حيادر الراء .

البارت الواحد والعشرين .

- العيب بالجيب داده
- حووواء
- نجبي

مسحتها وكالت :- تره ولله حلـوة عليج

- ميخالف بس عيب صغيرة مو زينة عليه هاي السوالف كُلها مال اطلع كدام ولد وحمرتي طوخ وهاي السولف لا عيني ماترهم الي هاي السوالف عليه

صفنت وكالت :- شلـون تفكييييير عجبني يله عـوفي وأمـشي ننزل

- نزلي أنتِ اذا تردين أني باقية هُنا
- ماشي

نزلت حواء وره شويـه بدلت ملابسي ونزلت يم أمي وعمـتي وحواء لكيتـهن يسولفن مر الوقـت وصار الليل كمنـة أني وحواء نحضـر للعشة سويـه ما نحس اله عيطـة أسماء :- بطنننني ولج يُمممه

أمي وعمتي طفرن فوك وأني وحواء هم طفرنة فوك شفناها لازمة بطنها وتصيح صاح حليم :- حييييدر السويج بسرعة

حيادر مجان بالغُرفة من صاحة حليم سمعت صوتة بالممر صاح :- تعـاال أخذة

قبل لا يطلع حليم يجيب السويج كال :- عباه يُمه فدوة ونزلوها وراي

لبستها عباه وكالت :- تعالن شيلنها وياي ولجن

حواء :- تعالي رتوج

كوه شلناها أني وحواء وعمـتي وهيَ تُصـرخ بعدنة دانـزل بيها واظافرها نبتـن بجلـدي اباوع على حواء هم نفس الشي وتصيح من الوجـع

حواء :- أيدي أسمااااء

عمتي :- عذريها يالمفلوكة

حواء :- يُمه تزرفت أيدي

سكتت حواء وصلنـاها للسيارة وصعـدن أمي وعمتي وطلعو للمُستشفى رجعنـة أني وحواء جوه شفنـة حيادر دايـشرب مي باوع عليه وصعد فـوك

باوعت عليه حواء :- عود صدُك دايحجي ؟