نور اضاء حياتي

الحلقة واحد و خمسون

براء ااااااا واشنو 

 يمان غمضت عينيا و قلتلها كان في عمري 18 سنة كنت في اخر عام تاع الثانوي كان وقتي كامل غير قراية حتى نقدر نثبث نفسي في نهار ممن النهارات جات طالبة جديدة للثانوية تاعنا و بالصدفة قعدها الاتاد حدايا 

وبعد مدة عرفتها انها ادكى الطلاب متفوقة و الكل متعجبين منها حتى الشاب تم حبو يصادقوها و كانت ترفض لانها كانت تبان غريبة الاطوار لبستها هدرتها كلشي فيها غريب  المهم في نهاركان عندنا بحث و طحنا انا و هي فريق واحد لانني انا وهي تقريبا نفس المستوى و تفتهمنا نتلاقاو في دارها رحت عندها استقبلتني نورمال وبقينا نقراو و نحكيو و في الحقيقة انا قلتلني الفضول حبيت نعرف كيفاش راهي متفوقة هكا حتى لقيتها جبدتلي مشطة تاع دواء و قالت كل ماتقرا مادة تشرب حبة منو لانها ترفع من معدل الدكاء و الاستعاب وانا كنت بالنية صدقتها وطلبت منها نجربو و قعدنا نقراو و كي كملنا شربت حبة منو ممبعد حسيت جسمي يترخي و احساس منقدرش نوصفو  وخرجت من عندها وبعد يومين سلمولنا البحث و دينا علامات كاملة و وليت كل يوم نطلب من عندها الحبوب هدوك ممبعد قلتلها اطلبيي كمية كبيرة من الحبوب هدو قالتلي ماشي انا الي نجيبهم كاين واحد يجيبهملي  عطيتها مبلغ كبير وبعد سمانة جابتلي منهم ووليت نشرب منهم باستمرار و مستوايا الدراسي طلع بزاااف بصح مستوايا الصحي في النازل و الحبوب ولاو بالنسبة ليا كي الاوكسيجين الي نتنفسو كون مشربهمش في مدة تاع اربعة ايام نولي كي المهبول رجعت ليها قلتلها زيدي جيبيلي قالتلي النوع هداك مولاش كاين بصح جابولي نوع احسن قلتلها معليش جيبيلي نجربهم تاني نهار عيطتلي رحت لدارها لقيتها حاكمة برا و تدير فيها في دراعها هنا انا توسوست منها قلتلها واش هدا قالتلي هدا هو البديل عن الحبوب قلتلها بصح هده مخدرات مترفعش من مستوى الذكاء حتى خلعتني كي قالتلي بلي  هي علابالها من الاول بلي هدو مخدرات وبلي هي متقدرش تتخلا عليهم وبلي انا تاني خلاص والفتهم كيفاها منقدرش نحبسهم خليتها و خرجت مخلوع و حاس روحي في دوامة ووعدت روحي منزيدش نشربهم ومع وصلت للدار طيشتهم في لابوبال بصح نهار واحد ومقدرتش نقعدو بلا بيهم عاودت وليت نشربهم و اسوء رجعت نطلب من عندها وهنا بدات معاناتي مع الادمان وليت نتعاطى كل نوع تجيبهولي وفرطت في قرايتي في ماكلتي في كلشي وليت غارق في التعاطي وليت حتى الخمر نشرب وكل المنكرات درتهم وليت انا وهي من بارات و الكباريات منخرجوش خلطتها بانت شراب تعاطي كل حاجة ماشي مليحة تجي في بالك درتها 

 براء نسمع فيه و نبكي قلتلو يمان خلاص متكملش والله علابالي الموضوع يوجعك انا و متحملتش نسمع اكثر وين انت الي عشتيه

 يمان لالا خليني نهدر انت لازم تعرفي 

المهم بابا ولا ينسيستي عليا باه نروح للسبيطار لان حالتي الصحية مولاتش تطمن وليت جلد و عظم ولات يما تبات تبكي عليا حتى السيارة الي كنت نحلل بابا باه يشريهالي بعتها باه نصرف على المخدرات هنا دارنا بداو يشكو فيا في الليلة هديك رحت مع الطفلة للبر وخلطت بزاف مع الشرب طحت من طولي لان جسمي مولاش يقاوم من الضعف بزاف و كي شتافتني طحت هربت وخلاتني داوني للسبيطار ومن تحليل الدم خرجلهم اني مدمن و عيطو لدارنا جاء بابا و خوتي بابا قريب مات من الخوف عليا