قاطع حديثهم خروخ فريال من الغرفه متجهه نحو المطبخ بهدوء كانت هذه الملابس تروق لها كثيرا ولكن لفت نظر احدهم شيء فهب من مكانه متجها نحوها
**********************************
في المطبخ
سكبت هدي الأطباق وجهزت كل شيء فكانت تسمع حديثهم في الخارج وعملت ان أمير شوف يشاركهم الطعام وهذا جعلها تشعر بالتوتر الشديد
فريال: يلا يا هدى علشان نطلع الاكل بره
سليم بتدخل: معلش يا هدى روحي انت ارتاحي وانا هحط الاكل مع فريال
هدى بإبتسامه: زي دا ما تحب
ذهبت وتركتهم شويا ظل تنظر لها بدقه وعينيه تطلع نحو مكان معين مما أظهر على وجه فريال الخجل ولكنها قاومته بسرعه
فريال بزفر: انت هتفضل باصص عليا كده كتير.... الناس بره عاوزين ياكلوا زمانهم وقعوا من الجوع
سليم بغيره: مكنش في غير البتاع اللي انت لابساه دا ما لبسك كتير
فريال بتعجب: ودا مش عاجبك في اي يا ترى!
سليم بحده: مش شايفه انه ضيق من عند صدرك
فريال بصدمه من جرأته: لا مش ضيق... انت بس متركزش معايا
وحملت بعض الأطباق وخرجت دون أن تعطيه فرصه للحديث وهو حمل معها الباقي وخرج واخيرا اكتملت سفرتهم وتجمع الاربعه حولها......
**********************************
على السفره
كان يجلس سليم في الكرسي المنصف وبحواره فريال وهدي وامامهم أمير..... كان أمير ينظر لهدى نظرات إعجاب وهيام بشكل كبير حتى ان الجميع لاحظ هذا مما جعل الحمره تكسوا وجهها
فريال بسماجه: اي يا أمير باشا... شيفاك مكلتش لقمه لحد دلوقتي الاكل مش عاجبك ولا انت لقيت حاجات احلى منه
أمير بجرأه: أحلى بكتير
سليم بحمحمه: احم احم... طب كل ما أمير يا حبيبي دوق المكرونه حلوه فريال اللي عملاها
أمير وهو يتذوق: حلوه اوي فعلا... تسلم ايدك
فريال بغيظ: بالهنا... كلي يا حبيبتي
هدى بإيماء والخجل يكسو وجهها:باكل اهو
أمير بتلاعب: دوقي كده البانيه... طعم اوي
فريال وقد ضربته بقوه من أسفل الطاوله مما جعله يتأوه بألم: مالك يا باشا خير يارب
أمير بألم: عربيه نص نقل عدت على رجلي
فريال بخبث: سلامتك... الف سلامه
سليم بضحك: ها يا أمير ظبط كل حاجه علشان مشوار الصعيد دا
أمير بجديه: كلو تمام... بكره هنسافر الفجر والفرح
هيبقى بالليل على طول ابوك مش صابر حتى يوم نرتاح فيه... وبقلك اي نوره قايده البيت حريقه
STAI LEGGENDO
(نوڤيلا) ضحية التنين
Storie d'amoreوبعد كل عسرٍ يسرٍ اكيد ✨ رساله قصيره احببت توصيلها للعالم الكبير الذي نعيش به لعل احدهم يعلم حقيقة هذه الدنيا فأنها ليست باقيه ولا يبقى سوى الحب فقط🤍✨
Part 7
Comincia dall'inizio
