مـأوى الـزهـور

مشـاهــد

مشــاهــد

مــأوى الــزهــور 🥀

🥀🥀🥀🥀🥀

-- عيوني تتوزع على المكان غرفه غرفه وحايط حايط راح أكون گدها إني متأكدة راح اساعدهم واحميهم واعوض كل اللي ضاع من عمري وياهم

راح احميهم واسندهم للنهاية  لان الرب جعل هاي الأمانه برگبتي هذول أمانه الرب عندي ولازم احافظ عليهم ، رجعت اباوع الهم و أبتسم و إني آشوف نظراتهم الي كلها حب وحنان
غمضت عيوني بـأمل وأني اردد بداخلي
جعلت الرب أمامي  في كل حين لانه عن يميني فلا اتزعزع

🥀🥀🥀

-- صوتها وهي ترد عليهم جان يوصل الباب الشارع بالمقابل نظرات الحقد والغل والكراهيه من قبلهم سحبوها من بينا للمكان المخصص للعقاب جانو يسحبون بيها قوي وهي دافع عن نفسها وتحاول تخلص نفسها من بين إديهم ثواني بسيطه وصوت الضرب بدأ يوصل يمنا وصوت عياطها وهي تتألم  بقى يزرف بگلبي گعدت بالگاع وإيدي على أذني ما اريد اسمع كافي نريد نعيش كافي يدفنون بينا يوميه ما اريد اسمع صوت البچي اريد اسمع صوت الضحك ولو يوم واحد كافي نبچي كافي لازم نعيش

🥀🥀🥀

-- المكان كلش حلو وريحه الزرع تفتح النفس متأكدة راح يتغير كل الوضع هنا إحس المكان كله طاقه وتفائل

-- هو بصراحه المكان اللي إنتِ ادخلين اله من قدرت ربي يصير بيه طاقه وتفائل تعرفين أنتِ عجيبه غريبة  إنسانه عبارة عن طاقه ايجابية إني ممنون للظروف الجمعتني بيج

🥀🥀🥀

-- بس فهميني صار يومين على شنو ادورين وين رايحه من الصبح الدنيا تمطر برى شلون اطلعين بهذا المطر

-- اذا ما عرفت شي عنه صدگيني ما راح اطول راح اطگ و تموت لازم اساعدها واجيب رقمه لازم يعرف باللي صار وياها ويجي الها ما اگدر ابقى اتفرج عليها وهي تنازع گدامي

-- واذا عرف قابل راح يتغير الوضع ترى هذا حاله حال اخو لا تتوقعين يطلع بيه خير

-- منو يگول مثل أخو أحتمال يطلع غير عن أخو لج دا تشوفين حالها شلونه عيونها ما غمضت دقيقه من اجت الهسه گتلج ما اگدر اشوفها تنازع گدامي لازم احجيله كل شي لازم يعرف بالموضوع ويرجع بــأقرب وقت

🥀🥀🥀

-- عموو الله يخليك ساعدني ما عندي غيرك
الرب يحميك أحميني منهم

-- منو وين ما اجيتي ارجعي واني مو عمج ولا اعرفج يلااا

-- إني أمانه بابا عندك الله يخليك عمو ساعدني

-- الف مره اگول الج انتِ مو بنت اخوي ولا اتشرف تكونين من العائله

🥀🥀🥀