رقص السراب

البارت الخامس عشر

روايـــــــة   "رقــــــــــــــص الســـــــــــــراب"

بقلم اسيا الشمري
للتواصل Asia__313

البــارت الخامس عشر
متابعة للحساب والتصويت والتعليق بين الفقـرات لطفآ

حرامــات أنتـرس گلبـي حرامــات
                      بگلــب حاقـد وأدور على القناعــات
يگلبـي بنيـة تقصد بالحچي
                        شبيك أنثهـا يمـل حچي الأشـارات
حرامــات المشيتلهن مشنـي
                       هذا اخـر ســلام لـ روحـي منـي
∞∞∞∞∞∞∞∞∞∞∞∞∞∞∞∞∞

اجى الليل لبنى راحت لغرفتها تحچي ويه زين ..
مريم ورنا نامو سوه واني رحت لغرفتي مامصدكة اللي صـار اليوم فرحانة لفرحة لبنى شكد احبها واتمنالها الخير كومة مشاعر وكلام چان عندي بهذه الليلة دا اتصفح بموبايلي وطلعو بعض الناس اللي مصادقتهم بالفيس ضايفيني لكروب ما بقى غير اوافق حتى اكوم انشر واعلق وافقت تصفحت بالمنشورات عجبني الكروب والناس اللي بي كتبت كم كلمة توصف سعادتي بهذا اليوم ونشرتها بقت الناس تعلقلي واني ارد عليهم حبيت هذا الجـو هذا الكروب خذاني من كلشي بقيت دائمآ انشر واعلق لحد ما فد يوم مدير الكروب راسلني كال نريد ادمن وانتي هواي تتفاعلين تنشرين والناس تحب منشوراتچ ما عندچ مشاكل ويه الاعضاء اذا عندچ وكت وتكدرين احنا نتمنى تصيرين ويانا اني ما چذبت خبـر اصلآ كيفت مااعرف شنو الأحساس اللي اجاني عبالك صرت رئيسة وزراء من سووني ادمن ..

  مر كم يوم ودخل عليه المدير يكلي ليش حاضره هالشخص اني كتله هو تجاوز على فد بنية عاد المدير بقى كل يوم يحچي ويايه بالخاص بحجة شكل لحد ما يوم صارحني انو اني احبچ واريد اشوفچ ومن هالحچي اني اكيد ما صدكت بي بس شسوي كلت خاف اذا اكله مااريدك يطردني من الكروب واني ادمن شلون هيچ ما قبلت قررت اماشيه ماكو يوم يومين كام ينزل على الترابي

هذا مو مثل محمد اقلها محمد بقى كم شهر يچذب مسوي نفسه يحبني هذا لا ماكو يوم يومين كام يدور هالحچي هم رحت لـ سُرى خليتها تحچي وياه بس هالمرة كتلها لا تبينين وجهچ بس جسمچ خفت عليها ما ردت ادخلها بمشاكل بسببي هو بقى يحچي ويه سُرى عباله هي نفسها الادمونة من يحچي حچي عادي اني احچي وياه كام يصورلي بيته وسيارتـه طلع متزوج ورا كم يوم اني ضجت من هالوضعية شنو ليل ونهار لازمة موبايلي حتى مدا اقضي وقت ويه لبنى وهي هاي اخر ايامها يمنـا بلشت اسحب نفسي لحد ما مليت من شغلة الأدمنية كل شوية واحد من الاعضاء متعارك ومدري شنو كلت للمدير نزلني وصدك نزلني بس بقى يحچي ويايه مـره چان فاتح كاميرا ويه سُرى  چنت يمها شفناه مبدل سيارته جايب وحدة حديثة حلـوة وغالية من خلصت المكالمة سُرى فتحت عينى على شي اني ما چنت شايفته

- دا تشوفين وضعه المادي شكد زين!

- اي شعلينا بي

- انتي شمستفادة منه هذا هم عبالچ راح يتزوجج لو تحبي