#مسارات_حياتنا_ستتغير
الحلقة 10
ملاك : روحت للحوش دوشت وتغذيت وخشيت بنرقد شوية وجت مريم
مريم : شن ملبزه في الجامعه
ملاك : كنك شن في
مريم : احميدة برا ورقيتله يبيك
ملاك : عليك قصة توا نجي هيا
مريم : بسرعة
ملاك : تم ....لبست جاكة البيحامه وطلعت لقيته هو ومريم في الجنان
احمد : تعالي ياشاطرة تعالي
ملاك : اسمع مش شوري هو غلطان
احمد : معقوله ياملاك اديري عركه ومشكله هك في جامعه
مريم : حي عليك عركة شن هذي
احمد : تصدقي يامريومه يرن عليا صاحبي من الامن في كلية الاخت ويقولي اختك دايرة عركه مع شاب وبنت وضرب وعياط وﻻ مدخله معاها صاحب مراد زين وغادة اخت هيما عليك فضيحة
ملاك : غادة مش شورها وطلعوها وزين بروحه خش في مشكلة
احمد : اسمعي والنبي
مريم : شن سبب المشكلة
ملاك : الحيوان هضا ضحك علي صاحبتي و .......هضا اللي صار
احمد : وانتي شن دخلك تتعاركي مع واحد حشاش ولد حرام مالك بيهم
ملاك : تي رفيقتي نعنجد مالي وبعدين مش خايفه منه يحل
احمد : تي لمي روحك يافرخة خيرلك شن جو فتيان الشوارع هضا
مريم : اهدا يااحميدة وانتي يافرخة اسكتي واسمعي الكلام وفكينا من المشاكل
احمد : ملاك اسمعي والله العظيم قدام مريم نحكي مشكلة اخرة نقول للحاج كل شي ومعش ندخل فيك تسمعي
ملاك : امباه
احمد : توا نشوفوا .....سيبتها وعديت
مريم : معقوله ياملاك عركة مع شاب وحشاش طاح سعدك
ملاك : الله يربحك فكيني من كلام اللي صار صار انا نخش نرقد احسن ......سيبتها وخشيت رقدت في عز نوومي انط مفجوعه علي صوت تفجير هز الحوش كله ....ياساااتر
مريم : وااااك
ملاك : طلعت نجري وسط الحوش ....كنك شن صوت هضا
مريم : مش عااارفه شكله صاروخ يانعليااا
ملاك : تي اسكتي ياشورخ وين اهلك
مريم : مافي حد ايناس ماشيه لحوش امي فاطمة هيا واامي
ملاك : تي ولعي تلفزيون ممكن في عاجل
مريم : هياااا
ملاك : ولعت التلفزيون سمعت نقال يرن عديت نجري خذيت نقال لقيته احميدة ....ايوا احميدة
احمد : ملاك شن في عندكم
ملاك : مش عارف الدنيا شايله يااحميدة
احمد : من في معاكن
ملاك : انا ومريومه بس
مريم : جيت نجري لدار ....ملااااك هاجمين علي الصاعقة طاااح سعدهم
ملاك : من
مريم : الدواعش
ملاك : فجاة نسمعوا صوت صاروخ ينفجر
مريم : ووواااك الله ياااخذهم
احمد : انا جاي شور حوشكم توا نشوف الوضع عندكم وناخذكن بس افطنن لروحكن صكرن الحوش عليكن
ملاك : تم افطن انت بس لروحك
احمد : تم والنقال حطنا في التغطية بس
ملاك : تم اوكي ،،،،طووووط ...انا نعدي نصكر الحوش
مريم : حي عليناااا ....رن نقالي منيرة ....ايوا
منيرة : مريم شن في عندكم
مريم : يانعلياا يانيرو الدنيا شايله صواريخ وضرب
منيرة : من في معك
مريم : انا ولوكه بس
منيرة : افطنن لروحكن باسط ومحمد طلعوا جايكم قالوا والعه عندكم
مريم : احميدة جاي ياخذنا
منيرة : ردي بالكن وصكرن عليكن الباب بس
مريم : خلاص تم خليني نشوف لوكه سلام ،،،طوووط ....طلعت نجري لقيت ملاك مش في الجنان ....لوكه وينك
ملاك : نزلت من دروج .....تي ضنوت الحرام يقصفوا في المنطقة
مريم : شن في برا
ملاك : الدنيا شيله وعياط ماندري عن فيتهم وين الضرب
مريم : ياساتر قالت باسط ومحمد جايين في طريق
ملاك : تي احميدة جاي عليش جايين يحصلوا في هالضرب ناخذو حشمتهم
مريم : اللي يجي نهربوا معه
ملاك : هههه اكيد تدعي محمد يوصل قبل تهربي معه
مريم : تي فاضيه تنكتي وتسخفي
ملاك : خشي البسي حجابك نقعدو واتيين
مريم : عاد انتي ﻻحجاب لاهم امتي بتوبي اذا كان مرهونه بصاروخ يطيح تطرطشي
مﻻك : ع اساس بيقولوا ماتت لبسه عجاب ماهو بتطرطشي ليش اتعبي روحك هههههه
مريم : رايقه ياعوينك ...عديت وسيبتها
ملاك : رن نقالي لقيته غادة ....الو
غادة : لوكه وينك
ملاك : في فلسطين ان شاء الله
غادة : تي في شن تخرطي وين قاعدة
ملاك : في الجبهة حوشنا
غادة : حي ع امك دنيا ضرب غادي
ملاك : تعرفي بين اللي خبرتيني ماعندش علم كان ههههه
