قوة ايسون

القـوة الـسـادسـة وثلاثـون

✹ ✹ ✹ ✹ ✹ ✹ ✹ ✹ ✹ ✹ ✹
#قوة_أيسـون

البارت السادس وثلاثنين

باقلـم :زهـراء لـؤي

نجراتي الحلوين لتنسون تصويت ، ومُتابعة للحساب، وتعليق بين الفقرات💅🏻⛓️❤️‍🔥

حسابـي الأنستا : wa5bad

خاف أمـوت وآنـه ما شبعانـة منك خلي أحضنك
يمكن المـرة الأخير البيها أحضنك
ومنو اليـدري المـوت يا ساعـة يجي
ولو ميتـة هواي منك ..
__
خاف أمـوت بديـرة غربة خاف أمـوت بعيدة عنـك آنـه ما عندي مكان بغير حضنـك هـاك روحـي وخذنـي يمـك خاف أمـوت وآنـه مو يمـك حبيبي ..
✹ ✹ ✹ ✹ ✹ ✹ ✹ ✹ ✹ ✹ ✹ ✹ ✹ ✹
ايسـون ...

ضليت مصدومة وكل ذرة بجسمي ترجف أريد أستوعب الي جاي يصير شنو مادري همس بأذني صوتة أعرفة والله سامعتة
-أتحركي وياي أذا تحاولين تحجين لو تسوين غلط أموتج أهناء

-ايـسون : منو أنتَ

-انا نفسة الي رفضتي على مود الأكبر

فتحت عيوني بصدمة معقولة دُرغام معقولة!
-ايـسون : أنتَ دُرغام

ضغط السجينة على رگبتي حيل وهمس وأنفاسة تضرب بوجهي
-اي انا ايسون انااا ، تحركي وياي بسرعة صوت واحد ماريد

بلعت ريگي قويت نفسي ضربتة بعكس أيدي بطنة كل قوتي گبل وخر
-ولج حقيرة أصبريلي تضربينييي

گبل ركضت دخلت للمطبخ صرخت بعلوا صوتي
-ايـسون : يمةةحيدرة ألحگولي حراااامييييي

أجة گبل يركض يريد يلزمني طبگت الباب بوجة وفتحتة نزل حيدرة يركض وأمي وتولين باوعت الـ دُرغام شعرة مخربط ركض دُرغام وأجة شخط أيدي بالسجينة من الجف الحد العكس

ركض حيدرة لزمة وأمي راحت جابت الشيش فتحن عيوني بصدمة تريد تنومة بي أضن حيدرة لزماة دك بوكسات وانا أحس روحي شاغت روحي راحت أيدي تنزف
-حـيدرة : ولك حيوااان منو أنتَ منووو

-ايـسون : هذا دُرغام أخو رفيف أخو رفيف الي خطبني

باوعلي حيدرة مصدوم وأمي همين تولين لازمة نعال واكفة بالباب
لزماة حيدرة وگال الـ تولين
-حـيدرة : بسرعة تحركي جيبييي مبايلي بسرعة

راحت تولين تركض تجيب مبايلة باوعلنا حيدرة وصاح
-حـيدرة : ولججج بوية أمشيييي لفي أيدججج بسرررعة هذا سكران ابن الكلب سكرااان لا يصيرلج شيء أيدج شوفي جرحها

ماسمعت منة ضليت مكاني راحت جابت تولين المبايل وحيدرة أخذاة أضن أتصل على الشرطة وراها أتصل على الأكبر وهذا واكف دُرغام يطوطح دم يخر من خشمة گوة يحجي ويطلع من الكلام
-دُرغـام : وين الكلب الأكبر خلي يجي اوكلة نعل

لوة أيدة حيدرة وسفطاة وي الحايط وعيونة أحمر لو بيدة يموتة والولد منتهي
-حـيدرة : تاكللللل نعل أنتَ تاج رأسك أخوي وجهة القندرة

-دُرغـام : دخلي يوليييي يجينيي يضربني لأن طلبت أختك للزواج مسوي نفسة رجال

-حـيدرة : غصباً ماعليك وعلى أكبر شارب رجال حيوان

تقربت من يمة أمي والشيش بأيدها وتعض بأ أصبعها
-ميـاسين : ولك ماتستحي أنتَ مامتربي ولك من أجتنة أمك وانا مارتاحة الكم عرفتكم ناس مو زينين وشرانين

-دُرغـام : نجبي أنتِ

فتحنا عيونة بصدمة أيدي تجري دم موتتني صاح بعلوا صوتة وهو يضرب بي حيدرة عدنا خط أحمر أمي لزماة وضربة بوكس
-حـيدرة : ولگ گوا** أبن الكلب منية الـ تنجب تاج راسك

يضرب بي كل قوتة الولد الة شوية مات بين أدي أمي تصرخ خاف الولد يموت شوية وسمعنا سيارة الشرطة بالباب أجو طلعوا بالباب والأكبر أجة يركض گبل باوع الـ أيدي الي بيها دم مصدوم

ركض حضني كل قوتة حضنتة ضميت نفسي بحضنة وخر عني يباوع الـ أيدي ويمسح بوجهة
-الأكبـر : خرب شرفك أذا عندك شرف ياسگط تعالي بسرعة خلي البسي شيء فوگ ملابسج خلي أخذج اخيط أيدج بسرعة

-ايـسون : مابية شيء أكبر مُجرد جرح هسة أعقمها

خزرني باوع الـ تولين گلها
-الأكبـر : تولين روحي بسرعة جيبي شيء تلبسة

راحت تولين طلعت أمي لازمة بيدها معقم وشاش باوع الها وگلها
-الأكبـر : لا خالة هسة راح أخذها خيطوها الها

تعض بأصعبها وهيّ تخزر بيها
-ميـاسين : أخذهاا شلت حالي يگلها أخوها عقميها ماكو

-ايـسون : اهو يمة لا تبالغون كلشي مابية

أستغفر ربة الأكبر حيدرة راح وي الشرطة جاب الأكبر شاش لف أيدي بيها على ما نوصل صاعدة بالسيارة والأكبر يحاول يكتم غضبة
-الأكبـر : ولجججج هذا الكلب شلون سوة هيج شلون وداعة أمي أندمة بسيطة أصبرلي ياكلب ياحقيرر

