قصص رومانسيه

بعد الحب

الكاتبه
ام فاطمة

وقفت في الشارع امرأة أنيقة بملبسها وبمشيتها تنتظر سائقها بعدما أكملت خطبتها في المؤتمر الخاص بالدفاع عن حقوق المرأة ، ركبت في السيارة

السائق : ست شذى وين نروح ؟
شذى : للبيت

خلعت شذى نظاراتها الشمسية ومسحت دموعها الممتزجة بكحلتها السوداء واطلقت تنهيدة طويلة تزامنت مع صوت كاظم الساهر بعدما شغل السائق راديو السيارة ..

بعد الحب وبعد العشرة ..
نلتقي مثل الأغراب ..
واحدنا مايعرف الثاني ..
ولاكإننا أحباب ..

.
.

ازداد بكاء شذى فطلبت من السائق محارم ورقية اضافية ولأنه لايوجد لديه مايكفي في السيارة توقف امام السوبرماركت لشراء مايحتاجه

شذى : عمو جيبلي وياك بطل مي ..
السائق : حاظر ست ..

بقيت شذى لوحدها في السيارة تستمع الى تكملة اغنية كاظم الساهر وبينها وبين نفسها ..

هذي الاغنية كنت دائما اسمعها ، لكن اليوم حسيت بيها وكأنها تتحدث عني وعن حياتي وكانه كاتب الاغنية خصصها اليه .. متوقعت بعد كل هذه السنين التقي بالانسان اللي حبيته لسنوات ، وأبد متخيلت لقاءنا يكون بهذي البرودة شوفته رجعتني لخمس سنوات راحت يوم اللي افترقنا بيه اللي كان هو اسوء يوم بحياتي ...
.

قبل عشرة سنوات
.
كان عمري بوقتها 18 سنة حبيت ابن خالتي ضرغام .. اذا سألتوني شوكت حبيتيه فمااعرف لان فتحت عيوني عالدنيا والكل يگول ضرغام لشذی وشذی لضرغام .. كبرت وكبر حبي لضرغام عشقته حد الجنون والحمد لله كان شعور متبادل من كلا الطرفين ، لان دائما كان يلمح لي انه يحبني ودائما يجيبلي هدايا ووية الهدايا رسائل كلها كلام غزل و..
(هههههه هاي الشغلات ميعرفون بيهة الحدايق )

احنه عائلتنا متكونه من امي اسمها هناء ربة بيت ووالدي اسمه عامر مدرس انگليزي وعندي اخوة اثنين حسن ومحسن ...

حسن اخوية الجبير عمره 25 سنة متزوج من بنت خالتي وبنفس الوقت تصير اخت ضرغام اسمها استبرق وعدهم ثلاث اطفال رقية وعلي وحسين اخوية حازم خريج علوم حاسبات ويشتغل ضابط بالجيش ...

محسن عمره 22 سنة يدرس هندسة خارج العراق ومحصل الجنسية الامريكية وميقبل يرجع للعراق(لتحطن عينجن عليه لانه ماله دور بقصتي).

قبل عشر سنوات كنت طالبة سادس ادبي .. كملت امتحاناتي ومنتظرة استلام النتيجة وضرغام ميقبل اكمل دراسة .. يعني سادس وبس بالرغم اني اتمنی اكمل قانون بس كلشي لعيون الحوب يهون ( جتي عالوزن والقافية 😌 )

بعد فترة استلمت نتيجتي وطلعت ناجحة ومعدلي 74.5 (اهم شي النص لاعبالكم انساه ههههه) المهم اني بوقتها جنت كلش سعيدة لان بعد اسبوعين راح اتزوج ضرغام .. طبعا ضرغام شاب صاك كلش والف وحده تتمناه عمره 27 سنة الفرق بيناتنا تسع سنوات خريج علوم بايو ومكمل ماجستير يشتغل الصبح بالمستشفی والعصر يشتغل بمختبر ويتمنی يحول من وزارة الصحة لوزارة التعليم حتی يصير استاذ بالكلية فديته للكبد ماتي ..

.
.

كانت السعادة والضحكة متفارگ حلكي لان واخيرا راح اكون وية الانسان اللي حبيته سنوات .. مجنت اعرف انه سعادتي ممكن تنتهي .. كنت صغيرة والبراءة العندي تفكر الناس كلها مثلي گلبها طيب .. مچنت افكر اكو حقد او كراهية .. چنت متوقعة الناس كلها فرحانة اليه مچنت اعرف اكو ناس اذا تضحك وراها رأسا تتنكد ضحكتها .. الظاهر اني من هذا النوع من البشر اترككم وية بيت خالتي اللي همة نفسهم بيت عيالي ...
.
.

بيت عيالي يتكون من خالتي سناء اللي هية انسانه حنونه بشكل موطبيعي ربة بيت وعدها 3 بنات(استبرق وسارة ورشا) واثنين ولد الجبير حازم متزوج ومرته اسمها ابتسام وعنده 3 اطفال منها والثاني الكبد ضرغام ...

مر الأسبوعين وتزوجنا بسنة ال2004 وضرغام انسان حنون وكلش حباب وياية (ماأدري يمكن اني حسدت روحي مدري الناس حسدتني مدري اني ماعندي حظ بحياتي مااكول غير الحمد لله والشكر على كل حال ) .
ضرغام :
سعادتي متنوصف واني اخذت الانسانه اللي حبيتها لسنين جنت دائما أكول ميفرقنا بس الموت ومستحيل اعوفج بيوم لكن .....

ضرغام
.
بعد شهرين من زواجنا اتصل بيه ابو شذی

عامر : السلام عليكم
ضرغام : عليكم السلام .. هلة عمي شلونك شخبارك
عامر : بخير والحمد لله .. اريد اگولك شي بس اذا يمك شذی لتبين الها اني حجيت وياك ..
ضرغام:إي عمي تفضل

عامر:ابني قبل اسبوع خالتك تخربطت علينه وتكول مختنگة وديناها للعيادة وفحصها الطبيب وشك بيهة مرض خبيث وسوالها فحوصات وطلعت الفحوصات بيهة خبيث بالرئة ..

ضرعام : عمي مامعقولة خاف الطبيب ميفتهم
عامر : لاابني هذا خوش طبيب واني وديتها لطبيب ثاني وهم تأكد الخبر ..
ضرغام:لاحول ولاقوة الا بالله العلي العظيم عمي شنو الحل نسفرها للأردن؟؟؟
عامر:ابني ميفيد اي شي بعد لان الخبيث منتشر بالرئة ومغلفها حتی ماكو امل بالكيمياوي الدكتور يكول ايامها معدودة وخالتك رافضة الكيمياوي وتريدنه كلنه يمها فإنت جيب شذی وتعالوا كلكم يمها ..

كانت شذی في الصالة مع خالتها وابتسام .. دخل عليهم ضرغام طلب من امه تجي يمه عنده موضوع مهم وياها وخبر امه بالموضوع بدت تبجي وتلطم بصوت عالي .. وشذی من عرفت بالموضوع اغمی عليها خذاها ضرغام للغرفة وغسل وجهها بالمي بعدها بدقائق افاقت شذی وضلت تبجي ..

ضرغام : حبيبتب انتي لازم تكونين قوية هذي امج وتحتاج احد يرفع معنوياتها لتعذبيها بشي وروحي گعدي يمها اهتمي بيهة لتضلين بس تبجين
شذی(دموعها تنزل عشرة عشرة):موبيدي هذي امي تعرف شنو امي .. مااگدر اكون قوية گدامها واني اعرف هي ورة ايام راح تتركنا ..

ضرغام حضن شذی وبدة يمسح علی ظهرها : ادري حبيبتي والله ادري ، بس لازم تكونين قوية اذا مو لخاطر امج لخاطر روحج .. لازم تزرعين ذكری جميلة وانتي بآخر ايام وياها .. هي تريدكم كلكم يمها .. روحي حبيبتي بدلي هدومج واخذي ملابس وياج لان راح تبقين فترة يمها ..

دخلت لبيت اهلي وكانه اول مرة ادخل للبيت .. كئيب ، هادئ ، ماكو صوت ولاحياة بيه .. هذي اولها هيج لعد اذا ماتت شلون؟؟

مشيت بالبيت بارد ومظلم .. مااعرف اذا كانت البروده من الجو او لإن كئيب هيجي حسيت ..

دخلت لغرفتها لگيت الكل يمها اخوية وابوية وزوجة اخوية .. جان الكل يتصنع الإبتسامة والضحك حتی ميبينون حزنهم ، بس طبيت للداخل وشفت امي منظرها وهي متمددة علی الفراش وكأنه مو هي نفسها الانسانه اللي تضحك وتتحرك ..

شفت گدامي انسانه ثانية .. صفرة وجسمها ضعفان .. تنفسها بصوت عالي كلش .. بعد مگدرت اتحمل حضنتها وضليت أبچي يمه ليش هيج يمة .. حبيبتي ليش تردين تعوفني .. يمه اذا رحتي منو الية ..

اني بس بچيت الكل بچة وياي .. مگدروا يتحملون المنظر .. امي مسحت علی شعري وظهري وبالگوة حچت

: بنتي حبيبتي ديري بالج علی روحچ وعلی ابوچ واخوتچ .. انتي حنينة وگلبج طيب لتخليهم يتأذون من بعدي

طبعا اني بس ابچي .. صوت امي تغير صار صوته ناصي كلش وتحجي وكأنه تهمس بكلامها .. وين امي اللي جانت اذا صاحت علينه كلنه نرجف بمكانه من الخوف .. هسة صوتها بالكوة اسمعه معقولة هذي امي !!

لزمت ايدها وبستها وابجي امي : حبابة لتعوفيني اني شلي بحياتي اذا انتي مابيهة .. اجة ضرغام وسحبني من الغرفة ، طلعني بالصالة وصاح بيه

: شذی اني شگتلج لازم تكونين قوية گدامها .. تری والله اذا بقيتي هيج اخذچ ومااخليچ تبقين يمها اني گلتله
: لالالا والله بعد ماابچي كدامها والله والله بس خلينه يمها حضني ضرغام وضليت ابچي

مرت الايام تلو الايام الله لايراويكم فقدان عزيز عليكم .. اشوف امي گدامي يوم عن يوم تذبل واليوم بقت فاقدة الوعي ، واذا گعدت متگدر تحجي واني ظليت گاعدة يمها ولازمة إيدها وأقرأ قرآن ودموعي تنزل وحدها .. بعدين مگدرت اكمل إجيت بستها من راسها وحضنتها واكوللها

: يمة سامحيني اذا بيوم من الايام رفعت صوتي عليج .. يمه ادري اني قصرت بحقج خليتج وحدج تشتغلين بالبيت .. يمه ادري اني تعبتج وياي بالدراسة خصوصا وانتي تسهرين وياي حتی ادرس .. يمة سامحيني اذا بيوم تمرضت وسهرتي وياي حتی تسويلي كمادات .. يمه سامحيني من مرة طلعت وية صديقتي وتأخرت وانتي قلقتي عليه .. يمه والله لو يرجع الزمن ليورة مجان سويت اي شي يضوجج .. واني جاي احجي حسيت تنفس امي كلش قوي اجة ابوية واخوية خذوها للمستشفی .. رحت وياهم ، طبعا حطوها بغرفة وحدها واحنه خارج الغرفة واسمع صوت تنفسها وكانه تشخر دخلوا اخوتي الها وخالتي وضرغام هم دخل لغرفتها بس مقبلوا ادخل حتی اشوفها .. بعدها بيومين ساعة ب2 الظهر تدهورت صحة امي .. الاطباء دخلوا للغرفة اني انهاريت وگعدت بالگاع وضليت بس ابجي والطم علی وجهي .. اجوا بنات غربة من المستشفی مااعرفهن لزموا ايدي حتی مااضرب علی وجهي ، سمعت الدكتور يكول ساعة الوفاة بال2 و8 دقائق بعدها انهاريت .. خذاني ضرغام لغرفة بالمستشفی وانطوني ابرة مهدئة نمت .. بعدها بفترة صحيت وبس ابجي .. خذاني حماية حازم لبيت اهلي ومرت ايام العزاء وطلع الأربعين واني علی نفس وضعيتي .. واحس الدنيا ظلمة بعيوني وراها بيومين دخلتلي خالتي للغرفة حجت. وياي

سناء : يمة شذی اللي جاي تسوي خطأ ، تری متجوز عالميت بس الرحمة ؛ وبدل متبجين گومي اقري قرآن ادعيلها بالرحمة ولتنسين انتي عندج زوج وعليچ واجبات لازم تأديها تجاهة ، وعندج بيت لازم تشتغلين موبس حابسة روحج بالغرفة وگاعدة

شذی:بس خالتي اني نفسيتي تعبانه مااگدر

سناء:خالة هسة اني شگلتلج اهتمي شوية بزوجج .. هم خطية يتعذب من يشوفج هيچ علی الاقل من يجي ضحكي بوجهه مو يروح ويرجع وانتي بس تبجين كومي غسلي وجهج بدلي هدومج و....

مرت سنة وشهرين علی وفاة الوالدة مصار شي مهم بيهة , لكن لحد هاي اللحظة مصار حمل عندي ..

اليوم رحت للدكتورة اني وضرغام وطلبت من عدنا فحوصات وبعد اسبوع طلعت الفحوصات سليمة من الطرفين ..

شذی:بس دكتورة لعد ليش مصار حمل لهسة؟؟
الدكتورة:انتي علاقتكم الزوجية شلونها؟
شذی:الحمد لله وسويت مثل مگلتي نمت علی ظهري وكل اللي طلبيتيه منه سويناه بس لهسة ماكو حمل ..

الدكتورة : خير ان شاء الله .. هو رزق ربج علی ساعة يجي ، بس كأسباب اثنينكم مبيكم شي .. نسبة زوجج ممتازة وانتي حجم البويضة هم ممتاز ولاعندج هرمونات ودورتج تجيج بموعدها ..

شذی:لعد ليش هيج؟؟؟
الدكتورة : حبيبتي نفس مگتلج رزق من رب العالمين .. انتو ادعوا وصلوا وان شاء الله يستجاب الكم ..
شذی : امين يارب ..
.
.

رجعنا للبيت اول مدخلت استقبلتنا خالتي وابتسام زوجة حماية ..
.
.

خالتها : ها بشروا؟؟؟
شذی : والله خالة هاي ثالث دكتورة تكول اثنينكم مبيكم شي هو رزق رب العالمين ..
ابتسام:ندري بيه رزق رب العالمين ، بس انتو صارلكم فوك السنة وماكو .. واذا فعلا اثنينكم مبيكم شي ليش لهسة مصار حمل؟؟؟ خاف بيج شي ومتقبلين تحجين؟؟

تدخل ضرغام : ان كان بينه شي او مابينه ، صار حمل او مصار .. انتي شدخلج بالموضوع وبصياح هااااااا

ابتسام : هاي شبيك هو اني بس هيج ردت اسأل كفرت خو مكفرت ؟؟

ضرغام:انتي مسألتي انتي جاي تحققين .. يلة شذی امشينه للغرفة يلة ...
.
.
.

مرت ثلاثة اشهر واني وضرغام ندعي ربنا يرزقنا بطفل لكن قدر الله وماشاء فعل ، وبهاي الاثناء اني وضرغام بالغرفة صاحتلنه خالتي نزلنا جوة بالصالة ..
.
.
سناء:تعالوا باركو لاخوكم .. ابتسام حامل وراح يجينا الخامس ..
شذی(ماادري بس الصدك حسيت بالغيرة يعني موبيدي والله هو صح رزق من الله بس هيج تمنيت لو اني هم حامل) : الف مبروك يارب تمام الخلقة وگومتج بالسلامة ..

ابتسام(بصوت ناصي وگدام الكل اللهم صل علی محمد وال محمد وبدت تنفخ بوجهي) : تسلمين وإن شاء الله يوم الالج ولو اني اشوفهة بعيدة ..
.
شذی(صدك انقهرت) : ماكو شي مستحيل علی ارادة رب العالمين ، اني أملي بالله كلش چبير .. طبعا بهاي الفترة كلها ضرغام ساكت وبعدين صعد للغرفة .. اني هم صعدت وراها دخلت للحمام بحجة اسبح واني فتحت المي وضليت ابجي .. اكوله ياربي ليش خليتهم يتشمتون بيه وضليت ابچي لحد ماارتاحيت طلعت لگيت ضرغام ضايج كلش ..

شذی:ضرغام حبيبي ليش ضايج؟؟
ضرغام:حبيبتي وليش حتی مااضوج صارلنه سنة ونص ولهسة ماكو حمل .. اللي تزوجوا وراية صار عدهم واحنه اهسة ماكو .. ليش متقبلين تسوين اللي امي تگولج عليه ؟؟

شذی:صدگ تحجي انت الدارس والمتعلم تريدني اسوي هاي الخزعبلات ..

ضرغام:شكو بيهة اذا العلم يكول مابينه شي .. سووي اللي تگولة امي وبلكت يصير واذا مصار حبيبتي وعد مني نسافر برة نسوي أطفال انابيب شگلتي؟؟؟

شذی:ضرغام والله صعبة .. امك تريدني اروح للمغتسل وافتح عين وحده ميته لو جايبتلي طينه تريدني اسبح بيهة لو تكولي تعالي (تكرمون)تبولي بحلك بزونه ميته متگولي شلون اتحمل هيجي اشياء مااگدر ضرغام شوفلنه غير حل ..

ضرغام:اوووف منچ ومن عنادچ ابقي هيج احسنلچ نشوف اخرتها شنو؟ وطلع من الغرفة واني ضليت بس ابچي ..

( اكو عادات عند النساء الكبار بالسن وهي طبعا متوارثة .. اللي تتأخر بالحمل يسوون الها هاي الخرافات تدخل للمغتسل وتفتح عين ميت او تجيبله طينه تسبح بيهة حتى تفك الچبسة مالتها .. شنو مكونات الطينه محد يعرفها 😂 والمشكلة هواي نسوان يحبلون بعد متسوي هاي الشغلات ولازال سر تركيبة هذه الطينة من احدى أسرار هذا الكون )

چا ليش ضيعت المحنه؟
وچا ليش حاسبني غريب؟
وآنه أعدك من أهلنه!!!

.
.
.
.

بعد اسبوعين صاحتلي خالتي نزلت يمها
ام ضرغام : بنتي شذی غسلي هدوم حماچ مرته متگدر تغسلهم لأنها حامل ..

شذی:شنووووو ترديني اني اغسل ملابس رجال غير زوجي وفوكاها اغسل ملابسة الداخليه مااگدر
ام ضرغام : موبكيفج اني مااگدر اشتغل وابتسام تتوحم انتي شمعرفچ بهاي الشغلات؟؟؟

شذی:هيجي الحجي صار اي ملابس غير ملابسي وملابس زوجي ماأغسل ..
ام ضرغام:كلامي مو وياج كلامي وي رجلچ .. ضرغاااام ولك ضرغاااااام (بصياح) تعال شوف مرتك ترفع صوتها عليه .. لك تعااااال ..

نزل ضرغام مستغرب:شكو؟شكو؟ ليش تصيحين وشذی ليش تبچي؟؟؟
ام ضرغام:خايف علی ست الحسن والجمال مابيهة شي .. طلبت منها تغسل ملابس حازم لان تدري ابتسام حااااامل ووحامها قوي .. متگدر تغسل ملابس زوجها ومرتك متقبل تغسلهن ورفعت صوتها عليه ..
شذی : ضرغام شلون تريدني اغسل ملابس داخلية لرجال غريب عليه .. اذا انت تقبلها اني مااقبلها لنفسي.
ضرغام : شذی سوي اللي تگولچ امي عليه
(انصدمت من ردة فعل ضرغام المفروض الرجال يكون عون وسند وحزام ظهر لمرته .. وبنفس الوقت مااعرف يعني صحيح كان تصرفي غلط .. بس اني بوقتها نار الغيرة عمتني عمي ، حتى ادعية بموت جنينها دعيت بس المهم مااشوف بطنها تكبر كدامي ) فزاد عنادي وية ضرغام وكتلة

:مااسويه يعني مااسويه .. خدامة الخلفوكم اني !! فوگ ما شغل البيت عليه لان ابتسام حامل ونايمة على ظهرها .. شو حتی جهالها اني قايمة بواجبهم شطلعت هاي بشر لو حديد گدامکم؟؟

ام ضرغام : ياعيني عليچ شذاوي حبيبتي .. انتي ضجتي لان تشتغلين شغل ابتسام لو لان ابتسام حامل وانتي بعدج لعد شتسوين هاي قسمتج الله كاتبچ عقيم ..

شذی(انقهرت) : مراح ارد عليج تدرين ليش؟؟لان الصوچ موعليچ الصوچ بالرجال (واشارت الی ضرغام) اللي معتبرته حزام ظهري وسندي بالحياة واگف طرطور ومحچه ولاكلمة ..
ضرغام : ياأدبسز اني طرطور وضرب شذی راشدي 👋👋

لزمت خدي وصعدت لفوگ بديت احضر ملابسي حتی اروح لبيت اهلهي .. صعد ضرغام للغرفة لگاني ابچي وحضر بملابسي

ضرغام : علی وين ان شاء الله؟؟
شذی : معليك
ضرغام : لاعلية ونص .. وشوفي اذا طلعتي برة البيت بعد مالچ رده فهمتي (وبده ضرغام ياخذ الملابس من الجنطة ويرجعهم للكنتور واني ارجع اخذهم من الكنتور وارجعهم للجنطة)
.
.
.

وتاليها وياچ عقلي يابنت الناس(مسك ايدية بقوة)

شذی : وخر عني تمد ايدك عليه ؟!! وين هذا اللي چان يگول مستحيل اخلي دمعتچ تنزل مستحيل اخلي هالايدين تتعب .. شوف باع ايديه شلون صارن سود من الشغل .. من الصبح لليل اني اشتغل ليش جايبيني خدامة عدكم؟ ؟؟
وانت تجي تكملها وتمد ايدك عليه ردتك عون طلعتلي فرعون ..

ضرغام:هذي امي اتحمليها شنو ترديني امد ايدي علی امي؟

شذی:مطلبت تمد ايدك عليها ، بس ردتك سند اليه مو فوگ التعب كله اطلع اني الغلطانه .. خل الشغل يتقسم بيناتنا ، مجاي احصل دقيقة وحده ارتاح بيهة من الصبح لليل بس اشتغل مليت من هالعيشة ...
.
حضني ضرغام لكني دفعته بقوة : گلتلك وخر عني؟
ضرغام : يهون عليچ تعوفيني وتطلعين؟؟
شذی:ههههه ضايج لان راح اطلع واعوفك لو لان خدامتكم راح تتركلكم البيت ..

ضرغام(بصياح):شذی تعوذي من ابليس ورجعي الملابس للكنتور بعد مااعيد كلامي ..
شذی : مراح اردهم وابقی انت هيجي بس صيح.

بهاي اللحظة ضرغاة بدة يصيح ويكفر وبعدين كالي

: اني مليت هالعيشة وياچ روحي انتي طالق ..

بوقتها انصدمت صدمة عمري كله متوقعتها تطلع من اعز انسان عليها) الصدمة خلتني مثل الجامدة بمكاني حتى دمعه منزلت من عيني بس بعدين حسيت على روحي ..

: خوش لگيتلك حجة حتی تطلگني .. يلة تخلصت من هالعاگر روح اخذ راحتك (وببكاء وصياح ودفعته علی صدره)
الله ياخذك ان شاء الله وخذت ملابسي وطلعت من البيت ...
.
.
.

في نفس الوقت:
كانت ابتسام تراقب مايجري وترقص من الفرحة دخلت غرفتها وخابرت اختها خلود.
خلود : هاولچ بشري؟؟
ابتسام : وچ طلگها وإجه ابوها خذاها وهسة الباقي عليچ انتي دبريها من يمچ ...

خلود:حبيبتي انتي بس حاچيه لضرغام حتی يشغلني وياه بالمختبر واني اعرف شلون ارتبها ..
ابتسام:موتنسين حاولي تخليه يتعلق بيچ بسرعة خاف يرجعها للبومة ويرجعون حبايب ولاكأنه اكو شي صاير ..
خلود : حبيبتي وإذا رجعها يعني شيفرق اولا وأخيرا هي مراح تخلف ...

ابتسام:الله شوكت يجي اليوم وتتزوجين ضرغام ويرتاح بالي ..
خلود:امين يارب ان شاء الله عن قريب ..

ابتسام:اكولج خل نروح للصالون نرتبچ ونطلعچ نيولوك حتی من يشوفچ يتفاجأ بيچ ..
خلود:إن شاء الله .. باچر تعالي لبيت اهلي وخلي نروح يلة بيباي رصيدچ راح يخلص ..
ابتسام:بعد روحي خايفة علی رصيدي يلة باچر نلتقي سلميلنه
خلود:يوصل

طشريتوا سنين عمري وماحچيت ...
وعمري جبته إملاحف وية سنينكم ...
الليل وإنت اثنينكم ماتستحون ...
توني أريد أحچي ومشيتوا إثنينكم ...
.
.
شذی
.
.
دخلت لبيت اهلي واني بس ابچي استقبلتني استبرق زوجة اخوية حسن واخت ضرغام وحضنتني وظلت تواسيني

استبرق : حبيبتي لتضلين تسوين هيج هذا موزين عليج ماكو شي يسوة ..
شذی : وچ مد ايده عليه وبعدين طلگني ..
استبرق : اني هم متفاجأة مثلچ .. ضرغام طبعه هادئ شعجب هيجي سوة واني متأكدة يوم يومين ويرجعلچ .. لان ضرغام يحبچ مستحيل يگدر يتخلی عنچ.

شذی : وانتي من كل عقلچ ارجعله مرة ثانية ، بعد اللي سواه لاحبيبتي اني عندي كرامه ومستحيل ارجعله ، وبعدين خالتي تكول عني عاگر ومااخلف يلة هسة خل ياخذ راحته ..

استبرق : شبيهة امي تخبلت تحجي هيج .. هذا رزق من رب العالمين ، بس انتي هم عذريهة والله هي گلبها محترگ علی ضرغام صارلكم اكثر من سنة ونصف وانت لهسة بلاأطفال ..

شذی : انتي گلتيها سنة ونص .. أكو ناس تبقی سنين ووراها الله يرزقهم بطفل .. شدعوة هيچي گلبتوا الدنيا وهاي صارلي ثالث دكتورة تگول نفس الكلام مابيكم شي اثنينكم ..

استبرق : هي هاي أكبر مشكلة يعني لو أكو سبب نگول ماشي بس المشكلة اثنينكم مابيكم شي ؛ فليش لهسة مصار حمل ؟؟
شذی : رزق من رب العالمين لااني ولاانتي نگدر نسوي شي
استبرق : والنعم بالله .. يلة حبيبتي اني اروح اشوف الجهال. .
شذی :الله وياچ ، اني هم اريد ارتاح سدي الباب بطريقچ ..
استبرق : إن شاء الله وربي يهدي النفوس ..
.
.
.
طلعت استبرق من غرفتي وخابرت امها
سناء : هلا يمة شلونج؟ان شاء الله بخير ..
استبرق : خير ؟؟ هذا ياخير اللي ترديه يجي بعد اللي سويتوه وية شذی ؟؟
سناء : يوووه شسويلهة يعني؟؟ اني ردت اخليها تغار لان يگولون بطن تغار من بطن .. گلت بلكت تحمل شو صارت مشكلة شكبرها من وراها هي لسانها طولان ..

استبرق : يمة تعرفين كلش زين اذا رجع حسن وشاف اخته مطلگه مراح يسكت وخاف يطلگني .. ادري متخافين عليه ؟؟

سناء : شنووووو؟؟؟ ضرغام طلگها لشذی؟؟؟؟
استبرق : صدگ والله؟؟ومسوية نفسج متعرفين؟؟
سناء:والله العظيم هستوني سمعت منج ، واني كل عقلي طلعت هيج زعلانه وبس .
استبرق : يمة ضرغام طلگها لشذی واني اگولها الچ اذا شذی مرجعت احتمال اني اجيچ مطلگة ..
سناء : روحي هسة واني راح اتصرف ...
.
.
.

في نفس الوقت وفي مكان اخر
.
ضرغام بغرفته ضايج ومتمدد عالچرباية ..
.
.

ابتسام دگت الباب

ضرغام:اتفضل
ابتسام فتحت الباب ودخلت : شلونك ضرغام؟؟
ضرغام بإنزعاج : بخير
ابتسام : اني جاية اطلب منك طلب ، واعرف الوقت مومناسب بس شسوي هاي خلود خبلتني ..
ضرغام:شكو؟؟
ابتسام:تدري هي صارلها كم شهر من تخرجت ، وتريد تشتغل ، فبلكت تگدر تشغلها وياك بالمختبر ..
ضرغام : خوش ..
ابتسام : يعني اخابرها اكوللها ..
ضرغام : خليها باجر تجي .

