طاقة تحمل

7 ج2

الـسـلامُ عـلـيـكـم🌻🌼

طاقة تحمل
الكاتبه_العباديه
البارت_7_ج2

‏هو صامتٌ لكـنْ أَحُـسُّ بما بهِ
وأنـا أبـوحُ ولا يَحُسُّ بِـما بـي
مـا خِلْتُ فـيهِ غباوةً ! وأظـنُّـهُ
يُبدي الغـباوةَ كـي يَزيدَ عذابي

~~~~~~~~~~~~~~~~~~~~~~~~~~~~~~~~

زهراء

گعدنا وگالت عمتي على وصيتها..

ام محمد.. إختي وصتني وصيتهه بسجى واني قررت اليوم مااخلي سجى تربى بدون ام لو اهلهه يزوجونهه لواحد غريب ف قررت اخذهه لمحمد هم تجيبله طفل واشوف بزرته قبل لااموت وهم ماتتعذب بفراگ امهه

اني شهكت وصحت

- شششنننوووووو؟؟؟؟؟؟؟؟

إلتفتت بسرعه على محمد اشوف ملامح وجهه..

شكله هم مصدوم مثلي..ماكو اي شي يوحي انو يعرف بالموضوع.. بس سجى گاعده ومدنگه مبين من شكلهه تعرف بكلشي.

محمد.. يوم شنو هـٰذا الكلام؟ اني مثلاً ممتزوج وتزوجيني؟

ام محمد.. لا يمه متزوج بس مرتك مايصير عدهه حمل ف خل ازوجك سجاوي هم بت خالك وهم تجيبلك وليد

محمد.. يوم مااريد وليد اذا مو من زهراء

ام محمد.. مو بكيفك .. تتزوج سجى يعني تتزوج سجى

بدت العصبيه تبرز بوجهه وكل شويه يرتفع صوته بالتدريج

محمد.. هوَ شنو اتزوجهه بكيفكم تقررون عني

ام محمد.. لاترفع صوتك يبن بطني

هوَ إنتبه لنفسه وقلل صوته وگال بهدوء

محمد.. اسمعيني يوم اني مااگدر اخذ سجى وإلي أسبابي ف لاتجبريني أسوي شي مارايده

ام محمد.. وإذا گتلك لخاطري ولخاطر رباي وسهر ليلي

فرك وجهه بكل قوته وكالهه

- ليش تسوين بيه هيچ مااريد اعصيچ ورب العالمين يعاقبني

ام محمد.. تتزوجهه لو ماارضى عليك

وكف وعاط بكل صوته

- الرضيتتتتي والمممماااارضيتي اني مو جااهل وتتصرفووون بيه بكييفكم انيي رجاااال وتصرفااتي بكييفي محد يحكمنني

ابو محمد.. محمدددد صوتتك رجال بس مو على الربوك

محمد.. ليش بس اني هنا مو هـٰذا كرارر ماتاخذونهه اله

ساره جانت مدنگه اول ماسمعت طفرت وشالت راسهه

ساره.. يييمه رجيليي شعلييه

ام محمد.. شوف محمد اخر كلمه الك لو تتزوجهه لو تطلع من البيت وماراضيه عليك ليوم الدين

محمد.. اي عادي اخذ مرتي واطلع ..

اشرلي براسه

- يلا زهراء گوومي لمي غراضنا

ظليت صافنه وممستوعبه كال

- يييللااااا

طفرت ع السريع صعدت وهوَ وراي دخلت للغرفه حطيت ملابس إلي وملابس إله اسأل بيه وهوَ يجاوب شأحط ..

طلّع مفتاح وراح بلبس بالكنتور جوه .. طلع وبإيده شدة فلوس .. حطهن بجيبه وكال يلا

يعني سواهه صدگ واني لسا مصدومه ..

اخذ الجنطه ونزل بيهه لجوه عمتي اول ماشافتهه شهگت

ام محمد.. ولك ضاربني عرض الحايط ورايح؟ صخام بوجهي وزوزتك هاي الحيه ترست عقلك على أمك

التفتت أأشر على نفسي .. ياا هاي عليه تحچي؟

هوَ وجهه مايگصه الطبر والحواجب معگوده والعيون مخنزره ولاّم شفته غاضب..

