....غاليه غاليه يا بنتي كومي مضل وكت ساعه بالسبعه راح تتاخرين
غاليه:اي ماما بس اشويه حبابه خليني خمس دقايق انام والله تعبت البارحه
ام غاليه: لج غلاوي بنتي كومي نسيتي عندج امتحان اليوم كومي بنتي ﻻ تتاخرين
غاليه : عزه عزه امتحاني كمت مامه ساعه بيش
ام غاليه :اي يا بنتي كومي ساعه 7 وربع صارت .
غاليه :مامي انتي تعرفين اني البارحه كله اقرا علمود هذا الامتحان المصخم اريد انجح وارفع راسج يا حبيبتي غير ابن اختج هذا يجيب أسئلة من المريخ ما اعرف ليش هيجي يصعب علينه الماده
ام غاليه لج بنتي خﻻص كومي وابن اختي ورده مال الله
غاليه :اي عيني ست اسماء دافعي عنه شنو عليه اني متورطه بس اله اطلع الدرجه من عينه وانجح بتفوق
ام غاليه عفيه عليج بنتي هيجي اريدج بس ترة تاخرتي
غاليه: عزه ماممممي تاخرت
كمت بسرعه دخلت للحمام وسبحت على السريع بدلت مﻻبسي لبست بنطرون اسود وبلوزه ابيض وجاكيت طويل اسود لبست حجابي على السريع ونزلت يم روحي من الدنيا امي
غاليه :صباح الخير والنور والورد على احلى ام بهاي الدنيه
ام غاليه صباح النور يا غاليتي شنو هل غزل من الصبح مرتفع يمج الرومانسيه
غاليه :بس الج الكﻻم الحلو يا حلو
ماما ادعيلي اجيب درجه زينه علمود ميتشمت بيه ابن اختج
ام غاليه ربي يوفقج يا بنتي بسرعه اتريكي ﻻ تتاخرين على امتحانج
تريكت بسرعه وطلعت ركبت سيارتي ورحت للكليه
اسفه ما عرفتكم بتفسي
مرحبا اني اسمي غاليه حلو اسمي مو
المهم مواصفاتي اني وحيده اهلي او بالأصح وحيده امي بشرتي كلش بيضه عيوني واسعه ملونه اخضر فاتح على اصفر لون غريب هيجي يكولولي وطولي زين متوسطه الطول مو قزمه ورشيقه احافض على جسمي شعري لونه جوزي مو اسود وكلش طويل ﻻن امي متحب اقصه واني ما ارفضلها طلب ﻻن هي اعز انسانه يمي
اني وحيده امي ﻻن امي من جانت حامل بيه ابويه سافر على الأساس يشتغل ويسحب امي وياه للخارج امي مجانت مقتنعه بالسفر جانت رافضه فكرة ابويه يسافر بس الاصدقاء والكرايب جانو يحجون عليها علمود اتوافق وافقت امي وابويه سافر وانكطعته أخباره ورا سنه تقريبا امي عرفت انو هو متزوج بأمريكا ومناوي يرجع للعراق امي من ورا روحه ابويه وسفره بخمس اشهر جانت حامل من تعبها النفسي اجهضت ولحكو عليها الجيران واخذوة للمستشفى وعرفوا انو هي جانت حامل بتؤم وانو هي خسرت ابنها بس بقيت اني يااا مرات افكر اكول لو باقي اخويه ويايه اشكد حلو عشت عمري وحيده بدون اخ او اخت المهم امي هي اصغر وحده بين خوانها عده اخ واحد محمد واختين زهور وبان وامي اسماء
طبعا خالاتي متزوجات وعدهم جهال كلهم اكبر مني وخالي متزوج هم وامي جانت اخر العنقود ومدلله يم اخوانها
خليني احجيلكم عن خالاتي خاله بان هي الجبيرة متزوجه دكتور وعنده مستشفى خاص عده ابن واحد الي هو عقدتي من الدنيا الي من اشوفه اريد اموته الوحيد الي احس نفسي يستصغرني ما اعرف ليش هيجي اشوف نضراته اسمه سيف دكتور قلب وحاليا منغص حياتي ﻻن ينطي دروس بكليه الطب بجامعتي الي اني ادرس بيها عمره 31 وعنده اخت وحده هاي ورده مال الله صحيح اكبر مني بهواي بس كلش روحه حلوة ومو متكبرة مثل اخوه عمرها25 سنه مخطوبة الابن عمها خريجه صيدله
خالتي الثانيه زهور اشكد طيبه خالتي ربي عوضها بزوح يحبها زوجها مدرس بالجامعه وعده ابن واحد مروان 28سنه
وخالي محمد الي اعتبرة مثل ابوي دكتور مخ واعصاب طيب الى ابعد حد عده اثنين ولد علي وعمار أساتذة بالجامعه وبنت وحده بعمري اسمها مريم
مريم هاي احسها توام روحي نفهم بعض كلش بدون كﻻم ما اعرف ليش بس يمكن ﻻن اثنيناتنه ماعدنه خوات
وهاي هي كل عائلتي الي احبها جدي متوفي وبيبيتي عايشه ويانه
اما عن اهل ابويه فما اعرفهم ﻻن مشايفتهم بحياتي وﻻ يسالون علينه بس جدي وجدتي ام و اب ابويه يشوفوني بالعطل ﻻن همه عايشين بالبصرة كلش بعيده ما اشوفهم الا كل كم سنه بالعطل
