قلب اسود🖤
الحلقة الخامسة
ميلا:من انت؟؟شن تبي حول من قدامنا
الشاب: انا يوسف الي خشيت عليك عالفيس😉
ميلا:شنوو😳شن ادير هنا !!مصبي تراقب فيا
يوسف:اه نراقب فيك😐بعدين شن مطلعكن توا وبروحكن!!
ميلا:شن دخلك اه؟؟وبعدين اسمع هذي اخر مره نلقاك مصبي قدام حوشنا واخر مره تصبي وتحكي معايا هكي فاهم ومش لاني رديت عليك تاخذ وجه...هيا ميرا امشي..ومشن بس هو قعد يلحقن فيهن لعند ما وصلن
يوسف:بعد موقف ميلا زادت كبرت في عينه وعجباته اكثر
__________________________________
دانيه:كانت مقمعزه وتقرا ورن فونها
دانيه:ارجوان شجو
ارجوان:تماام وانتي
دانيه:تمام قاعده نقرا خلاص الامتحانات قربن
ارجوان:حتى انا كنت نقرا بس بعدين مليت وقلت نكلمك نقولك نطلعوا مع بعضنا لاي مكان شن رايك؟؟
دانيه:اوك نسال بابا ونقولك
ارجوان:تمام نستنا فيك...وصكرت
دانيه:طلعت لبوها عشان تقوله تبي تطلع مع ارجوان
دانيه:بابا ☺️
ادريس (اب دانيه): شن تبي تطلبي المره هذي
دانيه:ههههههه حرام عليك نبي نقولك بس نبي نطلع مع ارجوان
ادريس:وين ومن بيشيلكم
دانيه:اي مكان نغيرو جو ومش عارفه من حيشيلنا بس اكيد يا ايوب يا اما السواقه
ادريس:باهي امشي لكن مطوليش
دانيه:باست راسه وقالتله..ربي يخليك ليا يا احسسن اب ومشت تجري وكلمت ارجوان وقالتلها انه حيجيهن ايوب يشيلهن ولبست ودارت ميك اب خفيف وقعدت تستنا في ارجوان شويه وكلمتها قالتلها اطلعي
دانيه:خيرات ايوب كيف حالك
ايوب:الحمدلله كيف حال الحاج
دانيه:كويس بابا الحمدلله يسلم عليك
ايوب:سلميلي عليه ها وين نشيلكن؟؟
ارجوان:اممم فش مكان جديد نمشوله
دانيه:في كافي مشيتله مره حلو توا نقولك وين وقعدت توصفله لحد ما وصلوا
ايوب:ارجوان انا حنعطكن وبنمشي عندي شغل مش حنطول عليكن وكان صار اي شي كلميني
ارجوان:تمام متخافش خلاص باي...ونزلت هي ودانيه وخشن للكافي
ارجوان:ها وين نقعدوا
دانيه:امممم وتبي تلف تلقى....
__________________________________
انا خشيت للفيلا وفتحت tv وقعدت نتفرج لاني منبيش نمشي معاهم مازلت راقيلي من لقطة سالم بتاع الكوره بس ملقيتش شي طفيت وصبيت تلف في الفيلا وجيت قدام الدار بتاع سالم الي توا يقعد فيها هو ولؤي وخشت للدار وقعدت نبحت علي امل اني نلقى حاجه نذل بيها سالم😂وجيت فتحت درج لقيت البوم صور قمعزت وفتحته لقيتهن صورهم في المزرعه وقعدت نضحك علي شكل تالا وهي صغير وعلي شكل سالم
تولين:اخخخ يا قلبي طرف ومن هو وصغير😂❤️
سالم:عشان تعرفي بس😌✋🏻
انا:عزقت الالبوم وصبيت....انت شن ادير هنا😳
سالم:من المفروض يسال التاني؟؟
انا:ااه اناا مليت وكنت نبرم هنا ولقيت الدار مفتوحه وخشيت بس😬
سالم:اه بس ومفتحتيش البوم الصور
انا:ممن اناا ابدا✋🏻🌚كان مفتوح بروحه
سالم:ههههههههه
انا:نبي نطلع قبل مايجي حد..وطلعت
"دائماً الامور اللي تطلع من الانسان بعفوية تكون جميلة، وجمالها يصعب تكراره مهما كثرت المحاولات.."
