والليل كله راسي مورم ...كله بسب هالنذله . وحلفت بس يجي اسمراني اكله عليهن ...

واجه شهر عاشر وبد دوام بالثاني وهوسته دوام ..وتقى جانت مشتريه محفضه وشغلات واني كولشي ماكو ..وفوكاهه اجت وضربتني وجرت لعابتي كمت بحركه اعصاب كسرت محفضتها الجديده وهي حقيره دمغيني وكسرت لعابتي وركضي للحاويه ذبتها ..وبقيت ابجي وانوح والحاويه كبيره مااكدر ادنك ..بيها ..
للعابه اشتراها اول مرة الي  شعرها طويل كمت كصيت شعرها توقعت راح يطول  وصرت اعشقها من حقدها بهاليوم كامت تقى  وشمرتها  بالزباله تمرضت  على العبة وبقيت ابجي ومصخنه يومين ...اجت خالتي شافتني هيج ...كامت اشترت لتقى محفظه واشترتلي لعبه ...كلتلهه ماريد اريد مالت الاسمراني ..هو جابهه ..

اسيل ..هههه بله منين انجيب مالت الاسمراني هههه هذا يريدنله دكتور مختص يله .

امنه ..تباوع لتسيل واسوالفهه وتضحك ..حبيبتي شجون بس يجي كرم اكوله مشي روحك بهاي واخذي علاج ..

شجون ..ما اريد مالت الاسمراني ..

اسيل ..عمي يابياع السمج يعني اسمراني ترى هنا منصوبه مناحه ..صفكنه صفكنه عيني اخيتجن تريد اسمراني ...

وصدوك بيومها كرم اجه وشافني تعبانه دخل باسمي وجايبلي هدايا كال بشرط تاكلين . واكلت وشربت علاجي ...بس،ماجنت اصور ..الدنيا ضامتلي صدمه وتاخذ كله بشر يهتم بيه ...

يتبع ..

لقلوبكم السعاده ..
احبكم
هاليوم البارت ٣٠٠٠ بمناسبه عيد ميلادي تعبت وكتبتلكم اياه هههه واشكر كله البنوتات لعايدوني وضلعاتي كلهم فديتجن احبكم ...