فــاطمة الـزهراء ..🤍
حـــمامة الشـــهم..🕊️
حــب وعــذاب.....🤍
ريـــِحانٍــة 🌿
ffaa22_
وصرت مِثلك مو حَنين
و بَعد مَتردني الأغاني
و هاي أول مَرة مِن أشتاگلك أبقى بمَكاني
ضَوگتني الخَوف يمك
بَعد شتفِيد الأماني.؟!
______________________________
باوع علي ورد وكف السيارة حيل خلاني اندفع ليكدام _ يمهههه هاي لييش جان نضرب وجهي
باوعت عليه معصبه خله راسه على الستيرن وجر نفس _ حمامة
_ ها شبيك بيك شي ؟
رفع عيونه علي وبلع ريك _ بعد ما اتحمل
شبي هاذا شيتحمل التفتت علي _ شبيك شهم شما تحمل ؟
رفع ايده لشالي وضم كذلتي بلع ريك _ شعرج لا تطلعينه ما اتحمل بعد
وخرت ايده اضم بشعري _ شعري شعلي شتحمل
_ ما اتحمل اشوف اعطوبج جنجن كتكوت شكو مطلعه كذلتج دا يشوفونها
التفتت على الجامة اعدل بشالي _ ابد ابد متصير خوش رجال ابد لازم تخربها
غمض عيونه حيل وكال _ لا تحجين حمامة بس اسكتي اششش
هاذا شبي وضعه مو تمام سكتت وصلنا يم بيتهم كومه سيارات وزلم بره واكفيه باوع علي _ جايبه عباتج
_ ما عندي عباه
استغفر وكال _ انزلي
نزلت ويا راح يمي وكال _ امشي بسرعه
مشيت ويا وصلني لباب الصاله طب وكال _ تلكين نجمة هناك روحي
_ اخاف
_ دروحي الخاطر الله شنو وحوش
بلعت ريك وطبيت كلت _ ا السلام عليكم
نجمة كامت بفرح _ هلا بگمرنا هلا بحلوتنا
ضحكت فشلانه كمان البنات كلهن بوسني وسلمن علي رحت على الحجية بست راسها وكلت _ شلونج بيبي
_ هلا بيج يبعد گلبي صلاوات على محمد شنو هاذا الجمال
_ تسلمين بيبي
كلتها بفشله رحت هم بوست الحجيه كاعده بصف ذيج المراه الي شفتها ذاك اليوم وسلمت على النسوان الكبار وكعدت _
اول ما كعدت جتني الحجاية الي جنت خايفه منها
_ هيا هاي خدامتكم
سكتت مدنكه راسي كالت رانية _ لج عيني انتي شلزكتي خدامة مو خدامة اشتغلت الغيرة لان شفتي وحدة احله منج الزرگه
صاحت بيها صابرين _ روينههه
_ شكوو شكلت
صابرين _ نجبي واسكتي لا تدخلين شعليج انتي
رانية _ شحجيت
نجمة _ عيني تبارك ترة عيب الابنية كاعده شنو هاذا الحجي
تبارك _ وشنو شكايله جاي اسأل هيا هاي خدامتكمم
رفعت راسي بابتسامه _
بيران _ اي اني خدامتهم تفضلي
رفعت حواجبها وكالت باستهزاء _ لا هيج تشرفت
ابتسمتلها ابتسامه زائفة كالت رانية _ لج عيني هاي مرت علي شكد تسس
نجمة _ هنه نسوان اولاد عمي كلهن تسس
رانية _ لا سعاد حبابه
نجمة _ اي صدك بس هاي حمامة لا تردين عليهم وعلي غارن منج لان شهم راح جايبج اكللج ليش اني من كتلج تعاي ما جيتي ومن راح شهم جيتي
بيران _ اي غير جابني سحل يمعود ماجي ماجي ما رد علي
بعدني جاي اسولف جت بنيه زغيره شايله ليث هو شافني عاط عافته بالكاع وجان نشهك اني ونجمة من ركض علي وجيت بحضني
نجمة _ مشهههه
بيران _ بسم الله ماشالله الهم صلي على محمد والي محمد
الحجية _ يمه اروح فدوة ونذر
كامت تهلهل انصدمنه وفرحنه هاي اول مره ليث يمشي
كالت وحده منهن _ ديله عيني عبالك اول جاهل يمشي تره احنه هم عدنه جهال وجاي يمشون اشو ما كلنه هيج
صابرين _ اي والله هاي عياره جديده
بيران _ وانتن شكو
خربب ما كدرت الزم الساني خرب كلهن ضلن يباوعن متفاجأت ..
سهى _ بينت الوكاحه مسويه روحها فقيرة
الحجية _ اخخخ انتي يا سهى ابوج وامج الله يرحمهم خوش ناس انتي علش مب*** مادري
خليت ايدي على حلكي اضحك مصدومه _ ثاري هاي العائلة الكريمه كلها هيج
صابرين _ يمه شبيج ويا الابنية عوفيها
رانية _ يمه قصدج مرية مو تشوفيها شكبرها اكبر من الشيخ رائد
خزرتها وجان تضحك كلتلها _ ولج انتي ما تخافين من امج
رانية _ لا اخاف بس ماكدر اسكت
ليث كرص بحضني ويسولفلي وبس اني افتهمه عود ابو موديه للمحل ومشتريله اكل هواي هوه يكول بابا ناا ايج عمه نا واي
كتله _ صدك وينها
بوز شفته لي جوه وكال لي اديه رفعن عود مادري ما تحملت المنضر بست شفته حيييل
نجمة _ ولج شفطتييي
سمعت سمهن هاي تبارك وسهى وصابرين ما فكن ياخه مني مدري شمسويتلهن
تبارك _شنو اهلج ما يخافون عليج كاعده بنص زلم لو متعودين
بيران _ احترمي نفسج ولا تحجين على اهلي
صابرين _ وشكالت الابنية صدك حجيها اهلج وين لو هيج فيطي ماكو رداد تهجمين ببيوت العالم الله واعلم غيد وشهم ليش يتعاركون
ردت احجي انقهرت لزمتني نجمة وهزت راسها بمعنى اسكتي يعني اني السبب اووف شكد اكره هاي الفقره اووف _
رانية _ يمه شبييج انتي وعلي تغثين
صابرين _ اكلي خرة ولج وكومي يله جيبيلي مي يله
ضلت تردم وكامت باوعتلي الحجيه واشرتلي بيدها وكالت _ تعالي
كمت ورحت كعدت يمها _
الحجية _ لا تردين عليها هاي من جانت زغيرة شالعه گلبي مبينه انتي خوش بنيه ومرباية
ابتسمت _ شكرا
الحجية _ متزوجة انتي بيبي
نفيت _ لا بيبي
الحجية _ هنيال لياخذج على هاذا الجمال
ابتسمت بخجل كالت وحده منهن كلش حلوة يطلع عمرها بالثلاثينات شعرها مسرح وبس ذابه الشال علي وجسمها يخبل ومكياجها حلو مو مثل الي هنا مكياجهن كرنج
_ فدوة اروح لهل خدود الوردية اني مريم عمت شهم الزغيرة
كلت بتفاجأة وابتسامة _انتيي عمتهم النازكه الي مزوجه ضابط
ضحكت وهزت راسها _ تعالي اشاورج
رحت يمها كالت _ مادام ما مزوجه ابن حمايي محامي يخبلل طول وجمال واخلاق ويدور على مرية وما شفت لي حد هسه احلا منج شتكولين
انحرجت _ ل لا خاله ويني وين الزواج هاي مو هواي بنات هنا
مريم _ والله كلهن ما يستاهلنه حياية وبعد لا تكليلي خاله صرت عجوزة ايع
ضحكت _ من باب الاحترام
مريم _ عود فكري ورجعيلي جواب هاج هاذا رقمي عندج واتس
زيت راسي نوب عيب اردها اني ويني وين الزواج هسه _
مريم _ شعرج اصفر شو طلعي محد هنا بس بنات
طلعت بس كذلتي كالت _
مريم _ الله شكد حلو لونه مو اصفر صاير مثل الابيض الثلجي
خجلت نوب اني من احد يمدحني ماعرف ارد خل واحد يحجي علي الساني يحير شيحجي _
ضليت اسوالف وياهن كلش حبابات باستثناء صابرين وسهى وتبارك بس يخزرن وكل ساع ذاباتلي حجايه
طب شهم منزل راسه _ سوو درب راح يجيبون الاكل
لبسنا حجاباتنا زين وكعدنه عدل طب ايهم ومحمد وويا بعد اربع زلم ما عرفتهم
بسرعه باوعت على رانية ضلت تباوع على محمد وهو مغلس اخر شي رفع راسه وغمزلها محد منتبه بس اني باوعلي وكال _ هلاو حمامة شلونج
