الجميلة والسايكوباثِ ( الجزء الثاني )

دامِس (11)

سمراء : ديري بالج علي .. أدري أنتي كفو وراح تهتمين بي .. و...

بسرى : أي وغصباً عليج انتبه الة .. ابني هاذ

سمراء : طبعاً غصباً علية .. تهتمين وتحبي غصباً علية وعليج وعلى الكل ..

رادت تحجي .. عفتها وصعدت العلي يصيح علية ..

أول ما قفلت باب الغرفة .. وكعت منهارة ..

علي حاول يحجي ويسكت بية بس ماكدرت أبد .. كعد كبالي وضل يبجي على بجيي .. انقهرت علي وسكتت روحي والشهكة تشك گلبي ..

سمراء : شبيك ماما حبيبتي ليش تبجي !

حجة وهوة يشهك ..

علي : أنتي تبجين وما اكدر اسكتج ..

بجيت أكثر وكمت حضنتة وضلينا نبجي سوة ..

مر وقت طويل كلش وأني ابجي وعلي نام بحضني .. اندك الباب واجة صوتة يحجي بهدوء ..

صگار : سمرائي ..

سمراء : حاولت اخفي بس شخفي ! كوة حجيت أصلاً .. كمت خليت علي على الچرباية ورحت فتحت الباب .. من شفتة انهاريت أكثر .. اخذني بحضنة وضل يهدئ بية وأني ميتة قهر ..

تعبت 9 أشهر .. وتالي ياخذو مني !

ما نزلت أبد .. بقيت بغرفتي وابني وحبيبي يمي .. عندي حلويات وعندي مواعين إلي احتاجها .. حبيت اغير نفسيتي وكمت سبحت وبدلت وكشخت وكل الحلويات إلي عندي خليتهن .. وطلعت فلم وسهرنا علي ..

نسيت الدنية كلها .. بس كل شوية اذكر حيدرة ودمع عيوني واذكر ' أنو هوة يمي وراح يعرف أني امة والشيخ وعد أبو وعدني ' واكول عادي لأن يمي واشوفة واكدر احضنة ...

_-_-_-_-_-_-_-_-_-_-_

- تكرهينييييييييييي !!!

ابيجيل : أي وما مسؤولة عن مشاعرك أني .. والله احبك لأن انتة تريد احبك .. اكرهككك وما اطيقكك هممممم

والله كل إلي كلتة بس علمود اخلي يعصب واحرك گلبة .. بعد الأيام إلي عشتها حسسني بالأمان .. وبعد ما جنت اطيق الطلعة .. بس ما أعرف ليش طلبت منة هاذ الطلب ! ..

بدة يتقرب ويحجي ويغلط وكلام أول مرة أسمعة .. خفت حيل .. ومحد بس أني وقافل الباب ..

والله أني اكره العالم الخارجي بس من شفتة بالتلفزيون كلش حلو .. العالم ! الأماكن ! البسن ..

وكفت على حيلي ما أريد يشوف ضعفي ..

ابيجيل : وخر مني ..

يتقرب وما همة كلامي أبد ..

رفعت أيدي وكلت بتهديد ..

ابيجيل : والله إذا تقربت احرك الدنيةة عليكككك

ضل يلاسني .. ويحرك بگلبي ..

دامِس : ما اطلعج .. عمرج كلة تخلصي هنا .. يمي .. بحضني .. احرمج من الناس والطلعات .. همة ما يستاهلون يشوفون جمالج .. ولا يستاهلون يحبون وحدة مثلج أو يحبون زوجتي وحبيبتي وبنتي