هدية في حي الرجال

البارت ٣

دقايق واجو كلهم اجتمعن نسوان الشيخ وبناته وحفيدته

شيخ عبد الله شوفو بويه جمعتكم اهنا اكلكم احجايتين تخلونهن كطنه بذاناتكم

كلكم تعرفون حجي حامد الله يرحمه اخوي وصويحبي ويعز علي

وروحته كسرت اظهري الله شاهد اكثر من كسرتي على اخوي عدنان

و بنيته امانه بركبتي ليوم الدين ومسؤوليتي ماالها احد بعد ابوها لان اخوانها موش كفو ولاهم اوادم المطلوب منجن انتن ياحجيات البنيه تعتبرنها بنيتجن لاتسمعنها جلمه موش زينه ولاتامرن عليها علمنها علينه وعلى طبايعنه صار معلوم

حجيه هيله .صار يشيخ بس تراها البنيه مشلوحه وخايفه تمس سمعة ابنياتنه

الشيخ. حجيه ترى البنيه مسيحيه ماهي من دينه وبدينها ماواجب الحجاب بس لبنيه مؤدبه وشريفه انه اعرفها زين تربيت حامد بعد

احلام .يعني ماتفرضون عليها الحجاب؟ شني ياعمي موش عندك ازلام كل واحد اشطوله عين الله عليهم ما عيب منهم شلون تمشي ابينهم ماهي حلوه

الشيخ .بويه احلام كتلج البنيه مسيحيه شنفرض عليها شنهي غصبا عنها لو نلبسهيا باالدك

المهم سمعوني هذا الحجي ما اسمعه بعد ولاتسمعنها حجي على هدومها وجسوتها سمعتن

وانتن بويه دره فدوى شيماء فاطمه وعذره احلام ..كلجن صيرن خواتها بويه دره لا تتركين لبنيه طلعيها من حزنها تراها مسيجينه فكدت ابيها وامها  واخياتها مهن كفوا محد الها غيرجن

دره. صار بويه ابطن عيني اصلا لبنيه حليوه  وتنحب

الشيخ .بارك الله بيج بنيتي

يله بويه طشو ولا وحده تنسه الكلته صار معلوم

الكل .صار شيخ

كامو وهما قسم  ماعاجبه الحجي وقسم مجبور يتحمل وقسم منهم ممتثل بحجي الشيخ بكل رضا

كعدت باوعت على الساعه بتليفوني جانت ب ٤ العصر  كمت فتحت الضوه وبقيت  كاعده باالغرفه ضاستحي اطلع بعدني الناس ما اعرفهم واحس نفسي متقيده وما ماخذه راحتي

عشر دقايق ودخلت دره واول ماشافتني ابتسمت ها خيه كعدتي

بيلسان لابعدني نايمه هههههه

دره هههههه يوو مادري ليش نسال هيج سوال بايخ

بيلسان اي صدوك والغب

دره كومي خيه خلي نكتد باالحديقه افرج باالبيت شوي نتعرف بعد انتي اخيتنه ولازم تتعلمين علينه وتاخذين راحتج ابيتج

-فدوه شلون انسانه طيوبه ومحبوبه انتي

-بعد كلبي يا خيه هو الطيب يشوف الناس طيبه