-ايـسون : أنسان قذر فوگاها شارررب

باوعلي وعيونة تتفحص وجهي
-الأكبـر : جاي تتأذين نجرتي؟

أبتسمت بهدوء وگتلة
-ايـسون : مابية شيء والله هسة يخيطوها تصير زينة

-الأكبـر : جعل الوجع يجيسني ولا يجيسج

-ايـسون : أسم الله عليك أكبري

ضل طول الطريق يستغفر ربة أخذني للطوارئ خيطوا أيدي من الكف لحد العكس طلعنا صعدنا بالسيارة لزم أيدي الأكبر وباسها
-الأكبـر : أخلي يدفع ثمن ضربتة الج وحق گلبي الـ متلوع بعشگج

تقربت وجهي بأيدي الثانية بوستة بعيونة وهمست
-ايـسون : خليك يمي راحتي يمك أكبري

-الأكبـر : يمج انا ياحيلة أنتِ والي يدك بصدر أكبرج

حركنا السيارة ورجعنا للبيت أجذب أذا ماگول ماخفت بالبداية خفت كلش خفت أموت وانا ماشابعة من أهلي شوف خفت أموت وانا مو يم أهلي والأكبر خفت على كل الناس الي أحبهم شيصير بيهم بغيابي طول الطريق بالي مو يم الأكبر

نزلت دمعتي گبل مسحتها باوعلي الأكبر بخوف
-الأكبـر : شبيج ايسون تأذيج أيدج أحجي نجرتي ؟

-ايـسون : مابية شيء بس خفت أموت وأنتَ مو يمي خفت أموت وانا ماحضنتك الـ أخر مرة بحياتي

وگف السيارة قربني الة حضني كل قوتة أشهگ ضليت مادري شيية أبجت وگلبي محترگ وروحي رايحة
-الأكبـر : منيتي قبل منيتج نجـرتـي أشش لا تحجين هيج

-ايـسون : ما أبتعد عنك

-الأكبـر : ليش منو كلج تبتعدين أنتِ يمي حبيبتي كافي لا تبجين عيونج الحلوة

مسحت دموعي حرك السيارة وصلني للبيت دخلت حيدرة بعدة ماجاي تلگتني أمي تركض حضنتي وتبوس بوجهي
-ميـاسين : شلونج بنيتي أشو شوفيني أيدج يابعد أمج ياريت بية ولا بيج

أجت تولين حضنتني
-تولين : الحمدالله على سلامتج

حضنتهم وبوستهم
-ايـسون : مابية شيء الحمدالله ، حيدرة شعجب بعدة ماجاي

-ميـاسين : مايجي گلي ناموا لا يضل بالكم بس يريد يأدب الولد

-الأكبـر : أريد أروح بس ماگدر أعوفكم وحدكم باجر بـ٧ ألحگ حيدرة

-ميـاسين : خوش تعال خلي أفرشلك

باوعت تولين وضحكت
-تولين : أبقي خالة انا افرشلة

راحت أخذت فراشات ثنين فرشتهن بالگاع بغرفتي راحت أمي تصلي وتولين تغمزلي والأكبر أنتبهة الها ضحك رحنا للغرفة نزع الأكبر تشيرتة ضليت واكفة متصنمة مصدومة وهو ضل واكف يباوعلي مصدوم على صدمتي
-الأكبـر : بيج شيء حبيبتي؟

بلعت ريگي ماشاءالله هذا جسمة حلو حجت بضوجة
-ايـسون : أكبر ألبس تشريتك شنو هيّ عيب

ضحك وضل يمشي يتقدم ألي
-الأكبـر : عيب منين؟ حبيبتي

-ايـسون : مني ومنك

تقرب يضحك بمكر وعيونة على شفايفي
-الأكبـر : لا حبيبتي مو عيب

دفعتة وحجيت بضوجة
-ايـسون : شبيك أكبر راح أطيح على الجرباية وخر

دفعتة ورحت للحمام أغسل وجهي گوة غسلتة بتك أيد طلعت لگيتة ممطول على فراشة ومطفي الأضوية أشرلي بمعنى تعالي رحت انمطلت جرني حضني كل قوتة وباسني براسي
-الأكبـر : اخ ياراحتي أنتِ

-ايـسون : أحبك أكبري

-الأكبـر : ميت بيج ياروحة أنتِ

تقربت دفنت راسي بصدرة وگتلة
-ايـسون : أكبر بالي يم حيدرة ليش ما أجة

-الأكبـر : خلي ينطي درس لهذا الحيوان لو ما أنتن والله الة موتة بأيدة

-ايـسون : الله ياخذة أشگد حقيرر زلمة جيس حب

-الأكبـر : جيس سمينت

ضربتة على صدرة ضحكت وگتلة
-ايـسون : أبو عضلات سُداسية

ضحك بصوت عالي
-الأكبـر : عضلات سُداسية تحبينهن؟

-ايـسون : اوو كلش والله أنتَ كلك أحبك حتى شكلك لوكسوس

صدرة أهتز يضحك
-الأكبـر : انا لوكسوس اويلي وعضلات سُداسية

-ايـسون : لوكسوس اي والله مرات أصفن على جمالك وهيبتك وعضلاتك السُداسية اوف

-الأكبـر : چا هنيالي أذا تشوفيني أنتِ هيج

رفعت راسي طبعت بوسة بحنجة
-ايـسون : وانا هنيالي بيك

-الأكبـر : لا تتحارشين ايسون ديري بالج

ضحكت رجعت طبعت بوسة بطرف شفتة
-الأكبـر : أستغفرالله ايسون مو جاي أحجي لا تتحارشين

طبعت بوسة على صدرة وگتلة
-ايـسون : واذا تحارشت شتسوي؟

گبل گلبني وأيدي الـ مجروحة لازمها على كيف والثانية كل قوتة طبع بوسة خفيفة على شفايفي أبتعد وهو يگول
-الأكبـر : هيج شيء بس لان مجروحة ماريد ازيد

