روح في بحر الظلام

الحلقة السابعة والثلاثون

روح في بحر الظلام

____ الكاتبة بحر _____

لتنسون التقييم والتعليق على الفقرات +++اضافة للحساب لطفا

البارت اكثر من 6000 كلمة 💕

==============
هجرك سهم چتال
بالهم رمانه
وشوف آنه من فرگاك
ماچني آنه
==============
____________________
مشمش

بصفنتهة راحت للغرفة، سحبت كلشي بالغرفة بمرضهة وتعبه غسلتهم كلهم

ومسحت الارض، راحت سبحت ما تأخرت هواي
كانت عايشة هدوء مريب غير مسبوق طول هالفترة العصيبة

كان عدنا يم باب العمارة مساخة صغيرة جدا مشمسة وفارغة شرت بيهة غطاء الفراش والمخدة رغم كانو مصفطين من دخلو
وكان التفتيش روتيني وتأدية واجب بس هية رانيا صارت هيج

بقت گاعدة على الارض الصلبة النضيفة باوعتله من الباب اخاف ادخل

:رانيا

:هاا
:وجعا شبيج لو ترجعين لخبالاتج لو تعقلين ترة دوختيني

صفنت عينه بعيني، نزلت دمعتهة بهتت ملامحي بفشلة من سألتني

:تشوفوني مخبلة مشمش

:لا لا والله بس خايفة عليج
دخلت گعدت يمهة... انتي صايرة مدري شبيج دتطلعين وحدج، وهسة انتي كل مرة تخافين هادئة

:بس اني مو مخبلة اني بس خايفة وتعبانة بعدهة خوفة السجن بگلبي لتكولون علية مخبلة حتى بيبي اسمعهة تكول هيج
لتصيرين وياهم ضدي، بس انتي بقيتيلي

:عززاا بعيني لج كاافي لاا تبجين، امددااية هسسة اني الة احجيي لوو ينكص السااني ولاا اضووجج

:اششش لا تحجين هيج حبيبتي انتي

:لا لا والله رزليني اسستاهل

مدت ايدهةحضنتني وباست جبهتي.. هاي ماما دتصيحلج روحيلهة.. طلبت مني اصيح رانيا رحت صحتهة گامت وياي بتثاقل
ما اعرف ليش متحب تحجي وياهم ومهما بلغ بيهة الالم ماكانت تشتكي لغير الله
اسمع دعائهة بالليل وهي وحدهة كانت صلاتها مو منتضمة
بس طول الوقت تهمس
يارب ساعدني يارب مالي غيرك لاتتركني

رحنا لماما گعدت يمهة اركز وياها حتى لا احرجهة وارجع اسأل عن معنى كلامهة

:اذا اجا شهاب خلي يسجلج بأي مدرسة قريبة

:لا لا ما اريد والله
:مو بكيفج.. وانتي رانيا
قاطعتهة بنتر
:واني اني شنوو

:تداومين وتعيشين حياتج اني وياج خطوة بخطوة راح تنسين

:ياحياة اني من البداية من اول ما اجيت للدنيا ما عندي حياة وهسة تدمرت على الآخر ساويت الگاع
ما اعرف يمتة يذبحوني أهلي لو اني اقتل نفسي
صارت امنيتي من الدنيا ابقى عايشة لحد ميطلع زياد

:اني وياج بنيتي والله وياج للموت زياد مابيدنة علي شي بس انا ام وجاي اشوف اطفالي يموتون وتموت أحلامهم واحد ورا الثاني
فدوة اروحلج حاولي تگومين على حيلج يابعد عيني انتي ماترجعين لمدرستج نحطج بغير مدرسة

:احتاري بمشمشة وعوفيني

رجعت لغرفتهة العصر بابا جانت ملوعة الالم ومالة خلك و ماما اشتكت حالهة لبابا تبجي،، رد عليهة

:انتي هم مدري شلونج البت تنازع بعافيتهة تگللهة مدرسة،

:اعووفهة هيج عماد شلون اخليهة تنتحر وتلحك منتضر

:تسوي فضل

صحت بي:باااباااا

شمر علية علاگة العلاج وصاح:صصصوتج ادبسسسزز اطلعي بررااا
واانتي اذا تردين تونونين برراسي طللعي عني

اول ما طلعت شفت رانيا راجعة لغرفتهة
يعني سمعت..
بس والله بابا ديهذي كن الالم موو قصدة

بالليل بابا حيل تخربط الالم اششتد علي بقوة صار وجهة اصفر وصار يصيح من الالم

فتحت الباب صار بوجهي شاب يريد يدگ الباب دفعته وركضت العهث تعبانة ومرعوبة اصعد الدرجات لغرفة ششهاب

صااح ورااي... اوووكفيي يبنيية هذااا بيت عماااد عبد الخالق

مارديت صعدت الدرج بكل سرعتي
فتحت الباب مااكان موجود
رجعت نزلت
لكيتة واكف والعياط ابيتنة

: فددوة سساعدنا بابا رراح ييمووت

:ششسمج انتي ششنو هذذا الصيياح جووة بيت زيااد هذاا لوو لاا

:بابا تخرربط

:سسوويلي ططريق

دخلت بيبي مكابلتة تغسل بوجهة وتبجي وتصرخ وماما بس تصصيح.. سسحبت رانيا اللي كانت واكفة صافنة عليهم

:ششبييج مشمش
:ررجال رااح يدخل يسساعدنا
:رجااالييشش تتتخببلتي ووخررري ووولج لحد يييدخل

دفعته لدرجة وكعت بلارض
:باااباااا ررراح يموووت دتسسمعين صصصووته لووو لااا اذاا طرردتي اموووتج والله
احجي بغضب وأبجي
وهي عيونهة تتوسلني وتهز براسهة
:ولج مششمشش لاا فددووة لاا

عفتهة وطلعت..
دخلت مرة من الجيران شايفتة بس مالنة احتكاك بيهم عفتهة تصبر على بيبي انوب طلعت وياي دخل ابنهة والولد

:تعال يلا فددوة راح يموت سااعدو

اول مادخل باوع علي وسع عيونه

:عميي عماااد هااي انت

:ولك طارق بعد عممممك ولك راااح اموووت الحك علية

اقترب منة وكان طويل
تعاونو علي هو والولد واخذو وراحت بيبي ووييااهم

ضليت اتصل بشهاب مااكو مغلق

ضلينة كلمن تبجي بمكانهة

اشوية وطلعت رانيا اخذت عباية ماما رادت تطلع بلا كلام ولا سؤال

انفجر گلبي منهة صحت بيهة واني ابجي:لللججج وووين رررايييحااا وووينن ررااايحااا مووتيييني شللعتييي گلبببييي

:اااسسسكتي والقران اموووتج ههسة هناا بالباب ورااجعة

مااماا تصيح عليهة ولا كأنما حطت العباية على راسهة وطلعت

طلعت وراها اركض :لج رراانياا الدنيا ليل فدووة اررجعي

ماا ابتعدت هوواي گعدت بلارض
كان اكو كوم طابوگ

توخر بيهم وتضوي بفلاش موبايل اول مرة اشوفة عندهة

:ششتدوورين رراانيا

ماردت علية باوعت ل اديهة بيهم تراب گامت من مكانهة تقيئت وهي تبجي اختنكت ورجعت تدور ماا اعرف شنو لگت

اخذتة ودخلت ترركض للحمام تتبجي وتصصرخ

:ررراااح اموووت الفطرريااات الدوود اكلني ررااح اموووت ييماااا

اني محتارة يمهة ادك بالباب كان باب الحمام حديد مينكسر التفتت وراي واشوف مااماا جاية تزحف على مقعدهة