ابتسمت _ هلا بيك خوية
ضحك وطلع كالت رانيه بهمس _ منين تعرفين حبيبي بس لا راح تبوكي
بيران _لاعع اعرفه من جنت بالمدينه بيت شهم جي مره وسلم علي بس
صابرين _ماشالله تعرفين كل شباب عشيرتنه
بيران _محمد من عشيرتكمم
رانية _ اي نفس العشيرة بس مو من كرابتنه
بيران _ هاا
كملو الاكل وبدينا ناكل كلش طيب بس ما اكلت هواي لان كلها تباوع علي وكلت ليث وكمت ويا كومتي كامن رانية ونجمة
الحجية _ها حبيبيات ليش ما اكلتن يمه
بيران _ لا بيبي والله شبعت الحمدالله
سجى _ اوي منجن انتن المايعات تحبن بس الاندومي
رانية _ والله الاندومي مضلوم بيا مصيبه حاشرينه
نجمة _اي والله
رحنه غسلنه وكالت رانية خل نروح نكعد بغرفه الحجيه
رانية _ اي خلي نروح هذن يضلن بس يلفطن ويحجن
ضحكنا وطبينا كلش حلوة ومرتبه كعدنه على الجرباية
بيران _ اكلج رانية اكو سؤال براسي
رانية _ شنو ؟
بيران _محمد يزوجج مو
صفنت ومالت راسها بمعنى مادري
نجمة _ شنو ما تدرين غير يحبج
رانية _ مادري اذا يحبني او لا بس اني يمكن احبه لهاذا المطي
نجمة _ مو كتلججج
رانية _ مادري جنت اقشمر علي بس هسه من ما اسمع صوته احس اكو نقص بيومي تعودت على سوالفه المكسره
بيران _ وليش متدرين اذا يحبج وين يلكه احله منج
رانية _ متأكدة ميه بالميه ميزوجني محمد يدور بنات دا يتسلى وصرت تسلايته
نجمة _ شنو هاي رانية شنو هاذا الرخص
تنهدت _ جنت ادري بي ما حابني واني هم جنت استغله بس هسه لا لازم انهي كلشي
نجمة _ شوفي كليله اذا اكو نهاية الحبنا زواج شي اذا شفتيه رفض اركعيه بنعال وعوفيه مو
هزت راسها وباوعتلي _ شرادت منج خاله مريم
ضحكت _
بيران _ تخطبني لابن حماها المحامي
نجمة _ يا صدكك شفته بعرسها صدك حلو اي وشكلتي
بيران _ رفضت طبعا مو وكت زواج هسه ابددد
شهم..........
برة خلينا طاولات وصياني اكل استقبال عمي ميكفي هواي جت ناس
ايهم _ خرب حضي عزيمه لو مذله شو جايبينه نخدم حتى نفسي نسدت من التعب
انطيته مي _ ميخالف عود اوصي الطباخ يضملك عشة انا ما مشتهي
محمد _ ليش تعال
شهم _ ما احب اكل بنص الهوسه صوت اكلهم ينفرز اذا احد مطك باذني اركعه بنعال بس زحمه شيوخ
محمد _ لعد نجب واسكت
شهم _ وانته ليش متاكل
محمد _ واكف على واهسكم
صاح عمي حمزه _ ايهم جيييب البنن
ايهم _ صارر عمي ..كله على اصخم
راح يدردم شايل كرتونه اللبن
محمد دك موبايله ابتسم وكال _ عندي شغيله هسه اجي
شهم _ يا ستار من شغيلتك شكو
محمد _ شبيك علاجي بالسيارة اروح اشرب واجي
هزيت راسي اله وراح جي صكر ابن عمي خالد يمسح باديه _
صكر _ عيوني وسنوني ليش ما اكلت يروحي ينبضي
شهم _ وسم وزقنوب لا تموع يمي
صكر _ اخاف اغلط وتسجني
شهم _ شحدك
صكر _ ما حاجي عمي انا فقير ساكت اكلك ما لكيتلي شغله عليك الله مليت من تصليح السيارات
شهم _ مثل شنو شغله
صكر _ يعني ضابط
شهم _ *** امك احسن مو ضابط لبك السان
صكر _ اووي هاي ليش تفشوررر على مامي
شهم _ انعل ابوك لابو مامتك
صكر _ تره بالحسين ازعل مو وضعيه
شهم _ الله وياك
صكر _ ديله مسامحك بعد لا تعيدها
.
.
رانية.......
طلعت من الباب الخلفي لافه روحي بالعباه حتى البنات ما كلتلهن بس اريد اشوفه صدك ضلت سالفه الزواج بالي خاف يضحك علي
اشرلي بسيارته رحت ركض صعدت اتنفس بخوف
حجى بابتسامه _ وجح ابوسس رب هاي الجرئة العندجج شمدريج ميت على شوفتج
بلعت ريك _ محمد
لزم ايدي وبوسها بشوغه _ عيون محمد
سحبت ايدي منه _ لا تلزمني محمد كافي
رفع حواجبه _ ها شكو اشو منطنكره خاف خلصتي فلوس تريدين بعد يعمري انتي كولي اشلع عيوني وانطيج ياهن
مادري ليش هسه حسيت بعصبيه رغم حجيه طول هاي السنه نفسه بس هسه من كالي مخلصه فلوس حسيت روحي رخيصه
رانية _ شنو قصدك اني ك**" جايه عليك على فلوس
محمد_ هاي شبيج رنونتي شبيج يعمري وعلي گلبي طاك عليج اريد اشمج ابوسج ليش هيج وياي
رانية _ لا تتسوفل محمد شوكت مخليتك تقربلي
محمد _ اي هيه هاي الي جاويتني سنه ما مخليتني ارتوي بهاي الشفايف شكد كلبج قاسي
رانية _ محمد تحبني
محمد_ اموتج عليج اعشگج اتفسج مواحبج
رانية _ م محمد اني احبك
تفاجئ الابتسامه شكت حلكه لان اني ولا مره كايلتله احبك دائما باردة ويا _
لزم اديه ثنينهه وبوسهن حيل _ رديتي روحي بهاي الكلمه
رانية _محمد تتزوجني ؟
وكفت عن بوس ادي ورفع وجهه متفاجئ _ شنو مناسبه هاذا الحجي مو عساس بعدج زغيرة وتريدين تكملين دراسه
رانية _اي ذاك الحجي من جنت ما احبك هسه اريدك بالحلال محمد وعادي اكمل دراستي شجاي نسوي احنه اذا نحب بعض ليش هيج احنه
جان ملتفت علي عدل كعدته وضحك باستهزاء _ شبيج رنونتي تخبلتي علي مو جنتي شحلاتج
رانية_ يعني شنو محمد جاي تلعب علي
خزرني _ بس انا لالعب مو جنتي تاخذين مني فلوس لحجج سخيفه عبالج ما اكشفج من تكليلي مريضه وحده تطلبني ها جنتي تدرين بيه ما ادور حب وزواج صدك ومغلسه وهسه جاي تستشرفين براسي
عيوني غورگن وانصدمت _ ي يعني اني مو شريفه
باوعلي وعض شفته وتنهد لزم وجهي ومسح دموعي _ لا لا يروحي لا تبجين مو قصدي هيج والله اروح فدوة لهاي لبرطمه
دفعت اديه _ خوشش محمد ما دام هيج حجيك بعد وجهك لا تشوفني يا خووش ماريدك بعد
دا افتح الباب رجعني حيل وخزرني _ شنو هاذا الحجي هسه منين طلعععععع
رانية _ لا تخزررر خووش ما تخوفنيي ولا تخوفنيي من تصييح احد ميريدني ماريده ليش اتعب نفسي ويا
ميل راسه ومسح بابهامه على خدي _ رنونتي فدوة اروحلج لا تسوين هيج بيه تعودت عليج لا تحرميني منج
دفعته حيل _ احسلك بعددد لا تشوفني وجهكك
جر وجهي يريد يبوسني كشرت وجهي وجان اضربة راشدي قوي لزم خده يباوعلي بصدمه
نزلت من السيارة فايره مقهورة اول مره احب واول مره انكسر ...
هاي اول خسَارة وأخر إستعچال
بيران.......
نام ليث بحضني والنسوان كلمن راحن البيتهم بقن بس القريبات يعني الجناين وحتى عماتهم راحو وهاي سهى وصابرين راحو بس حرامات رانية راحت بس وضعها كلش مگلوب ساكته وعيونها مورمه يمكن تعاركت ويا محمد
طب شهم وعمامه كلهم متجمعين والاد عم شهم طلعو كبار اكبر من شهم بس اربعه بكد عمره او اصغر مادري ...