جريت الغطى وگلت وانا أباوعلة صفح
-ايـسون : وخر خلي انام وخر

دفعتة وانمطلت أجة حضني ونامنة للصُبح فزيت على صوت مبايل الأكبر يتصل باوعتلة لگيتة يمشط شعرة باوعلي مبتسم
-الأكبـر : صباح الخير حبيبتي

-ايـسون : صباح النور حبيبي بيش الساعة؟

-الأكبـر : الساعة بـ٥ ونص

هزيت راسي ردت أگوم أغسل وأبدل اروح للدوام باوعلي الأكبر
-الأكبـر : وين رايحة حبيبتي كملي نومتج

-ايـسون : أريد أروح للدوام أكبر

-الأكبـر : لا ماترحين حبيبتي أيدج ماتشوفينها

-ايـسون : لا أبو عضلات سُداسية دوام شلون كلساع انا ضاربتة بعرض الحايط

-الأكبـر : مو مُهم حبيبتي ضلي كملي نومتج الدوام يمي انا اتصرف من يمي يالله حبيبتي لا تكسرين بخاطري

هزيت راسي أبتسم تقرب باسني بخدي.
-ايـسون : أحبك هواية

-الأكبـر : أموت عليج نجرتي

طلع الأكبر راح وانا رجعت كملت نومتي ...

•••
الأكبـر ....

طلعت من بيت حبيبة روحي متوجهة للمركز الـ حيدرة اريد أشوف هذا الحيوان شلون گدر يمد أيدة عليها وصلت سلمت عليهم لان نصهم أصدقائي دخلت لگيت حيدرة گاعد يم مُعتصم صديقي الضابط
-الأكبـر : وين هذا الكلب؟

-مُعتصم : دسلم يمعود شبيك محمل

-الأكبـر : مو وقتك مُعتصم وينة

-حـيدرة : بالسجن چا وينة شبيك من الصُبح

-الأكبـر : وخر مسطور من الصُبح صيحوا

-مُعتصم : الأكبر لا تسوي شيء أنتَ بالسجن ترا مايصير

-الأكبـر : مُعصتم لا تخليني ألزمك اكتلك بدالة

-مُعتصم : جانت نيتي أخلي يجي بس بطلت تريد أسجنك ويا

-الأكبـر : ماضربة بوكسي ولا اسويلة شيء بس صيحة

-مُعتصم : خوش ماريد منا منا أكبر

راح يجيبة باوعلي حيدرة يضحك مستهتزء
-حـيدرة : ماتطگة گتلي

-الأكبـر : فعلاً ماطگة بس راح أسوي شيء بسيطة

-حـيدرة : قصدك تجرح أيدة

باوعتلة بطرف عيني وگتلة
-الأكبـر : الذكاء عدكم وراثة طلعت ذكي على مرتي

باوعلة معصب وعض على أصعبة
-حـيدرة : نچب أكبر لا تجيب أسمها على لسانك

هزيت أيدي وگتلة
-الأكبـر : چا غير مرتي

-حـيدرة : ولبوتي هيّ

-الأكبـر : ونجرتي همين

دخل مُعتصم أضحك انا وهو يفور من الغيرة جابة النا وجهة صاير خريطة لاعب بي حيدرة لعب ماقصر گعد يباوعلي صفح
-الأكبـر : ها كلب مندك بمرتي؟

-حـيدرة : بيك كتلة مسنعة بس ماگدر

-الأكبـر : لا كافي هسة أجة دوري

ضرب أيد بأيد مُعتصم وگال
-مُعتصم : وتگول ماكتلة

هزيت راسي طلعت سجينة من جيبي باوعت الـ مُعتصم وگتلة
-الأكبـر : بس أخلي بأيدة أثر مثل ماحط بأيد نجرتي أثر

-حـيدرة : هم گال نجرتي

ضحك مُعتصم وگال
-مُعتصم : باع الغيرة ياربي

-حـيدرة : نجب أنتَ الثاني

-مُعتصم : وجوهكم تسد النفس فضوها فضوها

باوع النا دُرغام من بعد ماجان متخورس
-دُرغـام : كملتوا مسرحيتكم مليت فضوها

-مُعصتم : نجب ولك

-دُرغـام : مشكور سيدي

طلعت أيدة وچبت السجينة مشيتة من الكف الحد العكس غمض وجهة متوجع
-الأكبـر : هيج جرحتها مو؟ هيج؟ توجعت هيج بس مابينت النة من وراك

ضغطت أكثر صاح بعلوا صوتة متوجع
-دُرغـام : ماجنتتتت بوعييييي عوفنييي

-حـيدرة : طبك سطعش مرض ياگوا**

-الأكبـر : حرامات تشبهة بالگوا**

باوعلنا مُعصتم وهو يهز بأيدة
-مُعصتم : فعلاً يجوزالگوا* شوية شريف

-حـيدرة : نجبوا هو غير گوا* شلون شريف ماتگلولي

-الأكبـر : هم صدگ

شوية خلينا وطلعنا انا وحيدرة حيدرة توجهك للبيت وانا توجهت للجامعة ...

•••
مريـم ...

سُلطان وميار سافروا ونبأ بس ماخذوني خانوني بس شسوي دوامي ولو ميار همين عدها دوام بس سر سعادتها دبر الأمر ، گعدنا من النوم مالگينا الأكبر بالبيت أتصلنا علي سولف النا الي صار بيت خالة مياسين كلش خفنة عليهم الحمدالله محد بيهم تأذة

گعدت الصُبح بدلت حتى أروح للجامعة منتظرة الخط يجيني وي صديقاتي أخواني يردون يوصلوني جانوا بس انا ماقبلت ماحب اخليهم يتأخرون عن دوامهم وهمين وي صديقاتي

شوية وأتصل السايق نزلت صعدت بالسيارة سلمت عليهم توجهت للجامعة كملت محاضرتي گعدنا بالكافتريا انا والبنات نسولف مندمجين ونضحك نباوع للصور كلنا باوعنا من سمعنة صوت شخص يتحمحم فوگ راسنا

باوعت مصدومة لگيتة شهم متأنق على أخر حباية باوعت للبنات وهو يباوعلي أترخصن البنات گعد يمي انا على صدمتي ماحجيت شيء
-شـهم : شبيج يالمرمرة گلبي شنو أشو سكتي

-مريـم : شتريد شهم شجابك

-شـهم : أجيت أشوفج أشتاقيتلج

مادري ليش أرجف من أشوفة
-مريـم : شُكراً شهم لا يشوفك أحد روح حباب

-شـهم : ماروح مريم بس فهميني شنو تردينة بالضبط تردين حتى توافقين؟

دنگت راسي وحجيت
-مريـم : ماريد شيء عوفني

-شـهم : ماحبيتيني؟

بسرعة باوعتلة رجف گلبي من كلامة
-مريـم : وأذا حبيتك شنو راح يتغير مايتغير شيء غير أنتَ ماتحجيلي شصاير وياك!