ابتسام : لالا موباجر خليها علی بداية الاسبوع الجاي(إبتسام بنفسها تگول اريد اخذها للصالون واطلعها شكل ثاني) .
ضرغام : يصير خير ..
ابتسام : شكرا ضرغا ....
قاطعهم صوت سناء (ضرغااااااام ولك ضرغاااام تعال هنا) ..
نزل ضرغام ركض : خير يمه شكو شصار؟
سناء : ولك ليش مطلگ شذی؟؟؟
ضرغام : أأأ يمه هي تجاوزت عليچ بالكلام واني بلحظة عصبيه تنرفزت وطلگتها ..

سناء لزمت ضرغام من أذانه وجرتها حيل : اسمع تروح ترجع مرتك لاوالله العظيم اغضب عليك ليوم الدين ..
ضرغام : أرجعها والله أرجعها ، بس انتظر شكم يوم حتی ترتاح نفسيتها ..
سناء : وإذا إجه حسن وشاف اخته مطلگه
ضرغام : يمه حسن هستوه التحق .. يعني ينرادله اقل شي شهر حتی يرجع ، وان شاء الله قبل هالفترة اني مرجعها ..
سناء : إن شاء الله ..
.
.
.

بنفس الوقت ابتسام كانت واقفة من بعيد وتسمع لكلامهم : اوووف هذي العجوز ولاتگعد راحه واتصلت بخلود

خلود : ألو شلونج ابتسام ؟؟
ابتسام : اوووف ضايجة
خلود : شكو؟؟؟
ابتسام : وج هاي العجوز تضغط علی ضرغام تريده يرجع مرته ..
خلود : اوووف وبس لا راح يرجعها؟

ابتسام : لا كال خليها شكم يوم واني اروح ارجعها
خلود : ممتاز ان شاء الله الكم يوم يصيرن ايام ههههه شوكت تجيني؟
ابتسام : ان شاء الله باچر نروح للصالون وللسوك نشتري كم غرض اريدج تخبليه ومتخليه يفتقد هالبومة شذی .
خلود : ان شاء الله ..
ابتسام : يلة حبيبتي مع السلامة .
خلود : الله وياج ..
.
.
.
مرت ثلاثة ايام كئيبة علی طلاق شذی المفاجئ دخلت شذی بنوبة كآبة وحزن حبست نفسها بغرفتها ومتحچي وية احد .. حاول والدها يواسيها لكن باءت محاولته بالفشل .. أما استبرق في حيرة وقلق من امرها لانها لم ترغب بتواجد شذی في البيت .. خوفا من زوجها حسن اضافة الی وجود سبب اخر لهذا السبب قررت استبرق ان تكون وسيطه بين ضرغام وشذی ..
.

.
.
ضرغام : الو
استبرق : ها ضرغام شلونك ؟؟
ضرغام : هلاو استبرق الحمد لله انتي شلونج ؟؟
استبرق : موزينه والسبب انت ..
ضرغام : اني؟؟؟ليش اني شمسوي؟؟؟؟
استبرق : تعرف كلش زين شمسوي انت لازم ترجع شذی ..
ضرغام : ارجعها بس أريد الوقت المناسب وأريدها شوية ترتاح.

استبرق : شوف اني راح ادبرلك الوقت المناسب .. باجر الصبح راح اخذ الجهال واطلع وانت تعال للبيت واحجي وياها ورجعها وكافي تری من وراكم ماانام لاليل ولانهار ..

ضرغام : ان شاء الله بس باچر من تطلعين دزيلي خبر وحاولي تتأخرين .
استبرق : ها عيني مشتاقلها يمه الحب يمه ..
ضرغام : هههههه وجع يلة روحي عندي شغل ..

.
.

اغلق ضرغام الهاتف
: الله شنو هالريحة الطيبه

فجأة دخلت ابتسام وخلود للمختبر رفع ضرغام رأسه وتفاجأ بيهن وشاف گدامه ابتسام ووحده ثانية ابتسم وضل صافن : أهلا وسهلا نورتوا ..

.
.

ابتسام:هاي شنو ضرغام معرفتها ؟؟ تری هذي خلود
ضرغام (استغرب لان خلود من زمان شايفها سمينه كلش بس هسة كلش ضعفانه ) : هههههه اعذريني ناسيها والله اهلا وسهلا اخت خلود ..
خلود(شوف الفگر اولها اخت خلود ،بس وين تروح مني اجيبك اجيبك) : وبيك اكثر

ضرغام(شنو هالعطر اللي يجنن والشكل الحلو هاي شلون راح اشتغل وياها) : اتفضلوا گعدوا ليش واگفين..
تمشت خلود داخل المختبر وتتمايل بمشيتها ولابسة ملابس مخصرة علی جسمهة خلت ضرغام ميشيل عينه منها وبنفس الوقت يحچي وية ابتسام : اكولج هاي اختج شسواها هيج؟؟

ابتسام:هههههههه شبيك ضرغام؟؟؟عوف اختي بحالها تری اني لان واثقة ومأمنه بيك جبتها يمك .. يلة اني اروح وديربالك علی اختي ..

ضرغام منزلت عينه عن خلود : الله وياج ابتسام ..
مشة ضرغام ووگف بصف خلود : تعالي اراويج اماكن الغراض وترتيباتهن و .....
.
.
.

ثاني يوم الصبح اتصلت استبرق علی اخوها
ضرغام : هلاو اسو شلونج؟؟
استبرق : زينه شنو نسيت شتفقنا ؟؟
ضرغام : ها لا مانسيت هسة انتي وين؟؟

استبرق:شوف اني بدلت ملابس الجهال وراح اطلع اروح للمتنزه وابو حسن طلع للدوام تبقی بس شذی بالبيت اوكي عيني؟
ضرغام:اوكي

شذی بغرفتها ضايجة اجتها استبرق
استبرق : حبيبتي شذاوي اني راح اطلع اخذ الجهال للمتنزه ..
شذی استغربت : متنزه الصبح ليش مستعجلة؟؟
استبرق : هاي بعد الجهال ضاجوا يلة عيني مع السلامة .
شذی : الله وياج ..
.
.
بعد ربع ساعة انطرقت باب بيت اهل شذی ، وبما انه بالبيت بس شذی . فتحت الباب وشافت كدامها ضرغام تفاجأت رادت تسد الباب بس هو اسرع منها دفعها للباب ودخل للبيت ..
شذی : شتريد ماكو احد بالبيت بس اني ..
ضرغام بمكر : أدري ...
....

شذی : شنو مراقب البيت؟؟
ضرغام : هههههههههه شكد تعجبيني من تصيرين ثولة
شذی : احترم نفسك(ودفعته قوي) يلة روح منا
ضرغام(حط ايده علی رقبة شذی من الخلف و سحبها اله بقوة و ...... ( عيب 😒 )

.
.
.
.
احذرك لو تريد تسوي عركه وياي
ماشايفني حقك لمن اتعارك
أشگ حلگك ببوسه ومنك آخذ الثار
بلكت تهد علي وتأخذ بثارك
.
.
.
شذی : انت متستحي روح منا اني هسة طليقتك مو زوجتك
ضرغام : واني رجعتج لعصمتي ...
شذی : واني ماأقبل ارجعلك ...
ضرغام : هههههه مو هية الشغلة بكيفج؟؟
شذی : اي بكيفي واني مستحيل ارجعلك.
ضرغام : خوش ياأم المستحيل راح نشوف.
.
.
.
.
ضرغام حمل شذی وخذاها لغرفتها حطها عالسرير وبدة يبوسها وهي تدفع بيه و......
.
.
.
.
بعد دقائق شذی تبجي وملابسها ممزقة اما ضرغام لبس ملابسه ووكف : حبيبتي هسة انتي رجعتي لعصمتي ويلة عيني اخذي ملابسج وخلينه نرجع وكافي والله بعد مااتحمل غيابچ ...

شذی:انت حيوان شلون هيجي تسوي وبعدين موبكيفك ترجعني .. اني مااريدك مااااااااريدك بعد.
ضرغام : ههههههههههههااااااي راح اعوفج يم اهلج منا للجمعه ، وراها ماإلج عذر واذا مرجعتي فسيناريو اليوم راح يتكرر باي حبي وانطاها بوسة هوائية وطلع من الغرفة وهي بقت تبچي ...
.
.
.

في المتنزه:
عبد الله : اشتاقيتلچ حبيبتي ..
استبرق : اني الاشوق والله مااعرف شلون مرت هذي الايام بدون مااشوفك ..
عبد الله : هسة هذي حماتچ وكتها تجيكم اووووف .
استبرق : هو غير هذا اخوية الزمال طلگها ..
عبد الله : اني مصدگت حسن يلتحق هدور تجيني اخته ..
استبرق : اصبر حبيبي اصبر هو اني هسة طلعت من البيت واتفقت وية اخوية يجي يصالحها ادعي يتصالحون واخلص منها

عبد الله:ان شاء الله بس شيصبرني كل هاي المدة خلينه نروح لفندق مشتاقلج كومة ...

استبرق:يافندق صدگ تحچي والجهال وين اوديهم ؟؟؟
عبد الله : انطيهم منوم مثل كل مرة وخليهم ينامون ...
استبرق : مجايبته وياي ..
عبد الله:شنو هالحظ ..
استبرق : اصبر حبيبي اصبر مبقة شي ..
عبدالله : خوش نصبر شعدنا غير الصبر.

.
.

رجعت استبرق للبيت وهي تضحك فتحت الباب وشافت شذی ضايجة .. تفاجأت من وجودها لان جانت تعتقد انها رجعت وية ضرغام ..
استبرق : ها شذاوي شبيچ؟
شذی : تعرفين شبيه .. طلعتي متفقة وية اخوج عليه ..
استبرق : صدگيني لان اعرفكم واحد يحب الثاني هيجي سويت ..
شذی : ضرغام جرح مشاعري هواي واني بعد مااريده.

استبرق : والله هو يحبچ لتضيعيه من ايديچ ..
شذی وبدموع : ماادري يااستبرق احس افضل انه اتركه يشوف حياته بلكت الله يرزقه بطفل ليش احرمه من الابوة ..

استبرق:حبيبتي شنو هالكلام اللي تگوليه ومنو يگول اذا تزوج غيرج راح يصير عنده اطفال يجوز الصوچ يطلع بأخوية

شذی:بس يااستبرق اني اموت الف موته من اشوفه يلعب وية اطفال حازم لوأطفالج ، واتمنی بيوم اشوف اطفالي نلعب اني وياهم ووية ابوهم لو تدرين شكد متشوقة اشوفهم احسهم راح يكونون ثمرة حبنا .

استبرق:ههههههه هههههههه ههههههههههه وانتي من كل عقلج بعد ميصير عدكم اطفال .. راح يبقی حبكم لبعض ؟؟ لاحبيبتي الاطفال يقتلون شي اسمه حب اصلا الاطفال اعتبرهم نهاية العلاقات الزوجي

شذی:شنو هالتفكير؟؟ وبعدين هسة انتي وحسن مو واحد يحب الثاني وعدكم ثلاثة اطفال ..

استبرق:هههههه منو گال الحب باقي لهسة!!!
شذی:؟؟؟؟؟
استبرق:حبيبتي الاطفال مسؤولية .. هذا اللي سويلة ممه وهذا اللي بدلي حفاظته وهاية اللي تريد تنام وانيم هذا گعد الثاني من النوم تتوقعين بمثل هكذا ظروف يبقی حب؟؟ بالعكس حبيبتي راح يبتعد كل طرف عن الثاني وبعدها توصل للبرود بيناتهم ..

شذی : مستحيل استبرق اللي تحجيه اني اشوفج انتي وحسن مثال للعائلة المتعاونه و..

استبرق:هذا كلامج من زمان من چنه هستونه متزوجين وماعدنه اطفال .. هسة مسؤوليات هواية واصلا حسن وين اشوفه يجيني يومين ثلاثة ويغيب عني أشهر ، وحتی بهاي الايام اللي يجي بيهة ميبقی بالبيت كله يطلع ويه اصدقائه ..

تدرين ياشذی قبل جنت اشوف نظرة الحب بعيونه .. نظره الحنية ، العشق ، الوله ، اللهفة .. هسة نظراته باردة ؛ وكانه الحب اللي جان بيناتنا وهم واختفی .. تدرين هسة هو من يلتحق لايتصل ولايخابر ولايسأل عني ولاعن اطفاله لو اني اتصل لو ماكو وحتی من اتصل بيه ردوده مختصرة .. اتمنی يكولي احبج مشتاقلچ مشتاق للأطفال .. حتی من يجي للبيت والله اسويله واهس ، وحتی تدرين مرات انطي للاطفال منوم حتی اتفرغلة .. تدرين شيگول تعبان اريد انام واذا كلش تقربت منه لو يكملها كتأدية واجب لاغير أو يگولي وخري عني موطايقچ ... ههههه وچ آني أسو حبيبة العمر كله والعشق الأبدي يگول موطايقچ .. بمثل هذا الوضع شتحكمين ؟؟ اكو حب لهسة لو هذا مجرد تفاهات المراهقة وبس .....
شذی : غريبة ليش هيجي صرتوا؟؟
استبرق : آني أكولج .. الأطفال مسؤولية يعني اضافة الی مسؤولية البيت فالمرة المن اتصير للاطفال؟ للبيت؟ ابقی اشتغل من الصبح لليل .. دقيقة راحه مااگدر احصل ، ويعدها يجي الليل اريد انام وتعبانه مااگدر انطي لزوجي حقوقه كاملة اومثلا الاطفال كل شوية يكعد واحد من النوم .. يعني هههه ماكو مجال ، وحتی لو اكو مجال اني تعبانه مالي خلگ .. اعترف اني هملت زوجي لفترة .. بهاي الفترة اصدقاء حسن ضلوا يحچون براسة والنتيجة هو يركض ورة الساقطات واني شكد محاولت مگدرت ارجع علاقتنا مثل قبل ..

شذی:حسن يخونچ؟؟؟؟؟
استبرق نزلت دمعتها وبحسرة : من زمااااااااااااان.
شذی : وليش محچيتي؟؟؟علی الأقل خلي أحد يتدخل بالموضوع ..

استبرق:حبيبتي حتی لو حچيت اول شغلة مراح يصير شي ولا راح يتغير شي تدرين ليش؟؟؟ لان اولا راح اكون اني السبب .. لان ماكو رجال يترك زوجته ويخونها الا اذا كانت هي مقصرة بحقه ، وحتی لو ممقصرة وياه هاي نظرة المجتمع .. بكل الاحوال المرأة هي المقصرة وثاني شي .. اذا آني سويت مشكلة ويه حسن تأثير المشكلة راح يكون علی علاقتكم انتي وضرغام ..
شذی:احنه شكو شعلينه اخوية لازم يتأدب ...

استبرق:حبيبتي شتحجين مراح يفيدنه بشي .. لان اني اصلا بديت اتعايش وية الموضوع .. صحيح بالبداية تعذبت متت قهر انصدمت كلهن هذني واكثر متعرفين شنو الالام اللي حسيتها بس هسة غير .. هسة بعد ميهمني اي شي (استبرق بينها وبين نفسها تگول مثل ماخاني اني هم جاي اخونه وحده بوحده ياحسن .. تعبت واني ابجي واندب حضي .. تعبت واني اعذب نفسي واعيد ذكرياتي وياك خلاص اني هم قررت اعيش حياتي ولاعبالك انتظر شوكت يحن گلبك عليه وترجعلي .. ولااني اللي انتظرك شوكت يصحی ضميرك الميت وتترك النسوان والشرب اووووف كله منك ياحسن لو متعامل وياي زين مجان وصلنه لهاي الحالة) .

شذی:ياااااه الله يعينچ كل هذا متحملته وساكته؟؟ ..
استبرق:الحمد لله علی كل حال ...
شذی:الله يهدي اخوية ويرجع يحبچ مثل قبل.
استبرق:ههههه حتی لو رجع .. اكو شي بگلبي انكسر مستحيل يرجع مستحيل احبه مثل قبل مستحيل...
.
.

في هذه الأثناء دخل عليهم ابو حسن وهو كلش ضايج
عامر:السلام عليكم
استبرق وشذی:عليكم السلام
شذی:خير يابه ليش احسك ضايج؟؟
عامر بحسرة طويلة وبأعين دامعه :الصبح اتصلوا بيه وحسن متصوب رصاصة برجلة وشظايا بصدره.
شذی&استبرق:شنوووووووووو؟؟؟
.

.
.
.
.
شذی:هسة هو وينه لازم نرو..
عامر:محد يروح اصلا هو مصاب قبل يوم ومن صارت صحته زينه خابرونه اليوم العصر يطلع من المستشفی انتو حضروا فراشه ورتبوا اموركم وبس ..
استبرق:بس عمو....

عامر:محد يطلع ابقوا بالبيت واني هسة جيت اخذ فلوس وراجع للمستشفی وانتو رتبوا اموركم يلة اني طالع..
استبرق اتصلت بضرغام واهلها وخبرتهم بالموضوع
.
.
.
العصر
حسن بغرفته يرتاح وحالته تعبانه واستبرق يمه اما شذی بالمطبخ تبجي اجاها ضرغام وشاف حالته حضنه وهي حطت راسها علی صدرة وبدت تبجي

ضرغام:اشششششش حبيبتي .. وبدة يمسح علی ظهرها
: كولي الحمد لله والشكر علی كل حال

شذی انتبهت لنفسها دفعته : انت شكو حاضني؟؟

ضرغام بدة يضحك : مرتي وحبيبتي اشوفها تبجي واسكت .. رجع حضنها : ياعمري انتي لو تدرين دموعج شلون غالية عليه .

(بنفس الوقت دخلت ابتسام وشافتهم واحد حاضن الثاني تنرفزت وطلعت من المطبخ)
شذی:لو فعلا دموعي غاليه مجان خليتني ابجي هذيج الايام
ضرغام:حبيبتي انتي والله غلطان ومااعرف شلون مديت ايدي عليج
شذی:انت متحبني لو تحبني مجان طلكتني
ضرغام:غلطة والله العظيم غلطة . اني بدونج مااسوة شي ، انت النفس اللي اتنفسه احبج احبج احبج 😘😘

شذی:كافي اخوية طالع من الموت وانت جاي تتغزل تركته وطلعت من المطبخ وهو يضل يضحك
.
.
.
بعد خروج الضيوف واهل ضرغام بقت استبرق وحسن وحدهم بالغرفة
.
.
حسن:استبرق تعاي يمي ( استبرق عدلت الوسائد حطتهم ورة ظهرة اما حسن لزم ايد استبرق:ادري اني ظلمتج وياي وادري اني عذبتج وادري انج تعرفين اني اخونج .. هنا دمعت عيون استبرق ..

بس صدكيني لحد هاي اللحظة محبيت غيرج بس مااعرف ليش هيجي سويت .. يمكن لان اصدقائي سوولي واهس وخنتج ، لكن والله اني احبج انتي ومستحيل غيرج تسكن كلبي .. تدرين من تصوبت مفكرت بس بيج شلون راح اتركج .. اني احبج واعتذر اذا بيوم من الايام ضوجتج وان شاء الله اعوضج عن الايام الفاتت وادري بيج انتي كلبج طيب وراح تسامحيني علی كل شي سويته بيج
استبرق(بنفسها تكول شگد چلب .. بعد كل اللي سواه يريدني ارجع وياه مثل قبل يسوي كلشي ومن كل عقلة راح اسامحه علی كل شي) سحبت ايدها من ايدين حسن وابتسمت ابتسامه مصطنعه : حبيبي هسة انت لازم ترتاح واني هسة اروح اشوف الجهال ..
حسن : صدك همة وينهم ؟؟
استبرق : يم عمتهم شذی ..
حسن:خلاص روحي شوفيهم ..

طلعت استبرق من الغرفة دخلت للحمام فتحت الدوش وضلت تبجي تصرخ ليش؟؟؟؟ليش؟؟؟؟؟؟هسة راجعلي بعديش بعد مصرت عاهر بعد مخنتك هسة تريد نرجع مثل قبل .. بعدما مشاعري تبدلت وبدت تحب غيرك وبدت تضرب بايدها علی وجهها : ااااه ااااااه ياريتك مخنتني ياريتني مشفتك نايم وية غيري ياريتني ياريتني وبقت تبجي ..
.
.
.
في مكان ثاني
ابتسام اتصلت بخلود....
خلود:هلاو حبيبتي شلونج
ابتسام:زفت زفت زفت
خلود:شكووو...
ابتسام:يمكن رجعها
خلود:لا لتگوليها
ابتسام:شفته حاضنها
خلود:طاحظني هسة وكتها اخوها يتصوب اووووف مو جانت خطتي ماشية صح
ابتسام:هو شلونه وياج
خلود:يعني نظراته حركاته .. مرات يجي يوكف بصفي ومرات يحاول يلزم ايدي من ينطيني شي

ابتسام:بس مكدرتي تحجين وياه بأي شي
خلود:شترديه يكول عني خفيفة اني احب اشتغل علی نار هادئة
ابتسام:أكولج ليش منسويلة سحر ونخليه محبس بأصبعج
خلود:لاحبيبتي اني اريده يجيني بإرادته هو بدون لاسحر ولااي شي
ابتسام:وج هو يحبها حب طفولة
خلود:وداعتج اله انسي منو شذی .. والله الا انسيه اسمه اني يرفضني لان سمينه الا اخليه يندم ويركض وراية

ابتسام:واذا بقی يحب شذی ورجعها للبيت شتسوين ولتنسين هاي امه سناء وياها لانها بنت اختها؟؟؟
خلود:حبيبتي هي مراح يصير عدها طفل واكيد راح تصير مشاكل وانتي هم من يمج حاولي تخليها توگع بالخطأ وتكرهين عمتج وحمواتج بيهة ..

ابتسام:اسوي اللي ترديه بس خاف تحمل لان هاي عمتي ام حازم متكعد راحة واكيد راح تسوي شي حتی تحمل شذی....

خلود:انت ممتأكدة من شغل ام سيف
ابتسام:لاشلون ممتأكده قابل اول مرة اجربها بس اني خايفة ليكتشفون السحر اللي سويناه
خلود:انتي وين حطيتيه؟؟؟
ابتسام:الحايط اللي ورة جربايتها مسحت الدهن اللي انطتنياه ام سيف
خلود:لعد شلون يكتشفوه؟؟؟
ابتسام:اني بس خايفة لااكثر

خلود:هسة اذا اكتشفوه انتي اصلا متدخلين غرفتها كولي هي مسويه عمل لضرغام حتی ميتزوج غيرها متشوفوه شلون يحبها ويعبدها .. شنو ابتسام ترديني اني اعلمج؟؟؟؟

ابتسام:لا صدك جذب اعجبج بشغلات المشاكل ههههه يلة خل اروح اشوف شكو ماكو باي
خلود:باي
............................

.

طلعت استبرق من الحمام اتصلت باختها سارة
سارة:هلاو أسو شلونج
استبرق:تعبانه سارة تعبانه
سارة:الله يساعدج اكيد من الصبح لهسة خطار يمكم روحي ارتاحي
استبرق:اني موتعبانه جسديا اني تعبانه نفسيا .. گلبي يوجعني تعبانه سارة متفهمين
سارة:شبيج حبيبتي؟؟؟؟
استبرق قصت اللي صار وية حسن
سارة:اي شكو بيهة انتي لازم تفرحين اني شكم مرة كلتلج الرجال كلشي يسوي ، بس مردة لمرته لزوجته

استبرق:روحي نامي احسنلج
سارة:ليش ولج انطيه فرصة اذا مو علمودة علمود اطفالج
استبرق:روحي ولي مالي خلگچ اصلا السبب مني اني خابرتج .. وغلقت التلفون .

استبرق ضلت تفتر وحدها بالحديقة (اييييي شكو بيهة ههههه يسوي اللي يريده ومردة الج .. هههههه ميگول هاي اللي گدامه انسانه حقير اكرهك اكرهك .. وراها دخلت للبيت طلعت لغرفة الجهال ، تمددت يمهم وضلت صافنه عليهم ضلت تفكر اني اللي جاي اسويه وي عبد الله اكبر خطأ .. اللي جاي اسويه خيانه اني لازم انهي علاقتي بعبد الله ، بس شنو استبرق تسامحين حسن علی كلشي سواه؟؟ موانتي بعينچ شفتيه شلون يخونچ ، اي بس اني هم خنته!!انتي خنتيه من هو خانچ .. خنتيه حتی تنتقمين لروحج لكرامتج ..

إي بس يبقی هذا اللي سويتيه وية عبد الله خطأ ولو اللي سويته صح ليش اضوج من اتذكر اللي صار؟؟ وشنو تردين زوجة عبد الله تعاني مثل معاناتچ ؟؟ خلاص هو هسة بطل ، ويمكن اللي صار خلاه يصحه علی زمانه .. اني لازم انطي فرصة لحسن ، واذا طلع جذاب ويرجع يخونج شتسوين؟؟ بهذيج الحالة اتطلگ وبدل مااسوي الحرام اسويه بالحلال .. اني لازم ابطل علاقتي بعبد الله لخاطر اطفالي ، حتی محد میگول بيوم من الايام امهم عاهر .. استغفر الله ربي واتوب اليك)

استبرق راسلت عبد الله بالموبايل : شلونك
عبد الله:مشتاقلج.
استبرق:عبد الله اني حبيت اكولك احنه لازم نبطل وبعد منلتقي ، لان اللي جاي نسويه خطأ انت متزوج واني متزوجه ..

عبد الله:بس اني احبج الج مااحب زوجتي .. اني انجبرت عليها لانها بنت عمي ويتيمه اني تزوجتها شفقة مو اكثر اني احبج الج من زمااان .
استبرق:هذا اخر كلام عندي ، وقفلت موبايلة ..

عبد الله اتصل علی موبايل استبرق اكثر من مرة لكاه مقفل

:اني اعلمج يااستبرق تردين تعوفيني اني مصدگت بعد هاي السنين كلها تحبيني .. تردين ترجعين لحسن !! اللي خانج وعافج بسيطة ..
.
.
.
.

الكاتبة ...

عبد الله جيران بيت اهل شذی واللي هو نفسه تسكن بيه استبرق حاليا .. عبد الله من كان مراهق يشوف استبرق تجي لبيت خالتها ، حبها حتی من تزوجت بقة يحبها وبعد زواجها من حسن ابتدء عبد الله بحكم الجيرة يتقرب من حسن وصاروا اصدقاء وهو اللي عرف حسن علی الشلة التعبانه واللي عرفوه عالسكر وعالبنات ، وحتی يضمن انه استبرق تكول لجانبة صور حسن فيديو وية اكثر من بنية ودزهن لاستبرق .. طبعا استبرق متعرف منو الدزهن الها بس مصدگت .. كانت ايام سودة مرت علی استبرق مرة ثانية انرسلت رسالة لاستبرق بيهة عنوان البيت اللي بيه حسن وراحت وشافته بوضعيه سكران وية بنية من بعيد ، ومن شافته بهيچ وضعية اختنگت ومگدرت تتنفس شافها عبد الله وخذاها للمستشفی طلع عدها ارتفاع بالضغط وهناك بدت علاقتها بعبد الله لان عبد الله دكتور وتقرب منها بحجة تحاليل وقياس ضغط و ...

اخر شي استبرق متحملت وقصت خيانة حسن لعبد الله واقترح عليها مثلما هو يخونها هي لازم تخونه وبعد صراع دام اشهر .. بدت استبرق تتعلق بعبد الله لانه عوضها عن حنان حسن ووراها صارت بيناتهم علاقة لأكثر من مرة ) ..

ثاني يوم الصبح اجه عبد الله لزيارة حسن صديقه ..
استبرق خافت لينفضح موضوعها وية عبد الله ، اما عبد الله فكانت نيته انه يرجع حسن للبنات والسكر ..

عبدالله :حبيبي حسوني ديربالك علی صحتك تری اذا تأذيت جماعة هواي تتأذی
حسن : ههههه عبودي حبيبي اني خلاص بطلت هاي السوالف

عبدالله:خل يولن مو عليه هذني انت تتصوب واني ابتلي بيك .. امس الليل كله منمت من وراك رغودة خبلتني كل شوية تخابر وتبجي عليك ..
حسن : عبودي والله اني بطلت كافي اللي صار لهسة اريد اهتم بزوجتي واطفالي ..

عبد الله:اني معليه افتح موبايلك واتصل وية رغد وقنعها بهذا الشي قبل لتجي للبيت ، لانه امس خبلتني حتی قنعتها انه متجيك للبيت. .
حسن : هاي اكيد تخبلت !! شنو تجيني للبيت تريد تسويلي فضيحة ؟؟
عبد الله:اني طالع وانت خابرها وعود قنعها يلة في امان الله وعندك العافية ..

