رتبة و ظفيرة

ابو فزعة و سَمر ⚜️

تبارك : ايع شبيجن اني بصراحة احب شخصية دُرة اريد اصير مثلها
لا تتعب و لا هاي هو يجيها صدفة
سمر : :يا صدفة هو غير صارلة سنتين يحبها و بشهر وكعها بحبة
كبر لفنه غير كلوب رجيجة

من صار بعد للعرس ثلاث ايام
امي كالت لا تخابري بعد عيب صيري عزيزة و خلي يعرف انتِ مستحية
و خالاتي اجني و دُرة دزها عمي لامي خاف محتاجين شيء لو الفلوس ما تكفي لا تشيلون هَم و امي دكلها لا خير من الله

و خالاتي كاعدات يعلمني شلون ادلع الرجال
سمر : اكلجن لا تحسسني هو روميو شو هو اجلح و املح يا طارت هيبة رجلي
لا شبي يخبل ضابط نص ستاو
و خالاتي وكعن من الجرباية من الضحك
رونق : خالة انتِ تعلمين بسمر هي غير تعادل عشر متزوجات

سمر : لا ولج انجبي كلي خجل و عفة و شرف طاح حضج
يمكن اذا يطخني تموع روحي
تبارك : انهجممم بيتج هو اني سامعه بالعرايس ايام العرس يبجن شو انتِ طايرة
سمر : يباووو المن ابجي صار عشرين سنه ما شبعتو مني غدي
خل اروح ادحك خلق جديدة ناس جديدة خل نعيش اللحظة شوية

قبل يوم الحنة رحت لبيت جدي وي ابوي لان جده طالبتني
باستني و انطتني فلوس رحت لعمه نِيران وجهه شاحب كلش اجيت احجي وياها بس ما الها خلكي مثل قبل و شكد ما بگلبي فرحة انتهت من وراها
وضليت الليل كله افكر بيها

ثاني يوم راحت وياي دُرة للصالون و عمي وصلني وهو الطريق كله
يطيني نصايح بطعم التهديد
منصور : دحكي يا سمر انتي رايحة هناك بمثابة الغربية كلها لو دحكت غلط منج
انهيج كلشي هينا دحكتي يبقى هينا لا ياخذج الواهس و كلشي تحجين
و اهل رجلج مو اهلج تايتحملون كلشي تسوي
يجوز احنه نعبر هم ما يعبرون ترحين يمهم تاخذين ما تطين
رجلج يكلج البحر اسود تكوليلو تَم البحر اسود

سمر : اي عمي ان شاء الله
منصور : احجي هيج مو معناها بايعج ! لا
احنه اهلج شيناتج و زيناتج علينه بس رجلج هساع صار رضاتو من رضاة ربج
يعني طلعتي من خَطية ابوج مفهوم ؟
من غيرها انتِ تدرين احنه الغلط نحاسبو لو جان صاحب
الغلط اعز من الروح
- اي عمي
- يلا انزلن

دخلت للصالون و جانت العرايس هواي وبس شعري ما صابغتو رغم اتمنيت
اصبغة احمر بس الطركاعة خربت واهسي دكلي لا يخترعون
خابرتها تجي كالت لا خالج حالف ما اروح لان داحك الصور
مال الفستان بيوم الخطوبة
- يعني على هاي من كال لابو فزعة ردت اكتلها ؟
- اي حبي خطية من حرگة كلبه شغل الجكارة بالكلوب

جنت فاتحة سبيكر لان صوت النسوان عالي و الي تسرح بشعري خربت من الضحك
درة : انصح و ارجع ليورة ما يفيد خبلة رسمي النوب كلساع حامل حتى ما نلحگ
نوديها للطبيب
سمر : دباع منو تحجي على اساس انتِ مو مثلها
- ههههههه انجبي