-شـهم : وداعة أمي أحجيلج وعد

-مريـم : شوكت گليي شوكت

باوعلي متوسل
-شـهم : بس خلينغ نخطب وعد رجال أحجيلج ثقي بية

-مريـم : مادري شهم مادري

ضحك قرب وجهة من وجهي وهمس
-شـهم : حبيني أنتِ مثل ما أحبج انا

وترني قربة حيل رفعت راسي وتحمحمت
-مريـم : أفكر وعود أرجعلك الخبر

باوعلي مصدوم وعيونة مثبتهم بعيوني مايرمش
-مريـم : بيك شيء؟

-شـهم : يعني راح تفكرين واذا فكرتي توافقين راح تصيرين خطيبتي؟

هزيت راسي بمعنى "أي" ضحك ويمسح بوجهة
-شـهم : أحبج مريم والله أحبج أنتظرج انا دائماً والله

أبتسمت مادري ليش أفرح من أشوفة يضحك طرت من الفرحة بالفترة الي راحت يراسلني بس يسلم ويسأل ويروح فقط وجان دائماً يگلي
-شـهم : مرات اشتاقلج وأتصل عليج واسوي تصرُفات غلط بس والله مو بوعي وأتمنى رب العالمين يسامحني ومايحرمني منج بسبب هل أغلاط وماريد أكثر بالكلام حتى ما أنحرم منج شوكت ماتحسين نفسج تحبيني گليلي أجيج من الصُبح أخطبج

حابة أعرف عنة وعن حياتة أشياء اريد أشوف شنو الي موصلة لهل حالة يومية أفكر بي و گلبي يدگ وأنتظر رسالة وحدة منة كل ماشوفة ينشر صورة أبتسم وأضل اتأمل بي

خليت وگمت كملت محاضراتي وتوجهت للبيت ...

•••
تولين ...

من بعد هذا الحرامي الخسيس الطفر علينا قفلت شبابيك غرفتي خفت عمي لا يطفر نوبة يغصتبني عبالة ايسون رحت همين قفلت مالات ايسون اي وخالة؟ ياع لا يطفر على غرفة خالة وهمين عبالة ايسون وسوي شيء الها صخام

تخيلت يطفر على خالة وعبالك ايسون ويريد يسويلها شيء حتى تصير الك غصباً علينا نوافق وتالي تطلع خالة ونزوجة خالة غصب ياععع بس احنا ماعدنة هاي السالفة أهم شيء بناتنة

شبيج تولين شهل تفكير الخايس حرام عليج گبر لفج ضربت الدوام بعرض الحايط وايسون همين وخالة جاي تصلي أندك الباب عرفتة حيدرة بيعي ثگل تولين خيولي معليج بي قبل لا أفتح الياب رحت شفت شكلي مابي شيء حلو ركضت فتحت الباب

شكلة تعبان حيل أبتسم وگال
-حـيدرة : صباح الخير بزونة

أبتسمت من ورا خشمي
-تولين : صباح النور

دخلنا وهو يحجي
-حـيدرة : منو گاعد

-تولين : انا وخالة ايسون نايمة

هز راسة رجع باوعلي
-حـيدرة : بيج شيء؟

رفعت حاجبي وگتلة
-تولين : شبيك كل ماشفتني وگتلي بيج شيء كلشي مابية

اتقدم بتجاهي يمشي وگفت انا مكاني ماتحركت وعيونة بعيوني
-حـيدرة : والله مادري اسألي نفسج گوة تحجين گوة تعاينين ألي شبيج؟

-تولين : كلشي مابية الحمدالله

-حـيدرة : فكرتي بموضوع مُرتجى ؟

روحي راحت من كلمتة رفع حجابة وهز راسة بمعنى شنو
-تولين : بعدني أفكر

باوعلي متحسر وگال
-حـيدرة : فكري على راحتج بزونة

-تولين : أي أفكر على راحتي ليش لااا

عيونة بعيوني مثبتهم
-حـيدرة : ايسون نايمة؟

-تولين : أي

هز راسة درت وجهي ادردم وراح صعد الها نرفزني شنو هل أنسان هذا حقير ينزفز الله ياخذك ويشمرك بحضني فتحت عيوني بصدمة شجاي تحجين ثولة صدمني من گال
-حـيدرة : منو الي ياخذة ويشمرة بحضنج

التفت علي فاتحة عيوني بصدمة يحاول يخفي ضحكتة واكف على الدرج
-تولين : شلون سمعت؟

-حيـدرة : صوتج جنة صوت دلالة يلعلع

-تولين : مو أحد هيج

باوعلي مضيق عيونة وگال
-حـيدرة : خوش گتيلي مو أحد

هزيت راسي ودرت وجهي گبل توجهت الـ غرفتي شبيج غبية ثولة بيعي ثگل مو على أساس تردين تنسي يالله انسي خيولي يروحلج فدوة ضوجة وين أروح ايسون الوحيدة توخر ضوجتي

رحت دگيت باب غرفتها ماكو مافتحتة فتحتة انا على كيف لكيت حيدرة نايم وحاضنها أبنستمت على منضرهم يخبلون شلون ضامها بحضنة ونايمين ضليت واكفة مبتسمة أباوع جان يفتح عيونة حيدرة ويغمزلي جفيت جفي من الخرعة أبتسم وخر ايسون على صفحة وگام

گبل شردت الغرفتي شلون شافني هذا صخام مو على أساس نايم يا والله لوتي أندفع الباب دخل عليّ يضحك
-حـيدرة : ليش شردتي

