“ဒါပေမယ့် အခင်းအကျင်းကို ဂိုဏ်းအကြီးအကဲတွေ လာစစ်မှာစောင့်ဖို့လိုသေးတယ်လေ။”
“ငါ့တပည့်ကို သွားအကြောင်းကြားခိုင်းလိုက်မယ်။ ငါတို့နှစ်ယောက် တစ်လတောင်ပင်ပင်ပန်းပန်းအလုပ်လုပ်ထားရတာလေ။ အပြင်ထွက်ပြီး ပျော်ကြရအောင်ပါ။ သူတို့ဘာမှမပြောပါဘူး။ ပြီးတော့ ငါဧည့်ခံမှာ။ ဒီည အကောင်းဆုံးမိန်းကလေးတွေပဲ ရစေရမယ်။”
လုရှောင်ယန် ထပ်ငြင်းမည့်အချိန်မှာပဲ ဝမ့်ခိုက်၏အသံက သူ့စိတ်ထဲတွင် ပေါ်ထွက်လာလေသည်။
[သခင်၊ သခင်၊ ကျွန်တော် အာကေရှားဂိုဏ်းခွဲနားမှာ SSSအဆင့်ဉာဏ်ကြီးရှင်တစ်ယောက် တွေ့ထားတယ်]
“သေစမ်း!”
တကယ်ကြီး SSSအဆင့်ဉာဏ်ကြီးရှင်လား!
ကြီးမြတ်သောကျိုးရဲ့မင်းသမီးဖြစ်တဲ့ ကျီဝူရှားတောင်မှ SSအဆင့်ဉာဏ်ကြီးရှင်ပဲလေ။
သေရော! လုရှောင်ယန်၏သွေးတွေ ဆူပွက်လာတော့သည်။
“ဝမ့်ခိုက်၊ မင်း ဝိညာဉ်လမ်းညွှန်သုံးလို့ရတယ်မဟုတ်ဘူးလား? သူ့ကို ဒီရောက်အောင်ခေါ်လိုက်လေ။”
[သူက အခုအလိုက်ခံနေရတယ်၊ ဒီအထိရောက်အောင် လမ်းမညွှန်နိုင်ခင်ကို သေမှာ]
“…..”
“လောင်လု၊ ဘာဖြစ်လို့လဲ?”
လီတောက်ရန် အံ့ဩသွားကာ လုရှောင်ယန်ကို နားမလည်နိုင်စွာကြည့်လိုက်သည်။
လုရှောင်ယန် သူ့စကားတွေကြားပြီး တက်ကြွသွားပြီဟု ထင်မိသွားသည်။
လုရှောင်ယန် ခေါင်းယမ်းလိုက်ကာ တံဆိပ်ပြားတစ်ခုထုတ်ပေးလိုက်သည်။
“ဘာမှမဖြစ်ပါဘူး။ မင်းတပည့်ကို အကြီးအကဲတွေဆီ ဒီတံဆိပ်ပြားပေးဖို့ ပြောလိုက်၊ ဒါက ထိန်းချုပ်မှုတံဆိပ်ပြားအသစ်ပဲ။ ဒါမရှိဘဲ တပည့်တွေ ဒီအခင်းအကျင်းအပြင်ကို လွယ်လွယ်ထွက်လို့မရဘူး။”
YOU ARE READING
ပြိုင်ဘက်ကင်းအသန်မာဆုံး သခင်ကြီး
Fantasyပြိုင်ဘက်ကင်း အသန်မာဆုံး သခင်ကြီးစနစ် Eng Title - I am such an Expert; Why do I have to take Disciples Author - Wood Easily Starts Fire Genre - Action, Adventure, Fantasy ဘာသာပြန် - CHARM. Y
အခန်း ၁၇ အရမ်းစွမ်းတယ်
Start from the beginning