Kun ကကျွန်တော့်ကိုထူးဆန်းတဲ့မေးခွန်းကြီးမေးလာတော့ရုတ်တရက်မို့ဖြေရခက်သွားတယ်။
Game ဆိုတာအခုခေတ်လူငယ်တိုင်းစွဲလမ်းစွာဆော့နေကြတဲ့ Application ပေါင်းများစွာရှိတဲ့ network တစ်ခုဖြစ်တယ်။
သူ့ရဲ့ game ဆော့မလားဆိုတဲ့ထူးဆန်းတဲ့မေးခွန်းကြီးကြောင့်ကျွန်တော်ဆွံ့အစွာသူ့ကိုငေးကြည့်နေမိတယ်။
တိတ်ဆိတ်သွားတဲ့ကျွန်တော်တို့နှစ်ယောက်ကြားမှာခဏနေတော့သူ့ဘက်ကစကားစလာတယ်။
"gameထဲကcharacterတွေလိုမင်းပုံစံကိုပြောင်းလဲနိုင်မယ်ဆိုမင်းယုံမလား?"
"ဘာ? မင်းနောက်နေတာလား? ဒါနောက်စရာမဟုတ်ဖူး ငါတကယ်စိတ်ညစ်နေတာ..."
"ငါမနောက်ပါဘူး...တကယ်ပြောနေတာ"
"...."
*ကျွီ*
တံခါးဖွင့်သံနဲ့အတူကျွန်တော်လှည့်ကြည့်လိုက်တော့ yuta gege ဖြစ်နေတယ်။
Kun ကတော့မျက်နှာချင်းဆိုင်အနေအထားမှာမို့လှည့်ကြည့်စရာမလို။
သူကဘာလို့ကျွန်တော်တို့အခန်းထဲကိုရောက်လာရတယ်ဆိုတဲ့အကြောင်းပြချက်ကိုသူပြောလိုက်တဲ့စကားနဲ့တင်ကျွန်တော်နားလည်သွားတယ်။
"ပြန်ရအောင်လေ kun..."
သူတို့နှစ်ယောက်က....အတူတူပြန်ကြတာတဲ့လား....?
ဟက်! ကျွန်တော်ကတစ်ကျောင်းလုံးရဲ့ခိုင်းဖက်ဖြစ်နေပြီးကျွန်တော်ကြိုက်တဲ့သူကမနေ့တစ်နေ့ကမှပြောင်းလာတဲ့သူနဲ့အိမ်တောင်အတူတူပြန်တဲ့အဆင့်ဖြစ်နေပြီ။
သူနဲ့ကျောင်းအတူတူတက်လာတဲ့နှစ်တွေသာများလာတယ်။ အခုချိန်ထိရင်းနှီးခွင့်လေးတောင်မရသေးဘူး။
ကျွန်တော့်အဆင့်ကအဲ့လောက်ထိတောင်နိမ့်နေပြီလား...?
ဒီလိုတွေးမိတော့စောနက kun ပြောသလိုပြောင်းလဲချင်စိတ်ပေါက်လာတယ်။
မဖြစ်နိုင်ဘူးလို့ယုံမှတ်ထားပေမယ့်ကိုယ့်ရှေ့မှာသူတို့နှစ်ယောက်ရဲ့ရင်းနှီးတဲ့ဆက်ဆံမှုကိုတွေ့ရတော့သဝန်တော့တိုမိတယ်။
"ဟုတ်..ပြန်ကြမယ်လေ yuta gege"
"omm..."
Yuta gege ဘက်ကတုံ့ပြန်စကားပြီးနောက် kun ကကျွန်တော့်ဘက်လှည့်လာပြီးပြောတယ်။
"ငါပြောတာစဉ်းစားထားနော်..."
ကျွန်တော့်ကို wink ပြပြီး yuta gege နဲ့အတူရယ်မောစွာထွက်သွားတယ်။
တံခါးပေါက်နားရောက်တော့yuta gegeကကျွန်တော့်ဘက်လှည့်လာပြီးပြောတယ်။
"သွားတော့မယ်နော် winwin.."......တဲ့။ တစ်စက်ကလေးမှအတူပြန်ဖို့မခေါ်ဘူးလား...? ဘယ်လောက်ပဲလမ်းမကြုံဦးတော့...။အတူပြန်ဖို့ခေါ်သင့်တယ်မလား..? ကျွန်တော့်အဆင့်အတန်းကသူနဲ့အတူတောင်ပြန်လို့မရလို့လား...?
