اسيرة ال حارث

البارت الحـادي عشـر

أنا فقط مُتعب وبدأتُ بالذبول..!
جسدي لم يعد يقوىٰ علىَ الصمود،
قلبًا واحدًا لايكفي لكل هذهِ التراكمات،
أشعرُ إنَّ رئتين لاتكفيني للتنفّس..!
قدمايَّ أصبحت لاتساعدني علىٰ المسيرُ
والركضِ، لاشيء بي يكفيني لتحمل كلَّ
هذا العبء، أحتاجُ تجديد الكثيرُ من أعضاء
جسدي التي أصبحت لاتقوىٰ علىٰ أداء وضائفُها
أريدُ العبور من كلَّ هذا ساعديني يا أمي..!
إمسكي يدايَّ فأنا رجُلاً مُتهالكّ حد التعبّ.

ـ شنـوو اخـر الاحزان شبيج دكتوره لاتخبليني منو مااات ؟

- يابه الطفل مات الله يرحمه بس لتخاف البنيه مبيه شي ...

- دقايق والكل التم بلمستشفى امي وياسمين وامير ولبنات ...

- هايمه بشر شلونه فاطمه حبيبي وليدي ريح كلبي ..

- يمه هاي الدكتوره تخرط خرط بكيفه تره انـي مافهمت شتكول ..

- خاله فدوه طمنينه ماجاي نفهم على حارث ،،

- حبيبتي خاله البنيه كانت حامل ومضروبه على بطنها والطفل ميت الطفل ميت صار له يوم وهذا الشيء انتم ما تدرون بيه يعني لو باقي اكثر كان متضرره البنيه بس الحمد لله كدرنا يعني نسوي لها كور تاج وننقذ البنيه وقدر الله ما شاء فعل والبقيه بحياتكم

ـ يمه بتي يمه الله لايوفقك يحارث الله لاينطيك ليش هيـج اسوي بلبنيـه ليش موهاي امانه ...

-يمه اني شكوو ليش كله براسي ...

- حارث ترى انت اللي وكعت الطفل البارحه من تعاركتوا وجانت فاطمه ورا نوران ولما ضربت نوران جت الضربه فاطمه ترى هي صح ضربه مو قويه بس اثرت عليها لانه فاطمه تعبانه وفاطمه مريضه من زمان بسبب الضرب وبسبب الاشياء اللي سويتها الها تعبت وتعبت نفسيتها...

- اني وين ادري بها حامل جنت اضرب نوران وصارت هي بوجهي اني ولا ادري بيه حامل وليش ما حجت لي وليش ما كالت لي اني حامل ليش ضمت هل شي

ـ تره حته هيه متدري بنفسه حامل لاتحجي هل كلام ...

- استهدو بلرحمـن تره ماله دااعي اهم شي صحته واهم شي تكون بخـير الطفل يروح ويجي

-تره صوجك انته وكعته لاتغير

- شبيج ياسمين تخبلتي شوكت اني وين ادري ...

- خلص حارث فدوه اني اختك واعرف هوايه اشياء لكن ساكته لخاطر امي ولخاطر عيونكم اكوا مانريد مشاكل العالم تتشمت بيـنه

- بس ولله موقصدي لاتخليني اتخبل ..

- سد الموضوع يمه شي راح ماتكدر ترجعه بعد هاهيه

بقيت ايام بلمستشفى لأن وضعه تعبان مومال اطلعه هسه وحالته تعبانه فه قررت ابقيه ترتاح اجدادي عرفو بلموضوع يوميه واحد متصل شوكت تطلع ...