ابو محمد.. يابه سمي بأسم الله ولاتطلع .. وين ماخذ هاي البت وياك وانتَ ماعندك مكان تروح بيه

محمد.. الفنادق هواي

ابو محمد.. وتظل ع الفنادق؟

- لا ليش أشتري بيت

بعدهم عمي ومحمد يحچون وماحسينه غير على صوت وگعه. التفتنه ولگيناهه عمتي واگعه .. محمد تخبل ركض عليهه يگعد بيهه وماكو .. جن جنونه وظل يعيط وإيديه تررجف كلشي ولاإمه اعز شي عنده صح عاندهه بس تبقى معزتهه بگلبه چبيره .. شالهه وركض بيهه للمستشفى واني القلق ياكل بيه ياربي مااريد يصير بيهه شي بسببه يظل ياكل بروحه وتأنيب الضمير يكتله.

سجى بس تبچي وكرار وعمي راحو وي محمد

ساره.. كافي تمثيل تتبكبكين عبالك فقيره وانتِ ساس البله

سجى.. اسكتي عني

همستلي ساره
ساره.. الله اعلم هاي عجوز البين يمكن كلشي مابيهه وبس تمثل

زهراء.. استغفر الله إنَّ بعض الظن إثمٌ

ساره.. اذا طلع بيهه شي عاتبيني

بقوا ساعتين بالمستشفى ورجعوا مشكلين كانونه لعمتي وسانديهه كرار ومحمد.

حطوهه ع السرير وطلعو بس محمد ظل مگابلهه وگاعد. حتى إحنه طلعنه وظلو جوه هوَ وإمه.

ساره.. طبعاً جاي يحوكون لمؤامره

- اسكتي فدوه هوَ آني القلق دياكل بيه واذا محمد طاوع امه ماابقى وياه مااتحمل اشوفه يدخل على سجى واني هنا اموت

- الله لايگولهه

ظلو نص ساعه وطلع محمد وجهه ميتفسر وضااايج .. اني حسني گلبي بالنتيجه ..

التفت على سجى وگاللهه

- حضري نفسج عگب باچر نعقد !!

زهراء.. ششششننووو شتعقدددد؟؟؟؟

أشرلي بإصبعه السبابه على حلگه وكال

- اشششش صوتج مااسمعه

- شنو صوتي متسمعه تعقد عليهه واني هنا رجل كرسي مثلاً؟

- زهراء ماإلي خلكچ والحُسسيين

- خل اگوللك من هسه ..اذا تزوجت اني ماابقى هنا

ظل يستغفر بهمس وداير وجهه عني .. كال

- تبقين وعينج تشوف

عطت بصوت عالي

-والله مااااابببقى

-  صصصوووتجج لتررفعيه وتبقين ورجليج على راسسسج

- ليش تتعب نفسك هسه رايحه لااهلي

رحت للجنطه الحضرتهه سحبتهه وردت امشي . بسرعه سحبهه مني وسحب إيدي صعدني لفوگ يعت بيه

شمرني بالغرفه بعصبيه وعاط

- انتِ متحترميني مثلاً لو مامسويتلي حسساب؟

- ماابقى اذا تزوجت سسجى وانتَ بكيفك تختار لو اني لو سجى

- اثنينجن

- ماكو اثنين وحدددده وبسسس

- خل اشوف شلون وحده .. اثنينجن تبقن هنا وثنينجن زوجاتي وماافرق بينجن

- ههههه هوَ اني بس اسمع اسمهه واسمك بجنسيتهه اتخبل وعقلي يطير مو النوب تحطهه هنا تحرگ بگلبي .. هاي من سابع المستحيلات اخليهه تصير

- زززهرررااااااءء

عطت بصوت عالي

- مااابققى كتلك ماابقى لتعيط ولاتتعب نفسك

ضربني راشدي خلى إذاني توشش ووگعني بالارض من قوة الضربه

- كلما تعاندين كلما تحصلين ضرب ازيد من هـٰذا

حچيت بنبرة إستفزاز خلته يشيط

- هـه هاي اذا بقيت عندك

تخبل ركض عليه سحبني من شعري حيل وظل يضرب بيه بالكنتور..

اعيط بكل صوتي وهوَ يعيط (اسسكتي) يريدني اسكت واني من الالم مااكدر اسكت ..

كلما اعيط كلما يقوي ضربته براسي .. حسيت حراره على رگبتي وشي يمشي بهدوء بين شعري. هلكت قواي واستسلمت سكتت وغمضت عيوني واشهگ بالبچي هوَ من شاف حالتي هيج هدني وبسرعه انتكيت ع الكنتور وممدده رجليه وذابه إيديه بحضني ومتكيه راسي بيأس ع الكنتور والدمعه تنزل على خدي ..

