لم أتعافى ،
لقد أُجبرت على تخطي كل شيء
،،،،،،،،،،،،
ببيت ابو فهد
كانو جالسين بالصاله ويسمعون الباب
علياء وقفت
ام فهد حطت الشيلة على راسها : خلك انا بشوف من بالباب
وراحت فتحت الباب وتشوف اخوها ابو فيصل
وصارت ترحب فيه : ياهلا ومرحبا بابو فيصل
ابو فيصل : هلا خيتي عساك بخير
ام فهد : الحمدلله تمام حياك ياخوي
ابو فيصل : الله يحييك ويبقييك
ودخلو المجلس
ام فهد : نورت بيتي يا خوي
ابو فيصل : النور نورك
ام فهد : اخبارك واخبار ام فيصل و البنات
ابو فيصل بضيق : الحمدلله كلهم طيبين
ام فهد : دوم يارب
ووقفت : عن اذنك
ابو فيصل عدل جلسته ويناظر ام فهد : ممكن تنادين ابو فهد وفهد
ام فهد جلست يمه وتناظر فيه بخوف : صاير شي ياخوي !!
ابو فيصل ابتسم : لا ماصار الا كل خير
ام فهد وقفت : الحين اناديهم لك
وراحت وصارت تفكر : اكيد عشان فهد والسالفه اللي صارت امس
دخلت عليه الغرفة
كان فهد منسدح وضايق فيه الدنيا
ام فهد : فهد
فهد : نعم يماا
ام فهد : خالك ابو فيصل بالمجلس يبقاك
فهد فز من مكانه من سمع اسم ابو فيصل : خالي بو فيصل !!!
ماقال وش يبي !!
الام : لاا ماقال شي بس يمكن جاي عشان اللي صار امس
تنهد بعمق و عقد حواجبه بعدم ارتياح : طيب .
صار يفكر و يحرك شعره بضيق
،،،،
الكل كان جالس على سفرة العشاء
ويجيه اتصال
: ها بشر يا خوي
لاا جد ، زين
طيب اشوفك بكرا وتقولي اللي صار
سلام
وسكر و صار ياكل بفرح
وعلامات الفرح بوجهه : جهزو للعرس
نايف مستغرب : من عرسه يبا
الاب : بنت عمك غزل راح تتزوج قريب
حسناء ابتسمت : جد
وتناظر نورة ونورة تناظر فيهاا
الام مستغربه : من بتتزوج !
الاب يناظر فيها : بتتزوج فلاح
الام غصت بالاكل : من جدك ،
فلاح ماغيره
الاب مبتسم : اي فلاح
نايف : بس فلاح مو كويس والكل يذمه
الام منصدمة : و اخووك مستحيل يقبل يزوج بناته من اي شخص وخصوصا شخص مثل فلاح
الاب : لاا هو قالي ان هو عندهم
الام ابتسمت : زين خل يريبها فلاح
حسناء بهمس : زين يصير فيها
الام : اللي محيرني ان كيف اقتنع بفلاح !!
الاب بفخر : انا اشرت عليه وواقف
كانت حسناء تاكل والارض مو شايلتها من السعادة
و كان هذا اسعد خبر سمعته
وابتسمت بخبث : " والله زين يصير فيك
وان شاءالله فلاح يكسر غرورك
نورة تناظر حسناء
وحسناء تناظر فيهاا
وصارو يضحون بهمس
،،،،،،،،،،،،،
كان ابو فيصل يحرك المسبحة بتوتر
و رجع ظهره للخلف بكل ضيق
وسرعان ما التفت للباب اللي انفتح و دخل ابو فهد وفهد
ابو فيصل فز وراح لابو فهد ويرحب فيه
ابو فهد نطق بابتسامة : شلونك عساك طيب
ابو فيصل بارتباك : الحمدلله بخير
فهد صار يناظر خاله بتوتر ويبوس راسه : كيفك ياخال عساك بخير
ابو فيصل : الحمدلله تمام
ابو فهد : عساه دوم
ابو فيصل منحرج وشبك اصابعه : انا جاي وعندي موضوع
فهد تنهد بتوتر نزل انظاره للارض
ابو فهد يناظر بو فيصل : وش صاير يا بو فيصل !!
ابو فيصل منحرج : والله مو عارف وش اقوول
ام فهد تناظر ابو فيصل : قول خوفتني
ابو فيصل التفت لفهد بضيق وهو يتذكر الموقف اللي صار : كثير منحرج من اللي صار امس
بينك وبين غزل
فهد بلع ريقه مو عارف وش يقول وصار يذكر الموقف : ان،،،،،،
ابو فيصل حط يده على كتف فهد :
انا اسف على اللي صار ومو عارف كيف اعتذر
ابو فهد : كلنا ضايقين من اللي صار وليه تعتذر حصل خير يا بو فيصل
ابو فيصل قطع كلامه : وربي فهد مثل ولدي فيصل
وفهد رجال ونعم وسبعة انعام
وفهد محد مثله بالتربية والاخلاق
فهد صار يناظر خاله وابتسم : تسلم وماعليك زود
ابو فيصل : المثل يقول اخطب لبنتك قبل ولدك
وصار يناظر فهد : وانت يا فهد يشرفني ان تكون نسيبي
فهد وسعت عيونه من كلامه وابتسم مو مصدق الكلام اللي يسمعه
ام فهد صارت تناظر ابو فهد منصدمة
ابو فهد عدل اكتافه و ابتسم : والنعم فيك وفي بنتك يابو فيصل
ابو فيصل يناظر فهد : اعرف معدنكم الطيب وحنا نشتري الرجال بأفعاله واللي صار احرجني خصوصا ان الناس سيرتهم انت و هي
ام فهد : والنعم في بنتك يا بو فيصل
عادي حصل خير
وماله داعي كل ذا وغزل مثل بنتي وماصار شي
و الكل يغلط يا خوي
ابو فيصل : بس انا منحرج وموو عارف وين اودي بوجهيي
ومافي حل الا ان غزل تتزوج فهد ويكون ضمري مرتاح
ابو فهد : لنا الشرف فيك وفي بنتك يا بو فيصل وصار يناظر فهد : وفهد اكيد ماراح يقول لا
فهد صار يفكر بالكلام اللي سمعه
ابو فيصل يناظر فهد : وش قلت يا ولدي
الكل صار يناظر فيه
فهد بلع ريقه وصار يناظر خاله : الشور شورك يا خال و تاكد انك حطيت بنتك بايدي امينة
ابو فيصل ابتسم بارتياح : والله انك رجال وولد رجال
ام فهد صارت تناظر فهد بكل فرح وفخر
ابو فهد حط ايده على كتف ابو فيصل وبفرح : هذي والله الساعة المباركة والف مبروك
ابو فيصل بفرح : الله يبارك فيك
فهد صار يذكر شكلها بيوم عرس عمه بدر و رفع راسه وماقدر يخفي ابتسامته
