Nakasimangot akong lumabas ng room matapos i-announce na kailangan namin kilalanin ang mga ka-partner namin. Bakit hindi nalang kami bigyan nang kailangan ireport? Tsh.
Unang araw pa lang pero alam ko na kaagad na hindi ko makakasundo itong freak na ito. At isa pa wala din sa plano ko ang magkwento sa ibang tao tungkol sa akin.
Bukod sa pagkilala ay kailangan din daw na may picture kami na magkasama. Makatabi nga s'ya ay ayaw ko, picture pa kaya. Hindi ko maintindihan ang goal ng subject na ito.
Just when I thought na this subject would be easy. Mahirap pa ata ito sa Basic Accounting na subject dahil sa gustong mangyari sa subject na ito. Ito ba yung sinasabi nila na minor subject pero feeling major? Ipinagbuntong hininga ko nalang ang iniisip.
"Hey!" Humahabol na tawag nung freak sa akin pero hindi ko na ito nilingon. Saulo ko na kaagad ang boses nito dahil boses lang naman nya ang kinaiinisan ko. Dahil mas malaki ang kaya n'yang gawing hakbang kaysa sa akin ay hindi na ako magtatakang nahabol n'ya ako. "Hey you, Lavish. How about we get to know each other over lunch?" nakangiting tanong n'ya na tila ba napakaganda nang idea na sinabi nya.
Nakasimangot ko naman s'yang nilingon. Ugh. Nakakairita yung mga ngiti n'yang tila nang aasar. Bukod pa doon ay tinawag n'ya akong Lavish. Tsh. Maaga ako tatanda dahil sa kakasimangot sa pangit na ito.
"Don't call me Lavish or else your dead." galit kong lingon sa kanya. Inirapan ko nalang ang nakakabwisit na ngiti n'ya.
"And you think I'm scared?" natatawang tanong n'ya. "Sa halip na matakot ako sa nanlilisik mong mata ay lalo lang akong natutuwa na asarin ka." ngayon ay hindi na n'ya napigil ang tawa.
Suntukin ko nalang kaya ito baka sakaling manahimik tutal hindi naman sya nakukuha sa tingin. Tsh.
Nasulyapan ko si Athena na nakasunod lang sa akin at mukhang libang na libang na kausap si Cedric na hindi na narinig ang kung anong sinasabi nitong pangit na pilit sumasabay sa akin pag lalakad. Lumingon si Athena sa akin ng maramdaman ang masamang tingin ko. Sumabay ito lumakad sa akin at abot tenga ang ngiting lumingon sa akin. Ikinawit pa ang mga kamay nya sa aking braso.
"Naisip kong sabay-sabay na lang tayo kumain since tayo-tayo rin naman ang magkaka-partner." Muli pa s'yang lumingon sa akin at nginitian ako nang pagkatamis-tamis na akala mo ay napakaganda nung sinabi n'ya at dapat namin ikatuwa.
Inalis ko ang nakakawit n'yang kamay sa braso ko at tinalikuran na sila at nauna nang naglakad patungo sa canteen. Sumunod naman sila at ang hinayupak na lalaking pangit ay muli akong sinabayan ng lakad at ngumiti sa akin na animo ay nagtagumpay sa plano n'ya.
"Alam mo ang sungit mo." nakangising sabi n'ya na hindi ko na nilingon dahil sa inis.
"Alam mo para sa isang lalaki, ang ingay mo." nagulat naman ito sa isinagot ko at mukhang naubusan nang isasagot sa akin. I secretly smirked.
Siguro kung hindi s'ya mayabang at hindi n'ya paulit-ulit na tinawanan ang pagkakabangga ko sa bookshelf ay matutuwa ako sa kanya.
Nang makarating sa canteen ay dumiretso na ako sa pila at nag order ng pagkain nang makapagbayad ay hinanap ko naman si Athena na prenteng nakaupo na sa table malapit sa exit ng canteen.
Lumapit na ako rito at naupo na sa harap n'ya.
"Hindi ka ba bibili ng pagkain mo?" nagtatakang tanong ko kay Athena.
"Si Cedric na ang bumili ng food ko, girlfriend. Di ba ang gentleman nya." tuwang-tuwang batid nya.
"Cedric?" takang tanong ko. Isa sa mga kahinaan ko ay ang pagtanda ng pangalan ng mga taong hindi ko naman ka-close.
"Oo, si Cedric ang kaibigan ni Mr. Freak na nagngangalang Clyde by the way." masayang sabi n'ya na ang tono pa ay as a matter of fact. Nagkibit balikat naman ako.
"Hindi ko alam na kasama pala sa getting to know your partner ang pagbili nang ulam." inosenteng sagot ko sa kanya.
Tinawanan naman nya ang sinabi ko. "Alam mo may pagkakontra bida ka pero malay mo this is the start of our forever."
Ayokong mabingi sa kakareklamo ni Athena kaya hindi ko na ito kinontra. Masyado ko nang kilala ang isang ito at hindi ito papayag na hindi masunod ang gusto nya. Spoiled.
Hindi yata napapagod si Athena kakangit. Kung anong dalas ng pag simangot ko ay s'yang ikinadalas naman ng ngiti nya.