وهسه اني ﻻزم الحك على امتحاني
وصلت للكليه وشفه صديقاتي روح ونبا سلمت عليهم
غاليه : سﻻم بنات اشلونكم
روح ونبا وعليكم السلام مو زيناات
غاليه ليش اشلون قاريات
نبا :غلو حياتي ماده ابن خالتج صعبه وكلش خايفات
روح :اي عفيه غلاتي أستاذ سيف ميتهاون
غاليه : بنات ﻻزم نتغلب عليه ونجاوب ماشي
البنات ان شاء الله
دخلنه للامتحان وفعﻻ اسئله مجانت سهله بس اني كلش درست زين والحمد لله جاوبت
طلعت من الامتحان بعد 3ساعات وشفت البنات اجو ها بنات اشلون جاوبتو
نبا انجح ان شاء الله بس على كد النجاح
روح اني هم انتي اشلونج
غاليه كلش زينه الحمدلله
كعدنه اني والبنات بالكفتريا سولفنه اشويه واجه عليهم الخط وراحو اني بقيت اشويه بالكليه اقراه بالمكتبه لان بعد يومين عندي امتحان هم صعب ورا تقريبا ساعتين من القرايه شفت الساعه راح تصير 4 و اني ناسيه موبايلي بالسياره يا الله امي هسه ميته قلق
ركضت بالدرج اريد انزل بسرعه وتعثرت على اخر درجه غمضت عيوني قوي ﻻن هسه راح احس بوجع فضيع بس ورا ثواني اشو ماكو وجع فتحت عيوني واشوف أكثر انسان ما أتمنى اشوفه بهاي اللحضه المحرجه بالنسبه الي
جان سيف كامشني من خصري حيل ﻻ اوكع ويباوع عليه بنضره مستغزة وعلى وجه ابتسامه اوف من هاي الابتسامة اشكد اتنرفزني منه
سيف: انتبهي المرة الجايه مو كل مرة اكدر الزمج باللحضات الاخيرة
جريت نفسي بسرعة وكلت بعصبيه
غاليه : اشكرك أستاذ مراح تتكرر
سيف :اشلون جاوبتي بالامتحان
باوعت عليه بنضرة تحدي حبيت استفزة مثل مدايسوي بيه :كلش زينه أستاذ اكيد راح اخذ درجه كامله
باوع عليه بتحدي اكبر :انشوف انسه غاليه
غاليه عن اذنك أستاذ ﻻزم اروح امي تنتضرني
سيف :صحيح خالتي خابرت عليه ﻻن متجاوبين وجانت قلقانه عليج واني كلت اكيد بالمكتبه تقرا
غاليه : اي ﻻن نسيت موبايلي بالسيارة ﻻزم اروح مع السلامة أستاذ .
سيف :مع السلامة ...... غاليتي
رحت بسرعه بدون ما اسمع رده ﻻن احسه دا يحسسني بعدم المسوليه انو اني اقلق امي عليه اشكد غثيث
رجعت للبيت شفت امي دا تنتضرني بالباب رحت عليها حضنتها وبوستها
غاليه : ها ماما حبيبتي ليش واكفه بالباب موكلتلج الف مرة لتسويها مو زين عليج
ام غاليه : يابنتي جنت خايفه عليج كلش اتاخرتي ليش وشلون جاوبتي بالامتحان وليش متجاوبين عليه
غاليه : على كيفج ست اسماء راح اجاوبح
دخلنه للبيت وحجيتلها الامي كل شي الحمد لله ارتاحت
غاليه : مامه بيبي وين اليوم مشفتها مرجعت من بيت خالو محمد
امي : اي رجعت بغرفتها تقرا قران وتصلي ﻻن اذن العصر وانتي ماكو كلش خفنه عليج ﻻ تسويها مرة ثانيه
غاليه رحت يم اممي بوستها وحضنتها حيل :اسفه ماما بعد متتكرر
ام غاليه : عفيه عليج بنتي هيجي اريدج
خابرت سيف كلش جنت قلقه عليج
من كالت امي اسمه اتذكرت الموقف ونضراته المستفزة الي
غاليه : اي ماما اروح اشوف بيبي واسلم عليها
رحت شفت بيبيتي على السجادة تدعي
مساء الخير بيبي تقبل الله
بيبي :منا ومنكم صالح الأعمال
وهم حجيتلها سبب تأخري
كلش يخافون امي وبيبي عليه ما الومهم ﻻن امي ماعده غيري خطيه بعد ما ابويه عافه ورا كل هل حب الي حبته امي اله عافه
مرات احس نفسي اكره الزلم من كثر ما اشوف الحزن بعين امي
صعدت الغرفتي سبحت وغيرت مﻻبسي لبست تراك وردي وفتحت شعري بدون تنشيف ما احب استعمل سشوار وكلش يرادله وكت شعري كلش طويل
نزلت شفت امي تجهز العشه
غاليه :مامه كلش جوعانه
امي : اي حبيبتي هسه
كعدنه اني وبيبي وامي تعشينه وسوالف وضحك مرات اكوا الله عوضني عن ابويه بام عضيمه
وشويه واندك الباب ......
مرحبا يا احلى قراء أتمنى عجبكم البارت رجاءً علقو وصوتو حتى استمر بنشر الروايه شجعوني خاصا هاي اول مرة اكتب اشوفكممم باجر ببارت جديد
ياريت تصوتوا على الروايه وتععجبكم