روح في بحر الظلام

الحلقة الثانية

____ الكاتبة بحر _____

لتنسون التقييم والتعليق على الفقرات +++اضافة للحساب لطفا

حيل تعبت بي تفاعلو بشكل صحيح حتى يصيرلي واهس استمر

_________________________

‏استغفر الله الذي لا إله إلا هو الحي القيوم واتوب إليه‏

استغفر الله الذي لا إله إلا هو الحي القيوم واتوب إليه‏

استغفر الله الذي لا إله إلا هو الحي القيوم واتوب إليه

________________________

رانـــيــاا

برعب وصوت خافت وعيون جاحضة بخوف: هااا يووم شكوو فدوووة زياااد ووين ششصااير احححجي فدووة

مجانت تگدر تسيطر على شهگاتهه حتى ترد علية  بقيت اهز بجتفهه مصدومة

اختنگت ارريدها ترد علية.

::ماااامااا فدوة احجي عاد زيــاااد وووين حااجووني

ردت علية بيبي بعد ما مسحت وجهها بشالها

بيبي :تعالي يمة  تعاليلي لا تخافين ماكو شي والله زويد  طايح من دراجته  ومتعور  شووية ولجن ما شي اذكرن  الله
بنيتي شدي حييلج گومي شوفي اخيتج راح يوكف گلبها

التفتت لكيت مشمش منزوية بصف الحايط وبس تباوع ودموع عشرة عشرة وبلا صوت

اقتربت منها اتكلم بابتسامة كاذبة ودموع وعبرة مخنوكة

:ماكو شي حبيبي لتخافين هسسة يجي مثل ذيج المرة

جنت احجي كلمات ما اذكرهم مثل هذيان ع اساس اصبرهه
بس اني شلون منو يصبرني هذا حبيب الروح
زياد الوحيد اللي يسمعني ، اخوي الوحيد اللي يضحكني من گلبي
لا ياربي دخيلك الاا زياد ، فدوة ارروحلك عمري على عمرك زياد خوية

خليتهه تبدل واني بملابسي مابدلت ، رايحة راجعة ماعرف شأسوي اخر شي نفذ صبري

رانيا :ماما حبابة يعني شلون والله راح اموت خل نروح للمستشفى نسوي اي شي ماا أگدر اصبر
. التفت وهي تمسح دموعهه

ليلى :عمج مايرضى يكول محد توصل للمستشفى ولا ماجان شفتيني هنا وانوب اتصل محد يكلف نفسة ويرد كلبي راح يوكف ولج يما
_ كالتهه بصوت عالي وبجت

:بيبي حبابة راح اموت سوي شي وديني، انتي ميحاجيج عمو فؤاد
احجي وابجي بعبرة وحيرة، باوعتلي بحزن كالت

:گومي ويااي ليلى  شو گومي البت گلبهه راح يوكف عود خلي فؤاد يحجي الا اخزي بين العربان
كامت تمشي عرجة كبيرة بالعمر بس جانت حلوة ودبدوبة وحمرة
كامت مشيتها مثل البطريق على عصاتها  وماما ركض لبست عبايتهه وطلعت وراها

:ماما لعد واحنا شلون فدوة والله بالي يمه

:هاج هذا موبايلي واني اتصل من خط ابوج بنتي عينج على اختج صيري نبهة

راحو واجت مرت عمو فؤاد حتى تبقى يمنة هي وبناتهه

فاطمة:ها عمة لا تخافن  أن شـاء الله ماكو شي هسة يجون اني كلبي بارد اطمئني

بوستني وكعدت بالصالة

بيتنة حيل صغير عكس بيتهم. صالة وغرفة ومطبخ وطرمة زغيرة
ف مجان اكو استقبال كعدت بالصالة تتفرج بأنحاء البيت وبناتهه يمهه

منى جانت عينهه على زياد بس ماكو شي بالعلن ف من اجت جانت عيونهه حمر وتسأل بعيونهه تخاف من امهه