غادة : تشفطي قيسك تكذبي علياا مش في الحوش طلعتوا
ملاك : ﻻ والله حاصله انا ومريومه في حوش ودلف اسود وصواريخ ادعي نموتوا كاملين مش طراطيش
غادة : اطلعن شن ترجي بس
ملاك : خطرتي عليااا صكري صكري ،،،طوووط ....خشيت نجري علي مريم .....لبستي
مريم : اها
ملاك : هيا نطلعوا
مريم : من جاء
ملاك : تي مستحيل حد يقدر يوصل فينا ياحالة نسيتي نحن في قريب من معسكر معناها ياحبي هما هاجمين من جلوتنا ويقصفوا فينا معاهم
مريم : وين بتطلعي
ملاك : نولع سيارتي وبنحل نشوفوا طريق
مريم : ﻻﻻ اقعدي هنا يانموتوا يايطلعونا
ملاك : كلا يطلعوك كنشي في حلم وكلا الموت هيا واحدة بس ياتموتي هنا يابرا وانتي طالعه يامطرطشه
مريم : ﻻﻻﻻ ارتزعي مكانك وشوفي خاربك يرن مولع ضي
ملاك : رفعته غادة .....ايوا
غادة : شن صار معكم
ملاك : قاعدين نستنوا
غادة : تعالوا هنا كان هضا
ملاك : غير نطلعوا ...خش احمد انتظار ....غادة صكري احميدة انتظار خش
غادة : تم ،،طوووط
ملاك : ها احميدة
احمد : ماقدرنش نخشوا فروخ الكلب مصكرين المنطقة
ملاك : من معك باسط
احمد : اها نحن نجربوا من جهة الصاعقة تم
ملاك : تم هياا ورد بالك من روحك نحن في الحوش ماعندنا وين نهربوا
احمد : صكرو الباب عليكن تم
ملاك : تم ،،،،طوووط
مريم : شن
ملاك : ماقدروش يخشوا
مريم : حي علينا حي عليااااا حصلنا هنا
ملاك : شورخ عطيتك حل هما مايقدروش يخشوا نحن نطلعوا
مريم : تي وين تطلعي انتي كنك غبيه الدنيا مخلطه برا تندري علي روحك فيمن اطيحي
ملاك : اللي هو وشن ضمنك ان نقعدو هنا مايخشوا علينا ويلعبوا فينا هااا
مريم : عليك اسلووووب عندك
ملاك : واقع واقع نحكي كلا انا مش حنقعد شوفي جوك نخش نلبس وبنطلع بسيارتي بتقعدي بروحك اقعدي
مريم : نسالوا احميدة قبل
ملاك : اكيد حيقولك ﻻ ووقتها بيتعارك مع اعيال الحرام ماتاخذش عليه توا يحاول بس بعد يجي المغرب حينكلبوا خوتك بنات في الليل بروحهم في الحوش ومنطقة حايسه معناها شن ؟
مريم : عليك قصة
ملاك : خشيت بسرعة غيرت دبشي ولبست سروال وجاكه طويله وسحبت وشاح ايناس من دارها وحطيته عليا
مريم : تحجبتي قصدك
ملاك : عشان الدواعش هيا بس صكري الحوش كله
مريم : استني ناخذو حاجات معانا وذهب امي وحاجات باتي
ملاك : خطرتي عليااا ....عديت نجري حطيت اوراقي وكل شي مهم عندي فيشنطة وعندي شنطه فيها حاجات مراد خذيتهن وخشيت لدار نوسه خذيت اوراقها واكسسواراتها وحاجات مهمه بتاعها وطلعت ولعت السيارة وحطيتهن
مريم : هاكي اطمريهن تحت الكراسي ذهب وفلوس باتي
ملاك : ههههه حي علي امك هذينا مش يالعبوا فينا بسببهن ممكن يتزوجونا رسمي
مريم : هههههههه حيوانه هيا بس
ملاك : طمرناهن تحت الكراسي وركبنا في سيارة وجيت بنوخر ....الباب الجراج مصكر ياحنه انزلي افتحي
مريم : ﻻﻻ وراس امك ماننزل شوفي روحك انتي انزلي
ملاك : نزلت وجيت بنفتح الباب فجاة
~~~~~~~~~~~~~~~~~~~
وسيم : كنت طالع من الحوش فجاة صار خبط والدلف
هيما : شن هضا ياساتر
غادة : طلعت نجري .....هاجمين علي الصاعقة حي علمااا
وسيم : من
غادة : انصار طحنينها معكم في بوعطني
هيما : يستر الله علي الناس
وسيم : خشيت نجري غيرت سريع ورن نقالي صاحبي .....الو شن في
يوسف : هاجمين علي المعسكر وينك
وسيم : اهو جاي مسافة الطريق
يوسف : خش من وراء الصاعقه مفتوح مش من قدام راهم مصكرينها افطن لروحك راهو يمسكوك
وسيم : تم تم ،،،طوووط ....صكرت وطلعت نحري سمعت هيما يحكي في تلفون
هيما : كيف بروحهن في الحوش خواتك
احمد : اها انا طالع ماشيلهم
هيما : افطن واي شي تبي رن عليا
احمد : تم
هيما : تم ،،،طوووط
وسيم : كنك
هيما : خوات احمد حاصلات في حوشهم
وسيم : مع من
هيما : بروحهن خواته الاثنين بس
وسيم : باهي ماقدرش يخشلهن هو
هيما : توا طلع ماشيلهم
وسيم : اها باهي انا طالع شور المعسكر افطنوا لروحكم وشوف حمادي ورمزي وين
هيما : تم بس افطن لروحك انت
وسيم : تم ....جيت بنعدي وقفت علي صوت غادة.