ثنّه رجليه وگعد مقابيلي يباوعلي بنظرات فاحصه. ذب حسره ووگف راح طلع ورجع مااعرف شجايب صاح بإسمي بس صوت قريب للهمس

- زهراء

سكتت..

- زهراء

مااگدر احچي واحس لساني ثگيل مااكدر انطق.

حسيت بخطواته تتقرب عليه. حط إيده على متني وحركني

- ززهررراء

فتحت عيوني بثقل وحجيت بصوت واهن وضعيف

- شـ..شـ..شتريد؟

باوع بيه نظرات إستغراب ورجع باوع بإيده .. بلع ريقه وكال

- زهراء هـٰذا دم !!

باوعتله بيأس ودرت وجهي للجهه المعاكسه وغمضت عيوني.. دار لجهتي وگعد مقابيلي والخوف والقلق يقره ألف بملامح وجهه

تقرب يمي حيل وحسيت بأنفاسه.. طبطب على وجهي وهمس

- زهراء .. زهراء تسمعيني

سكتت..

- لج فدوه اروحلج احچي گلبي خلص

چان الحايط حچى اني حچيت .. بقيت بسكتتي

گام من يمي..

راح فتح المجر وطلع قطن وديتول واجه..

قبل لايوصل رفعت إيدي گوه عود لاتوصل لان جسمي نحلان ولساني معگود ماگدرت احجي كلمه

ماهمته حركتي وتقرب يمي سحبني وگعدني عدل

همست

- وو..وخرر

عقم القطن بالديتول وسحب راسي خلاه بحضنه حاولت اگوم بس ثبتني

ظل يمسح بالدم وكلساع يذب حسره تشگ الگلب..

والله ياالله يعني يضربني ويتندم .. ويضربني ومايريد يطلع دم مستغرب من طلع دم شمتوقع يطلع مني عسل.

خلص تعقيم وحاول يگومني واني معنده مااريد يلمسني

- زهراء لتعانديني ماتشوفين نفسج شلون متأذيه

سندني وگومني للچربايه مددني وغطاني راح طفه الاضويه واجه تمدد بصفي.

سحبني لحضنه وظل ستلمس براسي بحذر .. برودة السبلت احسهه تصك بعظامي وجسمي كله يرعش واسناني يتطاگگن سويه ..

ظليت ارجف حس عليه وركض شغل الاضويه وإجه يمي

- زهراء شبيج؟

تلمس گصتي وركض جاب كمادات ظل يسويلي وكعدني انطاني خافض حراره

اني احس نفسي فاصله بس اسمعه واشوفه مثل الحلم .. خلص الكمادات وگعد بيأس بنهاية السرير وحط راسه بين رجليه واسمعه يكول

- ياربي ساعدني لو مرتي لو امي وين انطي وجهي فدوه اروحلك.. بسبب امي راح اخسر مرتي .. ولو امي شعليهه اني رحت كسرتهه كسروني كون.

عبالي داحلم
لان نمت هوااي

گعدت الصبح ولگيت نفسي ناگعه وعرگانه حيل .. محمد حاط راسه على بطني بس رجليه ممددهن ع الارض مثل الگاعد.

اول ماتحركت حس عليه وگعد فرك وجهه

- صباح الخير

سكتت.. بيا عين اجاوب بسرعه حط إيده على گصتي تلمس حرارتي

- فكتج الصخونه گومي اسبحي بس ديربالج راسج متأذي

وخرت الغطا وگمت اخذت ملابس ودخلت للحمام وگفت جوه الدوش وظليت ابچي.. امتزجت دموعي والمي سويه ظليت اباوعلهه من كل الجهات منو الغلطان بينه اني لو هوَ؟

اندك الباب واجاني صوته

- زهراء بيج شي اشو طولتي

داحس نفسي خرسسه ماكدر احجي .. دگ الباب قوي وترفس

- زززهراااء تسمعيينيي

كوه صارعت نفسي ونطقت

- اي اسمعك

بدلت وطلعت لگيته جايب صينية ريوگ ومحضر طاوله استغربت لان نظامه ممنوع الاكل بالغرف.

ابتسم بوجهي

- ييلا تعالي تريگي

- اريد امشط

- خلصي ريوگ ومشطي

- مااشتهي

أجه تمشه ليمي وسحب ايدي گعدني ع الطاوله وصبلي چاي وظل يسويلي لفات ويجبرني آكل.