:ووللج اختتج ششبييهة

انصدمت بيهة شجابهة هي متگدر تتحرك

:ماا ادرري ماا ادرري
:رررانيياا ماامااا رراح تموووت ررردي فددووة

:مااابية شيي ااخذذيهة ووخرري منيي الله ياااخذذني
ووخرري من الببااب مااريد اشوف ااااحد

حاجتهة ماما:تووخرر بسس اططلعيي

:ررانيا ماما تگوولج رراح نووخر اططلعي

:رروحوو يلااا ررووحوو

وخررنا من الباب نص ساعة لو ماطالعة كنت كسرت الباب لو اعرف حتى بجاكوج

طلبت ملابس
انطيتها شوية وطلعت تباوع ل اديهة منقرفة من نفسهة

بقت بالمطبخ
كان باب الحمام ع المطبخ تصميم الشقة مقرف بشكل
اشرتلي اطلع
طلعت قفلت الباب

صحت عليهة ولا كأنها تسمع
حطيت أذني على الباب واسمعهة تخاابر
عززاا العززاج هاي ششدتسووي

:لج رررانييااا يجي شهااب ويتصرف وويااج بعد فلا اسسكتلج

مباشرة فتحت الباب وطلعت صارت تضربني على راسي ووجهي وتددفر بيه

:لاااا تهدديييني لاااا تگووولين ماا الج علاااقة وحق الله يااا مشمش اذذبحج سسسجينة احطهة بگلبج واااخللص منننج

:ررانيياا ششبييج

:اشششش

صااحت ماما وهمات ههجمت علية

:اسسسكتي اسسكتي انتي بالذاات تسسكتين ياااربي شكد اكررهكم واكرره ششووفتكم
اكوولج عووفيني تروحين تششكين لبابا همززين اجتة من الله يسستااهل ويطبكم طوووب

ركضت لماما اللي بس دموعهة تنزل وصافنة عليهة

مشمش:رراانياا ووخرري فددوة ششبييج مااماا شعلييهة وووخرري

طلعت من الغرفة ورجعت للمطبخ قفلتة عليهة

نسمع همساتهة تخاابر منعرف تخاابر منوو
اشرتلي ماما اروحلهة لان كلش من القهر متكدر تحجي
انطيتهة علاجهة هي تعرفلة ورحت لرانيا

لكيت ثقب صغير بالباب صارت گدامي
تضرب بأديهة حيل على وجهة وعييونهة وتعض بأصابعة بقوة قريب عينهة ناازل دم

ناديتهة اجر بصوتي الباكي
:رراانيااا ششددتسسووين ككاافي فدووة ضضربييني اللي لتتسسووين هييج

:عووورتج مشمش خللييني أدب روووحي والله مووقصصدي بسس ردتيي تفتنيين عليية

:اااطلعي فدددوة مززعلانة منج ااطلعيي رراانياا

:والله مااا اكررهم اككذب بسس عصصبت

:لجج اطلعي ففددوة مززعلت منج هيي دززتني الج

ماردت علية تمددت بمكانهة
ضليت عين بيهة وعين على ماما

سمعت صوت الاهتزاز وهمات ترد بهمس سااعة تبجي وساعة تتجاوب وتحجي بجدية

تالي الليل انا كنت غافية يم الباب من البجي والقهر فتحت عيني على فتحة الباب كانو جايين بابا والولد وفؤاد
اللي ابد ماا كان على بعضة بس دخل بابا للبيت وطلع
شجابة من البصرة لهنا

ابتسملي بابا :لييش يرويحتي نايمة بالگاع ... رحتلة بوسته وحضنته وتحمدت لله السلامة
بيبي:هاي هم مشلوعة گلب من صغرهة

:ووينه رانيا صيحيلهة

باوعت باب المطبخ مفتوح ورانيا مو جوة
عفتهم ودخلت لغرفتهة ماكو
انسحل گلبي عززا بعينج ررانيا ووينهة

دخلت بيبي وراي صاحت :وووينهة اختتج ولج

:بيبي والله ماا ادري عفتهة بالمطبخ ماا ادري ششبيهة اليوم بباعي حتى ضرربتني هااج ششوفي

:ولك عمااد ررااحت البت مااكو البت تسسودنت وهجت

دداار وجهة بابا بمرضة وبالصوندة اللي متصلة بكيس الادار متوجه للباب يريد يطلع بس قوته ما سعفتة اتگأ على الحايط لحد ما جلس بلارض

طلعت بيبي تصصييح
:ررراانييا ولج بيبي ووين ووليتي من ددهر الدهرررني ششلوون عفتتج

رجعت تلهث:خاابرريلي ششهااب وولج خاابريلي فئااد
يرن ومااكو مغلق مغلق
وعمو فؤاد مييرد

دقيقتين وفؤاد دفر الباب ششاحط ررانيا من شعرهة مدميهة تددمي
وهي مثل الفاقدة فاتحة عيونهة على وسعهة ووجهة كلة يجري دم

:هاي ال......... متييهينهة ببالشششااارع تتتفتتر بسسسيااارااات الزززلم
وووينة اخوووك ال........ هاااي تننذذبح الييوم ماااتضضل عاايشة للصبح

بابا يباااوعلهة بصدمة كلنة مثل ووضعة قبل ليكمل كلامه صار اطلاق ناار بصووت كلش عاالي

ركضتلهة عبببالي صصاارلهة شششي
بس لگييتهة عااضة ايدهة بكل قووتهة ومتشنجة
:ببباااابببااااا رراااح تگطع ايييددهة

طلع فؤاد يركض ثوواني وتعالى صوت الصياح كان صوت     فؤاد ابرزهم

:لك ااااحمممددد شششسسسووويت ووللك
اشششرد اشششرد

:خللليي ييموووت خل ننخلص من ششررررة..

______________________________

رانيا

طلعنا اني وبيبي واني مغطية كلشي بالعباية مطالعة غير عيوني

:ععمررر

خزرني... حطيت ايدي على شفايفي وتراجعت

:اخذذ الحجية تدليكم على الاماكن المطلوبة

:يما فدوة البت مريضة ماكدر اهيتهة

:ماعليه شي اخوانه شعدنا وياها تفضلي حجية

دخلت
حجة بخفوت وهو يتلفت :ووين توولين هاي ثالث مرة اجيي لهناا

:س سييدي اخاف والله اخااف واطلع من تجوون

:اامششي اددخلي محد جااي عليج
ركزي على حركاتي بأيدي بطل مي بي شريحة راح اشمر البطل ابيتكم
اخذي بالشريحة رقم بنية
گوليلهة انطيني عبد الوهاااب تماام
:تمااام
راح يحجي وياج شخص من طرفي ثقي بي وشيكولج سوي ترة ادري وية منو دتتواصلين وادري مجبورة شيكولج كوولي تمام
فهمتيي ررانياا براءة زياد بأيدج

:اي اي والله اي

يلا

صار مثل گال.... اتصلت بالرقم.

