عند ليلي
ليلي بتحسن : سهيله والنبي اتصلي بنوران شوفيها اتاخرت كدا لي
سهيله : هما قالو الصيدليه بعيده تلاقيهم راجعين ان شاء الله
ليلي بقلق : يا رب تكون بخير اتصلي عليها كدا طيب
سهيله : حاضر هتصل. (بعد ثواني) اي دا غير متاح
ليلي بقلق : شبكه شبكه رني تاني كدا
سهيله : يا بنتي خلاص هتكون كويسه متقلقيش علشان متتعبيش تاني
ليلي : لما يعدي شويه تبقي ترني عليها تاني
_________________
عند نوران واسر
اسر بعصبيه : انتي بتزفتي اي هنا اي الي طلعك في طريقي
نوران : انت اي الي طلعت واحنا في الشارع ماشيين والدنيا ضلمه ومش شايفين
اسر بعصبيه : ضلمه؟ دي ضلمه انتي مش بتشوفي
نوران بصوت عالي : احترم نفسك بعد اذنك والي حصل دا كان سوء تفاهم احنا ملناش دعوه
اسر : سوء تفاهم هو احنا بنتفاوض احنا عملنا حادثه
وليد بوجع : خلاص يا اسر هو احنا في اي ولا في اي
نيره بتلقائيه : طب تيجي معايا السكن انا معايا اسعافات اوليه وبعرف اطهر الجرح
الجميع بص بصدمه علي تلقائيتها فتحدثت نيره محاوله انقاذ الموقف : هو قريب متخفش علشان الجرح بينزف
وليد : تمام نروح علشان مش قادر
نيره : قصدي انه قريب علشان انتو متعورين ثم نظرت ل اسر نظره توسل وكمان علشان الدكتور اسر ومحبته لينا
نوران بعد ان تذكرت انه يكون دكتورها في الجامعه وعميد الجامعه ايضا : اه ايوه صح تعالو معانا دي نيره شاطره اوي
وليد بتساؤل : وانتي دكتوره يا نيره
نيره بفخر : دا انا اشطر من الدكاتره
_________________
عند وصولهم للسكن صعدت نيره وحدها حتي تحضر الاسعافات الاوليه لانه للبنات فقط
وليد محاول لتقليد صوت نيره بصوت خافت : تعالي معايا وفي الاخر سابتني وطلعت
اسر بضحكه خفيفه وبصوت خافت : اي يا تقيل هيا الصناره غمزت
نوران بحماقه ل اسر : هو انت بتتكلم عليا؟
اسر باستغراب : وانا هتكلم عليكي لي يا محور الكون
نوران بثقه : لاني محور الكون
____________________
عند نيره
ليلي بقلق : اتاخرتي لي وفين نوران
نيره : متقلقيش هيا تحت مع دكتور اسر و حد تاني كدا
ليلي باستغراب : دكتور اسر وحد تاني وسيباها لوحدها لي ولي هيا تحت
نيره : براحه طيب عليا وهفهمك هيا فين الاسعافات الاوليه يا سهيله
سهيله : هدي صوتك شويه يا بنتي البنات نايمه هتلاقيها في الدولاب فوق
ليلي : انا نازله لنوران بدال مش راضيه تفهميني وبالفعل نزلت ليلي بسرعه وهيا ترتدي حجابها بطريقه فوضاويه لكي تذهب الي شقيقتها الوحيده وتوأمها
نيره : انا نازله للمهبوله دي يالا باي
سهيله بسرعه : استني اج... هبله طلعت تجري ثم ضحكت
_____________
في الاسفل نزلت ليلي مسرعه
ليلي بقلق لنوران دون ان تنظر الي اي احد : اي يا نوران اتاخرتي كدا لي انتي كويسه
نوران بحنيه : انا كويسه يا حبيبتي متقلقيش انا بس ثم اكملت بصوت خافت اتسببت في حادثه احدهم
وهنا نظرت ليلي علي اسر ووليد واكملت بخضه : معلش يا دكتور انا هدفع لحضرتك كل العلاج صدقني
نوران : اي يا بنتي انا قولتلك بصوت واطي تفضحيني كدا وبعدين اهدي شويه هو بس الاستاذ التاني الي متاذي انما الدكتور زي الفل اهوه
وليد : انا كويس مفيش داعي للقلق
ليلي بهدوء : الف سلامه علي حضرتكوا وهنا نزلت نيره
نيره : ممكن تيجوا في النور علشان اعرف اعقملكوا الجرح ونشوف لو هنعرف نتصرف
وليد برسميه : عادي خلاص مفيش لزوم احنا كويسين
نيره : بس انا جبت الاسعافات خلاص ممكن تديني ايدك
وليد : اتفضلي وبعد انتهائها من تعقيم يده قال بصوت خافت لها : علي فكره انا قلبي مكسور برضو لو تعرفي تصلحيه ثم غمز لها
نيره بكسوف وهيا تدعي انها لم تسمع شئ : خلاص انت كدا بقيت كويس يعتبر بس لازم تروح تكشف اكيد عن اذنكو افتكرت حاجه لازم اعملها ثم تركت الاسعافات وصعدت الي السكن
اسر : طب يالا يا وليد ولا اي
نوران بتلقائيه : استني هنضفلك الجرح واعتبره اعتذار مني
اسر بمشاغبه : بس انتي قولتي ان الغلط مش عليكي تعتذري لي
نوران : ايوه ما انا مغلطش بس لولا خوف قصدي لولا اني اتحركت زياده قدام الطريق مكنش حصل الي حصل
