သင်သည် မိန်လိ ထံမှ အမျက်ပွိုင့် ၂၃၃ ရရှိလိုက်သည်။
ဇူအန် ကြောင်သွားသည်။
သူက အဲ့ဒီလိုပဲ ထွက်သွားပြီတဲ့လား။ ပြီးတော့ ဘာဖြစ်လို့ ခင်ဗျားက စိတ်ဆိုးနေရတာလဲ။
“အစ်မမိဖုရားကြီး ဘာတွေမှားနေလို့လဲ” ဇူအန် မေးလိုက်သည်။
“နင် မေးရဲသေးတယ်” မိန်လိ ချက်ချင်း သင့်တော်အောင် ထိုင်လိုက်သည်။ “ အခွင်အရေးအပြည့်ယူတဲ့ နင်ဆိုတဲ့ အကောင်က တစ်ညလုံး ငါ့ကို ဒီလို မလျော်မကန် မြင်ကွင်းမျိုး ပြရဲတယ်”
သင်သည် မိန်လိ ထံမှ အမျက်ပွိုင့် ၅၁၃ ရရှိလိုက်သည်။
ထိုစကားကြားရသောအခါ ဇူအန် ကြက်သီးဖျင်းဖျင်းထသွားသည်။ “ခဏ. ခဏနေပါဦး။ ကျုပ်တို့ကို ကြည့်နေဖို့ ဘယ်သူက ခင်ဗျားကို ပြောလို့လဲ။ ခင်ဗျား မျက်လုံးမှိတ်ထားလည်းရတာပဲလေ။ မဟုတ်မှလွဲရော ခင်ဗျား တစ်ညလုံး ကြည့်နေတာလား။ ဘုရားရေ။ ကျုပ် အခွင့်အရေးယူခံလိုက်ရတယ်လို့တောင် ခံစားလိုက်ရပြီ”
စောင်ကို အမြန်ကောက်ယူလိုက်ကာ သူ၏ ကိုယ်တွင် တင်းကြပ်စွာ ပတ်ထားလိုက်သည်။ နှာဗူးတစ်ယောက်၏ ရန်မှ ကာကွယ်သည့်ဟန်မျိုးဖြစ်သည်။
“...” မိန်လိ
“ငါက အခွင့်အရေးယူခဲ့တယ်လို့ နင်ပြောလိုက်တာလား” မိန်လိ က သူ၏ အိပ်ရာ ဘေးသို့ ချီတက်လာပြီး ခုတင် ဘောင်ပေါ်သို့ ခြေတစ်ဖက်တင်လိုက်သည်။ သူ့ကို သူ အန္တရာယ် အရိပ်အယောင်ပေးနေသော မျက်လုံးများဖြင့် အပေါ်စီးမှာ ငုံ့ကိုင်းကာ စိုက်ကြည့်လိုက်သည်။
မိန်လိ၏ အဝတ်အစားမှာ ယခင်ကထက် ပိုမို ဖော်ပြနေသည်ကို ဇူအန် မတတ်နိုင်ဘဲ သတိပြုမိလိုက်ရသည်။ သူမ ရင်သား၏ အကွေးကြောင်းလေးပင် ပေါ်နေသေးသည်။ “ချင်ခေတ် က အဝတ်အစားတွေက အဲ့ဒီလောက်တောင် ပွင့်လင်းလို့လား”
မိန်လိ၏ အဝတ်အစားများမှာ သူမ၏ စိတ်အသိဖြင့် ဖန်ဆင်းထားသည်ကို သိထားရမည်ဖြစ်သည်။ ထို့ကြောင့် ၎င်းတို့သည် သူမ၏ အမူအကျင့်စရိုက်အပေါ်တွင် လုံးဝ မှီခိုနေသည်။
ဝိုး သူက တကယ်ပဲ လည်ဟိုက်အင်္ကျီ ကို ဝတ်ထားတာပဲ။ ကြည့်ရတာ အစ်မမိဖုရား က အတော်လေး ဂနာမငြိမ်တဲ့သူထင်တယ်။