باوعتلة ونفخت ريشاتي
-تولين : ماشردت اجيت الغرفتي شنو مايصير؟

-حـيدرة : لا يصير ، عجابج منظر ايسون وهيّ بحضني

وسعت عيوني شجاة هذا صاير كلش مستهترهاي الفترة ماجان هيج
-تولين : شبيك حيدرة ؟

يباوعلي مبتسم
-حـيدرة : شبية بزونتي؟

-تولين : شمدريني بيك شوف كلامك

-حـيدرة : شبية كلامي ترا حاضن أختي مو حبيبتي وجان اسألج عجباج يعني حلو؟

-تولين : اي حلو عجبني

حجة وهو يغمز
-حـيدرة : يالله من يخطبج مُرتجى عود خلي يحضنج

نصدمت كلامة يدگ بصدري ليش ماحس بحُبي ألة ليش هيج يسوي يعني متأكد من كلامة راح أوافق عيوني صارت بكصتي وروحي راحت صيحت بعلوا صوتي
-تولين : أطلع برااا ماتستحي على نفسك تحجي هيج شلون تقبلها على نفسك فهمني

باوعلي مصدوم من كلامي خزرني وتقرب من يمي كز على أسنانة وحجة
-حـيدرة : بت الأوادم اتشاقة وياج

-تولين : أطلع برااا شنو هذا الشقة أطلععع

يباوعلي مصدوم وصاح بعلوا صوتة وهو يتقرب من يمي
-حـيدرة : ولج تطردينيي

ركضت صرت ورا الجرباية أحجي
-تولين : أي اطردك يالله أطلععع براا

ضل يتقدم يمشي ويهز براسة شلت المخدة وشمرتها علي
-تولين : لا تتقرب جنك ثور هايجج

ضل يباوعلي مصدوم گبل طفر على الجرباية ركضت فتحت الباب أركض هو ضل يمشي ورا على كيفة نزلت جوة لاگتني خالة
-ميـاسين : شبيج ولج شجاج

نزل حيدرة سويت نفسي أبجي واعيب عليّ
-تولين : أبنج يريد يموتني خالة تقبليها

تباوعلي مصدومة وحيدرة فاتح عيونة
-حـيدرة : لا يا ادبسزز ليش تجذبين

أشرت على نفسي وسويت نفسي كلش
-تولين : انا أجذب حيدرة ! مع الأسف عليك

تقرب من يمي وهمس
-حـيدرة : بزونة حسابج بعدين اذا ما أخطفج فلا يطلع أسمي حيدرة يجي يوم وشوفي بعينج

أبتسم وراح خالة واكفة مافاهمة شيء تقربت تسألني شبيج كتلها مابية شيء شبية هذا يخطفني شنو والله يالله مو صاحي هذا ...

خليت ورحت ساعدت خالة بالغدة ...

•••
نبأ ...

مرت يومين واحنا مسافرين متونسين كلساع نطلع بس علي خبلني بتصرُفاتة مافهم شنو الي يريدة ساعة زين وياي وساعة مايحجي وياي ولا يباوع بوجهي تونة راجعين جنة طالعين نتمشة كلنا
-سُلطـان : ميار وين؟

-نبأ : بالحمام جاي تسبح

أجة علي فاتح كام وي تولين وهيّ فرحانة وتضحك وياها خالة
-تولين : وين زوجة أخوييي خليني أشوفة علي

باوعلي ورجع گلها
-عـلي : موجودين تردين تحجين وياها ؟

-تولين : أي انطينياها

أخذت المُبايلي باوعتلي مبتسمة
-تولين : لج هلا بنبعة علي شلونج

باوعت مصدومة الـ علي علي ماباوعلي مدنك شلون عرفوا يصيحلي هذا الأسم معقولة صايح گدامهم صاح سُلطان بضوجة
-سُلطـان : نبعة علي شنو؟ اشو ماتسكتين تولين اخوها گاعد

-تولين : أقنع نفسك بهذا الكلام سُلطان سُليمان

-سُلطـان : ولجج اجي اسحلج ترا

-عـلي : تسحلها وانا موجود؟

-سُلطـان : نتشاقة وياك حبيبي أبو حسين الورد صدك ايسون وين؟

-تولين : ايسون نايمة أيدها خطية مجروحة من ورا هذا الحرامي

كلنا ضلينا مصدومين ياحرامي سحب المُبايل مني علي وحجة بخوف
-عـلي : شكو تولين ياحرامي؟ شبيها ايسون شصاير أحجي؟

ضلت ماتعرُف تحجي تولين
-تولين : منو گال حرامي؟

-عـلي : أنتِ گلتي أحجي تولين لاتجذبين عليّ واضح صاير شيء

سحبت المُبايل خالها منها وضلت تحجي على الي صار وكلنا مصدومين شجاي يصير حجوا الولد واتفقوا وياها نرجع باجر هيّ ماقبلت بس هُم اصروا وميار حجينالها الي صار ضلت تبجي الة ترجع الـ ايسون أتفقنة باجر نرجع وحجزولنا

رحت أحضر غراضي وملابسي دنگ الباب
-نبأ : أدخل

دخل علي مالابس تشريت شمالة هذا قحط ملابس ماتكلي شبيك دنگت راسي وحجيت
-نبأ : ها علي

-عـلي : عادي تجين شوية الـ غرفتي

-نبأ : لا ماگدر جاي أحضر ملابسي

تقرب گعد گبالي جر حسرة وحجة
-عـلي : أعتذر ماخليتج تتونسين أهواي ولا تهنيتي بس بالي يم أهلي مارتاح

رفعت راسي ادور بعيوني وأحجي حتى ماتثبت على جسمة
-نبأ : طبعًا عاذرتك ذولي مو بس أهلك حتى أهلي وانا همين أريد أروح بالي يمهم حقك مالومك غير أهلك

أبتسم تقرب من يمي وحجة
-عـلي : ليش هيج أنتِ؟

دنگت راسي تقرب أكثر من يمي
- نبأ : شبية؟

دنگ راسي يباوعلي ويبتسم
-عـلي : عانيلي نبعتي خليني أشوف عيونج

رفعت راسي أباوع بعيونة أبتسم وگال
-عـلي : ماشاءالله الخالق مُبدع بجمالج عيونج عالم ثاني

