❤️🔥
تعبنا نداري كل خاطر عشان نعيش
وحنا ندور من يداري خواطرنا
في مجلس ابو نايف
اللي كان مكتض بالرجال عشان يباركون لزواج بدر اخو ابو نايف
فهد وهو يبوس راس خاله : الف مبروك زواج خالي بدر وعقبال نايف
ابو نايف وهو يناضر فهد : الله يبارك فيك و عقبالك يا فهد
فهد ابتسم : الله يكتب اللي فيه الخير يا خال
وجلس
حمد بهمس : وش عنده خالك وليه يقولك هالكلام
فهد ابتسم وما كان مهتم لكلام حمد : وش فيهاا تراه خالي !!
حمد قرب لاذن فهد وبهمس : خالك ولا عشان شي ثاني و كل من شافك قالك هالكلام !!
فهد لف و يناضر حمد وبهمس : وش تقول انت وش الشي الثاني !!
حمد بهمس وهوو يحرك شعره : كلنا عارفين الشي الثاني
وبهمس وهو عابس وجهه : عشان تتزوج بنته اللي جالسه على قلبه
فهد حط ايده على كتف حمد ووقف ووهو يدعي له بالصلاح : الله يصلحك يا حمد وش هالكلام مايصير
وطلع برا وهو يفكر بكلام حمد
ابو فهد ياشر لفهد يروح له : فهد
فهد : سم يبا
ابو فهد : امك ارسلت لي تبقاك روح شووف وش ناقصهم
فهد : ابشر يبا
ومشى لعند امه
،،،،،،،،،،،،،،،،،،،،،
طلعت من البيت وهي تناضر الديرة بتأفف
ريما ابتسمت من سمعت تاففها : وش فيك والله المكان يرد الرووح
غزل بضيق وعابسه وجهها وتناضر السماء : تعرفيني ماحب هالمكان ولا احب طاريه
وصارت تمشي
ريما بصوت عالي : غزل وين !!!
غزل تمشي بعيد عنها
ريما : غزل يا مجنونة ارجعي
غزل وهي تمشي وما اهتمت لريما : اتركيني بحالي برووح لابوي
ريما تناضر فيهاا وتنادي عليها بس غزل بعدت عنهاا
ريما : برااحتك
صارت تمشي وتناضر المكان وهي ضايق خلقهاا : وانا وش دخلني بزوواجهم
وصارت تمشي وتناضر المكان بخوف : انا وين شكلي ضيعت الطريق
وتشوف مجموعة شباب وصارو يناضرون فيها ويتحرشون فيهاا بالكلام
غزل صارت الافكار تلعب فيهااا وصارت تبكي وتنزل دموعهاا
وصارت تمشي بخطوات ثقيله وهي تدعي انها ماضيعت الطريق ومايصير لها شي
و حست بسيارة مسرعة وصار قلبها يدق من الخوف وحطت ايدهاا على وجهها
وتحس بايد تمسكهااااا
وتبعدهاا عن الطريق
فهد كان يالله يلقط انفاسه وبقهر : مجنونه انتي واقفه بنص الطريق ماتشووفين السيارة ؟؟؟
غزل فتحت عيونهااا وبغصة وجسمهاا يرجف وصاده عنه : لا تصارخ علي !!
فهد عقد حواجبه : نعم ؟؟
ماصارخ عليك !!!!
لفت اتجاه الصوت وهي ماتدري من تخاطب نزلت دمووعهااا وصارت تشاهق من الخوف
فهد بلع ريقه من شاف دموعهاا واشفق على حالهاا وصار يمسح جبهته : رووحي الله يستر عليك
غزل ببكى : اخاف برووحي شوف الشباب يناضرون فيني
فهد صار يناضر شكلهاا : ومن قالك اطلعي بهذا الشكل !!
غزل : مالك دخل بشكلي
فهد رفع حواجبه وتعجب من غرورها
غزل بتوتر وخوف تناضر الشباب اللي يناضرون فيهاا : انا مادل الطريق !!
فهد يناضر فيها : وش مجيبك هالمكان اذا ماتدلين !!
غزل ببكى : مالك دخل
فهد : استغفر الله ، طيب قولي من انتي عشان اساعدك !!
غزل : جيت احضر زواج بدر .... )
فهد ابتسم : وصلتي خير انا رايح لذاك المكان
غزل صارت تمسح دموعهااا
فهد صار يفكر : " امي تنتظرني !!