خالد _ اخخخ بوية مو تعب
شهم _ عمي يمكن تعبت من الاكل انته
خالد _ خفت من الصبح اشتغل
شهم _ بس صبحك بالوحده الضهر
حمزة _ اي والله عازم وذابها بروسنه
خالد _ شنو كالبينها علي ميلو من وجهي لا اطبكم
شهم _ لا وينك وين العرك بس يعيط يفطس
خالد _ خفى حلكك بيش طالبني بعدني شباب
تكومو علي احافده فوكاه يلعبون انتبهت على شهم تحسر وكال
شهم _ عمو تذكر من جيتك على فلوس
عمه سوه روحه ما منتبه _
_ لا شوكت
شهم _ من توفى ابويه وتبريت مني لان ما نطيتك بستان ابوية وكاعه نجومه تمرضت وما عندي فلوس تذكر من شمرتني من الباب وكتلي وجهك الخايس بعد ما اشوفه كدام بيتي
حجى ابن فيصل _ صدك جدو هيج كلت لعمو شهم
ضل ساكت _ بعدين ضحك يضرب على جتف شهم
خالد _ يابهه حجيي قدييم هاذا انسى وراح
ايهم باوع على شهم وغمزله وشهم هز راسه ل واحد يهمس لثاني همه السته بس الي يتافعلون بالحجي هذولاك بس ساكتين يباوعون احسهم يكرهونه
صگر _ فيصلل وين الدي جي خل نتونسس
حمزة _ يابه وينه وين الدي جي راسي يوجعني
فلاح كال _ سعااد جيبي الدي جي من غرفتي
جانت الصاله كلش جبيرة بجهى كاعدين الزلم والنسوان واني جنت كاعده ورى الحجبه لافه ليث بعباتها نايم بس راسي مبين اباوع على شهم عبالك ولا شهم يضحك ويتشاقه ...
جابت سعاد الدي جي ربطه ايهم وجان تشتغل اغنيه ساجدة عبيد
كامو كلهم وانصدمت من كام شهم يصفك ويحرك جتفه على كيف ويا الاغنيه
شگـد الگـلب يرتـاح لـمن يشوفـك
شگـد الگـلب يرتـاح لـمن يشوفـك
ايهم يحرك بجتفه ويفتر ويا الاغنيه وشهم يرفع راسه ويحرك جتفه ويكول
ولا تـحجي ويـاي ويـاي وتشــمت عـداي
ولا تـحجي ويـاي ويـاي وتشــمت عـداي
انـة الهـويتك يهـواي لتـضن اعوفـك
انـة الهـوتيك يهـواي لتـضن اعـوفك
سكت كلهم بعدين وايا الدكه يركصون متكابلين مادري ليش عيني ويا شهم يحرك رجله لي كدامي وينصي ويصفك كلش حلو ركصه ينصي للكاع يهز جتف
انصدمت الصراحه
بعدين قرب يم عمه وكال بصوت عالي نوب صوته حلو وبس بحه
لا تضـن جلـمه لـيل وانـسها باجـر
هل عـاده عدكـم لـيش گـسر الخـواطر
لاتضـن جـلمه لـيل وانـسها باجـر
هل عـادة عدكـم ليـيش گـسر الـخواطر
عمه ضل ساكت يسبح بعدين بعد وخله اديه وره ضهره وشلون الي يلعب جوبي يحرك جتفه ويا وذوله مكابلينه
ولا تـحجي ويـاي ويـاي وتـشمت عـداي
ولا تـحجي ويـاي ويـاي وتشـمت عـداي
اني الهـويتك يـهواي لتـضن اعوفكك
نصه على ركبته ويا الدكه يهز ركبه وجتف خبلني وايهم والاد عمه محاوطينه يصفكوله
وايهم يكول ويا ساجدة _ العببب
روححح
طلعت موبايلي بسرعه وصورت من طول محد منتبه كلها تصفك ويا وتضحك
وكفو سره ولزمو جتوف بعض ويلعبون جوبي وينزلون للكاع جتف
ما تعبو ضلو يركصون و
شهم خبلني بركصه ما توقعت شهم الثكيل هيج يركص
خلصت الاغنيه وكعدو يلهثون باوع علي ورفع حواجبه لان اصور بسرعه طفيته وسيوت روحي اطبطب على ليث
الحجية كالت _ دوختو راسي الله يدوخكم علش تكمزون زغاررر
شهم _ حجية خلي نعيد الايام الخوالي
الحجية _ كوم انعل ابوك لابو الايام الخوالي
ضحك شهم وراح نام على رجليها مسحت على راسه وهو يلهث من التعب كلش حبيت منضرهم صح بعضهم وجوهم ما تفسر بس كعدتهم حلوة خلتني اشتاق لاهلي
صار قريب علي لان كاعده ورى الحجيه هيج صفح باوعلي وكال _ وين ليث
وخرت العباه _ هاذا
ابتسم ومد ايده لشعر ليث يوخره ضريته الحجيه على ايده _
الحجيه _ وخر وين مخلي ايدك بحضن الابنيه
شهم _ حجيه شمسويلها جاي الزم ابني
الحجيه _ شهمم مو ادري بدكايكك عوف الابنيه احسلك
ضحك وغمض عيونه نجمه كالت _ حمامة كومي وياي
هزيت راسي وخرت ليث كال شهم _ جيبي بحضني
حطيته بحضنه وتنوني دا اكوم كال بهمس _ امشي من وراهن لا تمشين بالنص كلها تباوع عليج
هزيت راسي ورحت من وره النسوان اني ونجمة وابرار وسعاد للمطبخ
نجمة _ شفتج متقيدة كدامهم كلت خلي اصيحلها
بيران _ اي والله شعجب كاعدين يم الزلم عبالي ميقبلون
نجمة _ لا عدنا عادي الابنيه تطلع على ابن عمها وتكعد يمه
بيران _ هم زين احنه هم
سعاد _ اكلج انتي شكد حلوة الخاطر الله امج شمتنسيه بيج عندج خوات اخوان
ضحكت _ لا امي عدها بس اني واخوي
ابرار _ والله تخبليين هنيالي لو اني مثلج جان حبني ايهم
بيران _ اكلج والله انتي حلوة بس شسوين بايهم جنه جلب سلوكي
ضحكن كلهن يعيبن على ابرار
ابرار _ هههه وجع لا تعيبن علي هسه يسمن ويصير حلو
نجمة _ بعد وين تشوفينه راح يروح بعد سنين ميجي
ابرار _ يله عود احب غيره لحد ميجي
بيران _ بدون زعل انتو عائله شافطه
سعاد _ اوافقج بهاذا الشي صارلي سنين هنا وكل يوم انصدم بخبالهم
ابرار _ دنجبي وين اكو احله من عدنه
خلو عصير بالصياني واخذته سعاد وابرار _
بيران _ لج نجمه هاذا اخوج لو يشتغل رقاصه بدال الضابط يربح اكثر
نجمة _ هههههه عزا بعينج لو يسمعج
بيران _ وعلي ههه خبلني بالرگص
نجمة _ هو شهم من زغير يحب يرگص
بيران _ تفاجئت عبالي دمه ثكيل وما يحب هاي السوالف
نجمة _ لا شهومي متعدد المواهب
بيران _ من ضمن هاي المواهب عنده موهبه اسمها طيحان حض اذا شد ويا احد يطيح حضه ويكره بعيشته
نجمه _ هههههههه اي وعلي
رجعنا للبيت راحو لغرفهم وشهم كال خلي ليث ينام يمي راسلت بتول طمنت عليهم بس ردت انام ما جاني نوم ضليت صافنه بالسكف وايدي جتي على الگلادة مادري ليش ابتسمت رغم تكبره جايبلي ولا ما بيه يتوسل حتى اخذها گوة علي خلاني اخذها طبعه يضوج بس بنفس الوقت حلو لان مهتم رغم كلامه ما ناسيته من كال انقهر عليج لان يتيمه بس مبين ندمان واكبر دليل على كلامي هو اعتذاره
غمضت عيوني اريد انام وفعلا توني غفيت مادري شوكت مر من الوگت وجان احس باحد ينفخ بوجهي غطيت وجهي وكملت نومي حسيت الغطى نجر مني باوعت نعسانه وجان اكوم اغطي بنفسي _ شجابك يمعوود هيه يوميه مفززني
شهم _ جوعان
بيران _ شسويلك ليش ما كعدت نجمة والله نعسانه ليش تدخل غرفتي بدون لا دك الباب
شهم _ حتى ميار كعدت على دكي على الباب وما كعدتي
بيران _ افففف بعد لا تدخل غرفتي هييج
شهم _ كومي سويلي اكل
خليت حجابي على راسي وكلت _ مو جانو مسوين عزيمهه مو اكلتت