Itinutok ko nalang ang mga mata ko sa pagkain ko nang maramdaman ang paglapag nang tray sa tabi ko at naupo. Hindi ko na rin ito nilingon dahil sa ngiti ni Athena nung matunghayaan ko ito kaya sigurado akong si freak ang katabi ko.
Naupo na rin sa tabi ni Athena yung kaibigan ni freak na nagngangalang Cedric daw at isa-isang inilapag sa harap ni Athena ang mga pagkain na binili n'ya para rito.
Malalim akong napabuntong hininga nang maisip na mapapadalas na makakasama namin ang dalawang lalaking ito dahil una ka-partner namin sila at pangalawa mukhang hindi na papayag si Athena na mawalay pa kay Cedric.
"Ang lalim ng buntong hininga mo ah?" walang expression na batid nitong lalaking nasa tabi ko nang limungin ko at laking gulat ko na mapansin ang pagkakalapit ng mukha namind dahil sa pagdungaw nito sa akin na hindi ko kaagad naiwasan.
Sa saglit na magkalapit ang mga mukha namin ay nagawang suriin ng mga mata ko ang mukha nya. Ang mga mata nyang kulay caramel, mahaba at makapal ang pilik mata nya, taas at baba man. Ang ilong naman nya ay matangos ang ilong at bagay na bagay ito sa hugis nang kanyang mukha.
Bumaba ang paningin ko sa labi n'ya na hubig pana ni kupido at namumula-mula pa. Natanaw ko ang ngiti sa mga labi nito kaya muli kong ibinalik ang mga paningin sa mata nya at agad akong nya akong kinindatan. Napapasong lumayo naman ako sa aming pagkakalapit.
Inirapan ko muli s'ya at inabala nang muli ang sarili sa pagkain pero tila wala sa pagkain ang isip ko dahil iniisip ko kung dapat ba akong mainsecure sa lalaking ito dahil maganda pa ito sa akin. Sinulyapan ko naman ang dalawang kaharap namin na tila may sariling mundo na at hindi na napansin ang nangyari sa amin ni freak.
"You're 18 and not eating vegetables huh?" pag-uusisa nito sa kinakain ko. "All your vegetables are on the side." bati n'ya at isa-isang tinuhog ng tinidor nya ang mga carrots at patatas na itinabi ko sa pinggan ko.
Gulat ko s'yang nilingon dahil sa ginawa at tinignan nalang sya. Walang salita ang nais lumabas sa bibig ko.
"What? It's sayang."
"Tsh. Kulang pa ba yang nasa pinggan mo?" galit kong asik sa kanya nang makabawi sa pagkakagulat.
Muli kong sinulyapan si Athena at Cedric na natigilan at agad ring natawa ng samaan ko ng tingin. Ang katabi ko naman ay halos walang pakielam.
"So your name is Lavish Veronica Gosiaco, doesn't like to be called Lavish, masungit and doesn't eat vegetable." nang-aasar muling batid n'ya. "Getting to know you over lunch is fun huh? How about you have you learned something about me?" nakangising tanong nya.
"Yeah, your name is Clyde, I don't remember your surname, you're annoying, mayabang, and matakaw." tila nagyayabang kong sagot.
"You don't even know my surname, Missy." umiiling-iling nyang sabi. "Paano na kung values and beliefs pa ang aalamin mo baka hindi na tayo pumasa nyan?" mapang-asar na wika nya.
Wala ba 'tong alam kung hindi ang mang-asar?
"Tsk. I didn't listen when you introduce yourself because clearly I don't care." muli kong narinig ang hagikgikan nang dalawang nasa harap namin na tila tuwang tuwa sa comedy movie na pinapanood.
Inilapit nya pa lalo ang mukha nya sa akin. Naikuyom ko naman ang mga kamay kong nasa ibabaw ng lamesa nang ma-realize na wala na akong uurungan at maling kilos ko lang ay malalaglag ako sa kinauupuan.
Tinanaw nito ang mga kamay ko at inabot. "Baka masuntok mo ako sa diin nang pagkakakuyom mo." nagpipigil tawa nyang sabi na tila ba ramdam na ramdam na nya ang pagkapikon ko.
Nanlaki ang mata ko nang maramdaman na hinalos ng hinlalaki nya ang kamao ko at tila inaasahang kakalma ito pero lalo ko lang itong naikuyom at marahas na binawi ito at binigyan sya ng masamang tingin. Kung nakakamatay lang ang tingin, malamang ay kanina pa ito pinaglalamayan.
Bumunghalit na sya ng tawa na pagkalakas lakas kaya naglingunan ang mga nakarinig sa table namin. Tila tuwang-tuwa sya sa pagkapikon ko.
"Hindi ko akalaing may ikagagalit ka pa pala." natatawang wika pa din nya at pilit nagseseryoso. Muli itong sumulyap sa akin at ngayon at seryoso na ang mukha. Ang mga salita naman ay tila ayaw lumabas sa bibig ko. "Clyde Smith is my name. Don't forget it again or I'll make you remember it forever."
Muli kong sinubukan ang magsalita ngunit walang salita ang namutawi rito kaya wala akong nagawa kung hindi ang samaan ito ng tingin.
Talo nanaman ako nang ulupong na ito.