غادة : تي ياملاك تسمعي فيا الو الو
هيما : كنك
غادة : ملاك حاصله هيا واختها في الحوش وصوت دلف قوي عندهم
وسيم : انا ماشي .....طلعت بسرعة ركبت في سيارة وعديت شور المعسكر وخشيت من لوراء من طريق نطلعوا منها علي معسكر ....تي شن صار
يوسف : هاجمين علينا فروخ الحرام من امس ينابشوا في جماعة التوكه
وسيم : الصواريخ ماطاحنش علي الناس
يوسف : ﻻﻻ
وسيم : الشوارع اللي جنبنا
يوسف : نتوقع ان حيبدان يطيحن فيهن اصلا كل مرة يقربن
وسيم : تمام هات مفاتيج السيارة بتاعك
يوسف : كنك
وسيم : عندي قريباتي حاصلات في الحوش بروحهن بنخش نطلعهن
يوسف : وسوم راهو خطر ياطير افرض خشوا الكلاب عليك والله مايرحموك
وسيم : ولو خشوا عليهن
يوسف : هيا
وسيم : هيا وين
يوسف : معك ياطير
وسيم : ﻻﻻ خليك بروحي نعدي
يوسف : تي نسيت كلمة معك للموت
وسيم : مستحيل هيا باهي ....طلعت انا ويوسف ولعنا السيارة وخبرنا الشباب وعدينا شور الحوش
يوسف : اززح صوت الصواريخ قوي هنا
وسيم : اهاا
يوسف : وين الحوش
وسيم : اهوو التاني ....وقفنا ونزلت ...خليك انت في السيارة
يوسف : تم
وسيم : جيت قدام الحوش نسمع في صوت سيارة دقيت الباب بتاع الحوش
ملاك : من
وسيم : ملاك افتحي هضا انا وسيم
ملاك : وسيم من
وسيم : تي اخ غادة ياهمي افتحي هيا
ملاك : فتحت الباب لقيته وسيم ....تي شن جابك انت هووو نحكي معك
وسيم : بعد فتحت لقيتها لبسه وشاح علي راسها ورايحه متغيرة انستهت
ملاك : خبطته ....نحكي انا وانت منصدم
وسيم : اها وين اختك
ملاك : في سيارة كنا نبوا نطلعوا بسيارتي
وسيم : ﻻﻻ خليها السيارة وهيا معانا خوتك ماقدروش يخشوا وانا كنت في معسكر جيت عشان نطلعكن
ملاك : سيارتي كيف نخليها
وسيم : عشان الوضع مش تمام تخيلي تصير شي حاجة يمسكوكن هيا بس
ملاك : باهي استنا نخبر مريم ونجوا
وسيم : بسرعة بس
ملاك : تم ...عديت نجري لمريم خبرتها وجيت انا وياها ....قتلك
وسيم : نعم
ملاك : دبش هضا بنطلعوا بيه
وسيم : شن هضا
ملاك : ذهب امي واوراقنا وفلوس الحاج وحاجاتنا المهمة
وسيم : تمام هيا بس
مريم : خذيت الدبش وعديت حطيته في سيارة وركبت
ملاك : خليت السيارة طفيتها وخذيت مفاتيح صكرت الحوش وطلعنا
وسيم : هاتي عنك
ملاك : هااا....عطيته وركبت
وسيم : حطيت الدبش من لوراء وصكرت وجيت ركبت ...هيا نتوكلوا
يوسف : هيا امشي
وسيم : طلعنا من شارعهم ويبدا القصف علي منطقة
مريم : ياااانعليااا يابااتي
مﻻك : طبست عليها ....شورررخ بلاش فضايح قدام الشباب
وسيم : ضحكتني في عز الرعب والضرب اللي نحن فيه مازالت تعلق وتلاطع
يوسف : يستر الله
ملاك : تي امتي فضت المنطقة بس
وسيم : اكيد طلعوا قبل الخبط وقت الطحنه الخفيفه
ملاك : ونحن ماحسينا بشي عليك طرش عندنا وين كنتي انتي انا منخمدة انتي وين ماسماعتي شي
مريم : ماسمعت شي في داري كنت
ملاك : مشكلتكم كان انا دايره شي زرقين عليا طول
مريم : ننقنا صدعتيني خلاص
وسيم : يوسف لما طلعنا الشارع هضا في استيقاف او جماعة قالوا بيديرو استيقاف هنا
يوسف : وقف وقف
وسيم : مسكت فرينوا
مريم : كنكم
ملاك : شن في
وسيم : مش هضا رجب معاهم
يوسف : اها خليني نرن عليه
وسيم : ترا رن