اسمع واركز بصوت المرة ايي تذذكرت هذا صوت وسن
.احس الرئتين عندي انتفخن من ثقل النفس

طلبت عبد الوهاب

انطتني رقم
اتصلت بي احس هالصوت مو غريب بس ماركزت
حجيتلة كلشي وعن دريد وشلون كال أكولة اسمي اوس
ضحك ورد علي
:هههههه والله واجا يوومك ياا ابن ال(..........)
:ش شنوو
:بالج يمي
:يعني رراح تلزمو ويطلع ززياد
:هذا ضهرة قوي لازم نكسر ضهرة يلا نگدر ندعسة
:رركززي وويااي
تطلعين هسسة اكو ورا بيتكم طابوكات مسطرات وحدة فوك الخ
جواهم جهاز اسسود صغير طلعي جيبي وتعااي

:والله اخااف
:رررااانيييااا الخطووة الجااية اخخطرر ششدي حييلج اخووج بخطرر

:اي اي اررووح
رحت جبتة وهاي مشمش خبلتني تون برااسي
اني أعصابي معلگة ع الشعرة الفاصلة بين العقل والجنون
ضيم الحمام وضيم جلدي وكل ما يحاوطني احسه تجند حتى يقهرني
انفجرت عليهة اعصابي
لحد مابردت بلشت عقابي بنفسي صرت مثل مرض الذئبة الحمراء
اهاجم جسدي بجسدي بمجهودي وليس رغما عني

اتصلت بعبد الوهاب

صار يعلمني على الجهاز
:ركزي اكو دگمة حمرة صغير يمج بس ارفعي الغطاء بأضفرج
:ياا غطاء ماكو هو يشبه القداحة اسود خاف مو هذا خاف جبت غير شي

:لااا لا هوو نفسة يشبه القداحة فووك اكوو غطااء

:هياتة
:افتحي
:مينفتح
:بأضفرج لتخبليني
بجيت خايفة من صوتة العصبي:والله مينفتح والله

:گومي جيبي سجين
:عززا ششسووي بيهة

:رررااااانييياااا

:يلاا هييااته
:افتتحيي بسرعة ديري بالج لينكسر
حجة وية الشخص اللي يمة
:انتَ مطي اكثثر منهة لوو مجهزة ومخلي
.... كاافي انجب واطلع مني

اتضحلي انه لما كان يحجي وياي ماكان صوتة الحقيقي لان من ابتعد اتبدل

:كسسرتة..
:ششكسرتي الله يكسر راسج وراس الخلفوج
تنهد وضرب شي يمة ورجع تكلم يتصنع الهدوء

:لااا تگولين ماا اگدر بعد ساعة راح تطلعين يم محل ال........ القريب عليكم راح توكف سيارة تنطيج جهاز آخر تماام

:سسيدي

:يلا تتجهزي بدون حجي زاايد

سد الخط ضليت اصفن متمددة اباوع ل ادية حالتهم حالة اكره اباوعلهم مليانين جروح لما اتعصب من شي ومالي حيلة اضرب ايدي واثار الكلبشات المرسومة مثل اساور الشؤم كل نضرة ل ادية مثل غرزة ابر حامية بروحي

صار الوقت فتحت الباب شفت مشمش نايمة بوضعية الجنين دموعهة ناشفة على خدهة
اثار ضرباتي مرسومة بخفة على وجهة

گعدت يمهة اوخر شعرهة الحلو عن وجهة:شلون اموت روحي واخلصكم منيي
خاف يصيرلكم شي ادري ارواحنا معلگة واحد بالثاني اني وياكم

مسحت دموعي وابتسمت: راح نلتم ونفرح وارجع زياد لو اعرف اضحي بروحي والله ادوس حتى الباقي من عافيتي

بستهة على كيف حتى متحس وطلعت وعبايتي تسحل تراب ويردم برجلي احسة شرار مو تراب

والله مو هيج اني ليش هيج صرت لا تخافين رانيا هو تراب شبيج

أمشي في وسط الظلام اللذي بدأ بالسيطرة على افكاري بعنف واحتضاني بعنف

لمحت السيارة بالمواصفات اللي اخبرني بها
وصلت وكانت مضللة نزل الجامة وكانو بلبس مدني وملثمين من الصوت عرفت عمر

وينة المكسور
انطيتة الة ايدي ترجف وابجي بشهكات قوية

:علليمن تتبججين والله اسساعددج لاا تخاافيين ششنو هالررجيف منيين خاايفة

:ااخ اخخوووي فددوة والله مالة ذنب الله علييك ديير باالك علي صغير بعدة

هذا جااهز.. روحي يلاا... انتي على وقتج اتتصلي

رفعو الجامة وتحرركو
اباوع على سياارتهم
وانجريت من ررراسي بقوة
صرخة وحدة
وتكمم فمي وابتدت الضربات القوية تنهال على ووجهي
كانت لطمات ارتكزت على عيوني، اذذاني
وفشار وكلام بذي صعب اللفظ

صووتة اي هذذا صوته ششجابة
عمي فؤاد
بعدهة دفعني عباالة امشي گدامة

لكن انرت ووقعت مرمية على الارض

دفرني بضهري ورجلية
كان المكان مضلم ماكو ناس لان ليل والمنطقة مو امان
بس رانيا وهمومهة تتفتر بيهة

يدفر ويزمجر ويحجي
:گووومي عا....... عايلة گ...... ومسسيتوو بنيتي احررگّم الييووم وحق الله ملاااعيين

لا رديت ولا ونيت مثل حيوان متخدر يسحول بية
افككااري تعبتني احسس وساخة الارض دتنغرس وتتوشم بجلدي
الالم النفسي اللي عذبني بيه عقلي وافكاري اقوى من الم الضربات

وصلت وواششوف بابا منهاار
ماالي حيل ابرر بس اشتت انضاري عن نضرات الاتهام القاسية

:هاي ال......... متييهينهة ببالشششااارع تتتفتتر بسسسيااارااات الزززلم
وووينة اخوووك ال........ هاااي تننذذبح الييوم ماااتضضل عاايشة للصبح

كان يتهمني باطل كان دينتقم مني لبنتة ماكنت بالسيارة اصلا ما طولت اكثر من دقيقة

حتى لو كان يراقبني كان عرف

نقذني منه اطلاق النار اريد اشرد اريد انهزم ماكو
سسادة ايدي على الجهاز بقووة

طلع فؤااد بالشارع ييرركض
بيبي طلعت وراهم
طلعت ماما تتززحف بلارض متمددة تسسحل برجليهة
الوضع صاار مخييف

غلقت عيوني مستسلمة لقدري
فتحتهم بكل قوتي ودبت بية الروح من سمعت صصوت سسيياارة الشرطة

تابعهم صوت رطم البساطيل بلارض
الصراخ اللي صرختة سسطرني خلاني مااا اسسمع اي ششي غير صصصوتي

احد الحضور كان حسام
والباقي ما اعرفهم
اقترب مني واني صرخت بوجهة بفزع
صااح بية

:للج مووو يييمج بببسسسس كااافي

مشمش هدت عليهم تضرب بالرايح والجااي بأديهة الصغيرة
بعدين سسحبهة حسسام من زندهة وششمرهة ييميي
:سسسكتيييهة سسسسكتييهة

:اااطلعووو برررااا سسسسفلة كلااااب اطططلعوو بررااا مووتوونة رررراح تتتموووت من وووراااكم

اششرلهم ششالو بابا من الطريق دخلوو جوة كان منتهي فاقد وماماا ددخلووهة مشمش وبيبي

ورجعتلي ترركض باوعتلي وصصااحت

:عزززااا رررانييااا شششبيه عييينج
ييماااا

ضضلييت اببااوع بالووجوه ماا اسسمع اصوواتهم صارت مثل البعييدة عني
وتخردلت ماا اعين رووحي

