ابو تحسين / شروطي حتى تحسين اوافق عليه ، انه ما جبت ام حسام وبناته حتى تنهان وتتهم ، ولا تتعذب ، المكان المابيه كرامه البنتي وبناته مالكم كعده بيه ..
طول عمري ماقصرت ويا احد بالبيت وخاصه بتكم وماخذه على كد عقله ياما جفصت وياما سوت مشاكل واكول تكبر وتتغير ، هاك شوف بنفسك لا تغيرت ولا غزر بيه شي..
ضلو يحجون وابو حمديه حضن جدي....
امسحه بهل شيبه....
صاح حمديه،التفتت عليه اريد اشوف شكله ومنظر وجه مستفسرة..
ابوه ليش صاحه.....
دخلت اول مادخلت عليهم اجته كفخه وهي بعده بالباب.....
وصارت هوسه وتحسين هد ع اخوه وهذا يغلط وذاك يدفع...
صاح جدو صوت كله سكتت....
التفت ع حمديه كله فوتي جوة...
ابو تحسين/ كدام اخوانك وولدك وزوجه تحسين شروطي بنتك مامسحوله تحجي ويا ام حسام وبناته...
تدخل بزين شين ماريد..
علاقة ود وسوالف المكر موبايل تقطع تمام...
تتصلين من مبايل تحسين او من مبايلي..
والعكس صحيح اذا حابه تسمع صوتكم....
امي خواتي اخواني جايين يسألون عني خطار نهائي ميوصلون وبذات وساااام...
ولو اشوفله مرة وزوجه افضل!!!
بس انت مرحب بيك بهل بيت.....
ماطول هي بهذا البيت تحترم الكل سواء جبييير او صغيير....
مشاكل ابيتي ماريد عليه بزوجه واطفاله وبس...
هاي اخر فرصه اله اقل خطأ تجي انت بيدك تاخذه.....
رواء/وضعيتي تعبت من الكعده ومن الاجواء بس جدو زين سواا بيهم.....
ابتسمت حوراء وكالت اخذو حقنا ، خالو حسان وعد ونفذ...
جاوبته سوه بيه سوايه النذل ميسويها ، وفوك كل ، الصارلي صعب وما استاهله ....
حمديه ووسااام /لافو الشغله عليه ، وفضحوني كدام هاي الناس حجم الموضوع مديشيله عقلي ....
كله لان رفضته....
ليش هيج سوت ، شنو راح تستفاد ..
لان رفضته غصب هو الزواج خوما غصب مو كرامته انهانت ، وهسه طردوه من البيت ، حب ينتقم مني ويرجع اعتباره وكرامته ..
اللي اريده هسه شلون اخلص منه ، كاعد يموتني ....
حوراء/شلون قهر ،اكلج لتهتمين جذب وبداخلي اني صايرة كباب.....
اللي سوته حمديه بينه موقليل ، يخلي
الواحد اخاف ع نفسه ومنا ورايح نقفل وانشيل المفاتيح....
خلت ايدها على حلكها وشهكت بصوت عالي..
هيه تعرف مكان الصور ، اجتي وسألتني كتلها بالمجر ، اكيد اخذت منه ، واول ما نطلع تركض ع الغرفه ، اني بالنسبه اليه ما أتهمه لا ،الوم نفسي ليش لان القانون لا يحمي المغفلين ، واني مغفله وغبيه وساذجه ، وازيدج من الشعر بيت احنا السبب لان انثق بالناس بسرعه لدرجه انكوم منشوف حوالينا...
سكتت مجاوبته لان الحجي مالته كله صحيح ..
حوراء :بس....
وسكتت باوعت ع رواء/تمددت واني صافنه عليه اريد أساله واخاف اكول هسه ناسي ليش اذكره ، رحت مددت يمه بس من الجهة الثانيه مال جربايه ، باوعتله مغمضه وخال ايده على عينه ، ساكتين ثنينه وهدوووووء ..
كسرت الصمت من كلت ...
عدلت كعدتي ..
حوراء /ايام ونطلع منا ونخلص من هذاالجحيم...
جرت حسره طويله وكالت....
انشألله..
ما ارتاح ولا يهدالي بال اله اعرف الحقيقه .
تقربت يمه وكتله...
ياحقيقه؟؟؟
ماكو شي سلامتج.
رواء : اوصل الغايتي واخذ حقج وحقي وحق امي من عيونهم ...واردلهم الاذية اضعاف .