************
At home,
အိမ်ပြန်ရောက်တော့ရေမချိုးနိုင်သေးပဲ kun ပြောတဲ့စကားတွေကိုသာပြန်စဉ်းစားနေမိတယ်။
သူကဘာလို့ဒီလိုစကားတွေပြောရတာလဲ..? တကယ်အဓိပ္ပာယ်မရှိတာပဲမဟုတ်လား....?
ခေါင်းတွေရှုပ်လာလို့စဉ်းစားမနေတော့ပဲရေချိုးခန်းထဲဝင်ကာရေချိုးဖို့ပြင်တော့တယ်။
ဒါပေမယ့်မှန်ထဲမှာမြင်နေရတဲ့ကျွန်တော့်ပုံရိပ်ကြောင့်အတွေးတွေကဝင်လာရပြန်တယ်။
ရုပ်ရည်မရှိ၊ဖြူဖတ်ဖြူရော်၊ကိုင်းတိုင်းတိုင်း၊မျက်ကွင်းညိုညိုနဲ့ကျွန်တော့်ပုံသဏ္ဏာန်ကိုတွေ့မိတော့စိတ်ဓာတ်တွေလုံးလုံးကျသွားရတယ်။
ဒီလိုပုံစံကြီးကိုကျွန်တော်ပြောင်းလဲချင်တာပေါ့။ ဖြစ်နိုင်မယ်ဆ်ိုရင်ပေါ့။ kun ပြောတာကိုလက်ခံရင်ကောင်းမလား...?
*ဒေါက် ဒေါက် ဒေါက်*
"မားလား??"
တံပတ်ကိုအမြန်ပတ်ကာအိမ်ရှေ့တံခါးဆီသွား၍မားကိုကြိုလိုက်တယ်။
ထုံးစံအတိုင်းမားကအလုပ်ပြီးတာနဲ့မူးလာပြီဖြစ်တယ်။
ရပ်ကွက်တကာလှည့်ပြီးအဝတ်လျှော်တဲ့ခဝါသည်ဖြစ်သူမားဟာခင်ပွန်းမရှိပဲကျွန်တော့်ကိုလုပ်ကျွေးနေတဲ့ကျေးဇူးရှင်ဖြစ်တယ်။
"မားရယ် သောက်လာပြန်ပြီလား..?"
အလုပ်ပြီးတိုင်းစိတ်ပျက်ပြီးပင်ပန်းလို့လမ်းဘေးအရက်ဆိုင်တွေမှာထိုင်သောက်တတ်တယ်။
အရက်ဆိုင်ကအဒေါ်ကြီးကလည်းသူ့သူငယ်ချင်းမို့တစ်ခါတစ်လေအလကားတိုက်တယ်။
တစ်ချိန်ကျရင်မားကျန်းမာရေးထိခိုက်လာမှာကျွန်တော်စိုးရိမ်လို့ပြောပေမယ့်မားကပြောမရဘူး။
"အေ့.."
အိမ်ထဲရောက်တာနဲ့အဝတ်စားမလဲပဲကြမ်းပြင်မှာမှောက်အိပ်တော့တာပဲ။
တစ်နေကုန်အလုပ်လုပ်ထားရတော့ဘယ်လောက်များပင်ပန်းနေရှာမလဲနော်....ဘာလို့ဘုရားသခင်ကကျွန်တော့်တို့သားအမိကိုဒီလိုဖြစ်အောင်လုပ်ရတာလဲ..?
အရင်ဘဝတုန်းကလည်းမကောင်းခဲ့သလိုသေသွားတော့လည်းပြန်လည်မွေးဖွားခြင်းခံရမယ်ဆိုလို့ပျော်ခဲ့ပေမယ့်ကျွန်တော်ပစ်လိုက်တဲ့အန်စာတုံးကြောင့်အခုကျွန်တော့်ဘဝကလူတကာခိုင်းဖက်ဖြစ်နေရပြီ။
အခုကျွန်တော်အဲ့ဒီအန်စာတုံးကိုထပ်ပစ်ဖို့အခွင့်အရေးများရှိဦးမလား...?
************
မနက်ကျောင်းရောက်တာနဲ့ထုံးစံအတိုင်းသူတို့စားချင်တာတွေဝယ်ပေးရပြီးလုပ်ခိုင်းတာတွေလုပ်ရတယ်။
တစ်ခါတစ်လေအဲ့ဒါတွေကြောင့်အတန်းချိန်တွေလွတ်ပြီးစာတွေလွတ်သွားရတာလည်းရှိခဲ့ဖူးတယ်။
နေ့လည် break time ရောက်တော့ canteen မှာစားနေကျဝက်သားကြော်နဲ့ထမင်းစားပြီး toilet ခဏဝင်တယ်။
မနက်ကဘာမှမစားခဲ့ရတော့ဗိုက်ဆာတာနဲ့ရေတွေစွတ်သောက်မိတာကြောင့်အခု toilet ဝင်ချင်နေတာဖြစ်တယ်။
Toilet ထဲရောက်တော့ကျွန်တော့်ကိုစောင်းချိတ်ပြီးပြောတဲ့စကားသံတွေထွက်လာတယ်။
အမြဲကျွန်တော့်ကိုနှိပ်စက်နေကျအဖွဲ့နဲ့မှတန်းတိုးရတယ်လို့...။ ကျွန်တော်ကိုကကံဆိုးလွန်းတယ်။ T^T
"ဟျောင့်! မင်းသိလား...!! ငါတို့ကျောင်းမှာလေ gay တစ်ယောက်ရှိတယ်ကွ ဟားဟားဟား...!"
