وانتي هتعملي ايه اردف بها نوح ب حيرة بعد ما قصت عليه نور كل ما حدث مع كرم
نور ب شرود : مش عارفة
نوح ب جدية : الاختيارين أصعب من بعض لو وافقتي مش هتقدري ترجعي حقك منها ولو رفضتي حياة اخواتك هتبقى في خطر
نور ب وجع : انا تعبت يا نوح مبقتش قادرة استحمل لو رفضت هتقتل حور ونجمة وياسين اغلي حاجة في حياتي
اغمض عينيه ب قوة لا يعلم كيف يساعدها يكره رؤيتها هكذا ولكن ماذا يفعل اقترب منها وضمها ب قوة وكأنه يريد زرعها داخله
نوح ب حنان : هنلاقي حل متقلقيش ...... بس مش عايز اشوفك كده طول عمرك قوية متتضعفيش دلوقتي علشان ضعفك ده هيكسر كل اللي برة
نور ب دموع : كنت بستقوي ب حور بس سابتني ومشيت .... طول الوقت اللي فات كنت بدعي القوة والصلابة علشانهم بداري وجعي عنهم وبرسم ابتسامة علشان ميضعفوش في يوم بس خلاص تعبت
مسح دموعها ب يده وأردف
نوح ب حنان : دموعك دي بتحرق قلبي يا نوري انا هحل كل حاجة بس مش عايز اشوف الدموع دي تاني
نور ب حب : انا بحبك اوي يا نوح
نوح ب حب : وانا بعشقك يا امبراطورتي
ابتسمت ب حب فهو ب كلمة واحدة ينسيها حزنها ووجعها كم تعشقه وتشكر الله كل لحظة على هذا الزوج الحنون
نوح ب ابتسامة : ايه رأيك نخرج شوية وحمزة مش واخد باله كده
نور ب ضحك : وهنخرج ازاي وهما برة
نوح ب مكر : تعالي ورايا بس
أمسك يدها وسحبها خلفه الي مكتبة صغيرة في المكتب وابعد الكتب عن بعضها ظهرت لوحة مفاتيح أدخل بعض الأرقام وفتح باب خلف المكتبة فتحه نوح ونظر لها وجدها تنظر له ب ذهول
نوح ب ابتسامة وهو يتنحي عن الطريق : من بعدك سنيوريتا
نور ب ذهول : هو البيت ده كله أماكن سرية
نوح ب ضحكة سلبت قلبها ل المرة المليون : هتتعودي مع الوقت يلا قبل حمزة ما يطب علينا
نور ب ابتسامة خبيثة : لا حمزة مش فاضي بيروق على ضيفنا مع باسل
نوح ب ابتسامة خبيثة : يبقي الله يرحمه بقي
ضحكت عندما تخيلت ما سيفعله حمزة وباسل به ودخلت من الباب ونوح خلفها بعدما أعاد كل شيء كما كان دقائق وكانت تنطلق سيارة نوح ب سرعة البرق نور تصرخ ب حماس شديد
❤❤❤❤❤❤❤❤❤❤❤❤❤
اخيرا بقيتي مراتي ومحدش يقدر يبعدك عني تاني اردف بها ياسين وهو ينظر الي روميساء ب عشق يفيض من عينيه
روميساء ب حب : انا حاسة اني في حلم جميل ومش عايزة افوق منه ابدا
ياسين ب ابتسامة : اوعدك هخلي حياتك احلي من أي حلم حلمتيه وإن الابتسامة مش هتفارق وشك ابدا وهعمل كل اللي اقدر عليه علشان تبقي سعيدة
DU LIEST GERADE
الامبراطورة والنمر
Actionهى : قوية وعنيدة تكره الخسارة وتكره موضوع تعدد الزوجات هو : قوى ووسيم يكره تعدد الزوجات ولكن أرغم على الزواج ثلاث مرات الغلاف من تصميم Designflowers@