أحس روحي راح أغط من الخجل ضليت اتمتم
-نبأ : شُكراً علي كلامك حلو كلش

ضحك بصوت عالي تقرب جرني وحضني حسيت روحي راحت ضليت أرجف راسي على صدرة وأسمع دگات گلبة ضعت ودگاتي گلبي الي تنسمع كل دكاتة ضليت هيج فوگ الدقيقة
-نبأ : علي

-عـلي : ياروحة

أبتعدت أحجي من أتذكرت تصرُفاتة وياي
-نبأ : ليش أنتَ هيج شتريد بالضبط؟ ساعة تحجي وياي ويوم لا ؟ تريد تعاقبني عاقبتني كافي عاد

ضحك تقرب حضني كل قوتة خشمي يطخة بخشمي
-عـلي : شنو ضجتي نبعتي؟

-نبأ : حيل علي ضوجتني ليش تتصرف هيج؟

حاضني وصدرة يهتز من الضحك
-عـلي : خوش نبعتي بعد ماضوجج

رفعت أصبعي بوجهة أحجي وروحي محترگة
-نبأ : وعد بعد ماتضوجني؟

يضحك بصوت عالي أخذ أصبعي وباسة
-عـلي : وعد ماضوجج

-نبأ : وما تتجاهلني؟

-عـلي : وما أتجاهلج وعد

باوعت الـ جسمة الي ملابس تشريت استغفرت ربي وگتلة
-نبأ : وبعد تلبس تشريت

-عـلي : لا ماوعدج

-نبأ : أهو علي وخر زعلت

مشيت ردت أطلع اجة گبل قفل الباب وحاوطني من ضهري حاضني
-عـلي : كلشي ولا زعلج نبعتي

-نبأ : شتريد ؟

-عـلي : أريدج يمكن

ضليت ارجف من كلامة همس بأذبني
-عـلي : رجفتج فاضحة كل مشاعرج

-نبأ : مشاعر شنو علي

-عـلي : كل مشاعرج أتجاهي

-نبأ : ماكو مشاعر علي وخري

طبع بوسة على خدي
-عـلي : أوف ياترافتج وريحتج جنها ريحة مسك

-نبأ : علي وترتني وخرر

جرني علي وأخذ شفايفي بين شفايفة بادلتة مادري شنو صار بية بس شعور جان كلش حلو دگات گلبي الي تنسمع وأحس روحي طايرة جني فراشة أبتعد عني أبتسم وگال
-عـلي : أحبج نبعتي

باوعتلة طايرة من الفرح ومصدومة ضحكت فرحانة حيل حضنتة كل قوتي وهو يضحك يفر بية فر
-عـلي : تحبيني نبعتي؟

نزلت دموعي فرحانة أضحك
-نبأ : علي يمكن أي احبك بس مادري بس أحب وجودك يمي أحس بالأمان يمك أحب أحُضنك أريدك دوم يمي گلبي يدگ من يشوفك لو يسمع بأسمك

-عـلي : نبعتي تحبيني يعني تحبيني

ثنينة نضحك مدري شبينا ودموعي تنزل
-نبأ : علي شجاي يصير وياي ليش هيج انا ياربي

ضليت أضحك وهو يضحك رحت وگفت كبالة وهو مكتف أدي يضحك ويباوعلي
-نبأ : علي شلون حبيتني يعني غير ماتحبني أنتَ

تقرب حضن وجهي بكفوف أيدي وگال
-عـلي : يُمكن أسرع حُب حُبي ألج بس وداعة كلشي حلو بحياتي صار والي هو أنتِ حبابج ومن كل گلبي حاولت أعاقبج بس ماگدرت حابج انا نبعتي ولهان بيج انا من يوم الي نمت بحضنج حسيت نفسي عاشگج وأتأكدت همين

ضحكت وانا مدنگة راسي تقرب باسني بخدي بوسة قوية
-عـلي : أفيشش ياترفتي

ضحكت خجلانة دفعتة وحجيت وانا أدفع بي
-نبأ : أطلع علي كافي عيب

ضحك يريد يطلع رجه طبع بوسة على خدي وراح ضليت أضحك مصدومة شجاي يصير شلون هيج ياربي معقولة انا احبة عزا شسوي هسة وين أروح اي شريد الم ملابسي اي ملابسي ركضت الم بيهم وأفكر بالي صار

كملت رحت لگيت ميار تطبخ أكل ساعدتها وعلي يباوع ويضحك أنتهبت الة ميار غمزتلي تضحك
-ميـار : ها صاير شيء

-نبأ : ها لا ماصاير شيء

-ميـار : علينا نبأ

-نبأ : هيج

حجيتها ورحت أحضر المواعين لهيت نفسي ولو انا طايرة من الفرحة ماصايعتني احس روحي تعوضت بس ماجنت أدري شنو ورا هالفرحة ...

•••
ايسـون ...

بدينا نسوي أكلات الي يحبها علي لان راح يرجع من السفر وفرحانين ماضل شيء ماسوتة أمي جاي نحضر بالغدة دخل حيدرة
-حـيدرة : وين صار هذا الدايح

-تولين : بالطريق

-حـيدرة : مشتاقلة السافل

-ميـاسين : طاگ گلبنة علي

-ايـسون : مسكين عود راح يتونس هو وخطيبتة

-حـيدرة : خلي بعد ما يروح ينتظرني لمن أتزوج ونروح سوية

باوعت الـ تولين الي باوعت الـ حيدرة ودنگت أنكسر گلبي عليها حيدرة مكنك وبالة مو يمنا وأمي شاكة باتولين تحب حيدرة أو يمكن متأكدة واضح عليها

شوية وأتصل علي بـ حيدرة وصل راح حيدرة يتلگاة يم المطار تقريب نص ساعة أكثر وأندگ الباب گامت تولين تركض تفتحة گمنا وياها ركضت حضنت علي كل قوتها
-عـلي : ياروح علي أشتاقيتلج

-تولين : واناا هم والله العظيم أشتاقيتلك حيل

سلم علينا انا وأمي دخلنا جوة راح هو سبح ودة ملابسة نزل يضحك گعدنا نتغدة
-عـلي : أحلى سفرة بحياتي كلها