.
.

طلع عبد الله من الغرفة وتمشی بالبيت عسی ولعل يشوف استبرق ، لكن مشافها طلع من البيت وغلق الباب .

دخلت استبرق لحسن وطلب منها تجيب موبايلة وهي جابته الموبايل وطلعت (طبعا استبرق شكت بالموضوع وقفت تتسمع ، تريد تشوفه شيسوي بالموبايل)
عبد الله فتح الموبايل وشاف رسائل كومة من رغد (حبيبتي مشتاقتلك،اموت عليك،وكلام من هذا ال.....)المهم حسن حن الها واتصل عليها...

.............................
قال لي أحدهم:
قلبك قاسي......لايعطف علی أحد......
قلت له...قلب جرح،وخذل،وخاب ظنه بالكثير،ألا يحق له أن يقسی؟؟؟؟
.
.
.

رغد : عبدالله خايفة
عبدالله:لتخافين هذا حسن واحد جبان .. كلشي مراح يسويلج انتي احجي هالكلمتين وطلعي من البيت ..

.
.

وقت الظهيرة الساعة ال1 تحديدا طرق بيت ابو حسن فتحت الباب شذی : تفضلي عيني منو انتي؟؟؟
رغد:اريد حسن ..
شذی:نعم؟؟؟منو انتي
(جتي استبرق وشافت رغد وهي بالاصل تعرفها من البداية لان شايفتها بالفيديوات )
رغد : وخري عني .. حسن حسن وينك حبيبي حسوووني حياتي وينك؟؟

فزعوا االلي بالبيت كلهم عامر والاطفال وحسن علی صوت رغد ..
عامر : منو انتي وشلون تدخلين هيج ؟
رغد وهي تمضغ العلكة : اني حبيبة حسن ، ومن عرفت بيه متصوب متحملت لازم اشوفه.

عامر:.......( واكف فاتح حلكة عليها وعلی وقاحتها)

شذی:انتي متستحين داخلة للبيت وهيج تحجين شلون عين صلفة ؟!

حسن صحی علی صوت رغد من نومه مفزوع وميعرف شيسوي وشراح يكول .. دخولوا كلهم علی حسن اما رغد ركضت نامت بحضن حسن : حياتي حسوني اشتاقيتلك موت ، ليش هيجي تعذبني
عامر : حسن شنو هالمهزلة هذي؟؟هاي منو؟؟
رغد:اني حبيبته ومااقبل تصيح علی حسوني
عامر:حسسسسسسسن جااااااوبني ؟؟

حسن اغمض عينيه : مااذكرها ..
رغدة وقفت بغضب ونظرت الی حسن : شنو؟؟متعرفني؟ هههههههههههاااااااايي هسة صرت غريبة بعد محصلت اللي تريده

حسن:انتي وحده تسليت بيهة لااكثر واني احب زوجتي
رغد:تسليت؟؟لعد وين كلامك وراح اخذ ذهب زوجتي ونهرب اني وياج شنو اللي صار هسة؟موهذي زوجتك البومة اللي ابد ممرتاح وياها ومتحبها ومتطيقها ولاتطيق تباع بخلقتها .. هسة صرت تحبها لزوجتك موجنت تگول (حسن:رغد كااااافيييي) هههههه جنت تگول انجبرت تتزوجها حتی اختك تتزوج اخوها وانت متحبها ....
عامر : طلعي برة وبلا كلام زايد
رغد : طالعة وتفوه علی هيج رجال

الوضع بالنسبة لشذی تبجي اما استبرق الوضع عدها عادي ، لان المعروف اذا قسی القلب جفت العين .. صح انقهرت شوية ، لكن ماإهتمت بالعكس ازداد حقدها علی حسن وقررت ترجع تخونه مرة ثانية وطلعت من الغرفة قبل متطلع رغد منها ..

.
.

عامر:شنو هاي انت شمسوي
حسن:بوية غلطة وتندمت .. لحظة طيش وتهور .. اني هسة تندمت علی كل اللي سويته ، اريد ارجع وية استبرق مثل قبل ..

عامر:وتتوقع استبرق راح تبقی بعد اللي صار .. حيوااااان اني مستغرب شلون انت ابني اني اللي ربيتكم علی الحلال والحرام هيجي تسوي ؟؟

حسن : والله غلطة اني ندمت ..
عامر:هذا شي ميخصني ، تصالح زوجتك وتتفقون بيناتكم اني مصدكت مشكلة شذی وضرغام تنحل تجي انت تفتحلي مشكلة ثانية ..
حسن:يامشكلة؟؟

عامر:ضرغام طلك شذی وبعدين رجعها ..
حسن:شنوووو واني وين جنت ليش محد خبرني بالموضوع

عامر:هذا مو موضوعنا حل مشكلتك وية استبرق وبعدين فكر بغيرك.
.
.
.
استبرق&شذی.....
شذی:حبيبتي استبرق لتضوجين تری اخوية يحبج انتي وهاي تريد تفرق بيناتكم ..

استبرق بكبرياء إمرأة جرحت لدرجة الإشباع وفقدت القدرة على الإحساس ، التفت الی شذی ونظرت لها نظر باردة : منو گال اني ضايجة؟؟؟

شذی تفاجأت : حبيبتي لتكابرين ادري بيج ضجتي والموضوع يقهر بس....
استبرق:هههه ههههه ههههه شوفي شذی من عرفت بخيانه حسن اليه .. بالبداية انقهرت ضجت تعبت تمرضت انكسرت تألمت ألم موطبيعي .. حسيت اللي كدامي انسان غريب كرهته .. مااعرف اوصف احاسيسي بهذيج اللحظة عرفت شنو معناة جرح القلوب عرفت شنو الفرق بين الجرح الجسدي وجرح المشاعر .. هه دائما يگولون جرح القلب مؤلم اني حسيته ياشذی .. تعذبت فترة طوووووويلة لدرجة انه صرت انسانه باردة المشاعر ميهمني اي شي .. احس كلبي صار حجر ميهتم .. الألم اللي حسيته خلاني انسانه ثانية ، اني هسة مااهتم بكلشي يصير لان كلبي وجسمي تشبع بالألم ..
.
.
شذی(فكرت بكل كلمة حجته اليه تخيلت لحظة لو فعلا يخوني ضرغام شيصير بيه؟؟الله يعينها لأستبرق الطعنة اللي تجيك من أعز الناس قاتلة) : استبرق حبيبتي هسة حسن ندم علی اللي سواه ، هسة ابوية خبرني انه يريد يصحح اخطاءه ويريد يبدي حياته وياج من جديد

استبرق بعد فترة من الصمت:شذی حبيبتي بعد ميهمني أي شي .. يريد يبدي حياة جديدة يريد يبقی علی وضعيته ، بعد مااهتم بكيفة يسوي اللي يريحه ..
شذی:اعرف الشغلة صعبة عليج ، واعرف انتي تعبتي نفسيا بس حاولي ابدي من جديد وياه ..

استبرق:تعرفين ياشذی منو كبر راس الزلم .. امثالج انتي وامي وغيرها من النسوان اللي كل فكرهن الرجال يبقی رجال .. يخون يزني يبقی رجال ، ولازم المرأة تصبر عليه لان بالاخير راح تبقی زوجته هي الأصل وفترة تعدي من حياته ويرجع لزوجته ، ولهذا السبب الرجال أخذوا حريتهم بالموضوع .. يسوي اللي يريده وهو متأكد انه زوجته راح تسامحه وراح تبقی وياه لان الرجل بصورة عامة يسئ للمرأة اللي يضمن بقاءها بحياته مهما كانت الظروف ...

شذی:شتسوين حبيبتي هذا مجتمعنا وهاي حياتنا لاآني ولاإنتي تگدرين تغيري

ن شي. . بالعكس اذا تطلقتي او تركتي زوجج حتی لو الغلط منه الناس تلوم الزوجة لانها متحملت زوجها.

استبرق:ارضاء للناس غاية لاتدرك وبالنسبة اليه راح اسوي الشي اللي اني اريده ومعليه بالناس كلهم.
.
.
.
ابتسام&خلود.....

ابتسام:ليش مرحتي للمختبر اليوم؟؟
خلود:ههههه خليه يستوي شوية ههههههه انتي اليوم روحي احجي وياه ..
ابتسام:المسألة شلون افتح وياه هيجي موضوع ...
خلود:شبيج ولج فهميه اني ضجت وبعد مااريد اداوم.

ابتسام:ان شاء الله بس والله ابد متوقعت ضرغام يوگع بهاي السهولة هههههههههههه لعد وينه هذا الحب والعشق

خلود:وج همة الزلم طبيعتهم هيج ميكتفون لابوحده ولابعشرة هههههههه الا أخليه محبس بأصبعي
ابتسام:امين يارب وتكسرين خشم شذی خانم
خلود:ان شاء اكسرلج خشمها وخشم خالتها
ابتسام:ياااااارب شوكت اشوف هذا اليوم،يلة روحي حتی احجي وية ضرغام
خلود:يلة باي
طلعت ابتسام من غرفتها وراحت لغرفة ضرغام استأذنت منه ودخلت لغرفته
ابتسام:شلونك ضرغام؟؟
ضرغام:الحمد لله،انتي شلونج؟؟
ابتسام:زينه بس زعلانه منك
ضرغام:ليش شكو؟
ابتسام:يعني اللي سويته وية خلود وتكول شكو؟الموضوع كلش ضوجني واختي مورخيصة حتی تتعامل وياها بهيج طريقة

ضرغام:اسف والله موقصدي مااعرف شلون صارت
ابتسام:اني خليت اختي تشتغل يمك لان اعرف انت شنو بس اللي سويته صدمني وهذا اخر شي توقعته منك ..

ضرغام:اني اريد احجي وياها واعتذر منها بس مستحي شلون ابدي واصلا اني حتی مبرر للي سويته ماعندي
ابتسام:هذا موشغلي اني اريدك ترد اعتبار لاختي.
.
.

استبرق&عبد الله..
استبرق:حبيبي عبودي تعال للبيت مشتاقتلك كلش وعمي طلع للدوام ، يعني للظهر حتی يجي

عبد الله:دقايق واكون يمج
اما استبرق مثل كل مرة ، حطت منوم للاطفال وتكشخت ولبست ملابس نوم فضفاضة ومكياج واكيد عطر قوي ومغري وطبعا عبد الله مصدق خبر ودخلوا للغرفة و .....
.
.
عصرا..
طلع ضرغام من البيت وراح للمختبر وهو محتار كيف يواجه خلود بقرارة وكيف يكوللها مااريدج ، گلبه يوجعه حيل وراسه يوجعه من كثر التفكير .. راح للمختبر انتظر خلود حتی تجي ...
.
.

عامر....
جالس بالصالة ومحتاره افكارة وبينه وبين نفسه يگول ياربي ان بعض الظن اثم ، لكن فعلا غريبة هالاستبرق اجيها للبيت اكثر من مرة الگاها بملابس النوم او مكياجها قوي كلش والله حيرة .. استغفر الله ياربي بس مو معقولة لا .. (استغفر الله يجوز هي هيج لا لو هيج ليش من يجي حسن متحط مكياج قوي ، استغفر الله ربي واتوب اليك .

قاطعته استبرق:عمو محتاج شي؟؟
عامر:اي بنتي سويلي جاي
استبرق:من عيوني ..

رجع عامر لتفكيره ، استبرق بنت عائلة ومتربية احسن تربية .. مستحيل تسوي شي غلط انت تفكيرك راح لبعيد هواية ..

.
.

ابتسام&خلود....
ابتسام:ليش مترحين اليوم للعيادة؟؟
خلود:مابيه حيل ومالي نفس ..
ابتسام:بس انتي لازم تواجهين ضرغام ..
خلود:موهسة لان نفسيتي تعبانه مالي خلك ..
ابتسام:شرايج نطلع للسوك؟؟
خلود:لا
ابتسام:صالون؟؟
خلود:لا
ابتسام:ميصير هيج انتي لازم تطلعين من جو الكآبة هذا .. خلينه نطلع نتمشی شوية او نروح للصالون حبابة ..

خلود: شعندج بالصالون؟؟ قبل شكم يوم جنتي هناك

ابتسام:والله مو الية الج انتي شوفي بشرتج وعيونج شلونهم خلينه نروح نغير جو ..
خلود:خوش گومي.

طلعوا راحوا للصالون وخلود قررت تكص شعرها.
اما ضرغام انتظر خلود تجي للمختبر ، انتظر انتظر ماكو نتيجة .. ضاج کلش وطلع من المختبر متنرفز ورجع للبيت وقت المغرب .
شذی:اهلا وسهلا حبيبي.

ضرغام نظر لشذی وبدون كلام دخل للغرفة .. شذی تفاجأت من تصرف ضرغام ودخلت وراه للغرفة

شذی:شبيك؟؟
ضرغام:تعبان من الشغل ..
شذی:بس انت رجعت من وقت
ضرغام:شقصدج؟؟
شذی:يعني اذا رجعت من وقت غير معناه ماكو شغل هواي.
ضرغام وقف وبعصبية : يعني اني چذاب هذا تقصديه
شذی:لا مو هذا قصد..
ضرغام:لا هذا قصدج اني چذاب
شذی:لاوالله انت فهمتني خطأ اني ..

ضرغام ضرب شذی راشدي(كف)
: اخر عمري انتي تجين تتدخلين بشغلي وفوگاها تجذبيني .. طبعا شذی تفاجأت من تصرفات ضرغام وظلت تبچي ، اما ضرغام طلع من الغرفة ومن البيت كله

(طلعت روحك ان شاء الله ، رايي الشخصي ، اغلب الرجال اللي يخونون زوجاتهم يفتعلون مشاكل وية زوجاتهم على اتفه الأمور .. منو تتفق وياي بهذا الموضوع؟؟)

.
.

طلع ضرغام يمشي بسيارته بالشوارع وتفكيره كله يم خلود ، يوم واحد مشفتها وهيج تخبلت شلون لو تريد تتركها ياضرغام ؟؟ شلون تگدر تدوس علی گلبك وتگدر تعوفها ؟؟
.
.
الآن ادركت...
إن أصعب حرب قد يخوضها الإنسان ...
هو ان يجبر عقله علی فعل شئ ...
يرفضه قلبه ..

.
.

راح وگف يم باب بيت اهل خلود ، ضل يباع يتمنی يشوفها من بعيد .. فجأة شافها هي وابتسام نزلوا من التكسي وهي گاصة شعرها ، تخبل ركض وعيونه شرار ووگف گدامهن اما ابتسام وخلود ارتبكن من الموضوع .. خصوصا وهو عيونه حمر والغضب واضح

: انتي شلون تكصين شعرج؟؟وبعدين شنو هذا اللبس القصيف اني مو كتلچ ممنوع تطلعين بهيچ ملابس هااااا ..

خلود نظرت له نظرة استهزاء ومشت لداخل البيت وقبل متدخل قالتله
: هذا شي يخصني اليه باي ضرغامي ..

ابتسام : ضرغام روح منا وكافي فضايح رووووح
رجع ضرغام لسيارته وهو اعصابة نار حرك سيارته حتی يرجع للبيت ..

.
خلود&ابتسام...
ابتسام:يحبچ عوبة والله يحبچ ..
خلود ابتسمت : اي شفتيه شلون ضاج لان كصيت شعري
ابتسام:اي وحتی علی ملابسج شفتيه انتي لازم تستغلين هاي الفرصة .. باجر لازم ترحين للمختبر لتخليه يفكر ولو دقيقة بشذی فهمتي لتنطيها فرصة تاخذه منج ..

خلود:ان شاء الله.

رجع ضرغام اعصابة نار للبيت دخل للغرفة شاف شذی تبجي
:شكو تبچين كومي سويلي سم (عشا)

شذی قامت من مكانها خوفا منه لان صوته كلش عالي وهاي اول مرة ضرغام يكون بهيج منظر .. راحت للمطبخ صبت العشا وجابته لغرفته

:ضرغام حبيبي اسفة اذا غلطت بحقك

ضرغام نظر لها نظرة سخرية : يصير خير
شذی : يعني هسة انت رضيت عليه

ضرغام:كافي لتلحين وبدة يكح شنو هاي الزلاطة ليش مالحه؟وبصوت عالي : تدرين بيه مااحب الملح ..

شذی:مو اني اللي مسوية الزلاطة خالتي هي اللي سوتها ..
ضرغام بصوت عالي : شنوووووو؟؟؟امي سوت الزلاطة ؟! ليش موانتي اللي مسويتها شنو امي المراة الجبيرة بالعمر تشغل خدامة الج وللخلفوج

شذی:لاوالله العشا كله سويته اني ، بس الزلاطة وهي سوتها متريدني اشتغل لان حامل ..

ضرغام لزمها من شعرها بقوة : بت الكلب مو لأنج حامل تتعزيزين علينه فهمتي .. امي متشتغل نهائيا ودفعها وطلع من الغرفة ..

بقت شذی مصدومة من تصرفات ضرغام وممصدكة
شلون فجأة تغيرت طريقة تعاملة وياها وقضت ليلها تبچي .شمالني شناقصني؟؟
منين هذوول الي ترسو عيونك علية وماكدرت تشوفني

.

ليلا....
ضرغام راح للمختبر وبات هناك وكان كل تفكيره بخلود .. تذكر الايام اللي قضوها سوة تذكر وعوده الها ، انه هي من ضمن اولوياته وضاج لانه لم يوفي بوعوده (بس نسيت وعودك لشذی ياحيوان 😡) عقلة وگلبه كلهم وياها وميعرف شنو يتصرف؟؟
.
.
شذی ....

آني وحده إنباگ من عدها التحبه...
وماحچت...

بيومها گضيت الليل كله ابجي .. ابجي على حبيبي اللي تغير وصار انسان ثاني .. انسان بعيد كل البعد عن صفات الشخص اللي تزوجته .. توقعت انه بخبر حملي يزيد حبه الية يعاملني بحنان مو يضربني ويغلط ويصيح عليه ..

تذكرت ايام خطوبتي وايام زواجنا وفكرت بيني وبين نفسي انه اكيد عنده ظروف بالشغل مخليته عصبي وانه لازم اعذرة وبس يجي للبيت اعتذر منه واسوي المستحيل حتی يسامحني ، عذرته لان احبه كلبي ميكدر يشيل عليه ، تصدكين اذا كتلج مرات اعذره واذب الصوج بيه يمكن ضعف مني ويمكن فعلا الصوج مني باللي صار ..

الكاتبة ..

استبرق قضت الليل رسائل غرامية وية عبد الله وحسن كان يتصل عليه وبعد تردد ردت عليه وخبرته انه كانت نائمة وسلمت عليه وتركته ورجعت لغرامياتها وية عبد الله ..

عامر رجل حاسس بالوحده بعد وفاة زوجته وبنفس الوقت ضايج من تصرفات استبرق ، لانها دائما تضرب اطفالها ضرب قوي وهو ميحب التعامل بعنف مع الاطفال ونبهها اكثر من مرة ، لكن مثل كل مرة تكوله جهالي واني اعرف شلون اربيهم ..

أما خلود قضت الليل تخطط كيف تخلي ضرغام الها وبس بدون منافسة من شذی ..

.
.

صباحا...
بقت شذی للصبح منتظرة ضرغام يرجع للبيت ، لكن بدون فائدة نزلت لجوة .. العائلة كلها مجتمعه سناء حازم ابتسام والاطفال حتی يفطرون سألتها خالتها عن ضرغام خبرتها انه طلع عنده شغل ، لكن خالتها حاسة اكو شي موطبيعي لان شذی عيونه حمر ومبينه من ملامحها ضايجة ، بعد الفطور سألتها

خالتها : خالة أكو شي صاير بينج وبين ضرغام
شذی:لاخالة مصاير شي
سناء:ليش احسج ضايجة وممرتاحه ؟؟
شذی: خالة عادي حمل وتعبانه احس نفسي
سناء: ترحين للدكتورة؟؟
شذی:لاخالة ميحتاج ، بس شوية صداع وغثيان
سناء:صعدي نامي ..

صعدت شذی لغرفتها حتی تنام
ضرغام صحی من نومة وشاف حالة بالمختبر جسمة يوجعه من النوم عالكرسي طلع للبيت حتی يبدل ملابسة ويروح للشغل ..

دخل للبيت شافته امه ابتسم ضرغام لها
:شلونج يوم؟
سناء:هلا يمة انت شلونك؟
ضرغام:الحمد لله
سناء:ابني شبيهة مرتك احسها تعبانه وهسة صعدت نامت

ضرغام:شنووو تنام وشغل البيت منو يشتغلة ابتسام حامل وعدها جهال متلحك وحدها وانتي چبيرة ومتگدرين ، هسة اجرها من شعرها واخليها تنزل تشتغل بت الكلب بحجة حامل تتعزز علينه ..

سناء:وجع حتی وجع .. شبيك تخبلت تحچي هيج علی مرتك ، ابني مرتك حامل الزعل موزين عليهة وحتی التعب موزين .. خصوصا هي بالاشهر الاولی وبعدين تعال شعندك حامي عليها هاااا صاير شي؟؟

ارتبك ضرغام : لايوم مصاير شي ، بس اني مااريدج تشتغلين

سناء:شكيتلك اني بشي؟؟ شوف ضرغام اذا سمعتك مرة ثانية تحجي بهيج طريقة علی مرتك او سمعت انك مزعل مرتك ، والله ثم والله اغضب عليك فهمت

ضرغام:فهمت بس سكتي .. كتلتي روحج علی بنت اختج .. استغفر الله ربي واتوب اليك .. دخل ضرغام للغرفة ، شاف شذی نايمة ووجها اصفر .. تقرب منها شاف بطنها استغفر ربه علی اللي سواه بيهة امس فمهما يكون هي زوجته وام طفلة اللي جاي بالطريق ، وفكر بنفسه انه لازم يتعامل وياها بالطيب ولازم يدوس علی گلبه ويتخلی عن خلود .. تقرب من شذی وحط ايدها علی خدها حست عليه شذی صحت من نومها شافته گدامها

: حبيبي شوكت اجيت،اني اسفة اذا امس ضوجتك وعد مني بعد مااسوي شي يضوجك اني احبك ، واموت عليك وصدگ حتی لو سويت شي يضوجك فوالله بدون قصد ..

ضرغام : اشششش كافي اني هم اعتذر علی اللي صار امس .. جنت ضايج وطلعت بيچ ، يلة رجعي نامي ومن ارجع نتفاهم ، وباسها وبدل ملابسه وطلع للدوام ..
.
.
.

عصرا...
ضرغام في المختبر دخلت عليه خلود ارتبك بعد ميگدر يتصرف کانت لابسة ملابس ضيقة كلش وحاطه مكياج قوي ..

ضرغام:بعد وكت شعجب اجيتي؟؟
خلود بمياعة : اسفة الطريق ازدحام ، مگدرت اوصل من وقت

ضرغام:ست خلود احب ابلغج اني مستغني عن خدماتج بالمختبر وراح اوظف موظف جديد

خلود:ليش؟؟؟
ضرغام:لأنج وللأسف مستهترة بمواعيد الشغل ، وامس مااجيتي وهسة راح انطيج مستحقاتچ وتفضلي لبيتچ ..

غلقت خلود باب المختبر ووكفت گدام ضرغام وكانت قريبة منه

: حط عينك بعيني وكرر كلامك ..

ضرغام ساكت ومرتبك من وجودها .. تقربت خلود اكثر اختلطت انفاسهم ، خلود صارت وجها لوجه مع ضرغام وضرغام منزل عيونه ميريد يرفع راسة ويضعف گدامها أما خلود همست بأذان ضرغام

:أدري بيك تحبني واذا متحبني شيل راسك وكرر كلامك ، ضرغام رفع رسه وشاف خلود گدامه الفاصل بيناتهم سنتمتر واحد .. مگدر يتحمل حط ايده علی رقبة خلود وايدة الثانية علی خصرها وجرها اله وقبلها
بشفتها قبلة طويلة
.. حاولت خلود تدفع ضرغام ، لكن ضرغام كان أقوی منها وماهي إلا دقائق وانتهی كل شي خلود ضلت تبجي وتضرب علی وجهها أما ضرغام مرتبك ميعرف شلون صار كل شي بهاي السرعة ..

خلود:انت شلون هيجي تسوي شلوووون
ضرغام:آسف
خلود:إبن الكلب شسوي بأسفك
ضرغام:أوعدج كل شي يتصلح ، وانتي من اليوم حسبي نفسج زوجتي ..

خلود:ماأصدكك انت واحد چذاب قبل شوية جنت تريد تطردني

ضرغام:هسة غير ، واخذيه كلمه مني .. اني باجر يم اهلج اخطبچ اليه .....

..............................
خلود:چذاب انت چذاب اخذت اللي تريده و..
ضرغام:انطيني رقم امچ
خلود:شتسوي بيه
ضرغام بصوت عالي:انطينااااااه

خلود خافت من صوت ضرغام وانطته الرقم واتصل بوالدة خلود ، وطلب منها بالليل يجيها بموضوع مهم واتصل بأخوه حازم حتی يجيه للمختبر .. دخل حازم للمختبر وتفاجأ بخلود تبجي وملابسها ممزقة ووجه ضرغام كله خدوش اظافر وقميصة ممزق ..

حازم:هاي شكوووو شصاير هنا؟؟
ضرغام:اهدأ وآني أفهمك
حازم:أحچي
ضرغام:آني غلطت وية خلود

حازم ضرب ضرغام طرااااخ قوي
:ادري مختبر لو... ياابن ال..... شنسوي بسالفتك ال... يا .......يا.....

ضرغام:كافي لتغلط اني اريد اصحح غلطتي
حازم:وشلون تصحح يا....
ضرغام:اتزوجها

حازم:لاوالله وامك وزوجتك واختك استبرق اللي متزوجة اخو مرتك احچي ...... ابن ال..... مفكرت بهدولة من سويت سوايتك

ضرغام:انچب وكافي لتغلط ادري بروحي غلطت واليوم تجي وياي اخطبها من امها ..

حازم:اني طالع اجيبلكم ملابس تلبسوها ووراها نفكر شنسوي بصخام وجوهكم ..

بعد مشاورات بين ضرغام وحازم وخلود اتفقوا انه يكون زواجهم بالسر خوفا من والدتهم سناء وحتی متصير مشاكل بين استبرق وزوجها ولتنجرح مشاعر شذی ..

.
.
.
ليلا.......

في بيت اهل خلود:
ام خلود(طبعا متعرف باالي صار لبتها) : شناقص بنتي حتی تتزوج بالسر ؟؟

حازم:عمه مناقصها شي بس زواج لفترة وبعدين يعلنوه للناس ..

ام خلود:بنتي حالها حال البنات اتمنی اسويلها عرس وزفة يعجبكم اهلا وسهلا ميعجبكم الله ومحمد وعلي وياكم. .
.
حازم وضرغام طلعوا من البيت وهمة محتارين شيسوون ..
حازم:شفت صخامك لوين وصلنه .. هسة شتسوي؟؟
ضرغام : احجي وية امي واتزوجها گدام الناس
حازم:وزوجتك؟؟مو هذي حبيبة العمر كله !!
ضرغام:اني احب خلود

حازم كان يسوق السيارة وقف بنص الشارع :اعد ماقلت
ضرغام:گلبت فصحی
حازم : لا بس صدگ تحبها لو تشاقة ؟
ضرغام:خلينه نروح للكافتيريا واسولفلك..
حازم:امشي خل افتهم راسي راح ينفجر من وراكم
.
.
.

في الكافتيريا...

ضرغام:لتسألني شلون وشوكت حبيتها لان آني بنفسي ماأدري .. كل اللي اعرفه اريدها الية وبس

حازم:انت تخبلت علی اخر عمرك ، بعدما تزوجت وراح تصير أب تدور سوالف مراهقين ..

ضرغام:أحبها موبيدي تفكيري كله بيها.

حازم:من ....... بهيج حب مو قبل چنت تگول شذی حبيبتي وهاي حبيبة العمر كله .. شبيك يحظي تخبلت انت ؟؟

ضرغام:تدري شغلة؟؟؟ هسة اكتشفت اني مااحب شذی ، اللي صار من جنت صغير اسمع ضرغام لشذی وشذی لضرغام .. تعلقت الفكرة ببالي وضليت افكر بس بشذی .. مفكرت بوحده غيرها او مقارنتها ببقية البنات ، لان بكل بساطة فكري محصور بشذی وبس لكن اللي تغير اختلاطي بالنساء .. تقربي منهن ومن افكارهن وشخصيتهن ، عرفت الفرق بين شذی والبقية ..

حازم:شبيهة شذی خوش بنية وحبابة ومترفضلك طلب ..

