My dream girl is a BASSIST

Chapter 26: Maria

Tomi 

Pag katapos mag usap ni Troper at Marcus saka kami nag dinner ng sabay sabay, hindi na rin kami pinaalis ni marcus dahil nga gabi na, kaya ngayon dito sa bahay nya kami matutulog. Kakatapos ko lang maligo si Rina naman nasa kama na. maraming kwarto ang mansyon ni Marcus pero pinili namin ni Rina na mag tabi nalang. si Troper  nasa kabilang kwarto lang namin.

Nanunuod si Rina ng T.V. ng maisipan kong tanungin sya tungkol sa hinala ko.

“Rina-chan, pwede mag tanong?”

“Ano yun?” Tumingin sya sa akin  tapos bumalik sa TV ang atensyon nya. Umupo ako sa tabi nya at nanuod na rin. Kanina pa ako kating kati na mag tanong sa kanya kung ano ba talaga ang tunay na relasyon nila ni Marcus sana sagutin nya ako ng maayos.

“Anong meron sa inyo ni Marcus? mag kakilala ba kayo dati pa?” Tanong ko. Hindi sya agad nag salita, parang iniisip nya kung anong sasabihin nya. Ganyan talaga sya.  Masyadong maingat sa lahat ng bagay. Perfection kasi,

“Classmate nga namin sya ni Mami sa isang subject dati. “ Tipid nyang sagot. Poker face sya kaya hindi ko mabasa kung anong iniisip nya. Arghhhhh! Kailangan may malaman ako!

“Bakit hindi ko sya nakikita dati? Kung classmate nyo nga sya ni Mami?”

“Ewan ko sayo, basta classmate lang namin sya ni Mami, yun lang talaga…” Sagot nya. Pakiramdam ko hindi lang basta classmate ni Rina si Marcus. Aalamin ko ang totoo.

“Ahhh, Okay. Tara tulog na tayo.” Sabi ko. Nauna akong humiga sa kama. Pinatay nya yung T.V saka tumabi sa akin.

“Good night. Tomi.”

“Good night Rina-chan.”  Sagot ko. Pareho na kaming tahimik pero hindi pa rin ako makatulog agad. Sobrang curious talaga ako sa past na meron si Rina at Marcus. pumikit na ako para matulog.

8am ako na gising pero mas maaga si Rina dahil wala na sya sa tabi ko. Naligo na ako at nag ayos ng sarili para lumabas pero pag bukas ko ng pinto nandun si Troper at bagong ligo din. Mukhang hinihintay ako. ang gwapo ng fiancé ko.