مايصير امشي واترك البنت بحالهاا "
: الحقيني وخليك وراي
وصارت تمشي وراه
فهد صار يفكر : " واضح من ملابسها مو من هالمكان
فهد : انتي ساكنه هناا
غزل رفعت راسها بصدمه : ليه تسأل
فهد : واضح من عبايتك انك مو من الديرة
غزل بحده : وصلني للمكان ومالك دخل بعبايتي !!
فهد قبض ايده : هذا جزاتي ان اساعدك
غزل بغرور : ماطلبت منك تساعدني !!
فهد لف ويناضر عيونهاا : مو كنتي تبكين وبنص الطريق !!
غزل: انت اللي جيت موو اناا
فهد غمض عيونه وصار يستوعب المشهد اللي امامه وانهاا لسانها طويل وشايفه نفسهاا
فهد صار يناضر الارض : صحيح ان لسانك طويل حيل ومو شوي لكن وش باليد حيله لازم اساعدك
غزل لفت عنه : ماجبرتك تساعدني !!
فهد صار يسترجع : لا حول ولا قوة الا بالله يا بنت امشي وراي
،،،،،،،،،،،،،،،،،،،،،،،،،
ببيت بو نايف
الكل كان مشغول عشان زواج بدر
نورة وهي تناضر حسناء : حسناء تعالي شوفي
حسناء وهي تنافخ : وش اشوف ماتشوفيني مشغولة !!!
نورة : تعالي شوفي وتعرفين !!
حسناء وقفت عند النافذة و صارت تناضر و رفعت حواجبهاا مستغربه وتمتمت بحزن : من اللي معه !!
نورة وهي تناضر : اي من اللي معه
حسناء بعدت عن النافذة و مشت وراحت تكمل شغلهاا جلست وطال صمتها وفتحت عيونها وهي اساسا ماتفرق لو اغمضتها
ادركت انها للان بواقعها ومو بخيالها : " وليه يفكر فيني
هي اجمل مني واحلى مني وليه يفكر فيني اصلاا
جت لها نورة وجلست عندهاا وتناضر فيها بحزن
و مسكت كتفها : حسناء !
حسناء دمعت عيونها بقهر : اصلا ماهمني وليه افكر فيه
نورة ماعرفت وش تقول وترووح للام اللي تناديهاا
الام وهي تنافخ : وينكم فيه
نورة : ها ولا شي
الام تناضر حسناء : وش فيك يلا تعالي ورانا شغل كثير
حسناء وقفت وصارت تمسح دمووعهاا
الام تناضر فيهاا : وش فيك !!
حسناء : اكيد شي دخل بعيووني
الام : انتضرك لا تتاخرين
حسناء هزت راسهاا
نورة مسكتهاا : اكيد مايعرفهاا لا تفكرين فيه
حسناء مشت عنهاا
،،،،،،،،،،،،،،،،،،
فهد وقف عند الباب البيت : هذا مكان الزواج
غزل صارت تناضر في المكان : معقوله الزواج بيكون هنا
فهد رفع حاجبه : اي
غزل دخلت للبيت
كانت المشاعر متلخبطة عند فهد ومشى
دخلت وصارت تناظر البيت
والتقت عيونها بعيون حسناء وتلف بنظرها للبنات
وتناظر فيهم من فوق لتحت :" معقوله فيه احد يلبس هاللبس
حسناء صارت تناظر فيهاا بنظرات حاده
غزل رفعت حواجبهاا
حسناء بقهر : من انتي !!
غزل وهي تناظر المكان مو مهتمة لهم
نورة بهمس : اللي كانت مع فهد نفسها !
وتجي ام فيصل : غزل هذا انتي
غزل وهي تناظر امهاا : اي
حسناء تناظر فيها منصدمه : " بنت عمي ابو فيصل !!
ام فيصل : اعرفكم على بنتي غزل
نورة ابتسمت بتصنع : ياهلا ومرحبا
حسناء : هلا
ومشت عنهااا
وجلست وصارت تفكر : " وش بينها وبين فهد !!
اكيد بينهم شي !!
دخلت غزل مع الام لداخل
والبنات يناظرون فيهاا طول الوقت ويتكلمون عليهاا
نورة : شفتي لبسهاا جد ماتستحي
مها : اي هي بنت المدينة عادي عندها كل شي
نورة : شفتي ايدهااا وبياض ايدهاا عكس ايدي
مها تنهدت : اي متعاودة على العز والدلال عكسنا اللي مكروفين بالشغل
،،،،،،،،،،،،،،،،،،،،،،