شهم _ ما اكلت تلعب نفسي
بيران _ منو شنو تلعب نفسك شنو الطباخ وصخ
شهم _ جؤؤ هما يلعبون النفس الثريد يوصل لجتوفهم ويتريعون والبن بشواربهم
تثاوبت _ وهسه تريد اسويلك اكل
_ اي وكومي من الفراش لان شكلج وضلمه الغرفة كامت ما تساعد ما اضمنلج نفسي
خزرته وطفرت من الفراش شغلت الضوه جان كاعد يم فراشي
_ يله كوم لا تضل بغرفتي
_ غرفتج حلوة دافية اريد انام هنا
استغفرت وطلعت من الغرفه كوه اشوف من النعاس ردت اعاند وما اكوم بس ادري بي اعند مني وميطلع من الغرفه اله اكوم
شغلت الضوه مال المطبخ وافرك بعيوني جي وراي كعد على الكاونتر نوب شكبر بعير افخاذه هلكبر الوحده وصدره عريض لابس فانيله لزك وبجامه عريضه
كلت مغمضه عيوني _ اسويلك كبه احمسها لو مخلمه لو اطكلك بيض
_ اريد كبسه
فتحت عيوني بصدمه وكلت _ شنوو يمهه
_ وسمه منين صرتي امي زقجه
_ وتريد هسه اسويلك كبسه الساعه 2 بليل
_ اي مشتهيها من ذاك اليوم صورتيلي ياها
_ مابيهههه
_ اليوم ما اخليج تنامين اله تسوينها
_ شبيك والله ما بيه نعسانه
_ يله اسعادج گلب ماكدر انام جوعان
همست واني افتح الثلاجة _ عسى فنه
طلعت نص دجاجه من الثلاجه كصيت الفخذ والجناح وضميت الباقي ورديت طلعت طماطه وبصل وبتيه وفلفل اخضر وكرفس
خليت تخته يمه وسجين _ يله ثربهن
رفع حاجبه _ اشتغل عندج
_ لعد اني اشتغل عندك
_ اي لعد
_ هم صدك ..اوف مو انته كلت اساعدج يله كصكصهن زغار
هز راسه وبده يكصكص رحت غسلت اللحم مال الدجاج زين وخليته بجدرية زغير خليت ويا ورق غار وغطيته طلع زفرتها رحت بطاسه زغيرة اخذت تمن غسلته مرتين ونكعته شوية
رحت على الدجاج فرغت الزفر منه وخليت عليها زيت هواي اذا تريدون الكبسه تصير زين خلي زيت هواي وخليت البصل ينحمس حتى صار لونه اسود علمود الكبسه تصير لونها حلو خليت كركم وكمون وفلفل اسود وبابريكا وبهارات دجاج وماجي خليت ثلاثه خواشيك معجون وكلبتهن زين خليت ملح وسديتهن
رحت دا اخذ البصل صلاوات لسه على البتيته يكشر بيها بالسجين وما مخلي بيها
_ هاي شنوو
_ شنو وسم غير جاي اساعدج
_ لساك وبس البتيته ماخذ عافيتها كلها
شمر السجينه وكال بعصبيه _ اي لعد مو كتلج سويه انتي ولي عني ولي
اهدي بيران اهدي لا تسويلج عركه بنص اليل تحملي
رحت اخذت السجين وثربت منطنكره ..
_ شوكت امج تسوي العمليه !.
طنشته غمني _ خاف لا تحجين ميت عليج
هم ما رديت كام يحوس ساعه يفتح الجدر ساعه الثلاجه لو يجي يحجي ما ارد علي شهم ما مفهوم اشك عنده انفصام تصرفاته هسه ابد مو لعمره احسه توه شاب مراهق
_ منين تعلمتي تسوين كبسه
هم ما رديت بعد ما سمعت صوت ولا التفتت فزيت حيل وانجرح اصبعي من كرصني بجتفي التفتت علي ناطه اريده يوخر حصرني بين الكاونتر واديه
بيران _ ما تبطل سوالففف السرسريهه شبييك
شهم _ لعد مو جاي احجي وياج شكو متردين
بيران _ ماريد ارد ماريد ماريد احجي وياك انته مدري شبيك
شهم _ احبج من تعصبين
باوعتله بصدمه عقد حواجبه وكفخني براشدي _ وجععع مو قصدي احبج قصدي استمتع من اعصبج
دفعته _ وعساس ميته على حبك شنو تحب من تعصبني لييش
ابتسم بطرف شفته _ مادري استمتع من اشوفج معصبه
_ شكد خبل
_ يله بسرعه جوعان
خزرته ورحت خليت الخضراوات ويا الدجاجه
خليت مي وانتضرت انعس بكد النعاس يعيب ويغلط ولا ارد علي
كلت بضوجه _ انته متنعس اشو بيك حيل الله كله
شهم _ جؤؤ متعود اضل بدوامي للصبح كاعد
بيران _ الله يساعد جنودك عليك شيحملك انته متنجرع
شهم _ رحمالله والديج
خليت التمن وكلبتها زين وغطيتها رحت كعدت يمه على الكاونتر ايدي على خدي ...
شهم _ عود انا اوصلج البيتكم
بسرعه باوعت علي _
_ ساجر راح يجيني
باوعلي بسخرية مضيگ عيونه _
_ ساجر خطيبج
رفعت راسي بسرعه مادري ليش اضوج من احد يكلي على ساجر خطيبج او يحبج من اني وزغيرة عادته اخوي واحس لاع
_ لاعع ابن عمي
_ ذاك اليوم وركضتج علي ويلزم راسج
رفعت حواجبي ..
_ انته تلزم ايدي وتتسوفل هم تحبني احبك ؟
ضل يياوع علي ورد تنهد _ هو من يكدر على السانج
_ الواحد الي يكول الحق يصير السانه طويل
رحت كلبت الكبسه سويت زلاطه خليتها بصينيه وخليت روبه وببسي وسفن ..
كتله بنعاس _ تريد تاكل بالمطبخ
هز راسه _ افرشيلي فرشه هنا حلوة الكعده هنا
رحت من الصاله جريت مده زغيرة وخليتها بالمطبخ شفت الكبسه ستوت صبيتها بماعون مفلطح وخليتها بصينيه
وخليتها بالكاع اشرتله واني افرك بعيني _ يله تعال
نزل من الكاونتر وكال _ اخيرا خلي نذوق كبستج
دا اروح وجان ينتر _ وين وين
التفتت _ بروح ابوك شهم عوفني وعلي راح انام على روحي
ضحك _ ولج عيب بعد لا تكولين هيج
_ شنو ؟
_ بعد لا تكولين انام على روحي عيب
_ ليش شبيها
_ بس لا تكولين تعالي اكلي وياي ماكدر اكعد وحيدي
_ نعسانه وعلي
_ تره تدرين بيه وحق علي التحلفي ما اخليج تنامين بس اكعدي كبالي لا تاكلين
ضربت رجلي بالكاع _ يبوو يبوو
_ وسم اسكتي
كعدت ورفعت ردني كال
_ مو ما تردين
_ شنو لعد مخليني مشاهده بعد كاعده كاعده خلي اكل
غمني واكل باوعت علي انتضر رده فعله _ ها ها
باوعلي وعقج وجهه _ لو زاربه على روحج ولا هاي الكبسه هاي بس ك سبه ماكو
باوعتله ضايجه _ والله حرام عليك مكعدني نص اليل وتعبت وسويتها بكل نفس وانته تعيب شكد مستفز
_ لا جذب طيبه
_ صدك كول والله
_ والله
ابتسمت واكلت طبعا شلون مو طيبه اني بيران ام الكبسه ضلينا نسولف وناكل حسيت علاقتي ويا شهم تحسنت هم زين راح اقضي ويا خمس سنوات واكيد ما اكضيها عرك خلي صديق وعلى كتر يحاجيني مرات ارد علي على كد السؤال ينتر اسكت شهم عصبي واذا احد عانده تصير مشكله ومابيه حيل اني هم مرات كوه اسيطر على نفسي ومرات لا ارد علي
خلص اكل وكوه راح نام ادري بي ما نعسان ويريد يورطني ويا غسلت المواعين الاكل وكبل رحت نمت حتى سنوني ما فرجتهن
وبعد يوم صدك جي ساجر ورحت الضهر بس نجمة جانت بالبيت ما شفت احد من رحت كلهم رحبو بيه وتفرفرت بالقرية وثاني يوم رحنه للمستشفى وحدنه موعد العمليه باجر بتنه بالمستشفى لان خلو امي بيتوها ونشالله خير
رانية .............
