Dianne Cheng
***
Mabilis kong ininom ang tubig na ini-abot ni Jenny sa'kin. Kakatapos ko lang kasi maglinis ng room dahil isa ako sa mga cleaners, pati rin pala si Jenny.
"Nakakaumay," reklamo niya habang nakasalampak sa upuan.
Pasado alas-kwatro na ng hapon at yung iba naming ka-group ay umuwi na. Hindi rin kami hinintay ni Jia dahil mga fake friends sila. Samantalang kapag sila ang cleaners ay naghihintay kami ni Jenny.
"Mare, umuwi na tayo," pagyayaya ko dahil nakita kong pumikit siya ng mata. Balak pa ata dito matulog sa room. Mamaya, magpakita pa sa'min ang white lady dito. Shems, kakatakot!
Tamad na tumayo si Jenny at sabay kaming naglakad papunta sa gate. Magkaiba ang sasakyan naming jeep dahil magkaiba naman kami ng barangay.
Pero bago pa kami makalampas sa jeepnay ay natanaw na namin ang dalawang lalaking magkaparehas ang uniforn na tila nag-uusap. Ni hindi nga nila napansin na nakalapit na kami.
Nang makita ko kung sino ang isa sa mga ito ay biglang nagningning ang mata ko. Binilisan ko ang lakad ko at mabilis na humawak sa braso niya.
"Kanina ka pa?" nakangiti kong tanong. Akala ko kasi hindi niya 'ko masusundo dahil busy sila sa research nila.
"Kakarating lang namin," Aniya at tumingin sa kasama niya. Saka ko lang napagtuonan ng pansin ang kasama niya. Napaawang ang bibig ko dahil tumambad sa'kin ang seryosong mukha ni Ian Montenegro.
Wala sa sarili akong napatingin kay Jenny na humalukipkip sa isang tabi habang matalim ang tingin kay Ian.
Bumuntong hininga si Ian at lumapit sa nag-iinarteng si Jenny. Sus, pakipot muna bago rumupok.
"Shall we go?" napapitlag ako ng biglang pumulupot ang kamay niya sa bewang ko.
Alam kong namula ang pisnge ko kaya mabilis akong yumuko.
"Tara na." Yes. Makakalibre ako ng pamasahe! Bwahaha.
"Hoy! Iiwan mo 'ko?! Traydor!" sigaw ni Jenny pero 'di na ako nag-abala pang lumingon.
"I'll take you home," rinig kong sabi ni Ian. Napatawa dahil narinig ko ang pag-tsk ni Jenny. Paglingon ko ay naglalakad na rin sila paalis.
"Hindi kita masusundo next week," sabi niya pagkasakay sa driver seat.
Tumango ako. "Okay lang. Makikisabay na lang ako kina Jenny," sagot ko.
Tumango rin siya at pinaandar na ang sasakyan. Habang nasa byahe, naisipan kong magbukas ng facebook at magtingin-tingin ng mga post.
Napatawa ako nang makita si Dino na nakasimangot habang sina Zenon ay tumatawa sa harap ng mukha niya.
Upload ni Iguel ang story kaya nag-HAHA ako. Sunod niyang story ay ang view sa Henyeon park. Mukhang napapadalas ang pagtambay nila sa park ah?
Medyo nakakamiss din ang mga tukmol pero ang sarap ihampas sa pader kapag nakasama mo na.
"Sino ang ka-chat mo?" napatingin ako kay Jaye at nakita ko ang nakakunot niyang noo.
"Wala akong ka-chat, pogi," sagot ko.
"Bakit ka tumatawa?" tanong niya ulit.
"Masama bang tumawa ang isang magandang ako?" Eksaherada kong tinuro ang mukha ko. Nakita ko kung paanong ngumiti ang labi niya kahit hindi labas ang mga mapuputi niyang ngipin.
Hay, kailan ko kaya makikita na tumawa ang isang 'to? Lagi kasing seryoso sa buhay.
"Jaye, tumawa ka." Seryoso kong sabi at baka sakaling mauto ko siya.
Pero kumunot ulit ang noo niya at umismir sa akin.
"Why would I laugh? Wala namang nakakatawa," Sagot niya, masungit na naman.
"Minsan magtingin-tingin ka ng mga memes sa facebook tapos videohan mo sarili mo kapag natawa ka tapos ay isend mo sa'kin," Kinindatan ko siya nang tumingin ang nagsusuplado niyang mukha.
"You're crazy,"
"Baliw kasi ako sa'yo," Humalakhak ako sa sinabi ko.