خوش والله امس يدگ عليه واليوم يدلل بيه خوش قانون

اكلت وگمت شلت السفره. احس راسي يريد ينفجر من الالم

رحت دورت بالمجر على مسكن حسيت بيه وراي كال

- شنو شتريدين

- مسكن الآم

- هسه انطيج

راح جاب من الثلاجه واجه جاب گلاص مي من الثلاجه وانطانياهن 

شربته ونزلت لجوه لگيت سجى تغسل مواعين الريوگ وعمتي وعمي گاعدين يسولفون.

ساره نايمه بغرفة عمتي لان الدكتوره كالتلهه لازم تنامين على ظهرج وهم ماملتزمه كلساع وگايمه .

رحت اريد اغسل ع السنك وسجى واگفه بقيت واكفه اريدهه تنطيني مجال ماكو .. لنا گلتلهه

- شويه اريد اغسل

- ممم اكو مغسله بره

- لا هنا اغسل متعوده

- يلا غسلي ووخري

خزرتهه ورفعت حاجبي .. تريد تسوي نفسهه ام البيت عليه هوَ اني الاصل.

غسلت ورحت يم ساره ..دگيت الباب ودخلت لگيت كرار يمهه يعدللهه بالمخاد.

صبحت عليهم وكعدت ع الچربايه النايمه عليهه كرار حس بيه اريد افرغ همومي اخذ ملابسه وطلع.

ساره.. شكو ولج وجهج اصفر

- تعاركنا البارحه

- ادري سمعت الصريخ

- لهنا واصل؟

- هههه چـا وين انتِ بالمريخ مثلاً حتى مانسمعه

- لج راسي لهسه احسه مفجره بيه عبوة

- شسوالج

سولفتلهه من طأطأ للسلامُ عليكم

- عرفتلج السبب الي خله عمتي ام سجى تنجلط

- صدك؟

- اي وحق ربج شتدرين بيه غير اني سسساره ام الفضول السالفه ماتبات اذا مامحطوطه بحلگي

- ديلا لاتستعرضين بطولات وانطيني المختصر

- اي خايبه .. باعي جانت عمتي بره البيت تدرين بيهه الله يرحمهه دائماً تسير على جاراتهه مثل عمتي ام محمد

- اي فضضيينني

- اي ولج خل اكمل .. المهم خيه ف رايحه المره وهاي مستغله الفرصه تخابر وجايبه صديقتهه وفاتحات كاميرا ويه ولد .. عمتي سمعت صوت الولد عبالهه بالاستقبال مدخلاته ماتدري بي .. المهم دخلت عليهن وجان تلگه صديقة سجى مطلعه نص صدرهه وفاتحات كام ويه ولد

شهگت

- عزززززززاااا

- اي دسمعي المهم

- شگد كلتي المهم لخاطر ربج. دكملي

- اي خيه ف المهم

- يييااا

ضحكنا

- متعوده والله .. المهم اجت عمتي تخبلت ظلت تلطم وسجى تسكت بيهه والمره ماتسكت تهسترت بهـٰذا الموقف دخل اكشاي كومار وشاف امه بهالحاله ظل يسأل يابه شكو أمه گالتله ششافت .. هوَ تخبل اول شي گام علس صديقة سجى علس ودزها لاأهلهه وكالهه هيج لكينه بتكم. وبعدين اجه الدور لـسجى هم لزمهه طلع العافيه من خشمها ..

يگلچ مسلوگهه بالحزام ورابطهه بسيارتهم يريد يطلع بيهه بالشارع ويمشي بالسياره

- يييمممه

- اي ولج ولو ما عمج مانعه جان طالع بيهه وهسه هيَ صورتها منشوره شلون يسحلون بيهه يابويه حرامات والله ماسحلهه وشفى غليلي

- استغفر الله حرام الشماته

- دسكتي يابه خل اكمل

- اي كملي

- اي ف عمتي من شافت شاروخان مصر الا يربطها للسياره ويمشي بيهه بالشارع مجلوطه بلحظتهه معووج حلگهه ركضوا بيهه للمستشفى جلطه بالدماغ هاي استغلت الفرصه خلت اخوانهه الصغار وشردت اجت لهنا وظلت تتوسل وهسه راح تتكربح براس رجلج وتصيرلج ضره

- خل يطلگني وولا يجيبهه عليه ضره .. واكول يلا محمد ماقبل يحچيلنه وكال مااخذهه عندي اسبابي شفتي الزلم شلون ماتحجي للنسوان هاي لو احنه گبل گلنالهم بس همه عبالك بير ماانطه ببنت خاله مقابيلي شفتي واني شكد توسلت بيه يحجيلي

- اي عيني بس اني زوجي يحبني وحچالي

وتهزلي بحواجبهه .. بهاللحظه انفتح الباب ودخل كرار زمخ بيهه بصوت عالي

- سسسسساااررره شووعدتييني؟؟؟؟

بسرعه طفرت

- ها ها شنو؟

- تسوين نفسج ماتعرفين؟

اني التفتتله وكتله

- ليش يعني كلكم تعرفون وبس اني ضامين عليه شنو معنى تصرفكم هـٰذا ؟

سكت. اني خليت وطلعت.