تقربت منه بسته وحضنته قوي.
بعدهم اسولفون نسمع اصواتهم دخل خالو حسان علينا كال لبسو حجابكم ...
ام حسام/خِيييير.
ضحك كال الشياب اتريد اسلم عليكم...
هههههه صدك ضحكنا واحنا بعز قهرنا.
دخلو سلمو واعتذرو وطلعو..
دعيت واتمنيت بداخلي واظل من الصبح لليل يلهج لساني بالدعاء بس مو ب اذيتكم ولا بموتكم ، اريد فضيحتكم ..
بعده صفنت وكلت يمكن مرضى وماع المريض حرج.
بعدهم بالكراج يسالمون نسمعهم وكبت العيطه
حسام جايب سلاح وراجع اهد ع خالو حسان مخبل وعصبي ومتنرفز واقل شي يصيح تعبنه كلش يعني ميصير هيج مو حاله هاي..
عفتهم يتصايحون هو والزلم البرا ، يريدون الزمو ماكو وكبت بينهم ، صعدت فوك،بالسطح
اريد اشوف بطولاته...
عاتبت حظي شنوناقصني حتى يركض ورايه
واحد مثل هذا..
ورة دقايق صعدت حوراء رادت اتلطف الجو
كالت روميو مالتج انكلب طرزان ههه.
غير اعرف شمسوين شو كاعدين وساكتين بلبيت ...
اتمنى الزمه بهذا اسلاحه واكسره اتكسر.
فضت الهوسه واحنا نزلنا.
حمديه مبينت وجه.
خنست بغرفته ومطلعت حتى من رجع اخوه
اتعارك.
وخالو تحسين هم ساكت.
اظاهر جدو ظابه ومهددة قبل الكعدة..
كله مصالح...
مع الاسف الناس أجردت من الانسانيه.
جان يوم متعب حيييل.
باليل قبل ما انام لزمت جهاز ماما.
شفت غدير مراسله ماما وتسال ومتصله كلش هوايه.
كتله ماما غدير عرفت بالتفاصيل.
جاوبتني اي..
حوراء/ اخذت الجهاز اريد اشوف شنو راسله غدير..
بيدي واقرة بيهن وجان توصل مسجات وحدة
ورة الثانيه.
وهذني شنو رأييج بيهن.
قريتهن انصدمت.
شوفتهن الماما.
كالت اش لتسمعنا هذا ميجوز باجر اني اصرف..
ام حسام/رسلت منيلك ذني؟؟؟
وصلني من فاعل خير ..
💬
منو يكول الي جوز متفبركات وكاعد يخربون.
💬
منو اله مصلحه يخرب حياتج ...
ومبين تدرين بيهن لان متفاجأتي ع العموم انطيني فتره افكر...
مجاوبين...
💬
ماعندي جواب.
لا ما الج عين اجاوبين....
قررت اشوف ابويه وحسان باجر...
هذاعلن الحرب ع بنتي...
بس الا أعدمه العافيه...
ثاني يوم الصبح بعد الريوك شوفت المسجات
لابويه شافهن واتمعن بيهن وشاف شنو مراسلته....
هز راسه وكال سهله....
هذا ميكبر ع ابوج.....
بعده رحت للدوام....
رواء /ايام مرت ونمتحن ، وحمديه اشوفه تتوسل اشوف اهله تتحسر عليهم يجاوبه بنتره ميقبل ...
مشت الايام والاسبوع وخلصت الامتحانات ومرت الاشهر بهاي الفتره لبسناه كأنما ماكو بشر خيال كدامنا، وهتمينا بنفسنا وغدير تجي ، ناكل ونسولف...
مرات اتريد تفتح موضوع ويانا انعوفه وندخل لو انروح يم بيت خالتي ونضل نسولف ونضحك وهي تتخبل ، وبس تحجي جدو يحير شيسوي بيه الكل وكفو بوجها ..
عاملوه مثل الغريب حسيته تندمت وبدت تتغير ، وحسيته انكسرت ، بس بعده تكابر لا اجت اعتذرت ولا اعترفت بروحه غلطانه .
مر كم يوم ، اجتي خالتي كالت هالاسبوع ، اروح البيت حماتي جنته جابت، اندمجنا
احنا وعلياء وسوالف وضحك، سألته منو جابت كالت تمارة.
جاوبته زوجة المزورجي ههه وضحكت...
شنو جابت...
علياء/جابت ولد...