-حيـدرة : أي طبعاً غير وياك الحُب

-عـلي : اي والله أحلى حُب بحياتي كلها

ضلينا صافنين علي أول مرة يحجي عن نبأ يمنة فرحان وشلون يحبها والضحكة شاگة حلگة شگ
-حـيدرة : عمي والله خوش واحد عندة خطيبة واحد خابط العفوا قصدي خاطب واحد مدري شني والله يالله

-عـلي : شبيك راح تموت دمشي اخطب وخلصنا

-حـيدرة : أي يجوز راح أخطب رؤى

باوعنة الة مصدومين وتولين وگفت أكل باوعت الـ أمي باوعت الـ تولين همين
-عـلي : رؤى أخت مُرتجى

ضحك باوع لوجوهنة كلنا وگال
-حـيدرة : شكم رؤى عدنا هيّ بس وحدة

-ميـاسين : يمة أنتَ تحبها وهيّ تحبك؟

باوعلنا يضحك والضحكة شاگة حلگة
-حـيدرة : أي يمة انا عاشگها وميت بيها بس مادري اذا عاشگتني لو لا

-عـلي : شوكت حبيتها أشو ماگلت ألي

-حـيدرة : ليش أنتَ گتلي من عشگت نبية

-عـلي : هيوو نبية شني اسمها نبأ لو نبعة وتسوي فضل أذا تصيح نبأ خليني بس انا ادلعها

باوعت الـ حيدرة وحجيت بچدية
-ايـسون : حيدرة أنتَ فعلاً حابها؟

-حـيدرة : كلش ميت بيها وعلي

باوعت الـ تولين علي أنتبهة النا ثنينة رجعت تاكل تولين باوع الها حيدرة وگال
-حـيدرة : شنو ما أنطيتيني رأيج بزونة

باوعتلة تولين وتحاول تخفي الغصة الي بيها ورجفتها حجت بأبتسامة متصنعة
-تولين : ألف مبروك مُقدماً ورؤى خوش بنية تستاهلك وأنتَ تستاهلها

ضحك وهو ياكل عنب وغمز الها مافهمت شقصدة من غمز
-حـيدرة : يوم الألج بزونتي

-تولين : أرجع وأگول انا مو بزونة أحد

-حـيدرة : نجبي بزونتي انا ربيتج ناسية لو أذكرج

ضحكت تولين بقهر وگالت
-تولين : شلون أنسى وأنتَ أول بشر أعرُف معنى الحياة وياة

باوعلها علي مصدوم وأمي حيدرة انرسمت على وجهة شبة أبتسامة أنتبهت الـ نفسها وگالت
-تولين : شبيكم تباوعولي هيج غير هو رباني وهو قريب مني جان بوقت ماريد أحد

-حـيدرة : أي أتذكر صحيح وأنتِ أول طفلة ربيتها

واحد يباوع للثاني وثنينهم عيونهم مثبتة بعيون بعض باوعلة علي خازرة
-عـلي : حيدرة

-حيـدرة : عيونة؟

-عـلي : أذا شبعت خلي نگوم انا وياك نسولف شوية بالموضوع الي صار

-حـيدرة : أي صار شبعت الحمدالله

خلوا وگاموا اشرتلي وحجت بهمس بمعنى شوفي تولين گامت أمي طلعت تسوي جاي گمت گعدت يمها ساكتة هيّ بس تلعب بالتمن بالخاوشگة
-ايـسون : تولين

-تولين : بخير انا

-ايـسون : متأكدة

ضلت تضحك بصوت عالي ضليت صافنة وراها شهگت شهگة قوية وضلت تبچي وتشهگ گبل حضنتها
-تولين : گلبي يوجعني ايسون

-ايـسون : ياريت بية ولا بيج

-تولين : راح يتزوج رؤى يحبهاااا شلون ماشفت هذا الـ شيء شلون ماعرفت ولج اخ ياگلبي أخ

-ايـسون : انا هم ماگلي والله مادري مصدومة حالي من حالج

-تولين : يارب أخذني ولا تخليني أشوف هاليوم صحيح گلت راح ابتعد بس بعدني جاي أحاول أخ ياربي

-ايـسون : ولج اشش كافي أسم الله عليج نجبيييي خلي يولي خلي گومي گومي بسرعة أدخلي الـ غرفتج وهسة أجيج بس أشيل المواعين

هزت راسها بـ لاً تمسح بدموعها ويرجعن ينزلن وتحجي وي نفسها
-تولين : خلاص خلاص مابجي بعد مابجي لاتبجين تولينن خيولي گومي نشيل المواعين خلي ألهي نفسي

گامت وياي شالت المواعين تغسل همين دموعها ينزل وتمسحهن حجيت وياها شجعتها توگف على حيلها صحيح صعبة من تحبين أنسان مايحبج ومن طرف واحد خاصة تولين تعلقت بي حيل

حيل قريب منها حيدرة بس ماجنة ندري هالقُرب راح يولد الحُب من الطرف الثاني !

كملنا غسل المواعين خليتها تعصد الغرفتها ترتاح أجت أمي صاحتني الـ غرفتها دخلنا وقفلت الباب وحجت وهيّ تضرب على رجلها
-ميـاسين : عمت عين روحي تولين أدري بيهاا تحبة أدري وهذا أبن السافل جنت أحجي ويا وأگلة البنية واضح تحبك واضح تريدك بس جان يگلي معتبرها مثل أختي ماعندي شيء وياها

-ايـسون : قربهم من بعض الصراحة غلط لانُ أكيد راح تحبة وخاصة تولين جانت فاقدة الحُب والحنان من طرف الأهل المفروض علي يحتويها أكثر من حيدرة

-ميـاسين : أحتواها ولج يمة بس هيّ جانت نافرة من أخوها مني بحيث ماتستقبل أي احد بس حيدرة بس ماجانت تقتنع منة تحجي ويانة

-ايـسون : صعبة حيل يمة الشخص تحبة راح يخطب

رجعت ضربت على رجلها وتجر حسرة
-ميـاسين : عمت عين روحي يابعد عمتج

ضليت يمها شوية وراحت تصلي صعدت الـ تولين الي لگيتها مفتحة عيونها وصافنة بالسگف وتنزل دموعها دخلت انمطلت يمها وحضنتها وحجيت وياها وانا أحاول اطبطب عليها
-ايـسون : هذا أختبار من رب العالمين وأكيد أنتِ گدها أنتِ قوية حيل قوية تحملتي كل هاي الأشياء

