Jun You Ji Fou 君有疾否《Myanmar Translation》

आप पढ़ रहे हैं

रोमांस

Author::Ru Shi Wo Wen Year::2017 Chapters::89+3extras Original Publisher::jjwxc Both Uincode & Zawgyi are available. This novel don't belong to me.So,i give full credit to the original Author Ru Shi Wo Wen & Eng Translator. Cover photo is from Goo...

#ancientchina #bl #handsomemalelead #powercouple

Ch-12

शुरू से प्रारंभ करें:

लेखक: Kha__Kha

ချူးမင်ယွင်က စုရှစ်ယွီကို အနောက်ကနေကြည့်နေပြီး သူ၏လက်ကိုရင်ဘတ်ပေါ်တင်၍ အတွေးများ ရွက်လွှင့်နေသည်။စုရှစ်ယ်ွီနဂိုအတိုင်းပြန်လှည့်လာတာမြင်ရတာ အပြင်သို့ထွက်တော့ရန် အဆင့်သင့်ဖြစ်နေသည့်ပုံပင်။ချူးမင်ယွင်က သူ့ကို ရပ်တန့်သွားရန် တစ်ခုခုပြောခါနီးဆဲဆဲ ဘေးဘက်မှ လှုပ်ရှားမှုအသံလေးတစ်ခု ကြားလိုက်ရ၍ သူ၏မျက်လုံးများမှာ ဘလင်းဘလင်းထကာ တောက်ပသွားသည်။သူက အနောက်ဘက်တွင် တင်းကျပ်စွာပိတ်ထားသောတံခါးကို ကြည့်ရှုရန်လှည့်လိုက်ပြီး စုရှစ်ယွီကိုလည်းပြောလိုက်သေးသည်။
"ဒီကိုလာ"

စုရှစ်ယွီသည် သူ့ဘက်သို့လှည့်လာပြီးသားဖြစ်သည့်တိုင် ထူးထူးဆန်းဆန်းလျှောက်လှမ်းလာလေသည်။
"အရာရှိချူး ဘယ်လို?"

ချူးမင်ယွင်ကသူ့ကို တံခါးအနောက်ဘက်သို့ ဦးဆောင်၍ ခေါ်သွားစဥ် သူ၏ခါးမှာ ထိုလူ၏လက်မောင်းထဲသို့ လုံးလုံး ဆွဲခံထားရပြီး တစ်ဖက်လူ၏ရင်ဘတ်ဖြင့်ကျောထောက်နောက်ခံပြု၍ ကာကွယ်ပေးခံထားရသည်။စုရှစ်ယွီသည် ပင်ကိုယ်အသိစိတ်အရ ရုန်းလိုက်ပေမယ့် ချူးမင်ယွင်၏အခြားလက်တစ်ဖက်က သူ၏ရင်ဘတ်တစ်လျှောက် လှမ်းလာပြီး မလှုပ်ရှားနိုင်အောင် ချူပ်တည်းထားလိုက်လေသည်။ထို့နောက် ချူးမင်ယွင်သည် ခေါင်းကို တစ်ဖက်သို့ ငိုက်ချလာပြီးသူ၏နှုတ်ခမ်းလေးကို စုရှစ်ယွီ၏နားရွက်လေးတစ်ဖက်ပေါ်သို့ ဖိကပ်ကာ ညင်ညင်သာသာလေးပြောလိုက်သည်။
"ရှူး တိုးတိုး"

ပူနွေးသောအသက်ရှူသံလေးက သူ၏နားဖျားလေးကိုတိုက်ခတ်သွားပြီး နူးညံ့ညင်သာမှုများ ရောစွတ်နေသောအသံလေးက စုရှစ်ယွီ၏မျက်ခုံးများကို တွန့်ကွေးကျဥ်းမြောင်းစေသည်။သို့သော် သူသည်ကိုယ့်ကိုကိုယ်မလှုပ်ရှားမိအောင် မနဲအတင်းအကျပ်တိုက်တွန်းနေရရှာသည်။ချူးမင်ယွင်စကားပြောနေသည့်အချိန်တွင် သူလည်း အပြင်ဘက်မှ ခြေသံများကို ရေးရေးလေးကြားလိုက်ရသည်။

ယမ်းမှုန့်တွေကိုပါ မှောင်ခိုတင်သွင်းခြင်းသည် မယုံကြည်နိုင်လောက်အောင် အန္တရာယ်များသောအလုပ်ဖြစ်သည်။အာဏာပိုင်အဖွဲ့၏စစ်ဆေးခြင်းနှင့်နှိုင်းယှဥ်ကြည့်ပါက ဤများပြားသောအနက်ရောင်ယမ်းမှုန့်ပမာဏများဟာ အသက်အန္တရာယ်ရှိစေသည်။အကယ်၍ တစ်စုံတစ်ခုမှားယွင်းသွားပါက မီးပွားလေးတစသည် ကောက်ရိုးပုံတစ်ပုံလုံးကို မီးစွဲလောင်နိုင်သကဲ့သို့ရင်နှီးမြှုပ်နှံထားသော ငွေလုံးငွေရင်းကို ဆုံးရှုံးရုံသာမက မရေမတွက်နိုင်သောလူ့အသက်ပေါင်းများစွာကိုလည်း ဆုံးရှုံးမည်ဖြစ်သည်။ဒါ့ကြောင့် ထန်ကျင်းသည် မည်သည့်မီးစမှဝင်ရောက်လာတာကို တားမြစ်ပိတ်ပင်ရန် ကင်းလှည့်အစောင့်များနှင့်တကွ ကြိုတင်ပြင်ဆင်ထားတာဖြစ်သည်။အခုအချိန်တွင် ကင်းလှည့်အစောင့်တစ်ဖွဲ့ ဖြတ်သွားတာဖြစ်မည်။