وكت امتحانات وكلش تعبانه جسديأ ونفسيأ من الكاها من امي وتفكيرها المتخلف اذا كلتلها يمه ضايجه او مكتأبه تكلي فايخه لو مخليتج تكربين وتسرحين بالغنم جان ما كلتي هيج اخواني العبالك كدامهم كافرة مو اختهم لان ادرس بس ابوي شويه زين مرات زين ومرات شين بس المهم انو موافق على فكره اكمل دراسة واتوضف يجوز عبالكم اني مستهتره لان صاحبت محمد بس لا تلوموني بذيج الفتره كلش اكتأبت ما لكيت اهتمام من احد شافني صدفه بعزيمه وشمرلي رقم ردت اسوي سالفه واتعارك بس كلت ليش ما اشوفه شريد اتصلت علي اول مره احد يسمعني هيج كلام حلو كلت هاذا اخر اتصال رجع اتصل رفضته مره مرتين بعدين جاوبته رزلته حجيت اشكال والوان واني طبعي سرسري افشر بس حجه كلمه وحده خلاني ابتسم _ اروح فدوة للمعصب _
ضلينه نحجي شهرين بالموبايل ما جان عندي تجاه اي مشاعر بس اريد الملل البيه يروح اني سامعه بي ابو ملاهي ونسونجي بس ما هماني يكلي ما تغارين اكله شعلي بيك
انصدمت مره من شفته كدام المدرسة ضل يتوسل وصعدت ويا بالسياره فررني بغداد كلها اشترالي اشكال والوان بس يشهد الله علي غير ايدي ما مخليته لازم عجبتني الشغله وكمت اقط بي وهو ما يكول لا ابد اهلي مقصرين وياي من ناحيه الفلوس ومن كلشي احتاج ملابس احتاج ملازم ينطوني باليوم الف ومرات مينطون خو اواني عارات حتى حجي ميقبلون احجي وياهم بس ابد ما بينت لاحد وكتله ليش متهتم بيه دائما اني كدامهم ام السان الصلفه الي متنزل دمعها بس محد يدري بليل شيصير رانية الصلفه تنهار من البجي تريد النار الي بكلبها تطلع ماكو ...
جمعت كل الي نطاني على اساس من اطب للكلية ما احتاج الهم
اكثر شي صرفته من فلوسه هيا 100 الف بس الي احتاجه للمدرسة بس بعد لا رانية الصلفه حبته لهل سرسري الي مستحيل يعدل ويصير الها وحدها
طلعت من المدرسة واول شي شفته هو سيارته كدام المدرسة دكلي هورن طنشته ومشيت لو عندي خط جان خلصت بس اهلي العارات ينطوني الف ويريدون اكل بي واجي بي اني ما اكل اضمه حتى ارجع اخذ وياي لفه جبن
مشى من يمي بطيئ وكال _ رنونتي تعالي اصعدي شبيج
ما رديت علي _
محمد _ وحق الله ما قصدي الي حجيته هو انتي وين اكو اشرف منج بس والله عصبت
خزرته _ واني ما مجبورة اتحمل عصبيتك جاي تستشرف براسي وتكلي مو شريفه لان طلعت وياك وانته الايمان ينكط منا ومنا وين مكانك انته مو بالملاهي
سكت عفته ومشيت سريع نزل من السيارة ولزم ذراعي _ رجليج علش مطلعتنهن بنت الك***
نفضت ايده _ههه خف علينه يل غيور ولي من وجهي
لزمني غصب عني وصعدني السيارة لاكدر اصرخ الطلاب يباوعون نوب كايلتلهم محمد اخوي
هو خلاني بالسيارة صرخت بقوة _ ابن الك**** انعل امك على ابوك زمال شكو تجيبنييييييي
سد حلكي بيده مرده مرد خازرني _ لججج صوتج بنتتتت الكلب شكد وكحه
شغل السيارة بسرعه وراح واني اضرب بديه واصرخ يعوفني وهو لا يمه
_ اعصابج نبضي
_ ل*** نبضك وا****
باوعلي بصدمه وصرخ _ ولج كافيييي فشار تفشرين اكثررر من شهمم كافييي
وكف السياره بمكان مابي سيارت هواي شلون العشب كدامنه باوعلي وتنهد _
_ ولج وعلي ام السين ماكدر بدونج
_ صدكك يروحي وين راحن ك*** عافنك لو مليت منهن
ضحك وكفخني براشدي _ احبج صلفه
_ شتريد مني ؟
_ اريدج انتي وبس والباقي خس
_ كافي تفاهة ورجعني
_ رنونتي ما اعوفج لو تنطبك السماء على الارض لكيت بيج راحتي من احس العالم ضدي اجي يمج ارتاح واضحك على سوالفج انسي محمد يعوفج بحالج
_ تحبني ؟
_ وج وحق مصاب الحسين اتنفسج
_ لعد ليش متقبل نزوج ؟
تنهد وفرك عيونه _ ما افيدج رنونتي تعبين وياي وما احب هوسه الزواج احب نضل هيج احله
ضحكت باستهزاء _ محمد لو صدك تحبني جان فكرت تخليني كدام عيونك اربعه وعشرين ساعه مو جاي تشوفني بالختله وكوه عليك ومسويلي بيها روميو
ضحك _ بس انا مو مال زواج رنونتي
_ اي لعد بعد لا تحجي وياي الكالك وحده تشبع غرورك وتسايرك بقذارتك
دا انزل وجان يلزم ايدي _ اموت بدونج رنونتي
_ طبك مرض
_ يجرالج نتزوج نتزوج
رفعت حاجبي _ تقشمر علي ؟
_ من طول تريدين نزوج نزوج بس مو هسه خلينه سنه بعد اكثر نزوج
ضحكت مستهزئه وكلت _ المفروض اصدك هسه
_ اي صدگي مو معاركتني علمود هاذا الشي نزوج
_ محمد اني مو غبيه تريدني بس ابقى وياك تسايرني
_ لا وعيونج نزوج بس مو هسه
باوعتله بشك ابد ابد ما جاي الكه صدگ بكلامه بس مادري ليش صدقت صدقت جذب ادري بس يضحك علي بس خليت امل شويه بلكت صدك يحبني ونزوج _
_ ها هسه تصاحبنا
ضربت ايده _ اي مو احنه زعاطييط دا نتصاحب
ضحك _ هسه انطيني ايدج خل ابوسها بس ايدج اكدر عليها
تجتفت _ بعد حتى ايدي ما تلزمها
فتح عيونه بصدمه وجر ايدي باسها حيل وعضها صرخت واخذت ايدي _ شبيييك نجلبت
_ حييل بيج معذبتني بالسانج ماكدر علي
خزرته وسكتت ضايجه لي حد هسه ضايجه وما مقتنعه بكلامه باوعلي ومد جسمه للكشن لي وره طلع ورد احمر وبوكس شوكلاته خلاهن بحضني _ حبشكلات بنات
باوعتله صفح _ عود تضحك علي بهذن
_ لا يابه انا فقير انتي من يكدر على رناوي
استحريت ذبيت الجاكيت لابسته فوك الصدرية لان صايرة باردة واني لان رسبت طلعت دور ثاني وهسه يله بدن رغم درجاتي زينه بس الفيزياء جاويه على گلبي خليته بالنص وشكيت العلبه اخذت ككوة خليتها بحلكي
وهو ساكت يباوعلي مبتسم حركت راسي بمعنى شكو كال بصوت ذبلان
_ حرام عليج والله جاي اتعذب
گلبت عيوني واخذت وحده خليتها بحلكه _
_ ما تساعد هاي
_ محمد اكعد واسكت تره لو تموت كدامي
_ ليش لابسه صدرية كصيرة هيج مو السرسرية يباوعولج وانتي ليش ما تسجلين بخط اهلج اخوانج الشفيه ما شافوج ما يخافون
_ ههه والله ضحكتني اهلي لو **** كدامهم ما يهتمون
كرصني حيل من زندي خازرني _ روينه السانجج ليش مشكك
_ اوخخ شعليك وخر
_ وج والله لي يشوف وجهج وعيونج هاي المدعبله يكول ماكو مثل برائتها وانتي مقفله ملفنا انا وشهم ومحمود وكل السرسريه الي ويانه
_ وشنو تفشرون وحرام علينه احنه نفشر اذا رجال فشر يضحكون يا عينيي معصب واذا بنيه هاي ما ميدبه ك*** ما تستحي شنو انتو وحد
_ يجي يوم واشوفج شسوي بهاذا الحلگ
_ ايع لعبت نفسي امداك
ضل يسوالف ويتغزل ويفتر بالسيارة واهلي ادري بيهم لو اموت بره واختفى محد يسأل هو هسه الكاهم كلهم دايحين امي تلوك لمهات السحورة تدليهن على سحاره وينطنها وابوي كاضيها بالشغل واخواني دايحين بالكوفيات والله اعلم كوفيات لو ملاهي
اشترالي غده تغدينا بسرعه وصلني مو للبيت ما طب للقرية على الشارع العام كتله ذبني امشي مشي
اخذت الورد ضميته بالجنطه والككو ونزلت مدلي فلوس _ هاج خذيهن
_ دا تعيرني بيهن
_ نجبي واخذيهن شوكت معيرج خذيهن عيني تحتاجينهن
_ لا شكرا والله ماريد عندي
_ ايدي كامت توجعني
تنهدت شيقنعه هاذا ابتسمت _ حبيبي يروحي وعلي عندي ماريد
شويه شويه نزل ايده _ اروح فدوة للحبيبي من حلگج وجج اكرطج
ضحكت باوعت على جاكيتي مديت ايدي من الجامه _ انطيني جاكيتي
اخذه وشمه حييل _ لا عوفي اشمه واذكرج
_ لا تلعب روحي جيب
_ جؤؤ روحي ماكو
_ محمد بلا سخافه جييب
حرك السياره شمرلي بوسه وراح شكد خبل كملت الطريق ورحت للبيت صدك ماكو احد طبيت الغرفتي ورحت لفراشي تسطحت طلعت الورد وشميته مبتسمه كلش فرحت من جابه بس مادري ليش ما احب اضهر هاذا الشي كدامه
دزيتله رساله
ما جاوبني لفيت راسي ونمت .....
