في الاسكندريه في حي شعبي وخصوصا في بيت مكون من طابقين الدور الثاني ساكن فيه مدحت ومراته اللي مهاش لطيفه خالص وقاسيه جدا وعندو ولد عمرو عشر سنين وفي الطابق الارضي ساكن اختو وبنتها ريم اللي عندها 21سنه دي بقي بطله قصتنا جميله جدا وبشرتها بيضه وشعرها حرير مغطي ضهرها بالكامل عيونها زيتونيه جميله مامتها اسمها اميره وهيا اخت مدحت وعايشه معاه في نفس البيت علشان جوزها ميت
وفي سطح البيت
كان واقف مدحت مع صاحبه ممدوح وماسك سجاره فيها مخدرات
ممدوح:وقتها قال:حلو اوي السجاره دي يا مدحت
مدحت:اه ما انا عارف دا انا وخدها من الزعيم الملك يوسف الدالي
ممدوح:منين وانت تعرفو ازاي اصلا دا واصل
مدحت:ما انا اشتغلت معاه وبقيت بوزع هنا
ممدوح:يخربيتك يا مدخت هتودي نفسك في داهيه
مدحت:داهيه داهيه بس الفلوس اي عنب انا اصلا ناوي اعمل فيه مقلب واخد البضاعه ومش هيشوف وشي تاني اساسا انا معرفتوش اني من الاسكندريه واخت الفلوس لوحدي
ممدوح:بلاش تلعب بنار انت متعرفش الناس دي وانت عندك عيلتك يا مدحت
مدحت:يا عم ملكش فيه يالا بقي معسلامه
وتحت في الشارع
كانت ريم واقفه معه خطيبها ماجد اللي بتحبو من وهما صغيرين وهما مخطوبين من سنتين لاكن ظروف ماجد تمنوعه من الزواج دلوقتي
كان واقف علي المقروباص الخاص به وبيقول:وحشتيني يا ريم
ريم:وانت اكتر يا ماجد علفكره أنا زعلانه منك
ماجد:وانا مقدرش علي زعل ست البنات اي اللي مزعلك مني
ريم:بقي انا ارن عليك وانت مترودش عليا يا ماجد
ماجد:والله التلفون فصل مني انا ميمنعنيش ارد عليكي غير الشديد القوي
ضحكت وقالت: ربنا يخليك ليا
ماجد: ويخليكي ليا يا ست البنات كلهم
ماجد في القوت دا طلع كيسه من العربيه في انواع من الشيبسي و الشكولاته وادهلها
ريم:تسلملي يا ماجد هو انا قولتلك اني بحبك انهارده
ضحك علي طريقت كلامها وقال:لا مقولتيش حاجه انهارده
ريم:مع علشان كنت زعلانه بس خلاص بلكيس دا خطفت قلبي
ماجد:انتي بقي مش خاطفه قلبي انتي خاطفاني انا شخصيا يالا بقي يا ست البنات اطلعي وانا هشحن الشاحن واكلمك
مشت وهيا بتبتسم بحب وبتقول في سرها ربنا يديمك ليا في حياتي
اما في الناحيه التانيه في قصر عائله الدالي كان وقتها قاعد شب عندو 30سنه محدش يستهين بقوته لانو يملك جيش كبير يعمل في بيع المخدرات وكمان يملك شركه استراد وتصدير فيها فروح كتير بشرق الاوسط كان وقتها يوسف قاعد حاطط رجل علي رجل وبيبص لمدحت اللي كان ميت في هدومه
مدحت:انا تحت امرك وهخلي ثقتك فيا تجبر اكتر
