"အင်း စီးကြည့်တော့ ပျော်စရာကောင်းတယ် ဒယ်ဒီ ။ သား နောက်နေ့ကစပြီး ကိုကို့ဆိုင်ကယ်လိုက်စီးပြီး ကျောင်းတူတူသွားတော့မယ် "
"မဖြစ်ဘူး ယံယံ ။ ရှိုင်း တစ်ယောက်တည်း လွတ်လွတ်လပ်လပ် သွားပါစေကွယ် "
မာမီက ဝင်ကန့်ကွက်တော့ မိုးသောက်ယံသည် ဒယ်ဒီ့ကို စစ်ကူတောင်းသလို ကြည့်လိုက်သည် ။
"ဒယ်ဒီ ၊ သား ဆိုင်ကယ်စီးရတာ ပျော်လို့ပါ နော် ။ မာမီ့ကို ကူပြောပေးပါဦး "
"ခင် ၊ သားကို ပေးစီးခိုင်းလိုက်ပါကွာ ။ နောက်စိတ်ပြောင်းသွားရင် အိမ်က ကားပြန်စီးမှာပေါ့ ။ ဟုတ်တယ်မလား ယံယံ "
"ဟုတ်တယ် ၊ ဒယ်ဒီက သားစိတ်ကို နားလည်ပေးနိုင်ဆုံးသူပဲ "
အခြားမိသားစုက ဖခင်တွေနှင့် ခြားနားစွာပင် မိုးသောက်ယံကို ဒယ်ဒီသည် သိပ်ချစ်ပြီး အလိုလိုက်သည် ။ သို့သော် မာမီကတော့ ချစ်သော်လည်း သူ့အကန့်အသတ်နှင့် သူ ၊ ဆူစရာရှိ ဆူ ၊ ဆုံးမစရာရှိ ဆုံးမသည် ။ သူ့မှာ ဒယ်ဒီ့ကို လိုရာတောင်းဆို၍ ရသော်လည်း မာမီကတော့ အမြဲ တားဆီးတတ်သည် ။ ဘယ်လိုပဲဖြစ်စေ နောက်ဆုံးမှာ မာမီလည်း လိုက်လျောရသည်ပင် ။
ယခုလည်း မာမီက မကျေနပ်သည့် အမူအယာဖြစ်နေသော်လည်း မိုးသောက်ယံကို ဘာမျှ ထပ်မပြောတော့ချေ ။
"ရှိုင်း "
"ဗျာ...ဦး "
"ဆိုင်ကယ် မောင်းရင် သေချာဂရုစိုက်မောင်း ။ ယံယံ တစ်ခုခုဖြစ်လာတာမျိုး မမြင်ချင်ဘူးနော် ။ မင်းကို စိတ်ချမယ် ရှိုင်း "
"ဟုတ်ကဲ့ပါ...ဦး ။ ကျွန်တော် ဂရုစိုက်ပါ့မယ် "
ရှိုင်းသည် သူနှင့် အတူသွားရန် သဘောတူလိုက်တာကြောင့် မိုးသောက်ယံသည် ကျေနပ်စွာ ပြုံးသည်။ ဒယ်ဒီ့စကားကို အမြဲနားထောင်တတ်သည့် ရှိုင်းကြောင့် သူ နိုင်ကွက်တွေရနေခြင်းပင် ။
ရှိုင်းသည် မိုးသောက်ယံကို တဖြည်းဖြည်း ပို၍ မုန်းတီးလာမိသည်။ မိုးသောက်ယံ၏ အမြဲတမ်း အနိုင်လိုချင်မှုတွေကို သူ မုန်းသည် ။ အခြေအနေတစ်ခုကြောင့် ရှိုင်းဘက်မှ အမြဲတမ်း သည်းခံနေခဲ့ရသော်လည်း မိုးသောက်ယံကို မုန်းသည်ဆိုသည့် အချက်ကတော့ အမှန်တရားတစ်ခုလိုပင် သူ့ နှလုံးသားထဲမှာ အမြစ်တွယ်နေခဲ့သည် ။
JE LEEST
ချစ်မိသူ အရှုံး ( Completed)
Romantiek📣( Season 1 + 2 ) Completed. Boy's Love Story . Own Creation . Thin Zar Moe Oo.
part - 5
Start bij het begin