وواحد منهم صااح البيبي تجيني وطلعو بدون مانفهم شكو ولا ششصاار وفؤاد اختفى وياهم

غمضت عيني وتمددت
باوعت ل ايدي عااصرة الجهاز اللي حسام مانزل عينة منه

هدأ الوضع وماهدأ صووت بيبي اللي تبجي وتلطم

:ييمة ششهااب ييمه ييمة جتتل عمةة فلك ططررك حمييد ويلي يمنيووة لوو اكضج الاا اكلج بسسنووني جاابت الوولد وورطتة بدم عمة
هسسة ششلوون ووين ارروح ووين اوولي وولج جدة مشيمش تعااي خبريلي ثائر ييلحك عليية

بصوت نحيب:بيبي راانيا عيينهة تنزف تعااي ششووفيهة

:ششعلييهن ك...... منزلات رووس الزلم اولادي تكاتلوو بسسبتهن عسساجن بالحرك كوون

مشمش اقتربت مني تشربني مي لزمت ايدها بقوة
بهمس:تعااي
قربت رأسه مني:ضمي هذاا برووحج
ردت تبجي:شنوو هذاا
:اذا ضاع زيااد يموت تگدريت تضمي
هزت راسهة واخذتة مني

عافتني وراحت لبيبي اللي كانت بس تغلط من قهرهة
راحتلهة تبجي بس ماردت عليهة هدأت كل الاصوات بغفوتي متجاهلة وجع عيني الشديد

___________________

مشمش

رجعت لرانيا خبلتني كانت متربة ومدماية ومتتحرك بالعادة اذا واحد لمس ايدهة تتخبل وتطفر تغسل هسة كل هالطين البيهة وهي هادئة ونايمة

رحت جبت مي بقدر وقطعة قماش وگعدت يمهة امسح ايدهة ويرجع ينزل الدم
مشخطات من كل مكان وعينهة تنزل دم
امسح برجليهة رفعت ثوبهة واشوف الدم جواها مالي ملابسهة

:بيييبييي تعااالي ششوفي الدم

اجت تركض... عززا العزاج يراانيا بس لااا كسسروهاا منين الددم هذااا

ماا اششوف الا بابا واكف وبأيدة سكين اييدة ترجف بكل حييلهة

:هااي البت لاازم تمووت تعذذبت وعذذبتناااا لوو مااماتت العاار يلحكنة..

كل هذا ورانيا كأنما ميتة
كلبي صاار يررجف وانا اصصرخ الجييران كسسرو البباب وفااتو على صوت صررااخنا

كانو رياجيل ثلاثة ومررة ويااهم

وخرروو بابا اللي كان يترنح من شدة المرض والالم

:رراانيياا بووية ششسوويتي بيينة لييشش وولج رراانياا بووية ووين اطي ووججهي سوودتي ووجهي

وخرو عن رانياا وبسرعة لفووهاا وشالوهاا للمستشفى وبابا وبيبي وياها بقينة اني وماما

نششف گلبي يااربي كاابووس هذذاا ششووكت نخخلص

ركضت قفلت الباب ودخلت لمااماا كاانت حااضنة القرآن وتردد
بسم الله الرحمن الرحيم
لا حول ولا قوة الا بالله
اللهم صل على محمد وآل محمد

شفاايفة مزرقة وجهة شاحب وترجف

:مااامااا فددوة لاايصييرلج ششي بعد تععبت فددوة كااافي

:ااختتج اخختتج، ويينه رانييا ووين عمااد ششسووالهة

:مااسوة ششي رراااحو للمسستشفى ... ممااما ششبيج فددوة لااا تسسوين بيه هييج والله خووفتيني علييج

اندگت الباب
صرخت ابچي

:الييييوووم شششلوون نحرررك اررواااحناا
منووووو شششكووو محد اهناااا

حسام :افتحي لاا اكسسرة
:لك روووح منااا محد هنااا ششترريد من عدناا ولكم كاافي مووتوونا

ضرب الباب وصاح:افتتحييهةةة

ركضت منهزمة لمااماا

بقى يدگ بالباب اششوية واندگت شباك الغرفة وكان مطل ع الشارع

:لج افتتحي هذذا علاج ل امج افتتحي ششعلتي كلبي طركاعة الطاحت على رااسج كوون

:امششي مناا ماا افتتح والله

:لا تفتحين راح اخلي بالباب انطيهة الحباية الناعمة

سكتت بقيت ربع سساعة ماما متمددة وحالتة تعبانة
باوعت من الثقب بالباب مااكو احد فتحت الباب علكيف ودنكت مديت ايدي دا اشيل العلاگة وانلزمت ايدي بقوة

_______________________________

رانياا

فتحت عيوني بالمستشفى
عيني مضمدة وجسمي يرجف مثل البردان بس ماكنت بردانة شنو هذا الرجيف
كنت اهتز مو بس اررجف

حجيت بصوت ناصي وفكي السفلي كسر اسناني من قوة ارتجافه

:بييبيي

:هاا يبيبي

:ررااح امموت

:هسة تجييج الدكتوورة صحتلهة من اول مااوعيتي بس مدري ششمالهن

دخلت الدكتورة

: راانيا عماد الحمدلله على سلامتج

شكد كارهة اسسمي شكد اترفز من يصيحون بأسمي الثلاثي
اقتربت مني تفحص وجهي وعيوني
:ددكتوورة داا ارجف

:اي ماما طبيعي هاي ابرة النزف لان عندج فيتامين D3 مصفر مسسببلج مشاكل، شوية وتتحسنين

طلعت الدكتورة وضلت تتردد علية من وقت الى اخر كانت عكس اغلب الاطباء اللي قابلتهم
كانت من ذوي البشرة السمراء
قمة الجمال والاخلاق رحمتني حتى بنضراتها الدالة على العطف وليس القرف والاستغراب

بعد فترة اسستقرت حالتي

حاولت اسيطر على وضعي خجلانة من الدكتورة
بس حركاتي فضحتني نضراتي ل ادية ومنضر جروحي والطريقة اللي اشم بيهة ملابسي وشعري
والحاحي على طلبي للحمام

:رانيا ماما اهدأي ترة جروحج كلها معقمة ليش خايفة

:رراح يررجع الگمل والله كلششي ررااح يررجع ارريد اسسبح فددوة رااح امووت ششووفي ششوفي كلششي وسخ ووين اوولي برروحي

ولا تولين ولا تهتمين تعالي وياي هذا الحمام قرريب
واني راح اجيبلج لبس واسبحي وفراشج راح يتغير بس اهدأي حتى ينتضم عندج الضغط تمام

:اي اي يلا خل اسسبح

اخذتني لحمام وبييي وراي تكسر الخاطر هم اولادها شياب لعد هي شلون دبدوبة حمرة بالگوة تشيل روحة

دخلت كان اكو شامبو وصابون
لان مدخليني بالقسم الخاص ليش ومن وين الفلوس
اسألة هواي تتجول براسي

بيبي:ولج روينة موو تتخبلين بسرعة سبحي وطلعي هذا مو بيت اهلج مسستشفى لو خزيتينة اطب اغط راسج بالمنهولة

مارديت عليهة سديت الباب
ونضفت نفسي شوية واندگت كانت جايبة تراك ازرق لبس رسمي مالت اطباء
فرحت من شفتة جديد
طول الوقت الدوخة ملازمتني كلساع احس راح اوگع بس عدت سلامات
باوعت لملابسي معلگتهم قذرات
عفتهم وطلعت

لگيت بيبي والطبيبة بحديث واكفة واباوعلهم

:ححجية فدوة لگلبج شلوون افهمج انتي قافلة ع القضية

:وولج يمة تنفضح فوك فضضيحتهة هااي مرت همهة وبتي وهواي شمات الهن يشهرنهة ويخزنهة هااه ترة بت عمااد مسودنة