يعني كلهم يعرفون بس اني مااعرف ؟ ليشش؟

رحت للمطبخ اريد اطبخ ولگيت عمتي تعلم بسجى !!

دلتهه ع الاماكن مال البهارات والمواعين

زهراء.. ها عمه اريد اطبخ غدا

- لا عيني منا وهيج سجاوي ام البيت وهيَ التطبخ !!

- شنو سجى اني من الاول المسؤله عن الطبخ وتدرين محد ياكل غير طبخي

- لا عيني ناكل غير طبخج تتعلم قابل تبقى هيج يلا روحي روحي اني اعلمهه وتطبخ احسن من طبخج متعجبه قابل

ظليت صافنه .. خليتهن ومشيت بس داخلي يغلي من الحرگه!

گعدت بغرفتي وظليت اتصفح..

صارت بـ12 كمت صليت وحضرت ملابس محمد مال البيت..

نزلت جوه وهوَ دخل سلم وعيونه عليه عمتي كالتله

- يمه حمودي باجر عقدكم انتَ وسجاوي مو تنسى وتطلع تره بـ7 اگعدكم تروحون تعقدون

بسرعه رفع راسه عليه بعدما جان مدنگ .. رمقني بنظرات فاحصه يشوف ردة فعلي

سكتت وبس اهز برجلي بتوتر وداخلي يغلي .. هوَ بس هز راسه وكام غسل وبدل ..

صار وقت الغدا وصبن الغدا طابخه الخانم مرگة عدس لونهه بنزرگي وتمن الشعريه مالته وحده محترگه ووحده مامستويه.. محمد من النوع النازوكي كلش وتلعب نفسه من اقل شغله .. شاف الاكل وعفس وجهه .. رفع راسه باوع عليه وكال

- منو الطابخ؟

اني سويت نفسي مو وياي كالت عمتي

- سجاوي طبخت

غمض عيونه حيل وابتسم مجامله.

ظلت عمتي تاكل وسجى هم وعمي وياهن اني بس اگلب بالتمن .. محمد سحب خبزه وظل ياكل بيهه وحدهه بدون اي شي.

خلص ربع خبزه وحمد الله وكام

عمتي عبالك ماشايفه اكلت الماعون كله .. ولو هيَ من حمادة العروس غير امهه وإختهه

غسلت المواعين واستمر اليوم بهدوء

ثاني يوم الصبح عمتي اتصلت على محمد حسيت بطگطگه ومحمد بدل واني ميته قهر .. مغطيه راسي وابجي جوه الغطا .

خلص تبديل وطلع .. اني گمت وراه لميت ملابسي وطلعت لااهلي ..

كلت لكرار يوصلني وسألني على محمد كتله يدري ..

طلعت لااهلي وتلكتني هيفاء تبوس بيه عبالهه شو شجايبتلهم لو جيه مثل كل مره .. من شافت ايديه فارغه سألتني ماجاوبت ..

دخلت لغرفتنا القديمه ارتميت ع السرير ونمت تمنيت ارجع لمكاني القديم ومامتزوجه اتخمل ظيم هيفاء ولا هل ظيم ..

.. حسيت الظهر واجت هيفاء تهز بيه بكل قوتهه .. كعدت مرعوبه وهي كالت بسرعه

- ولج كومي هذا محمد هنا گلب الدنيا على روسنا

- شكو؟

- البسي وتعالي بسرعه

لبست شالي وطلعت سمعت صريخه واني واكفه

- منووووو كالههه تطلللعع بدون علممي؟؟؟؟

يتبع..

           الـعـباديـه🌼🌻