يوسف : رنيت عليه ....الو ها رجوبه
رجب : كيف وين يا اوسيفه
يوسف : جايين شور المعسكر قلتلك في استيقافات في الشوارع اللي جنب معسكر لكم او للاخرين
رجب : ﻻﻻ مافش
يوسف : وﻻ استيقاف واحد
رجب: امشي وانت مطمن مافش استيقافات
يوسف : تمام صحيت اوكي توا
رجب : اووكي
يوسف : جيت بنصكر بس
ملاك : سحبت نقال منه
يوسف : تي كنك
وسيم : برمة عليها ....كنك
ملاك : فتحت الميك بتاع نقال ..... استنا بس
رجب : ياااشيخ حصلنا اسره من الجماعة تعالي هنا توا يمرو علينا
وسيم : نصدمت بحتث في يوسف
يوسف : كيف كككيف سمعت شن قال سمعت
وسيم : سحبت نقال من ملاك وصكرت ....رديت لوراء وطلعت من شارع الاخر قبل مايفطنوا
ملاك : رن خبر جماعتك اللاخرين عشان مايضحك عليهم الكلب
يوسف : صح والله قعدت نداز في رسائل لناس اللي نعرفها كويس عشان يفطنوا منه
وسيم : طلعنا من شارع اخر وعدينا شور الصاعقة خشينا وكملنا طريقنا برا منطقة بكل ورنيت علي احمد ....الو
احمد : ايوا وسيم
وسيم : احميدة طلعنا خواتك تعال خوذهن
احمد : وين ياوسيم
وسيم : وين ماتبي انت نحطهن مافش مشكلة
احمد : تم حوش المزراعة تقدر تحطهن غادي
وسيم : تم تلقوهم غادي
احمد : صحيت ياباشا والله
وسيم : هضا الواجب خلاص تم
احمد : تم سلام
وسيم : سلام ،،،طوووط ....توا نحطكن في المزارعة
ملاك : زغرتي ياشورخ والا شاطرة بس في العياااط
مريم : الغبية احرجتني ....فوتيني خيرلك انتي وصداعك
وسيم : هههه كنك مع اختك خطيها
ملاك : باهي امتي نقدر نخش ناخذ سيارتي
وسيم : ردي بالك اديريها وتجي للمنطقة والضرب مازال
ملاك : عليك قصة خوذلك هي علي الدل بتاع العائلة الكريمة علي سياراتهم اوووف ....نزلت الوشاح من علي راسي
يوسف : كنت نبحث من الروشن جت عيني علي المرأيه الجانبية شفت البنت سالحه وشاحها ...وسيم
وسيم : نعم
يوسف : غمزتله بعيني .....شوف المرايه
وسيم : بحتث لقيت ملاك محوله الوشاح
يوسف : شفت هههه
وسيم : لم روحك خيرلك اوواطي عينك احسن
يوسف : اوووو الجماعة شورنا قيسهم
وسيم : فنصت فيه
يوسف : هههههه فهمنا خلاص ...غمزلته بعيني
وسيم : تم لم روحك ......عديت شور المزارعة وقفنا نزلتهن وعديت
~~~~~~~~~~~~~~~~~~
ملاك : وصلنا وسيم ونزلنا الدبش وعدا خشيت انا ومريم جوا لقيتهم في الجنان ....السلام عليكم
كلهم : وعليكم السلام
مريم : قعدنا نسلموا ويحمدو علي السلامة
اميرة : شن صار في منطقة
ملاك : ضرب شن بيصير
غادة : خشلكم وسيم بروحه
مريم : ﻻ هو وصاحبه
ملاك : يوسف
غادة : اها رفيق يوسف هضا
ملاك : اها
مني : الله يربحهم ويحميهم من اعيال الحرام
كلهم : امين
فاطمة : شن درتن بروحكن في هالضرب
ملاك : شي غير الشورخ مريم تعيط يانعلياااااا يابااااتي وووااااك واااك
مريم : هههههه انتي باردة ماخفتي بكل تي صواريخ نسمعوا فيهن
اميرة : يانعليااا عليك موقف
ايناس : احسن شي طلعتن الحاجات المهمة
غادة : والله صح موقف يخوف قعدتن فيه صحة لكن اذكرتي فيه الحاجات المهمة
مريم : اها انا طلعت حاجات امي وباتي ولوكه حابت حاحات نوسه وحاجاتها
اميرة : طلعتي بسيارتك
ملاك : يانعلياااا ماذكرنش قعدت غادي
اميرة : قصدك سيبتيها غادي
