رواية : حن الدنيا ❤️✨.
للكاتبة : Nona Alsebhawy
البـارت التالت ......
انا منهاره : انا شن درتلكم اناا بـ شن خدلتكم انا بي شن زعلتكم انا خييرنييي طول السنين اللي فاتو من هزايب من منابشه من ضرب من طياح قدر وشانن طلع من السبب اهوااااا تي واااااااه وبدا صوتي يعلا : انتم بي عقلكممم اكبااار بشناباتكم اتعيشوني ب ظلمممم وكبر معاكم ع انه انا وانتم مش نفس المعامله قلبي مكسووور منكممم انشوف فالبنات اللي. يحكو ع خوتهن وع المعامله الكويسه اللي عملوهن بيها انقووول خييييرني اناااا بلا سند لا ظهر نحمي بيه روحيي انقول وين عزووتي وين فزاعيني وين اللي يخافو عليا وين اللي يحمو فيا ويشقو بيا وين الخوت اللي يحبوني ويلي نطلبها يجيبوها فيي كللل مره نبكي منكم نبكيييييي نبكي مححسوووره ع عيشتي حت عيشت لكلاب احسن منها وبابا وماما ركبو مخلوعين يجرو
سراج : سكري فمكك
انا : ماني مسكره امه بنتكلم شي ف جوفي له اسنين نبي انطلعه تي تحسابوني منحسش ولا مرارتي مفقوعه وانا عييييييييييت عييت منكم ومن معاملتكم الزفته اللي ما تنطاق اهياااااا .. انا ماكنتش حسيييت ب حنان الاخ لو كان سامر كيفكم كنتت حنولي معدومه ولولا بابا وماما يفرهدو عليا كنت متت بالغم والنكد. .. اناااا خشيييت لمرحله انه قعدت نحكي مع روحي خلييتوني مريضه نفسيآ وجسديآ وعقليآ انتممممم متحسوووش عندكم الحق انا رغم كل شيي اللي عندي يتمنوه غيريي كلل شي ملكته بسس محسيتش بالاخوة من لما سامر سافر انا قاعده ف اكتئاب كم منهم بابا وماما ونا ننفخلهم ف راسهم ع اساس نهدرز وكل يوم نشكي لسامر وماما ...اناااا نبي اخ ينصحني يعلمني يفهمني يقريني يغيرلي جوي يهيج بيا فالبلاد يحميني يفزعلي يوثق فيااااا ت ااااااخخخخخخ كم مني انا كم مني اللي كيفي منن زمان ماتو وجف عليهم التراب انا معادش نقدر نعيييشششش هكيييي دمرتولي حياااتيي قعدت ابسط حقوقي اندور فيهم انه تعاملوني كأخت مش خدامه ..قعد خااااطريي تخشوووولييي بالك شن تبي من المحل شنن خاطرك تفاجأوني ب حته خاتم من تل ماطلبت شي الا هداا انا كننتتت انحبكم رغم المعامله الكلبه اهيا اللي عاملتوني بيها بعدهااا طحتوووووووو منننن عيييينييي نكرهكمممم خزييييييي ع رجوله هكي خزيييي ع خوت هكييييي يااارببب طالبه منك تاخد روووحييي وقعدت نعيططط وماما وبابا مصدومين يرجفو ماما تبكي وبابا يرفع فيا ويهدي وخوتي مصدوميين ووجوهم حممررر فجأه بابا قعد ينادي فيا ونا مش قادره انرد عليه ونفسي ضاق وعرقت و دم من خشمي ينزف ونرجف ليين معادش شفت شي دنيا مضلمه وانا انفكر فاللي قلته وحياتي علاش هكي
بعـد يومين ...........?!
انا : فتحت عيوني ف دار ضي خفيف ب اكسجين وتغديه وخيوط ضي وااجد عليا شفت بابا وماما شافولي مشو كلمو لدكتوره جو يجرو يبوسو فيا ابتسمت ونا مرتاحه اكتفيت ب كلمة انحبكم
ومعادش حسيت بحاجه الا صوت طنين جهاز ...........
وصل لليبيا ورجع للحوش بيديرها مفاجأه للعيله وبالدات انا لانه عيد ميلادي بكرا .. بس اول ما بيدق سمع صوت دوشه خوته وانفتح الباب بالقوه وهم وطالعين انصدموا
سامر : مشت البسمه من ع وجهه : خيركم شن فييه
سيفف : ساامررر
سند و سراج عيونهم حمر : سامر ويبدو يحضنو فيه ويبكو
سامر : بعدهم : الهم خيركم شن صاير
سيف : حن فالمستشفي كلمونا قالو حارتها خطيره وميؤس منها وتو ماشيين
سامر : حط ايديه ع راسه : امتا صاررر وكييييف
سيف : دخل الشنطه للجنان وطلع : اركب نحكولك فالسياره
المهم ركبو وحكوله كل شي وسامر سب ولعن ماخلا ما قاللهم ووصلو للمستشفي لقو بابا واقف ومتوتر وماما تندب في حال
سامر : يجري امي
ماما: سامر ولدي وقعدت تبكييي ويبكي معاها
وبعدها مشي لبابا نفس الشي
سراج : وين حن
ماما : تبكي : يديرولها فالانعاش
انصدمو ........
