هــي الــتـي عـلـمـتـنـي كــيــف اعــشــقــهــا

Part 25

_____________________________
(غدير ونجلاء)
غدير بضيق على حالتها : الله ييسر وضعهم
نجلاء : امينن
غدير: صح نسيت لـ اقولك بهاج يقول تجهزو بيجينا وياخذنا عشان في تجمع عائلي هالليله
نجلاء: ونوره؟
غدير: مع الاسف لسى محبوسه هنا
نجلاء: الله يعين
جت نوره ونزلت الجوال بهدوء ورجعت للدكه تكمل بكاء
نجلاء: تكسر الخاطر
غدير : ياروحيي
بهاج يتصل
غدير: هلا
بهاج: انا عند الباب يلا اطلعوو
غدير: ونوره؟
بهاج: والله ماتطلع وهي زعلانه !
غدير: شلون يعني؟
بهاج : اذا رضت ذاك الوقت اطلعها لكن الحين مستحيلل
غدير: تمام
وقفلت الخط وقامت تلبس عبايتها مع نجلاء بهدوء وطلعو لـ بهاج
بهاج : شلون الحزين الي داخل؟
غدير: نفسيتها كل يوم تتدمر اكثر من الي قبل
بهاج : تمام بخلص من التجمع العائلي هاذا واجيها واغير نفسيتها
نجلاء كشرت: لاتجيها تشين نفسيتها!
بهاج: وانتي وش دخلك؟
نجلاء: محماميي
بهاج : امحق
وحركو السياره ومتجهين للبيت
غدير: بهاج نوره ماعندها جوال شلون تواصل معها
بهاج: بشتري لها
غدير بضحكه: حبيتت فاحش الثرى ههههه
بهاج: اصير فاحش ثرى لعيونها
غدير: هههههههههه
وعم الصمت من جديد

_____________________________
(الديره) بيت ام صيته
صيته: يمهه بروح لنوره
ام صيته عقدت حواجبها بأستغراب: نوره الله يرحمها انتي انجنيتي؟
صيته بفرحه: يمهه نوره حيهه
ام صيته: انهبلتي؟ نوره ذبحها زوجها بهاج
صيته: لا خباها وقال لهم انه ذبحها عشان مايأذونها!
ام صيته: لا رسمياً انهبلتيي
صيته: طيبب بروح
ام صيته : روحي
صيته: والخبل محمد من يقنعه؟
ام صيته: حاولي فيه واذا ماقدرتي قولي لي
صيته : تمام
وراحت صيته لمحمد
صيته : حمودييي
محمد : من حموديي واضح تبين شي
صيته : بروح لخويتي !( ماقالت نوره لان محمد عرف بسالفه نوره)
محمد : لا
صيته: ترى اعلم ابوي!
محمد : لا خلاص خلاص
صيته: ايه خلك كذاا دايم
محمد: اقول امشي بس
صيته : ترى المكان بعيد حبتين
محمد : اذا هو بالمكان ال*** ف عاديي
صيته: لا مو هو لكن على طريقه
محمد : ايهه خلاص مو مشكله امشي
وراحت صيته تلبس عبايتها ومحمد ينتظرها بالسياره

_____________________________
(بيت ابو عبدالله)
بهاج بعد ماجمع القبيله كلها من اكبرهم لين اصغرهم
وكان بهاج وقف بنص المجلس ويتكلم وهو رافع صوته
الجد عبدالرحمن: خير مجمعناا؟
بهاج بهمس: مامن خير بوجهك
ابو هيام: طيب ليش هيام تبكي؟!
جت هيام بتتكلم بس بهاج اعطاها نظره يعني اهجدي لا اقوم اسطرك
بهاج بعد ماتأكد ان الكل موجود : العلم علم يسر بعضكم وبعضكم بيحزن
الكل : الله يسترر
بهاج بأبتسامه : نور القمر حيي
ابو نايف : منهو ذا
بهاج : نوره محمد سعود ال****
الجد عبدالرحمن بصدمه:ايشش؟!
ابو عبد بفرحه : تقولل صادقق
بهاج: ايهه حيه جعلني فداها
الجد عبدالرحمن: لا ياشيخ وحده رخيصه زيها ماتعيش لو ثانيه بالدنيا !
بهاج بأنفعال وعصبيه : جديي لاتقول كذا وتخليني اندم على الي بسويه لك
رائد مسك بهاج: خلاص بهاج استهدي بالله واجلس
بهاج : لا
الجد عبد الرحمن: وينها انا اذبحهاا
بهاج : ان لمستها انا بذبحك
الجد عبد الرحمن:ايه هدد ياولد مطلق هدد
بهاج بعصبيه: ايه بهدد وافعل بعد !
ابو هيام: الحق مع ابويي يابهاج لاتقعد تلف راسك نوره
بهاج : لو سمحت انت طرف شوي عن الموضوع
رائد كتم الضحكه وانفجر في نص النقاش الحاد
نجلاء بهمس : خبل دايم يفضح نفسه
بهاج التفت بصدمه لرائد: ياغبيي خربت عليناا ام الهيبه !
رائد بضحكه: مقدر مقدر هههههههههههههه
الجد عبدالرحمن بعصبيه: عطنيي سبب واحد يخليها بريئه
بهاج طلع جواله ووراه الفديو وصحه الفديو
الجد عبدالرحمن انكر الفديو (الثور يبقى ثور)
بهاج : صدق ولا لا تصدق محد جابرك
ابوعبدالله كان بأسعد لحظات حياته
وطلع الجد عبدالرحمن معصب وابو هيام وام هيام معه
بهاج جلس والابتسامه شافه وجهه
البنات والحريم طلعو من المجلس والفرحه مو سايعتهم
رائد: اهنيك على تفكيرك
احمد : ماشاء الله عليك
نايف : لاصدق لو ذبحها كان ماتت مظلومه وعاد تحمل العواقب
بهاج بأبتسامه: الحمدلله يارب دائماً وابداً
ابو عبدالله : وينها بعتذر منها
بهاج نزل راسه بحزن : تعبانه شوي
العمه ام نجلاء: ليكون اذيتها !
بهاج ناظر لعمته بحزن : تكفين الا ذا السؤال
العمه ام نجلاء فهمت عليهه
وكملو يسولفون ورجعت اجوائهم القديمه بس ناقص بهاج نوره
بهاج : يلا سلام توصون على شي ؟
ابو عبدالله: وين ؟
بهاج: بخلص لي كم شغله
ابو نايف: وش هن هالاشغال
بهاج: باخذ حق نوره من الي صورها
ابو عبدالله: ايه زين الله معك