مريم : ماقدرنش نطلعوها طلعنا بسيارة وسيم عسكرية
غادة : اهااا ان شاء الله تخشي تلقيها قاعدة المهم انتن كويسات
وفاء : اي والله الباقي كله يتعوض
فاطمة : الحمدلله ان هنا بخير
وفاء : هيا غادة بعد اطمنا علي البنات نعدو نشوفوا باتك وخوتك
فاطمة : خليك ياخيتي
غادة : والله يااعميمه بنطمنوا علي الشباب مازال ماروحوا
وفاء : بعد نمطنوا عليهم توا نجوكم بسلامة توا
مني : في اي وقت يااحبيبه تفضلي
غادة : لوكه بعدين نتلقوا تم
ملاك : تم اصلا نبيك
غادة : تم ....عديت انا وماما
احمد ،امجد : السلام عليكم
كلهم : وعليكم السلام
احمد : الحمدلله علي سلامتكن
مريم : الله يسلمك
ملاك : عليك جو كان
امجد : اكيد خفتي وانفجعتي انتي وومريومه ...خشيت قعمزت جنبهن
مريم : قصدك انا خفت وانفجعت كﻻ هذي ﻻ
احمد : كيف صار
ملاك : من شن بنخاف الموت واحدة بس الشورخ هذي مانحكيلكم بكل
احمد : مريم قصدك
ملاك : طحت علي جنب وقعدت نعلق علي مريومه .....ياااانعلياااا يابااااتي واااااك واااك ياااانعلياااا يااارب
مريم : ههههههه حيوانه
ملاك : لا شوف بعد يهلب صاروخ ويخبط ....حي حييييي حي حي ووواااك يااانعليااا يااباااتي حييييي
كلهم : هههههههههه
احمد : تي وين كنتن ماطلعتن من اول الدلف انتن
ملاك : انا نوووم مانضت الا علي صاروخ دلف بقووة في المنطقه شوف عاد اللي مفنصه قاعدة وماحست
مريم : والله مافطنت نتفرج علي مسلسل ماحسيت بشي
احمد : المهم انتن بخير ماحد جاءكم وﻻ طلعتن
مريم : الله يربحه وسيم طلعنا هو وصاحبه لحق علينا قبل مانطلعوا
احمد : وين بتطلعي
مريم : لوكه صكرت راسها قالت نطلعوا بسيارتها قالت تخيلي نحصلوا يجونا هضكوما وبروحنا قاعدين
احمد : ملاك مش قلت تقعدو في الحوش انا
ملاك : بالعقل الضرب قوي ومريم تعيط من الخوف وبعدين شفت من السطاح المنطقة فاضية كانت كيف نقعدو بروحنا لو خشوا علينا بروحنا بنات وﻻ في جار ﻻ حد بالعربي نطلعوا نحن ونهربوا خير مايلقونا واتيين في حوش
مني : تحشمي يافرخة شن قلة الاداب هذي
ملاك : مش قلة اداب هك فكرت وبعدين اللي قاعد في الموقف مش زي اللي برا يااحميدة انت برا تحساب المنطقة كلها حاصلة وقاعدة انا اللي شفته مافي وﻻ حد في منطقة
مريم : صح راهو حتي وسيم قال كيف قاعدات لعند المنطقة فضت
امجد : باهي شن صار كيف جاء وسيم لقاكم
ملاك : كنت بنفتح الباب دق قبل مانفتح سالت من قال وسيم اخ غادة فتحت
احمد : كيف تاكدتي
ملاك : ههههه يعني من بيعرف وسيم اخ غادة وبيكذب ياهبل
احمد : ههههههه والله صح صدقتي
ملاك : خلاص فتحت وطلعنا معه علي فكرة سيبت سيارتي غادي
مني: واجعتها هالسيارة
امجد : هههههه عشان عارفه الشحورة اللي صارت من قبل بعد فك سيارتها الحاج
ملاك : ههههه ايوا
احمد : ماتخافش انا في الخدمة ولو تبي ناخذلك سيارة من معرض مروان تم
ملاك : تي نجك ليا وخلاص
احمد : خلاص انا بنعدي نجيب الحاج ونبي نمر نجيب ندي
فاطمة : افطن لروحك بس
احمد : تم وانت امجد اقعد معاهن تم
امجد : تم اطمن توكل
احمد : هيا بسلامة ....طلعت عديت
ملاك : كلا اناا بنعدي نرقد راسي
مني : منيرة بتجيك راهو
مﻻك : تم بعد تجي وعيني ....خشيت طول رقدت
.
