حِبُ جَنِسُيُ

آ̀لبآ̀ر̀ت(3)

• حنين : حسيت نفسي اريد انتقم من اهلي ومن نفسي وردود افعالي سلبيه كلش قررت اتصل بأمير
يعني اهلي مو بعينهم اني صاينه ثقتهم ومحافضه ع نفسي وسمعتي غير هم يفكرون عدهم بنيه يهتمون بيها يسالونها ويدرون بيه وحيده عالاقل لو واحد منهم يصادقني يساألني يهتم بيه

• امير : الو منو ( هواي عندي قديمات وجديدات ) غير اتأكد هههه
• حنين : اني حنين شنو معرفت صوتي
• امير : اخ الله لج حتى صوتج يختلف منين الله خالقج
• حنين : كلامك معسول مبين مدرب ع الحجي ويا البنات
• امير : لا والله اني كل همي عائلتي والشغل و وحده ابالي
• حنين : لاتمثل وتكول انتي ابالي
• امير : انتي شوفه عينج شكد معجبات عندي وبس يردن يوصلن الي حتى بالخط وياج وماكذبت ع وحده وكتلها معجب بيج بس انتي صدك عجبتيني ودزيتلج هبه

• حنين : مشفت وحده براسها حظ معجبه بيك بس الخفيفات
• امير : ههههه انتي صريحه لج فرحان بأتصالج كولش واخيرا الله هداج
• حنين : اليسمعك يكول تنتظرني سنين.....هنه شهرين ونص ....وهيج دااقره واجه رقمك كبالي كلت اخابره اكسب بي اجر ههههه
• امير : اروح فدوة للتخابرني ههههه تدرين الخط بدونج اليكول رايحين للنجف دفانه مو للمدرسه
• حنين : ههههه اويلي عليكم هاي هيج مكاني فارغ
فرحت بكلامه وحسيت بالسعاده لان مهتم صح عندي احساس هو يمثل بس اتغاضيت احساسي وبقيت مثل اليكذب ع نفسه
• امير : حسيت نفسي فزت التحدي ويا نفسي وحسيت بأنتصار حتى هاي الماتطخ راس لواحد جبتها للدرب شكد سبع اني ومرغوب عد البنات هههههه
• حنين :اليوم سبت نزلت جوه وضع اهلي لعبان نفس
• ابو حنين : انتي صايره متحترمين يرادلج تربيه من جده وجديد
• اخوها الجبير : المدرسه طلعت عينج اني اعلمج
• حنين : امي اذن من طين واذن من عجين يكبرون بسالفه مصايره ويبالغون ويظلموني واني لاحول ولاقوه والله اسمع مصايب البنات وسوالفهم اكول شلون اهلهم ميقتلوهم خلاص وشلون الهم نفس هيج يسوون واني ممسويه شي ومحاربيني
• امير : اتصل عليها مترد
• حنين : كمت اخلي فوني فوك وصامت لان اخاف يتصل امير ....صعدت لكيته متصل.....اتصلت بي
الووو ... اسفه الفون صامت واني جوه
• امير : اشتاقيت اسمع صوتج من الصبح ...تريكتي ؟ وششوكت كعدتي
• حنين : لا متريكت وكعدت ب7 (اسئله تافهه بس مفتقده هيج اهتمام)
• امير : شو مغبشه شكو مو عطله اليوم
• حنين : مو باجر امتحان انكليزي ولازم اطلع بي درجه تعوضني عن الشهر الاول
• امير : شكد اخذتي بالشهر الاول
• حنين : 81
• امير : هههههه خير من الله لعد هبه اخذت 28
• حنين : لازم اطلع 100 او بالتسعينات حتى اسيطر علمود اخير السنه اطلع معدل زين
• امير : عوفي الامتحان تعالي ندردش
• حنين : ياهو الاهم نسولف لو الدراسه
• امير : نسولف طبعا ههههههههه
• حنين : لاامير اذا تعزني شجعني ادرس
• امير : لج اني خريج شحصلت من الشهاده
• حنين : ظلينه نسولف لحدما الوقت فاتني والوقت البقه اقره بي بالي مو يم الدراسه
• امير : اليوم احد طبكت ابابهم من االصبح
• حنين : سمعت الهورن احس كلبي كام يدك سريع اني اول وحده بالخط صعدت
• امير : صباح الحب والعسل والورد وكلشي حلو بالدنيا
• حنين : لاتخجلني امييير صباح النور
• امير : وجهه صار احمر من تغزلت بيها مبينه بنيه نظيفه وعليك يالله
لج ماريد اصعد وحده بالخط اريد نبقه بس اني وانتي
• حنين : يوووو امير كااافي
• امير : تعالي اكعدي يمي بالصدر
• حنين : لاعيني لا اسكت واكعد راحه
• امير : فرحان بيها والطريق كله اغاني حبجيات
• حنين : احساسي سعاده ع خوف ع طايره بأهتمامه وكلامه المعسوول
• هبه : لك امير شو لاتسال ع حنين لا تتوسل بيه اجيبلك اخبارها
• امير : لج بابا اني امير تعصه عليه وحده مو عيب مو فشله ههههه
• هبه : ههههه والنعم .... بس امير عليك الله هاي مو البالك اذا تفكر تتزوج اتزوجها بس علاقه ولعب حرام عليك البنيه خوش بنيه
• امير : دنجبي لج يازواج اموت ومااخلي علاكه بركبتي ابقه طير حر من بنيه لبنيه اننننني اميييير اتزوج واتقيد وتحاسبني وين رحت وين اجيت وخنت وطلعت وصاحبت شبيه تخبلت لو تخبلت
• حنين : استلمت ورقه الانكليزي ماخذه 15 من 60 هه !!! مدري ابجي مدري اضحك انصدددمت
• امير : انتظر اباب المدرسه كاعد بالكيه وطلعت عيونها يردن يطكن وجفون عيونها دم مبينه باجيه نزلت من الكيه ركضت عليها شكو
• حنين : خانكتني العبره بس كتله معليك ودموعي نزلن
• امير : صعدن بالخط وعرفت هي راسبه بالانكليزي كمنه نحشش عليها اني والبنات
• هبه : لج لاتبجين هو احنه مال مدرسه نموذجيه..احنه مال مدرسه اهليه وننجح بالفلوس هههههه
• حنين : احجي عن نفسج هبه كولشي ولاالدراسه
• امير : اني كملت المرحله الاولى وخليتها تتعلق بيه وتحبني بس لهسه مدازتلي صوره ولازم ابدي بالمرحله الثانيه
• حنين : وصلت للبيت اني سألتني شبيج تبجين كتلها راسبه بالامتحان واخويا سمع كبل صاح اي بطلي احسنلج هو انتي فاشله
• امير : ها حبيبتي شلون صرتي والله مردتي كلبي ....لج عبالي قويه طلعتي ام دميعه
• حنين : (الفرق بينه وبين اهلي هه!)انقهرت امير شلون ارسب غير اتخبل
• امير : حنوشة شايفه من تبجين احسج طفله هيج بدي اكركطج تكركط .....خرب تصيرين حلوة بالزايد
• حنين : هههههه امير وراي نص سنه لازم نقلل مكالماتنه داالتهي عن دراستي وكافي تتغزل بيه وتحرجني اصير مااعرف احجي وارتبك
• امير : اوك لعد بشرط
• حنين : وهو ؟
• امير : دزيلي صوره الج او مقطع فيديو اي شي يعوضني بحيث من تقرين واشتاقلج اطلع صورتج اصبر بيها نفسي

