اسيرة قدرك

البارت 31

-اخذج غصب عن ابوج و عن الكل..

-بكد حلاوة الحب و البدايات الحلوة
اليوم ضكت لوعة الخيبة و الفراك ايهم
جان امنيتي واني امنيتو لو بابا شوي بس
مفكر مثلنا جان ما حرمنا بسبب تافهه

كمت قفلت الباب و طلعت الهدايا وعيني
ادحج عليهن بحزن معقولة كل هذا انتهى
وصار مجرد ذكرى واي ذكرى
ذكرى تنهش بالكلب و تضعف دكاتو..

-خليت ايدي على القلادة ابتسمت بقهر
بهذا اليوم هواي توسنا و ضحكنا رغم جنت
حذرة من انو احد يلمحنا جان متفائل بوقتها
و اني اكثر منو بحيث جان ردي
انو يلبسها الي بيوم العقد شنو الي صار
وكل هذا اختفى مددت بالكاع و دموعي
تنزل مقهورة حيل اكثر من ساعتين واني
على نفس كعدتي و دموعي ما وكفو
شنو اتذكر
لو شلون انسى و اتجاوز
شلون راح انسى نظراتو الي اول يوم شفتو
لو كلامو و حبو
لو من يحجي بلهجتي واني اضحك عليه..

-عجل يول احبج جثير يالوريتي كلبو
لايهم ور..

واني ارد عليه.. جا اني احبك اكثر..

-جانت امنيتو ياخذني و يتحدى الكل
و نتحدى الطائفية بس ما جنت اعرف
هيج نهايتنا..

-ماما دكت الباب كمت بتعب و فتحتو
الها هي من شافت حالي استغربت و قبل لا
تسألني حجيت..

-كلو بسببكم كلو بسبب بابا و تفكيرو الهمجي
خلي يرتاح الشيعي الي ما يريدو راح يخطب
ماما ايهم راح يخطب غيري
ليش هيج سوه بابا ليش هيج قاسي شكد
اجه و توسل بي شكد جاب ناس
احجي و ابجي و حتى على بابا حجيت..

-هي حضنتني و بجت.. كافي بنيتي شبيدي
عليج والله هواي قنعته وحتى زعلت منه
بس هذا تفكيره انسي يمه الله يوفقج انسي
واني جنت منهاره ابجي واحجي واحس
كلبي دكاتو راح توكف من القهر..

ريا..

-طلعنا و بسيارة خليت حمره سمر شافتني..

-يمه منج شكد تعاندين لخاطر الله مو عركة خالي
وياج كلها عليها..

-ما جاوبتها رحنا فترينا هواي تونسنا واشترينا غراض ولبناتي اشتريت و لاسر هم اشتريت كم شغله بقينا فتره غيرنا جو و اسر كل شويه يدك عليه يله وين صرتو
لاتمشين ورافعه عيونج وصيري بسد زيد
صحت..

-كافي اسر فدوه كافي ما صارت طلعة..

-من رجعت مسحت الحمرة قبل لا يشوفني اسر و يكلب الدنيا عليه وصلنا وهو خطيه
لكيته حاير بريا بس تبجي شايلها و يفتر بيها اخذتها منا ورحت للغرفة ذبيت جنطتي وراح
من بالي موضوع الحمرة..