-تولين : بس فترة صدگيني راح أرجع أقوة من قبل بس أريد أتخلص من الطاقة السلبية الي عندي

-ايـسون : أبجي طلعي الطاقة السلبية وراها أرجعي أقوة من قبل فخورة بيج

هزت راسها بستها حضنتها أقوة وضليت العب بشعرها لحد ماغفت وطلعت من الغرُفة لاگاني علي أبتسم وگال
-عـلي : تولين وين

-ايـسون : نايمة

أختفت ابتسامتة وباوعلي بشك
-عـلي : ليش نايمة بيها شيء؟

-ايـسون : لا مابيها بس گاعدة من الصُبح تنتظركُم خطية نامت وانا همين نعست راح انام

هز راسة وگال
-عـلي : ماشي چا نوم العوافي

-ايـسون : يعافيك

راح الـ غرفتة رحت الـ غرفتي أتصلت على ميار وضلينا ساعتين نحجي گالت بالليل يجونة فرحت گمت سويت الحلويات الي تحبهن وضميتهم بالثلاجة صارت بـ٥ العصر نزلت تولين مبتسمة سابحة ومرتبة نفسها طالعة تموت صحيح يومية هيّ مرتبة بس اليوم غير

أبتسمت وگتلها
-ايـسون : شلون صرتي؟

رفعت حاجبها وگالت
-تولين : ليش انا شبية؟

ضحكت بصوت عالي وضربتها على كتفتها
-ايـسون : لج ابوسج يالقوية

أجة حيدرة يخابر باب المطبخ تولين ماباوعت الة دايرة وجها تاكل من الحلويات الي بقن وهو يباوع الها سد مُبايلة ودخل يحجي
-حـيدرة : شمسوية لبوتي من حلويات

-ايـسون : الي تريدة موجود حبيبي

وگف يم تولين ياكل وتولين وخرت غسلت أيدها وحجت
-تولين : ايسون علي وين؟

-ايـسون : طلع قبل شوية ليش؟

-تولين : أريدة يوديني بيت صديقتي أشوفها مريضة

باوع الها حيدرة وگال
-حـيدرة : يعني حضرتج كل هاي الكشخة على مود صديقتج؟

-تولين : أي عندك مانع؟

-حيـدرة : أي عندي طبعًا منو صديقتج؟ خوش بنية لو لا عدها أخوان لو لا؟

-تولين : أي عدها يامن وأيمن

-حيـدرة : هلاو هلاو وفوگاها تعرُف أساميهم

-تولين : أي ترا عارفة أساميهم مامغتصبتهم

خزرها وعاط بصوت عالي
-حـيدرة : تولينننن

حجت بكل برود وهذا ميت من الحرگة
-تولين : نعم؟

-حـيدرة : اتأدبي

-تولين : شنو جاي تعلمني على الأدب!

تقرب من يمها ويخزر بيها
-حـيدرة : طبعًا لا لأن أنتِ تربيتي بس هاليومين صايرة مدري شبيج ماتعرُفين تحجين

-تولين : مابية شيء من رخصتكُم

خلت وراحت صعدت فوگ حيدرة عيونة حمر والعصبية محتلتة باوعلي وگال
-حـيدرة : صايرة مدري شبيها هاي والله

خلاني وطلع ضليت مصدومة شبيهم ذولة ! مخابيل والله خليت ورحت أطبخ العشة أمي نايمة خطية وانا سويت عشة ورها تعشينا وكملنا

نتظر بيت عمة ليلى يجونة گاعدين وأندك الباب گام حيدرة يفتحة دخلت مريم أول وحدة تضحك
-مريـم : ياااااقوم انا اجيتتتتت

گمزت حضنتها
-ايـسون : لك أهلاً وسهلاً

دخلت ميار حضنتي كل قوتها
-ميـار : أشتاقيتلج بيج شيء ها شوفيني أيدج الي نجرحت

-ايـسون : والله صرت زينة كلشي مابية

-ميـار : يمة گلبي راد يوگف من گلولي

-سُلطـان : أشتاقيتلج ولججج

-ايـسون : أشتاقيتلك أكثر حماية

سلموا تقرب الأكبر باسني بخدي
-الأكبـر : شلونج نجرتي

أبتعدت عنة عيب من أخواتي استحي همست
-ايـسون : الحمدالله زينة

ضلينا نسولف ونضحك شوية وگمت أريد أجيب الحلويات گمت أحضر ماحسيت الة أنجريت من أيدي باوعت لگيتة الأكبر گبل باسني بشفايفي بادلتة تذكرت أحنا بالمطبخ دفعتة
-ايـسون : شبيك أكبر وقتها هسة

ضحك تقرب أخذ كيكة بيها ككو وكلني وأكل منها أدمرت بشفايفي ككو لان هواية بيها ردت أمسحة جر أيدي واباسني أبتعد يضحك
-الأكبـر : هسة صار بيها طعم طيب

ضحكت أخذت الأكل ورحت گعدنة حيدرة يباوع للأكبر صفح وعلي ونبأ بعالم ثاني هذا يخجل بيها لو يغمز الها وهاي تخجل

بـ١٢ راحوا للبيت دخلنا كلنا نمنا گعدت للدوام داومت جان يوم تعب بتعب طاح حظي ميار مامدومة همين هسة يفصلوها على غياباتها بس گالت سُلطان مدبرها

سبحت وگملت شفت مُبايلي يتصل لگيتها ميار ضحكت فتحت خط رجفت كلي من سمعت ميار تبجي وتشهگ
-ايـسون : شكوو شبيج ميار شصاير؟

اجاني صوتها تشهگ وگوة تحجي
-ميـار : ايسون بـ ... بعد ماصير أم ماصير أم ...

للحكاية بقية⛓️ ...
_______________________
باقلـم : زهراء لؤي

أعتذر مانزلت بارت بس جنت مريضة 💙🫂

رأيكُم بالبارت♥️🔥🌚💅🏻؟

توقعاتكُم 🔥🫦

مُتابعة جميلة⛓️