وبعد تقريبا ثلاث ساعات انتضار رن الموبايل ركضتله جان رقم بابا
رديت ايدي على گلبي بلهفة وخوف:هااا بابا بشر فدوة

ردت امي:لا تخافين ماما عايش بس ادعيلة فدوة صلي واقريلة قران هسة راح يدخلونه عملية مضروب براسه

ويه صوت بكائي سمعت شهكة منى

.سديت التلفون وضليت اضرب على صدري بعجز ياربي الا زياد اخذني اللي ياربي بجاه النبي محمد
مشمش بالغرفة كاعدة اسمع شهكاتهه كمت كلتلهه
:تعالي نصلي الة اني وياج لاا تخافين رب العالمين يدري مالنا غيره ماراح يكسرنا

اترخصت من مرت عمو ردت بلا مبالاة.

:براحتج بس انطيني مخدة نضيفة اتمدد

بيتنه  نضيف بس هي وماما علاقتهم مو قوية ف لازم تسمع كلام مسموم واني مو بحالهه واگعد ارادد انطيتهه مخدة اتمددت بمكانهه

وبنتها سهى يمهه تلعب بالموبايل اكبر من مشمش بسنة

كعدنة نصلي اني ومشمش شوية وفاتت منى وجهه احمر ورموشهه مبللة دموع كلش احبهه بس علاقتنة سطحية وياهم لان اهلهم ميحبون يخالطونه

كالت بصوت خجول

منى:عفية بس انطيني قرآن اقرا لسلامة زياد

:تعالي حبيبي
انطيتها القران اخذته وكعدت صار العصر وماكو خبر

وهاي نايمة ما اتجرء اكعدهه

عاد سويت ل مشمش لفة جبرتهه تاكلهه خطية مماكلة

الساعة ستة مرت عمو كالت لازم اروح البيت فارغ ما اكدر ابقة اكثر اذا تأخرو ارجع امر عليكم

منى::ماما حبابة خلي ابقا هنا عيب نتركهم وحدهم

خزرتهه وتباوع صفح  عاطت بوجهه

: و انــتِ شنو تحمينهن الله يسلمج

باوعتلي بتوسل عود حاجيهه اعرفها متقدرني بس جازفت لخاطر منى

رانيا :حبابة عمه  خليها يمنه لحد متجي ماما والله البيت وحشة علينا

خزرته بتوعد  وكالت

: خليهه بس ديري بالج عليهه انا شوية وامر عليكم

صارت ساعة ثمانية بالليل رن الموبايل كانت
ماما كالت طلعو من العمليات

بس حالته خطرة ل اربعة وعشرين ساعة لو يعيش لو يموت صوت امي جان بي كل حزن الدنيا

رديت بسرعة بصوت باكل متوسل
: ماما فدوة لازم اشوف زياد ارحموني والله انشلع كلبي تعالو اخذووني يمكم بس اشووفه
بابا جان يسمعهه اخذه منهه

:كال يابه رانيا انتي الجبيرة العاقلة اعتمادي عليج انا لا تخافين ابوي يطلع وتشوفي

كلبي جان يرجف علي احساس مخيف جاان بداخلي

:بابا دخيلك خل اشوفه الليلة والله ما اسوي شي الله عليك

اسمعهه شهك كال جهزو نفسكم جايج

لبسنة بسسرعة وگعدنة ننتضر على نار لحد ما اجا بابا بتكسي رجعنا منى لبيتهم بطريقنا من نزلت

كالت بهمس ودموع :سلمي علي فدوة
هزيت راسي مبتسمة اطمنها ودموعي تنزل
جانت حالهه تكسر الخاطر مشاعرها ممنوع تضهر  لان يدمرونها

وصلنا هم ضلو  برا واني بطلاع الروح والتوسل دخلت اشوفه

شهكت مرعوبة من اللي اشوفه موسعة عيوني وشفايفي ترجف  تكلمت بهمس

:لا هذا مو زياااد , يمااا زياد بعد عيني شصاير بيك
جان وجهه مورم لدرجة تحس عينة مشلوعه ومليان  شخوط وجروح ورجلة مجبسة على طول الساق والفخذ تقربت اريد احضنة