:لعد تبقى هيج لحد مايتمكن منه الوسواس وتخسروهة خطية ترة دتتعذب راح يضيع شبابهة

:جا شبدينة عليهة هي جابتهة لروحهة تتخبل بسكوت ولا تنفضح

:انتو ليش مكبرين الموضوع ترة هو حالة حالة اي طبيب يدرس ويتعب على نفسه لمثل هيج حالات البنية متضرر مو بس جسدهة روحة متضررة

:هاي هي تصلي وتلتجأ لربهة وتطيب

:الله يهديكم ويشفيهة

دخلت الدكتورة باوعتلي وغيرة الحديث بكل احترافيه على موضوع صحتي البدنية
وكلامهم ومثل العادة
كلشي يتصلح

هي راحت واني تمددت ساكتة
سألتني بيبي عن ملابسي گلتلهة تعبت ماگدرت اجيبهم
راحت جابتهم منشفات ونضيفات

گابلتني تعاتبني
:ليش ييمة هيج تكسرين وجه ابوج خطيية لو متورط وذابحج وجاتل رووحة موو حرام عليج شعندج تفترين ويازلم ليحجي عنهم فؤاد

:كذاب اني اختنكت وطلعت اتمشى وواحد سألني گلتلة ما اعرف هو ارتكب واتهمني دينتقم لمنى، وبابا هوو اصلا مييحبني ييكرهني كلكم تكررهووني بسس زياد ورحت حررمت ررووحي منة الله يمووتني ويخلصصني من هاالعذاب، تعبت تعبت ادعي على نفسي وميستجاب مني ارريد امووت

:لاا ييمة فئاد ماتطلع منة العيبة هو صح عصبي وعربانة بس ما يجذب.. وهددي اعصصابج وبطلي هاللسووالف كلهم يحبونج ويردون خااطرج بس عملتج ماتسولف ييمة ماايصير بنية شابة عبايتج وانتي طالعة بالشارع..
هيج زين ابوج المسكين فوك ضيم جلاوية من امس نايم ضغطة صااعد وسكرة صاعد عووزة ضضيم

:رراح يفتهمون كلشي وبابا راح يسامحني بس يعرف ليش طلعت اني افهمهم كلششي انيي خاايفة على زياد ،

:هااي شغلة زلم لا تحطين روحج بالنص واخوج عووفي ساالفتة ترة المكتوب على الجبين تشوفة العين لا انا ولا انتي نمنع القدر

: عمو شهاب ششبي ليش جنتي تلطمين

:ابن فواد العار رماه بنص الشارع طاكة بركبتة وجتفة زين ما جتلة يمن ايدة الكسر الصايع

:عززاا وهسة ششصاار ششنو ماات

:لاا زيين للصبح انا يمه جزت عمليتة بسلام والبركبتة شخط

:بس صاار رمي هواي بيبي مو مال اثنين

:اي الجلب خارط سيارته اخذتهم الحكومة هو وابو كلة بسبب هالبت المااتستحي

:ماتستحي لان استنجدت بأخوها، لعد الاخو المن يراد

:جاا تكتلنهم وارتاحن

:اني ورطتة واني راح اخلصة، بس خطية منى وزياد بذمتكم كلياتكم سكتو على ضلم شهاب المسكينة خليتوها تتمنى الموت واخوي وصل هالمرحلة بسببكم ، من الطفولة واحد روحة متعلقة بالثاني وسلبتو ارواحهم

:بس علكييفج صووتج ششهرتينة ششجاج اناا هم مخبلة ولا ششكو اسسولف ووياج

:ماا مخخببلة اني كاافي تحجيين هييج ويياااي والله ماامخببلة انيي تعبببااانة
وولكم حسسو بية قطعة من روحي ضاايعة ششرفي مسسلووب مااضل ششي عنديي انيي تعبااانة

ضليت وحدي اررجف من الغضب لحد ما اقتربو الممرضات قيدو حركتي وضربوني ابرة

لليل طلعنا بألحاح شديد مني، نريد ندفع الحساب گالو واصل ماقبلو يحجون منو دفع الحساب، طلعنا بس اني وبيبي اخذنا تكسي ورجعنا كنت هادئة انطوني علاجات
خلوني بس دايخة اريد انام
بس ما اگدر انام رغم كل العلاجات تفكيري بزياد مسيطر على حواسي

ما ان دخلت للبيت سألت مشمش عن الجهاز بلا حتى سلام

لما طلعت من المستشفى بابا كان بقمة غضبة اذذبحهة واقتلهة لكن مرضة كان مسيطر علي
الم الكلى لا يطاق كان كاسر ضهرة كسر
نسى رانيا وزياد والدنيا كلها بس يريد يتخلص من الالم

شهاب بالمستشفى وفؤاد وابنه بالسجن اخذت الجهاز وموبايلي
ثاني يوم الساعة 6:23 صباحا بعد ماقاطعت النوم والاكل

ليلة كاملة ازلغ بجلدي بالحمام بسبب صرصر مر على رجلي بباب العمارة
بوقتها انجنيت ومحد بحالي
الصبح
گاعدة بالمخزن اتصلت بعبد الوهاب

رد علية نعسان
:غبااشة يابة
هذاا صوته هذاا صوت قيصر
بلعت ريقي خايفة مرتعبة
اشوية ورجع الصوت الاخر تغيرت النبرة شلون ما اعرف

:ووينج تسسمعيني الووو ررانيا عمااد

:ءء ءي اي اسسمع

:شلون صرتي
:زينة
:تمام لعد اسسمعي دريد لازم تقابلي
:سسيدي فددوة لااء

لما اتغير الصوت ارتاحيت ضليت اقنع بنفسي بصعوبة انه مو نفس الشخص

:لاازم رانيا مو تگولين بريئة اثبتي برائتج وبراءة اخوج هذا الحل الوحيد
تروحين تقابلي بأي طريقة تجرجري بالحجي
لحد ما تاخذين منه اعتراف عن نفسه او عن اي شخص آخر..لا تسلمين نفسج لازم تركزين

صار بعدهة ينطيني اسئلة وتصرفات معينة اسويهة حتى استدرجة

وعلمني شلون اثبت الجهاز و انه لازم يكون وياي من اروح

اتصل دريد الضهر وكان يحجي منفعل ضجر من تأجيلاتي وتوسلاتي انه يحرر اخوي بدون ما اطلعلة

:اليووم اخرر فرصة تجين لوو تدرين ششيصير

:دريد فدوة بداعة عزيز گلبك والله بابا مريض وخاف يلزموني يذبحوني

:بكيفج بعد هاي اني دا انطيج فرصة وهاي اخر مرة تجين اليوم نضيفة اصلا ما اريد شي بس نگعد بسيارتي نتفاهم اكولج شلون احرر اخوج ندردش ونتعشا وروحي

:خاف يكشفوني دريد والله انذبح

:للمرة المليوون أكوولج گولي أوس احسن افوتلج للبيت أ.......... بنت ال...... بنت ال

فشر وهدد واني بس انوح لان هذا المطلوب بس كرامتي انمست تراكمات احزان واهانات زادت من حالتي سوءا خلتني بشر لا يطيق الدنيا ولا ساكنيها

:تمام تمام اوس

:عفية اسسمعي اليوم بالليل يجي صديقي ثقة يجيبج اللي

:لك ششدتحجي ششبيك لييش هيج هلاجرام ششمسوويتلك

:اووهوووه مثل توقيت اول مرة 1:30 تماام

:لك ششلوون اصعد ويياه والله اخااف

سدة بوجهي مباشرة اتصل عبد الوهاب
بالگوة يفهم مني من الشهكات
اجتني مشمش طردتها رراحت ساكتة

