Indulgent Geoff (TTMT #3)

Chapter Ten

"Ouch! Grandma! What was that for?" angal ni Geoff.

"Ganyan ba kayong mga Pranses? Namimilit ng babae? Aba't layuan mo si Zoey! Ganyan ba ang pagpapalaki sa'yo ng mga magulang mo?!"

"What the hell?"

Bibig naman nito ang hinampas ng kamay ni Lola Mina. "Kung ayaw ng babae ay huwag pilitin!"

Napanganga si Geoff. Maya-maya ay parang nakuha na nito ang ibig sabihin ng matanda. "Grandma, iniisip mong pinupuwersa ko si Zoey na makipag-sex?"

Natigilan si Zoey sa pag-iyak. Pero sumisigok-sigok pa rin. Gusto niyang matawa sa maling akala ni Lola Mina. Kaso, hindi niya kaya.

"Aba't itatanggi mo pa ba gayong halos hubo't hubad ka na?"

Naka-boxers pa rin kasi si Geoff dahil dapat ay matutulog lang ito kanina.

Pinalo ito ni Lola sa puwet. "Hindi porket mapapangasawa mo na si Zoey at magkaka-anak na kayo ay pipilitin mo siyang gawin ang bagay na iyon."

"I was consoling her, Grandma. Hindi ko siya pinipilit na—"

"Magdadahilan ka pa!" Piningot nito ang apo sa tainga.

"Ouch, ouch, ouch!"

"Gustavo! Pagsabihan mo 'tong apo mo! Santisima! Tignan mo ang Zoey natin, umiiyak na sa pagmamakaawa."

Gusto sanang itama ni Zoey ang maling akala nina Lola Mina. Kawawa kasi si Geoff. Kaso hindi na siya makapagsalita. Suminghot-singhot siya.

"Grandma, hindi ganoon iyon! Mali ang iniisip mo." 

Mukhang tuluyan nang naubusan ng pasenya si Geoff.

Malakas itong napabuga ng hangin at bumaling na lang sa Lolo nito. "Grandpa, Zoey was upset and I don't know why! I'm trying to calm her. Kanina pa siya umiiyak. Hindi ko siya maintindihan! Hanggang sa sinasabunutan niya na ang sarili niya. Pinipigilan ko siya. I don't want her to harm herself. Madadamay pati ang baby."

Kumalma na ang itsura ni Lola Mina at napatingin sa kanya. 

Nagawang tumango ni Zoey para patotohanan ang sinabi ni Geoff. Kahit naman depressed siya, medyo matino pa rin siyang kausap.

Napahilot ng batok si Geoff. "I was trying to get some sleep when I arrived." Nagsuot na ito ng puting bathrobe na nakasabit sa pintuan. "Naalimpungatan akong ganyan na si Zoey. She won't stop crying!"

Tinapunan siya ng tingin nito. Halatang suko na sa kanya. Napailing ito at saka lumabas ng sariling kuwarto.

Napasinghot ulit si Zoey. Naaawa siya kay Geoff, halatang pagod na pagod na nga, pinilit pa siyang aluin kanina pa, at napagalitan pa ng lola dahil sa maling akala.

Naiyak siya. Kasalanan niya ang lahat.

Lagi naman. Kasalanan niya lagi. Sana hindi na lang siya nabuhay. Sana hindi na lang siya pinanganak ng Mama niya. Kung magiging ganito rin pala siya.

 Magpapamana na lang sa kanya ang ina niya, ang sakit pa nito sa isip ang nakuha niya.

She has bipolar disorder like her mother.

And it's a very very messy and a terrible mental illness. It's not curable. Habambuhay niya nang kasama ang sakit na iyon kahit ano pang gawin niya.

Napapitlag siya nang haplusin ni Lola Mina ang buhok niya. "Tahan na, hija. Pagpasensyahan mo na si Geoff. Baka hindi niya pa alam na kapag buntis ay nagiging hindi balanse ang hormones."

Nakagat ni Zoey ang ibabang labi. 

Yeah, right. Iyon na lang ang dahilan niya. Hormones dahil sa pagbubuntis. Hindi niya pa kayang aminin na mas malala pa sa hormones ng buntis ang hormones ng isang taong may bipolar disorder.