بتول.............
ننتضر بصاله المستشفى عمليه عمتي كلبي نار وما خليت دعاء وختمات لام البنين عليها السلام والعباس ابو فاضل عليه السلام
ادعي ربي لا تلجم گلب هاي اليتيمه وتيتمها بامها ما ضللها احد اخوها وعافها ابوها وعافها بقت بس امها حتى اني ادعي لعمتي ماكو مثل طيبه كلبها بيها حنيه تجاهي اكثر من ما تحن امي علي امي صارلها ست اشهر وجها ما شايفته ابد لا ابوي ولا ساجر ماكو ولا كان عدهم بنت ما كالو نامت جوعانه تعبت ولو بيران مخليه يمي مصروف خير من الله واني اشتغل بالخياطه ما محتاجه بس اني بنتهم اني بنتهم
نامت بيران على جتفي وساجر كاعد بره بغير مكان ما ندري بي وين يمكن ميخلوه يطب جاي اكلب بتلفوني ورف گلبي من شفت ستوري لبافل بعد كل هاي المده بافل ناشر الي اختفة ابد عن الانضار وعن حساباته
بلعت ريك وايدي كامت ترجف مادري ليش كلهن جن بالي ذيج اليله الي كل يوم احلم بيها طبيت للستوري وشويه وانهار ماكو شي يسوق ومبين بس ايده ومخلي اغنيه ماعرف من مغنيها مقطع زغير منها
_ تعـــب سنـين راح بلـحضه __
يا حـــــيـفـ...
_ شــكرا يا وگــت على الفــركه _
_ مشكـــوررر _
وكاتب جوه
_ گلبي العَاند عِيوني رجَع مَكسور .
ذبلن ادي وكمت ارجف شبيج بتول مجرد ستوري ليش هل بشر مادري شحس تجاهه مدري اكره مدري احنله مدري اخاف منه
دموعي نزلن ردت اكتبله ارجع امك يمكن تروح وما شتيفتك بس لا لا اكيد راح يكول هيه تريد ترجعلي تريدني ارجع وخرت بيران وخليت راسها على الكرسي
ورحت للحمام بجيت حيل حيل لدرجه كعدت بالكاع لان احس رجليه كامن ميعينني لزمت الموبايل وحضرته ماريد اشوفه لا بعد ست اشهر او اكثر كوه كملت حياتي كوه نسيت ذيج اليله ومو كلش حسيت روحي جاي اتخطى وهسه رجعت النقطه الصفر
كمت اباوع لروحي قربت حتى اشوف الندبه والله حتى متنشاف عافني من وراها وعيرني صكيت على سنوني بقوة وعضيت ايدي صارخه بكتم ضربت خدي بقوة اكره نفسي اكره وجهيي
يمكن ضليت ساعه ابجي اخر شي لعبت نفسي وتقيئت غسلت وجهي ومسحت دموعي هديت نفسي مو وكتها مو وكتها انسي انسي مجرد حقير دمر حياتج انسي ابتسمت كوه وطلعت هاي اني اخفي حزني بقناع السعاده
رجعت لكيتها لساتها نايمه عدلت رجليها على الكراسي وغطيتها بجبتها الي ذابتها صايره مراه ومتحجبه ومستوره خليت راسها على رجلي شكد احبها اعتبرها اختي الزغيره فكرت اذا كلتلها عن بافل ما عدها مانع تتصل علي هسه او دزله رساله سب وشتم واخاف لا يرجع صرت انانيه اخوها ضهر واكدر اكلها وتتصل علي او تبلغه بعمليه امها حتى يرجع بس اني خفت لا يرجع وما اكدر اشوفه ولا اواجه اريد اضل هيج بتول وحديها ...
ساعات مرت ما غمضلي جفن صفنه توديني وصفنه تجيبني بيران كعدت وراحت جابتلنه اكل اكلت واني ساكته سألتني
بيران _ بتوله شبيهن عيونج حمر خوما باجية
نفيت _ لا لان ما نايمه
هزت راسها وكعدت رفعت اديها تدعي وهيا ساكته
ساعه اخرى مرت وانفتح الباب نطينه كلنه حتى ساجر جان كاعد
بيران رادت توكع بسرعه حجت
_ ا امي امي فدوة امي شلونها فدوة
وكامت تبجي لزمتها اهديها كال الدكتور والممرضات لزمنها لان انهارت
_ على كيفج بنتي نجحت العمليه وامج بخير
غمضت عيوني مرتاحه ومبتسمه
بيران كامت بسرعه حجت باعلى صوتها _ صدككك فدوة صدككك امي هسه كلشي ما بيها
_ اي والله وحتى اذا استمرت على العلاج زين واعتنت بنفسها بعد ما تحتاج علاج او دكتور
اشو هاي هلهلي باعلى صوتج كمنا نضحك اني وساجر عليها حضنتني وحضنت الممرضات تكمز وتصيح _ امييي زينهه
ساجر _ شوكت تصحى
_ الصبح تصحى هسه لازم ترتاح وتعال وياي اكتبلها علاج جديد ولازم اعلمك شلون تعتنون بالعمليه
هز راسه وراح ويا باوعت علي وحصنتني تبجي _ امي زينه بتول ما عافتني ما راح تعبي هيج
بجيت وياها لان هل موقف صعب صعب هواي رب العالمين يختبرك باعز ناسك العالم ضلت تباوع عليها وتدعي لامها بكد ما كسرت كلوبهم
اخر شي جت مراه عجوز مسحت دموعها وكالت _ يمه هاي راية العباس اول ما تكعد امج امسحي بي راسها وكلبها وخلي تشدها براسها بجاه العباس ابو فاضل تصير زينه وتكوم بحيل الله
شكرتها بيران وكعدت باوعتلي وكالت _ اروح اشتري جكليت ناذره اول ما اطب غرفتها اطشه عليها
هزيت راسي _ لا تبعدين البسي جبتج
لبست جبتها ورفعت موبايلها مدري بمنو اتصلت
شكرت ربي وكعدت
بيران ..................