ضرغام:هو هذا اللي اريد اوصله ، ماعدها شخصية من اگول شي راسا تنفذه بدون نقاش ، وبدون كلام .. يعني مثلا اذا اريد افتح وياها نقاش متعرف تناقش .. احسها جاهلة متفتهم ماعدها شخصية ..

حازم:راح تخبلني انت شنو من عقلية اكو واحد ميريد زوجته مطيعة اله ؟!!

ضرغام:اني هسة ماخذ الماجستير وقريب ان شاء الله احصل دكتوراه وهي شنو ؟؟ اعدادية !!

حازم:موانت اللي مقبلت تكمل دراستها ؟؟

ضرغام:هي مااعترضت علی الموضوع كله ، ماعدها غير حاظر ومن عيوني وتدلل ..
حازم:غير تحبك ..

ضرغام: بعيدا عن الحب .. هيج انسانة حتی اذا صار تجمع ثقافي او هيج مناسبة انحرج اطلعها وياي .. احسها جاهلة متفتهم اما خلود غير .. انسانه واعية ومثقفة وجميلة تعرف شلون ترتب نفسها انيقة مومثل شذی ملابسها تقليدية اني او امي نختار ملابسها شخصيتها مهزوزة كلش ..

حازم : هذا موسبب يخليك تحب وحده غير زوجتك وتسوي سوايتك وياها .. تگدر انت تعلمها وتثقفها واني متاكد اذا تطلب منها هالشي مراح ترفضه

ضرغام:صدك تحجي هيجي شغلات تجي من البنية نفسها مو اني اجي اعلمها ..

حازم:انت بس تريدلك حجة تقنع بيهة روحك.

ضرغام:شوف حازم اني من اول يوم دخلت بيه خلود للمختبر وشفت اناقتها وترتيبها دخلت گلبي .. حاولت اكثر من مرة ابعدها عن تفكيري ارجع افكر بيهة اكثر واكثر .. خصوصا شذی جانت ببيت اهلها وبعيدة عني .. تقربت من خلود حسيتها غير .. لك شوف احجيها الك مثل ماهية شذی اجيبلها افلام واطلب منها شغلات ، بس متعرف تسويها عدل .. يعني ماارتاح وياها كلش ، واحيانا احسها مجبورة تسويها اما خلود هههه استاذة ..

حازم: يعني انتو من زمان سوة
ضرغام:اي تقريبا شهر وشوية بس اليوم مگدرت اسيطر علی روحي.
حازم:يا.... واني احترگت اعصابي علمودها طلعت الخانم بالأصل ........

ضرغام:كافي لتحجي عليها

حازم:ايباااه ايباااه يغار الافندي اي سولفلي بلة شلون استاذة؟؟؟

ضرغام:هههه تتفنن بحركاتها تثيرني الی ابعد الحدود تخليني اروح لعالم ثاني .. اما شذی فكل شي روتيني بيها متعرف أي شي ..

حازم:شذی من تزوجتها عمرها 18 سنة وتقريبا هي
تربت علی ايدك .. المفروض انت تعلمها وبعدين برأيك خلود منين تعلمت هاي السوالف ؟؟

ضرغام:احترم نفسك لتحاول تجيب سمعة خلود بحجاية فهمت ..

حازم:سكتنه
ضرغام:كلتلك حاولت وية شذی .. جبلتها فيديوات بس هي تستحي وحاجز الخجل هو اللي وصلنا لهيج مرحلة .. اما خلود جريئة تسويلي اللي اريده واكثر

حازم:اي عمي غركان بالعسل واني اليوم الا شوية صارت بيه جلطة من وراكم ، وهسة تعال سولفلي شنسوي وية امك وية مرتك ..

ضرغام:اليوم من نرجع نحچي وية امي بالموضوع
حازم:يلة لعد كوم
ضرغام:خل نتعشی
حازم:يلة اتزقنب
.
.
.
في مكان ثاني...
شذی قررت اليوم اسوي جو رومانسي لبست وتمكيجت وشعلت شموع وظليت منتظرة ضرغام شوكت يجي .. واني عالجرباية سمعت صياح خالتي سناء وحازم يهدئ بيها نزلت اريد اشوف شكو.. واني بالدرج سمعت لكلامهم.

سناء:انت تخبلت تريد تتزوج علی مرتك (شذی:عزا هذا حازم يريد يتزوج يامسكينه ياابتسام)

ضرغام:مامسوي شي حرام الشرع حلل اربعة ..

(انصدمت من الموضوع حسيت نفسي انقطع .. دگات قلبي تسارعت .. من كثر دموعي اريد اشوف گدامي مااگدر .. بالگوة سحبت نفسي لغرفتي .. دخلت طفيت الشموع وحسيت طفت حياتي وياها .. من سمعت هالكلام اتجهت الی ميز التواليت ذبيت كلشي بالگاع .. گطعت الورود اللي بالغرفة ملخت شعري ، لطمت علی خدي حتى الفراش شمرته .. واخر شي مزگت فستاني اللي لابسته وكعدت ابجي ..

ابتسام&خلود هاتفيا....

ابتسام:سمعي امه شلون تصيح ههههه يارب يصير بيهة جلطة ولسانها ينعوج وبعد متكدر تحجي ههههههه
خلود:امين يارب ..
ابتسام:متوقعت ضرغام هيج جرئ سمعيه شلون يصيح علی امه ..
خلود:فديته لحبيبي ..
ابتسام:يلة روحي رصيدي راح يخلص من وراچ من يكملون اجيبلج النتيجة ..

.
.

سناء:شلووون شلووون تتزوج ومرتك وطفلك اللي ببطنها مفكرت بيه ؟!!

ضرغام:يوووم مامسوي شي غلط هذا شرع الله ..
سناء:شذی قصرت بشي وياك؟؟
ضرغام:ماقصرت بس اني احب خلود
حازم:يوم كافي الانفعال موزين عليج
سناء:الله ياخذني وارتاح منكم اثنينكم ..
حازم:اني شعليه
سناء:انت جبت العكربة مرتك وراح تخرب بيت ضرغام واختك استبرق. .
ضرغام:علی شنو خراب البيوت متگوليلي علی شنو؟؟؟ لااني اول واحد ولااخر واحد يتزوج علی مرته ولتظلين تحجين حجي ماصخ اللي براسي اسويه ..

سناء:اذا تسوي اللي براسك لااني امك ولااعرفك

حازم:يوم اهدي انت لازم تفهمين شغلة .. ضرغام غلط وية البنية وهسة لازم يستر عليه ..

سناء انصدمت من الخبر:انت مستحيل تكون ابني اني ربيتكم عالحلال وعالحرام وعلی شرع الله تروح تزني ياچلب.

ضرغام نصی صوته:يوم صار اللي صار واني لازم اصحح الخطأ اللي سويته ..

سناء:سوي اللي تسويه ، بس مااريد اشوفها لخلود

حازم:يوم نطلع مشتمل من الحديقة يگعد خلود بيه ، وحتی محد يشوف الثاني وميصير مشاكل بيناتهن

سناء:لا المشتمل اني وشذی نگعد بيه .. خلي الخوات العگارب يكعدن بيه ، وياحرام تعبي وتربيتي بيكم .. وضلت تبجي وحازم يهدئ بيهة .. اما ضرغام ترك امه وصعد لغرفته .. دخل شاف المنظر گدامه فتح عيونه

:انتي تخبلتي شلون هيح تسوين؟؟

شذی:معليك بيه لتتقرب مني .. انت حقير انت چلب
ضرغام ضربها كف
: انچبي ومااريد اسمع منج كلمة وحده ..
شذی
: اضرب اضرب شعندك غير الضرب حاسب نفسك رجال بتصرفاتك تف عليك ..

ضرغام نزع الحزام تتفلين عليك يابت ال.... وبدة يضربها بالحزام .. اللي بالبيت كلهم سمعوا صراخ شذی وضرغام .. ركض حازم وامه وابتسام للغرفة حازم مسك اخوه ودفعه بعيد عن شذی ، اما خالتها وابتسام شالوا شذی اللي وجهها كله دم خذوها للحمام حتی تغسل ..

حازم:تخبلت انت ماظل براسك عقل .. عود هاي انت المثقف اللي تفتهم هيج تسوي بمرتك وهي حامل

ضرغام:استفزتني اول مرة ترفع صوتها عليه لا وفوگاها تصيح وتتفل بوجهي ..

حازم:شتتوقع مرة ورجلها يريد يتزوج عليها .. شتريد منها تسوي

ضرغام وقف علی حيلة وبدة يصيح بأعلي صوته

:آني رجال واسوي اللي يعجبني .. خل يسمع الكل اللي اريده يصير فاهميييييين ..

طلعت شذی من الحمام من سمعت كلام ضرغام وصياحه
: رجال بالضرب والاهانات انت حيوان لاوالله الحيوان احسن منك ..

ركض ضرغام يريد يضربها مسكه حازم وكتفة
: اسكت واهدئ تخبلت .. شذی روحي منا ستري علی روحج وعلی الطفل اللي ببطنج ..

اما شذی بدأت تضرب قوي ببطنها

:مااريده مااريده خل يموت احسن ، وتضرب بقوة ركضت ابتسام وخالتها مسكوها من ايدها ، حتی متضرب على بطنها وهي تصيح
: وخروا عني خلي يموت مااريده للطفل ، من هسة كرهته اما حازم دفع اخوه للغرفة وقفل عليه بالباب وركض لشذی ضربها كف ..

: ادري اخوية غلطان وادري انتي نفسيتج تعبانه ومقدر اللي جاي تسويه ، بس الطفل شنو ذنبة ؟!! وانتي يالخبلة شلون تقتلين روح هااااا .. اصحي علی نفسج تری هذا اللي تسويه حرام .. ابتسام روحي جيبيلها غير هاي الملابس وخليني اوديج لبيت اهلح ترتاحين شكم يوم ووراها نشوف حل ..

حازم اخذ شذی لبيت أهلها .. انصدم عامر من منظر بنته كانه شبح گدامه متحچي .. اخذها لغرفتها وتركها بالغرفة وراح لعند حازم استفسر منه علی اللي صار وحازم حچاله كلشي .. الموضوع أزعج عامر لأبعد الحدود وقرر ثاني يوم يتكلم وية ضرغام بالموضوع ..
.
.

ابتسام ...
بعدما شافت تصرفات شذی انقهرت كلش وضلت تلوم بروحها علی اللي صار .. تخيلت نفسها بمكان شذی واللي صار بشذی يصير بيهة .. من يوم اللي تزوج ضرغام لحد هذي اللحظة ابتسام تحس بتأنيب ضمير قاتل ، لكنها خايفة علی اختها واحتارت بين نارين بين تأنيب الضمير وبين اختها اللي كانت حياتها عبارة عن ضرغام .. اضطرت توگف وية اختها علی حساب الحق ، لكنها نادمة علی كل تصرفاتها وكل يومية بالليل تأنب روحها علی اللي تسويه بشذی ، لكن مثل كل صباح ترجع لمخططاتها مع شذی ..

أما بالنسبة لضرغام وخلود قضوا الليل كله مراسلات وكلام عشاق (يعني ناس محترگة اعصابها وناس مهتمة بوناستها وبس) ..

شذی منامت ولادقيقة وبس تبجي علی حبها اللي ضاع منها بلمح البصر انسان عشقته سنين لكن للاسف ماكان يستحق...

.
.

صباحا ...
ضرغام نام الصبح ومابيه حيل يروح للدوام لان سهران الليل كله .. اما عامر والد شذی مغمضت عينه ولادقيقة ويفكر بمستقبل بنته ومستقبل ابنها وكيف راح يكون مصير أبناءه .. لبس ملابسة وطلع من البيت بدون فطور .. اتصل علی ضرغام اكثر من مرة لكن بدون رد .. اضطر يروح لبيت اهل ضرغام حتی يتناقش وياه .. دخل وجلس بالصالة منتظر ضرغام صعدت سناء صحت ضرغام من النوم ..

.
.

ضرغام:السلام عليكم شلونك عمي ؟
عامر:عليكم السلام زين عرفت عندك عم

مشی ضرغام وجلس علی الكنبة وهو يفرك شعر راسه : والله ياعمي اني كنت ناوي اليوم اجي احچي وياك ..

عامر:تفضل سامعك ولتعتبرني والد زوجتك اعتبرني صديق والد اي شي وسولف اللي بكلبك ..
ضرغام:منين ابدي؟؟
عامر:باللي يعجبك ..

ضرغام:آني تزوجت بنتك وكنت متوهم اني احبها ، لكن للاسف من شفت خلود عرفت شنو معنی الحب

عامر:وشنو معنی الحب بنظرك؟؟
ضرغام:مااعرف اوصفه الك ، لكن اللي اگدر اگوله الك انه وية خلود احس غير احساس يعني مختلف عن احساسي وية شذی..

عامر:بنتي تجاوزت عليك قبل؟؟
ضرغام:لا
عامر:غلطت بحقك؟
ضرغام:هم لا
عامر:قصرت بحقوقك
ضرغام:تقريبا
عامر:من اي ناحية؟؟
ضرغام:أكو شغلات تصير بين المتزوجين ميصير اسولفها ..
عامر:لكن هذا مو سبب يخليك تتزوج

ضرغام:عمي اني الي اسبابي الخاصة واعتقد الشرع حلل اربعة ، واني مراح اقصر بشي وياها بالعكس راح اخليها بمشتمل وحدها بيه واكيد راح اعدل بيناتهن ..

عامر:الله يهديك واكيد انت اعرف باللي تسويه وشرع الله محد معترض عليه ، بس ياابني احنه قبل نسوانه نشوفهن بيوم الزواج ، والحب يجي بعد الزواج ومن انطيتك شذى كنت مطمن لانك تحبها قبل متتزوجون ، لكن للاسف انت خذلتني ياضرغام .. يمكن لو متزوج قبل حمل شذی كنت انطيتك الحق ، لانك تريد اطفال لكن هسة مجاي اشوف عذر وكلامك هذا اللي تحجيه مجرد اعذار واهية حتی تسوي اللي براسك .. عالعموم ياابني اني مجاي اتعارك ولااصيح عليك بس اريد اعرف شغلة مهمة انت تريد بنتي لو تطلق ؟؟

ضرغام:لاآني رايدها وكلتلك الها مشتمل خاص بيها ..
عامر:الله كريم

طلع عامر من بيت اهل ضرغام وهو محتار مابين الاعتراض علی شرع الله ومابين بنته اللي بس تبجي ...

.
.

بعد مرور شهر ...
اليوم زواج ضرغام&خلود

شذی مازالت ببيت أهلها .. اليوم كان بالنسبة لها يوم عزاء .. والد شذی واخوها حسن تقبلوا زواج ضرغام بالرغم من انهم متضايقين علی اختهم ، لكن حتی لاتتفكك العائلة وحتی لاتكون اختهم مطلقة وحتی لايتربی الطفل في عائلة مفككه وبعيد عن ابوه ... اضطروا الی السكوت .. الشخص الوحيد اللي قاطع ضرغام وابد مكان يحچي وياه ووقف بجانب شذی هي خالتها سناء .. قاطعت ابنها ومقبلت تكلمه نهائيا اما بالنسبة للبقية فالموضوع عدهم عادي وحتی من ضمنهم استبرق اللي هي بنفسها حضرت زواج ضرغام ..

شذی...
الحزن اللي بداخلي محد يحس بيه .. الانسان اللي حبيته جرحني واليوم زواجه .. اليوم راح ينام وية وحده غيري اليوم راح يبوس غيري اليوم حبيبي مات .. كلبي متقطع علی روحي وعلی طفلي .. بوقتها مجنت اعرف شنو اتصرف .. صارت الدنيا ليل وأكيد هسة همة بغرفة وحده .. اليوم حياتي انتهت .. سمعت جرس الباب عرفت استبرق رجعت وقفت يم باب غرفتي اتسمع الهم ..

دخلت استبرق لصالة البيت سألها حسن
: هابشري شخبار عرس اخوج؟؟؟

استبرق:شأكولك مسوي نفسه اول مرة معرس مرتاح ولامهتم والضحكة متفارك حلكه ..
حسن : هو مرتاح واختي بس تبچي .

اختنكت كافي والله كافي روحي بعد مااتحمل وجع لزمت الموبايل ودزيت رسالة لضرغام ...

ياتعب سنين ..
شخبار العرس وياك ؟
هم جست العنب والتين ..
ويگلولي جنت مرتاح ..
شايل ضحكة معرسين..
متلهف تريد تشوفها ..
هاي البعد متعوفها !
وين الوعد ويــن ؟
وانة ..
اااه يـا انة ..
انة هسه مدري وين ..
نايمة بسابع حلم ..
وصوت الهلاهل فزز اجروحي ..

عساكم يالفرحتو كون متعذبين ..
وعساني بعافية لروحي ..
وعساها تعيش ازمة ضيم ..
وتضيع كون احبابها ..
وعسى دمعي الحفر خدي ..
يحفر گبرها ابابها ..
وانت .. ااه ياانت ..
عساك بكل درب تعثر ..
عساك وياها ما تسهر ..
عساك بضحكة ماتكمل..
بوجهه تضيع ماتنـدل ..
سوالفكم ياارب تنشل ..
وتخلصوها عمر ميتين..

عساهن بيك
كل وني .. دمع ليلي ..
لوعه كلبي .. ومبچاي ..
عساهن بيك ...........

.
.
.

في الفندق....
ضرغام قرأ الرسالة وتضايق حيل انتبهت له ..
خلود : شبيك حبيبي؟؟؟
ضرغام: لاحياتي ماكو شي اروح اسبح ..دخل ضرغام للحمام خلود لزمت الموبايل وشافت الرسالة فقررت ترسل رسالة لشذی وتمسحها

شذی ...
انتبهت نغمة موبايلي للرسائل فتحت الرسالة

عوفي گلبة مايفيدچ ..
صيحي مرة وألف مرة ..
هو يمي ومايريدج ..
.
من قرأت هذي الرسالة انجرحت اكثر يعني فوگ كل اللي سواه يخليها هي اللي ترد عليه .. سلمتكم بيد الله ياضرغام وياخلود ..

بعد الزواج سافر ضرغام وخلود للشمال يقضون شهر العسل انقضی الشهر والشهرين وشذی باقية ببيت اهلها .. انتهی بناء المشتمل وتأثيثه ، لكن شذی رفضت الرجوع والسكن بيه .. يوم عن يوم شذی تذبل انقطعت عن الاكل واحيانا يغمی عليها اضطروا أهلها بين فترة وفترة يعطوها مغذي ..

اتصل عامر بأخوه ثامر وطلب منه تجي بنته دعاء يم شذی حتی تواسيها وفعلا جتي دعاء ودخلت يم شذی وتفاجات بشكل شذی

دعاء: انتي مخبلة شمسوية بروحج
شذی: ....

دعاء:منو يستاهل هيج تسوين ؟؟ هذا هو تزوج ومونس روحه وانتي شنو كاتله روحج بالبجي وقاطعه الاكل ؟؟ علی شنو تاركه بيتج وكاعده هنا لو اني اروح اكعد علی كلوبهم وانكد عيشتهم 😤

اعتدلت شذی بجلستها : اني كرامتي متسمحلي اسوي اللي انتي تكولين عنه ..
دعاء : انتي الاصل وهي خططت وسرقته منچ وانتي بدل متكونين هناك يم زوجج لتخليه ينساچ ولتخليها تنفرد بيه وحدها صيري علی كلبها خبليها ..

شذی:مااكدر والله مااكدر
دعاء:تكدرين بس شوية قوي گلبچ وخلي ببالج انتي تردين تنتقمين من خلود ، لان هي خذت زوجح منج وانتي اللي راح تسويه حق مشروع لانها هي اللي بدت وتجاوزت ..

شذی:هو ميريدني

دعاء:لاعيني لتكولين ميريدني هاي نزوة لااكثر .. شوفي انتي خططي عدل .. اهتمي بروحج وشوفي شلون يجيج يركض ، وحتی لو ميريدج مجرد وجودچ هناك راح ينرفز الطرفين خلود وضرغام وحاولي تفكرين شنو سبب زواجه اكيد انتي قصرتي بحقه فكري شنو اللي شافه بخلود وماحصلة بيچ

شذی : ماريد
دعاء : وجع حتی وجع .. ابقي عوبة متفتهمين شوفي عمي واخوج اعرفهم كلش زين ؛ طلاق ميقبلون تتطلقين ، واذا تبقين هيج راح يعوفج للابد انتي لازم تتمسكين باهم شي عندج هو الطفل .. لازم تكونين قوية وتواجهين الحياة اني اكبر منج بعشر سنوات وافتهم اكثر منج .. شوفي انتي هسة تكومين تاكلين وراها ترحين للصالون تغيرين شكلج وراح تغيرين ملابسج ووراها ترجعين لبيتج الجديد تگعدين هناك وغصبا عليهم وعلى الخلفهم .. انتي هسة حامل بطفلهم استخدمي هاي الشغلة نقطة قوة لصالحج ، ولاتنسين اللي تسويه حق مشروع لان هي اللي بدت وخذته منج وانتي لازم تكونين اقوی منها روحي ونكدي عليهم عيشتهم لابوهم لابو الخلفهم 😤😤😤😤

شذی:هسة مااكدر تعبانه
دعاء:اكيد متكدرين هسة حتی اذا يشوف خلقتچ يخترع .. يلة كومي اكلي وبعدين عندي تصرف ثاني وياج ..

بقت دعاء ابنة عم شذی اسبوع كامل ببيت اهل شذی ساعد بتحسن نفسية شذی ، بهاي الايام طلعت شذی للصالون وتسوقت وزارت الطبيبة وعرفت جنس الطفل ولد ومن شافت الطفل علی شاشة السونار تعلقت بيه اكثر واكثر وقررت شذی انه تتحمل كل شي لاجل الطفل وانه لازم تكون قوية .. رجعت من عيادة الطبيبة وهي فرحانه الطفل نساها شي اسمه ضرغام .. دخلت للبيت شافت خالتها سناء كدامها دخلت سلمت استقبلتها سناء وحضنتها وضلت تبجي .

دخلوا لغرفة شذی:شلونج خالة شخبارج؟؟
سناء:تعبانه البيت ميسوی شي بدونج والله صرت تحت رحمة هالعگارب خالة شنو متردين ترجعين لبيتج؟؟
شذی:خالة مااريد خليني ببيت اهلي
سناء:لشوكت تبقين ببيت اهلج
دعاء:لا ترجع وياكم بس شنو علی الاقل خل يجي استاذ ضرغام يرجعها لو شنو ترديها ترجع وحدها
سناء:لاهو اليوم يجي يرجعها بس تقبل هسة اخابره يجي يرجعها
.

مامسموح الك تجرحني مرتين ولا ريــدك تجيني
ولاتحاچيني اذا گلبي ابفرگتك مات فد يـوم
ابد لتمر عليه ولا تــواسيـنــي...
.
.
.

تسريع للأحداث..(بعد اربعة اشهر)

رجعت شذی وسكنت بالمشتمل وسكنت خالتها وياها اما ضرغام فكان ابد ميجيهم وعلاقته كانت قوية وية خلود ، واللي يشوفهم اجمل ثنائي متناسق هو يحبها وهي تحبه وتعشقه بجنون واللي يريده تسويه اله ، ولهذا السبب كان مرتاح وية خلود وماكو مشاكل أما شذی كانت متطلع من البيت أبد .. خوفا من انه تشوفهم سوة وتنقهر أكثر ..

شذی حاليا بالشهر الثامن واليوم عدها مراجعه للدكتورة اخذها حازم للعيادة والحمد لله الطفل بصحة جيدة ، لكن الدكتورة كانت قلقة من ارتفاع الضغط والسكر اللي عند شذی واللي صار وية حملها انطتها ادوية وطلبت منها تقليل الملح والحلويات
والهدوء والراحة النفسية ، لكن منين تجيب الراحة النفسية وهي بس تحرگ باأعصابها .. طلعت من العيادة خذاها حازم لمطعم حتی تغير جوة وشوية تريح نفسيتها ..

.
.

ضرغام ظل يلوم بروحه لأن تأخروا وخاف ليكون صاير شي بشذی .. دخل للمشتمل شاف امه هي من شافته راحت لغرفتها بدون كلام .. دخل ضرغام لغرفة امه

سناء:اريد انام ..
ضرغام:موكافي زعل؟ شوكت ترضين عليه؟؟
سناء:ماارضی عليك ليوم الدين ..
ضرغام:ليش هيج يوم اني مسويت شي حرام
سناء:لا سويت حرام
ضرغام بصياح:شنو الحرام اللي سويته الشرع حلل اربعة اني مسويت شي غلط.
سناء:الشرع حلل اربعة بس كالك اعدل بيناتهن وانت موعادل ..

ضرغام:ليش يوم؟؟شو خلود سكنتها بغرفة شذی وبأثاثها القديم وشذی سكنت بالمشتمل الجديد واثاث المشتمل كله جديد بعد شنو تردون مني؟؟

سناء:صدگ لو تشاقة انت ناسي انه شرع الله انه لازم تعدل بكلشي بيناتهن مثلما خلود الها حقوق هم شذی لها حقوق لو ناسي؟ ياضرغام شذی بنت خالتك وزوجتك وام ابنك ؛ هي موطليقتك حتی تهجرها بالفراش هي بعدها زوجتك وعلی ذمتك .

ضرغام : بس يوم هي متريدني واصلا حتی خلقتي متقبل تشوفها ..
سناء : زوجتك مجروحة منك وصدگني لأنها تحبك هيج سوت والا لو غيرها ماكان يفرق عدها تتزوج لو لا ولاكان تعذبت هيج عذاب ولاكان الليل كله تقضيه تبجي ..
ضرغام حن قلبة عليها شوية : لتگولين هية لهسة تبچي ..

سناء بدت تبچي : اي ابني كل يومية تبچي والله ياضرغام حتی لو سامحتك شذی اني ماراح اسامحك لان من اشوفها بهاي الحالة گلبي يتگطع عليها حتی بسببك صار عدها ضغط وسكر وهي عمرها21 سنة

ضرغام:ضغط؟؟؟
سناء:حقك متعرف شي ، لانك أصلا لو مهتم كان عرفت شكو ماكو .. مرتك هسة راحت للطبيبة لكن بدل مايكون زوجها وياها يروح حماها اخو زوجها .. ابني المرأة من تتزوج تنسی شي اسمه أهلها ، ولازم يكون زوجها عون وسند وحزام ظهر ، لكن انت تخليت عنها ويمكن حتی ابنك راح تتخلی عنه

ضرغام:يوم مو لهالدرجة تری اني .. (رن موبايل ضرغام متصله بيه خلود) رفع الموبايل

.
.

خلود:حبيبي وينك انت؟
ضرغام:يم امي
خلود:شتسوي هناك ورايح علمود امك لو حنيت لشذی؟؟
ضرغام:عند امي شذی عند الدكتورة.
خلود:وشدراك هي يم الدكتورة؟؟
ضرغام:من ارجع نسولف.

.
.

سناء:صاير محبس بيد مرتك تحجي وترجف خايف علی مشاعرها تنجرح ، وهاي المسكينه اللي قضت حياتها بس حتی متجرحك ولا تأذيك وبس تريد رضاك ياحسافة انك ابني روح روح الله لايرضی عليك ولايوفقك ..

ضرغام:يووم شنو السالفة؟مرتي خابرتني تری مابيهة شي 😒

سناء:شوف روحك شلون ترجف وانت تحجي وياها گوم اطلع گووووم ...

طلع ضرغام من بيت امه ودخل لغرفته شاف خلود صايرة نار : خير ياطير شكو؟؟

خلود:شكو رايح يمها حنيت الها
ضرغام:تخبلتي انتي هاي امي
خلود:رايح لامك لو لشذی خاتون ؟؟موعليه هاي سوالفك
ضرغام:خلود كافي كااافي شتردين بعد اني احبج الج انتي وبس .. شذی بعد ماافكر بيه والله هي مجرد ام ابني وبس ..
خلود:جذاب انت جذاب ..
ضرغام:كافي لتصيحين ..
خلود:لاوالله اصيح من تروح لها اصيح مامسموحلك تروح لهناك ..
ضرغام:انتي هواي تجاوزتي مثل ماانتي زوجتي تری هي هم زوجتي ..
خلود: طلگها
ضرغام: موبكيفج
خلود : لابكيفي .. شكو جايبها يمنه خليها تروح لبيت اهلها وحده ماعدها كرامة راكضة ورة رجال مايريدها ..

ضرغام: كاااافي تری صدگ ضوجتيني اسكتي ..
خلود :اي عيني متقبل احجي علی حبيبة القلب
ضرغام :تعرفين شغلة اليوم راح ابات يم شذی
خلود :اموتك والله اذا نمت يم هاي ال....