وبدات بالفعل تطهر الجرح وكانوا بعيدين عن بعض مثل وليد ونيره لاحترامهم للدين والمبادئ وبعد ذلك غادر الكل و عادوا للبيت وللسكن
_______________________
في الصباح
ليلي بنشاط : يالاااااا قوموا انتي وهيا هنتاخر علي المحاضرات
نوران بنعاس : الساعه كام
ليلي بكل ثقه : الساعه 6
نوران : نعم 6 ازاي تصحيني الساعه 6 هعمل اي انا الساعه 6
ليلي : علشان منتاخرش و دودي ميزعلش
نوران بتذكر : اصلا دودي مش عندنا النهارده عندنا دكتوره ايمان ودكتور سامح
ليلي : امم يبقي كدا عندنا دكتور اسر
نوران بخضه : يالهوي اسر يالهوي كويس صحتينا بدري
ليلي بغمزه : ايوه بقي بقينا نقوله يا اسر حاف قوليلي صحيح هو اي الي حصل امبارح هو انتي ضربتيه ولا اي
نوران بضحك : والله لو اقدر اضربه كنت ضربته بس هو عمل حادثه بسبب خوفي من الضلمه فقد السيطره علي العربيه ولبس في عمود تاني
ليلي بحزن : الحمدلله انها عدت على خير ثم اكملت بهزار والحمدالله اني معتمدتش علي البرشام الي هتجيبيه كان زماني مت
نوران بألم : متجيبيش سيره الموت ممكن
ليلي بهزار : خلاص خلاص طيب اي النهار الي باين من أوله دا يالا قومي اجهزي وهروح اصحي العيال التانيين وتبقي تصلي الفجر يا سكاكر
نوران بضحكه خفيفه : حاضر يا قلب السكاكر
وبالفعل انهت نوران ونيره و سهيله وليلي كل ما يفعلوه وذهبوا الي الجامعه الساعه 7
ليلي : يااه احساس اننا جينا بدري دا حلو اروح اجبلكوا نسكافيه
نيره : ماشي ياريت علشان ملحقتش انام وصاحيه من بدري
سهيله بتفكير : لا هاتيلي انت سحلب بحبه
نوران بلطف : وانتي عرفاني بحب اللبن بالشكولاته
ليلي بتذمر : خلاص يا حبيبتي منك ليها حد يجي معايا انا مش هعرف اشيل كل دا
نيره بحماس : خلاص انا هروح معاكي يا لولو
ليلي بتأفف: يوه لولو دي
نيره بعناد وهيا تمشي: لولو لولو لولو وفاجئه اتخبطت في وليد
وليد بتمثيل للوجع : اه شوفتي خبطيني في قلبي المكسور ازاي
نيره : اسفه من غير قصد عن اذنك وذهبت هيا وليلي وذهب هو في الاتجاه الاخر وابتسم
_____________
ليلي : هو مش دا الي كان امبارح
نيره : اه هو مكنتش اعرف انه هنا
ليلي : امم بس شكله هيبه صح ثم غمرت لنيره
نيره : هيبه اه بس علي نفسه انا مش بشغل دماغي بالحاجات دي
ليلي : طيب يالا هتطلبي ولا اطلب انا
نيره : لا اطلبي انتي
ليلي: لو سمحت عايزه واحد نسكافيه وواحد شوكولاته بالبن وعايزه اتنين نسكافيه
محمود (طالب بس بيشتغل قبل وبين المحاضرات ويبقي ابن خاله نيره ) : حاجه تاني
ليلي برسميه : لا شكرا
محمود : اتفضلي طلبك اهوه اي دا نيره ازيك عامله اي عاش من شافك
نيره ببسمه : تسلم
محمود بعشم : علي فكره ماما بتسلم عليكى وبتقولك تبقي تيجي شويه
نيره ببسمه : حاضر قول بس لخالتو بعد الامتحانات ان شاء الله
محمود ببسمه : ان شاء الله
ثم عادوا لنوران و سهيله
نوران : بصي الواد المز دا تعرفي اسمه اي
سهيله بملل : شاروخان معروف اقسم بالله
نوران بثقه : طب تعرفي بقي اني مراته بس هو جايبني هنا علشان مصر هيا امي
سهيله بمزاح : والله لو مصر عرفت كانت وزعتك هناك وترتاح قصدي ترتاحي انتي مع شاروخان يعني
نوران : ننن غلسه
كل دا وليلى ونيره بيضحكوا وبعدين راحو قاعه المحاضرات
_____________________
في قاعه المحاضرات
اسر : بما انكو كنتو بتدرسوا مع دكتوره ايمان فا حابب اعملكوا امتحان كدا على السريع نشوف مين مذاكر ومين لا
طالبه مسهوكه (سما) : طب يا دكتور لي تفاجئنا كدا والف سلامه علي حضرتك
نظرت ليها نوران بعيون شرار ليست غيره ولكن من اسلوب سما
اسر بجمود : الله يسلمك والله يا استاذه انا حر وانتي اول واحده هتتسألي
لم تتمالك نوران نفسها فضحكت بصوت أعلى من الخافت فنتبه اليها اسر
اسر :.......
وبس كدا البارت خلص
- يا تري اسر عمل اي
- و وليد اي حكيته مع نيره
- ومحمود مجرد ابن خاله نيره ولا لا
- وسهيله اي هيحصل معاها
_تابعوا البارت التاني وهتعرفوا_ ❤️❤️❤️