~~~~~~~~~~~~~~~~
غادة : بعد اطمنا علي مريم ولوكه روحنا للحوش لقينا بابا وهيما ورمزي قدام الحوش مقعمزين
وفاء ، غادة : السلام عليكم
كلهم : وعليكم السلام
سليمان : كيف حال البنات حمدتولهن علي السلامة
غادة : اها كويسات شفناهن
وفاء : كلا الكبيرة مسكينه منفجعه حتي وجه البنت اصفر
رمزي : من هذينا
غادة : خوات احميدة صاحب هيما حصلنا في الضرب
رمزي : كيف صار
هيما : اها خواته الاثنين كانن في الحوش بروحهن وصار الضرب حصلن جوا واحميدة ماقدرش يخش من الضرب ومصكرين المنطقة
رمزي : من فيهن اللي حصلن
غادة : مريم ولوكه
سليمان : ماصارلهن شي البنات
وفاء : ﻻ بس الكبيرة خافت من هالدلف والصواريخ كلا الصغيرة قالت الموت واحدة
رمزي : هههه اكيد ملاك
غادة : هههه ايوا ملاك
وفاء : زعلانه بس علي سيارتها قعدت غادي
رمزي : قصدك سيبتها
غادة : قبل بتطلع هيا واختها بيها بس وصل وسيم قبل مايطلعن طلعهن بسيارة العسكرية
هيما : البنت هذي غريبه
وفاء : قالت كيف نقعد ومنطقة فاضيه كان خشوا علينا من بيوقفهم
سليمان : عندها حق بنت تفكر صح كيف تقعد تستنا يخشوا عليها في الحوش تطلع بسيارة تحاول تهرب
رمزي : صح والله تفكير تمام بكل
غادة : اها
وفاء : هيما وين اماني
هيما : عند اهلها
وفاء : كنها
هيما : شي اختها جايه قالتلي حطني شالتها
وفاء : اها وانت وين امنه
رمزي : ماشيه زرده مشرق مع عيت عمتها
غادة : عليك جو مشرق
رمزي : تي امنه ماعندها روح ديما كان تلقاء تعدي مشرق
هيما : اصلا جو الزرادي كله في مشرق
رمزي : نفس الجو هك تقول وتسكن ههههه
غادة : ننقنا نبوها الزردة مشرق
سليمان : اتفقوا بينكم ونعدو ليش ﻻ
هيما : بس نباتوا غادي حلوتها
وفاء : ننقنا صح البيات غاددي فيه جو
رمزي : خلاص اتفقوا بينكم ونعدو
حمادي : السلام عليكم
كلهم : وعليكم السلام
حمادي : جيت قعمزت جنبهم
هيما : وين كنت طولت
حمادي : في المستشغي والله
رمزي : كنك
حمادي : صاحبي حوشهم طاحت عليه قذيفه من هالضرب
سليمان : ان شاء الله ماحد انضر
حمادي : ﻻ الحمدلله اسعفناهم جروح خفيفه بس العيال منفجعين وعنده ولد خوه كان بروحه في الشقه وقت طاحت القذيفه لعيل صغير مهستر في عيطه واحدة ومكرش في امه وخلاص
وفاء : ياااناااري وامه وين كانت
حمادي : تنشر في الدبش في الجنان عليك فجعه والله
هيما : وشن صار في العيل
حمادي : الدكتور عطه مهدي عشان يهدأ ورقد
رمزي : ﻻحول وﻻقوة الا بالله
حمادي : شن صار في وسيم رنيت عليه دارلي مشغول
هيما : غادي في معسكر مبكري شوي جاء هنا وعدا
حمادي : كيف طلع مش قالوا مصكرة منطقة
هيما : طلع من معسكر طلع خوات احميدة صاحبي
خمادي : كنهن خوات احمد
غادة : صار الضرب وهنا بروحهن في الحوش
هيما : احميدة وامجد ماقدروش يخشوا ووسيم كان هنا سمعها خش هو طلعهن
حمادي : خواته كلهن
وفاء : ﻻ مريم وملاك بروحهن كانن
حمادي : اها وماصارلهن شي
هيما : ﻻﻻ
حمادي : باهي الحمدلله نشهد بالله جو شين البلاد كلها رقيلهم من هجمت الكلاب علي الصاعقة
سليمان : الله ياخذهم ويريحنا منهم
هيما : قالوا في الاخبار حيحلوها المشايخ
رمزي : مش حدوم الهدنة صدقني
حمادي : اسمع كلا اللي شفته اليوم في المستشفي الناس كبودهم دم علي الكلاب والقصف بتاعهم للحواشين مش حتفوت قصة
وفاء : ان شاء الله خير صبي دوش نحطلك حاجة تاكلها
حمادي : تم هيا
غادة : هيا ياماما عشان بنعدي لملوكه
حمادي : وين
هيما : جوو لمزرعتهم هنا قاعدين
حمادي : اها تمام
سليمان : ابراهيم الحوش بتاعهم مازال صيانه ماكملوش قوللهم يجوا للاستراحة
رمزي : اها قبل بنقولها لكي الدنيا جنب الحوش حايس
غادة : اصلا الحوش جوا مازال حايس ادوات العمال وسمينتوا وسطول ودنيا شيله