ضرغام صار عصبي مسك خلود من شعرها بقوة :هاي ال..... تصير بنت خالتي وام طفلي وزوجتي وشرفها من شرفي وعرضها من عرضي وبصياح فهمتيييييييي ...
.
.
حازم وشذی رجعوا للبيت دخلوا للبيت كانت سناء تبكي في المطبخ
حازم: هايوم خيرج ليش تبجين
سناء: اكو غير اخوك
حازم:يوم اللي صار صار وبعد كافي تبجين (سمعتهم شذی دخلت لغرفتها لتبچين لتبچين خانتني دموعي ونزلن ومگدرت اسيطر عليهن )
.
.
عـــاشــــت أيــــدك تعـــــرف أتبجينـــة.....
جبــــت هـــم اومـــا جبــــت طــــارينـــة.....
شكــــرآ جـــــزيﻵ.....ع.... الـــــــــجرح.....
همـــــزين دزيتـــــة .....بملــــــح.....
خـــاطـــــر الطعنــــــة تغــــزر بينــــــه.....

.
.

سناء:يمة شلون تريدني ماابجي واني كل يومية اشوف اختي بالحلم تعاتبني علی اللي صار ..

حازم:يوم انتي المفروض منج تهدئين شذی ضغطها كلش مرتفع وعالادوية ومحتمية واحتمال يعطوها ابر بدل الحبوب اوكفي وياها سانديها مو تزيدين قهرها اني طالع هسة تأخرت علی مرتي ..

سناء:روح يمة روح تعبت وربيت وتاليها نسوانكم تاخذكم مني. ...
حازم:اوووف والله بلوة ابتليت من ورة ضرغام ال....
.
.
دخل حازم لبيته استقبلته ابتسام :ليش هلگد تأخرت؟؟
حازم :خوش استقبال
ابتسام:لا بس صدك تأخرت وضل بالي يمك
حازم رحنه للدكتورة وراها خذتها للمطعم
(نزل ضرغام من الدرج ضايج من تصرفات خلود سمع حوار حازم وابتسام بالصالة)

ابتسام:وانت شكو تاخذها ؟؟ عدها رجال لو ماعدها؟؟
حازم:اولا هي بنت خالتي قبل متكون زوجة اخوية .. ثانيا نسيتي اختج هي اللي ماخذه ضرغام لو لا؟؟ وبعدين تعاي هنا شنو انتي تردين تتحكمين بيه؟ لاعيوني اني مو ضرغام )
ابتسام :ياريتك مثل ضرغام مدلل مرته
حازم :قصدج محبس بيد مرته .. ميگدر يمشي خطوة بدون موافقتها (ضرغام تنرفز من كلام حازم وقرر اليوم يثبت العكس وانه موخلود اللي تمشي كلمتها عليه) ..

ابتسام:كافي تحجي علی اختي وبعدين لوماضرغام يحبها ميسوي اللي تريده بس انتي متحبني

حازم:يبووووه رجعنا لنفس الموال شو وخري نسوان متحب بس النكد ..
.
.
صعد حازم وبالطريق اصطدم بضرغام اللي ماخذ ملابسة بيده وطالع :هلا بالعزيز وين طالع وهاي ملابسك بيدك ؟؟
ضرغام :ابات يم شذی
حازم :شنو😲😲😲
ضرغام :شبيك نسيت شذی هم مرتي لو لا؟؟
حازم :لامانسيت بس تفاجأت لاأكثر
ضرغام: بعد من يمي خل اروح
طلعت خلود من غرفتها :لامتروح وموبكيفك
ضرغام :بكيفي
خلود :بكيفي واني مااقبل تروح عند شذی
ضرغام :الظاهر انتي نسيتي نفسج تری اني الرجال هنا مو انتي

حازم:😲😲😲😲😲😲
ضرغام :حازم بعد من يمي خل اروح دفع حازم ونزل وطلع من بيهم ودخل للمشتمل (تفاجأت سناء من شافت ابنها كدامها)
:شتريد؟؟
ضرغام:اريد زوجتي
وقفت سناء وهي مبتسمة:صدك تحجي لو تشاقة
ضرغام:تشوفين شكلي مال شقة اكيد لا اني صاعد لغرفة شذی
سناء:اصعد بس ديربالك تنرفزها تری ضغطها مرتفع
ضرغام:تدللي يوم

وااااه من حبا يمنعني من ان اكرهك ...والف لعنه على قلب يغفر لك كل خطيئه .....
.
.
.
دخل ضرغام غرفة شذی .. جانت نايمة واثار الدموع مبينه بعيونها .. نظر لها ضرغام نظرة شفقة وانكسر خاطرة عليها تقرب منها أكثر حظنها .. حست شذی انه أحد حظنها لكنها ظنت انها تحلم .. تقربت أكثر وحظنته بقوة وحطت راسها علی صدر ضرغام وظلت تبچي وهو حظنها أكثر ومسح علی شعرها بعد شوية حست انه هذا مو حلم صاحت
:كوووووم منا
ضرغام :اهدئي حبيبتي أهدئي
شذی:ابتعد عني ماريدك اطلع برررررة
ضرغام :ماأطلع موبكيفج وباقي هنا 😈

(ركضت شذی للباب حتی تطلع ركض ضرغام وقفل الباب)
: وهسة محد راح يخلصج مني

شذی بدت تضرب علی وجهها وتشد بشعرها وبصراخ مااريدك مااريدك اطلع برررة ماااريدك ..

ضرغام:مااطلع ..
وابتدأ يتقرب من شذی اكثر وهي تبعد عنه وتصرخ .. آخر شي حضنها ودفعها عالحائط وقبلها من شفافها قبلة طويلة وهي تدفع بيه لكنه كان أقوی منها .. ابتعدوا عن بعض رجع مرة ثانية قبلها وهي تقاومة لكن بدون فائدة أخر شي ضربته بمكان خلتها يصيح من الالم .. دفعته وركضت للباب وهي تضرخ وركض وراها شدها قوي من شعرها فاغمي عليها .. ركض ضرغام فتح ضوة الغرفة كانت شذی مغمی عليها وانفها ينزف اتصل ضرغام بحازم اخوه ونقلوها للمستشفی ..

.
.

في المستشفی.......
الكل متجمع في ردهة المستشفی(سناء ضرغام حازم عامر) وبعد مرور ساعة طلعت الدكتورة الكل ركضوا
عامر:بشري دكتورة شصار؟؟
الدكتورة:للأسف عدها ارتفاع عالي بالضغط حاولنا ننزل الضغط لكن بدون فائدة ولازم تدخل صالة العمليات فورا
سناء: دكتورة هي بعدها بداية الثامن خاف موزين علی الطفل
الدكتورة :الطفل حاليا نبضات قلبه ضعيفة واذا تبقی علی نفس الحالة احتمال نفقدهم اثنينهم الام والطفل
ضرغام: هذا هو دكتورة نسوي عملية
الدكتورة:زمرة دمها O سالب ونحتاج نقل دم خاف يصير نزف اثناء العملية
حازم: مااتوقع عدنا أحد دمه سالب
عامر :دعاء بنت اخوية سالب هسة اخابر اخوية يجيبها ويجون ..

اجوا ثامر ودعاء وياسر اخ دعاء تبرعوا بالدم وسوت العملية والحمد لله جابت والطفل حطوه بالخدج (غرفة خاصة للاطفال) ..

الكل متجمعين منتظرين شذی تفيق من البنج وضرغام وحازم يم غرفة الخدج منتظرين طبيب الأطفال ، حتی يسألوه عن صحة الطفل طلع الدكتور ووجه ميبشر بخير ..
حازم: خير دكتور؟؟
الدكتور :والله ماأعرف شكول .. اول شغلة الطفل بعدها الرئة ممكتملة وهذا شي طبيعي بالنسبة للاطفال اللي يجون قبل موعدهم لكن ..
ضرغام بعصبية: لكن شنو؟؟
الدكتور :الطفل عنده فتحه كبيرة بالقلب ..
ضرغام: 😳😳
حازم: دكتور احنا ماعدنا أحد بيه قلب ومن الطرفين من الام والأب ..
الدكتور: هذي معليها بالوراثة بس اتوقع الام مكانت تأخذ الفولك أسيد اللي هو يمنع التشوهات ..
حازم :لاحول ولاقوة الا بالله العلي العظيم الحل شنو دكتور؟؟
الدكتور:راح يبقی تحت العناية وبعد سنة تسوون عملية للطفل واترخص عندي شغل
ضرغام: هي السبب اذا صار بأبني شي والله ماارحمها
حازم: كافي لك لتظل تمسلت افتهمت
ضرغام: هاي بدل متوكف وياي تصير عليه

حازم :اني وية الحق هي حامل باشهرها الاولی وانت رحت تزوجت فاكيد هملت نفسها وادويتها ، وكلشي بإرادة رب العالمين ولتظل تحجي كلام ماصخ لاوالله هسة اجلطك هنا .

.
مضی الوقت افاقت شذی من البنج وبقوا وياها من سمع عامر بموضوع الطفل .. انقهر وتخربط وضعه خصوصا هو مريض بالقلب لهذا السبب طلب ضرغام انه يرجع عامر للبيت ، فرجعوا كل من عامر وثامر وياسر ودعاء .. قرر ثامر يترك دعاء ببيت عمها لأنه عمها تعبان ، دخلوا للبيت عامر طلب من دعاء تنام بغرفة شذی اللي تكون بطابق العلوي وبعيده عن غرفة حسن وعامر .. صعدت دعاء للغرفة وتوجه عامر لغرفته سمع تأوهات وضحك بغرفة حسن وكانت الباب شبة مغلقة تقرب عامر ظنا منه انه حسن راجع .. تقرب من الغرفة سمع صوت رجال غير صوت حسن دفع الباب بقوة شاف المنظر گدامه استبرق وعبد الله بالفراش

استبرق: عمي؟!!
الصدمة كانت قوية علی عامر فاغمی عليه
استبرق وعبد الله ركضوا له :عبد الله اطلع بسرعة
عبد الله: وانتي؟؟
استبرق: معليك اني اتصرف روح اطلع

طلع عبد الله من البيت واستبرق لبست ملابسها وبعدين خابرت اخوها حازم علی اساس طلعت من غرفتها وشافت عمها مغمی عليه (طبعا دعاء بغرفة شذی ومتعرف شكو) بعدين اجوا واخذوا عامر للمستشفی وطلع عنده جلطة انشل وبعد حتی كلام ميگدر يتكلم والكل ظن انه مرضه سببه ولادة شذی ومرض الطفل ..
.
.
بعد مرور شهرين ..
خلال هاي الفترة شذی كانت ببيت ابوها وكان ضرغام يوم عن يوم يتعلق بالطفل أكثر وكل يومية يجي لبيت أهل شذی حتی يشوف الطفل .. أما مشاعره تجاه شذی فكانت مجرد ام ابنه يعني ماحن لها ولاشي وكان قلبة ينبض لخلود وبس .. خلود كانت منقهرة من تصرفات ضرغام .. صار كل كلامه عن ابنه بسام ولهذا السبب خلود كرهت الطفل .. حتی قبل متشوفة وكانت تتمنی الطفل لو يموت وترتاح خصوصا انه مرت فترة بدون ميصير حمل لخلود ...
.
.

رجعت شذی لبيتها وبقی الوضع مثل السابق يجي ضرغام يشوف ابنه ، لكن اللي تغير يبات يوم عند خلود ويوم عند شذی لكن ماكو شي بيناتهم ..
.
.
عامر ...
بعدما شاف استبرق وعبد الله صارت بيه جلطة بالدماغ انشل وفقد النطق .. بخلال هذي الفترة كانت شذی ودعاء متواجدات بالبيت لهذا السبب مكدرت استبرق تحجي وية عمها براحتها .. اليوم تحديدا وبعدما طلعوا شذی ودعاء من البيت دخلت استبرق لغرفة عمها ونظراتها كلها حقد وكراهية ..

: ها صرت أخرس بعد متگدر تحچي هههههه ههههههههه ياحرام حتی مشي بعد متكدر .. ههههههههههههه تعرف يوم عن يوم يزيد كرهي الكم .. انت ، حسن . شذى ،ضرغام ، امي ، حتی اطفالي كلكم اكرهكم .. كنت تمنعني من ضرب جهالي لأن تخاف علی مشاعرهم لكن محد كان يهتم بمشاعري .. من اليوم راح تشوف وجه ثاني لأستبرق وطلعت من الغرفة تضحك اما عامر كان يبكي ويأن لكن ماكان يقدر ينطق ...
.
.

صباحا ...
استيقضت استبرق من النوم دخلت لغرفة عامر بعدت الغطا عنه
:گوووم كافي نوم تريد سم (فطور) شبيك ساكت؟؟ مترد !!هاااا صدك نسيت انت متگدر تحچي ههههههههه هههههههه
(عامر دمعت عيونه لان حس نفسة عاجز وذليل)

طلعت للمطبخ سوت الفطور ودخلت لغرفة عامر تعال اكل شبيك متتحرك يوووووه نسيت انت مشلوووووول .. متحرك رجليك تحركت حطت الفطور كدام عامر يلة مد ايدك يووووه نسيت انت حتی ايدك متگدر تحركها اووووف ابتليت بيك خو مابتليت .. شالت لقمة أكل وحطتها بفم عامر لكنه رفض الاكل قامت فتحت فمه وحطت اللقمة بالغصب

:مااريد تموت من الجوع لان اريدك تتعذب مثل ماتعذبت من وراكم ، وبعدها بدت تضع اللقيمات في فم عامر بالغصب وبعدما اكمل الفطور قامت اخذت دواء عامر تحركت تجاه عامر هذا دواك تريده ههههههه اكيد ماانطيك دواك لان اريدك تبقی مشلول ومذلول ؛ مثلما حسيت يوم جمعتكم انت وامي وكلتلكم تعالوا حسن يخوني .. انت كذبتني واتهمتني بتقصيري تجاه حسن وامي جبرتني ابقی لخاطر استاذ ضرغام وست شذی .. حسيت بوقتها نفسي مذلولة ومشلولة محد واقف لجانبي ، وهسة امي صارت من جانب شذی بالرغم ضرغام تزوج بالحلال وماسوة شي خطأ ، لكنها وقفت ضد ابنها وقاطعته .. واني ؟؟ اني بتها من لحمها ودمها بالرغم من انه حسن مارس الزنا ، يعني شي حرام ، لكن محد تقرب منه وكذبتوني وصار اللوم كله عليه لاني مقصرة ولأني اجيتكم طالبة للمساعدة ، لكن صار العكس وطلعت اني الغلطانه لأن هذي اسرار زوجية وميصير اطلعها موو؟؟؟

اكرهكم كلكم .. كلكم اكرهكم .. الحمد لله ربي خلاني انتقم من واحد منكم وان شاء الله اگدر انتقم من البقية يمكن طولت بالحجي مو؟؟

اوووف اني كل شوية انسی انت متگدر تحجي يمكن صاير عندي زهايمر خليني اخابر حبيبي عبودي اليوم عندي موووعد وياه .. خابرت عبد الله ومثل كل مرة تحط منوم للاطفال وتكشخت ولبست واستقبلت عبد الله ببيتها ، لكن اللي فرق هالمرة كان عامر موجود بالبيت في غرفته يبكي وميگدر يسوي شي .. يسمع صوتها قهقهاتها وكلامها ، لكن ميگدر يتحرك .. بعدها بفترة قصيرة اتصلت شذی باستبرق تسألها عن والدها كان جواب استبرق انه بخير وتقوم بمداراته والعناية به وتعطيه الادوية بالوقت المخصص لها ..
.
.
عصرا ...
دعاء وثناء زاروا شذی وهمة بالغرفة يتكلمون ..

دعاء : شذاوي حبي خل اشوف مكياجج. .
شذی : هذا گدامج علی ميز التواليت ..
ثناء : بس هذا؟؟ماعندج غيره
دعاء : هذا مو مكياج عرسج؟؟؟
شذی : اي من عرسي لهسة مااشتريت
دعاء : ليش؟؟
ثناء : حتی مبين جديد ممستخدمته
شذی : مو ضرغام ميحب المكياج
دعاء : باع العوبة شسوي 👐 وج همة الزلم هيج يگولون لتحطين مكياج .. نحبچ عالطبيعة واذا محطيتي مكياج يگولون ممهتمة بنفسج ومتعدلين بروحج علمودي ومن هالكلام ..
شذی : يااا واني شدراني ..
دعاء : شكد فطيرة انت 👐

ثناء : شو هاي ؟؟ عندج بس عطر واحد؟؟
شذی : اي مو هذا ضرغام يحبه
دعاء : ادري واذا لطام يحبه ، غير تشترين شي انتي تحبيه ؟
ثناء : انتي منتبهة لشغلة كل اللي موجود بالغرفة ، لان ضرغام يحبه .. جربتي تشترين شي لنفسج بدون متحطين ضرغام بالنص ؟؟
شذی : لا
دعاء : ليش؟؟

شذی:ماادري يجوز لان تعودت دائما اسوي بس الاشياء اللي يحبها ضرغام ، فصارت عندي عادة بهيج امور .. مثلا ماالبس كعب لان ضرغام ميحب الكعب مااكص ولااصبغ شعري لان ضرغام يحب الشعر الطويل والطبيعي ، حتی ملابسي ضرغام هو اللي يشتريهة او خالتي سناء ..

دعاء:هذا الشي تغير .. هسة ضرغام الغيه من حياتج وكانه مو موجود سوي الشي اللي يعجبج ..
شذی : شلون؟؟
ثناء : انتي شنو تحبين؟؟
شذی : ماادري .. يعني اني كان كل هدفي بالحياة ارضاء ضرغام لااكثر .. مافكرت بشي لنفسي لان قبل ماافكر بشي ؛ اشوف اذا ضرغام يحبه او لا ..

دعاء:هذا الشي صار ماضي .. انتي لازم تبدين تغيرين من نفسج واول شي لازم تكملين دراستج ..

شذی:درااااااسة؟؟!!! وعندي طفل مااگدر ..
دعاء:ليش متگدرين بعدچ صغيرة؟!!

شذی : وبسام وين اوديه ؟؟ علی الاقل خل يكبر ونسويله العملية ووراها ان شاء الله اخطط لحياتي ...
ثناء&دعاء : ان شاء الله

.
.

بعد مرور عام......
لم يحدث شئ هام خلال هذه الفترة ..خلود حامل بالشهر السادس .. استبرق بقت علاقتها مع عبدالله كالسابق وعامر بعده مشلول ولاينطق .. اما شذی فكانت مشغولة بالتقارير الطبية الخاصة بابنها بسام .. وبعد يومين سفرها الی لبنان حتی تسوي العملية لابنه .. اما عن علاقتها بضرغام فكانت علاقة عادية ماكو شي جديد بيناتهم .. ضرغام قرر يسافر وية شذی ، لكن خلود منعته من السفر وشرطت انها تسافر وياهم ، لانها ماكانت تريد ان تترك فرصة لشذی وضرغام للأنفراد ، وحتی اذا كان ضرغام يريد يشوف ابنه كانت ابتسام تروح تجيب بسام لعند ابوه ، وبعدها بيومين سافروا لتركيا شذی وضرغام وخلود .

.
.

يوم إجراء العملية / شذى ...

بيومها جنت كلش قلقة .. جنت بحاجة اي شخص يواسيني .. يخفف عني .. يوگف بجانبي ، لكني جنت وحيدة ماعندي احد يوكف
وياي ، تخيلي ام وگلبها محروگ على ابنها ووحدها بالمستشفى اووف شلون ايام سودة ،بوقتها خلود منعت ضرغام من التقرب مني او الحجي وياي .. جانوا واگفين بعيد عني وكأني إنسانه منبوذة ، جنا منتظرين طلعة الطبيب من صالة العمليات .. وبعد فترة طلع الطبيب وبشرنا العملية نجحت .. فرحت وحتى ضرغام شفت الفرحه بعيونه ؛ اما خلود جان واضح عليها انها تصنعت الفرحة ، لاني متاكدة هي جانت تتمنی موت بسام ، حتی تتخلص من الخيط الاخير اللي يربط ضرغام بية .. خبرنا الطبيب انه لازم يبقی الطفل تحت المراقبة لمدة 24 ساعة .. بقيت يم بسام ، ما ضرغام رجع للفندق وية خلود .. خلال يومين جنت بالمستشفی لوحدي .. اما خلود وضرغام استغلوا فرصة تواجدهم بلبنان ، وطلعوا يتفرجون علی معالمها ..

.
.

في العراق...
سناء : يمة حازم روح شوف اختك استبرق صار اكثر من اسبوع محد زارها وهي متگدر تجي وتترك عمها مريض ..

حازم :ان شاء الله يوم باجر اروح اشوفها شمحتاجة ..
سناء : يمة تسوك مسواك كامل ومو تدخل وايدك فارغة ..
حازم : حاظر بس من اخلص دوام اروح للسوك ووراها امر عليها ..

ثاني يوم وبعد الدوام اشتری حازم مسواك كامل وراح لاخته استبرق وصل يم باب البيت اتصلت ابتسام
: خير شكو متصلة اكو شي ؟؟
ابتسام : لاحبيبي ماكو شي ، بس تأخرت فاتصلت
حازم : لتخافين اني يم .......

وسكت حازم لان شاف منظر اربكه وخلاه يسكت وبعد ميتكلم ..

ابتسام : الوو ...... حازم اكو شي ؟ ليش متحجي ؟ شبيك الوووووو ؟؟

حازم واكف مثل الصنم.. يشوف گدامه واحد ميعرفة فتح باب البيت ودخل ، وكانه صاحب البيت .. تجمد بمكانه .. ميگدر يتحرك خاف يدخل ويشوف اللي ميريد يشوفة .. كذب نفسه كذب عيونه كذب گلبة .. گال مستحيل اللي اشوفه صحيح هذا كذب .. بعد دقيقتين مرت وكانها سنتين .. قرر يدخل للبيت ويشوف بعينه .. دخل ونبضات قلبة تتسارع .. دخل ويدعي ربه انه ظنه مو صحيح .. تمشی بالصالة سمع تأوهات وضحك فتح الباب وشاف گدامه استبرق ورجل ميعرفه (عبد الله) فتح عيونه
حازم بصوت عالي هز اركان البيت كله : ولكم هاي شنوووووووووو مفتحين #$$/^&* هناااا

استبرق : حازم !!
عبد الله : منو هذا ؟؟ وانت شلون تدخل للبيت هيج متعرف البيوت الها حرمتها ..
حازم فارت اعصابة : شكلت البيوت الها حرمتها؟؟ يا.&#&*&/ يا $&^$& ولزم عبد الله وضربة حيل ، بس عبد الله كان اقوی وبدة يضرب حازم ودفع حازم وشرد من البيت .. حاول حازم يلحق بيه لكنه سريع .. رجع لأستبرق وعيونه شرار : يا....... انتي وحده #$/&**^/ انعل ابوج لابو الساعة السودة الي صرتي بيهة اختي يا #/^&*/$
##$/^&*&/$###$////^ &$@@$^**؛$#
وبدة يضربها جرها من شعرها وسحلها للشارع صعدها بسيارته وحرك السيارة وتوجه للبيت خابر عم شذی ثامر

ثامر : الوو
حازم : الو اني حازم اخو استبرق زوج حسن
ثامر : هلا بيك ابني

حازم : اسمع اني اخذت اختي لبيت اهلها وبعد مترجع وخلي احد يروح لأخوك وجهال حسن ، لان عفتهم وحدهم بالبيت

ثامر:ليش شكو؟؟؟شصار؟؟؟؟؟

حازم اغلق الخط وهو يسوق بسرعة موطبيعية وصل للبيت .. سحب استبرق من شعرها وهي تبچي وتصرخ عوفني عوفني وهو يشد بيهة ..دخل لصالة البيت الجبير .. سمعت سناء وابتسام الصراخ ركضوا وشافوا حازم يضرب استبرق ضرب مو طبيعي ..

سناء : يمة عوفها شصاير؟؟
حازم:بنتج ال #//&&***//طلعت وحده #$/^&* نزلت راسنه فضحتنه فضيحة ضيعت شرفنا.

سناء تخبلت من الكلام : يمة عوفها ياكلب ابن الكلب اللي گلك هالكلام ؟؟
وهي تحاول تدفع ابنها حتی يبعد عن استبرق لكن بدون فائدة صاح حازم
: اني ال#$/^& شفتها بعيني احرك روحي هسة اضرب راسي طلقة وارتاح .. انت شجاي تحچين وبعدچ تدافعين عن هاي العار .. بعدها صرخ بزوجته ابتسام : حضري المخزن الفوك راح يكون لاستبرق .. تف عليج يا #/^&** والا اخليج تتمنين الموت يانجسة ياسافلة ياحقيرة وسحبها من شعرها ودخلها للغرفة ونزع الحزام ، وضربها ضرب قوي علی وجهها وجسمها بكل مكان ، واخر شي تركها بدمها وقفل باب الغرفة ، ودخل لأمة اللي كانت تبجي وزوجته اللي كانت خايفة وهي اول مرة تشوف زوجها بهيج منظر ..

: اسمعن كلش زين .. اكل ممنوع شرب ممنوع اي شي ممنوع ومحد يدخل للمخزن بس اني (وبصياح) فهمتن لو افهمجن بطريقتي الخاصة ..

.
.

في مكان اخر....
ثامر اتصل بحسن وسولف علی اللي الحديث الي صار بين حازم وثامر وبنتة وزوجته .. اجوا لبيت عامر ، وبقوا يم الاطفال وعامر لحين حصول حسن علی اجازة ومجيئه للبيت ، حتی يحل المشكلة اللي محد منهم يعرف شنو هي ..

بعد مرور يومين ....

شذی كانت جالسة في المستشفی .. اما ضرغام يجي ربع ساعة هو وخلود يشوف شنو محتاجة شذی ويتابع حالة ابنه ويروح .. بعدما طلع ضرغام من المستشفی وبنصف ساعة تقريبا صارت حالة استنفار بالمستشفی والاطباء ركضوا لغرفة بسام .. بسبب توقف قلبه .. بدأ الاطباء بمحاولة انعاش الطفل اما شذی بدأت تصرخ وتلطم علی وجهها وانهارت اعصابها بقي الاطباء اكثر من ربع ساعة يحاولون
انعاش بسام ، لكن بلا فائدة قلبه لم يتحمل العملية وبنيته ضعيف ففارق الحياة تاركا شذی تصرخ وتلطم ، وكانت في حالة هستيرية اتصلت شذی بضرغام لكنه لم يرد علی اتصالها لانه نسى الموبايل في الفندق وخرج ليتفسح مع خلود .. حاولت ادارة المستشفی الاتصال به عدة مرات لكن بلا فائدة ..

ثاني يوم الصبح الجثة جانت بثلاجة الجثث .. اما شذی فكانت شبه منهارة متعرف شتسوي .. جالسة علی احد كراسي المستشفی واللي يشوفها يظنها مجنونة .. دخلوا ضرغام وخلود للمستشفی توجهوا لغرفة بسام مالگوا لاشذی ولا بسام .. تفاجأ ضرغام وتوقع ناقليهم لغير غرفة ، سأل احد الممرضات اخبرته انه امس توفی الطفل ومتعرف مكان شذی وين .. كان الخبر صادم لضرغام ومفرح لخلود .. بدأ ضرغام يركض في المستشفی باحثا عن شذی ودموعة في عينه .. يركض ويصرخ شذی شذی بعدها بفترة شافها جالسة علی احد الكراسي .. شعرها نازل علی عيونها وممبين من وجهه شي عرفها من ملابسها تقرب ضرغام ناحية شذی رفع راسها شاف عيونها كلها دموع حضنها .. ظلت شذی تبچي اخر شي اجتها حالة هستيرية .. بدت تصرخ وتضرب بضرغام بكل قوتها وكانت الحالة اللي فيها اعطتها قوة اكبر وبدت تضرب بعنف حاول ضرغام يبعدها عنه ، لكن بلافائدة وكانه اللي يضرب گدامه الف امرأة مو وحده .. حاولوا الناس مفاككتهم
صرخت شذی
: اكرهك اكرهك الله ينتقم منك انت وياها .. خلود من سمعت بالضجة ركضت باتجاه التجمع شافت ضرغام جسمة مدمي .. تقربت منه ونظرت باتجاه شذی
: انتي وحده متوحشة مخبلة .. شذی متحملت الموقف ركضت باتجاه خلود وضربتها ضرب قوي ومرة ثانية الناس المتواجدين بالمستشفی بعدوا شذی بالقوة واجه الدكتور وضربها ابرة مهدئة وحاولوا يعالجون جروح ضرغام وخلود ...

.
.