"You're crazy, indeed." Iiling-iling niyang sabi na hindi ko pinansin.
---
Ito ang unang araw ng intrams ngayon. Umagang-umaga pa lang pero parang pagod na pagod na agad ang katawan ko.
Sino ba naman kasing hindi mapapagod kapag pinagbuhat ka ng upuan pagkarating mo palang sa umaga. Takte, inagahan ko pa man din lara makatakas sa utos ni mama pero wala naman akong kawala dito sa school. Hanep sa galing, Dianne.
"Oh tubig muna kayo!" sigaw ng PE teacher namin na may dala-dalang mineral water.
Tamad kong inabot at ininom ang tubig habang nakasalampak sa bench. Wala na agad akong energy. Ano ba 'yan!
"Kasali ka ba sa badminton mamaya?" Umangat ang tingin ko kay Paul na nasa tabi ko na pala. Mukhang kakarating lang ni kupal dahil nakasabit pa sa balikat niya ang bag.
Kumibit balikat ako bilang sagot. Depende mamaya kapag bumalik ang nawala kong enerhiya. Baka mamaya tamarin akong maglaro.
"'Di ka sure? Sayang," nanghihinayang niya pang sabi.
"Edi ikaw ang lumaban," ismir ko sa kaniya.
"Tanga, sa sepak takraw ako sumali," Tingnan niyo, natanga pa ako!
"Eh bakit ka ba nandito? Dapat dumeritso ka sa room," inis kong sabi.
Ngumuso siya at prenteng umupo sa bench. Humalukipkip siya at pinikit ang mata. Huwag niya sabihing matutulog siya rito?
"Iiwan kita rito? Bahala ka," pang-uuto ko pero hindi man lang natinag ang gago.
"Bahala ka talaga," Tuluyan na akong tumayo at inayos ang suot na PE uniform.
Iniwan ko si Paul na mukhang nakatulog sa bench. Dumeritso ako sa classroom at doon ko naabutan sina Vicca na ginawang parlor ang silid aralan.
Kasalukuyan niyang inaayos ang buhok ni Sofia na masayang nakikipag chikahan sa mga bago naming classmates.
Hindi na lang ako nag-abala pang maki-sali at umupo na lang aa pwesto ko. Wala pa rin si Jenny at Hale habang sina Jia at Elise naman ay hindi ko ma-sight sa loob ng room. Baka lumabas.
Dahil sa boredom ay binuksan ko ang cellphone ko. Tatadtarin ko na lang na message si Jaye para pagbukas niya masurprise siya. Mwahaha!
Pagkatapos kong magsend ng sangkatutak na message ay binisita ko naman ang account niya.
Ang profile picture niya ay ang sarili niya na uniform at nakaupo sa tapat ng bintana. Wala naman siyang masyadong post at kahit na mga sharedpost, wala. Boring i-istalk. Samantalang ang timeline ko ay laging busog sa shared at post ko.
Bago ko pa maitago ang cellphone ay nagpop up ang reply ni Jaye sa'kin.
Jaye Delos Reyes
: What r u doing?
Napakagat ako sa labi at nagtipa ng reply.
Dianne Cheng
:Nakaupo tapos iniisip kita, pogi<3
Napatawa muna ako bago sinend ang message.
Jaye Delos Reyes
:I see. Where r u now?
Psh. 'Di man lang kinilig sa banat ko. Pinanganak na tuod ang gwapong lalaki na 'to kaya pagpapasensyahan ko pa.
Dianne Cheng
:Nasa room ako. Nasa room ng puso mo, yieh<3
Halos limang minuto na ang lumipas pero wala pa rin reply ang lalaking 'yon. Napataas ang kilay ko habang nakatingin sa screen ng cellphone.
"EYAN?!" Mabilis pa sa kidlat ang pag-angat ng tingin ko.
Nakatayo si Eyan sa tapat ng pintuan habang nakatingin sa aming lahat. Nakasuot siya ng PE uniform at dala niya rin ang bag pack niya.
Mabilis na lumapit si Sofia at Vicca kay Eyan at inalalayan itong umupo sa seats niya. Doon lang ako tumayo at lumapit sa kanila.
"Papasok ulit ako. Ayaw ko pa lang tumigil," Nahihiya niyang sabi. Si Sofia naman ay panay ang haplos sa buhok ni Eyan.
"Sige, kaming bahala sa'yo. Aalagaan ka namin,"
Ngumiti ako nang tumingin sa'kin si Eyan. Saka ko marahang hinaplos ang kamay niya.
***
(End of Kaguluhan 17)