*ازاي انتظم في الصلاة*♥️🌸
*بوست للمحافظة على الصلاة♥️🌸*
بص انت اول حاجة توب وارجع لربنا صلي ركعتين توبة واقعد استغفر وادعي ربنا يثبتك على الصلاة وخد عهد بينك وبين ربنا انك هتصلي علطول ومش هتسيب فرض
وادعي بالدعاء ده دايما
"رب اجعلني مقيم الصلاة ومن ذريتي ربنا وتقبل دعاء "
الدعاء ده والله جميل جدا
خلي على لسانك علطول
وحاولي تعرف ربنا اقرأي عنه وعن اسمائه الحسنى وتفسير ها اعرف ربنا كويس واقراي عنه واقرأ عن اهمية الصلاة وثوابها وعقابها لازم تعرف ان احنا جاين عشان نعبد ربنا وربنا غني عن صلاتنا وطاعتنا بس احنا اللي محتاجين ده الصلاة هتريح قلبك هتغفر ذنوبك هتنور قبرك هتجعلك لك نور يوم القيامة الصلاة هتدخلك الجنة بإذن الله النبي صل الله عليه وسلم هيعرفك من كثرة الوضوء وجهك و ايدك ورجالك هتنور من اثر الوضوء، وان اول حاجة هتتسألي عنها هي الصلاة مستعد للأجابة لو جالك ملك الموت دلوقتي هتقوله ايه استنى شوية لمة اتوب استنى لمة اصلي تخيلي انك موت ايه اكتر حاجة هتندم عليها اكيد ع الصلاة لأنها عماد الدين ومن غيرها الدين هيتأسس ع ايه
هتبقى عايز ترجع للحظة واحدة بس عشان تصلي بس خلاص صلي قبل ما تقولي
"رب ارجعون لعلي اعمل صالحا فيما تركت"
صلي قبل ما تقولي
"ان تقول نفس يحسرتي على ما فرضت في جنب الله وإن كنت لمن الساخرين "
قدمك فرصة انت لازم تستعد وتخد عهد انك هتصلي ومش هتسيبي فرض من انهارده ومن اللحظة اللي بتقرأ فيها الكلام ده محدش ضامن عمره
اول سؤال
هيتسأل للناس اللي ف النار
"ما سلككم في سقر قالوا لم نك من المصلين"
ايه اللي دخلكم سقر وسقر ده وادي في جهنم هيقولوا انهم مكنوش بيصلوا
ايه في الدنيا يسوي انك تسيب الصلاة وتتكاسل عنها
هتقول لربنا ايه لمة يسألك مكنتش بتصلي ليه هتقوله ايه اصل كنت مشغول اصل كنت مش فاضي اصل.. اصل.. اصل ايه هناك يأما جنة يأما نار معملتش لليوم ده ليه من دلوقتي توب لعلها اخر رسالة هتجيلك وبعدها يتوفاك الله توب من دلوقتي وارجع لربنا اسمع مقاطع دينية عن ربنا وعن ثواب وعقوبة الصلاة اعرف ربنا صح اتعرف ع صحبة صالحة تشجعك وتخد بيدك للجنة،صاحب اللي يشدك لطريق الصح
احفظ مواعيد الصلاة واتوضى قبل الصلاة ب 5 دقايق وافرش سجادة الصلاة واستعد واول
او اعمل ركن مخصص لك في البيت تحط في سجادة الصلاة والسبحة والمصحف وخليك ع وضوء دايما كل اما تدخل الحمام اتوضى خليك ع وضوء دايما قبل الصلاة واول ما تسمع الأذن اجري وسيب كل اللي في ايدك وروح صلي احب الأعمال إلى الله الصلاة على وقتها
انت رايح لملك الملوك رايح تقف قدم ربنا استشعر النعمة العظيمة دي استشعر نعمة الصحة والستر والقدرة ع الحركة والوقوف والجلوس في ناس صحتها ع قدها وكبار سن وشباب وبيصلوا لو مش قادر تصلي وانت واقف صلي وانت قاعد لو تعبان جدا جدا ومش بتتحرك صلي بعيونك لو مفيش مياه للوضوء اتيمم ربنا سهلك كل حاجة كل حاجة عشان تصلي مفيش حجة
اعرفي صحبة صالحة تشجعك وشجاعوا بعض وصلوا مع بعض
او صلي مع اهلك وشجعوا بعض
ودايما استغفر وصلي على النبي صل الله عليه وسلم كتير واستغفر بنية الهداية وادعي كتير
ربنا يثبك ويجعل الصلاة قرة عينك 🤍🌺
.. 🤍🤍
