لن اُكسر

البارت التاسع

اتقبلت واقعي وقبلت بحيررة من امرري واجة شيخ بسررعة ماصدك حامد نذل وكفت ورة الباب بعد ماضغط علية الكل وحاامد كال اذا ماقبلت استرر عليهاا اذبحها واخليها لجلاب ماناقصين عارات احنا ماتوو اهلها وطللع لساانها عبالها كاعدة ع حل شعرهاا ..

وكفت ورة الباب وبدة الشيخ يردد امور العقد سألني بلمووافقة واني طكيتهااا بجية محد رراضي يسااعدني يخللصني من هلموقف تمنيت المووت ولا اكوول ايي واصير زوجة للسكير المعرربد العطواني النذل الحقيرر ..

جاان الكل يكلي ايي وافقي محد كال لا بكيفج شي راجع الج زواجي من حاامد جاان اكبر غلطة ارتكبهاا بحيااتي وكسررة ما بعدهاا كسرة ..

وافقت والغصة بلعوومي درت وجهي بعد مكمل العقد حضنتني ام عمار تباركلي واني ابجي وهيا تباركلي وفررحانتلي وااني وددي اطللع وانهزم من واقعي من اهلي من الدنياا من كللشي وددي ارروح بعيد مااسئل على احدد بس اريدد امووت واخلص ..

اجت كرريمة كمشت خددي تباركلي وبااستني سووي نفسهة المسكينة تتمنالي كل الخيرر واني اكص ايدي اذا هيا مو ورة كل السالفة ..

شربو جاي كلهم بالاستقبال واني كاعدة بالمطبخ ابجي ع حضي الطاايح من سطح طب عمار بااوعلي وكال .. تدرين امس من شفت ادمووعج ماردت اخليج ترجعين لحاامد وجنت ناوي اسحبج ويانا لخارج العراق حتى اخلصج منا امي كالتلي شسووة بيج ..

قابلتة بنضررة مكسورة تشرح حالي .. يعني تدرون بي ليش ماكتولة انتة الغلطان وجاي تفتري عليها وجذب

عماار .. ان حجينا او لا هوة ابن عمج هذا الكاسر ضهري حتى قبل لايكول كتلة اني ازوجها هوة بسررعة كمزز وكال بت عمي الي محد يجيسهاا ..

مَدين .. من الله ياخذها لبت عمة ويخلصني منة نشالله

عمار .. لا لتكولين هيج الحياة تجارب وامتحانات يمكن بعد الزواج يعقل حاامد ويبطل سوالفة المكسرة وينهدي للطريق الصح ..

مَدين .. بشرفك هذا هم ينهدي للطريق الصح يشررب ويزني وغير امور اني مااعرفها اخلاقة زفت تكوول ينعدل ذيل الجلب هم شفتة عدل ..

عمار .. هسة انتي حااولي تنطين نفسج ونفسة فررصة وابدي صفحة جديدة حااولي تغيرين مناا

مَدين .. عماار هاي شبيك كلكم صاايرين وياا تكلولي حبي وانطي فررصة على حسااب نفسي لليش انسان مااطيقة طوول عمري يتهجم علية و يطعن بشررفي وتريدني احبة وانطي فررصة مستحيل ..

عمار .. مَدين تررة الدنياا صعبة وخصوصا انتي وحدج ماعدج سند ولااهل مو قصدي اذكرج واجرحج بس هذا الواقع حاولي تتقبلي مثل ماكتلج اعتبريها نصيحة من اخ انطي لنفسج ولنفسة فررصة وحااولي تنسين المااضي وابدي صفحة جديدة ..

حجة كلامتة الاخيرة وكاام واني شاايطة اكوول لو كاتلة نفسي اتحمل عذاب الله الي ولا اعيش يم حاامد بس بعد صاارت ..