🍃بسم الله الرحمن الرحيم 🍃
وكل عالم ادناهُ هو رشُحً من العالم الذي فوقه
يعني العالم الأسفل يكون تكملة للذي فوقه
الامام الرضا جله ذكرهُ شيگول؟:
وانما الله عزهُ وجل خلقهُ لاثالث بينهما ولاثالث غيرهما.
فـ عرصة هذاك الخلق هيه عرصة اُحُدية
اول عالم اسمه عالم (الاُحُدية)
بوية سولفولنه عالم الاُحُدية شنو هذا؟
عالم الاُحُدية اذ لاشيء فيها سوى الله عزهُ وجل
هذا العالم فقط لـ الله لاشيء معه ويمتنع
فيها ذكر ماعداه
كما قال الامام ابي جعفر الي هو الامام الباقر عليه السلام: الله خلواً من خلقه وخلقهِ خلواً منه.
يعني هو يعز ذاته ولا احد سواه ولا احد هناك عداه
فقط الله موجود بعدها تسلسلت الخلق فهيه مراتب ومقامات وعالم واكوان كثيرة ولكن يمكن اجمالها
بثلاث عوالم
راح انطيكم اياها الي هيه (الخلق)
الخلق بشنو مرو؟ مرو بثلاث عوالم اساسية وفرعية
نجي وحده وحده نفصلهم الكم اخواني
اول شي الي يريد يفتهم كان هناك عالم اسمهُ
عالم (الاُحُدية) شنو عالم الاُحُدية؟
هذا عالم الاُحُدية كان الله عزهُ وجل واحداً احد
لاشريك معهُ كانَ فقط الله موجود بي
لا محمد ولا علي ولا فلان ولا ملاك ولا مخلوق
محد ابد! فقط الله يُسمى بعالم الاُحُدية
بعد عالم الاُحُدية
شگال الله؟:
احببت ان اعرف وخلقت الخلق ومن خلال محمد وآل محمد عُرفت والى اخره..
بعد الله احب ان يُعرف خلق عوالم هاي العوالم
من خلالها خلق الخلق احنه مرينه بهاي العوالم
طبعاً احنه كـ بشر عاديين مرينه بيهن
لكن اكو الحقيقة المُحمدية والحقيقة العلوية
هذني وحد عوفوهن هذني لـ محمد وآل محمد نخلقو بيهن
لكن جاي اسولفلكم احنه اني انتِ انتَ الي مرينه بذني العوالم الثلاثة اساسيات وبعد الباقيات فرعيات
هسه طبعا اكو فرعيات كثيرة اخواني يعني هسه الاساسيات راح اذكرهن شنو اسمائهن؟
اول عالم اسمهُ الجبروت
وبعدها عالم الملكوت
وبعدها عالم المُلك
عالم المُلك الي حالياً احنه بي هذا عالم الدنيا
هو عالم المُلك اسمه
قبله عالمين اساسيات
لكن طبعاً اكو اخوان هواي فرعية مثل:
عالم العقل الي نخلق بي العقل
وعالم الروح وعالم النفس
وعالم الطبيعة وعالم المادة وعالم المثال
وعالم الجسم وعالم وعالم والميثاق والذر
الى اخرهِ....
انتظروني قريباً بتكملة
الكتاب وما فيه صدقة جارية لدفع البلاء عن
الامام المهدي عجل الله فرجه 💙
في رعاية الله وحفظه