اتكلم بصوت مكتووم مرتجف
: يماااا لك زياد شلون احضنك زيووودي اخوووي فدوة كوم ما اريد غيرك من الدنيا والله لا تتركني وحدي زياد  امووت امووت والله امووت بدونك ولك ششعندي غييرك وعايفنييي

وكلاام وكلااام وهذيان ودموع

فراق الاخ يشبه مرض السرطان خبيث ياكلك ع البطيء حتى يسلب عافيتك او ينهيك ع الاخر

طلعت منه مصدومة مرعوبة
طلعنا برة ندعيلة ونسبح الى ان عدت الاربعة وعشرين ساعة احنا كبررناا سنين من الخوف بهاليوم

كال الدكتور

:استقرت حالتة بس راح تبدي معاناتكم عندة عملية صعبة بعد اسبوع

بهالفترة زياد مجان يعرف النوم من الم راسة
مر  الاسبوع وزياد شد بلاتين برجلة كانت ايام مرة

وخطار وعالم رايحة جاية عماتي وعمو شهاب على الرغم يكره بابا وماما حيل بس هم اجا

ما كنا  نعرف الراحة و منكدر انام من صريخ زياد كانت روحة تتملخ من الوجع بهالفترة تركت دراستي وكلشي وحتى نفسي رغم جانت فترة امتحانات شهرية بس ولا على بالي

واكفة على راسه وكفة منتضرة منه بس امر ارريد اششيل من وجعه لرووحي بسس هو يرتاح

بالليل اسهر ويا نسولف شوية ويكول

: اششش كافي لحد يحجي راح امووت 
كان يجي وجع رجله مثل الموجاات تااخذ رووحه وتمشي

بيت عمو جانو يجون بس منى متجي مرات تتصل بالختلة تطمئن علي

مرة اتصلت واني كاعدة يمة موبايل ماما جان بأيد مشمش اخذته ورديت
: هلا مناوي عيني

عاد مشمش باوعت صفح ع زياد كاتمة ابتسامتهه

زياد بضحكة خجولة :لج حمارة مو اگوم

مشمش جانت تباوع صفح بضحكة مستفزة
:دگوم بلا گوم

زياد:امشي اطلي برا

ضحك وشمر عليهه بطل بي نص مي

مشمش::شبيك لا ستحي ترة كليتنا نعرف  بس هماتين مستحين هههههههه

زياد::شششتعرفين حيوانة مو أگوم والله

مشمش :عزا بعينك يگول والله شاالك الله  دگوم يلا گوم ، وبعدين شندري ندري انت ومنى اننننن ششمه يعني كلشي نعررف

عاد هو شاط معصب بس ميكدر يكتم ضحكتة ملامحهه مستفزة وتضحك
اني هنا وجهي احمر وميته ضحك واحجي وي منى وهي تكلي شبيج رانيا ياااا شبيج كلتلهه ماكو شي مشمش وزياد ديتعاركون

منى:ياااا صدك تحجي مشمش خطية هو بحاله  فاتحة السبيكر سمعتهه المخبلة

مشمش:لا عيني وين بحالي بحال العشق اسسفين عيني مرت اخي زعجتكم

عاد صرخ زيااد

: لج حقيرة اطلعي برراااا شمرهه بالشاحنة طلعت تركض

اشرلي انطي الموبايل.ك  انطيته الة يباوعلي بعيون خجولة عود اطلعي اخذة بأيدة ترجف ابتسمت وطلعت

بقينة برا نتسمع علي منسمع صوتهه طفة السبيكر بس صوتهه

.
. زياد بصوت هادئ

-هلو منى شلونج.
-لا الحمدلله احسن.
-اممم واضح اشوف اجيتيني.
-لا يابه صدك تحجين لج لا لتبجين اشاقة
-اني اكثر والله
-فدوة لصوتج حبيبي
-لا وين باي ازعل والله يلا بطلنة مو حبيبي لعد انــتِ تگوليها عادي اني تستحيين اخخ منج بنت فاطمة
-امم لتسكتين سولفي اروح فدوة لسوالفج
-منى لازم تجين بعد مالي حيل انتضر اباب مدرستج حتى لو بس نضرة من بعيد قابل لا تعوفيني
-لا ما اسكت تدرين احبج والله جنت اجمع مهرج ومكسور ضهري بس الحادث اخذ كلشي
-يابعد روح روحي انتي لا تبجين ما انحسب ع الزلم اذا ما خليتج حلالي