وصل خبر وفاة بسام الی العراق وكان الخبر مؤلم لسناء لانها كانت متعلقة جدا ببسام ، وبدوا بالتجهيزات لحين وصول الجثمان لان اجراءات السفر تاخذ وقت .. اسبوع حتی توصل للعراق كانت شذی خلال هذه الفترة عدها انهيار عصبي شديد .. حسن گدر يحصل علی اجازة لمدة يومين رجع وهو بطريقة قرر يروح لبيت اهل ضرغام طرق الباب فتحت الباب ابتسام وارتبكت

: اهلا وسهلا ..
دخل حسن بعصبية وبصراخ : اريد اعرف ليش ماخذين مرتي يمكم؟؟

حازم كان جالس بالصالة وقف وبصراخ : ماعندك مرة يمنه يلة روووح

حسن : شنو احنه جاي نلعب روح صيح الها خل افتهم شصاير ؟؟
حازم : موبكيفك روح منا .. وبدأ الصراخ بين الاثنين والضرب ، وبسبب قوة حسن البدنية اللي اكتسبها من خلال تدريباته العسكرية .. دفع حازم وصعد لفوك فتح غرفة غرفة يبحث عن استبرق ويصيح
: وينچ اطلعي وصل الی اخر غرفة اللي هي غرفة المخزن فتحها لگاها مقفلة دفعها كانت قوية بهاي الاثناء صعد حازم ووصل لحسن ..

: اني مو كلت ماعدنا مرة امشي اطلع منا
حسن صار عصبي خنك حازم وقرب علی الموت صرخت سناء : كاافي عوفة راح يموت المفتاح بجيب البنطلون اخذه وعوفه ياابني .. حسن اخذ المفتاح وترك حازم يسعل لانه كان مخنوگ وفتح باب الغرفة وكانت الصدمة .. ابتسام تقيأت من منظر مارأت اما سناء اصيبت بجلطة وماتت في مكانها ..
.
.

ماأثقله من هم ...
أن تجول هذا العالم ...
وانت تحمل قلب عاشقا ..
مصابا بخيبة لاتشفی ...
وجرح لايندمل .....

وأگل للروح دنسيهم .... تدنج راسها وتسكت ..
.
.
.
.
.
.
.
.
.
.
.
.
.
.
.
.
عودة الی الحاظر....
2015......
السائق : ست شذی
شذی : .....
السايق :ست شذی .. ست شذی
افاقت شذی من شرودها : ها عمو صحتلي؟
السايق : بلي ست وصلنا للبيت ..

شذی بين وبين نفسها(ياااه ذكريات اربع سنوات مرت گدامي بساعة وحده) : تسلم عمو تعبتك وياي باجر تعال الصبح ، حتی اروح للمحكمة واليوم العصر لتجي عليه مابيه حيل اروح للمكتب ..

السايق : حاظر ست ..
.
.

دخلت شذی للبيت وكانت متعبة استقبلها والدها يمشي علی عكازته : وين صرتي يابنتي والله ظل بالي يمج ليش تأخرتي هلگد ؟؟
ثناء : متنا من الجوع واحنه ننتظرج ..
شذی : ليش انتظرتوني؟اني من أمس گتلکم عندي مؤتمر واحتمال اتأخر ..

دخل حسن للصالة وجلس علی المائدة : غير الجهال ميقبلون يتغدون الا انتي وياهم ..
شذی : حبايب عمة يلة تعالوا تغدوا ..

اجوا ابناء حسن الخمسة رحبوا بعمتهم وجلسوا كلهم ياكلون ويضحكون وكانت العائلة كلها سعيدة (عامر&حسن وزوجته ثناء ، وابناء حسن الثلاثة امهم استبرق والاثنين امهم ثناء اللي هي تصير بت عمهم واخت دعاء) اما بالنسبة لشذی كانت قلقة والافكار مزدحمة براسها .. افكار لقاءها بضرغام وتفكيرها ليش بعد هاي السنين كلها جمعهم القدر بمكان واحد ؟؟ وليش هذا الشخص من دون كل الناس يكون بنفس المكان هي وهو .. قاطع افكارها والدها عامر
: شذی ليش مااكلتي ؟؟ شذی شذی
انتبهت شذی لصوت والدها : ها بابا

عامر:شبيج بنتي؟صارلي ساعة احاجيج متردين عليه
شذی : والله تعبانه اروح انام
حسن : والمكتب؟؟
شذی : لاحسن مابيه حيل اروح .. البركة بيك وبدعاء
دخلت شذی لغرفتها .. نامت علی سريرها تنهدت تنهيدة طويلة كانت مشاعرها مضطربة مابين الفرحة ومابين الحزن لرؤية ضرغام وهي بهذه الحالة اتصلت دعاء ..

شذی : الوو
دعاء : هلاو حبيبتي .. ليش اليوم متجين للمكتب؟؟؟
شذی : والله شوية تعبانه مالي خلك المكتب ..
دعاء : شبيه صوتج مخنوگ؟؟
شذی : باجر من اجي افهمج ..
دعاء : شكو قلقتيني اليوم بالليل يمج اني
شذی : لا لتجين ..اذا زوجج ماموجود اجي يمكم للبيت ..
دعاء : زوجي صارله يومين بالميناء ينتظر وصول البضاعة ..
شذی : تمام بالليل حسن يجيبني يمج واحتمال أبات
دعاء:كل الهلا بيج ..
.
.
.
في مكان آخر.......
دخل ضرغام لبيته او بالمعنی الدقيق قصره فضرغام صار كلش غني وعنده مستشفی خاصة بيه ونال شهادة الدكتوراه وصار استاذ في الجامعه .. استقبلته زوجته خلود واطفاله الثلاثة ولد وبنتين ..رحب بيهم ببرود .. استغربت خلود من تصرفه لكنه ماانطاها وقت للسؤال

: اني راح ابدل واطلع عندي شغل

بدل ملابسه وطلع من البيت وبعدها دخل للمستشفی .. وصل لمكتبه اسند رأسه علی كرسي المكتب .. تذكر شذی وهي واقفة علی منصة المؤتمر تلقي كلمتها بشخصيتها القوية .. تفاجأ منها لأنه وبكل بساطة كان يشوف شذی الانسانه الضعيفة المهزوزة .. الان صارت شذی انسانه ثانية انثی ورجل في جسد واحد .. انثی بكلامها وبأناقتها ورجل بشخصيتها القوية ، وهو بهذه الحالة دخل عليه صديقه الدكتور مثنی : الماخذ بالك يتهنی هههههه ..
ضرغام بابتسامه : اهلا دكتور مثنی استريح
جلس مثنی : صارلي ساعة ادك بالباب اريد تكول تفضل متكولي بيمن تفكر؟؟؟؟

ضرغام:اووووف اوووف

مثنی:شكو شبيك من شفت الصاكة اللي بالمؤتمر وانت هاي حالتك .. كول حبيبي تريد تاخذ الثالثة؟؟؟؟
ضرغام: ههههههههااااي .. ههههههاااي
مثنی:هاي شبيك ضحكنا وياك؟؟؟؟

ضرغام:تدري هاي الصاكة اللي بالمؤتمر منو؟؟؟؟؟

مثنی بفضول وفتح عينيه : منووووووو 😕😕😕؟
ضرغام : هذي شذی زوجتي السابقة اللي كلمتك عنها

مثنی:😲😲

ضرغام:اي والله شبيك

مثنی : 😲😲😲😲 هاي الصاكة جانت زوجتك ولك متكولي شلون تجرأت وطلكتها .. اصلا كيف سولت لك نفسك ان تتزوج ولديك مثل هذا الملاك 😍😍😍😍 ..
ضرغام:ههههه وجع كافي لتصير نابغة براسي ..

مثنی:لاوالله صدك .. يعني انت تكول انه زوجتك الاولی كانت ممهتمة بنفسها وشخصيتها ضعيفة متليق بيك ، بس اليوم اللي شفته غير اللي حجيته انت وحده انيقة ومرتبة وشخصية قوية ولبقة بالكلام ..
ضرغام :لك هو هذا اللي مخبلني شلون صارت هيج؟؟؟؟؟
مثنی:اي؟؟؟؟
ضرغام:شنو اي؟؟؟
مثنی:اني اسألك انت ليش تفكر بيهة حاليا ليكون حنيت لأيام زمان ..
ضرغام:لا لا لا اني احب خلود بس اني ... اني تزوجت وحبيت خلود ، لان شذی كانت مهملة وشخصية ضعيفة خجولة ، لكن اليوم اللي شفته شخصية ثانية مو شذی القديمة مااعرف اذا فهمتني او ..
مثنی : إي افتهمتك بس يلة خلينه نبدي بابشغل كافي كلام بالنسوان هههه
ضرغام : صدگ شخبارك وية المدام؟؟
مثنی : بعدها عند اهلها تريد تتطلق
ضرغام : طلگها يااخي او سوي اللي تريده

مثنی:هههه اكيد الطلاق أسهل لان هي بالأصل تريدني اترك المستشفی ، وحتی الدكتوراه متقبل اكمل بلة شنو ممتفرغ اليه اريدك يمي ..

ضرغام:ههههههه حقها انت الاسبوع كله تشتغل وترجع متأخر ومرات مترجع للبيت ..

مثنی : أكولك هي من تزوجتني تعرف وضعي شنو ، واني من أيام الخطوبة بينت الها طبيعة عملي بس هي كل اللي كان هامها انه تتزوج دكتووووووور وتتكشخ عالناس ..

ضرغام:والحل؟؟؟؟

مثنی:أطلبها بيت الطاعة او اطلق حسب مزاجي حاليا مشغول بافتتاح فرع الأورام السرطانية ..
ضرغام:اوكي خلينه نبلش شغل
.
.
.
ليلا...
شذی : اليوم شفت ضرغام
دعاء بصوت عالي : هااااااا ضرغام ال #$//^&* وين ؟؟ وشلون ؟؟وشصار ؟؟

شذی:هههه علی كيفج شفته بالمؤتمر وكلشي مصار سولفيلي كلشي
شذی : شسولفلج وج جاي القي الكلمة ماتي وصار كدامي .. تذكرت كلشي صار تذكرت اليوم اللي تطلكنه بيه اوووف كان يوم أسود ..

دعاء :شذاوي انتو لهسة محجيتوا .. انتي ليش تطلكتي واستبرق شلون ماتت؟؟؟ ..
شذی:مااكدر احجيلج لان حسن طلب منا يبقی الموضوع سر لخاطر اطفالة ..

دعاء :والله مااكول لأحد ، بس سولفيلي شصار
شذی :اني جنت بتركيا بوكت الحادثة (حازم شاف اخته وية واحد وبعدين جاب اخته لبيتهم وحبسها بغرفة وظل يعذب بيهة بعدين اجة حسن وفتح الباب و ....

الكاتبة ..

فتح حسن باب المخزن وكان الوضع صادم له ولحازم .. سناء اصيبت بسكتة قلبية وماتت بمكانها لكن محد انتبه عليها .. ابتسام ركضت للحمام تستفرغ بسبب منظر جثة استبرق المشوهة .. ركض حسن حمل استبرق حط راسها بحضنه وبدة يبچي ويصرخ : ليييييش لييييش تعوفيني ليييييش .. اما حازم كان متحنط بمكانه بعدها تحرك باتجاه حسن حط ايده علی كتف حسن
: البقاء في حياتك .. التفت حسن بعصبية تجاه حازم ووگف ومسكه من ياخة القميص
: انت قتلتها
حازم : لاوالله والله ماقتلتها .. هي انتحرت ..
حسن : ليش انتحرت ؟؟ وليش انت اخذتها من البيت ليييييش ؟؟؟

حازم نزل راسة للارض وسكت بدون كلام .. رجع حسن يصرخ ليييييش جبتها لبيتكم ليييش ؟؟ وبدة يضرب حازم بكل قوته ودموعة في عينه ويصرخ لييييش؟؟؟؟؟؟ بعدها خارت قواه وظل يبجي نزل گعد بالكاع وهو يبيجي ويصرخ ليييش؟؟ تعوفيني ليش؟؟؟ انتبه الی ورقة مطوية علی الارض مبين وكانها رسالة تقرب منها شالها كانت ورقة من دفتر مشمور بالمخزن ومكتوبة بقلم رصاص واثار الدموع تاركه بقع عالكتابة .. المخزن بيه دفاتر وكتب قديمه لزم الورقة بيده مكتوب عليها الی حسن فتحها وكانت عبارة عن رسالة محتواها ..
.
.
.
.
.

الی حسن..
اكتب اليك هذه الرسالة ومااعرف توصلك وتقراها لو اهلي يمنعوك من معرفة الحقيقة .. ياحسن اني زوجتك استبرق اعترف وبكامل قوايا العقلية باني خنتك وعلی فراشك .. لاانكر باني حبيتك ويمكن حبك هو اللي وصلني لهذي النهاية .. يوم اللي شفت بيه الفيديوات وانت تخوني مع رغد ولهذه اللحظة كلماتك وغزلك لها يرن بأذني .. من كل عقلك سامحتك علی تصرفاتك؟؟ مستحيل اسامح انسان يخوني وانت تعرف كلش زين واني من ايام الخطوبة خبرتك اكثر شي اكرهه بحياتي هي الخيانة ، واكره الانسان اللي يخون .. الخيانة مؤلمة وقاتلة مااظن اكو الم يجتاح القلب اقوی من الم الخيانة .. جنت لازم امثل دور البلهاء اللي متعرف اي شي وامثل امامك اني انسانه طبيعية وقلبي متكسر بسببك .. بوقت اللي تجيني تريد مني انطيك حقوقك الشرعية ، كانت كل لمسة منك تكرهني بنفسي اكثر واكثر .. كرهت نفسي لكن من المفارقات العجيبة اني ماكرهتك .. كانت تلك اللحظات اقرف شي يصير بحياتي لاني حسيتك انسان غريب عني .. بيوم اللي عرفت بيك تخوني ماتت استبرق الانسانه الطيبة الفقيرة وجتي بدالها انسانه قاسية القلب ، ولهذا السبب حبيت اذوقك طعم الخيانة المر ، حتی تذوق من نفس الكاس اللي خليتني اشرب منه وخنتك وية اقرب الناس الك صديقك وذراعك اليمين وصاحب السهرات الليلية عبد الله .. بلي خنتك وية عبد الله صاحبك حتی تذوق الخيانتين خيانة الزوجة وخيانة الصديق .. حاول عبد الله يستغفلني ويمثل عليه دور الانسان البرئ اللي ميعرف اي شي عن علاقاتك ، وللاسف اكتشفت حقيقته البشعة بوقت متأخر وشفتكم بعيني تدخلون وتطلعون من بيت ال$/^^& رغد ، والان واني بآخر دقائق من عمري فخورة بنفسي لاني انتقمت منك ومن عبدالله .. لاني متأكدة عبد الله مراح يبقی حي واكيد راح يقتل اما علی ايدك او علی ايد حازم او ضرغام .. اني مو الانسانة اللي تقبل تعيش بذل واهانة وتنحبس بغرفة لبقية حياتها .. لهذا السبب قررت انهي حياتي واني لهذه اللحظة احبك لكني مومسامحتك .. الشي الوحيد اللي ندمت عليه هو اطفالي اللي اذيتهم ضربتهم هواي كنت كلما اضربهم اكره نفسي اكثر ، بس مااعرف ليش هيج سويت بيهم .. تصرفاتي كانت مو بإرادتي .. كل اللي اطلبه منك ياحسن انك تربيهم علی الطريق الصحيح .. تزوج امرأة ثانية حتی تربيهم ولاتجرحها ولاتخونها ولاتحجيلهم عني وعن خيانتي لك خليهم يعتقدون امهم الانسانة الشريفة اللي ماتت وهي باخر نفس لها بالحياة تعشق ابوهم ) ..

دعاء : لاحول ولاقوة الا بالله العلي العظيم .. صدك ماتت بصدمة كهربائية ..

شذی : بلي حسب مفتهمت من حسن انه كان اكو سلك كهربائي بالمخزن مسكته وانتحرت بيه ..
دعاء : ولاتوقعت استبرق هيج
شذی : تدرين مرات اعذرها لان المرة من تشوف زوجها يخونها متعرف تتصرف .. ماادري مرات اكول اللي سوته صح ومرات اكول لا خطأ ..

دعاء:الله يرحمها بعد راحت لدار حقها
شذی:الله يرحمها
دعاء:ووراها شصار
شذی:طيارة من لبنان للعراق ماكو فطرنا بطيارة لتركيا ومن تركيا اجينه للعراق ، وصلنا كان منتهي كلشي ايام العزاء والدفن ، ولانه بعد ماكو شي يربطني بضرغام .. خالتي وتوفت .. اختة استبرق هم توفت ، وبحسرة طوووويلة .. وابني بسام هم توفی ، وحبه اليه مات من زمااااااا ن .. فما بقی اي شي يربطنا ببعض ، فكان الحل الوحيد هي كلمة وحده : انتي طالق وتدرين بعد حازم ظل اشهر يركض ورة عبد الله لحدما قتله وهرب هو وزوجته خارج العراق وهذي كل القصة ..
دعاء:شذی بعدج تحبيه؟؟
.
.
.
أحببتك جدا...
للحد الذي يفرض علي غض بصري..
عن كل مخلوق سواك...
أحببتك كما لم يحب بشر ..
ويعشق بشر..ويتنفس بشر..
أحببتك وكإنك المخلوق الوحيد علی وجه الارض ..
.
.
.
شذی اغمضت عينها : اول كنت احبه واموت عليه روحي من الدنيا ، وبعد هاي السنين كلها ماادري عن شي .. توقعت نفسي هذا هو نسيته بس هسة من شفته ماادري شصار بيه ..

دعاء:يعني؟؟؟
شذی:ماادري والله ماادري مشاعري مضطربة مااعرف بالضبط حب او لا ..
دعاء : انتي لازم متنسين اللي سواه بيج وبنفس الوقت صيري قوية ..
شذی : دعاء شبيج؟؟وهسة اني وين راح الكاه هي شغلة صارت بالمؤتمر وخلصت
دعاء:يعني مراح يصير شي؟

شذی:شبيج دعاء؟بعد كل اللي صار مستحيل ارجع وهذا خلاص ماضي وصار بحياتي حتی لو احبه وروحي من الدنيا فاني هسة انسانه ثانية عقلي هو اللي يحكمني مو قلبي.
دعاء:ان شاء الله خير.

دعاء :تتذكرين مرة طلبت منج تكتبين كل اللي بقلبج بدفتر مذكرات
شذی :اي اتذكر ولهسة اكتب
دعاء :اريد منج ترحين تقرين هذولي المذكرات كلهم ، حتی تتذكرين شگد تأذيتي من ضرغام وحتی بعد أبد متحنين اله وأبد متفكرين بيه .. تذكري شلون بقيتي ايام وليالي تبچين بسببه .. تذكري كل عذابج وياه ..

شذی دمعت عيونها وبصوت مخنوگ :دعاء كافي الله يخليج .. ليش تذكريني بهذيچ الايام ؟

دعاء:حتی خاف حنيتي لشي اسمه ضرغام .. هسة تنسيه وتشيليه من تفكيرج نهائيا وج انتي هسة بعدج صغيرة عمرج 29 سنة والف من يتمناج .. بنية حلوة ومحامية شاطرة وناشطة مدنية .. ليش موقفة حياتج ليش متقبلين باللي يتقدملج ، ليش؟؟

شذی:مااريد اظلم اللي اتزوجه واني ...
دعاء:انتي شنو لتخبليني .. كافي تفكرين بيه كاااافي ..

شذی:لالاوالله مو مثل ماانتي مفكرة والله اني نسيته صارلي سنتين ماافكر بيه ابد والله ، بس اليوم من شفته ماادري رجعتلي كل الذكريات وماادري مشاعري مابين احبه ومابين لا ..

دعاء:استغفر الله شذی افضل حل تتزوجين ، حتی بعد متفكرين بيه
شذی:لا حاليا زواج مااريد
دعاء:ليش؟؟؟؟؟؟
شذی:تزوجت انسان يحبني واني احبه وابن خالتي وبعد هذا الحب كله شوفي شسوة بيه ، لعد اذا تزوجت زواج تقليدي لمجرد واحد تقدملي شيسوي بيه ..

دعاء:مو كل الزلم سوة اكو سفلة وحقراء واكو طيبين وابناء عوائل مو من تجربة وحده فاشلة تحكمين علی صنف الزلم كلهم ..

شذی:دعاء حبابة سدي الموضوع والله كريم .. اللي الله كاتبة راح يصير ..
.
.
.

.ثاني يوم مر بصورة اعتيادية .. صباحا شذی في المحكمة عدها مرافعات والعصر بمكتبها وسكرتيرتها دعاء واخوها حسن يشتغل وياها كاإداري بعدما ترك شغله بالجيش ، أما ضرغام وخلود علاقتهم طبيعية وماكو شي تغير ..

رجعت شذی من المكتب ودخلت علی غرفتها وقفلت الباب ، وصعدت علی كرسي وسحبت صندوق خشبي كبير .. فتحت الصندوق كان بداخلة مجموعة دفاتر كاتبتهم شذی كمذكرات عن عذابها بعد فراقها لضرغام فتحت الدفتر وبدت تقرأ بيهن ...
.
.

صار شهرين بعد طلاقي من ضرغام بالرغم كل اللي صار بعدني احبه حالتي النفسية تعبانة كلش .. مااعرف شلون اتصرف .. صحيح قبل كان هاجرني وكل شخص ببيت ، لكن مجرد اني اشوفه حتی لو من بعيد يكفيني .. يكفيني اشوفه بخير .. هسة انقطعت اخباري عنه ومااعرف عنه شي .. احبه واشتاقه ، لكن رجوعنه لبعض حلم مستحيل تحقيقه .. بالرغم اللي جاي يصير اني لازم تكون قوية لخاطر اطفال حسن لان ماعدهم غيري .. والدي مريض وحسن حالته النفسية سيئة جدا بعد إنتحار استبرق ..

بدأت شذی تقلب صفحات الدفتر وتقرأ فيه
.
.
كان علي ان أعلم إن طريق الحب..
كغيره من الدروب ..
ليش مفروشا بالورد ..
وعناقيد التوت ..
كي اتحمل خيبة اوجاعك ..
.
.
.
.
معقولة هيج كلبك حجر .. معقولة نسيتي بهذي السرعة.. نسيت حبي الك .. نسيت ايامنا اللي عشناها سوة .. نسيت الليالي اللي كنا نسولف بيهة بالتلفون ؟؟يااااه ولاتوقعتك تغدر بيه ليش؟؟؟؟ياضرغام ليش؟؟؟مو شعلتلك العشر اصابع وصرتلكم خدامة .. سويت كل اللي تريده مني وابد ماكلتلك لا بحياتي كلها .. اذا انت مو گد العشك وموگد كلمتك ومو گد الوعد ليش توعدني نبقی سوة لآخر العمر؟؟ليش؟؟؟
.
.
مسحت دمعة نزلت من خدها وقلبت صفحات الدفتر ...
.
.
.
أيها الغائب عني كيف امسيت؟؟
هل فكرت بي هذا المساء؟؟
هل تنهدت قليلا ورقرقت عينيك بالدمع واجهشت بالبكاء؟؟
أي طعم لحياة لست فيها..
أي معنی لطعام؟؟؟لكلام؟؟؟؟ لهواء؟؟؟
وأنا في ركني القاصي من الدنيا ضياع وهباء.
.
.
.

حالتنا المادية صارت سيئة جدا .. راتب التقاعد لوالدي مكيفينه وحسن ميقبل يشتغل وقافل غرفته وكاعد ، والاطفال متطلباتهم ومتطلبات البيت هواية .. خابرت اخوية محسن حتی يجينه للعراق او يدزلنه فلوس من يمة .. اتصل محسن بصديقه علي محامي ويشتغل بمكتب محاماة جبير وبديت اشتغل هناك كطابعية وبوقت الدوام تجي ثناء بنت عمي تبقی يم الاطفال تعتني بيهم .. الشغل بدة ينسيني ضرغام بالنهار لكن مجرد ماارجع للبيت ارجع لنفس العذاب والالام ..

تركت شذی الدفتر وفتحت دفتر ثاني ..
اليوم مرت سنة كاملة علی وفاة ابني بسام .. اللي مشبعت منه .. كان ودي يبقی عايش وياي العمر كله .. تمنيت اشوف يوم عرسك ، صورتك ابد متفاركني .. ذكراك عايشة بكلبي .. رحت وماشبعت منك .. انت جنت سلوتي بهاي الدنيا .. قصرت هواي بحقك لان بدل مااحملك والعب وياك .. چنت اقضي الوقت ابچي علی ابوك اللي ضاع مني .. تمنيتلك حياة مختلفة عن الحياة اللي اجيت بيهة .. تمنيتك تجي واني وابوك وواحد يحب الثاني .. تمنيتك تكون بعائلة متحابة وعايشة بسعادة ، وهذا اكثر شي جان يقهرني ، لان كنت اتوقعك راح تكبر وراح تعاني من اهمال والدك الك ؛ مثلما اهملني لكن الحمد لله علی كل حال ..

قلبت شذی في صفحات الدفتر ..
اليوم نطق والدي وفرحنا كلنا ، واخيرا بدة يتكلم ولله الحمد ويارب يرجع مثل قبل ياارب .. صحيح نطقة صعب ومومفهوم ، لكن الحمد لله احسن من ماكو ..
اليوم بالمكتب
اقترحوا علية المحاميين انه اكمل دراستي خصوصا معدلي يسمحلي ادخل قانون ، ولهذا السبب قررت اداوم الصبح بالكلية واشتغل العصر وادرس بالليل حتی اشغل نفسي عن شي اسمه ضرغام ..

.
.

صفحات اخری ....
بدت تتحسن نفسية حسن وهذا كله يرجع لوجود ثناء بالبيت .. امممم اتوقع ابتدأ يحبها وبدأت ترجع ثقته بالنساء .. بعدما كره كل النسوان ، حتی اني كرهني ، ويارب تكون ثناء من نصيبة لانها حبابة والاطفال هم يحبوها ..

.
.

بديت اشتغل بالقضايا وية المحاميين بالمكتب وشالوا عني مهمة الطابعية ، والكل يمدح بية وبشغلي والحمد لله اني كسبت ثقة الكل ، وطلب مني الاستاذ علي اني انضم لمنظمة الدفاع عن حقوق المرأة .. خصوصا هو يعرف معاناتي الكاملة بهذا الموضوع ..
.
.

صفحات اخری ....
اليوم شاركت بمؤتمر للدفاع عن حقوق المرأة وفعلا اللي يشوف مصايب غيره تهون عليه مصيبته .. الحمد لله علی كل حال ..

صفحة اخری ..
صار 3 سنوات من طلاقي ولهذه اللحظة احبه .. ياربي انزعة من قلبي تعبت والله تعبت من هذا الحب .. احاول قدر الامكان ان الهي نفسي اشتغل ادرس وماابقی وحيدة حتی ماانطي مجال لنفسي اتذكره ، لكن مجرد ماادخل الغرفة ترجع كل ذكرياتي وارجع ابجي ويتكرر السيناريو اليومي .. ان شاء الله يجي يوم مااذكرك بيه ..

.
.

لقد وصفوا الليل بانه لهفة العشاق،لكن ماذا عن الذي ارهقة السهر يشكي وجعا في يسار صدره؟؟؟
اغلقت شذی الدفتر وتوجهت الی السرير ونامت
.
.
.
في مكان آخر ..
ضرغام: إي شبيك ضايج؟؟
مثنی:الخانم رفعت قضية بالمحكمة طالبة الطلاق ..
ضرغام:لابربك تحجي صدك ولاتوقعتها تسويها
مثنی: مااطلگ واريد اشوف شتسوي
ضرغام :وليش متطلگ،اخلص منها شو انت اصلا متحبها ..
مثنی :ادري مااحبها بس مااكدر اتخيل نفسي بدون مرة ..
ضرغام: هههههه تزوج
مثنی :ههههههه تدري ياضرغام كنت اتمنی اعيش قصة حب مثلك انت وام أمير ..
ضرغام: لعد شناقصك؟؟
مثنی: تزوجت سمر وكل عقلي تحبني وطلعت تحب الفلوس والمظاهر .. اهم شي عدها انه تتكشخ بارقی الموديلات بحجة انها زوجة دكتووووووور .. صحيح كانت تشكخ وتلبس واني وياك بهاي الناحية ابد مقصرت وياي ، بس مشكلتها كمشاعر باردة وياي .. ابد محسيت بحنانها تجاهي ولاباهتمامها ، اذا اتأخر متتصل ولاتسأل عني ابد مو مثل أم أمير كل شوية تخابرك ..

ضرغام: لتحط عينك علينه لاافكسهن لعيونك ههههه
مثنی :لاعمي اني مااحسد ، بس اتمنی من زوجتي تهتم بيه ربع اهتمامها بنفسها ..