هيما : تم توا نقوللهم
سليمان : احلفلهم وكان مابوش كلمني
هيما : ﻻﻻ توا نحلفلهم مايهمك شي
غادة : هيا ياماما
وفاء : هيا
غادة : عديت انا وماما شور المطبخ وقعدنا حايسين نديرو في العشاء
~~~~~~~~~~~~~~~~~
منيرة : باسط بنعدي لاهلي تشيلني او شن
باسط : ننقنا كيف روحت وبعدين شغل عندي موعد شوفي محمد
منيرة : نعدي بسيارتي
باسط : ﻻﻻ ياسمحه الدنيا برا مخلطه مش حنطمن محمد برا قوليله وكان متحشمه انا نقوله
منيرة : ننقنك قوله انت نبش نحرجه
باسط : ههههه عليك حشم هاتي نقال نرن عليه
منيرة : نجك ليا خود ها
باسط : خذيته ورنيت علي محمد ....الو حمادي
محمد : نعم
باسط : قلتلك منيرة بتعدي لاهلها انسابتك تقدر احطها غادي غير انا عندي شغل ومش حنطمن تعدي بسيارتها
محمد : ﻻﻻ تم توا نوصلها قوللها تنزل برا انا
باسط : تم اوكي ،،،،طوووط ....يستنا فيك انزلي
منيرة : تم حبيبي بعدين روح بيا في الليل ماعندي ليش نتعب في الشباب من المزارعة يجيبوني
باسط : تم وردي بالك من روحك ومن العيال
منيرة : حاضر
باسط : خطرها افطني لملاك ماتضغطنش عليها عند الدكتورة ساد فجعة اليوم
منيرة : ﻻﻻ اطمن هيا سلام
باسط : سلام
منيرة : خديت مراد ودبش ونزلت لقيت محمد وسليمان قدام الباب ....شن هيا
سليمان : وين ادي ماما
منيرة : خوالك هيا
سليمان : حي تح
محمد: هههه مش قلتلك قالي كذاب
منيرة : مش عيب تقول لعمو كذاب
سليمان : اسف ميدة
محمد : ههههه وﻻيهمك ياميدة
منيرة : عيب قول عموو
محمد : عادي خليه اووو رودي كيف حالك
منيرة : قاعد حال السنون
سليمان : عمو هيا ادو ميومه
محمد : لمن بنعدو لخوالك نحن
سليمان : ميومه ميومه
منيرة : هههه قصده مريم اختي يقول مريومه
محمد : ههههههه ننقنا نبوا مترجم للفرخ هيا اطلعوا ...طبست رفعت سليمان وطلعنا
منيرة : ركبنا وعدينا شور اهلي وقف محمد في طريق جابنا حلوة قال علي سلامة البنات وعصير وجينا للمزارعة نزلنا وفتح امجد الاستراحة
امجد : شن هضا
منيرة : علي سلامة البنات محمد جابه ...غمزت لامجد
امجد : اووو حمادينا تفضل
محمد : زيد فضلك والله مرة اخرى خليها
امجد : والله ماصارت خش راهو نزعل منك
محمد : ﻻﻻ الا زعلك
منيرة : خشيت جوا .....مريومه محمد جاء عدي غيري فيسع
مريم : خشيت نجري نبدل
منيرة : خير يااماما كيف حالك
مني : الحمدلله كيف حالك انتي والعيال وباسط
منيرة : الحمدلله كيف حالك يااماما فطومه
فاطمة : الحمدلله يااحبيبه كيف حالك انتي والعيله
منيرة : بخير كيف وين ملاك
مني : نوم
منيرة : حي عليا نحسابها واتيه
ايناس : وين بتعدو بس
مني : وانتي عليش تقصقصي نصبي نسلم علي محمد احسن من بغضض بناتي
ايناس : تي نسال غريب اصلا منيرة وملاك
منيرة : نعنجد غريبه اختي بنعدي معاها مشوار شن الغريب
فاطمة : خشي واعيها
منيرة : قعمز يارودي جنب اجديدة فاطمه ....حطيته وعديت لدار نوعي في ملاك .....لوكه صبي وقت
ملاك : هيااا ....نضت قعمزت .....من بيشيلنا
منيرة : احميدة جاي في طريق صبي بس
ملاك : دبشي في الحوش راهو
منيرة : فكيني من السبل خودي من اميرة او ايناس
ملاك : عليك جو شين
منيرة : عشان خاطري انا توا نعدي نجيبلك لبسه تم
ملاك : باهي من اميرة فكيني من ايناس
متيرة : تم ....عديت نجري خذيت من اميرة لبسه مطلعتها معاها وجبتها لملاك ....خودي
ملاك : الوان طيف
منيرة : البسي سروالك الاسود اهو والبسي البلوزه السماوية وخلاص
ملاك : تم تم اطلعي
منيرة : سيبتها وطلعت لقيت مريم طالعه ....اسمعي توا نقول لماما فاطمة تخش تسلم خشي معاها ونطلع امجد
مريم : تم
منيرة : امجد تعال نبيك
امجد : نعم
منيرة : خود سليمان برا الاستراحة عشان بنعدي انا وملاك توا يكرش فيا وخلي مريم تحكي مع محمد طشه يحمدلها بسلامه