بعده راحو سبحت ورجعت لغرفتنا.
دامشط شعري دخلت حمديه كالت رواء
راح نخطب الوسام...
ضحكت مستهزئه بكلامه ، وصفكت بيدي .
واني شنو علاقتي بالموضوع واذا خطبتو الوسام...
ولج انتي على منو تنعدين ، على الصريحات لو على القبيحيات، يعني هاي صراحه لو قباحه ، يعني انت متوبين من عدنا، لا اعتذرتي ولابررتي اذا انت مريضه روحي حتى تتعالجين..
دخلت ماما سمعتنا..
ام حسام /خير..
يوم دخلت عليه بدون مقدمات وسام راح يخطب...
ام حسام/ شتقصدين وليش جاي تبلغيه
واذا خطب اكيد ابوج نفذ وعده الي من شوفته رسائل اخوج المحترم...
وعدني خلال اشهر يخطبله...
صفنت ع امي وبهت شكله.
يا مسجات شنو صاير شي جديد...
لا ماما ماصاير شي لتهتمين موضوع راح..
اضمين عليه...
قبل فترة وسام رسل ع جهازي رسائل وشوفته الجدج وكال اني اتكفل بالموضوع
وراح عليهم سواله جرت اذن وابو حلف ازوجه
وباجر خطوبته...
عصبت وكتله الهنا وكافي وانتي انطيتي وعد نطلع مو صح...
تمام..
وهسه شلون اظل اتحمل....
مادام عطله وهسه نطلع اندور ع مشتمل...
لا ميحتاج المشتمل موجود وباجر ينطوني المفتاح....
وكل هاي المدة جنت انتظر المؤجر يطلع...
لان موقعه قريب ع بيت جدج وع غدير....
وع مدارسكم مناسيه...
وحسان عندة علم وابويه هم والقنع جدج حسان....
يعني باجر الصبح انروح ناخذ المفتاح ونبلش تنظيف...
ارتاحيت حسيت هم وانزاح من صدري....
انتابني نشاط وطاقه ايجابيه حتى المغثه الغثتنياه حمديه بح اتبخرت....
حوراء /دخلت كالت شو وجهج مورد...
شكووو..
ماما اجرت بيت وباجر انروح انظفه.....
صدوووووك...
ياربي رحمتك وسعت كل شيء....
الحمدالله وكلبناه مناحه.....
راح نطلع ابيت وهذا جان حلم حسام...
بس حسام مو ويانه......
الليل كله مانمنه كعدنا من وكت حتى ماما اتفاجأت..
اتريكنا وراحت ماما اجيب المفتاح....
واحنا ننتظره.....
ع احر من الجمر.....
نص ساعه ورجعت بيده المفتاح طفرنا عليه حضناه وكناله انروح كالت انتظر خالكم حسان وزوجته تريد تساعدنا.....
وصدك وصلو ورحنا سوا شفنا مشتمل اصغير حييل يفتقر لوسائل الراحه والصحيه حديقه مابي مجرد كراج اصغير حييل.....
بي غرفه نوم واستقبال اصغيرومطبخ وحمامات ومخزن....
بس الحمدالله ع كل حال.....
المهم مشاكل ماكو....
بلشنا بتنظيف بعد ما اخذناجوله ع بيت طلعنا يلمع ماخلينا جزء يعتب علينا...
بعده خالو حسان رتب الكهرباء وغير الكلوبات
وشد الماطور...
سالت ماما احس كلشي مخطيطيله موصح
لان اشوكت اشتريتو الكهربائيات واشلون عرفتو العدد وحجم الماطور...
كالت البارحه العصر اني وخالج دخلنا للبيت
وسجلنا النقص بورقه.....
حتى ثلاجه وطباخ وكاونتر واحد ومبرده...
واغراض مطبخ المهمات سجلتهن والعصر اجيبهن....
مبلغ عندج اكفي....
الحمدالله كفى.....
خلصنا كلشي وماما اشكرت من زوجةخالو وخالو...
ورجعنا بالوحدة هلكانين.....
اخذ خالو اكل جاهز وعزمنا ابيته....
اول مدخلنا الجهال اتلكونا بوسناهم وبعده
صلينا واكلنا وكملنا غدا....
بس اسبح اوصلكم....
عندي شغله أخلصه وارجع اجيب الغراض
بلاربعه....
كال يالله اوصلكم...
ورجعنا الببت هدوء الكل نايم سبحنا صارت بلاربعه....