:رروحي ويااه لتخاافين اسسمعي انتي موحدج اكو سيارة وراج محد يگدر يسوي شي احنا وراج نريد نلزمة بالجرم المشهود

:ماا اگدر ماا اگدر والله اخااف الله عليكم سوو شي انتو مو شرطة غير انتو تواجهوهم والله طلعت رووحي

:فكري بيها محد راح يجبرج بس تذكري حياة اخوج على المحك

ضليت وحدي صافنة محتارة امشي حوالين نفسي اضرب بأدية اريد شي افرغ حركة دمي بس الكل مو بحالي.. ماما تحاول تتقرب مني اصيح بيهة بقوة بطلت مني

قررت اروح وحسمتهة بعقلي اذا منجحت انهي حياتي واخلص

صار الوقت المتفق عليه بعد الحاح مقرف من دريد وتهديد كلشي جان يتسجل يمهم

بيومهة دريد داس بالحجي هواي بمكالمة اخرى.... بنفس الوقت اريد اطلع والگة المصيبة
جان الباب مقفول
:عززاا العزاني هااي لييش قافلينة..
رحت ادور مثل المجانين نفس الاماكن ارجعلهم

اهتز الموبايل رديت
:المفتاح عد جديتج

:لعد شلون اخاف تكشفني ووين الكي
:تحركي رانيا كافي تهدرين الوقت
كانت نايمة بالمطبخ عود اني مخبلة وهي دتحميهم مني
مديت ايدي المرتجفة بجيب دشداشتهة

فززتني بصوت شخرة قوية وانقلبت على ضهرهة ماحست اخذت المفتاح فتحت الباب وطلعت

وصلت للسيارة گلبي راح يتشلع من عروقه من سرعة النبض

:توديني لدريد؟
:صعدي بلا كلام

فتحت الباب اهوع من ريحة السيارة، مدري ريحتهة مدري من عقلي

نضراته بالمراية الامامية لعبت نفسي احس نفسي وحدة قذرة
معقولة اني هيج صرت.. راح ارجع انستر واحس بلامان لو ابقى هيج لحد ما اموت وصلني لمنطقة اخرى
دموعي تنهمر
ورجفتي هزت حتى احشائي
وصلت لمنطقة ما اعرف اني وين بس المنطقة مليانة بنايات عالية صف السيارة ونزل

ضليت اتلفت عسى ان اشوف احد مو گالو احنا وياج اشو محد

زياد خوية والله كل هذا لخاطرك والله دوهنتني ما اعرف الصح من الغلط
بس اريدك ترجع

صعد دريد بالكرسي الورا يعني بجانبي

:يااا الله شعوور الاانتصاار رراحة نفسية

:ياا انتصار دتششوف اني شلووني دريد والله بس جثة تمشي على الگاع ماا اعرف ليلي من نهاري

:من اييدج من الاول گلت اسمعي كلامي مرضيتي.. احم هسة ما علينة ننسى كلشي ونبدي من هالليلة

:لعد واخوي مو گلت راح تطلعة

:امم اطلعة بلاول نتفاهم... مد ايدة يريد يلزم وجهي صرخت
ضربني وعصر حلگي
:صصووتج لعد ششكو جايتني اذا متنطين نفسج عا........
:بسس گوولي ليش وورطتة ششمسويلك لو بس اني لوو مأذيني اني ششوفة خطية سگطو طفل حتى ميگدر يدافع عن نفسة انتهى تدمر

مد ايديه لوجهي باسني واني تقيئت شكو ابطني علي وعلى سيارتة

ابتعد مني منقرف وضربني بكف ايده على راسي بكل قوتة

:اييييييع اليوم انعل ووالديج اش.........،........

يفشر ويغلط ويضرب على راسي تهسسترت نوبة جنون فضيعة، فتحت باب السيارة وگعت على الارض بالترراب

اسستدار ليمي يريد يصعد بكرسي السائق
الظلام دامس وعيوني انغشت وانا اشوفة شلون ينكث نفسة

اقتربت ززااحفة لررجلي

:ابوووس ررجلك اخووي درريد اذذبحني هنااا مووتني بس خل يطلع زيياد انطفت عيينة وحتى قارضين لحمة فددووة لااا تعووفني والله خداامة اصصيرلك بسس طلع زيياد

:دوووخرري منييي

:لااا ترووح فددوة لااا ترروح

:سألي ششهاب عن درييد هوو اللي تعاون وياا ابو راامي حتى يوورطة

:ششهااب ششهاب عميي

:عمة اليعميج على هيج عم ششمر عرضة للسجون

:اسسمعي يوولو ششهاب هو اللي ورط زياد اناا ساعدتة جرة أذن الج وهسسة لعبت نفسسي من الموضوع بعد ماا ارريد اششوف خلقتج تمااام

:لاااا لااا ترووح سساعدنااا ددخييلك ددريد لااا تررووح لااا تعووفني اخااف والله اخاااف لاا تعوفني

حرك سسياارتة وراح

اگوم واتعثر بمكان مجهول اوگف وارجع اوگع حالتي ضليت امشي بلا عباية المنطقة كانت ساحة ترابية بس قريب منهة بنايات عالية
يمكن گراج سيارات بس فارغة

بضع خطوات اخرى، وگعت على وجهي بالترراب
حقيقة او سراب ما ميزت
المهم اني سمعت صووت قيصر

:يمج يمج، وووينججج يمعوودة الححگيهة انتهت

وعيت على نفسي اباب بييتنه كنت شبه واعية  غير مدركة بذاكرة مشوهة وحسام ومشمش يتجادلون بصووت خاافت
بعدهة انرفعت من الارض وصرت على فراش من ريحة الديتول عرفتة فراشي

___________________

سرى

طلعت من الصالة اللي كان مقام بية الحفل امشي كنت انيقة مضهري ملفت
لكن الانضار ماكانت مريحة الاغلبية يخصون ام مرتضى وما اعرف شنو واصللهم من كلام ماكو تعاطف بنضراتهم
دخلت لغرفتي اباوع لنفسي الكل يشهد لجمال عيوني وشعري وطولي
اعجابي بنفسي كسرته دمعة هضم
نزلت راسي بجيت
كنت مراهقة مدللة متعالية عن كل قبيح ومؤذي ماكان كاسرني غير غياب والدي

اما الآن كلشي بية محطم كبريائي غروري انوثتي..بتصرفات عشوائية احاول ارمم نفسي لكن لا مجال انا محاطة بأشخاص لا يرغبون بوجودي

فتحت الماشات مسحت المكياج اللي تشوه من دموعي سبحت وبدلت فستاني ببجامة خفيفة وأخذت مفتاح بيت ماما وطلعت
بدون ما احسب حساب ل اي شي

حالتي ضاعفت اشواقي ردت بس ريحتهة
لبست شي ساتر وغطيت راسي بعشوائية بشال وطلعت امشي من الهوسة محد لاحظ خروجي..