امجد : هههه نقرن يعني
منيرة : حشاك بس افهم جو هههه
امجد : تم هيا سليمان
سليمان : هيااا عدوو بطه
امجد : هههه بطه هياا
منيرة : خشي يااماما هيا
فاطمه : هيا تعالي
مريم : هيا
منيرة : خليتهم وعديت لملاك نشوف فيها
~~~~~~~~~~~~~~~~
مريم : السلام عليكم
محمد : وعليكم السلام الحمدلله علي السلامة
مريم : الله يسلمك ....قعمزت جنبه
محمد : شن صار فيكن جوا اكيد خفتي
مريم : ننقني خفت وكملتها عياط وملاك تهزب ههههه
محمد : ملاك شخصيتها قوية هههه
مريم : هههه وقتها تمنيت روحي زيها هيا اللي كانت كبيرة وتفكر وتهدي فيا
محمد : ههههههه حي عليك قصدك خواافه بكل
مريم : تي راهو صواريخ يطيحن وينفجرن الحوش يهز سادك غير خوفنا ان يخشوا علينا ومافي وﻻ راجل في الحوش
محمد : صح عندك حق اصلا المنطقة صكروها فروخ الحرام ماقدرنش نخشوا نحن واحميدة وامجد
مريم : حتي نحن ماحوتنا طلعنا من معسكر
محمد : اها قالي احميدة الحمدلله ان طلعتي انتي وملاك بخير وسلامة
مريم : الحمدلله انت شن اخبارك واخبار عملك
محمد : الحمدلله والله قلتلك مريومه
مريم : نعم
محمد : نبي رقمك علي الاقل نطمن عليك امبكري ماعد عرفت كيف نرن نفهم منك شن صاير معك وتحشمت نطلب رقمك من خوتك
مريم : هات نكتبه لك
محمد : مديتلها نقال .....تفضلي
مريم : كتبته له ورنيت علي نقالي رن
محمد : تم توا نخزنه
مريم : خلاص حمادي بعدين نحكوا بنقال انا بنطلع احميدة جاء
محمد : خلاص خشي وانا بنعدي العمل تاخرت ردي بالك من روحك
مريم : حتي انت رد بالك من روحك بسلامة ....سيبته وخشيت بسرعة
منيرة : شن صار
مريم : يانعلياااااا عسسسل
مﻻك : تتتتتتلللللللل
مريم : باااردة
ندي : خير عليكم
كلنا : اهلا
ندي : قعدت نسلم ....الحمدلله علي سلامتكن يابنات
ملاك : الله يسلمك
مريم : يانعليااا ياندوش عليك خوووف
ملاك : استني بس ندي احميدة برا
ندي : اها يستنا فيكن
منيرة : هيا يالوكه افطنن للعيال ياماما
مني : باهي اطمني
ملاك : طلعت مع منيرة
ندي : الحمدلله اتفقوا وحلوا الموضوع ووقف الضرب
مريم : الحمدلله
مني : يعني نردو
ندي : قالوا ردو بس احميدة وعمي قالوا ﻻ يردو شباب والبنات يقعدو هنا وعمي بوبكر واعياله بيقعدو مع عمي والشباب واحميدة يقعد هنا
فاطمة : ان شاء الله خير
ندي : مريومه شفت محمد طالع من هنا
مريم : اها جاب منيرة وكان يحمدلي علي السلامة
ندي : اها كثر خيرة
مني : ايناس عدي انتي وميرو حطن من الحلوا اللي جابه محمد لندوش
ايناس : هيا هي
ندي : شن حكيتوا
مريم : تعالي لدار نحكوا
ندي : هياا
مريم : عديت انا وندي لدار نحكوا
~~~~~~~~~~~~~~~~~~
وسيم : وقف الضرب واتفقوا وحلوا المشكلة وحكينا للجماعة علي رجب وطبعا هرب ونحن نشغلنا في معسكر بعدها الناس قعدت ترد للمنطقة ودارونا اجتماع وقالونا ردو نظام توكات سيبنا جماعة التوكه وطلعنا
يوسف : ياطير قبل مانحطك عدي شور العيادة ناخذ المدام مافيا ماتشحورت اخرة
وسيم : تم ......عديت شور العيادة ووقفت
يوسف : انزل هيا
وسيم : تي جيبها وتعال
يوسف : غير انزل هيا مازاللها شويه وتفصل نستنوا جوا
وسيم : باهي ياسكان ....طفيت السيارة ونزلت ....خشينا جوا
يوسف : اهوا قسم بتاعها
وسيم : قعمز هنا الناس تستنا قاعدة غادي
يوسف : تم ...قعمزت انا ووسيم
وسيم : قعمزنا قعدنا نهدارزو والشباب كل مرة يحكوا علي الضرب اللي صار وعرفونا من اللبسه ان مع صاعقة وقعدنا نهدارزو لعند قطع هدرزتي صوت .....
يتبع ......
ﻻيك ورايكم في الحلقة 10 وتوقعلتكم للحلقة الجاية واسفه علي التاخير الحلقة واتيه من العشيه بس مع الاسف نحذفت بالغلط عاودت كتبتها من جديد تحياتي سنيورينآ آآ