ماما كالت اتحضرو الغراض بالطريق خالكم خابرني....
ع سريع لبسنا وطلعنا.....
البيت مو بعيد بعد فرع.....
دخلنا ماما شغلت الماطور سحبت مي تترس التانكي....
البارحه باليل ناصبي.....
وصلت الغراض ورتبنا كل حاجه امكانه.....
ساعه وكالت ماما اروح لسوك....
اجيب بردات وغراض المطبخ...
طلعنا قفلنا البيت وصلنا خالو للبيت واخذ ماما للسوك....ساعتين ورجعت جايبه المهمات...
وموديتهن للببت لان هوايه.....
اتعشينا خالو حسان اجه كال امشو كملو الباقي....
واشغل الثلاجه الكم هسه الغاز مالته استقر.
رحنا وزوجته هم اجت علكنا البردات ورتبنا المواعين بالكاونتر.....
رجعنا للبيت لكينا خالو تحسين....
كالب خلقته وزوجته منفوخه.....
بس لان جدو موجود ساكت منطق حرف.....
اجتي خالتي وزوجه وابنه وعلياء....
وانفتح الموضوع باجر ننتقل للمشتمل...
زوجه باركلنا انسان محترم وخلوق...
خالتي كالت جان انتظرتي اجي من بيت حماتي واساعدج....
كالتله متعبنا حسان وزوجته مقصرووهو بيت اصغير 75متر...
سألت اشكد الايجار....
250الف....
شايفين الخير....
بعده الكل راح البيته ونمنا بس ما اخذت عينا نوم للصبح....
حتى ريوك منشتهي صلينا ولمينا الفراش مثل الجثث كل وحدة من عدنه وجه منفوخ ومورمه عيونه.....
راح ندخل البيت جديد بلا اب ولا اخ جنه بلا سكان حياة بلا مي سماء بلا طيور.....
كالت امي لموا غراضكم.....
هاي جنط.....
حتى خالكم اجيب النجار يفتح الغرفه لازم انقله اول شي حتى اتلم هوسة الملابس...
لمينا الملابس والفراش ولو هنا قليلات والغرفه تعبانه وقديمه.....
اشتغلنا بلا كلام السكوت سيد الموقف وصلنا لاغراض وملابس بابا وحسام....
مسيطرنا ع نفسنا بعد...
انهارينا بالبجي بس بلا صوت لان نايمين
وهسه الساعه بسته الصبح.....
صارت بسبعه كعد جدو صبح علينا واتريك هو وبيبي وطلع للشغل....
بيبي من موقف السحر بعد مدخلت كله جدو
هو يصرف لا تعارض ولا اتوافق....
رن جهاز امي كالتله كملنا.....
ربع ساعه ودخل خالو حسان والنجار واحنا كعدنا بالمطبخ....
دخلت حمديه منفوخه وبس تتأفأف....
كملو فتح الغرفه ونقلوه بسيارة...
حمديه سوت ريوك الهم.....
خالو تحسين كعد من النوم غسل ورجع للغرفه
امي كالت لبسن انروح وراهم كل وحده اتشيل جنطه.....
والباقي بسيارة حسان اخذه.....
خلص الصبح بين شد الغرفه وترتيب الملابس ومسح الاخشاب والكاع.....
ماما وخالو حسان كالو قفلوا الباب ولتفتحو
انروح انجيب باقي الغراض....
اشويه واندك الباب حوراء كالت منووو....
اني خالج تحسين فتحي الباب.....
انصدمنه اشعنده جاي مو جان بالبيت واحنا يمه....
فتحنا الباب دخل للبيت يتفرج علي....
وبعده اجه عليه لزمني من شعري حيييل
وعت وعت وحجه بنبرة تهديد لا تفرحوووون
طلعتو هذا كله بلحظه اهدددده ميدوم...
وجري عدل....
اتأذيت بس مبينت اله.....
بعده دفعني انضربت بالحايط الورايه....
وهو طلع.....
حوراء/كسر بيدة اشبي هذا بس تجي امي اكله ع سوايته....
لا ديري بالج ليروح انفذ تهدّيده......
اريدله حجه...
شو ماما اتأخرت هو البيت هذا وينه....
ساعه ودخلت.....
تنزل بالغراض واحنا ناخذ منه....
شو اتإخرتي؟؟؟؟
مو وسام من البارحه مكلوب بسيارته...
والخطوبه مالته تأجلت....
اي.
