" နှင်းရည်.... သူတို့က "
" သြော်....ငါ ခေါ်ထားတာလေ။ "
" လူတွေ အများကြီးဟယ်။ ငါ ကြောက်တယ်။ "
ခပ်ရွံ့ရွံ့လေး ဖြေလာသည့် သျှင်မင်းကြောင့် နှင်းရည်က စိတ်ဆိုးသွားဟန်ရသည်။
" ငါ့ဘဝမှာ တစ်ခါမှ လူအများကြီးနဲ့ မွေးနေ့ပွဲ မလုပ်ဖူးလို့ပါ။ နင် ပြန်ချင် ပြန်လေ။ ငါက နင့်ကိုတော့ ငါ့မွေးနေ့မှာ ရှိစေချင်ခဲ့တာ။ "
သျှင်မင်း စိတ်မကောင်းလေး ဖြစ်သွားရသလို နှင်းရည်ကို ကမန်းကတန်း လက်လေးဖေးကိုင်မိသည်။
" မဟုတ်ပါဘူးဟာ....ငါ နေပါ့မယ်။ စိတ်မဆိုးနဲ့နော်။ "
အခုမှ ပြုံးရွှင်သွားသည့် သူငယ်ချင်း ဖြစ်သူကို ကြည့်ပြီး သျှင်မင်း တကယ် ရင်ထဲမကောင်းနိုင်။ အေးလေ...ငယ်ငယ်ထဲက တစ်ကောင်ကြွက် မို့ နှင်းရည်ဘဝဟာ ခြောက်ကပ်ကပ်နိုင်သည်။ဘသူလဲ ပျော်ရွှင်တဲ့ မွေးနေ့လေးပဲ ဖြတ်သန်းချင်မှာပေါ့။
နှင်းရည် သျှင်မင်းလက်ကို ဆွဲလာရင်းမှ အိမ်ထဲ ဝင်လာရင်း နှုတ်ခမ်းလေးကို မသိမသာမဲ့မိသည်။
ဟုတ်တယ် သျှင်မင်းယာ...ငါ့မွေးနေ့မှာ နင့်ကို ရှိစေချင်တယ်။ နင့်အတွက် ဖန်တီးထားတဲ့ ငရဲတွင်းမို့ပဲ။
@@@@@@@@@@
စည်းချက်ကင်း အပြင်ထွက်သွားသည်ဆိုသော သျှင်မင်းကြောင့် ဖုန်းလှမ်းဆက်ကြည့်ပေမယ့် သူမလေးက မကိုင်တာမို့ ရင်ထဲ ပူသွားရသည်။ သူ့ကို အရမ်းများ စိတ်ဆိုးသွားသလား စိုးရိမ်မိရင်း လူက ထူပူလာကာ ဘယ်လိုမှ မနေတတ် မထိုင်တတ်။
" ကျစ်....ဒုက္ခပါပဲကွာ။ "
တစ်ယောက်ထဲ မချင့်မရဲ ငြီးငြူလိုက်မိရင်းမှ လိုင်းပေါ်မှာများ ရှိမလား အတွေး နဲ့အတူ ဖုန်းဖွင့်ကြည့်လိုက်တော့ သူမလေးက လိုင်းပေါ်ပင် မရှိ။
" ဟင်...."
ဖုန်းမြည်သံကြောင့် အသဲအသန် ကြည့်မိတော့ နှင်းရည်ဆီကမို့ မကိုင်ချင်ပေမယ့် သူမလေးနဲ့ များ အတူရှိနေမလား တွေးမိကာ ဖုန်းကိုင်လိုက်သည်။
आप पढ़ रहे हैं
ချစ်ကြိုးရှုပ် ( Complete)
रोमांसအချစ်ဆိုတာ လှည့်ဖျားမှုတွေကို အရင်းခံသောနာကျင်မှုပြယုဂ်ဆိုလျှင် အဘယ်သို့သောသူတွေက ငြင်းချက်ထုတ်လာကြမည်နည်း။ အချစ်ကြောင့် အမြဲပျော်ရွှင်နေရသည့် နာကျင်မှုကင်းသောလူတွေလား။ အလူးအလိမ့်ခံစားရသည်ကိုပင် မျက်ကွယ်ပြုကာ ပေးဆပ်သူကြီးဟု ခံယူထားကြသည့် အရှုံးသမား...