بس خلصت المكالمة جان تطب الملكوفة تصيح كككلللللللووووووووووووووشششش

اني اضحك وهو عصبي
:ادبسزز حقيرة اموووتج

مشمش: جبنااهة واجت وياانة جبنااهة وياانة هلاا هلاا

وهذا ماضل شي يمة ماشمره عليهه بين معصب بين يضحك واني واكفة بالباب لازمة بطني اضحك على حالهم
هاي كلما يشمر عليهه شي تطفر حتا يخطيهه وهذا يشمر اخر شي
باوعلي بعتب وغمني امداج يغبره عود فهمتهه

رانيا ارفع بحواجبي وانزلهم انوب كام يضحك ويانة وخجلان  يمسسح وجهة صاار طماطة

طلعت مشمش وهو هاج علي وجع رجلة من الحركة انطيته مسكن

كعدنة هو صفن بوجهي عرفت بشنو يفكر

گال :شلون رانيا اني خايف ماراح ينطوهه اللي,  اعرفهم خاف ابقة بحسرتهه

كلبي نغزني من حيرة اخوي احتاريت شأكلة طريقهم مسدود شهاب وفؤاد مستحيل يتركوهم بحالهم

رانيا: لا تخاف حبيبي بعدكم زغار شكو مستعجلين ترا توك ثمنطعش سنة ليش هالحماس اصبرر لحد ماتصير زيين والله كريم

زياد.:بس يحسون احبهه يزوجوهه انا متأكد التفكير اخذ من حيلي اكثر من المرض والوجع وحقهم اصلا اذا طلبته اني وين احطهه وين اجيبهه اووووف ربيي اوووف تعبني التفكير رانيا

رانيا :صير زين وطيب بسرعة حتى  تفكر عدل ولتخاف هي بعد ذابحة نفسهه عليك مو بس تحبك

زياد: ابداعتي؟ شلون عرفتي شنو سولفتلج

رانيا :لا ما سولفت بس گطعت روحهه بجي خطية وجانت تدعيلك وتدزلك سلام  بس انت ابعد ترة عمة فاطمة حاسة ابنتهه بس متعرف الشعور متبادل لذالك متماهلة ومغلسة بمزاجهه

زياد: لا راح ابعد عنها  لحد ما اطيب بلكي الله يغير الحال

حسيته تعب وراسه وجعهه

زياد بهالحادث وحدة من عيونه صار نضرهه جدا ضعيف

بس ما اثر على جمالهم ولونهم العسلي ورموشة الكثيفة كان جماله مميز مختلف عنا كلنا
كمت طفيت الضوة وتركتة ينام

بهالفترة هملت دراستي وحياتي ونفسي لو اداوم يوم يومين بلاسبوع لو ماكو
نسيت سالفة دريد ونسيت التهديد ونسيت كلشي حالة زياد شلت عقولنا 

بالليل دا اجهز نفسي سبحت وجهزت كتبي وزياد اتصل على ابو الخط فهمه
كملت كل شي وكعدت اقرا رن الموبايل على بابا عمو فؤاد يگوله

: جهزوا نفسكم باجر اهل البصرة عدكم خطار

عماد: كل الهلا بيهم

يعني عمو شهاب لازم نتحمل نضرات الحقد منه وكلامه المسموم وي بابا وماما
ومن عمتي سمية دائما اشك هالحقد مو بسبب الفارق المادي بس هم هيج يقنعونا

