لليوم التالت علي التوالي مش عارف انام. حاسس اني قلقان و خائف..مش عارف مالي من ساعة ما دخلت الخرابة ديه..نفسي ليلة تعدي علي خير. نفسي يفهموا اني مش مريض. "لا انت مريض متكدبش علي نفسك" صوت في دماغي قال.
"انت فاشل"
"محدش بيحبك"
"تنك"
"مبتعرفش تلعب"
"عمرها ما حبتك"
كل الي بسمعه اصوات اتخنقت حاسس بضيق في صدري. انا مش كويس انا معفن انا زبالة انا فعلاً مبعرفش العب ، هي فعلاً محبتنيش، مبعرفش العب محبتنيش، مبعرفش العب ، محبتن-.."يووووووووه" لقيت نفسي صرخت.
حتطيت راسي بين ايديا و من الغضب لقيت نفسي بعيط. "بتعيط ليه دلوقتي؟" سمعت الصوت تاني
"بس بقي اسكوتوا بقي!" زعقت.
بصيت علي الساعة لقيتها لسا ٨. قومت من سريري و روحت قعدت علي كرسي قدام شباك اوضتي.
حد فتح باب اوضتي بس مبصتش مين. "حسين" بصيت علي الي بيتكلم لقيتها الدكتورة و عم محمد. لفيت راسي و رجعت ابص علي الشباك. "حسين..يلا علشان ده ميعاد الجلسة"
"هو انا مش قولتلك يا عم انت تقولها متجليش بليل ابداً!"
"وربنــا قلتــلها مصدقــتش"
"قولتلي ايــه ؟؟ حسين ... قومــ معــايااااا " قالت بعصبيه."قوم!"
"انتي بتأمـــرنــي !! " قومت من علي الكرســي و روحت قدامها
" انت مجنونة !!" زعقت و كنت هضربها. عم محمد بعدني عنها. حسيت بتشنج في جسمي، مكنتش حاسس باطرافي، بدات اصرخ..كنت عامل زي الي لبسه جن.
"هاتلي حقنة مهدئة بسرعة ده دخل في نوبة صرع!!" الدكتور صرخت لعم محمد. حسيت الاوضة بتلف بيا، هو انا هموت ولا ايه يارب؟ اغمي عليا و محستش بالي حصل بعد كده.