• حنين : سالمين امير انت مو دتشوفني يوميه
• امير :كل عقلج واذا اشوفج يوميه وين اكو وحده مترسل صورتها لحبيبها
• حنين : اي ماداعي اذا حبيبها يشوفها يوميه
• امير : لابله ....اكلج حنين خاف انتي دتضحكين عليه رايدتني تقضين وقت براسي
• حنين : اي مو اني بنت شارع حتى هيج اسوي
• امير : كمت اضبط عليها سويتلي عركه ومخابرتها
• حنين : اصعد بالخط ميديرلي بال ويشاقه ويا البنات شقه طوخ وهن مطياته مجال متت بغيرتي
• امير : حاربتها محاربه نفسيه 3 ايام اني ممخابرها ولامهتم لوجودها
• حنين : اني كولش تعلقت بي وتعلمت ع اهتمامه وصار فراغ بحياتي مو طبيعي احسهن 30 يوم مو 3 ايام بالي وتفكيري وكلبي وعقلي وكلشي يم امير بقيت اكابر حتى مااخابره ولاارسله مسج
• امير : متاكد منها ترجعلي . كلما اشتاقلها اخابرلي وحده من صديقاتي وابقه ادردش وياهن
• حنين : ماتحملت وتنازلت اتصل بي مشغول !!!! فوك الساعه احاول ويطلع مشغول
• امير : الوو ها حنين
• حنين : شو حنين ماكو حبيبتي؟
• امير : انتي معتبرتني حبيب حتى اعتبرج حبيبتي؟
• حنين : اي طبعا معتبرتك حبيبي ومالي غيرك بس كولي ويامن جنت مشغول ...

يتبع
.
.
.