وشنو علاقتنا بخطوبته وحادث البارحه بتأخيرج هسه.....
مو جدج اخذ خالج تحسين وحمديه والي وصلهم حسان.....
ومن البارحه مأجلين الخطوبه وتعرف اخوه مسوي حادث....
بس مكالت.
خاف نشمت لو شنووو...
بنات ماريد كلام لا مدح ولا ذم....
اريد الله ابارك بيتناوحياتنا اكو الله ياخذ حقنا
وحسان ماقصر كاله وصدك اخذ حقكم....
هلكنا من الترتيب وتصفيط صلينا ورجعنا نشتغل بثنتين اجه خالو جايب غدة طابخه
زوجته سلم من الباب وراح مستعجل شغله اتاخر لان البارحه واليوم ويانا ساعه خمسه سبحنا ومددنا....
واخذتنا النومه من التعب وسهر ليلتين امكان
جديد وموحش علينا.....
فزينا ع دكت الباب.....
خالو وزوجته وجهاله وجايبين هديه
بلازما....
وعشا جاهز وعصاير.....
حضرنا كلشي وكعدنا ناكل وسوالف خالو والشقه مالته....
كملنا لمينا الهوسه وبالمطبخ انسوي جاي
واندك الباب غدير وزوجه وبته....
دخلت وشبعت بجي وتبارك وتتاسف ع حسام وابويه....
عاد مهيمن كله اسكتين لو ارجعج للبيت...
اني راح اجيب الهدايا لو ناويه اترجعين وياج
بحجة نسيتهن بسيارة...
ضحكنا وحضرنا جاي وعصاير.....
للعشرة باليل طلعوا كلمن البيته.....
ثاني يوم الصبح بيت خالتي اجوي وسوينا غدة وهم جايبن هديه....
للعصر راحت.....
باليل اجوي ببت جدو جايبين مجمدة.....
بس حمديه ماكو....
بعد احسن وخالوتحسين ولا عبالك البارحه اتهجم عليه سلم ع امي وباس راسه.....
احنا هم طبيعي تصرفنا سلمنا وضيفناهم كعدو اشويه وراحوا.....
ومرة الايام وشهر ع طلعتنا قليل انروح البيت جدي وخالتي احسن بالبيت ومن تسوك امي
مرة اروح اني ومرة حوراء.....
ومرات المسواك قليل اتروح بس هي...
لان نسوك مال اسبوع فنضطر وحدة من عدنا اتروح....
العيشه صعبه ايجار ومولد وعيشه....
مرات اشوف ماما صافنه.....
اعرف المصرف ميكفي النهاية الشهر وتداين
ونفس الشي....
كتله يوم اريد اسوي روضه بالبيت.....
صفنت عليه كالت وين تخليهم....
بالبيت وين اخليهم..
صديقاتج مو عدهم اطفال انطيهم خبر....
حتى العده مناسبه زياره عادي اخذ الطفل كم ساعه....
العده دوام الموظفين للعصر....
ومن يبدي الدوام ادرس طلاب.....
صفنت عليه وكالت مقصرة بشي وياجن....
لا بس ملينه من الكعدة....
لان عطله انريد نلتهي....
بس بداخلي اردد اريد اساعدج بالمصرف
وراح يبدي الدوام لازم نجه ويحتاج مصاريف....
وفعلاً بس انطتهن خبر...
كيفن وثاني يوم جهال اخو صديقته هي موظفه اجت سجلتهم سويت سجل وتاربخ
التسجيل والمبلغ.....
وبده مشروعنا اكعد بسته الصبح اتهيء
واستلم الجهال بالسبعه ....
انوكلهم وحمامهم ومتابعه وراهم وراهم ونلعبهم ونعلمهم...
وغدة وتتظيف نتناوب اني وحوراء عليهم
وع شغل البيت....
مرة الأيام تركض والتعب بين علينا.....
بيحيث من السته الصبح للخمسه العصر ننتهي
بس نحمد الله ونشكره المبلغ اليطلع اسد باقي الشهر وماما بطلت تداين....
ماوصيكم بالنجمه وتعليقات العسل
اختكم ام فرح
بنات للمرة الف المعاجبه ظرفي
والالتزام يزعجه خلي تحذف القصه
لاتحجين عليه ولا ارد بتعليق محترم عليج
كلنا باجر عكبه رايحيين من هاي الدنيا
بس العمل والكلمه الطيبه اظل وتذكر
لقائنا قريب