جسمي رجف وفرح بداخلي مو طبيعي املي وتعبي ابد ما راح خالي جان كل خوفي يا ستار يا ربي لا سامح الله امي تعوفني وانجبر اكمل شغل بدون هدف هسه لا والله لاشتغل واشكر شهم ليل ونهار بفضله امي عايشه
اتصلت بي مره ومرتين وثلاثه طبيت للمحل وكلت _ عمو اريد كيلوين جكليت
_ ها عمو بشري لعد ما طول هيج امج زينه
هزيت راسي بفرح وعيوني ما نشفن _
_ الحمدالله عمو الشفاء العاجل يارب
_ شكرا عمو
دك موبايلي جاوبت بسرعه _ نجحت نجحت شهم امي زينه نجحت عمليتها الله ينطيك نشالله لو ما انته جان ما سويت العمليه
وبجيت حيل سمعت ضحكاته _
شهم _ اي الحمدالله الشفاء العاجل بس مو جنتي تكولين الله لا ينطيك اشو تقلبين
ضحكت بدموع _ شكرا شهم من كل گلبي شكرا
_ ابوس گلبج
ضحكت مزاجي حلو ولو شيسوي ما احجي بهالحضه شايفته ملاك ونزل علي
شهم _ هاي شنو تضحكين وما نكرصتي يعني عادي اتسوفل وياج
ابو المحل _ هاذا الجكليت عمو خذي
_ شكد الاحساب
_ 15
شهم _ هاي شعندج بالمحل بنص اليل
بيران _ نذرت بس امي تصير زينه اطش عليها جكليت
شهم _ لعد اخوج ابن عمج كرايبج الشفيه وين مخلين بنتيهم تطلع نص اليل
سكتت شكله بس بنات ثنين ورجال اصلا لا يقربلنا ولا ابد ويانه بلعتها وسكتت _
_ ليوثي شلونه
_ موتنه من رحتي هو يبجي حتى مصخن شوكت تجين
_ يا عمري شسوي ماكدر هسه اله امي تصير زينه
سمعته عاط من بعيد _
_ وين موليي حامدد ...يله باي عندي واجب باي
سده بسرعه خليت الموبايل بجيبي شتريت جباسه وبسكت وعصير وككو النه وطلعت اكمز اليباوعلي البتسم بوجهه
الحمالله والشكر ربي الي ما خيبتني واستجابيت دعائي
طبيت للمستشفى ضليت بس اضحك ساعه ابجي ساعه اتصل بشهم اشكره
بتول _ خوش رجال هاذا الله ينطيه ويوفقه
هزيت راسي _ اي والله بس مرات ينجلب علي
باوعتلي باستغراب ضحكت ..
الصبح كعدت امي وصدك اول ما طبيت اهلهل واطش جكليت رحت عليها بست وجها وهيا لزمت ايدي على كيف
__ ها يمه
بيران _ اروحلج فدوة يمه فدوه لهل صوت الله لا يحرمني منج يا يمه
نزلن دموعها وكالت _ الحمدالله والشكر ربي فدوة اروحلج يا ام البنين الي وكفتي وياي وسندتيني
مسحت راسها براية العباس وكلبها وشديته على راسها
جتي بتول باست راسها _ الحمدالله على السلامه عمه
اولغا _ الله يسلمج يعمري فدوة اروح لبنياتي الي وياي
كعدت بتول وخلت ايدها على راسها تكول بصوت عالي
_
اللَّهُمَّ لكَ الحَمْدُ، أنْتَ نُورُ السَّمَواتِ والأرْضِ ومَن فِيهِنَّ، ولَكَ الحَمْدُ، أنْتَ قَيِّمُ السَّمَواتِ والأرْضِ ومَن فِيهِنَّ، ولَكَ الحَمْدُ، أنْتَ الحَقُّ، ووَعْدُكَ حَقٌّ، وقَوْلُكَ حَقٌّ، ولِقاؤُكَ حَقٌّ، والجَنَّةُ حَقٌّ، والنَّارُ حَقٌّ، والسَّاعَةُ حَقٌّ، والنَّبِيُّونَ حَقٌّ، ومُحَمَّدٌ حَقٌّ، اللَّهُمَّ لكَ أسْلَمْتُ، وعَلَيْكَ تَوَكَّلْتُ، وبِكَ آمَنْتُ، وإلَيْكَ أنَبْتُ، وبِكَ خاصَمْتُ، وإلَيْكَ حاكَمْتُ، فاغْفِرْ لي ما قَدَّمْتُ وما أخَّرْتُ، وما أسْرَرْتُ وما أعْلَنْتُ، أنْتَ المُقَدِّمُ وأَنْتَ المُؤَخِّرُ، لا إلَهَ إلَّا أنْتَ، أوْ: لا إلَهَ غَيْرُكَ).
خلصت وباوعت لعمتي مبتسمه يالله شكد احب هلبنيه شكد حنينه
امي باست ايدها الي على راسها _ اروحلج فدوة يا يمه
جي ساجر هم باسها وضل يسولف وياها ويوصيها شتاكل وشتشرب وثاني يوم طلعونا من المستشفى
اول ما طبينه ام يمامه كامت تهتهل وطش جكليت خطيه مسويه غدة هيا ويمامه ومنضفه ومحضره غرفه امي
كبل نومناها على الجرباية وساجر شدلها المغذي كالت يمامة
يمامة _ الحمدالله على السلامه عمتي الصاگه
خزرها ساجر وكال _ كافي المراه مريضه
اولغا _ هههه شكرا يعمري
ضلت تسولف ويانه بتعب سويتلها شوربه صحيه وكلتها ونومتها ...
كعدنه بالصاله جتي يمامه تكعد يمنه
يمامة _ سولفيلي سولفيلي شسويتو عليج الله من الصفر
هاي يمامه تحب الغوه ولازم تعرف السالفه من اولها ضحكت وسولفتلها كلشي
يمامه _ اووي شكد كيوت من كمتي تبجين
ضحكت كال ساجر _ كومي يمامه ساعدي امج شكو كاعده
كالت بضوجه _اهوو والله ما بيه من الصبح اشتغل
نتر بيها حيل _ كومييي
نطت وكامت تباوعله بزعل _ ادبسززز ماكوو خووف
راحت بسرعه
بتول _ ساجرر شبيك ويا الابنيه شكالت هيا
ساجر _ بس انطوها لغوه موتتني ما تشيل شي من البيت كاضيتها سوالف واكل ونوم ودياحه
بيران _ ميخالف بجيتها حرام عليك كوم راضيها
سكت متمدد بالصاله تعبان ساجر هو المتكلف بعيشة يمامه وامها لان ابوها مات وهيا عمرها ست سنوات ساجر يصير ابن عمها بس عمها ما رضى يعيشهم كال خلي تروح لخوالها مالنه علاقه تعارك ويا ساجر وابو ساجر طرده من البيت ف ساجر عاش وياهم واشتغل بتصليح السيارات رغم ابوه متمكن ماديأ عنده بيت بغداد ومحل ذهب وكبل لا يروح كال الساجر عوفهم وتعال وياي خلص دراسه وصير براسك حض بس ما قبل هو ساجر ما عدنه اخوه الدم امه من جابته متوفيه ابوه مزوج وعنده من مرته ثلاث ولد وبنتين هو ساجر يضوج منهم وكطع علاقته وياهم فد نوب
دائما يسعى يربي يمامة احسن تربيه ما مقصر وياها لبس احسن لبس مدللها اصلا هو الي خلاها دلوعه بس من كبرت صار شويه حاد وياها لان يكول وراها عيال ورجال لازم تصير رزنه دئما اشوف ساجر هادئ مسالم بس الله واعلم شنو ورى هاذا الهدوء بكلبه شنو من قهر محد يعرف
جابت الغده ويا امها عيونها حمر وامها تحجي عليها هم امها كلش ممتنه لساجر ولو شيسوي بيمامه تكله ايدك الك
جابت المي والبن وراحت لبست حذائها
بيران _ تعالي حبيبتي وين
كالت بغصه وهيا تلبس _ ماريد وين ضلتلي نفس بعد الرزايل
امها _ تعالي ولج لا تعاندين شكبرج تصيرين
ما ردت دغيت ساجر يحاجيها بس مطنكر
طلعت وسدت الباب
بتول _ عفيه ساجر كوم جيبها والله خطيه
ساجر _ طالعه عينها
بيران _ ساجر شبيك منو دللها هيج مو انته ليش هيج وياها ترى اكثر شخص تنقهر من يعاملها هيج انته
امها _ عوفي خلي يتغده ختولي
كام متنهد _ هسه اجيبها
ابتسمت _ عفيه بالسبع
يمامة ........