فتحت الباب ودخلت
طبكتة وضليت امشي وكلبي تسارعت نبضاتة

:ماامااا ماامااا ووينج اني اجييت

ماكان احد يرد علية كعدت على ركبي اببجي

:ممتتحجين مااماا ششنو زعلاانة
يااا الله شلوون بية لييش ررحتي منيي لييش يااريته قتلني ويااج ياارب تااخذ حقي سساعدني ياا الله

نهضت من مكاني دخلت لغرفة مااماا
احضن بمخدتهة وفراشها رووحي طلبتهة بششدة فتحت الكنتور حاضنة ملاابسهة كلهم

دخلت للكنتوور ارريد اصصرخ ماا ارريد احد يسمع صووتي

:مااااامااااااااا تعبااانة انييي تعااالي فدوووة ماامااا ملخوو روحي من بعددج محد رررحمني الحكييني
ماامااا فدووة لوو بس لمحة المح وووجهج اررريدج كاا اررريدهم يااااربي اخذذذني ل اميي مااا عندي غييرهة تعاالي ششووفية ششصاار بحاالي ماااماااا

بجيت وصصرخت ولطمت بهالمكان الصغير المضلم... اررتاحيت تمنيت ابقا كل عمري هناا يم الباقي من ريحته

:يارب سامحني انا مامعترضة انا بس تعبانة ارريد امي انت تعرف بحالي اخذني يمهة ماا اريدهم ما اريد احد حتى حنانهم ما اريدة
كلبي مكسور يا الله اكره اشتكي لغيرك
مرتضى ابنهم وخالو ابوهم.. يجي يوم ويتغيرون علية واني خاايفة والله خاايفة ماا اعرف مصصيري

غفيت واني اتلهج بكلمات الدعاء والعتاب والمناجاة

مرر الوقت وفززتني فتحة الكنتور بقوة وصررخة

سحبني من ايدي وضربني على وجهي بكل قوتة

:لج لييييش لييشش هييج ششالعة كلبببي ماااتخاافين الله لييش مااا گلتي رررايحااا حييووانة انعل ابووج لاابو الوورطني بييج

:مررتضى

عاافني وطلع يركض
بقيت گاعدة بمكاني لازمة خدي، ششبي شسوويت ليش ضربني

شوية ورجع
:سسرى ياابة فهمييني ششبيج لج لييش هييج تستمتعين بعذذابي ششوفي حاالي صار ششكد  اددوور رراسي ششيب فششلتيني بههذلتي حاالي

:مااسويت ششي

:كوولي ياابة يااقندرة اني طالعة هناا انني رردي على صخاامج

:ماا ادري والله كلبي ووجعني وطلعت تعبت روحي

:فدوة كاافي سرى والله خايف من نفسي عليج خاايف يجي اليوم اللي ما اگدر اسسامج بي خاايف اشوفج تتعذبين وأكول تسستااهل
جااي تغلطين بحقي هواي

سكتت مارديت علي
:ششبيح احد زعجج احد سمعج كلمة

:لا

:اني اسفة، بس عفية اطلع منا اريد اناام راسي مأذيني حيل

:گومي نامي بغرفتج متبقين وحدج

:لا ارريد هنا

اقترب مني حضني وحجة صوتة خفت وصارت بي رجفة
:لتززعلين والله خبلتيني احتااريت شسوي ووين اددور
لو موو كاميرات بيت ابو محمد ماجان عرفتج هنا ودورت وطلعت بعدين الگيج خاتلة هناا شنو ضاعت الاماكن

:رااسي يأذيني ضربتني حيل عوفني ارريد اناام بلمي يسكن الوجع راح انجن ارحموني

شدد بحضنتة اقوا:اسسف ششبيج والله فقدت لاا تسسوين هييج

:موو زعلانة ارريد اناام عووفني خنكتني

عافني ولزم وجهي باس راسي :لييش هيج اموري متعقدة وياج

:مررتضى رراسي مووتني الطنين كرهني عيشتي روح لبيتكم ارريد اناام

:هذذا بييتي هذذا ماا ارريد غييرة

كمل كلامة وهو يحضني بقوة

دخلت امه والبنات
:والله العضيم فلا تسستحين لعد حتى اعتذذار متعتذرين سسايبة وحدج من البيت ششعندج هناا وهذا الخروف لاحگج بلا حساب ولا كتاب

رقية:تعالي ماما هسة بس تحجين يگب علينة مرتضى

مروة كانت تحاول تهدئ الوضع لخاطر مرتضى

:يوووم يمعوودة اني اني احااسبههة محد الة علاقة روحو للبيت جاي وراكم

:ووينة حسسابك ماا شفنا اشوو ضالة تعربد وتلعب بكيفهة مااترريدك هي گوة كاافي لازك بيهة عووفهة والله ازووجك تاج راسهة تعال شوف البنات اليوم مثل الفراشات بغداديات مأصلا مو هاي بنت المعيد

:اطططططلعييي كااافي
ماا ارريد ااحجي وتسسووني عاايق اطلعييي دفع رقية ومروة برا بس هي ما مسهة
ضلت حاطة عينهة بعيني وتسمعني خناجر تخترق عقلي مو كلمات وحروف

اجا يمي من شاف دهشتي من كلامهة
:سسرى سرى معليج من أحد

لزمت ايدة انضرلة بتوسل

:روحو فدوة رراسي يووجعني اخذهة وطلعو بس اريد انام

:سررى لاا تحجين هييج توجعين كلبي

:روح، عووفني وروح

عاف ادية وسسحب امه
وهي تصيح
:ولكم صايرة داايرة بيت تدفعون اجارة بس علمود ملاابس مرة مييتة حلاال حررام شهالعذاب هسة علاقل شمروهة بي ماا اريدهة هي گوة

قفلت الباب علية اعصابي منهارة اريد اكل مم لحمهة قسما بالله صرفت من طاقتي وعافيتي حتى بس ما اهجم عليهة لعيون مرتضى وخالو

ذبيت حركة گلبي بوجهي لطمت لحد ما عجزت
اخر شي گعدت بزاوية الغرفة اردد

:نادي عليا مظهر العجائب تجده عونا لك في النوائب

هوواي هوواي رددته بكسرة خااطر

بعد ساعة اندكت الباب

:سراوي يروحي
رردي علية... سرى والله راح نتخطى.. افتحي الباب يولي كلبي يرجف والله ما ادري شبيه احس وجعج بكلبي

:روح مني مابيه شي اريد ابقى لوحدي

:لخاطري حبيبي مالي خاطر يمج، ادري زعلانة ابقي زعلانة بس افتحي الباب

نهضت فتحتة
شاف وجهي، جفل

:لييش هيج مسسوية لييشش سرى والله مشاكل عاادية

باوعتلة رافعة حواجبي:هذاا ووجهي بكيفي اكسرة افلشة احركة اششوهة بكيفي
لو هم راح تضربني
الواضح دتريد تسوي عادة جديدة طلعتي اضربج ضربتي نفسج اتعصب عليج
حجيتي زايد اعايرج بحبي

:اششش اشش ما احجي شي ما اريد احجي براحتج شتسوين سوي

عفتة ورحت تمددت
ساكتين فترة طويلة
اني متمددة على السرير وهو بلارض جالس بقلة حيلة راسة متكأ على الحايط وينضر للسقف

:ضربتج ردة فعل كنت منهار من الخوف
وبابا انجن لحد هسة ضغطة صاعد

:مرتضى

:هممم

:بعد ما ارجع لبيتكم، اريد ابقى هنا خالة قافلة واني ما اعرف اتحمل والله اذا ابقى اكثر اتدمر اعدم صحتي تقبل تشوفني تعيسة

