وفي الصباح التالي
نور. كعدت الساعه ب 8 لكيت البنات بعدهن نايمات عفتهن وطلعت رحت لل غرفه وشفت اسد ماكو المهم اخذت ملابس واخذت شاور ونزلت لل جوه لكيت بابا كاعد صبحت عليه وعلى ماما وسويتلهم ريوك وتريكنه وكعدت افكر شسوي غده وكمت سويت مطبك سمج ويا شكم شغله وبعدين كعدو. البنات و الولد هم سويتلهم ريوك وصعدت لل غرفه رتبتها ورشيت عطر ونزلت نضفت البيت وسويت شكم شغله وكعدنه نسولف اني والبنات
نروح لل حوراء
راح اعرفكم على الولد الي تفقت وياه حوراء
هلو اني مصطفى اصير حبيب حوراء عمري 25 مره جنت نايم وخابرتني حوراء وكلتلي اريدك تروح لل اسد وتكله اني حبيب نور واجي نور يوميه نور الي ذاك اليوم تفقنه عليها اني هنا رفضت وكتلهى مستحيل كالت اذا رحت وكتله اطيك فلوس كمت طبكته بوجها واني عندي تسجيل مكالمه ونسخته وتصلت على اسد
نروح لل اسد
اسد. كعدت الساعه ب 7 خذتلي شاور ولبست ملابسي ورشيت عطر ومشطت شعري واخذت مبايل نور وتصلت على علي وكتله اريد ابو مبيلات ورحناله اني وياه وحط الرقم وكال مسجل بسم حوراء محسن لحضه اني نصدمت حوراء شدخلها لا مستحيل كتله ارجع اتاكد وهم رجع وكلي نفس الكلام واني وعلي مصدومين كلت لل علي ميكول لاحد وره ساعه تقريبا اتصل عليه شخص
اسد. السلام عليكم منو وياي
مصطفى. وعليكم السلام خويه اني مصطفى
اسد اتفضل شنو رايد
مصطفى. والله يا خويه هجي وهجي السالفه
اسد. سولفلي كول السالفه وصدمني كلتله خويه اني منتضرك يم اهل حوراء
مصطفى. تمام خويه
اسد. وصلت ل بيت عمي وخذت التلفون ورحت. دكيت الباب وطلعتلي حوراء من وره الباب تتماوع اطيتها راشدي خليت وجها يفر فر
حوراء. هاي شبيك لك
اسد. جريتها من شعرها وطببتها لبوها
عم اسد. هاي شبيك عمي ليش لازمها صاير
اسد. عمي بنتك هجي وهجي وصحت لل مصطفى وحجاله. لزمها ابوها موتها تموت وطببها لل غرفه وقفل الباب واني ترخصت منهن وطلعت وكتلهم ربو بتكم. ورحت لل بيت
نور. جنت كاعده ب مطبخ اني وملاك وساره واجه اسد
اسد. نور الحكيني لل غرفه
نور. اشو حتى ما سلم الله يا الله وهزيت بيدي وصعدت
اسد. ادخلي وقفلي الباب
نور. بكلبي اهو شصاير تمام
ها اسد شنو رايد
اسد ،،،،،، اكعدي كبالي
نور. كعدت احجي شنو رايد
اسد. نور اسمعيني شراح احجي ولتقاطعيني ابد
نور. تمام احجي
اسد. شوفي نور اني اسف لا تهمتج بشي انتي ما مسويته وكل هاذى الصار من وره حوراء
نور. ليش حوراء شدخلهى
اسددد. دسمعيني حوراء مو تحبني سوت هيج بيج وحاطه رقم ولد عساس انتي تراسلي ومخططى انو يجي هاذى الولد ويحجيلي انو كل يوم يجي يمج فاني اسف كلش هواي وبست ايدها
نور. اني هنا صفنت وكلت عزهههه هاي عود صدك تحجي
اسد. عدي موضوع ثاني وياج
نور. كول
اسد. الصراحه اني احبج واريدج ام جهالي واذا انتي اب متحبيني عادي مراح اغصبج على شي انتي بس كولي احبك للدللج دلال
نور. اني هنا متت فرح بس كابرت وكتله افكر ب الموضوع
اسد. تعاي شنو افكر دكولي هسا
نور. اسد كتلك افكر وردلك خبر
اسد. انطيج مهلى منا لحد ميرحون اهلج
نور. تمام رايد شي بعد
اسد. لا عمري مرايد
نور. شكرا يله اخذ راحتك وطلعت وسديت الباب واجتني ملاك ها شبيهن خدودج ورديه
نور انجبي الغرفه جانت حاره
ملاك. ها الغرفه 🙂
نور. اي يله ولي نزلت لل جوه وحطيت الغده على السفره وصحت لل اسد والاخواني وبابا وماما والبنات وكعدنه تغدينه بعدين سويتلهم جاي
ابو نور. عمي احنه انشاء الله باجر روح من يمك
اسد. لا عمي متطلع ضل يمنه شعدك رايح
ابو نور. والله يا عمي عندي شغل وملاك اهلها يردوها
اسد. ها لعد عمي براحتج
ابو نور. يله اني اروح انام
نور. اسد صعد والشباب طلعو بقينه اني والبنات نسولف ونغسل ب الماعين وخلصنه وكعدنه بكاع
ساره. شنو رئيجن نلعب
نور وملاك. يله شنو نلعب
ساره. لعبه الصراحه نفر البطل والي يوكع عليه ينسئل
نور. اوك راح اجيب بطل واجي وكعدنه نلعب لل وحده كتلهن يله اترخص البنات احنه هم ورحت صعدت لل فوك اسد جان لازم المبايل وكاعد على الجربايه اخذت مخده وبطانيه ونمت على الكرويته
اسد. تعاي نامي هنا
نور. لا ماريد
اسد. براحتج ودرت وجهي ونمت
نور. اني هم نمت وكعدت الصبح اسد نايم ودعت اهلي وقفلت البيبان وبعدني نعسانه ورجعت نمت وكعدت ب 1 تقريبًا واسد ماكو كمت سبحت وسويت غده وعزلت البيت وسويت جسمي كوله ب الشمع وبدلت وحطيت مكياج خفيف ونتضرت اسد ما اجه كمت لبست تراك وفتحت شعري وثكلت ب المكياج وضليت منتضره اسد وبعدين اجه
اسد. السلام عليكم
نور. هلا وعليكم
اسد. مبين مفكره
نور. ببتسامه اي تغدينه وكعدنه نسولف وبعدين
تره والله تعبت. اسفه ونبي يله خلص البارت بيباي