رانيا :ماما باجر راح اغيب حتى اساعدج  متكدرين وحدج خطار وزياد مريض متسيطرين

ليلى :لا داومي كافي غياب تبهذلتي بلكي ترجعين تسيطرين على المادة الفاتتج
مشامش تغيب تساعدني هم مايتغدون عدنا  ادري بيهم  شوية ويرحون

مشمش طفرت : يعني باجر اغيب ايييي اخيرا صار ماما بعيني اساعدج اسحلج زويد سحل اني ادير بالي علي طفرت

دفرت باب الغرفة

مشمش : اخووي زييزززي ابوو الحووووب اني اداااريك اخووويةة شعنددي غييرك

ماشفنة بس طفرتهه وهي تضحك منهزمة من دولكة مي بلاستك اجتهه طايرة  وسمعنة صرخة زياد

زياد:: لجج يووووم صدك تحجيين هسة نمت لزمووولهه للقردة خررب قسسمتي شهالعييشة ربيييي

صاحت بيها ماما
:ولج مشمش المخبلة  بس تعاي يمي اذا ما املص اذااانج

اني وماما وجهنة احمر من الضحك بسكتة وهو مستمر بالعياط
كامت ماما تريد تضربهه بس شتلحگ زيبگ تجيهه منا تشرد مناا

الصبح بدلت ومنتضرة ابو الخط اسمع ماما تسحول بمشمشة متريد تگعد
عفتهم و رحت للمدرسة

تبهذلت رزايل اشكال الوان من المدرسات مستواي ضعيف علما خلص الدوام اكتأبت كأبه مو طبيعية

وتعلاوة على ضيمي يتصل ابو الخط على نرجس اللي هي بنية بنفس خطي يعتذر عنده عطل ما يگدر يجي

تعزيتي وتصخمتي ي رانيا هسة شيزجعني مشي

مشيت اخط برجلية وگلبي يرجف كانما حاس راح اشوف هلانسان

مششيت وعديت الركن ماااكوو قريب ع ركن فرعنة شخطت سيااارة

فتح الباب نزل رجلة وسحبني من ملابسي السايق خفف واني الرعب والصدمة اكلتني مبين متفق وي السايق على الراح يسوي

:عززززززاااااا عووووفنيييي

صرخت بعلو صوتي بدون وعي قربني ع الباب شاحطني شحط

تكلم بصووت خبييث وانفاااس كريهه كاز اسنانه بغضب

دريد :اعتبري الصار بزياااد جرة اذن..
عاف ملابسي ودفرني بقوته وحركت سيارتة بسرعة

اجت الدفرة بنص بطني شمرني على حافة الرصيف

بقيت بالشارع اصرخ وابجي  ضهرري انكسسر ادية تزلغت مر من يمي رجال راد يساعدني ماخليته يلمسني

فزيت رغم الوجع وركضت واني اعدل بملابسي الضهر العالم هدوء
كانها منطقة مهجورة تصير  من حرارة الجو

وصلت للبيت  حالتي حالة تلكتني مشمش

باوعتلي متفاجأة من حاالي اخذت الجنطة وركضت جووة

مشمش:ماماا  تعالي الحكي رراانياا ماا اعرف ششبيهاا ارركضي ارركضي

اجو هي وماما ساعدوني واني بس اشهك تريد تفهم شبيه ماكو ابجي بصوت عاليي من صارت تعيط بعصبيه صرخت بوجهه بدون وعيي

رانيا : وووكعتتت وككعتتتت تكسرت كلتلكم ما اكدر اجي مشي ابو الخط الحقير مااا اجااا يوووم ماااا اجاااا ووكت على وووجهي كدام العاالم ضرربتني سياارة

ليلى::صووتج ادددبسسزز شهالصوت العايق فضحتينة امشي غسلي
ششبيج عوجة ماتعرفين  تمشين  غسلي واللي حساب ثاني ويااج سالفتج مو تايهه ولج