ضرغام : وانت ليش مكعدت وحجيت وياها بهذا الموضوع ..
مثنی :ههههههه تكول كل فعل رد فعل .. انت ابد ممهتم بيه واهم شي عندك شغلك وأبد متسأل عني ، وكل مرة أسال عنك او أخابرك تكولي مشغول ..

ضرغام :حقها يااخي اسأل عنها
مثنی :أي غير عندي شغل
ضرغام :المرة حقها وانت الغلطان
مثنی :انت وية منو؟؟هااااا
ضرغام :وية الحق هههه
مثنی :كووم منا ياابو الحق .. اني باجر اخلي استاذ عصام يتكفل بالقضية والاطحين ..
ضرغام:ههههههههههههه الله يهديك ..
.
.

.
ثاني يوم اتصل بالمحامي عصام المشهور جدا وعنده مكتب كبير يضم مجموعة محاميين تحت تصرفة ، واخذ موعد من الاستاذ عصام وراجعهم مثنی .. وحجاله القصة كاملة ..

عصام:اعتذر منك دكتور مثنی ، لكن منگدر نستلم قضيتك ..
مثنی: ليش؟؟؟؟
عصام:لان احنه مكتب متخصص بقضايا الجنايات مناخذ قضايا الطلاق ..

مثنی:اني اجيت الكم بناءا علی سمعتكم الطيبة

عصام:شوف دكتور اكو محامية اشتغلت ويانا اربع سنوات وقبل كم شهر فتحت مكتبها الخاص .. روح اسأل استاذ علي يمكن يندل عنوانها هي محامية شاطرة وذكية واتوقع تگدر تلزم قضيتك ..

مثنی:أها خير ان شاء الله ، راح اخذ العنوان ونشوف.
.
ا رهبة وخوف من كل رجال ، فطلب عصام ان يتصلوا بشذی حتی تجي وتمسك القضية ، لان بامكان شذی تدخل لغرفة الطفلة وتسألها .. قبلت شذی بالقضية بالرغم من ترددها في الموضوع لانه تعتبر اول قضية تخص جنايات تمسكها شذی ، فاغلب القضايا اللي مارستها هي العقاري وقضايا الطلاق ..

دخلت شذی للمستشفی وماكانت تعرف انه هذي المستشفی يكون مالكها الاصلي ضرغام ، وماكانت تعرف انه مدير المستشفی دكتور مثنی وهي كانت تمشی بالممر وهي مبهورة بضخامة البناء ونظافة ونظام المستشفی وبنفس الوقت كان هناك شخص يمشي وماسك الموبايل بيده ويتصفح بيه ويمشي بسرعة فانصدموا صدمة قوية فسقط الموبايل وانكسرت شاشته صاح
: انتي عمية متشوفين ورفع راسة وتفاجأ بالوجه اللي كدامه.
شذی صاحت:انت اللي تمشي سريع وممنتبه لطريقك رفعت راسها وتفاجأت ..
بنفس الوقت
شذی : ضرغام شتسوي هنا
ضرغام : شذی شتسوين هنا. (صارت فلم هندي 😒)
شذی : عندي شغل ممكن تبعد شوية لتأخرني عن شغلي ومشت ..
ضرغام مسك ايدها : وين رايحة ومنو سمحلج تدخلين لهذي المستشفی وموبايلي الايفون 6 كسرتي شاشته.
شذی نظرت له بنظرة تحدي
:اني اللي سمحت لنفسي ادخل لهما وبعدين انت شكو ضايج قابل داخلة بمستشفی الخلفوك ؟؟

ضرغام : ليش حضرتج متعرفين هاي المستشفی ملك الدكتووووور ضرغام ..

الخبر صدم شذی وارتبكت من الموضوع فجأة تدخل عصام ومثنی ..
عصام : اهلا ست شذی واخيرا اجيتي .. صار اكثر من ساعة منتظرج ..
شذی:اسفة كانت عندي مرافعة بالمحكمة خلصتها واجيتكم .. شلونك دكتور مثنی؟؟
مثنی ارتبك :اهلا ست شذی الحمد لله انتي شلونج
شذی :علی خير مايرام .. ان شاء الله الاسبوع الجاي الجلسة الاولی للقضية ..
مثنی :ان شاء الله خير.
عصام:نسيت اعرفج دكتور ضرغام صاحب المستشفی ..

شذی ابتسمت ابتسامة سخرية 😏:اهلا وسهلا تشرفنا ..
ضرغام بدأت دقات قلبة تدق بسرعة وميعرف السبب مجرد وجودها جنبه اربكه وبنفس الوقت انزعج لانه مثنی يعرفها ..
عصام:يلة بنتي تعالي اعرفج علی هذي الطفلة ومشت هي وعصام ..
.
.

ضرغام&مثنی.......
ضرغام:اتذكر انك اوكلت محامي شو طلعت محامية ؟؟
مثنی:والله اني بالبداية ردت استاذ عصام يمسك القضية بس هو حولها علی شذی واني من دخلت مكتبها تفاجأت والله وبعدين انحرجت اخبرك بالموضوع ..
ضرغام :خاف اكو شي ببالك فاخبرك هذي تصير بنت خالتي وزوجتي ..
مثنی :السابقة او طليقتك صح لو اني غلطان ؟؟
ضرغام:وان يكن تبقی .. وسكت
مثنی :تبقی شنو؟؟ المرة كانت زوجتك وهسة طليقتك ومثل ماانت شفت حياتك .. هي هم من حقها تشوف حياتها وتتزوج ..

اتسعت عيون ضرغام :شذی مستحيل تتزوج

مثنی:ليش؟؟؟بعدها صغيرة وحلوة وشاطرة

ضرغام بعصبية واطراف اصابع يدة بدأت ترجف ووجهه صار احمر :مثنی كاااافي تتغزل بيهة كدامي ..
مثنی:ليش؟؟صرت اعصاب ليكون لهسة تحبها؟؟المفروض هي متهمك واتوقع انك تحب زوجتك ام امير اما شذی فكانت ماضي ولاتهتم اله ..

ضرغام:اكيد مااهتم بيهة كزوجة سابقة لكن لتنسی هي تبقی بنت خالتي
مثنی:اذا متهمك من ناحية كزوجة فااحب اخبرك اني معجب بيهة ..

ضرغام انتفض جسمه كله زادت دقات قلبه وزاد تنفسه :مو زودتها بعدك مطلقت وحطيت عينك علی غير وحده ..
مثنی:لا مزودتهة بالعكس اني احسها اكثر انسانه مناسبة اليه والموضوع بعده بالبداية اريد اتعرف عليها اكثر ، بس حاليا هي عاجبتني كلش ولحد هذي اللحظة مشفت بيهة بس عيب واحد وهو انها مطلقة ..
بعدها تمشی مثنی تاركا ضرغام اعصابه نار نزل للارض حمل موبايلة اللي انكسرت شاشته .. ابتسم وبينه وبين نفسه بسيطة ياشذی وتمشی للجناح اللي فيه طفلة وفجأة سمع صوت اطلاق نار بالمستشفی ركض ضرغام واغلب كادر المتواجد باتجاه مصدر الصوت ..
.
.
في مكان اخر ....

عم الطفلة علا :لازم نقتلها ونغسل عارنا
والد الطفلة علا :تقتل طفلة مالها ذنب وعن ياعار تحجي ؟؟ قابل هي راحت بنفسها .. روح منا روووح
عم الطفلة علا :انت واحد خبل بدل متستر بنتك فضحتنا فضيحة وخليتنا علچ بحلك الناس .. شكول شكول بدت تحجي عن فضيحة بنتك ..

والد الطفلة :احسان روح منا لتشوف شي ميعجبك
احسان :جاي تهددني وضرب والد علا ودخل للغرفة اللي كانت بيهة شذی وعلا ووالدتها وممرضة ركض وبيده مسدس يريد يقتل علا ..صاحت شذی :انت شلون دخلت سلاح للمستشفی اطلع بررررة ..

احسان:بعدي عن طريقي دفع شذی وتوجه باتجاه الطفلة اللي كانت تبكي وتصرخ .. دخل والد الطفلة وابتدأ الشجار وفجأة انطلقت الرصاصة استقرت بكتف شذی ..
.
.
.

اقترحوا علية المحاميين انه اكمل دراستي خصوصا معدلي يسمحلي ادخل قانون ، ولهذا السبب قررت اداوم الصبح بالكلية واشتغل العصر وادرس بالليل حتی اشغل نفسي عن شي اسمه ضرغام ..
صفحات اخری ....
بدت تتحسن نفسية حسن وهذا كله يرجع لوجود ثناء بالبيت .. امممم اتوقع ابتدأ يحبها وبدأت ترجع ثقته بالنساء .. بعدما كره كل النسوان ، حتی اني كرهني ، ويارب تكون ثناء من نصيبة لانها حبابة والاطفال هم يحبوها ..
بديت اشتغل بالقضايا وية المحاميين بالمكتب وشالوا عني مهمة الطابعية ، والكل يمدح بية وبشغلي والحمد لله اني كسبت ثقة الكل ، وطلب مني الاستاذ علي اني انضم لمنظمة الدفاع عن حقوق المرأة .. خصوصا هو يعرف معاناتي الكاملة بهذا الموضوع ..
صفحات اخری ....
اليوم شاركت بمؤتمر للدفاع عن حقوق المرأة وفعلا اللي يشوف مصايب غيره تهون عليه مصيبته .. الحمد لله علی كل حال ..
صفحة اخری ..
صار 3 سنوات من طلاقي ولهذه اللحظة احبه .. ياربي انزعة من قلبي تعبت والله تعبت من هذا الحب .. احاول قدر الامكان ان الهي نفسي اشتغل ادرس وماابقی وحيدة حتی ماانطي مجال لنفسي اتذكره ، لكن مجرد ماادخل الغرفة ترجع كل ذكرياتي وارجع ابجي ويتكرر السيناريو اليومي .. ان شاء الله يجي يوم مااذكرك بيه ..
لقد وصفوا الليل بانه لهفة العشاق،لكن ماذا عن الذي ارهقة السهر يشكي وجعا في يسار صدره؟؟؟
اغلقت شذی الدفتر وتوجهت الی السرير ونامت
في مكان آخر ..
ضرغام: إي شبيك ضايج؟؟
مثنی:الخانم رفعت قضية بالمحكمة طالبة الطلاق ..
ضرغام:لابربك تحجي صدك ولاتوقعتها تسويها
مثنی: مااطلگ واريد اشوف شتسوي
ضرغام :وليش متطلگ،اخلص منها شو انت اصلا متحبها ..
مثنی :ادري مااحبها بس مااكدر اتخيل نفسي بدون مرة ..
ضرغام: هههههه تزوج
مثنی :ههههههه تدري ياضرغام كنت اتمنی اعيش قصة حب مثلك انت وام أمير ..
ضرغام: لعد شناقصك؟؟
مثنی: تزوجت سمر وكل عقلي تحبني وطلعت تحب الفلوس والمظاهر .. اهم شي عدها انه تتكشخ بارقی الموديلات بحجة انها زوجة دكتووووووور .. صحيح كانت تشكخ وتلبس واني وياك بهاي الناحية ابد مقصرت وياي ، بس مشكلتها كمشاعر باردة وياي .. ابد محسيت بحنانها تجاهي ولاباهتمامها ، اذا اتأخر متتصل ولاتسأل عني ابد مو مثل أم أمير كل شوية تخابرك ..
ضرغام: لتحط عينك علينه لاافكسهن لعيونك ههههه
مثنی :لاعمي اني مااحسد ، بس اتمنی من زوجتي تهتم بيه ربع اهتمامها بنفسها ..
ضرغام : وانت ليش مكعدت وحجيت وياها بهذا الموضوع ..
مثنی :ههههههه تكول كل فعل رد فعل .. انت ابد ممهتم بيه واهم شي عندك شغلك وأبد متسأل عني ، وكل مرة أسال عنك او أخابرك تكولي مشغول ..
ضرغام :حقها يااخي اسأل عنها
مثنی :أي غير عندي شغل
ضرغام :المرة حقها وانت الغلطان
مثنی :انت وية منو؟؟هااااا
ضرغام :وية الحق هههه
مثنی :كووم منا ياابو الحق .. اني باجر اخلي استاذ عصام يتكفل بالقضية والاطحين ..
ضرغام:ههههههههههههه الله يهديك ..
ثاني يوم اتصل بالمحامي عصام المشهور جدا وعنده مكتب كبير يضم مجموعة محاميين تحت تصرفة ، واخذ موعد من الاستاذ عصام وراجعهم مثنی .. وحجاله القصة كاملة ..
عصام:اعتذر منك دكتور مثنی ، لكن منگدر نستلم قضيتك ..
مثنی: ليش؟؟؟؟
عصام:لان احنه مكتب متخصص بقضايا الجنايات مناخذ قضايا الطلاق ..
مثنی:اني اجيت الكم بناءا علی سمعتكم الطيبة
عصام:شوف دكتور اكو محامية اشتغلت ويانا اربع سنوات وقبل كم شهر فتحت مكتبها الخاص .. روح اسأل استاذ علي يمكن يندل عنوانها هي محامية شاطرة وذكية واتوقع تگدر تلزم قضيتك ..
مثنی:أها خير ان شاء الله ، راح اخذ العنوان ونشوف.
اخذ دكتور مثنی عنوان المحامية ودخل علی المكتب طلب من السكرتيرة مقابلة المحامية دخل مثنی لغرفة المحامية
:السلام عليكم
رفعت شذی راسها
:وعليكم السلام
ارتبك مثنی من شاف شذی خصوصا وهو يعرف انه هي طليقة صديقه
: أأأ أعرفج بنفسي دكتور مثنی زياد
شذی :أهلا وسهلا تفضل اخي،بدة مثنی يحجي لشذی قضيته وية زوجته
شذی:بس اني اشوف انه مشاكلكم بسيطة تكدرون تحلوها بالتفاهم بدل المحاكم ولتنسون ابغض الحلال عند الله الطلاق ..
مثنی(بنفسة يكول ياربي شنو هالورطة هسة حظي مجابني الا عليها لازم اتصرف واشرد منا) :والله اني مااريد اطلق ، بس المشكلة المدام عنيدة واني مااكدر البي طلباتها .
شذی:اوكي اني احاول اتوسط بيناتكم وان شاء الله تقبل تتنازل عن القضية
مثنی(ياربي شوف الفرق بينها وبين هذيج بالرغم هذي محامية وعدها شهادة لكنها متواضعة بتصرفاتها وبلبسها متجي سمر تتعلم منها) :ست شكد الاتعاب؟؟(شكد متطلب راح اكول غالي واترك المكتب واطلع)
شذی:ان شاء الله منختلف بهيج امور واذا صار صلح بيناتكم فماراح اطلب فلوس ..
مثنی(خررررب رحت بيهة يامثنی شيخلصك من ضرغام): تمام هسة اترخص.
شذی:اوك ماكو اشكال بس اترك رقمك وعنوانك يم السكرتيرة.
بعدما طلع مثنی من المكتب دخلت دعاء لغرفة شذی :وج شنو هذا الصاك
شذی :هههه عليه لون عيون يخبلن اصلا استحيت اباع بوجهة ههههههه ضليت بس منزلة راسي
دعاء :گبر مو شكولات نعمة لو اني منچ ابقی اباع بس بوجهه 🌚
شذی :هههه وجع عود هاي انتي المتزوجة
دعاء :وج امس قريت علی الفيس يكولون النظر الی وجه الوسيم لعدة ساعات يطيل العمر ويؤخر الشيخوخة وتدرين اللي عندي وجهه مزنجر 😂😂 ..
شذی:😂😂😂😂 وج كافي خلينه نشتغل.
ليلا....
ثناء&شذی&دعاء
دعاء:وج سكتي اليوم اجانة مراجع للمكتب شلون شكل اذا تشوفيه تعوفين حسن🐸
ثناء:ولي اني حساني ماابدلة بمليون رجال
شذی:ههههه الله يخليكم لبعض هذي دعاء من العصر لهسة متخبلة علی مثنی وين متروح تحجي عنه
دعاء:اي غير حقي من زمان مشايفة حلوين 🌚
ثناء:شنو قصته؟؟
شذی:مرته رافعة عليه قضية طلاق
دعاء:😲😲 هذي مرته وحده خبلة شلون ترفع قضية طلاق علی هيج جمال.
ثناء:يعني هو الشكل اهم شي عندج ثول شبيج مشايفة
دعاء:ثول الثولج انتي وياها وج اكيد مشايفه هيج جمال عفية شذی كوليلة خل يطلگ واني موجودة
شذی:انجبي ادبسز والله لو يعرف زوجج
دعاء:لاوالله صدك ياريت يطلكها ويوكع بحب شذی وتتزوج شذی ونخلص منها
شذی:كاعدة علی كلوبجن وبدت تركض وراهن حتی تضربهم.
ضرغام:هابشر شصار؟؟؟
مثنی:هااا والله وكلت محامي بالموضوع ..
ضرغام:أي
مثنی:مصار شي احتمال تحل بالصلح او اطلق
ضرغام:خير ان شاء الله.
دخل عليهم ممرض وهو في حالة ارتباك
مثنی:شلون تدخل بدون استئذان
الممرض:دكتور حالة طارئة طفلة مغتصبة وعدها نزف حاد ..
ضرغام&مثنی:هاااااااا
مثنی:اتصل بالشرطة بسرعة
ركض مثنی لغرفة الطفلة والطبيبة كانت تفحصها اما الطفلة مجرد ان شافت مثنی گدامها بدت تصرخ بصوت عالي .. صاحت الدكتورة
: دكتور مثنی من فضلك اطلع برة .. الطفلة بحالة صدمة وتخاف من رؤية الرجال ..
طلع مثنی من الغرفة:لاحول ولاقوة الا بالله العلي العظيم ..
ضرغام:شگد عمرها؟؟
مثنی:ماادرها اقدرها ستة سنوات او أقل ..
ضرغام:استغفر الله هذا شنو من كائن اللي سوة هيج بطفلة ..
مثنی:هسة تجي الشرطة ونشوف .. بعدها سمعوا صوت رجل يصرخ بصوت عالي الا اكتله الا اموته هذا الكلب الحيوان دنت نفسه علی طفلة .. بعد شوية جتي الشرطة وبدأت التحقيقات مع الاهل ..
الشرطة:شنو اسم الطفلة وشكد عمرها وشلون صارت الجريمة؟؟؟
والدة الطفلة:اسمها علا عمرها خمس سنوات اني صارت عندي طلعة للسوك والرجال رجع من الشغل تعبان .. مقبل ابقي الاطفال يمه فحطيتهم يم الجيران هي وبنتي الثانية اكبر منها ، وابني صغير ومااعرف شلون صارت ..
والد الطفلة : جنت نايم اجتني الطفلة صحتني من النوم وتبجي وملابسها كلها دم وبعدين من سالتها وشفت الدم منين ينزل فهمت شصاير ..
الضابط:انت تتهم منو؟؟
والد الطفلة:ماكو بالبيت غير بس سعد ابن الجيران فاكيد هو اللي سواها ..
طبعا سعد هرب محد يندل وين راح
بعد اسبوع .....
شذی حاولت ان تصلح بين مثنی وزوجته سمر لكن محاولاتها باءت بالفشل ، لان سمر كانت شرطها الاساسي ان زوجها تريده يترك فكرة الدراسات العليا ويقلل من اوقات عمله ويتفرغ لها ، وكان مثنی متعصب برأيه وميقبل بطلبات زوجته .. لهذا السبب باشرت شذی باجراءات الطلاق ، وبخلال هذي الايام مثنی ابتدأ ينعجب بشذی وبشخصيتها وبشكلها واسلوبها ويوم عن يوم يزيد تفكيره بشذی ، لكنه كان يأنب روحه انه ميكدر يتزوجها لانها كانت طليقة صديقه ، فكانت مشاعره مضطربة وحاول يشغل نفسه بالشغل لكن بين فترة وفترة يتذكر شذی ويبتسم ..
والد الطفلة علا رفع قضية ضد سعد ومسك القضية المحامي المشهور عصام .. حاول عصام وعلي يسألون الطفلة بعض الاسئلة ، لكن الطفلة علا مجرد ان شافتهم حتی بدأت بالصراخ .. كانت عده ا رهبة وخوف من كل رجال ، فطلب عصام ان يتصلوا بشذی حتی تجي وتمسك القضية ، لان بامكان شذی تدخل لغرفة الطفلة وتسألها .. قبلت شذی بالقضية بالرغم من ترددها في الموضوع لانه تعتبر اول قضية تخص جنايات تمسكها شذی ، فاغلب القضايا اللي مارستها هي العقاري وقضايا الطلاق ..
دخلت شذی للمستشفی وماكانت تعرف انه هذي المستشفی يكون مالكها الاصلي ضرغام ، وماكانت تعرف انه مدير المستشفی دكتور مثنی وهي كانت تمشی بالممر وهي مبهورة بضخامة البناء ونظافة ونظام المستشفی وبنفس الوقت كان هناك شخص يمشي وماسك الموبايل بيده ويتصفح بيه ويمشي بسرعة فانصدموا صدمة قوية فسقط الموبايل وانكسرت شاشته صاح
: انتي عمية متشوفين ورفع راسة وتفاجأ بالوجه اللي كدامه.
شذی صاحت:انت اللي تمشي سريع وممنتبه لطريقك رفعت راسها وتفاجأت ..
بنفس الوقت
شذی : ضرغام شتسوي هنا
ضرغام : شذی شتسوين هنا. (صارت فلم هندي 😒)
شذی : عندي شغل ممكن تبعد شوية لتأخرني عن شغلي ومشت ..
ضرغام مسك ايدها : وين رايحة ومنو سمحلج تدخلين لهذي المستشفی وموبايلي الايفون 6 كسرتي شاشته.
شذی نظرت له بنظرة تحدي
:اني اللي سمحت لنفسي ادخل لهما وبعدين انت شكو ضايج قابل داخلة بمستشفی الخلفوك ؟؟
ضرغام : ليش حضرتج متعرفين هاي المستشفی ملك الدكتووووور ضرغام ..
الخبر صدم شذی وارتبكت من الموضوع فجأة تدخل عصام ومثنی ..
عصام : اهلا ست شذی واخيرا اجيتي .. صار اكثر من ساعة منتظرج ..
شذی:اسفة كانت عندي مرافعة بالمحكمة خلصتها واجيتكم .. شلونك دكتور مثنی؟؟
مثنی ارتبك :اهلا ست شذی الحمد لله انتي شلونج
شذی :علی خير مايرام .. ان شاء الله الاسبوع الجاي الجلسة الاولی للقضية ..
مثنی :ان شاء الله خير.
عصام:نسيت اعرفج دكتور ضرغام صاحب المستشفی ..
شذی ابتسمت ابتسامة سخرية 😏:اهلا وسهلا تشرفنا ..
ضرغام بدأت دقات قلبة تدق بسرعة وميعرف السبب مجرد وجودها جنبه اربكه وبنفس الوقت انزعج لانه مثنی يعرفها ..
عصام:يلة بنتي تعالي اعرفج علی هذي الطفلة ومشت هي وعصام ..
ضرغام&مثنی.......
ضرغام:اتذكر انك اوكلت محامي شو طلعت محامية ؟؟
مثنی:والله اني بالبداية ردت استاذ عصام يمسك القضية بس هو حولها علی شذی واني من دخلت مكتبها تفاجأت والله وبعدين انحرجت اخبرك بالموضوع ..
ضرغام :خاف اكو شي ببالك فاخبرك هذي تصير بنت خالتي وزوجتي ..
مثنی :السابقة او طليقتك صح لو اني غلطان ؟؟
ضرغام:وان يكن تبقی .. وسكت
مثنی :تبقی شنو؟؟ المرة كانت زوجتك وهسة طليقتك ومثل ماانت شفت حياتك .. هي هم من حقها تشوف حياتها وتتزوج ..
اتسعت عيون ضرغام :شذی مستحيل تتزوج
مثنی:ليش؟؟؟بعدها صغيرة وحلوة وشاطرة
ضرغام بعصبية واطراف اصابع يدة بدأت ترجف ووجهه صار احمر :مثنی كاااافي تتغزل بيهة كدامي ..
مثنی:ليش؟؟صرت اعصاب ليكون لهسة تحبها؟؟المفروض هي متهمك واتوقع انك تحب زوجتك ام امير اما شذی فكانت ماضي ولاتهتم اله ..
ضرغام:اكيد مااهتم بيهة كزوجة سابقة لكن لتنسی هي تبقی بنت خالتي
مثنی:اذا متهمك من ناحية كزوجة فااحب اخبرك اني معجب بيهة ..
ضرغام انتفض جسمه كله زادت دقات قلبه وزاد تنفسه :مو زودتها بعدك مطلقت وحطيت عينك علی غير وحده ..
مثنی:لا مزودتهة بالعكس اني احسها اكثر انسانه مناسبة اليه والموضوع بعده بالبداية اريد اتعرف عليها اكثر ، بس حاليا هي عاجبتني كلش ولحد هذي اللحظة مشفت بيهة بس عيب واحد وهو انها مطلقة ..
بعدها تمشی مثنی تاركا ضرغام اعصابه نار نزل للارض حمل موبايلة اللي انكسرت شاشته .. ابتسم وبينه وبين نفسه بسيطة ياشذی وتمشی للجناح اللي فيه طفلة وفجأة سمع صوت اطلاق نار بالمستشفی ركض ضرغام واغلب كادر المتواجد باتجاه مصدر الصوت ..
في مكان اخر ....
عم الطفلة علا :لازم نقتلها ونغسل عارنا
والد الطفلة علا :تقتل طفلة مالها ذنب وعن ياعار تحجي ؟؟ قابل هي راحت بنفسها .. روح منا روووح
عم الطفلة علا :انت واحد خبل بدل متستر بنتك فضحتنا فضيحة وخليتنا علچ بحلك الناس .. شكول شكول بدت تحجي عن فضيحة بنتك ..
والد الطفلة :احسان روح منا لتشوف شي ميعجبك
احسان :جاي تهددني وضرب والد علا ودخل للغرفة اللي كانت بيهة شذی وعلا ووالدتها وممرضة ركض وبيده مسدس يريد يقتل علا ..صاحت شذی :انت شلون دخلت سلاح للمستشفی اطلع بررررة ..
احسان:بعدي عن طريقي دفع شذی وتوجه باتجاه الطفلة اللي كانت تبكي وتصرخ .. دخل والد الطفلة وابتدأ الشجار وفجأة انطلقت الرصاصة استقرت بكتف شذی ..
ليتنا نستطيع ايقاف الزمن علی لحظات كنا بها سعداا .
دخل ضرغام للغرفة .. شاف شذی متمددة علی الارض غرگانه بدمها .. ركض باتجاهها وصاح بصووت عالي :شذذذذذذی حملها وركض في المستشفی ويصيح : تعاااالوووو نقذوووها بسررعة ..
ركض الكادر الطبي خذوها لصالة العمليات وقف ضرغام خارج الصالة مرعوب وافكاره كلها يم شذی ويدعي ربه ينجيه ...
مثنی ....
من سمع صوت الاطلاق ركض من مكانه .. شاف كدامه ضرغام بحاله هستيرية ويصرخ بصووت عالي
: نقذوووها نقذووووقها لتخلوها تموت .. صرخ مثنی بالكادر بسرعة لصالة العمليات بسررررعة ..
عصام ...
كان في الكافتيريا ويناقش وية المحامي علي بالموبايل سمع اطلاق الرصاصة
:سمعت اطلاق نار بالمستشفی
علي:خو ماكوشي مستشفی ميدخلون سلاح بيهة .. انتبه عصام الی جلبة الكادر سأل احدهم فخبره انه احد اقارب الطفلة المغتصبة اطلق نار واصابت المحامية المتواجدة بالغرفة ، وكل هذا كان علي يستمع لكلامها بدة يصرخ
: استاذ الله عليك بسرررعة روح شوف شذی شبيها؟؟واني هسة بسرعة جايكم ..
بعد فترة طويلة طمأن الطبيب اهل الشذی وانه ماطو شي يخوف .. في المستشفی كان حسن متواجد ووالدها وعصام وعلي .. اما ضرغام دخل حضر العملية يراقب اللي يصير وبقی مرافق لشذی حتی بعد خروجها من صالة العمليات .. كانت شذی في غرفة لوحدها منع اهلها من زيارتها ..
كان ضرغام جالس علی كرسي بالقرب من سريرها وعيونه علی شذی تذكر ايام حبه لها تذكر كيف كانت تعامله سأل نفسه ليش ابتعد عنها؟؟ كان جواب عقله انها ضعيفة الشخصية وانها مهملة لنفسها ، لكن اجابه قلبه انه انت اللي مااعطيتها فرصة تعدل من نفسها انت اللي جعلت منها مهملة ، لانه كنت تطلب منها خدمة اللي بالبيت كلهم .. انت اللي تزوجتها وجعلت منها خدامه بالبيت بدال متخليها ملكة ، سأل نفسه انت تحبها ياضرغام؟؟ اختنك وماعرف شنو يجاوب احبها لو احب خلود؟؟ اني احب خلود زوجتي لانه وجدت فيها الانسانه اللي تلبي كل احتياجاتي من الناحية الجنسية الی المنظر اللائق بالمجتمع ، وهي تحبني يمكن حبيت حب واهتمام خلود الي ، لكن لو كنت انت تحبها ليش تغار من تشوف شذی تتكلم وية شخص ثاني؟؟ ليش ضجت من عبر مثنی عن اعجابه بشذی؟؟ليش من شفتها متصوبة تخبلت وحسيت گلبك تمزق وهي بهذي الحالة؟؟ خفت لانك ممكن تفقدها بلحظة؟؟ دخل عليه مثنی للغرفة تقربت من ضرغام وحط ايده علی كتف ضرغام :كافي ضرغام اريد ادخل اهلها , حتی يشوفوها واخاف يشوفوك هنا وتصير مشكلة
ضرغام كان نظره موجه لشذی : بس شوية
مثنی:طولت هواية ، وهذي تصرفاتك بعدين نتكلم اني وياك بيهة , بس هسة راح يدخل الكادر الطبي حتی ينقلوها لغير غرفة وصدك موبايلك خبلني كل شوية تتصل عليك ام امير تفضل اخذه خابرها ..
مرة ثلاثة ايام وصحة شذی تحسنت .. كانت دعاء مرافقة لها ومتتركها , ولهذا السبب ضرغام مكدر يدخل يشوفها , وبعد مگدر يتحمل طلب من مثنی يطلع دعاء من الغرفة , حتی يدخل يشوفها وفعلا مثنی نفذ الخطة وطلب من دعاء تجي لغرفته , حتی يتكلم وياها بخصوص صحة شذی ..
دخل ضرغام الی غرفة شذی بخطوات بطيئة قلبة يدگ بسرعة كلما يتقدم خطوة تزداد دقات قلبه اكثر .. انتبهت شذی انه ضرغام واقف گدامها .. ارتبكت وبقت تنظر له بصمت ..
ضرغام : حمد لله علی السلامة
شذی : الله يسلمك اشكرك اخي
ضرغام : ههههههههه أخي هههههه عود هاي شنو؟؟؟
شذی : حاليا انت انسان غريب عني واعتبرك مثل اخوية لااكثر ..
ضرغام تقرب باتجاه شذی تقرب اكثر وصاروا وجها لوجه : احنه عمرنا ماكنا اخوة ، حتی واحنا صغار ماكنت بيوم من الايام اعتبرتج اختي .. تردين بعد هذا العمر كله اعتبرج اختي؟؟ باأحلامج ..
شذی:هسة راجع شتريد مني؟؟
انتبه ضرغام لقربه من شذی رجع ابتعد اسند ظهره علی الحائط
: مرايد شي بس حبيت اشوفج لااكثر ..
فجأة شذی ابتسمت وبدت عيونها تلمع وكانها كانت نظرات حب .. تفاجأ ضرغام وبينه وبين نفسه معقولة لهسة تحبني؟ اي ضرغام هاي النظرات نفسها كانت تنظر بيهة اليه .. قاطع افكاره شاب وسيم مبتسم وينظر باتجاه شذی نظرات عاشق ولهان : راح ابقی بالباب لو ادخل ؟؟
ابتسمت شذی بخجل : تفضل استاذ علي انت من الاهل تدخل بدون استئذان دخل وتقرب منها
: شلون صرتي ؟؟ خوفتيني عليج گلبي راد يوكف من كالوا انصبتي بطلقة ..
شذی :الحمد لله احسن وسلامة قلبك
ضرغام :احم احم
انتبه علي الی ضرغام:العفو ماكنت اعرف اكو احد يمج ..
شذی نظرت نظرة سخرية الی ضرغام :لا هذا مالك المستشفی اجه يتطمن علی صحتي .. تعرف بعد مستشفی وصار بيه اطلاق نار فاكيد خايف علی سمعة المستشفی ..
شبت نار الغيرة والغضب من ضرغام :اني حبيت اتطمن لاااكثر عالعموم اني طالع لان تأخرت .
خلود&ابتسام في اتصال هاتفي ...
خلود :صار كم يوم كلش متغير بارد ومتغير هواي
ابتسام :يجوز ضغط بالشغل.
خلود :لااني اشك ضرغام يخوني.
ابتسام :لا مستحيل ضرغام يحبج ومستحيل يخونج
خلود :ابتسام والله احساسي ميخيب .. احسه ميحبني مثل قبل .. نظراته اليه مو
نظرة حب .. احس نظراته باردة .. قبل من كنت احضنه اسمع دقات قلبه يبادلني الحضن .. هسة غير والله هواية تغير .. خايفة شايفله وحده غيري حتی من اتصل ميرد عليه ولايسمعني كلام حلو مثل قبل ..
ابتسام:والله ماادري اصبري عليه كم يوم .. يجوز تعبان ..
خلود:راح اصبر واشوف ولو احساسي يگول اكو شي
ابتسام :ان شاء الله ماكو الا كل خير
خلود:افكر اروح لأم سيف اسوي عمل اربطه وبعد ميشوف غيري ..
ابتسام:خلود كافي فلوسج كلها علی هيج سوالف ماتعبتي؟؟
خلود :اي شي يخص ضرغام مااتعب ولاامل ولازم اخليه بس اليه ..
ابتسام:استغفر الله اني بعد معليه بيج ، لان تعبت والله تعبت كل يومية اشوف احلام مرعبة لااكدر انام ومرات اشوف شغلات اللي بالبيت ميشوفهة احد غيري كافي خلود ..
خلود:مااكدر ابتسام اني احب ضرغام اموت عليه موبيدي اتخبل اذا راح من عندي ..
ابتسام:كافي مو قبل سنتين سويتي عمل حتی يحبج ويتعلق بيج اكثر بعد شتردين؟
خلود:اريده محبس باصبعي.
ابتسام:شوفي اللي يريحج سويه اني بعد معليه وحتی اذا خابرتج لتحجيلي عن سوالفج .. نفسيتي تدمرت بسببج وبسبب ام سيف ، مااعرف انتي شنو من قلب عندج حتی الطفل البرئ اللي ذنبه الوحيد ابن شذی قتلتيه موكافي ؟؟
خلود:لا موكافي اي احد يشاركني بالانسان اللي احبه اقتله حتی لو كان اطفالي
رجعت دعاء لغرفخة شذی وصلت لباب الغرفة شافت شذی وعلي يسولفون وكانت ملامحهم تدل علی انهم عشاق فرحت دعاء لهذا الشي ودعت ربها انه يكونون لبعض ، وبعد ماطلع علي دخلت دعاء للغرفة:هلاو عيني هلاو ضامة علينه الموضوع ياظالمة ..
شذی:ياموضوع؟؟
دعاء:انتي وعلي.
شذی:ولج والله ماكو شي احسبه مثل اخوية.
دعاء:اذا انتي تحسبيه مثل اخوج .. مااعتقد هو حاسبج اخته لان لو شفتي نظرات عيونه تگولين عاشق ولهان ..
شذی:لا غلطانه هو يحبني لحبه لمحسن اخوية لااكثر ..
دعاء:ياخبر اليوم بفلوس بكرة يبقی ببلاش .
شذی:تدرين شغلة هو قبل سنتين راد يتقدم واني رفضت ..
دعاء:ليش؟؟
شذی:اممممم اول شغلة مشاعر ماعندي تجاهه وثاني شغلة مااريد اظلمه وياي هو بعد ممتزوج واني مطلقة
دعاء:هذا مو ذنبج
شذی:ماادري بس بوقتها حسيت انه من حقه يتزوج بنية مو ياخذ مطلقة
دعاء:وهسة؟؟؟
شذی:اول شغلة ماانطيت لنفسي افكر بيه وثاني شي ظهور ضرغام مرة ثانية خربط افكاري كلها ..
دعاء:استغفر الله شلون يعني وية ضرغام الجلب عوفييييه وفكري بمستقبلج. .
شذی:الله كريم .. احجيلي الشغل شخباره؟؟
دعاء:تردين تغيرين موضوع 😒 اهل علا تنازلوا عن القضية ..
شذی:نعم؟؟ شلون يتنازلون وشرف بتهم؟؟
دعاء:الولد تزوجها
شذی:هي عمرها علی مااذكر ستة سنوات او أقل وهو عمره 25 سنة كيف تزوجوا؟؟
دعاء:مجرد عقد محكمة وبنفس الوقت طلقها
شذی:هذولة صدك تخبلوا
دعاء:حبيبتي همة رادوا الستر لبتهم ومدام حصلت علی ورقة طلاق فصار عادي.
شذی:استغفر الله هذا الخبر ضوجني....
بعد عدة ايام اتفقت خلود وية ام سيف حتی يسوون سحر لضرغام وام سيف خبرتها حتی يكون السحر قوي وثابت لازم يندفن بالقبر وية جثة جديدة .. قررت سحر تحط منوم لزوجها واطفالها وتطلع بالليل وية ام سيف للمقابر حتی يدفنون السحر ..
ليلا.....
خمسة شباب(يوسف،عبد الله،خضر،منذر،جاسم)راكبين سيارة وسكاری وماخذين حبوب هلوسة فجأة سيارتهم وگفت قريب المقابر ..
يوسف ترك السيجارة علی الارض وبعصبية :خرررررب يومج هسة وكتج تعطلين.
عبد الله:اكولك هاي عطلت لو خلص البانزين؟؟؟
يوسف:ماادري قابل اني بنچرجي .
خضر:اكولكم منبقة هنا اني اخاف من المقابر
منذر:دلوع الماما يخاف .. تعال ماماتي اسويلك ممة
البقية ، وبدوا يضحكون عليه ..
يوسف:كافي ضحك امشونه للمقبرة بلكت نشوف دفان حتی يساعدنه.
خضر:اني مااتحرك من مكاني .. تحرك جاسم باتجاه خضر ورفعة علی اكتافه ودخلوا المقبره يضحكون ويقلدون علی خضر .. أما خضر كان خايف ومرتعب من دخول المقبرة ودموعه بعينه يريد يبچي .. فجأة توقف يوسف :أششششش
البقية :شكووو
يوسف :شفت جني
خضر :يمممماااااه شلون بيه 😭😭😭😭
الكل ماعدا خضر:😂😂😂😂😂
عبد الله:يوسف كافي لتصير صدك وهسة يطلع جني
يوسف:اني مااؤمن بالجن .. هذا الحديث همة ويمشون يتكلمون بيه .. بدأ الكل يسمع صوت حفر ودگ انرعبوا ..
خضر:تسمعون اللي اسمعه
جاسم:اي اني سمعت
منذر:خاف جاي يدفنون احد؟؟
تقدم يوسف ومشی بسرعة :ماادري نروح ونشوف
عبدالله:واذا طلع جني
يوسف كتلك مااؤمن بهيج شغلات .. توجه الكل باتجاه الصوت .. فجأة لاحظوا وجود ضوء وصوت باحد السراديب الموجودة توجهوا كلهم باتجاه السرداب .. فتح يوسف باب السرداب وشاف اثنين نسوان يحفرن باحد القبور ..يوسف بدو يصفق بايديه :امهات السحورة متكعدن راحه يا $/^&^$$^&/$$/:^&،
نزل يوسف والبقية للسرداب اما خلود بقت تصرخ وام سيف ترجف من الخوف ..
يوسف ضرب خلود كف :شتسون هنا
ام يوسف :ابني كلشي منسوي منذر تمشی باتجاه القبر المنبوش شاف قطع قماش ملفوفة بكيس نايلون .. عوفهن يوسف خطية هذني كلشي ميسوون بس يدفنن سحر يا#$^&** وضرب ام سيف برجله علی بطنها (دفرة)
صاح يوسف : شباب رزق واجانه نترك نعمة الله؟
صاحوا بصوت واحد : اكيد لا
يوسف :هذي العجوز راح تكون نصيب منو؟؟
منذر :هاي اكسباير متفيد
عبد الله:لاحبيبي ماكو شي اسمه اكسباير .. هذي العجوز مقبلات وهذيج الحلوة الوجبة الدسمة
يوسف :اني مااحب المقبلات 😑 خلوها الكم ..
منذر:انطوها لخضر هو هم اكسباير مثلها ..
خضر:اني مااعرف
جاسم:خرررب يومك ساعة السودة اللي جبتك للشلة مالتنه راقبنا شنسوي وصير مثلنه ..
اشتعل يوسف سيجارة وحطها بحلگه :هاي العجوز وخروها من يمي اخذوها لغير مكان وانتي (أشار الی خلود) يلة نزعي هدومج ورگصيلي (خرج الجميع خارج السرداب منتظرين يوسف)
خلود بدأت تصرخ :لالالالا مااأريد
يوسف:سمعي لچ يا$/^&*^$ رضيتي او مارضيتي اني راح اسوي اللي أريده ، ومو بس اني هذولة الاربعة اللي وياي هم (ابتدأ ينزع القميص) فأحسن الج تتعاونين ويانه او اذا يعجبج نضربج ونكسر راسج وهم وراها نسوي اللي نريده ..
خلود بدأت تصرخ بصوت عالي:لالالالالا الله يخليك شتريد انطيك فلوس ذهب اي شي تريده ،بس عوفني .. تقرب يوسف من خلود اطفأ السيجارة اللي كانت بيده علی جبهتها بدأت تصرخ من الألم ..
جاسم :الظاهر صاحبنه بدة .. يلة منذر اكل حمص بطحينه واني وراك منذر سحب العجوز ، وهكذا اغتصبت خلود وام سيف من قبل الشباب الخمسة ...
صباحا...
صحی ضرغام من النوم ورأسة يوجعه .. بدأ يبحث عن خلود ، لكن بلا جدوی .. حمل التليفون واتصل عليها..
في السرداب كانت خلود عارية تماما وفاقدة للوعي وكان الشباب نايمين صحوا علی صوت الموبايل حمل يوسف الموبايل :الوو
ضرغام :منو انت وين مرتي
يوسف :مرتك؟؟ منو مرتك؟؟
ضرغام :هذا الموبايل لزوجتي وينها انت منو؟؟
يوسف :هااا