________________________________
دانيه:وهي تبي تلف تشوف مكان يقعدن فيه شافت سامي لفت وجها بسررعه
ارجوان:كنك من شفتي؟؟
دانيه: المستفز قاعد هنا
ارجوان:بحتت وعرفتها علي من تحكي...اااه هو هذا
دانيه:اه هو هذا هيا نطلعوا فكينا منه
ارجوان:تي نطلعوا وين نمشوا وايوب مش قاعد
دانيه:ييي عليا توا يشوفني يجي ويقعد يستفز فيا قدام الناس
ارجوان:تعالي قمعزي من هنا مش حيشوفك من هنا...وقمعزن وقعدت دانيه خايفه ان سامي يشوفها
سامي كان قاعد مع اصحابه ومنبهلهش
دانيه:اااه ياقلبي حتى انا ليش انقول على المكان هذا بسس
ارجوان:خلاص متخربش علينا الطلعه فوتي..وقعدن يهدرزن ودانيه نساته مع الهدرزه مع ارجوان
ارجوان:هذا ايوب يرن شكله جا
ايوب:خشلهن..هيا تعالن
سامي:كان يبي يطلع هو واصحابه ...خلاص نتلاقوا بكره معناها وبرم وجه شاف دانيه وهي طالعه مع ارجوان وايوب وطلع عشان يتأكد لو هي ولالا
سامي:والله الا هذي دانيه شن ادير هنا ومن هذا!☹️وطلع الفون وقعد يرن عليها بس متردش عليه
____________________________________
عند لينا
ميرا:بس بجد يعني طلع وقح جاي لعند الحوش
ميلا:بككل تخايلي شفاته ماما😩هي انتي نحكوا معاك وتبحت في لينا
لينا:اااه اه معاك
ميرا:فيك شي انتي اليوم شن صاير معاك
لينا:ولا شي خليني نمشي نجيب حاجه نشربوها ونجي..وطلعت
ميلا:فيها شي اليوم مش طبيعيه
ميرا:ممكن نفس كل مره خلينا منضغطوش عليها
لينا:خشت للمطبخ (خلاص يا لينا خليك علي طبيعتك طلعي الموضوع من راسك ومتفكريش فيه😔)وصبت عصير ومشت للبنات
ميلا:ااخ جا في وقته تعرفي
ميرا:باهي هيا نبدوا نقروا
هن:هي
___________________________
لؤي:كان مقمعز هو وسالم رن فونه لقاها لمياء صبا ورد عليها
لؤي:بكل غضب ..انتي وينك ليا كم يوم نرن عليك وماترديش مشيت للمكتب مش قاعده نبي نعرف بس امتى تبطلي المزاجيه الي انتي فيها
لمياء: وهي تبكي بابا مات يا لؤي باااابا ماااات تعرف شن يعني هذي مش مزاجيه مكنتش قادره نرد عليك مكنتش قادره اندير اي شيي ولا نفكر اصلا مازلت مش مستوعبه الموضوع معقوله بابا يمشي ويخلينا هكي في يوم 😭
لؤي:شن كيف امتى مات وليش ما قلتيلي وليش لما مشيت للمكتب محد قالي ان بوك مات
لمياء:المكتب مازال ماقلتلهم يرنوا عليا ومنردش عليهم توا كيف مسكت الفون ورنيت عليك انت طول
لؤي:باهي لمياء من جدك انتي عمي يموت ومتكلمينيش الوقت هذا كله يعني اربع ايام متقوليليش هذا هو الحب عندك
لمياء:والله ماكنت عارفه حتى شن اندير ولا عارفه حتى كيف مشن الايام يا لؤي😭
لؤي:خلاص باهي ياحبيبي معش تبكي ادعيله بدال ماتبكي
لمياء:مش قادره
لؤي:انا طالع مع هلي للمزرعه توا ناخذ السياره ونجيك
لمياء:لالا متجيش خليك مع هلك وروح معاهم وبعدين توا الدنيا بتبدا تظلم متسوقش في الظلام
لؤي:نبي نجي نطمن عليك
لمياء:لو تحبني صح خليك ومتشلغش هلك وتخرب عليهم طلعتهم
لؤي:معناها بكرا لما نروح حنجيك طول
لمياء:اوك ..لؤي انا بنمشي توا ومرات بعدين منقدرش نكلمك
لؤي:اوك بس ع الاقل دزي مسج
لمياء:اوك حاضر
لؤي:نحبك..باي
لمياء:حتى انا ..باي ..صكر لؤي وجا كلمني انا وميرال
لؤي:تولين ميرال تعالن نبيكن
ميرال:حي انظر شن في
انا:صبي خلينا نشوفوه
ميرال:شن فيه نعم
لؤي:لمياء باتها مات
انا:شنوو امتى؟؟
ميرال:كيف مات
لؤي:اليوم رابع يوم
انا:ياروحي الله يرحمه باهي كيف حالها توا
لؤي:مش كويسه قلتلها نبي نروح نشوف مخلتنش توا بكرا بعد نروحوا نمشيلها
ميرال:اه باهي نمشوا معاك بالمره نعزوها
انا:ضربتها علي يدها وفنصت فيها
لؤي:ان شاءالله هيا انا بنطلع بره توا
انت:تمام
ميرال:ايي انتي يدك قويه
انا:وانتي معقوله تقوليله نمشوا معاك اكيد يبي يشوفها بروحه وانتي شي فيكش جو بكل
ميرال:من جدك انتي جو شن هذا وبات البنت ميت وبعدين كيف حيشوفها اكيده عندهم ناس مازال يجوهم
انا:مش عارفه هي نخشوا لتالا
______________________________
في الليل
لينا طالعه هو وميرا وميلا بيروحن
لينا:وهي ورا الباب خلاص نتلاقوا الاحد
ميرا:تمام
ميلا:تولي بتجي الاحد؟؟
لينا:مش عارفه انا قلتلها متجيش
ميلا:باهي خلاص باي😘
لينا:باي..وصكرت الباب وخشت ولقت بوها مقمعز جت بتمشي
ابراهيم:لينا
لينا:وقفت ولفت عليه وتتهرب من عيونه متبش تبحت فيهن...نعم🙄
ابراهيم:وينك اليوم مشفتكش مريضه فيك شي؟؟
لينا:لالا مافيا غير كانن عندي البنات بس
ابراهيم:باهي تعالي كسدي معايا من زمان معش هدرزت معاك
لينا:اسف بابا بس نعسانه ونبي نرقد نحكوا بكرا
ابراهيم:باهي تصبحي علي خير
لينا:وانت بخير..ومشت خشت لدارها وقعدت تبكي
ابراهيم:زعل لانه المشاكل الي يصيرن بينه وبين اسماء قعدن يبعدن في لينا وكل مره تزيد تكبر المسافه الي بينهم بس مع هذا كله مش مفكر انه يحاول يصالح مع اسماء ولو شويه علي خاطر بنته
