*ကိုကို..*
ကော်ဇော်နီ၏ ထိပ်တွင် ဘောင်းဘီထဲ လက်ထည့်ကာ ရိပေါ်အား ပြုံးရယ်ပြီး ကြည့်နေသည့် ကိုကို။ ရိပေါ်ဆီကိုပဲ တစ်စိုက်မက်မက်ကြည့်ကာ ခန့်ညားစွာ ရပ်နေ၏။
*ဟဲ့ အဲ့တာ Xiao group CEOမလား*
*အမလေး သူ့ကောင်လေးကို လက်ထပ်ခွင့်တောင်းတာထင်တယ်*
*ရိုချက်က ငါတို့သေလို့ရပြီဟဲ့*
ရိပေါ် ကော်ဇော်နီပေါ် တစ်လှမ်းချင်း လျှောက်လာ၏။ ခြေတစ်လှမ်း လှမ်းလိုက်တိုင်း ဒူးတွေ ခွေကျမတတ် ရင်တွေခုန်နေသည်။ လက်တွေလဲ အေးစက်နေကာ ဘယ်ကနေဘယ်လို ငိုချင်စိတ်တွေ ဖြစ်လာမှန်းမသိတော့။
အားလုံးက လက်ခုပ်တွေ ဝိုင်းတီးကာ ဓာတ်ပုံတွေ ရိုက်နေကြသည်။ ရိပေါ် ရှောင်းကျန့်အရှေ့ ရောက်သွားသည်နှင့် ရိပေါ်ရှေ့ ဒူးထောက်လာသည့် ကိုကို။ ရှောင်းကျန့်သည် သူ့အရှေ့တွင် ဒူးထောက်မှုဟာ ဒါ ဒုတိယအကြိမ်ဖြစ်သည်။
*ကိုယ့်ကို လက်ထပ်နိုင်မလား အဆိုးလေး*
တန်ဖိုးကြီး လက်စွပ်လေး တစ်ကွင်း။ ပန်းတွေပျံ့ကြဲနေသည့် ကော်ဇော်နီတစ်ခု။ သီချင်းသံအေးအေးလေး။ အားကျသည့် အကြည့်တွေဖြင့် ကြည့်နေသည့် လူများ။ ပြီးတော့ ရိပေါ်အချစ်ရဆုံးသော သူ။ ရိပေါ် ငိုကာ သူပါ ဒူးထောက်လိုက်ပြီး ရှောင်းကျန့်၏ လည်တိုင်အား ပွေ့ဖက်ကာ ပုခုံးပေါ် ခေါင်းမှောက်ပြီး ငိုချလာ၏။ ခေါင်းလေးကလဲ တစ်ဆက်ဆက်ညိမ့်ကာ
*ငါက မင်းကလွဲပြီး ဘယ်သူနဲ့မှ ငါ့ဘဝကို စလဲမစချင်သလို အဆုံးလဲ မသတ်ချင်ဘူး ကိုကို။ ငါ မင်းကို အများကြီး ချစ်တယ်*
*ကိုယ်လဲ မင်းကို အများကြီးချစ်တယ် ရိပေါ်*
ရိပေါ်၏ မျက်နှာလေးအား လက်ဖြင့် မ,ယူလိုက်ပြီး အနမ်းနုနုလေး ဖန်တီးပေးလိုက်သည်။ အားလုံး၏ လက်ခုပ်သံတွေက ပိုကျယ်လာသလို အားကျသံတွေကလဲ Mallတစ်ခုလုံးဆီပျံ့နှံ့နေသည်။ ကွမ့်ကျွင်းလဲ အပေါ်ထပ်ကနေဘော့စ်နှင့် ရိပေါ်ကို ကြည့်ကာ ပျော်သည်။
သူ့အစီအစဉ်လေးက ကောင်းကောင်းမွန်မွန်ပြီးမြောက်သွား၍ အခုမှပင် စိတ်အေးနိုင်တော့သည်။Xiao group၏ CEOသည် သူ့ကောင်လေးအား လူအများကြားတွင် ဒူးထောက်ကာ လက်ထပ်ခွင့်တောင်းသည့်ကိစ္စသည် ခနလေးအတွင်းတင် နာမည်ကျော်သွားတော့၏။
For...⚠⚠⚠
Почніть із самого початку
