سجين الحب «الأصلية»

الـقسم الثاني من البارت 25

#سجين_الحب
زهــــــــراء الحــــريري
البـارت الخـامس والعشرون ــ القسـم الثـانـي

ادري ماتسوة لچن بعدك عزيز
اذكر سويعات منك زينه..
                                                      
كون ترهم چا نسيتك من زمان
لچن الياخذ مكانك وينه ؟

باسل

♡♡♡♡♡♡♡♡♡♡♡♡

لتين

واكفه بالباب عيوني على الورقة الي بين ادية كاضبها واصابعه ترجف..

رجعت رفعت عيوني عليه ينظرلي بنظرات ترجف منتظر مني أنفي كلامه.

عصرت عيوني بقوة اهجس عالمي اني وباسل من هذهِ اللحظه أنهدم فوك راسي اعرف ومتيقنا بعد اليوم مستحيل نعيش طبيعي

فتحت عيوني من انسحبت من زندي بقوة سد الباب،، رجفت كل أعظامي وانا ادحج بعيونه رفع الورقة مقابيل عيوني

من شفتها رجعت بذاكرتي لذاك اليوم نزلت عيوني اني شلون أنسى هيج شي..

الله شاهد مالي گصد بس ناسيتها بين سجلات القديمة وضاعت عليَّ لو مذكرتها جان وريتها مثل ما وريت حبه بداخلي

نظراته تريد تذبحني بمكاني زفرت النفس المتراگم بصدري، حايرة شنو أحجي وشلون أفهمه وافسر له كل شي أنتهى

باسل:  أحجي كبل لا أنتحر بيج هين

لساني ثكل وعيوني نترست بالدموع سكوتي ودموعي ونظرات الخجل جانت جوابي لـ سؤاله

فتح عيونه بـ عيوني نظراته تحاول تذبحني غمضت عيوني بقوة ماتحملت نظرات الاشمئزاز عكس كل مرة نظراته جانت فايضة بالحب والحنية

ضحك بالم

باسل: عيشتوني دور المغفل

فتحت عيوني بس بالعجل نزلتهن نظراته مخجلتني وماعندي اي كلام اكدر احجي او بـ الاصح كل الكلام تبخر من عندي،، انفاسه الغاضبه تور بروحي

باسل: اخوي وحرمتي من وراي عايشين الحب وانا ياغافلين الكم الله

رفعت راسي بصدمة لكيت الدموع تارسة عيونو هزيت راسي بالرفض بقوة

لتين: باسل وغلاتك كل شي أنتهى من يوم زواجنا

رفع كفه سد اثمي ودفعني بقوة على الباب ظهري نضرب بمقبض الباب هجست روحي نار اشتعلت بيها من الألم وگلبي ضعفت نبضاته..

راد يحجي بس عجز غمض عيونه بألم واضح بعده مصدوم بعد جفه عن اثمي يفرك بشعره وحجى بصوت واحد صارت الدنيا سودة بعيوني وضاقت عليّ رغم وسعها

باسل: ربي أاااخذ عمررري ولا تخليني أعيشي بـ هذا الغدر،، رحمتك ياااا أرحم الراحمين

وكعت دموعي وگلبي نعصر من كلامه كضبت زنده وهو نشط أيدي مبعدها عنه يدحك بكره وهو يضغط اثمه بعصبيه