"အေးလေ yuta gege ကိုကြိုက်နေတဲ့လူတကာခိုင်းဖက်ကောင်ပေါ့ကွာ ဟဟ.."
"ယောကျင်္ားအချင်းချင်းကြိုက်ရတယ်လို့ ရွံစရာကောင်းလိုက်တာကွာ..."
"သူ့အဆင့်နဲ့မမှီတဲ့ yuta ကိုမှမှန်းရတယ်လို့ ဟဟ သောက်ရှက်မရှိတာပဲ.."
ကျွန်တော်အတတ်နိုင်ဆုံးမကြားချင်ယောင်ဆောင်ထားတယ်။ အံကိုကြိတ်ပြီးဒေါသတွေကိုတတ်နိုင်သမျှထိန်းချုပ်ထားတယ်။
ဒါပေမယ့်ပိုဆိုးလာတာကကျွန်တော့်ဘက်ကဘာမှမပြောပဲငြိမ်ခံနေတော့သူတို့ကရန်စချင်နေတာနဲ့ကျွန်တော့်နားကိုရောက်လာပြီးနောက်ကျောကိုအသတ်လွတ်လာကန်တယ်။
အရှိန်နဲ့မို့တစ်ချက်တည်းနဲ့လဲကျသွားရတယ်။
"hahaha ပျော့ညံ့လိုက်တဲ့ gay!"
"hahaha အေးကွာ ရွံစရာလေး"
"ဒီမှာဟျောင့်! မင်းအဆင့်နဲ့ yuta gege ကိုမမှန်းနဲ့! ဟိုကသောက်ဖတ်တောင်မလုပ်ဖူးကွ! ကိုယ့်အဆင့်ကိုသိ!!! hahaha"
လက်သီးပေါင်းများစွာကျွန်တော့်မျက်နှာပြင်ပေါ်ရောက်လာပြီးခြေထောက်များစွာနဲ့လည်းကန်နေပြီဖြစ်တယ်။
သွေးတွေလည်းထွက်နေပြီးနာကျင်နေပြီဖြစ်လို့အော်နိုင်စွမ်းတောင်မရှိတော့။
အများနဲ့တစ်ယောက်မို့အားမရှိတဲ့ကျွန်တော့်အတွက်သူတို့ရဲ့အခွင့်ကောင်းဖြစ်နေတယ်။
ရိုက်နှက်ထိုးကြိတ်သမျှတွေခံပြီးခဏလောက်ကြာတော့....
"တော်တော့..!!"
ကျွန်တော်မော့ကြည့်လိုက်တော့ yuta gege.
အားလုံးလန့်ပြီးအံ့အားသင့်သွားရတယ်။ သူတို့စကားအတိုင်းကျွန်တော့်ကိုအဖတ်မလုပ်တာမဟုတ်ပဲအိမ်သာထဲမှာအများနဲ့တစ်ယောက်ထိုးကြိတ်နှိပ်စက်ခံနေရတဲ့ကျွန်တော့်ကို yuta gege ကလာကယ်သူဖြစ်နေလို့။
"winwin တော်တော်နာသွားလား..?"
"...."
သူတစ်ယောက်ပဲခေါ်တဲ့ကျွန်တော့်အိမ်နာမည်ကိုကြားယောင်ရင်းသူ့ရဲ့ healing smile ကကျွန်တော့်ရဲ့သွေးတွေ၊မျက်ရည်တွေပြည့်နေတဲ့မျက်ဝန်းအစုံကိုဆွဲဆောင်သွားပြန်တယ်။
သူ့အပြုံးလေးကိုကြည့်ရင်းသူတစ်ယောက်သာခေါ်တဲ့ကျွန်တော့်အိမ်နာမည် winwin ဆိုတဲ့ခေါ်သံနောက်မှာကျွန်တော့်မျက်လုံးအစုံလည်းမှိတ်ကျသွားရတယ်။
###
TBC
•update every Wednesday•
#supernatural ^^