طلعت من البيت ومن الطارمه امشي واضرب بالحجار
يمامة _ نذلل ميعرفف غير يرزلني كلها كلها زين وياها بس مصخمايه لا
كعدت على البلوكه مخليه ادي على خدي شسوي ماكدر ينكسر گلبي من يحاجيني هيج احس الدنيه كلها ضدي من عمري ست سنين وعيت علي يشيلني يشتريلي ينومني بحضنه صار كلشي بحياتي
ما لكيت احن منه علي شطلب يكلي صار بعيوني مرات من اتمرض هو الي يهتملي للصبح ميعوفني بس من صار عمري عشرين لحد هسه عمري 21 وهو شاد ويايه لا طلعين لا تلبسين هيج لا تضحكين هيج اشتغلي لا تسولفين خنكني كمت احسه مستثكلني واكثر شي كسر گلبي هو من سمعته كال لامي _
اريد ازوجها ماريد طبعها يخرب حياتها منو يتحمل دلعها
ليش يريد يزوجني شنو ميحبني مثل ما احبه گلبي وعقلي ما يشوفن غيره وهو يريد يزوجني الغيره شلوون شلوون حب حياتي يزوجني بيده ادري بي يحب بيران والله نضراته الها واهتمامه تكسر كلبي بس ماكدر احجي
شكله مثلا لا تحاجي بيران اغار على اي اساس وهو معتبرني زعطوطه مو بنيه شابه كدامه
حسيت احد واكف كدامي رفعت عيوني ورديت نزلتهن ساكته سمعت نفسه الي ذبه تعبان
كنبص كدامي وكال بهدوء _
ساجر _ شبيج عيوني كومي تغدي
بلعت غصه _ ماريد روح ما مشتهيه
مسح دموعي وكال _
ساجر _ لا شلون اكل بلياج تعرفيني اكل لكمه اذا ما خلي وحده بحلكج
نفيت براسي ساكته
ساجر _ لعد كومي يله
يمامه _ ماريد ساجر ليش كايم تكرهني شمسويتلك ؟
ضحك وعصر ايدي
ساجر _ شوكت كارهج يروحي هو انا عندي غير بنيتي
يمامة _ لعد ليش كايم بس تعيط علي وترزل وما تكعد يمي وتريد تزوجني مليت منو تعبتك مو والله بعد ما اطلب منك شي وحتى الفلوس الي مجمعتهن راح انطيك ياهن بس لا تبعدني عنكم
بجيت حيل اباوعله باوعلي عاگد حواجبه ورد عصر ادي _
ساجر _ شنو هاذا الحجي شوكت ضجت منج لج انا اضوج من روحي وما اضوج منج يروحي
يمامة _ مو جنت تحبني ليش هسه تضوج مني
ساجر _ اشش كافي بعد لا تفكرين هيج ابد يله كومي فدوة اروح لهل غمازات
سكتت مادري شبيه ما اتخيل حياتي بدونه ابد
كمت ويا وكلت _ عليك الله ساجر والله اذا تريد اروح لخوالي وبس اجي عليكم يوم يومين اشوفكم وارجع بس لا تزوجني لاحد
استغفر وتنهد احسه يريد يسيطر على نفسه حاوط وجهي ومسح دموعي
ساجر _ يمامة بنيتي مو كلت بطلي هاذا الحجي عوفي هو انا متحمل فكره تزوجين وتروحين حته اعوفج ترحين لبيت خوالج حتى بسرعه يزوجوج لذاك الكواد وترحين مني موو
نفيت _ ماريد ازوج غيرك ذاك اليوم مو جايبلي شايب لو ما اسوي روحي مشلوله ميروح
ضحك ونزل راسه تعبان _
ساجر _ كلامج من زغيرة لحد هسه ما تغير لج بابا اكبر منج انا وبعدين خبل انا ازوجج ذاك الگواد حتى لو ما مثله ما انطيج
يمامة _ حتى لا واذا انته شعليك اني قابله بيك
ساجر _ ششش بنيتي سكتي بعدج زغيرة على هاذا الكلام عيب
مسحت دموعي _ والله اذا زوجتني انهزم واجي ازوجك غصب
عدل شعري يطببه جوه حجابي _ ديله نروح نتغده حتى ارجع للبيت انام تعبان بنيتي والله
ابتسمت وكلت _ من نرجع احميلك مي حتى يروح التعب
ابتسم يمسح على راسي _ اروح فدوة للنادرة
يمامة _ احبك من تصير حباب
ضحك باتعب عيونه مورمات ركضت للبيت اكمز فرحانه
كال بحده _ لا تنطنطين تعالي امشي بصفي
هم طنكرت مشيت بصفه كال بهدوء _
_ اخاف عليج يروحي يباوعون عليج ولد الحرام
ابتسمت وكلت _ تغار علي
ضحك ومشى ساكت _ زعطوطه
مشيت فرحانه اول ما بيت كال بيران _ يمعوود لو عايفها زعلانه ولا هاذا الجوع
سكت وكعد ياكل رحت كعدت بصفه باوعتلي بيران وغمزتلي اشرتلها علي وسويت قلب غمتني
بدينه ناكل خله كدامي للحم يفلس ابتسمت اكل كلشش افرح من يهتملي هيج بس انقهرت من قرب الماعون لبيران مبتسم ما ابتسملي هيج باوعتلي بيران حايرة تدري بيه احبه واني ادري بيها متحبه وتعتبره اخوها بس انقهر
خنست بس نساني كلشي من مسح حلكي بيده _ ليش توصخين نفسج يروحي
ابتسمت وكلت _ مادري
كلها تضحك علي لان يدرون بيه احبه
شهم..............
هاي صار عشر ايام من راحت هاي المكموعه وابني العار نخرط وراها صخن نوب رحاته طالعه بس يبجي ويصبح _ ماما وين كايم يحجي الكواد ادري بي ميبجي على غيد جبتها سحل علي بس ما رادها اصلا يتخبل منها يخاف منها
باوعت عليها وكلتلها _ ليشش متسكتيي
غيد _ اخخ شمدريني شبيك حلنييي
دفعتها وكفختها براشدي من وره _ روحي لاشعل ستار الگواد
خزرتني وراحت دردم
نجمه ضحكت _ هسه هيا شعليها
شهم _ شعلييها لو كارصه **** وصايره خوش ادميه وما م****
نجمة _ شهممم شبييك مو كاعده كبالك
شهم _ نسيت
دك موبايلي _ جاوبت معصبب
شهم _ هااا مااا لكيتتتتت
_ اي اي لكيت بقرية ****
رفعت حواجبي مصدوم _ بقرية ؟؟؟؟
بيران ........
باجر امي تشيل الخياط وارجع رغم اريد اضل بس ماكدر لازم اروح ختبرتني نجمة وكالتلي ليث تمرض وراج واني هم اشتقيتله گبل لا اروح رحت اني وبتول لسيوك اشتريت ملابس لامي ولبتول والي وتسوكت اني وساجر للبيت من غراض واحتياجات
جنت طالعه بره افتر واتذكر من جنت العب هنا شفت الجهال باوعولي _ ها بيراان وين مختفيه
بيران _ وين يعني شلونكم تلعبون بدوني
_ تعالي العبي خلي نسوي قصر من طين
ضحكت عود استهزء صرت جبيرة ضليت صافنه عليهم ميعرفون يسوون
بيران _ دوخرووو سولي مجال خلي اشوفكم القصر شلون يصير
تبرمت وثنيت بالطين اصمم والعب ما حسيت على نفسي ليش اجذب عليكم من زغيرة احب العب بالطين شكد رزلوني اهلي اعوف الطين ماكدر
خلصته تعبانه بس شنو حتى حجابي كام ميبين من الطين نوب لابسته اسود _
بيران _ هااا منو احله قصررر
شهكت من تفلش برجل رفعت عيوني وشفته سرمد خازرني كمت وصحت _
بيران _ كسررر برجلك نشالله شبييك
سرمد _ زغيرة انتي تعالي احجي ياج
بيران _ دروووح كلت شعجبج خلصت منك ابو اذان
باوعلي بعصبيه ولزم ايدي بقوة يريد يجرني دفعته حيل وصحت _ شترييد
سرمد _ احجي وياااج اكوول شنو تضليين هيج لا رداد ولا احد يمنعج شنو دايحه بالبيوت
تجتفت _ شعليك ارجل منكم انا احسن على الاقل عيشت اهلي وسويت عمليه امي بدون لا ازوج عااااار
غمض عيونه بعصبيه وكال _ ومنين جبتي الفلوس هاا دبرن ب****
صفكته راشدي _ تفكرك الوصخ احتفض بي وحدك ولا تحجي كدامي خووش
عض شفته _ عوفي كلشي بس اقبلي بيه والله والله اعيشج ملكه اخلي امج بعيوني لج احبج انا والله
ضحكت باستهزاء _ لو تحبني صدك جان ما خليتني اعاني اني واختك جوعانين محد النه هسه يله صرت عزيزه من سويت عمليه امي طبعأ كلت بعد ما علي شي ولا ادفع شي موو
خزرني ولزم ذراعي حيل _ تعاليي وياي تعالييي
صرخت حيل اريده يوخر جرني ايدي بيها طين كفختها بعيونه عاط ولزم عيونه ركضت اريد اروح للبيت وهو يركض وراي يصيح ويفشر
بصراحه خفت بس يلزمني يكتلني ما عنده مانع سرمد عنيف هواي من هاي اكرهه خفت
وانا اركض شفته مدري انصدم مدري افرح شايل ليث يباوعلي فاتح عيونه عطت حيل من حسيت بسرمد قريب بس اريد اوصله حسيته صدك اماني وصلت لزمت قميصه حيل وختلت ورى
_ خلصني منه
يتبع.............
________________________________
حـــمامة الشـــهم..🕊️
حــب وعــذاب.....🤍
چَا وگلبي هَسه الـمن چَا والعيوُن البيك حِلمـن ؟.
ffaa22_
ريـــِحانٍــة 🌿
love31300صقيقتي