زياد جوة يعيط

: يمعووودييين شصاااايرر لج راااانياااا  تعااالي يييمي وووينج

عفت الملابس ورحتلة اركض بنحيب وقهر

رانيا:زياااد بالقران اني معلية والله مو ذنبي 

لزمني من ايدي حيل وصاح خايف وعصبي

زيااد :لج احجي شبيج خبلتيني منوو ويااج .. لاا تبجييين بسس فهمييني ششصااير

رانيا :وكعت وكعت ضربتني سيارة وتعورت راح امووت تفششلت كداام النااس

: سيارتيش رانيا لا تخبليني والله ما نايم من الوجع احجي شبيج شنو وكعت
وكعتي ابير يووسف وهاذ البجي كُلة احجيي وللجج

ابجي وابااوعله بخووف وحالتي حالة ملابسي متربة لامة رجلية و حاطة  راسي ع الحايط وامسح بوجهي

ليلى : ولي غسلي شوفي حالتج خلبتيني شكول عليج

زياد بعصبية :شهالعايلة ربي صدك لو تشاقون اخطبوط يلا يتحملكم يرادلكم خمس گلووب

عفتهم ورحت سبحت وتمددت افكر بخوف ادية ترجف وعيوني مابطلت دمع يربي شأسوي اذا حجيت يصير اللوم علية اصير اني الموزينة راح يتهموني اعرفهم كلش زين واذا سكتت خاف يسوي شي بعد

اخخخ ياادريد اريد من الله ان شاء أن شـاء الله تموت محترك مثل حركة كلبي يا سافل يربي حلهه فدوة اروحلك

بعد فترة واجا بابا صاحولي ع الغدا كلتلهم تعبانة مدري شعجب عافوني بحالي

________________________

مـشمــش

من اجو عمو شهاب وعمة سمية بابا ما كان موود بالبيت وزياد مكسر بالغرفة حسيت ماما مو طبيعية راسا فاتت للمطبخ  تتكلم بتوتر واضح

ليلى :شكول عليك  عماد صدك تحجي وين طلعت وعفتني وي هالحية

مشمش :شكو ماما شبيج  لا تخافين من عمة اني وياج
اندگت الباب
هذا عمو شهاب يلا راح افتح الباب اتفلش

: ادري بعمج صخام ولي افتحي الله يستر الله يعدي هاليوم على خير

فتحت الباب بأبتسامة مصطنعه

: هلو عمة شلونج تفضلي تفضلي هلا بيكم

سمية :هلا بيج عمة صدك جذب ماتفتحون الباب شنريد منكم ناكل نششرب هاي فوك ما نسأل عليكم

مشمش: هياتني اجيت هلا بيكم البيت بيتكم .. لعد وينه عمو

:هذا هو راح للمحل يجيب جكاير حجتهه وهي تفوت

فات عمو رحتلة مبتسمة

:هلو عمو شلونك

شهاب: بعد عمج هلا بابا هلا بيج

دنك باسني بخ وصفن بوجهي يتلمس خدي مبتسم  وحجة

: كل ما تكبرين تشبهين امج اكثر مشمش

بكل فطارية وتفاهه رديت
:اي احسن دا اصير حاتة حتى اضغطكم مثلهه ههههههه

ابتسم وحجة وهو يتنهد:  ااااه اي بالله ضغطتنا..جا وينهم اهلج

:بابا راح يجيب شاش يغيرون على عملية زياد وماما جوة اتفضل عمووو شنو اليوم نتغدة هناا كلتهه بضحكة

ضحك بصوت عالي  : ام لسان ولي سويلي درب مالي حيل سوالفج

دخلت اركض دا اكول لزياد لكيت عمة يمة وهو متوجع

زياد :مشامش طيارة انطيني المسكن الوردي راح اموت

التهيت ويا ادوورلة المسكن وهو كلما انطي علاج غلط يكفخني لحد ما لكاه

طلعت دا اشوف عمو وين صار  استغربت من سمعت صوت همس غاضب من المطبخ وكفت اتصنت واباوع بسكته

ماما كانت  تبجي وعمو واكف مخنزر وبوجهه ويحجي  بصوت مكتوم وعصبية

___________________ يتبع pahrasoad

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

... . وشكرا جزيلا لحضوركم 🦋❤️

حسابي الانستغرام