المهم انا بعد جهد والصراع بين الحياة والموت فزت انا وعشت بعد كم ساعه وعيت وتعبانه بعد ما شفت بابا وماما ارتحت
انا : ماما عطشانه
ماما : هاك بنيتي بعيد السو عليك
بابا : شن اتحسي توا
انا : الحمدلله احسن
بابا : سامر روح ويبي يشوفك
انا : فرحت بس فنفس الوقت قلت لا هوا مخبي عني القصه كلها خليه : لا منبيش انشوفهه نا كارهتهم معنديش خوت انا
ماما : عيب شن هالقطاف اللي تقولي فيه من امتا
انا : نبكي : مضايقه يماما قلبي يوجع فيا منهم مخنوقه خلوني فحالي بالله عليكم
بابا : لكن مايصير تقولي هكي
ماما : اششش خلاص
انا : نبي نروح للحوش
بابا : شن بتروحي للحوش مزال لين اتصحي
انا : منبيش
خشت دكتوره وطلعو بابا وماما وحكت معايا وسألتني وحكيتلها قصتي كلها بعدها طلعت للعيله : ممكن تتفضلو شوي ودخلت لمكتبها وتبعوها بابا وماما وخوتي
بابا : انشالله خيير صحتها كويسه
دكتوره : انشالله ..انا د. اسماء د. نفسانيه
بنتكم حكتلي كل شي عنها وحكتلي ع القصه اللي وصلتها لهالمرحله
ماما : تبكي : شن حالتها
د . اسماء : حن دخلت ف مرحله الاكتئاب شوي كانت ماتت . قصدي ليش المعامله هدي يعني توا مدخلنيش انا لكن عيب يا شباب وشافت لخوتي وقالت : اختكم الف اخ يتمناها كيف تخاف عليكم واتحبكم قصدي من زمان ماشفتش شخص هكي .. ليش الظلم انتم اكبار ب عقلكم المفروض تحنو عليها واتحبوها لكن المشكله مش فيكم
سامر : باهي شن الحل يا د . اسماء انا مانقصتش عنها حاجه وديما نحكي معاها شن اللي قلبها عليا هكي
د .اسماء : حن متبيش تحكي مع حد واليوم محدش يكلمها ولا يجي شورها وحنكتبلها ورقه خروج نفسيتها متبيش المستشفي روحو بيها لحوش خلوها ترتاح ومحد يقربها وبعدها اسعو وراها وراضوها وحنو عليها ولو كان زعلتوها ولا درتولها حاجه صدقوني حتموت المره هدي ولله
بابا : متعصب : ان شاء الله ..بس كله منكم ياكلاب المععامله البايخه اهيا
د .اسماء : لالالا مش منهم منك انت وامها حسستوهم ب فرق بيناتهم خليتوهم يكرهو بعض ليش متساووش بينهم وتكون نفس المعامله الحلوة
ماما : عندك الحق
بابا : بس توا هما رجاله كبار المفروض يفهمو
د .اسماء : هما من اللحظه هدي انشالله تعلمو وعرفو انه مفيش احلا من الاخت اكيد مع الوقت حيحبو بعض ويروقو
خوتي طلعو روحو وبابا وماما خدو ادويتي وقعدو معاي لليل باش ناخد ورقه الخروج ويروحو بيا المهممم بعد ساعات روحت ركبت طول لداري رقدت
......
وفالصبح دق باب الدار ونا طالعه من الحمام.
انا : من
سامر: اني
انا : سكتت شوي : قعمزت ع السرير : خش
سامر : صباح النور
انا : خير
سامر : يدمع : حنونه
انا : ......
سامر : نحكي معااك انا معقوله سومو انا
انا : قعدت نبكي : اهاااا توا بس توا حسيتو بيا توا عرفتو قيمة الكلبه اللي معاكم فالحوشش
سامر : لالا حشاك حبيبتي مافيش منك انت لو تبي عيوني نعطيهم لك
انا : اطلع برا
سامر : حضني ويبوس ع راسي : مستحيل نخليك زعلانه مني
اناا : ......
البارت الرابع بسس اكتبولي نستمر ولا لا .......?!