:بابا محتاجني

:ماراح اطالبك بشي ابد، ولا حتى وقتك بس اريد ارتاح هنا

اقترب مني صار جهي قريب على وجهة
يبوس بالكدمات وعيوني ويحجي همس

:صار بعيني نتزوج نبقى هنا بس هسة خل نرجع ترة خالج حارك الجو يريد يجي هنا

:شكد اذية اني

:عسل على كلبي، عاااشكج يولي هيج احسج وي دمي تمشين حتى النفس يضيگ من تلوين بوزج

:واني احبك والله

:حبيني اذا كرهتيني اموت

نهضت وحضنتة وهو هدأ ورأسة على كتفي

:تعبان حبيبي
:حيل تعبان ساعة دورت عليج احسهة سنه

:يرروحي بية ولا بيك، شمصبرني على هالدنيا غير حبك

:ايباااه ششلون صابرة لعد هاي الخرابيط بوجهج علامات الصبر مو
:ضجت والله
:ابووس الضايج اناا اكلووو اكررطوو اناا شلون هيج حبيتج ولج خاف ساحرتني

:محد يحبني غيرك

:الله ششگد حلوو هيج ان شاء الله دوم.. ناقصني بعد يحبونج وتتخبلين علية

يحجي حاضني واني ادفع بي وهي يشدد اكثر

:لكك كاافي اختنكت
:الحب الخاانق

:عززا لك كاافي متت

:الحب الممييت

:لك مرتضى راح اسسبك كاافي

:سب الحبيب زبييب

اضرب على ضهرة ولا عبالك خنكني خنك

:ووخر داا ارريد ابووسك مششتاقتلك

بسرعة وخر مرخي وجهة اقترب مني
سويت روحي اعدل گعدي دفعتة وطلعت اركض

عززا بعينك مرردت ضلووعي

ددفعتة وطلعت وهو وراي يضحك

نبته وغصن مكسور
وبشحت الماي
هذا آنه حالي اعليك
من تگطع اوياي

رحنا الخالو
اول ماشاف جروحي تخبل

هسة اني هم صخلة حيوانة دلطمي على رجليج على بطنج مال الثول كون
بالكوة هديتة
وام مرتضى ولا تسكت كلساع تنطي كلمة
بقى مرتضى يمة واني طلعت لغرفتي

رقية بهمس:هااا الحية مسسوية نفس بريئة شلوون تتختل وتدلع هاي كلهة لان حاگريييج لو كتلتج حركة من مروة جان خليتيهة تفرح بحفلتهة

طلعت مروة من غرفة امهة تمسح بدموعهة
باوعتلي بعتب وتكلمت:سراوي عيني هدي اللعب شوية كافي ترة خبلتي الولد وابوو علينة

صافنة بوجهم شكيت بنفسي عززاا ششديصير لييش هيج

:مروة والنبي مو قصدي بس والله جنت تعبانة

:كافي روحي من يمي لا هم يرجع علينة صاير ميشوف احد بعينة

دخلت للغرفة اراجع حساباتي اني اكره الخبث انبذه وارفض يكون جزء من شخصيتي

ضليت افكر اني خلص لازم لبين ما نتزوج لازم اتحمل قابل راح يقتلوني هو كلام وينسي

احجي وي نفسي وعقلي رافض الفكرة تماما اني مو طبعي اسمح ل اي احد يتجاوز علية

مرتضى بعد ما اجا ليمي ثاني يوم كان حفل الزواج
گلت ما اروح بلكي يخف التوتر شوية

گعدو من الصبح مرتضى يتداهر وية خالو الزعلان شلون ضربني
دخلتلهم للمطبخ كانو يضحكون تلاشت ضحكات خالة والبنات

مرتضى غمزلي وسوا بوسة بالهوا

خالو:طايح حظ لتتصير احتترم نفسك واثكل

:يابة گلبي يوزني والله

تبخرت من الخجل، خرب يومك مو جوعانة هسة اللي خلك اخجل اني

ضحك علي خالو واشرلي على الكرسي اليمة

: ضل يجيب ويقدم يمي

جانت گاعدة يمي مروة وتسولف وياهم
ورقية تتعارك وية خالو بالشقة تريد بعد فلوس

:بااابا تحجي صدوك هاي فلوسك يحطولي بيهم ديرم وسحرية

:اصلا انتي شكو تحطين مكياج ترة عيب

:شوف شوف وصلت للفلوس ضل يدور عيبات
ياابة زودني بعد ششوية فدوة شنوو هية جداوة

:غضب الله عليج مية وخمسين الف ومااكافي ولكم اشك هدومي لو مخلف مطية ولا هالبنية

مروة:حقيرة كافي راح يصير ششاعر بسببج
مرتضى:اكلج شو انتي ما مستحية بيج شي احس اعراض الخبال رجعت عليج

:اي هم صدك

حجتها وصغرت لكمتها.. واحنة صافنين كالت.. لا هاي ما تصرف وراي شغل
كبرت اللكمة ورجعت طبيعية

مرتضى دمع من الضحك على سوالفهة
بعدين گام راح حضنهة وباس راسهة
:شرايج نلطل شو ما ارريدج ترحين

رقية:على بختك ييمعوود صار اسسبوع اكشط بووجهي غغير انتحر اذاا تبطلون

:ولي تزوجي انتي حية ومتنجرعين منريدج هاي بطلنا نريدها

خالو :لا يابة هاي گلبهة ثلج بس اكو من غيرها

ام مرتضى:شقصدك ترة كلام امس بعدني مبالعتة لا تثگل بالكلام

:نصي صوتج واحترمي الموجودين

:هااي كلهة لان اخااف على بنااتي وابني، يعني اكو اكثر من تهديدين ششمنتضر ياا بششر والله ياجميل اذا صار شي مراح اسسامحك والايام بينة

طول الوقت كنت صافنة مبتسمة على كلامهم لحد ما تعاركو
اجيت اگوم خالو لزم ايدي

:كملي اكلج يلا يابة معليج منهم اني ابوج وامج راح ابقى احميج لحد مايفصلنا الموت

عملية البلع صارت عذاب اريد بس اخلص، وام مرتضى طلعت زعلانة

مروة:يلا سرى راح تأخرينة

:ما اروح ماعجبني مكياجهم هنا اسوي احلى

مرتضى:اغيرلج الصالون گومي امس حتى مشفتج بسبب خبالج غبيية عود عيديهة حركة امس وشوفي شلون املخج

:مرتضى اني اعرف وربي

:اببد يلا حبيبي سمعي كلامي حتى يكولون رجلهة نجر

خالو:هي غير ساحلتك سسحل البعد ايدي

:ميخالف يابة دعااية.. يلاا لج شو بعدج گاعدة
:بسيطة مرتضى بسيطة تتأمر علية

عض شفتة عود يعني بس كدامهم

البنات ضحكن علي وخالو كالة:طاح حضك يا مسحول ههههههه

دنكت على ايد خالو بستهة، الله لا يحرمني من هالضحكة
سحب راسي وباسة انكسرت ضحكتة بدموعة

كلبي انعصر يگولون ابن ادم كلبة يحسة بالمصايب.. من شفت دموعة حسسيت ششعور خنكني
:خالو لاا تبجي فدوة

مسح على راسي واشرلي ارروح

:هاا يابة ششكو ترة عررس مروة موو سرى ششنو خربطت بلاعدادت

:بنيتي امانك يابة تحطهة ابطن عينك

:مادام ايدهة بيدي اضمهة بروحي والله

___________________ يتبع

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

تفاعلكم سبب استمرارية الرواية🌹

حسابي الانستغرام

✨وربي الضغط اللي علية هالفترة متتخيلو بس لهفة بعض القرائات وتفاعلهم فدوة لعمرهم مخليني اكمل وياكم
هالگد حاابتكم يعمري ممنونة لحضوركم💕🫂