يوسف : هااااانت الطرطور زوج هذي ام السحورة
ضرغام :شنو هالكلام الفارغ مرتي وينها ؟؟

يوسف:شوف حبيبي مرتك امس بالليل جتي للمقبرة وية عجوز تسوي سحر ، واني وجماعتي قمنا بالواجب وهسة راح اخذ بعد فد جيم ووراها اخابر الشرطة يجون ياخذوها ..
ضرغام :انت واحد سافل حقير والله اذا تقربت منها اقتلك
يوسف:هههههههههاي تقربت واخذت اللي اريده وانت نايم ومتدري .. حبيب كلبي انت روح نام ومن اشبع منها اجيبها الك باي باي حبيبي امووووواه ..

انتظر يوسف اصدقاءه يصحون من النوم وبعدها خابر الشرطة وانطاهم عنوان ، واجتي الشرطة خذت خلود والعجوز اللي وياه للمستشفی ، لان حالتهن تعبانه كلش ومصابات بنزف حاد واثار ضرب وتعذيب جسدي وحروق بسجائر .. بعد فترة اجه ضرغام للمستشفی وشاف زوجته خلود اللي ملامح وجهها مختفية من الضرب .. بعدها توجه ضرغام لناحية الضابط
: الكلب اللي خطف زوجتي واعتدی عليها لازم يتعاقب ..
الضابط:زوجتك ماانخطفت هي طلعت من البيت بكيفها ..
ضرغام :زوجتي إمرأة مثقفة وسيدة راقية مستحيل تسوي مثل هيج خزعبلات .. هذولة خطفوها واعتدوا عليها

الضابط:كيف تكون مخطوفة وهي وياها حقيبتها وجانت وياها امرأة خمسينية العمر .. اضافة الی اثار القبر المنبوش وبعض الخزعبلات اللي نشك بأمرها انها سحر .. كل هذه الدلائل تشير انها كانت طالعة من البيت بإرادتها والتحقيقات راح تبين كلشي .. اما بالنسبة للي اغتصبها حاليا ماعدنا أي معلومات عنه ، ولاكدرنا نوصله .. اترخص اني ..

تحرك الضابط وترك ضرغام في حيرة من أمره كيف زوجته الانسانه الراقية ينظره ممكن ينخدع بيهة كل هذي السنين ؟؟
.
.
.
تسريع للأحداث / بعد ثلاثة أشهر ...

اعترفت خلود انها كانت ذاهبة للمقبرة ، حتی تسوي سحر وضرغام طلقها ، وخلال هذي الفترة كان يروح لمكتب شذی ويطلب منها انها ترجع له بحجة انه كان مسحور ومو بوعيه .. بنفس الوقت علي اكثر من مرة حاول يتقدم لشذی ، لكن شذی مشاعرها مضطربة وتخاف انها تظلم ضرغام بقرارها ، لهذا السبب قررت تزور خلود بسجن النساء ..

خلود :متوقعت بعد كل هاي السنين اشوفج كدامي
ابتسمت شذی
: كنت دائما اتخيل لقائي بيج كيف يكون ، بس ابد متوقعت لقائنا يكون بهيج مكان وبهذي الظروف

خلود :ههه أكيد شمتانه بيه
شذی :فووووووك متتخيلين
خلود :حقيرة
شذی :مو احقر منج .. اقلها اني مسويت سحر لرجال متزوج واخذته من مرته الحامل ..
خلود:لاحبيبتي اني مسويت سحر لضرغام حتی يحبني .. هو إجاني بإرادته وحبني بإرادته .. شاف بيج الانسانه المهمله لنفسها اللي متعرف ترتبلها حجايتين عدل وشاف بيه الانسانه اللي من مستواه الثقافي واللي يفتخر بيهة كدام الناس .. ههه بس بعدين حسيته لعب بذيلة ، فسويتله سحر حتى يحبني ..

شذی:إنتي چذابة.

خلود:لا موچذابة ليش حتی أچذب؟؟ اني ببداية زواجكم سويت سحر حتى متخلفين بس طلع شغل ام سيف مو شي وحبلتي ، و قبل سنتين سويتله سحر حتی يحبني بس طلع مفعول السحر مو قوي .. اضطريت اسوي واحد اقوی بس للأسف ملحكت اسويه ..

شذی:بعد كل اللي صار بيج عينج وكحة ولامتندمه ..
خلود:اني تندمت بشغلة وحده .. من دفعت فلوس للممرض حتی يقتل ابنج .. كان المفروض ادفع فلوس واموتكم اثنينكم واخلص منكم ...

شذی صارت اعصاب وتنرفزت كلش :ماتوقعت منج تكونين بهيج حقارة ونذالة.

خلود بابتسامه:هههه شتردين تسوين سوي ، لكن يبقی ضرغام يحبني اليه ..
شذی:راح اخذه منج وراح ارجعلة ووراها اجيج ، حتی اتلذذ بشوفة وجهج المعفن ..
خلود بدت تصيح بصوت عالي :اقتلج والله اقتلج اذا اخذتيه
شذی ضحكت بشماته وطلعت من الغرفة : من يضحك اخيرا يضحك كثيرا .. باي باي 😘😘
صغيرة كنت وانت صغيرون
حبنا بدی بنظرات عيون
قالوا تری ذولا يحبون
من الصغر لما يكبرون
.
.
.
.
بعد عدة ايام ....

ضرغام&مثنی...
مثنی :شبيك ضايج يااخي .. عوفها قحط نسوان
ضرغام:مااعوفها اني احبها

مثنی:قبل كنت تكول علی ام امير انك تحبها وهسة شذی هم تحبها ادري گلب لو تكسي ..

ضرغام:كنت غبي وضيعتها من ايدية ، بس هسة غير اريدها الية وبس ..

مثنی:بس هي تستاهل واحد احسن منك يحبها ويصونها
ضرغام :شقصدك؟؟تستاهل واحد مثلك ؟؟

مثنی :الله شاهد عليه صح بالبداية انعجبت بيهة ، بس من عرفت صاحبي يريدها .. بعدتها عن تفكيري نهائيا وحسبتها مثل اختي ، بس البنية انظلمت هواية بسببكم اشوف لو تتركها بحالها كافي ملاحگها من مكان لمكان ....

ضرغام:مااجوز منها وهسة راح اروح لها مرة ثانية

مثنی:لاحول ولاقوة الا بالله العلي العظيم الله يهديك ويعقلك
.
.

.
شذی كانت جالسة بمكتبها وفجاة سمعت هوسة خارج المكتب .. جانت دعاء تمنع ضرغام من الدخول بناءا علی تعليمات شذی ، لكن ضرغام دفع دعاء ودخل للغرفة
صاحت شذی : وبعدين وياك؟؟؟شتريد ؟؟
ضرغام :خلينه نحجي ..
شذی:ماكو كلام نحجي بيه ، يلة تفضل اطلع برة
ضرغام تقرب اكثر من شذی :ارجوج اسمعيني للأخير
شذی :استغفر الله ربي واتوب اليك .. دعاء اتركينه لوحدنه (وبدون مينتبه لها ضرغام اشارت بيدهة لدعاء انه تتصل بحسن حتی يجي للمكتب) خل اشوف شعندك هالمرة .. طلعت دعاء من المكتب وغلقت الباب وراها ..
: يلة كول شعندك؟؟؟

ضرغام :اعرف اني اذيتج هواي .. جرحت مشاعرج، أهملتج ، تخليت عنج ، وعدتج اني اسعدج بحياتج وكنت سبب تعاستج ، وعدتج نقضي اسعد ايام العمر ، لكن اللي شفتيه وياي هو الهم والغم والحزن والدموع . وعدتج نربي اطفالنا سوة ونلعب وياهم سوة ، لكن تخليت عنكم اثنينكم .. اعرف اني قصرت بحقج هواي .. كل اللي اطلبة منج فرصة بس فرصة تخليني احقق وعودي الج

شذی:تريدنا نرجع؟؟بعد كل اللي صار تريدني ارجعك
ضرغام :اي نرجع واعوضج عن كل اللي فات
شذی :اريدك تنطيني سبب واحد .. بس سبب واحد
بعد هذي السنين كلها تخليت عني ولهسة مااعرف السبب ..ليش تخليت عني؟؟لييش؟؟

ضرغام:اني ماتخليت عنج انتي مكانج دائما بقلبي ؛ لكن الله يغفر لها خلود هي اللي فرقت بيني وبينج . هي السبب سوت سحر وخلتني ابتعد عنج ..

شذی :أهاا السبب خلود هم صدك اني نسيت هذي وحده سحارة،وبتنهيدة طوووووويلة اغمضت شذی عينيها وبعدها تقربت باتجاه ضرغام :راح انطيك فرصة وحده ، وتقربت اكثر ضرغام من الفرحة شد شذی باتجاهه وقبلها بشفتها بقووووة 💏 وحاوط خصرها بأيده وإيده الثانية علی رقبتها ..تجاوبت شذی مع قبلات ضرغام .. بعدها بفترة ابتعد ضرغام وهو يتنفس بصعوبة حط جبهته علی جبينها :چنت عارف بعدچ تحبيني ...
.
.
.
تسريع للأحداث...
بتاريخ 31/12/2015. عصرا
.
.
شذی جالسة بالصالة وهي حامل في الشهر الخامس منتظرة رجوع زوجها .. فتحت دفتر مذكراتها القديم وقرأت ..
.
.
اليوم وبعد اربع سنين من طلاقي صار يومين مافكرت بضرغام ولااجه علی بالي اظن اني بديت انساه،ياريت انساه لان تعبت من حبه .. ان شاء الله اكدر انساه ..
.
.
.
اليوم اني كلش فرحانه .. ابوية بدة يحرك رجله والدكتور بشرنا انه عن قريب يكدر يمشي بسهولة .. يارب يحضر زواج حسن وثناء وهو واگف بدون هالكرسي المتحرك ..
.
.
.
فتحت الدفتر علی اخر صفحة كتبت فيها مذكراتها
اني كلش فخورة بنفسي .. گدرت بعد معاناتي كلها ، ادرس واشتغل واتخرج وراح افتح المكتب الخاص بيه .. أما عن حياتي الشخصية فاني اخاف اكرر نفس التجربة وأمر بنفس الالام اللي مريت بيهة من تزوجت ضرغام ، لأني حبيت وعشقت ضرغام مااتوقع اني اگدر اتزوج واحب غيره لانه هو حبي الاول والوحيد . ابتسمت شذی وهي تقرأ هذه الكلمات مسكت قلم بيدها وكتبت
.
.
.
الحب ليس للحبيب الأول ...
الحب لمن إهتم بك وأوفی ...
ولمن إذا أردته في كل مرة أتی ...
الحب للحبيب الأفضل وليس الأول ...
.
.
.
اليوم وفي هذه الليلة لا من عدة ليالي مرت .. انتهت قصة عشقي لضرغام .. جنت اتوقع ان لاحياة لي بدونه .. جنت اتوقع اني مستحيل احب بعد ضرغام ، لانه هو العشق الابدي ، لكن نسيت ان اساس الحب هو الاهتمام ، ونسيت ان الاهمال هو بداية النهاية ..تخلی عني الانسان اللي حبيته حب جنون صحيح تعذبت وبچيت ، لكن بالنهاية نسيت واكبر دليل هو يوم اللي اختبرت فيه مشاعري تجاهه .. اغمضت شذی عينيها وتذكرت ..
.
.
ضرغام :جنت عارف بعدج تحبيني ..
شذی :ممكن توصفلي احساسك ؟؟
ضرغام :حسيت روحي رجعتلي .. حسيت اني لگيت الاستقرار والسكينة .. حسيت بالحنان اللي فقدته سنين ..
شذی :شي حلو ، بس مسالتني شنو جان احساسي ؟؟
ضرغام : اكيد مثل احساسي
شذى : لا .. اني كلشي محسيت ..
ضرغام :نعم؟؟
شذی :كلشي محسيت ولاكانه انت اللي قبلتني قبل شوية .. كل الأحاسيس اللي سابقا جنت احسهة وياك تلاشت ..
ضرغام :لعد كل هذي الحركات وانطيك فرصة شنو معناها ؟؟
ابتعدت شذی قليلا عن ضرغام
: صحيح اني گلت راح انطيك فرصة .. حبيت اختبر نفسي اذا جنت بعدني احبك او لا .. صدگني لو جنت احملك ذرة مشاعر حب جان رجعت لك ..

ضرغام :انتي تلاعبتي بمشاعري
شذی : Im so so sorry baby , بس محد ضربك علی ايدك وجبرك تجي لمكتبي .. يلا عيني تفضل عندي شغل يا حبيبي السابق ..

ضرغام بدة يصرخ :حقيرة سافلة.. جان يريد يضربهة ، لكن شذی ركضت خارج الغرفة باقصی سرعة .. ركض وراها ضرغام تفاجأ ببوكس بوجهه من حسن ..
حسن :والله اذا شفت وجهك مرة ثانية اکتلك واحرگ جثتك يلا برررة ..
.
.
.
.

.
الحمد لله تزوجت من الانسان اللي حبني واني حبيته الانسان اللي قدرني واحترمني وادعي من ربي اكون زوجة صالحه له ..

دخل علي للبيت:شيسوي الحلو؟؟
شذی:هلاو حبي شوكت رجعت؟؟
علي:قبل شوية .. يلة جهزي روحج نروح للدكتورة نريد نعرف راح يجينه بنية لو ولد ..
شذی:اوكي حبيبي ثواني واجهز
علي:قصدج ساعات ..
شذی:😡😡
علي:هههه اسف اخذي وقتج وراح انتظرج وصدك وراها نروح نتعشی بمطعم احتفالا ببداية السنة الجديدة ..
شذی:يارب تكون سنة خير وبركة علينا
علي:يارب
.
.
ثناء وحسن عايشين حياتهم مرتاحين .. حازم بعدما عرف باللي صار بخلود طلق ابتسام ورجعت للعراق بعدما كلت كتله زينه من حازم واخذ أطفالة منها،
.. خلود بقت تنتظر زيارة ضرغام لها ولما يأست منه قتلت روحها بنفس الطريقة اللي انقتل فيها ابن شذی إبره فارغة حقنت نفسها بالهواء وماتت .. ضرغام عايش حياته متندم وماعنده اي هدف بالحياة .. يطبه حريشي ولحد يسالني شنو حريشي لان مااعرف 😑 ..

.
.
تمت بحمد الله..
النهاية..